رواية بنات المنشاوي الفصل السادس بقلم خلود وائل
رواية بنات المنشاوي الفصل السادس
سيف بغضب:ايه ال انتي عملتيه يامجنونه انتي ؟
آيه:دة واحد مش متربي
سيف:وانتي ال جايه تربيه مش كدة
آيه:اربيه واربي ال مشغلينه كمان
دعاء بخوف:اسكتي خالص ياآيه ثم التفتت الي سيف قائله:حقك عليا ياسيف بيه انا اسفه امسحها فيا انا
آيه:هو مين دة ال بتتأسفيله انتي اجننتي ولا ايه يادعاء
سيف:مين الغبيه دي يادعاء
آيه:غبيه مين ياحيوان اققف معوج واتكلم عدل
دعاء :اخرسي خالص ياآيه دة سيف بيه مدير الشركه....حقك عليا ياسيف بيه انا اسفه جدا يااستاذ حامد وبعتذرلك بالنيابه عنها
آيه بعنف:بطلي تقللي من نفسك بأعتزارتك دي انتي نسيتي انتي تبقي مين
سيف:تبقي مين يعني . ها ...دي موظفه عندي تكونيش فكراها رئيسه مجلس الادارة ...بتاع ايه تمدي ايدك علي واحد من اهم موظفين الشركه تطلعي مين انتي
آيه بتحدي:تبقي مين فدي تبقي دعاء المنشاوي ومديت ايدي علي اهم موظف في الشركه علشان راجل حقير وزباله كان عاوزني اروح معاه شقته اققضي معاه ساعتين وهيدفعلي تمنهم ...وانا اطلع مين فأنا آيه طايع المنشاوي اخت دعاء الموظفه ال شغاله عندك
سيف:اطلعي برة انتي واختك
آيه:يعني هتطردني من الجنه ...يلا يادعاء
دعاء بترجي:انا اسفه ياسيف بيه والله هي متقصدش اختي هبله وعلي نياتها حقك عليا انا
آيه بجنون:سيف بيه مين وزفت مين انتي بتتحايلي عليه ليه بتقللي من نفسك علشان ايه يلا بينا من هنا يادعاء
دعاء بتعنيف:امشي روحي يلا ياآيه .....يلااااا
اشتعلت عيون آيه الزرقاء غضبا مما فعلته اختها فهي لا تعلم انها في امس الحاجه لهذا العمل من اجل تعليم اختها ومتطلبات حياتهما.....دقيقه من الصمت سادت في المكان وسط اندهاش الموظفين من تلك المشاكسه التي اثارت غضب سيف الحديدي وتحدته امام اعين الناس ولم تأبي لمكانته ومركزه وقطعتها آيه بأنسحابها وخروجها من المكان تاركه الشركه بأكملها ومتجهه نحو بيتها لترتمي علي سريرها مطلقه العنان لدموعها لعلها تخفف مرار الحزن الذي احتل قلبها اما عند دعاء في الشركه
دعاء:انا بكرر اعتذاري ياسيف بيه بجد متزعلش منها آيه مجنونه ومش عارفه بتقول ايه
سيف:تقدري تشوفي حسابك ومتجيش هنا تاني
دعاء بتوسل:ارجوك ياسيف بيه انا محتاجه الشغل وصعب اني الاقي وظيفه تانيه ....ارجوك ياسيف بيه
سيف بغضب:ابقي خلي الست والدتك تعلم اختك الاحترام والزوق في الكلام
دعاء بألم:معلش ياسيف بيه بس يمكن لو كانت آيه شافت والدتي الله يرحمها مكانش بقي حالها كدة
شعر سيف بالندم لما قاله خاصه ان دعاء بدأت عينيها تلمع من تجمع الدموع بها
سيف:تقدري تروحي مكتبك يادعاء واختك دي متجيش هنا تاني مفهوم
دعاء بفرح:مفهوم يافندم
.........في الصيدليه عند ورد...........
ورد:حضرتك هتاخدي الحبوب البمبي دى واحدة بعد الفطار وواحدة بعد العشا والفوار دة بعد الغدا والف سلامه علي حضرتك
الزبونه:تسلمي ياقمر ياذوق
ورد بأبتسامه:نورتيني
خرجت الزبونه ليدخل بعدها عاصم الذي كان يتابع ورد من بعيد
عاصم:يابختها والله ال هتاخد دوا من ايديكي
ورد:انت يابني مبتزهقش
عاصم:حد يزهق من الشيكولاته الجلاكسي
ورد:اممم وبعدين يعني اخرتها معاك ايه
عاصم:كل خير والله ...انا كنت حابب اعزمكم انتي واخواتك علي رحله بتطلعها كل سنه الشركه ال بشتغل فيها يعني تصيفو وتغيرو جو وعلي فكرة مامتي ونؤة اختي بيطلعو معانا
ورد:معلش مش هينفع خالص
عاصم:ليه انتي ودعاء خدو اجازة من شغلكو دول ٣ايام بس وبالنسبه لجامعه آيه ف اول اسبوع دة بيكون اي كلام مبيشرحوش حاجه مهمه يعني
ورد:وانت عرفت منين بقي
عاصم:عقبال عندك منا مهندس معماري قد الدنيا
ورد:امممم طب بتعمل ايه ياال قد الدنيا في السوبر ماركت
عاصم:انا بشتغل طول الاسبوع في شركه للمعمار وبعد العصر قاعد في السوبر ماركت ال هو اصلا بتاع ابويا الله يرحمه
ورد: الله يرحمه
عاصم:جهزو شنطكو بكرة هنسافر بعد صلاة الفجر
ورد:ايه الثقه دى
عاصم:منا حجزتلكو خلاص مفيش كلام
ورد بدهشه:من غير ماتعرف رأينا!
عاصم:حضرتك مفيش حد بيقول لا لشرم الشيخ
ورد:بس انا مش موافقه
عاصم وهو يغمز لها بعينيه:بكرة بعد الفجر متتأخريش
القي كلمته وهم بالخروج لتبتسم ورد وهي تراقب اثره
........في قصر المنشاوي..........
صفيه:كلمتهم ياولدي
فارس:اطمني يما انا كل يوم بكلمهم واطمن عليهم ورد بتشتغل في صيدليه جمب بيتهم ودعاء بتشتغل في شركه محترمه وآيه ظبطلها ورقها في الجامعه وامورها تمام
صفيه:اسكت يافارس قلبي كان هيقف النهاردة لما عرفت ان ابوك بعت سليم وفراچ ومعاهم الغفر لجامعه آيه طول اليوم كنت بدعي ربنا ميعرفوش عنيها حاجه
فارس:متقلقيش يما انا عملت حساب اكدة وبعت ناس حبايبي من زمان نقلو ورق آيه وظبطو كل حاجه من غير مااظهر انا في الصورة
صفيه:يعني اطمن ياولدي
فارس:اطمني يما طول ماانا معاهم عمر ماحد هيوصلهم
صفيه:يحميك ربنا ياولدي ويكملك بعقلك
مساءا في شقه الفتيات دخلت ورد بعد يوم طويل في الصيدليه لتجد آيه تجلس في غرفتها ويبدو عليها الحزن
ورد:مالك ياآيه مش عوايدك تقعدي ساكته
آيه:هقوم ارقص الوقتي حاضر
ورد:اباي عليكي ...شكلك معاجبنيش فيكي ايه
آيه:متشغليش بالك بيا روحي لدعاء مكلتش حاجه من ساعه مارجعت من الشغل
ورد:يامري من العصر مداقتش الزاد
لم تستطع آيه كبح دموعها من النزول لتفجر باكيه:مقدراش اتحمل اكتر من اكدة ياورد مقدراش واصل
ورد:فيكي ايه ياحبيبتي
آيه:مقدرتش اشوفها بتحتايل عليه علشان ميطردهاش من الشركه ....اختي حبيبتي ال كلمه منيها تمشي بلد بحالها بتتأسف لشويه كلاب وعلشان ايه ...ملعون ابو القرش ال يزل الناس اكدة ليه يحصل معانا اكدة ليه
ورد:فهميني براحه ياآيه مفهماش حاجه عاد
آيه بشهقات متتاليه:روحت لدعاء الشركه ال بتشتغل فيها النهاردة ووقفت استناها تخلص شغل وقتها جالي واحد ضايقني بالكلام وانا ضربته بالقلم وشافني صاحب الشركه وبهدلني بالكلام وانا مسكتلوش ودعاء قعدت تحتايل عليه علشان ميرفدهاش وانا متحملتش اشوفها اكدة
دعاء بدموع:ولا انا اتحمل اشوف محتاجه حاجه ومعرفاش اجيبهالك
نظرت الفتاتان لبعضهما نظرة طويله لتنسحب ايه بهدوء من احضان ورد لترتمي في احضان دعاء ويكملان دموعهما سويا......
بعد فترة من الوقت:...
ورد:جتكو القرف كنت جايه افرحكو معايا سديتو نفسي
دعاء:خير ياورد
ورد:عندينا طلعه
آيه:علي فين؟!
ورد:شرم الشيخ
آيه ودعاء:بجد بتتكلمي جد
آيه:شرم الشيخ دي بتاعه الافلام صوح
دعاء:دي ال كان فيها فيلم خليج نعمه صوح
ورد بصحك:صوح هي ال بنشوفها في الافلام
آيه:ودي هنروحها كيف ومنين الفلوس ياورد
ورد:عاصم عزمنا احنا التلاته مع امه واخته وانا وافقت
نظرت دعاء وآيه لبعضهم بمكر ثم نظرتا لورد
ورد:في ايه!بتبصولي ليه اكدة
دعاء:قولتيلي عاد عاصم ابن ام عاصم ال عازمنا صوح
ورد بتوتر:صوح
آيه بمكر:كتر خيره والله انه عاوزك تصيفي
ورد:مش انا لوحدي وانتو كمان معايا
آيه ودعاء:اممممممم
ورد:في ايه يابت منك ليها لو مش حابين منروحش خلاص
آيه:لا وعلي ايه نروح ونشوف الدنيا مخبيالنا ايه
ورد:انا اخدت اجازة من دكتور محمد وانتي يادعاء خدي اجازة انتي كمان
دعاء:طب اقوم الحق اكلم سلمي تاخدلي اجازة
ورد:قوليلها٣ايام
دعاء:بحالهم دة سيف بيه هيعلقني من قفايا
آيه بتذمر:طب خليه يقربلك وانا كنت طخيته عياريين وارتاحت من قرفه
دعاء:والله سيف بيه طيب ومحترم ومتواضع والله انتي بس ال حظك جه معاه اكدة
آيه:اسكتي انتي بدل مااقتتلك وياه دة انسان معندوش ريحه الدم ومغرور وشايف نفسه...
قامت دعاء لتكلم سلمي لتخبرها بما اتفقت عليه مع اخواتها وفي فجر اليوم التالي استيقظو جميعا من النوم وادو صلاة الفجر لينادي عليهم عاصم ويجتمعو جميعا امام المنزل ويتفاجئو بتغريد التي همت بحمل حقيبتها والنزول معهم
عاصم:انتي راحه فين ياحجه
تغريد:ايه ياعصومي مش عاوزني اجي ولا ايه
عاصم:عادي بس محجزتلكيش في الرحله ولا عملت حسابك
تغريد:مش هتحس بيا خالص والله اوعدك
هناء:يلا ياجماعه هنتأخر
وصلو جميعا بعربه اجرة لمكان ركوب الاوتوبيس لتبداء رحلتهم المليئه بالاحداث المشوقه
.....اشرقت الشمس وجميعهم في الاوتوبيس حيث تجلس دعاء بجوار هناء ومقابلهم ورد وآيه وفي الجهه الاخري عاصم وبجوارة والدته ومقابله تغريد وزميلته المهندسه رانيا....
عاصم:محدش بعرف يغني ياشباب ولا ايه
آيه بمرح:دعاء صوتها حلو اوي
تغريد:سمعينا حاجه لعمر دياب بقي
دعاء:سيبكو منها ياجماعه دي مجنونه
ورد:غني يادعاء انتي صوتك حلو
رانيا:ياستي غني واحنا هنغمض عنينا
ضحكو جميعا ووسط الحاحهم غنت دعاء بصوت جميل اغنيه رومانسيه واختارت هذة الاغنيه بالتحديد لأن فارس كان يطلبها منها بأستمرار فهو يعشق صوتها 😍
بدأت دعاء بالغناء واندمج معها باقي المسافرين ودقائق وبداء اصدقاء عاصم يرقصون ويهتفون بأغاني مهرجنات وطوال الطريق سادت حاله من الفرحه والسعادة ...بعد ساعات طويله توقف
توقف الاوتوبيس اما احدي فنادق شرم الشيخ لينزلو جميعا منه ويجلسون في الاستقبال وبعد دقائق انهي عاصم كافه المعاملات الورقيه واخذهم الي غرفهم حيث تشاركت كلا من دعاء وورد وهناء وآيه وتغريد في غرفه واحدة اما عاصم فكان مع اصدقائه وام عاصم في احدي الغرف مع احدي امهات اصدقاء عاصم وزميلاته
في غرفه الفتيات:....
هناء:٤سراير حلوين اوي وتغريد تنام ع الكنبه
تغريد:ليه بقي انشاء الله
هناء:عشان انتي دخيله في الرحله دي ومكناش عملين حسابك
تغريد:ملييش دعوة انا عاوزة سرير
هناء:خلاص نامي في الطرقه براحتك😛
تغريد:والله لو منيمتيني ع سرير لهروح انام في اوضه عاصم
هنا احست ورد بغيرة من كلام تغريد واحست برغبه عارمه بخنق تلك الفتاة التي تعدت حدود الادب مع ذالك المدعو عاصم ولا تعلم لما يشغل بالها وتفكيرها وسرعان مانفت هذا الاحساس واكملت توضيب ملابسها وبعد ساعه من الوقت المرح الذي قضته الفتيات ..دق عاصم باب الغرفه لتفتح له هناء
عاصم بمرح:جايين نقعد في الاوض ولا ايه
آيه:هنروح فين ياحضرة القائد
عاصم:عندي ليكو بروجرام هايل يامجند آيه
تغريد بدلع:محضرلنا ايه ياعصومي
عاصم بحزم:اسمي عاصم انا مش ابن خالتك علشان تاخدي عليا كدة
احست ورد بقلبها يقفز من الفرح لما سمعته من عاصم
تغريد:ايه ياعاصم بتعاملني ليه كدة
عاصم:اخلصو يلا مش طالبه نكد
دقائق ونزلت الفتيات للبحر ونظرات عاصم لا تفارق ورد
هناء:خف شويه يانجم تغريد ابتدت تاخد بالها
عاصم:بت هو انا كنت عشمتها بحاجه
هناء:لا بس هيا معشمه نفسها من وانتو عيال صغيرين
عاصم:مع نفسها بقي ...انا مبحبش غير ورد ومش هتجوز غيرها وتحمد ربنا اني سيبتها تيجي معانا اهو كسبت فيها ثواب
هناء:ياواد ياحنين
عاصم:حنين ورهيف والله يااوختشي بس نفسي الناس دي تحس بيا
هناء:اكيد حاسه بيك ياسمسم بس هي محترمه اوي مش بنت من البنات السهله
قضت الفتيات يومهم في لعب الكرة علي الشاطئ والتمتع بمياة البحر الجميله لينتهي اليوم بأصتدام آيه بشاب طويل القامه مفتول العضلات يرتدي شورت برمودة للركبه وبدون ملابس علي صدرة ولتتقابل عينيه الزرقاء مع عيون آيه المندهشه بشدة
آيه:هو انت!😤
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية