رواية طفلتي العنيدة الفصل السادس بقلم نانسي
رواية طفلتي العنيدة الفصل السادس
الاب بتنهيدة حزن: وبعد ما سبت القاهرة جيت هنا على اسكندرية وبدات انا ومامتكم حياة جديدة كلها حب ودفا وبعد فترة من وجودنا هنا جيتي انتي يا روز كنتي انتي اول فرحتنا لما انتي اتولدتي وانا شيلتك بايديا كنت مبسوط وهطير من السعادة عشان ربنا عوضني بيكي بس برغم كدا كانت فيه حاجة ناقصاني وهي وجود عيلتي جمبي كان نفسي ابويا وامي واخواتي يكونو معايا ويشاركوني فرحتي لكن كمان امكم ماقصرتش ابدا في واجباتها وكانت ليا الام والاب والصديقة وكانت كل ومازالت هتفضل كل حياتي انهى كلماته وهو ينظر لعائلته الصغيرة بحب
نانسي بدموع وتأثر لاول مرة : طيب جدو محاولش يعرف عننا حاجة طول السنين دي كلها
الاب بحزن : معرفش بس انا اتفاجأت بيه بيكلمني وكان صوته تعبان مقدرتش اعمل زيه واتخلى عنه لما طلب يشوفني وافقت وقولتله اني هاجيله بعد 4 ايام عشان اكون ظبطت كل حاجة للسفر وانتو كمان تشوفو دراستكم وتجهزو نفسكم
روز بابتسامة وهي بتمسح دموعها: بابا انا عايزة اقولك حاجة
الاب بابتسامة : قولي يا حبيبتي
نانسي وروز معا : انت احسن اب في الدنيا دي كلها احنا فخورين اننا بناتك
انه كلماتهم واندفعه الى احضان والدهم
بااااااك
ليفيقه من شرودهم وهم ينظرون الى بعضهم
روز بشرود : يااااه يا عبصمد كل دا حصل مع بابا وماما زمان يعني قد ايه واجهو حاجات كتير اووي
نانسي بابتسامة مرحة : فعلا دا غلبو المسلسلات التركي والله
روز بغيظ وهي تضربها بالوسائد : تصدقي انك عيلة فصيلة وتافهة هو دا كل اللي بتفكري فيه قال مسلسلات تركي قال
نانسي بضحك : يوه وانا مالي يا لمبي لتكمل بابتسامة : بس تعرفي ايه اللي مخليني مبسوطة كدا
روز : ايه يا اخرة صبري
نانسي بابتسامة : ان احنا هنقابل باقية العيلة وهنكون عيلة كاملة وهتعرف عليهم كلهم انا بجد متحمسة اووي للفكرة
بس انا ماكنتش اعرف ان فيه حب زي حب بابا لماما كدا كنت فاكرة ان الحب دا في الروايات والمسلسلات وبس وانه مش موجود خالص في الحقيقة
روز بابتسامة : اه فعلا وانا كمان متحمسة اووي
ومكنتش اعرف ان في حد بيحب كدا يا سلام لو تلاقي حد يحبك كدا حد يسيب الدنيا كلها عشانك حد مايهموش اي حاجة في الدنيا غير انك تكوني مبسوطة ويعمل المستحيل عشان يفوز بقلبك يكون مستغني عن الكل ويكتفي بيكي انتي وبس ومايملش منك ابدا ويفضل جنبك
ويكون راجل بمعنى الكلمة يكون صادق معاكي يحبك بعيوبك قبل مميزاتك حد لو الناس كلها شيفاكي وحشة وانتي فقدتي ثقتك بنفسك هو شايفك بعينيه انك احلى واحدة وقادر يجدد ثقتك بنفسك من تاني وحد قادر يخليكي تحبي الحياة وتشوفيها حلوة عشان هو موجود جنبك ❤
نانسي بمرح : الله بقى على اختي الشاعرة دانتي غلبتي هشام الجخ والله احييكي
روز بنفاذ صبر :يالله منك مبتعرفيش تسكتي خالص فصلتيني يا فصيلة يا رخمة انتي
......................💖......................
مساءا في قصر الحديدي
كان كلا من ادم ومي ووالد ووالدة ادم يجلسون في ساحة المنزل ويتراسهم الجد
الجد بهدوء وصرامة : الكل يسمعني ويركز هنا حابب اعلن عن قرار مهم
وبالفعل انتبه له الجميع
ادم باستغراب : قرار ايه دا يا جدي
الجد بهدوء : حابب اقولكم ان عمكم هيرجع البيت بعد تلات ايام
مي بتعجب : عمي بس انا ليا عم بس ليه محدش قالي قبل كدا اني ليا عم
الجد بغموض : هتعرفي كل حاجة في وقتها يا مي ومش بس عمك اللي هيجي وبناته الاتنين واحم مراته كمان
مي بحماس : الله بجد يعني انا هتعرف على عمو ومرات عمو وبنات عمو كمان انا متحمسة اووي
ادم بلامبالاة : طيب تمام يا جدي
وجاك كمان هينزل الاسبوع دا عشان يستلم معايا الشغل هنا
الجد بهدوء وغموض : طيب تمام اووي كدا
......................💙.....................
بعد مرور 3 ايام
في منزل نانسي
باسم الاب باستعجال : يلا يا بنات انجزه شوية عشان نلحق نوصل بدري
روز بابتسامة: انا جيت اهو يا حبيبي
الام نادية : بت ايه حبيبك اسمه بابا هو حبيبي انا وبس
روز بضحك : ههههههه سيدي يا سيدي عالناس اللي بتغير لتكمل بغمزة: وبعدين مباحبش اكبره هو لسة في عز شبابه الله
نانسي من ورائها : انا جييييت هيا بنا يا شوباب
روز بضحك: واهي جت المجنونة التانية ايه اللي انتي عاملاه في شكلك دا
فكانت نانسي ترتدي بنطلون جينز اسود وبلوزة بيضة وكوتشي ابيض وعاملة شعرها الطويل ضفيرتين 😂
نانسي باستغراب : مالي مانا قمر اهو
روز بسخرية : قمر بالستر يا روحي حد قالك اننا رايحين حضانة عشان عاملة ضفيرتين
نانسي بسخرية اكبر : لا رايحين نصلح عربيات بصي لشكلك انتي الاول
فكانت روز ترتدي سلوبيت جينز عليها سبونج بوب وعاملة شعرها كعكة
روز وهي تنظر الى نفسها : مالي انشاءلله دانا عسل يا اوختشي
نانسي بسخرية: اه عسل بالكعكة دي
روز : نعم ياختي مالها الكعكة انشاءلله مش احسن من الضفيرتين دول
الام بصراخ : بس بقى ياولاد الهبلة انتي وهيا حتى واحنا مسافرين مش بتبطلو خناق اسكته بقى
نانسي بضحك: وبتشتمي نفسك ليه دلوقتي يا والدتي
روز بضحك: حصل هدي اعصابك يا مامي دا احنا حتى مسافرين الله
الاب بضحك: طب يلا قدامي انتي وهيا
نانسي بمرح : جاهزون يا ابطال
روز بمرح ايضا : هاي هاي كابتن
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية طفلتي العنيدة" اضغط على اسم الرواية