رواية أحببت غامض الفصل السادس بقلم نورا
رواية أحببت غامض الفصل السادس
صحيت سيلا بفزع على جردل مياه نازل عليها واتصدمت لان زين هو اللى عمل كدا وقامت بعصبيه وقالتله:انت ازاى تعمل كدا وافتكرت انه عنده انفصام وقالت امم شكلنا هنبتدى بس على مين لو عملت كدا مره تانيه قول على نفسك يا رحمن يا رحيم
زين ببرود:خلصتى يلا تحضرى الفطار دلوقتى حالا تجهزيلى هدومى وتجهزى الحمام عشان ورايا شغل والفيلا دى كلها تتنضف ومفيش خروج بره الفيلا نهائى كل حاجتك هتلاقيها هنا فهمتى ولا ايه
سيلا بصدمه وضحكه اللى هو من الصدمه بتقوله:انت بتقول ايه مش فاهمه انا هعمل كل الفيلا دى لوحدى ومتجبش حضرتك حد يساعدني ليه ثم هو مين اصلا كان بيعملها قبلى اكيد مش حضرتك واكيد مش معاك فلوس على الفاضى ومش جايب حد ينضف ده كله فهمنى
زين:مش محتاج افهمك بس هفهمك عشان دا آخر سؤال وبعدين هتروحى زى الشاطره كدا تعملى اللى قولتلك عليه ومش هعيد كلامى اولا اه كان فيه هنا شغالين بيعملوا كل ده اكيد مش انا اللى هعمله ثانيا انا اتجوزت خلاص مش محتاج حد انتى موجوده ليه يعنى ولا إنتى فاكره نفسك عشان كنت معاكى كويس وكدا يبقى هتدلعى علينا لا انتى من هنا ورايح هتعملى اللى اقولك عليه وبس وإلا وقسما بالله يا سيلا لخليكى تشوفى سواد انتى فاهمه بيقولها بزعيق
سيلا اترعبت ومعرفتش تتكلم وقالت تهاوده دلوقتى وبعدين تعمل اللى هى عايزاه عشان ميتعصبش عليها فقالتله:فاهمه فاهمه وبتبتسم كدا وكدا
زين عارف انها هتعاند ومستنيها تعمل غلطه ومشى من قدامها
وهى راحت تعمل الاكل بسرعه وحضرت الهدوم والحمام وكدا وحطتله الاكل ولسه هتمشى قالها:استنى عندك دوقى الاول الاكل مش يمكن حطالى حاجه وانا معرفش
سيلا بصدمه انه ازاى يفكر كدا وقالتله:انت بتقول ايه ازاى تفكر فى كدا انا اه مش قبلاك بس مستحيل يوصل بيا انى اعمل كدا ولا اذى نمله حتى بس هدوقه وداقته وقالتله:كدا تمام ومشيت من قدامه وهو ابتسم بشر
وهى دخلت توضب المطبخ وقعدت تقول يارب يا ترى هيحصل ايه تانى هعيش ازاى مع واحد اصلا انا مش فاهماه وكل يوم بحاله يارب صبرنى بقا اهئ اهئ يارب اهديه او هده وضحكت وقالت انا بقيت هبله كدا ليه يارب استر عليا ومتجنش بسببه وكملت اللى بتعمله
وزين بره بياكل وفرحان الاكل طعمه حلو وسايب البت تتع*ذب وبيقول انتى اللى جيتى لقضاكى شكلك عملتى فى حياتك حاجه نيله عشان كدا اتجوزتينى (يعنى عارف انه لا يطاق)بس انتى بردوا مش غلبانه بس مش عليا انا هخليكى تتمنى بس اسيبك ومش هتنولى ده
وفجأه الجرس بيرن وقال بصوت عالى:سيلااا انتى يا بت تعالى شوفى مين
سيلا طلعت من المطبخ وبتقوله:الاه هو كل حاجه سيلا مانت قاعد اهو ونفخت وراحت تشوف لقت امها وأخواتها
فتفاجئت هى عارفه انهم مش هيجوا اصلا بس فرحت وافتكرت انها وحشتهم وحضنوها وفرحت اكتر وحضنتهم وقالتلهم اتفضلوا اتفضلوا انتوا مش محتاجين عزومه
زين شافهم ومقالش حاجه وقال لسيلا:انا ماشى بقا يا حبيبتى ورايا شغل ومشى
سيلا اتكسفت انه مشى من غير ما يسلم على عيلتها وكدا وقالت:معلش أصله مستعجل
امها بعد ما هو مشى قالتلها:مش مهم احنا جايين عشان نقعد معاكى انتى
سيلا فرحت وقالتلها:تنوروا يا حبيبتى بس تشربوا ايه بقا
امها:اى حاجه يا حبيبتى
سيلا:اشطا هعملكوا عصير واجى بسرعه
امها:ماشى يا حبيبتي
ومشيت سيلا وفرحانه اوى غلبانه يا عينى
امها قالتلها بصوت عالى:احنا هنتفرج احنا بقا على الفيلا
سيلا من جوه المطبخ:خدوا راحتكوا يا حبايبى
وراحوا وامهم قالتلهم يلا يا بنات ودخلوا اوضه النوم وهبه بتقول:الله يا ماما حلوه اوى
امها:اه والله يا بنتى دى احلى من اوضتنا تعالوا نشوف الهدوم اللى جايبهالها المحروس وفتحوا الدولاب وقالوا:الله الله ايه ده كله خدوا اللى انتوا عايزينه يا بنات
مروه:بجد يا ماما
امهم:اه طبعا يا حبيبتى ايه يعنى هو يبقى يجبلها
وخدوا نص الهدوم يعتبر واخدوا البرفيوم وكدا
فسيلا دخلت واتفاجئت وقالتلهم:انتوا بتعملوا ايه
امهم:بنعمل ايه البنات عجبوهم الحاجه قولتلهم ياخدوا وكدا كدا هو هيجبلك
سيلا:لا يا ماما معلش دى حاجه انا مش دافعه فيها فلوس ومش جيباها بفلوسى مقدرش اديهالكوا لان جوزى اللى جايبهوملى ومن فلوسه سيبى الحاجه يا مروه وانتى يا هبه وانا اما اشتغل ابقى اجيبلكوا
امهم:بس هما مش هيسيبوا حاجه وكلمتى اللى هتتسمع وجوزك معاه فلوس اد كدا يجبلك ولا انتى عشان اتجوزتى بقا ليكى لسان وبتعرفى تردى
سيلا:انا مش قصدى بس
قاطعتها مامتها وبتقولها:ولا قصدك ولا مش قصدك واحنا هنمشى بقا عشان مش فاضيين يلا يا بنات وخدوا الحاجه وتعالوا يلا
سيلا معرفتش تتكلم وسكتت وسابتهم يمشوا وادايقت وقالت وانا اللى افتكرتهم جايين عشان يفرحونى وعيطت شويه وبعدين مسحت دموعها وقامت عشان تخلص اللى وراها وشغلت ميوزك عشان تفرفش وتخلص وبعد معاناه خلصت وقعدت ترتاح عشان اتهدت يا عينى ونامت من التعب
جه زين وباباه وشافها نايمه فتعصب فقال لباباه ثانيه بس يا بابا
وراح يفوقها وقالها:انتى يا زفت*ه قومى قومى
قامت وقالتله بنعاس وتعب:ايه يا زين سيبنى شويه مش قادره
زين بعصبيه:قولت قومى يلا وحضريلى الاكل انا وبابا يلا على جوه
قامت سيلا بتعب وراحت تعمل الاكل
قام باباه شاف الموقف وقال سيلا سيلا
سيلا جات وقالتله:اايوه يا بابا (هى بتقوله بابا عشان بتحبه وبتعتبره زى باباها)
ابو زين ماهر:تعالى يا حبيبتى متعمليش حاجه انا هطلب اكل من بره
زين:لا هى هتعمل يا بابا بسرعه مش صح يا سيلا
سيلا:صح هعمله علطول يا بابا متقلقش
ابو زين:قولت لا انا هطلب ثم متدخلش بينى وبين سيلا يا زين يلا يا حبيبتى تعالى قوليلى عايزه ايه وانت يا زين اطلبلنا
زين اتعصب بس سكت وراح يطلب
وسيلا وباباه راحوا يقعدوا وبيهزروا سوا وسيلا فرحانه وبيتكلموا سوا
وزين قالهم:طلبت بيتزا وكريب يلا بقا خليها تقوم تعمل عصير
ابوه:فيه ايه يا زين انت عايز تقومها وخلاص انا مش غريب
زين:بابا هى اشتكتلك يعنى ولا ايه مش فاهم قولى
سيلا بخوف:والله لا والله ما قولت حاجه
ابو زين شك فيه وقالها:مالك يا بنتى زين عملك حاجه
سيلا:ابدا يا عمو دا زين حنين وطيب وبيعاملنى كويس
ابوه شاكك بس محبش يضغط عليها قالها:ماشى يا حبيبتي ربنا يخليكوا لبعض ولو عملك حاجه قوليلى وانا هوريه
زين كل ده مدايق وقال:ما خلاص يا حج وبعدين ما تقومى يا بنتى اقعدى هناك عايز اقعد جمب ابويا
ابوه:الاه ما الكنبه واسعه اهى يابنى تعالى اقعد الناحيه التانيه ولا انت غيران عليها منى وغمزله
زين:لا مبغيرش بس انا عايز اقعد معاك قومى يا سيلا قولت
قامت سيلا وقالتله:خلاص كدا ارتحت انا مش عايزه اكل اصلا انا طالعه ومشيت
ابوه:زين مالك بيها فى ايه
زين:فكك يا بابا بقا وقضوا اليوم سوا ومشى وسيلا فوق وطلع يوريها ودخل لقى.....واتصدم
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية أحببت غامض" اضغط على اسم الرواية