رواية حياة بقت حياتي الفصل السادس بقلم اسراء محمد
رواية حياة بقت حياتي الفصل السادس
حياه : ممكن بقي كوبايه نسكافيه كبيره شويه
يسري : عينيا حاضر
وسابها وراحت يجيب النسكافيه وهي مسكت الموبايل شويه
وفجأه شافت مراد كاتب ع الفيس ان خطوبته كمان 3 اسابيع
وعينها دمعت لا ارادي علي حب عمرها
وبعدين لاقت حاتم واقف جنبها
حاتم : بتعيطي لي يا شمس
حياه : ــــــــ
حاتم : شمــــس
حياه بانتباه : نعم
حاتم : بتعيطي لي
حياه : مفيش حاجه
حاتم : كل الدموع دي ومفيش حاجه
حياه بكدب : اصل افتكرت ماما
حاتم : مالها ماما
حياه : الله يرحمها متوفيه
حاتم بزعل : الله يرحمها بس هي مش محتاجه منك العياط
حياه : اومال عايزه مني اي
حاتم : عايزه منك الدعاء مش اكتر
حياه : بدعيلها والله بس العياط ده عشان انا اللي محتاجها
حاتم : فاهم والله بس الدعاء احسن من العياط
حياه : حاضر
قاطع حديثهم يسري
يسري : النسكافيه يا استاذه شمس
حياه : شكرا يا يسري
حاتم : معلش يا يسري هاتلي قهوتي هنا واتنين كيك
حياه : لي الكيك
حاتم : ليا وليكي
حياه : بس انا مش عايزه
حاتم : روح انت يا يسري بس هات الكيك شوكلت
يسري : حاضر
وسابهم ومشي
حياه : ملوش لازمه الكيك
حاتم : بس انا عايز
حياه : كنت طلبت لنفسك بس
حاتم : لا قوليلي بس
حياه : نعم
حاتم : انتي بتحبي الشوكلت ولا اغيرهالك
حياه بابتسامه : لا بحبها
حاتم : طب كويس
يسري جاب الحاجه
حياه : شكرا
يسري : العفو
حاتم : شكرا يا يسري
يسري : العفو
وسابهم ومشي
حاتم لحياه : قوليلي بقي يا ست الدحيحه
حياه بابتسامه : نعم
حاتم : انتي بقالك 3 ساعات او اكتر بتذاكري
حياه : ده قر يعني ولا اي
حاتم : لا والله مش قصدي بس كنت عايز اعرف انتي في كلية اي
حياه : هندسه
حاتم : وفي سنه كام بقي
حياه : في تالته
حاتم : وشاطره بقي ولا
حياه : لا شاطره طبعا
حاتم : يعني هنقولك يا حضرة المعيده قريب
حياه : ان شاء الله
وقعدوا شويه بين الضحك والهزار وبعدين
حياه : انا لازم امشي
حاتم : لي بس كده
حياه : عشان متأخرش
حاتم : طب هتيجي تاني
حياه : ان شاء الله
وندهت الجرسون
حاتم : بنتدهي الجرسون لي
حياه : عشان احاسبه
حاتم : لا المره دي عليا
حياه : مينفعش
حاتم : لا المره دي عليا عشان تيجي تاني
حياه : مجيتي هنا ملهاش علاقه بالحساب
حاتم : معلش خليها عليا المره دي
حياه : خلاص موافقه بس اوعدني لو جيت تاني تسيبني احاسب
حاتم : خلاص اتفقنا بس تيجي انتي
حياه : ان شاء الله هاجي
حاتم : هستناكي
حياه بكسوف : ان شاء الله ، سلام بقي
حاتم : سلام
ومشيت
حاتم لنفسه : انا مش عارف انتي معلقه معايا لي ومهتم بيكي اوي كده
عند حياه
روحت البيت
حياه : السلام عليكم
الجميع : وعليكم السلام
صفاء : يلا ادخلي غيري هدومك عشان نتغدا
حياه : لا لسه واكله كيك قافله معايا
مهدي : طب كلي اي حاجه
حياه : مش قادره والله يا بابا
مهدي : خلاص علي راحتك
وسابتهم ودخلت اوضتها
واول ما دخلت الاوضه قعدت تعيط علي حب عمرها
وعلي مامتها اللي مفتقدها بس وهي بتعيط افتكرت حاجه
افتكرت انها لما شافت البوست كان في ايموجي بيضحك جنب الكلام معنى كده أن ممكن يكون الكلام بهزار مش بجد
وقعدت تفكر كده لحد
ما سمعت .....
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية حياة بقت حياتي" اضغط على اسم الرواية