رواية صغيرة فؤادي الفصل السابع بقلم أسماء سلام
رواية صغيرة فؤادي الفصل السابع
روح طلقنى يا فؤاد وكل واحد يروح لحاله ويشوف حياته مدام انت مش عايزنى فى حياتك
فؤاد أنا موافق اطلقك بس مش دلوقتي ، بعد شهرين كده لان لو طلقتك دلوقتي سيرتك هتكون على كل لسان وطبعا ليه طلقتك بعد اسبوع من الزواج وانا مش عايز كده ، فاستنى شهرين وبعدين هطلقك وكل واحد فى طريق
روح والله كتر خيرك انك خايف عليا من كلام الناس ، بس انا مش هقدر استنى شهرين
فؤاد ولا أنا أقدر استنى بس احنا مضطرين
روح ماشى ربنا يصبرنى
فؤاد ليه هو انا هكلك ، احترمى نفسك يا روح
روح هو ما متبحترة ولا ايه
فؤاد امال ايه قصدك ب صبرنى
روح هو الصبر بقى حرام اليومين دول
فؤاد أنا هقوم علشان لو فضلت اكتر من كده ممكن اغلط فيكى أو أمد ايدى عليكى
روح عايز تضربنى تعالى اضربنى اهو
فؤاد أنا ماشى علشان مش ناقص استفذاذ
فؤاد سابها ودخل الاوضة
بعد شوية روح كانت بتعمل الاكل فى المطبخ ففؤاد راح ليها وقال
فؤاد متعمليش حسابى فى الاكل لانى مش هاكل
روح ومين قال انى بعمل الاكل علشانك ، أنا بعمله علشانى ولو عايز تاكل ابقى اغرف لنفسك او هاتلك اكل من بره ، ماشى
فؤاد ماشى يا روح
روح اه وكمان متطلبش منى حاجة خالص ولا تعالى اعملى ، أنا هعملك كل حاجة تمام فمتكلمنيش
فؤاد تمام وطلع وهو مش طايق نفسه
روح قعدت على الارض تعيط وتقول ليه بيحصل كده وليه بيعاملنى كده ، معقول مش طايقنى للدرجة دى ، بجد انا تعبت معاه
عند ندى
الاب انتى جيتى يا هانم
ندى ايوه جيت ، فى حاجة ولا ايه
الاب هاتى القبض يلا
ندى بس انا لسه مقبضتش
الاب والله ، بقى ليكى لسان تردى بيه عليا وبعدين شد منها الشنطة
ندى حاولت تاخد منه الشنطة بس هو زقها وقال
الاب اوعى تلمسى الشنطة تانى ولا هموتك
ندى انت ليه بتعمل معايا كده ، أنا بنتك من لحمك ودمك مش بنت حد غريب
الاب ده اللى عندى
ندى شدت منه الشنطة بس هو خادها منها وضربها بالقلم وقال اياكى تلمسى الشنطة وده اخر تحذير
ندى بس دى فلوسى من تعبى وانت قاعد مش بتعمل حاجة وكمان جاى تاخد فلوسى
الاب ضربها بالقلم وقعد يضرب فيها لحد ما اغمى عليها وبعدين فتح الشنطة وخد منها الفلوس وبعدين جاب مية ورشها عليها
ندى فاقت وقامت بصعوبة وخدت شنطتها ودخلت اوضتها وقعدت تعيط على حظها وبعدين اتصلت بصاحبتها سعاد علشان تفضفض ليها
سعاد ايوه يا ندى
ندى ايوه يا سعاد
سعاد مالك يا ندى معيطة ليه
ندى بعياط ضربنى وخد منى مرتبى ، أنا تعبت
سعاد معلش يا حبيبتي ، ربنا ينتقم منه اشد انتقام ، اهدى انتى اهم حاجة
ندى اهدى ايه ، أنا تعبت ومبقاش فيا حيل لكل ده والله لو الانتحار مش حرام كنت قتلت نفسى من بدرى وخلصت من كل العذاب ده
سعاد متقوليش كده تانى ، استغفرى ربنا ، ده ابتلاءك يا ندى ولازم تصبرى
ندى صابره بس تعبت وانما للصبر حدود ومبقاش عندى أمل أن الوضع يتحسن
سعاد باذن الله خير يا حبيبتى وربنا اكيد هيرزقك بزوج حنين يعوضك عن كل حاجة وحشة شوفتيها
ندى يا ريت يا سعاد بس ده مش هيحصل لان ابويا هيطفشه زى ما طفش اللى قبلهم وطلب شبكة ومهر كبير وطبعا فى اللى هرب واللى وافق وكان شهرين ويزهق من كتر الطلبات فازاى هتجوز وهو موجود وللاسف هو ابويا وولى امرى ومينفعش اتجوز من غيره
سعاد ربنا هيعدلها يا ندى بس استهدى بالله
ندى يا ريت يا سعاد وبعدين عنيها جت على كارت عدى فمسكته وقرأت اللى فيه
ندى خلاص لقيت الحل لكل مشاكلى
سعاد ايه هو
ندى فاكره الشاب اللى عملتله وش بيضحك على القهوة
سعاد ايوه بس ده داخله ايه بموضوعك
ندى يوميها هو ادانى الكارت بتاعه وقالى اى مساعدة كلمينى فأنا هكلمه وأكيد هيساعدنى
سعاد وهو هيساعدك ليه ، ده شخص غريب عنك وممكن يأذيكى ومش معنى أن شكله هادى يبقى هو كده وانتى شوفتى بعينك ازاى اتعصب عليكى فيا ريت تفكرى كويس علشان الدنيا مش امان
ندى بس ده شكله ابن ناس ومحترم وممكن يساعدنى ، مش هخسر حاجة فأنا هكلمه
سعاد ممكن يكون متجوز فازاى هتكلميه
ندى مكنش لابس دبلة
سعاد نص شباب مصر لابسين وهما مش متجوزين والمتجوزين مش لابسين
ندى حتى لو متجوز ، أنا محتاجاه فى شغل مش قصة حب
سعاد أنا قلبى مش مطمن للموضوع ده
ندى بالعكس أنا مطمنة اوى وحاسه إن ده الحل اللى ربنا بعتهولى
سعاد يا رب خير بس بردو متثقيش فى حد
ندى حاضر يا سعاد وكمان انتى هتكونى معايا خطوة بخطوة يعنى مش هتسيبينى
سعاد طبعا يا ندى ، انتى اختى ، هتعملى ايه بقى
ندى هرن عليه واشوفه هيقول ايه
سعاد ماشى ولما يرد عليكى قوليلى بس متحكلوش عن حياتك علشان ميستغلش نقطة ضعفك
ندى حاضر يا سوسو
سعاد ايوه بقى وانتى بتضحكى ومبسوطة ، ربنا يسعدك دائما
ندى يارب يا سعاد
عند لمياء
لمياء اخوك أتأخر اوى يا عماد
عماد فى الطريق يا حبيبتي متقلقيش
لمياء غصب عنى
عماد وانا مقدر يا لولو
بعد شوية وصل اخو عماد
عماد ازيك يا حبيبى حمد لله على السلامه
زياد الله يسلمك يا اخويا
لمياء ازيك يا زياد نورت المنيا كلها
زياد الله يسلمك يا مرات اخويا
عماد اتفضل هو احنا هنفضل على الباب
زياد وعماد ولمياء دخلوا
زياد عارف انى هتعبكم معايا بس كلها فترة واتجوز واحدة تهتم بيا
عماد اوعى تقول كده تانى ، ده بيت اخوك يعنى بيتك
لمياء ايوه يا زياد متقولش كده تانى
زياد ربنا يخليكم لبعض ونشوف نونو كمان غير حمزة ، صحيح هو فين
لمياء نايم جوه
زياد طب أنا هنام معاه جوه لحد ما الشقة تنضف
عماد لمياء روقتها علشانك يا زياد
زياد ربنا يخليكى ليا يا مرات اخويا
لمياء كلك زوق يا زياد
عند عدى
عدى من ساعة لما سافر من الفندق ورجع هنا وهو عمال يفكر فى ندى ، هو حتى ميعرفش اسمها ايه ولا مكانها ، انسانه بريئة تحس لسه الدنيا بخير
قطع كلامه رن الموبايل برقم غريب
عدى مين الرقم ده
عدى الو
ندى الو
عدى مين معايا
ندى أنا ندى
عدى ندى مين وجبتى نمرتى منين
ندى أنا ندى اللى اتخانقت معاها فى الكافيه علشان حطيت وش على القهوة وانت اللى اديتنى الرقم بتاعك مع الفلوس
عدى فى نفسه اخيرا سمعت صوتك وجاية تكلمينى
عدى ايوه يا ندى ، عاملة ايه
ندى الحمد لله بخير ، انت اخبارك ايه
عدى أنا الحمد لله بخير
ندى يا رب دايما
عدى يا رب ، ايه سبب الاتصال السعيد ده
ندى بارتباك الصراحة محتجاك فى مساعدة
عدى اتفضلى عنيا ليكى
ندى عايزاك تلاقيلى شغل ضرورى
عدى تمام بس هو انتى سيبتى شغلك هناك
ندى أنا هسيب البلد كلها
عدى ليه كده فى حاجة ولا ايه
ندى هبقى احكيلك بعدين ، عايزاك تلاقيلى شغل من فضلك علشان محتجاه اوى
عدى حاضر ، دى نمرتك اسجلها عندى
ندى اه هى
عدى عنيا يا آنسة ندى برضوا
ندى اه انسه
عدى تمام بس انتى معاكى كلية ايه
ندى كلية تجارة عربى
عدى تمام
ندى سلام
عدى سلام
عدى قفل وهو مبسوط أن ندى كلمته وأنه هيشوفها
بالليل عند فؤاد وروح
روح كانت مشغلة الكارتون وقاعدة بس تيشرت قط وبنطلون ضيق وفؤاد جه
فؤاد ممكن تقلبى علشان مش بحب الهبل ده
روح ولا اتحركت ولا كأنها سمعت كلامه اصلا
فؤاد روح أنا بكلمك ردى عليا
روح بصتله وقالت لأ مش هغير
فؤاد عندى ماتش مهم
روح اتفرج على النت
فؤاد طب ما تتفرجى انتى على النت
روح أنا قعدت هنا الاول ويلا علشان اركز
فؤاد جه قعد جنبها وقال يعنى فى واحدة قدك تتفرج على كرتون اطفال
روح منا طفلة ، مش انت قولتلى كده
فؤاد اه بس مش للدرجة دى
روح هو انت عايز منى ايه ، سيبنى فى حالى بقى وكانت هتعيط
فؤاد متعيطيش يا روح ، أنا والله مش قصدى ازعلك
روح بس انت زعلتنى النهاردة بكلامك ، انت جرحتنى اوى وحسستنى انى مش انسانه و عاملتنى بأسلوب وحش اوى وبتقولى أنا مش معتبرك مراتى ، حتى لو متقوليش كده وفى وشى ، أنا من ساعتها وانا مكسوره
فؤاد أنا آسف ، مش هقول كده تانى
روح قربت منه وبصت فى عينيه كل مرة تقول كده وتجرحنى وانا تعبت
فؤاد المرة دى بداية جديدة
روح بفرح بتتكلم جد
فؤاد وهو باصص فى عينيها اه بجد
روح يعنى مش هتزعلنى تانى
فؤاد ابدا
روح حضنته جامد وقالت ربنا يخليك ليا دايما
فؤاد شدد من حضنه ليها وبعد فترة روح طلعت من حضنه وبصت فى عينيه
روح انت طيب اوى يا فؤاد
فؤاد وانت جميلة اوى يا روح
روح انت اجمل ، انت قمر
فؤاد فضل باصص فى عينيها فترة وبعدين التهم شفتيها بشفتيه بقبلة عنيفة وقعد يتعمق فى القبلة وروح مستسلمة ليه ومسلمة نفسها تماما
فؤاد قعد يتعمق فى القبلة وروح لفت أيدها حوالين رأسه كأنها بتشجعه على اللى بيعمله وده خلى فؤاد يزيد فى القبلة
فؤاد فقد كل سيطرته لانه امراة تشع انوثه بالقرب منه وهو رجل علشان كده ضعف
فؤاد فصل القبلة وبص فى عين روح وقال مستعدة؟
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية