رواية نور الفصل السابع بقلم شوشو احمد
رواية نور الفصل السابع
نور قدام اوضة العنايه المركزه قاعده تقرأ قران وتدعي ل أسعد
رفضت تروح و أحمد روح هبه وفضل مع نور
الوقت بيمر على نور بصعوبه وهي بين دموعها وبين الصلاه والدعاء ل اسعد لحد ما بدأ يفوق ونور من ورا الازاز بتبص عليه
الدكتور دخل شاف اسعد ولما اطمن عليه أمر بنقله اوضه عاديه
أسعد اول ما شاف نور ابتسم لها قلبه اطمن لما شافها جمبه خصوصا لما الممرضه قالت له يابختك بالمدام دي مبطلتش عياط ولا صلاة علشان باين بتحبك اوي ربنا يخليكم لبعض اسعد بيبتسم بس لما يعرف قلقها عليه وانه مهم ليها
نور وهي خجلانه من اسعد حمدلله على سلامتك يااسعد
اسعد الله يسلمك يا نور
نور آسفه اوي انك هنا وكده بسببي وبدالي.
اسعد انا كلي فداكي المهم انك بخير بعد كده الدنيا وما فيها..
نور يعني اصل هو انت مش زعلان مني علشان انت فدتني بروحك
أسعد قربي يا نور اقعدي ممكن
نور جابت كرسي وقعدت
أسعد بصي يا ست الحسن الدنيا وروحى وكل حاجة فداكي
ولو كنت هزعل ده لو شعره منك اتأذت بس غير كده انا شديد وأتحمل عنك
نور لو انا غالي عندك فكري وانا مستني ردك وعمرى ما هفقد الامل ولا هتندمي لو قررتي نتجوز وراضي باي طلب ومستعد لاي شرط كفايه تكوني معايا وجمبي مش عاوز غير كده هستى ردك.
نور وشها احمر من الخجل وسكتت بس ابتسامة اسعد منوره وشه رغم التعب
أحمد جه ومعاه والدة اسعد لان اسعد طلب منه يروح ويجبها ويعرفها انه تعب بسيط علشان ما تتخضش ولا تعرف من بره وتقلق ولان كده افضل..
دخلت أمل والدة اسعد ملهوفه عليه وخايفه بالذات لما شافته باين عليه التعب ومن يحس بيه زي امه باسته ومسكت ايده وبتعيط
نور جابت لها كرسي وقعدتها وطبطبت عليها وهدتها متخفيش حضرتك الدكتور طمنى عليه هو بخير ارتاحي انتي ياقلبي بس..
امل شكرا يا... انتي مين
نور انا نور وده احمد اخويا
امل ايوه احمد عرفني بنفسه وقال صاحب اسعد انتي اخته صح
نور ايوه عموما انا همشي طالما حضرتك جيتي انا خلاص اطمنت عليه وانتي جمبه..
اسعد ملامحه اتغيرت وبان الزعل عليه
امل لا معلش خليكي معايا شويه انا ولا مش عاوزه تفضلي معايا.
نور لا ازاي بس بقالي يومين هنا اروح اغير وارتاح وهاجى تاني تؤمري بحاجه
امل لا ياقلبي. اه اسمك ايه
نور يا طنط اسمى نور
أمل عااشت الاسامي ياقلبي هستناكي
نور روحت غيرت لبسها وارتاحت شويه وبعد ما صحيت عملت اكل ل اسعد وأمل وراحت لهم
نور سلام عليكم اتفضلي ياطنط اكلي اسعد وكلي حضرتك
أمل ليه بس التعب ما هنا جابو له اكل
نور لا اكل المستشفى ده مش اكل يلا قبل ما يبرد الاكل
الغريب ان اسعد مامته غرفت له الاكل واكل وهي استغربت لانه كان رافض ياكل من ساعتها
اسعد بياكل وعينه على نور
امل كل يوم احمد يروحها باليل ويبات هو مع اسعد ونور بين الملجأ بتتابع بسرعه وتروح لا اسعد وتاخد له اكل وفعلا الشده دي بينت ل اسعد معدن نور واحمد اخوها وازاي هما سند بجد له
عشر ايام مروا على اسعد فى المستشفى وكل ما الدكتور يقول له تقدر تروح اسعد يرفض ل حد ما امه سالته مش عايز تروح ليه انا افتكر لما اتصبت قبل كده قعدت يومين فى المستشفى بالعافيه وعمرك ما حبيت الدكاترة ولا المستشفيات ايه جرى
اسعد بصراحه خايف اروح نور استحاله تيجي البيت ليا وانا مش هقدر مشوفهاش
امل نور اه قلت كده انا كمان ملاحظه انك بتنور لما تيجي وتكشر لما تقول هتروح اسعد انت حبيت نور
اسعد جدا يا امي بجنون بس هي رافضه اننا نتجوز وحكى لامه كل حاجه من اول يوم شاف نور فيه وحتى الارض والملجا ال مكنتش تعرف بيهم حاجة
امه فرحت بالفكره وقالت له نور عوض ربنا ليك امسك فيها دي مثال الزوجه الصالحه اللي تساعدك على الخير وتدلك عليه
اسعد بس للاسف مش بتحبني لسه بتحب جوزها الاولانى حتى بعد موته...
امل نور بتحبك وروحها فيك قلقها عليك بيقول كده بس هي في صراع بين قلبها وعقلها وكل الموضوع انك لازم تصبر عليها فاهم اصبر علشان تنول مش احنا طول العمر بنعمل خير علشان ندخل الجنه اهي نور دي جنتك فى الدنيا اصبر عليها واستحمل لانها شخص وفي بطبعه وصعب تكون ل راجل تانى غير جوزها الاول فاصبر وبكره تقول امي قالت بتحبك وهتكون جنتك...
خرج اسعد وروح بيت امه علشان نور تروح له تطمن عليه
بس نور اخدت الرقم من احمد وبقت تسال فى التلفون وبس
اسعد مل وفكر يشوفها ازاي وقرر يخرج بس امل قالت له لا هات رقمها وبس
امل اتصلت بنور وقالت لها ان اسعد تعبان اوي وياريت تخلي احمد اخوها ييجي علشان يساعد اسعد يروح لدكتور لان هي مش قادره توديه لوحدها وادتها العنوان وزودت الموضوع بانه مغلبها ومش بياكل وعاوز ينزل الشغل وهي غلبت معه
نور نص ساعه كانت هناك بلغت احمد بالتلفون يروح لها هناك
احمد مستغرب هو كان عند اسعد امبارح وبيروح كل يوم واسعد كويس...
نور راحت وامل فتحت لها ورحبت بيها واسعد مثل التعب زي ما امه طلبت منه
نور بخضه مالك يا اسعد الف سلامه عليك طمني
اسعد مش مصدق لهفتها عليه اللي معرفتش تخبيها...
بخير يانور متخفيش
شويه ودخلت ميرنا بنت خالته سلمت على الكل
ودخلت ل اسعد سلمت عليه وباست جبينه
ومالك وفيك ايه وقوم انا اسندك تروح ل الدكتور لا اصبر اجيبه لك
رنت على الدكتور جه وطمنهم اما ميرنا تولت الكلام مع الدكتور واكله ايه يشد حيله واديه علاج ايه وامتى
الدكتور مشي جابت اكل اكلت اسعد بنفسها وادته العلاج وكل شويه تهزر معاه وتتمرقع عليه هزار زايد عن الحد
لما نور جابت اخرها وكل ما تحاول تمشي امل تمنعها بحجه
شكل نور بان الضيق على ملامحها
هنا امل غمزت ل ميرنا خرجت ونور واسعد بقو لوحدهم
نور رايحه تخرج بتاخد شنطتها بعنف وبتكلم اسعد وهي مش باصه ليه سلامتك على العموم اطمنت عليك والاستاذه ميرنا هتخالي بالها منك سلام...
هنا اسعد قام مسك ايدها وقال لها على فين وليه العصبيه دي
نور سيب ايدي ومفيش عصيبه، ايه ممكن يعصبني اصلا
اسعد ابدا تكوني غيرانه من ميرنا مثلا
نور انا اغير ليه وعلى مين
اسعد ليه لانك بتحبيني على مين عليا طبعا..
نور بعصبيه انت مجنون حب ايه ده