رواية روبنزل المغتصبة الفصل الثامن بقلم نرمين السعيد
رواية روبنزل المغتصبة الفصل الثامن
امير في قمه الغضب وسوف ينفجر في أي لحظه كان ينظر الى سالي التي تقف بعيداً عنهم مع شاب وسيم و تضحك
شذى بدهشه : ايه ده احمد هنا؟
شمس : احمد مين؟
شذى : اللي سالي وقفه معاه!
مازن : وده مين تعرفيه؟
شذى : ايوا زميلنا في الكلية
عادت سالي الى الطاوله
شمس : كل ده حرام عليكي هموت جعانه
سالي : sorry بس احرجت اسيبوا و امشي
ضحكت شذى بسخرية : احرجتي بردوا
سالي : بلاش انا احسن اعمل فيكي زي ما عملتي فيا اخر مره
ضحكت شمس : لا بلاش بس بجد ايه السبب اللي خلاكي تعملي فيها كده يا شذى دي كانت راجعه زي المجنونه
شذى 😂 : ههههه ما تفكرينيش كل ما افتكر شكلها بموت من الضحك ههه
شمس بضحك : عندك حق هي كان شكلها فظيع
سالي بغضب : والله لو مالميتي نفسك انتي وهي هخليكوا تضحكوا من شكلكم انتوا
سلمى : اهدي بس وسيبك منهم بس بجد ايه اللي حصل الفضول قتلني عايزه اعرف
شمس : اه وانا اصل السبب اللي قالته سالي ما دخلش دماغي
شذى : هي قالت ايه؟
شمس : انها بتهزر معاكي وانتي اللي اتعصبتي
شذى : بتهزر بجد دي والله لولا الامتحان لكنت اديتها علقة موت
سالي : ولا تقدري
شذى بتحدي : تحبي تشوفي
اياد : ايه انتي وهي خلاص انتوا اعداء
شمس : اه دول اعداء من زمان حتى قبل الكليه
مازن : لا بجد افهم انتوا عمالين تتكلموا واحنا مش فاهمين
مروان؛ فعلاً اي حد يحكي
شمس:انا هقول اللي اعرفوا سالي وشذى وانا كنا مع بعض في المدرسه اللي والدة شذي مديره عليها دلوقتي بس انا مكنليش علاقه بحد انما سالي كانت على طول بتتخانق مع شذى وبعد كده احنا اتنقلنا القاهرة ولما سالي دخلت الجامعه رجعت لعبة القط والفار من تاني
مروان : ليه ايه السبب
شمس : عادي مشاكل أطفال مين الاشطر مين الاحلى حاجات تافهة
سلمى : مش معقول في الكليه هي هي المشاكل مش هتعقلوا
شمس : دول ماظنش عقلهم صغير انتى عارفه اخر مشكله شذي غرقت سالي بعصير البرتقال قبل الامتحان ب ٥ دقايق وسالي فضلت طول الامتحان بالبرتقال على هدومها
اياد : والسبب
شمس : ده اللي معرفوش
امير : مش عيب يا شذى يعني هي تهزر معاكي تعملي كده
شذى : لا مش عيب عشان هزار سخيف وبارد
سالي بعصبيه :لمي نفسك
شذى ببرود : هقوم اجيبك من شعرك
مروان : ايه انتي وهي وحدوا الله
الجميع؛ لا اله الا الله محمد رسول الله
مروان : للمره الالف ايه سبب المشكله
شذى : احمد اللي كانت واقفه معاه
انتفض أمير عند سماع ذالك و روادته الافكار
مروان : مالوا احمد ده
شذى : بص يا سيدي ده كان اخر يوم في الامتحانات وانا كنت رايحه متاخره و كنت سهرانه بالليل و مزاجي زفت الزفت وماسكه العصير وماما معايا على التليفون كان يوم ما يعلم بيه الا ربنا فجاه كنت هتخبط في طوبه ف حاجاتي كلها وقعت على الارض نزلت علشان اجيبهم برفع راسي اتاري احمد ده كان نازل علشان يساعدني ويلم معايا الحاجه فانخبطت دماغي في دماغه الاقيلك بقى واحدة واقفة على جنب وتسقف وتقول مشهد رومانسي حلو بس حد يحدف عليكم الورد خلت كل اللي واقفين يضحكوا عليا كان في ايدي كوبايه العصير وحظها حلو شربتها هي
الجميع 😂😂😂😂😂😂
سالي بغضب : بتضحكوا على ايه
اياد : خلاص مش هنضحك بس انتي غلطانه
سالي : ليه بقى
أياد : يعني واحده حاجتها وقعت منها واحد نزل يساعدها تقومي تحرجها بالمنظر ده تستاهلي اللي حصلك و بعدين مفيش بينهم حاجه علشان هي تاخد كلامك هزار وضحك
سالي ببرود : ومين قال ان مفيش بنيهم حاجه
فتح اياد عيونه بهلع وكأنه دلو ماء بارد نزل على راسه
شذى : انتي تاني ليه كنتي شيفاني بحب فيه احمد مجرد زميل وبس
سالي : بس هو بيحبك و الدفعه كلها عارفه
شذى : هو حر انما انا لا مش بحبه و بردوا الدفعه كلها عارفه
اياد وكأن روحه رجعتله وتنهد براحه وكان يود ان يضرب اخته التي تسبب له في هذه الخضه
شمس بمحاوله لتلطيف الجو : ليه بس كل ده علشان الشيكولاته
فهمت الفتيات الغز وضحكنا حتى شذى وسالي شاركنهم الضحك
سلمى: عندك حق الشيكولاته واكلة دماغها
امير : هو ايه ده كل كلامكم الغاز ليه وايه حكايه الشيكولاته دي بردوا مراة الشيخ سليم قالت على حكايه الشيكولاته دي
شذى بكذب : ما انت عارف يا كبير ان انا بحب الشيكولاته
مروان : مش حاسك صريحه اتكلمتي في الموضوع ده قبل كده ودلوقتي بتضحكوا وعمالين تبصوا لبعض و هتموتوا من الضحك مش حاسك انتي بتكذبي ليه ها قولي في ايه.. ايه حكايه الشيكولاته انا نفسي مش هنام الليله الا لما اعرف ايه حكاية الشيكولاته دي
شذى تنظر للفتيات : اللي هتقول كلمه مش هيحصلها خير
سلمي🤭 : انا اعتبريني مش هنا
سالي 😴: وانا بنام بدري اعتبريني نمت
شمس 😌: لا انا هنا وصاحية ولو عايزه تكلمي اتكلمي
سالي بغضب : اتهدي انتي
سلمى بخوف : هو ده اللي مش عاملين حسابوا
مالك بملل : هو في ايه بجد قعدتكم رخمه ايه كل حاجه هنشد لسانكم علشان تحكوا
سالي : شذى ايه رايك نقتل اختي اصل لسانها طول اوي
شذى : عندك حق هي لازم تموت دي فتانه
سلمى بمكر : عيب يا بنات شمس جميله ومش فتانه
شمس بغضب : سيبيهم وانا هربيهم واحكي
سلمي بخوف : ايه لا اهدي انا مقولتش حاجه
شمس : متخافيش هفضحهم هما بس انتي لا
سلمى براحه : الحمد لله ايوه انا مليش دعوه
مروان : احكي يا شمس سرك في بير
شمس : هبدأ بمين الشيكولاته ولا الجبل الراسي
سالي🙄 : استرها يا رب
ضحك مازن : ايه دا لا انا تحمست بس ابدأي بالشيكولاته
شذى : تتشكي يا هويدا انتي السبب انتي وامك
الجميع 😂😂😂😂😂
شمس : بصوا بقى
شذى : استني
سحبت شذى قطتعين من القماش اعطت واحده لسالي و واحده لها ثم فتحتها و وضعتها على وجهها
شذى : استري نفسك اختك هترش ميه
الجميع 😂😂😂😂😂
سالي : عندك حق
وضعت سالي القماشه على وجهها
سلمى وجهها احمر من الضحك : ههه احكي احكي خلاص ستروا نفسهم
شمس : بصوا بقى هبدأ بالشيكولاته و ده يبقى فارس احلام شذى
شذى من تحت القماشه : خدت بالك يا امير قالت احلام علشان نبقى واضحين من الاول و متطورش للغباوه
ضربها مروان على راسها برفق : طيب اتهدي عايزين نسمع
شذيى: داتك نيله يعني هتسمع قرآن ياخويا
مازن بضحك؛ بس بقى.. كملي يا شمس
شمس : ok بص يا سيدي شذى عايزه فارس احلام مختلف عن اللي موجودين هنا في مصر يعني اكتر الشباب هنا في منهم نوعين يا قمحي يا اسمر شويه و شعرهم اسود هي بقى مش عايزه كده هي عايزة شاب يكون طويل وشعر بني وعينيه بني كيكه الشيكولاته زي ما بتقول عليه بس يكون ابيض و حلو و سيم و له طله و هيبه و شرط أساسي يكون شيك و مهتم بنفسه اوي اوي
مالك ينظر لاياد : طب اتحلت خدي اياد ابيض و شعره بني و عنيه بني و طول بعرض زي الحيطه
ضحك امير : حرام عليك ده لسه في عز شبابه هدبسه في شذى
مازن : ليه يا عم دي شذى عسل
سلمى : هي عسل تمام بس بردوا عسل اسود بعيد عنك
كشفت شذى عن وجهها الاحمر من الخجل
شذى : كده يا كبير تمام ماشي
مالك : سيبك منهم. ايه رايك اياد هنا شعروا بني وعيونه بني الحقي قبل ما يتخطف ده الطلب عليه كتير بس انا محتفظ بيه مش بطلعه غير للغالين
ضحك الجميع فلقد اخذوا كلام مالك على سبيل المزاح
نظرت شذى لاياد وجدته بالفعل فارس الاحلام احمرت خدودها ونظرت للأسفل بخجل وهي تحاول تغير ملامح وجهها حتى لا يلاحظ أحد ويعرفوا مشاعرها اتجاه ذلك الوسيم التي أغرمت بجمال عيونه منذ أن رأته وهي تحاول الا تلفت الانتباه ولكن كلمات مالك جات وكأنه يفتح قلبها ليكشف للجميع ما بداخله منذ سنوات و هي تعشق ذلك الوسيم منذ ان رأته في احد الليالي في الجنينه الخاصه به رأته دون ان يراها اسرت بجماله وهيبته ولكن فرت هاربه عندما سمعته يتحدث في الهاتف مع احدى الفتيات التي استنتجت انها حبيبته
عندما تذكرت ذالك عبس وجهها
كل هذا واياد سعيد للغايه ويريد ان يشكر صديقه واخيه على هذه الجمله التي اعتبرها لفت نظر لشذى ولا يدري كم تحبه وتعشق عيونه و انها قامت ببناء مواصفات فتى احلامها بناء عليه هو
سلمى : مالك يا شذى مالك بيهزر معاكي
شذى : لا مفيش حاجه بس سرحت في حاجه تانيه
وعادت ورسمت الابتسامه الزائفه على وجهها
مروان : تمام كده عرفنا الشيكولاته ايه حكاية الجبل الراسي
شمس : بص
سالي من تحت القماشه : انا بقول كفايه النهارده مش هنتعشى مش انتي جعانه
مازن : لا بدل بتوهي في الكلام يبقى انا هموت واعرف وكلنا لازم نعرف زي ما حكت على شذى هتحكي حكايه الجبل الراسى ده ايه عايزه تتجوزي في الصحراء
شمس : بص سالي عايزه واحد راسي يكون عاقل يحتويها يفهم حبها ويقدر قيمتها ده في الشخصيه انما الشكل طويل شعر اسود عيون سوده جداً ملامح الوجه وسيم وفي نفس الوقت بيعكس القوه والثبات
مازن : ايه كل ده فعلاً جبل راسي
شذى : خلاص اطلعي اختك قامت بالواجب
رفعت سالي الغطاء وجدت امير ينظر لها بثبات وثقه بنفسه فهذي الصفات التي يصفه به الجميع ارادت ان تغضبه
سالي : بس هي نست حاجه
مازن : هو لسه فيه حاجه
سالي : طبعا و الحاجه دي عندي اهم من كل اللي شمس قالته
سلمي 🤔 : اللي هي إيه؟
سالي تنظر بتركيز لعيون امير : الثقه اهم حاجه الثقه لازم يكون عنده ثقه في نفسه وفيا ثقه بجد مش كلام و بس
تحولت ملامح امير وفهمت شمس قصدها وأيضاً مروان
شذى : عندك حق لازم الثقه و الاحترام في اي علاقه مش بس الحب والارتباط
مازن : لا بصراحه انا كده كتير عليا انا في حياتي مشفتش اجن من سالي اما شفت شذى قولت مجنونه زي سالي واجن الف مره كمان دلوقتي انتوا الاثنين عمالين تقولوا كلام كبير اوي و متكلف اوي انتوا بتذاكروا من ورانا ولا ايه
شذى: صدق اه انا معرفتنيش ههههه
امير بوجه حزين : مش هنتعشى
مازن : لا هنتعشى بعد الضحك ده كله لازم نتعشى
طلبوا الطعام تناولوه
شذى : انا عايزة اطلع على البحر
مروان : هنطلع الصبح
شذى بغضب مثل الاطفال : لا الوقتي الجو حلو ومنظر البحر بالليل يجنن
امير : خلاص هنطلع
مازن : هتروحي يا شمس
شمس : طبعاً الجو يجنن والبحر بالليل رومانس
مالك : ايوه قضوها رومانس واحنا بقى نتفرج
اياد : لا كده حرام هو علشان انتوا مرتبطين تغيظوا السناجل ليه
مروان : انا مش سنجل الحمد لله
سالي : انت فعلاً بتحب..
مروان : بحب وخاطب و فرحي السنه الجايه ان شاء الله
اياد؛ مبروك بس ما هي مش موجوده يعني سنجل وهتتفرج معانا
مروان؛ لا يا حبيبي انا هقعد في جمب اكلم حببتي واتخيل وجهها في البحر والقمر
شذى : وانا هكلم امي اهو بدل القعده ساكته
الجميع 😂😂😂😂😂😂
سلمى : وانا هكلم نفسي
سالي : وانا هرد على نفسك
مازن : يخربيت السناجل يا ولاد ايه الحقد ده كله ده انتوا حالتكم بئس ماترتبطوا وتريحوا نفسكم بدل الحاله الزباله اللي انتوا فيها و الحقد اللي في قلبكم ده
شذى : لا يا عم الارتباط بيجيب احباط
سالي : والسنجله جنتله بلا حب بلا وجع قلب
امير بمكر : هو الحب فعلا وجع قلب بس وجع حلو
مازن : خليك انت على جنب انت حكايتك حكايه اخلص يا عم نفسي اعرف المزه بتاعتك ولا بلاش مزه عشان ماتزعلش مراتك اصل أمير لما بيتكلم عن حبيبته بيحب يقول مراتي
شذى بدهسه: مين فين ازاي؟؟؟
امير : هو فين السؤال؟
سلمى : قصدها هي مين وشفتها فين وحبتها ازاي
شذى : تمام اعترف انت بتحب مين انا اول مره اعرف
وقفت سالي الصغيره على الكرسي و قالت : انا طبعاً هو حضرتك مش شيفاني
امير يحملها ويقبلها : طبعاً يا قلبي انتي حبببتي وعمري كمان
مروان : انتي طلعتي منين دانا نسيتك
سالي الصغيره : طلعت من علي الكرسي بس كنت ساكته علشان امير متراهن معايا ان اللي هيسكت اكتر هيجب للتاني شيكولاته وانا كده خسرت الرهان
امير الصغير بثبات : وانا كسبت و هتجبيلي شيكولاته
مروان _ حلوه اللعبه دي لما نروح لازم نلعبها على طول و ارتاح من شقاوتكم
مازن : حلوه براءة الاطفال ربنا يحفظم
سلمى: يا رب بس متوهوش في الكلام قول يلا مين حببتك
امير بثبات : سالي هي حببتي وعمري و روحي كمان
سالي كانت سوف تفقد الوعي اهكذا يقولها امام الجميع
تفاجأت ب أمير يقبل الصغيرة ويقول
أمير : مش كده يا سالي. مش انتي حبيبتي
الصغيره : وانت حبيبي
وضمته وقبلته حمدت سالي ربها
شذى : كفايه رومانسيه ومن الاخر امير مش هيقول دانا بقالي سنين وانا هموت واعرف وهو يقول مفيش
مازن : لا فيه هو اعترف ان فيه وهيتجوز قريب
شذى؛ حتى لو بدل مقلش على طول يبقى مش هيقول
مروان للخروج من هذه الدائرة : يلا بينا نطلع على البحر
مازن : يلا
ذهب الجميع باتجاه الشاطئ فكان هذا المطعم مطلا على البحر بمسافه بعيده ولكن البحر يظهر فلم يحتاجوا الى السيارات وأخذوها سيرا الى البحر
امير يحمل سالي الصغيره و امير الصغير يسير بجوار وسالي وسلمى وشذى يسيرون بجوار بعضهم يضحكون ومروان يتحدث في الهاتف مع خطيبته و اياد و مالك يسيرون بجوار بعضهم ينظرون لبعضهم بخنقه وملل
وصلوا الى البحر وجلسوا على المقاعد الموجوده على الشط
شذى : انا هتمشي شويه
سلمى؛ هاجي معاكي هتيجي يا سالي
سالي؛ اوكي يلا
مالك : متبعدوش
سالي : حاضر
ذهبن الفتيات وأنهى مروان حديثه
مروان : امير كل حاجه جاهزه حتى الهديه وصلت وهستلمها بكره
امير : تمام بس يا رب تعجبها
مازن : ايه ده هديه ل حببتك يعني هنشوفها
امير : لا دي هديه سلمى بكره عيد ميلادها
شمس : جبتلها ايه قول والله مش هقولها
امير : اه زي ما فضحتيهم جوه
شمس : لا والله بس ده كان هزار
امير : بهزر معاكي احنا بكره هنعمل لها عيد ميلادها على البحر لان سلمى بتحب البحر اوي فاحنا اتفقنا مع ادارة الفندق هيجهزوا بكره مكان هنا على البحر ونعمل لها العيد ميلاد هنا بالليل والهديه بقى انا و مروان اتشاركنا سوا و جبنا لها طقم الماس
شمس : واو بجد هديه حلوه
مازن : بجد حلو وعجبتني حكاية الشراكه مستخسرين كل واحد يجبلها هديه يا بخله
ضحك مروان :مش كده سلمى دي عنينا متغلاش عليها بس احنا متعودين على كده علشان لما تلبس اي هديه احنا اللي جيبنها او تستعملها تفتكرنا احنا الاتنين
اياد : بجد منطق حلو
شمس : طب وشذى جابت ايه ولا معاكم بردو
امير : لا شذى حابتلها لابتوب علشان بتاعها باظ
مازن : والله شاطره
شمس : طب واحنا مش المفروض نجبلها هديه
مازن : اكيد بس احنا منعرفش سلمى بتحب إيه
امير؛ ملوش لزوم المهم وجودكم هي شكلها سعيده باللمه و ده المهم
شمس : ازاي لا طبعاً لازم نجبلها هديه انا هجبلها ساعه
مازن : طب وانا فكريلي
شمس بضحك : لا ما احنا هنعمل زيهم ونتشارك فيها علشان تفتكرنا احنا الاتنين
مازن : فكره حبيبتي الذكيه
مروان؛ قصدك الغشاشه دي فكرتنا احنا
شمس : معلش بقى هنسنلفها منكم
مروان : بس متخديش عليه
شمس؛ حاضر وانت يا مالك انت واياد
اياد : انا هجبلها ايه معرفش مش جاي في دماغي حاجه
شمس : برفان هي استعملت من البرفان بتاعي وعجبها جدا
اياد : خلاص هاتيلي الاسم وانا هنزل المول بكره واشتريه
شمس : اوكي وانت يا مالك
مالك ينظر لامير : هو انا ينفع اجبلها فستان
امير محرج لا يعرف ماذا يقول
رد مروان : اه بس طويل سلمى مش بتحب اللبس القصير
مالك : اوكي يلا يا اياد
اياد : على فين
مالك :هقولك بس يلا
ذهب اياد ومالك وامير متوتر فهو لا يريد ان يختلط مالك بسلمى لانه يعلم علاقات مالك بالبنات و أيضاً بسبب ما حدث لها فهي ليست مؤهله حالياً للارتباط او الدخول بعلاقه
مروان : مالك يا امير شكلك مخنوق
امير : مفيش بس مرهق شويه
مروان؛ تحب نرجع الفندق
امير؛ يا ريت بجد مرهق والولاد ناموا
مازن؛ طب يلا بينا
امير؛ لا خليكم انتوا
شمس : لا هنرجع ننام علشان بكره هننزل البحر ويوم طويل والحفله بالليل
مروان : اوكي اسبقوني وانا هاجيب البنات واجي
حمل امير سالي الصغيره ومازن امير الصغير وذهبوا باتجاه الفندق ولحق بهم مروان بعدما احضر البنات رجع الجميع وذهبوا الى غرفهم و مروان اخذ الصغار الي غرفته
🌹روبنزل المغتصبة
بقلمى برنسسN
مالك واياد في احد اكبر بيوت الازياء
صاحبة المحل : ما تقلقش يا فندم بكره في الميعاد والعنوان اللي حضرتك أمرت بيه
مالك : تمام بعد اذنك
صاحبة المحل؛ اتفضل فرصه سعيده
ذهب الشابين في سيارة اياد
اياد : بس زوقك حلو لا و بتوصف حلو كمان
مالك : ازاي يعني الفستان حلو و عجبني عادي يعني
اياد بمكر ؛ والمقاس بردو حلو وعجبك هو يعجب بس دا انت حافظه بالظبط
مالك بضيق: لم نفسك وسوق وانت ساكت
اياد : حاضر بس بتحبها
مالك : لا عادي وبعدين بلاش انت يا شيكولاته
اياد بضحك : لا بجد حلوه حكايه الشيكولاته
ثم تنهد في حزن : بس مش انا اكيد ممكن يكون في حد في حياتها
مالك : مظنش انت غبي ما سمعتش كلامها وهي بتاكد انها مش بتحب
اياد : ما هي دي مصيبه بردو يعني مش شيفاني مش لافت نظرها مع ان زي ما بتقول فيا المواصفات اللي عايزاها
مالك : خلاص اتحرك انت و خليها تشوفك ممكن مش عارفه تشوفك بسبب الجو اللي احنا فيه والتنقل من مكان لمكان وضحك وهزار وكده قرب منها و انا مش عارف اساسا من ساعه ماشفتها و انت لسانك زي ما يكون اكلته القطه ما انت يا اخويا قدام البنات بتبقى برابند و بترغي و كلام من تحت لتحت وشويه كلام صريح ايه اللي حصلك قدامها لسانك بيتربط و بتقعد ساكت ما تتحرك كده انت مافيش بنت بتاخذ في ايدك ساعه زمن و اهو تعرف راسك من رجليك
اياد : لا يا فالح لساني ما بيتربطش ولا حاجه بس عايزني اتكلم اقول ايه و امير قاعد ومروان قاعد وسلمى وانت ومازن و سالي و شمس عايزني اكلمها قدامكم عايزني قدامكم اقولها بحبك ازاي يعني كفايه امير ومروان انت اهبل يا ابني
مالك : لا انتهز اي فرصه قرب منها خد رقمها ممكن تقولي بعد الاجازه دي ماهتخلص هتتواصل معها ازاي و انت عارف احنا كلها يومين و راجعين عندنا شغل
اياد : عارف بس هحاول لما اشوفها بس ابقى ساعدني وابعد مروان و امير ويا ريت سلمى
مالك بسخرية : طب ما احجزلكم في مطعم انت اهبل انت تتصرف وتحاول وبعدين سلمى مش بتفارقها
اياد : خلاص سيبها بظروفها بقى يمكن تيجي من عند ربنا
وصلا الشابين الى الفندق و ذهب اياد لغرفته وذهب مالك الى البار و بدإ يشرب الى ان وصل انه لم يعد يقدر على الرؤيه صعد إلى غرفته بصعوبة ونام حتى الصباح
___🌹روبنزل المغتصبة
بقلمى برنسسN
لا إله انت سبحانك اني كنت من الظالمين
استيقظ الجميع الا مالك استيقظ الساعه الثالثه عصراً اتصل ب اياد لم يرد عليه كان يشعر بصداع رهيب يكاد يفتك برأسه قام واخذ حمام بارد وارتدى شورت اسود وتيشرت ابيض قط يظهر عضلاته و نزل الى الاستقبال وسأل الموظفه قالت له بأنهم ذهبوا الى البحر وترك له اخيه رساله ان يلحق بهم عندما يستيقظ
ذهب مالك وجد مازن و شمس يجلسون يمسكون بايدي بعضهم ويتحدثون بهدوء والباقين في البحر منهم من رآه ومنهم الذي لم يراهم بعد ذهب الى اخيه
مالك : سيدي يا سيدي على الحب جوز عصافير
شمس : عقبالك
مالك : ان شاء الله في المشمش
مازن : ومين اللي هترضى بيك اصلاً مقضيها شرب ينفع كده ادخل عليك الصبح اشوفك في المنظر ده انت مش خايف على نفسك
مالك بضيق : في ايه هي اول مره وبردوا مش آخر مره ريح نفسك
مازن : انت الكلام معاك زي قلته
شمس : انتوا هتتخانقوا سيبه بكره تيجي اللي تتوبه عن القرف ده
مالك ليس معهم فهو مشغول بالبحث عن سلمى لاحظ مازن
مازن : بدور على مين
مالك : ها بدور على اياد
مازن : هناك اهو انت اتعميت
مالك بعصبيه : يخربيت ملافظك
قام بخلع التيشرت ووضعه على الكرسي بجوار اخيه وذهب باتجاه اياد الذي كان مع سالي و شذى
مالك : طب لعبني معاك يا واطي
ضحك اياد : صح النوم كل ده نوم
مالك : والله دماغي هتنفجر
شذى : انا جعانه
سالي : وانا بس الميه حلوه و مش عايزه اخرج
شذى : عندك حق الميه جنان
مالك : هي فين سلمى
شذي : مع أمير ومروان هناك
نظر مالك وجد سلمى تلعب مع الطفلين وشعرها منسدل خلفها
مالك : هي ليه مش مغطيه شعرها زيكم
شذى : هي بتعشق الميه وبتحب تسيب نفسها حتى شعرها بتقول ان لما ميه البحر بتدخل بين خصلات شعرها بتحس بمتعه وحريه كأنها كانت اسيره و اتحررت من الاسر
مالك : اه و ده ازاي
شذى : ولا اعرف هي كده طول عمرها
سالي : عادي انتوا شاغلين بالكم ليه سيبوها براحتها انا هروحلها تعالي
مالك : لا خليها هنا انا هاجي معاكي
شذى : هنروح كلنا
اياد : لا انا عايز افضل هنا
مالك :خلاص خليكي مع اياد يلا يا سالي
سحب مالك سالي وذهب شذى محرجه و مندهشه من تصرف مالك
اياد بهدوء وصوت جذاب : ليه مش عايزه تفضلي معايا
شذى بتوتر : انا ليه أبداً عادي
اياد بنفس الهدوء :براحه ومتتوتريش
شذى : مش متوتره.. انا بس جعانه
اياد : تعالي نروح نجيب اكل
شذى : نروح انا وانت بس مع بعض
اياد بسخرية : لا هناخد اتنين سياح.. معانا يلا و متخفيش مش هعضك
شذي : قولتلك مش متوتره و مش خايفه
خرج اياد و شذى ارتدات فستان خفيف فوق المايوه فهي كانت ترتدي كاش مايوه يشبه الفستان القصير ولكنه ليس فستان فهو مخصص للسباحه
مازن : على فين
اياد : هنجيب اكل
شمس : اوكي متتاخروش انا جوعت
اياد : حاضر
ذهب اياد و شذى ذهب لاقرب مطعم قاموا بطلب الطعام وجلسوا حتي يتم تحضيره
اياد : بطلي تتوتري لتاني مره هقولك انا مش هاكلك
شذى : ليه بتقول كده
اياد : اصلك مرتبكه بزياده إيه خايفه حبيبك يشوفك معايا
شذى : حبيبي لا مش كده اصلاً معنديش حبيب
اياد : ازاي انتي حلوه.. حلوه ايه انتي زي القمر كمان معقول ملكيش حبيب
شذى مبتسمه : شفت بقى نصيب
اياد : ولا عمرك حبيتي
صدمت من السؤال وصمتت قليلا ثم تكلمت
شذى : بتسأل ليه
اياد : عادي بنتكلم سوا زعلتي
شذى : لا بس استغربت احنا ما نعرفش بعض اوي علشان تسألني
اياد : نتعرف اساليني اي حاجه
شذى بمكر : جاوب علي الاساله اللي انت سالتهالي
اياد : حاضر بصي هعرفك بنفسي اياد عصام الحديدي ٢٧ سنه مهندس معماري واعمل في شركه عائلة الحديدي
شذى بضحك : وهي دي الاساله اللي انت سالتها
ضحك اياد : لا
شذى :طب انت مجوبتش ليه وعايزني انا اجاوب
اياد : خلاص هقولك بصي هو انا بحب واحده زي القمر بس معرفش اذا كانت بتحبني ولا شيفاني اصلاً ولا لا
صدمت شذى : ازاي مش انت بتحبها وعلى علاقه هو انت سبتها
اياد باندهاش : هي مين انا عمري ما حبيت غير اللي بحكيلك عليها دي وعمري ما كلمتها في الموضوع ده حتى لسه حببها قريب ومحدش يعرف حاجه
شذى : ها لا مفيش اصل انا كنت فكراك بتحب
اياد : طب ما انا بحب بس لازم اعرف قصدك على مين
شذة بتوتر : بصرلحه يعني مش انا قولتلك ان انا كنت بروح جنينه الفاكهه بتاعتكم علشان اذاكر هناك وساعات كنت بتيجي انت او مالك وانا بمشي من الباب اللي ورا ومش بتحس بيا انا بقى في مره كنت فوق وحسيت ان في صوت تحت طلعت لقيتك انت دخلت جبت الكتب بتاعتي واللاب توب و نزلت تحت قبل ما اخرج سمعتك بتكلم واحده وهاتك يا حب و بحبك و وحشتيني ومش عارفه ايه قلت اكيد حبيبتك
اياد : نعم هو بجد كنتي بتبقي موجوده
شذى: ايوه
اياد : طب ليه كنتي بتمشي
شذى : و اقعد ازاي يعني
اياد : عادي وبعدين حرمتينا نتعرف ببعض
شذى : عادي كل شيء بميعاد بس مين اللي كنت بتكلمها
اياد : ممكن تكون وحده كنت مصاحبها عادي بصي بصراحه انا كنت بصاحب بنات وبخرج وبنحب في بعض بس من ساعة ما حبيت خلاص كل ده بح بقت هي و بس
شذى : يا بختها بيك قصدي يعني انك اي بنت تتمناك قصدي انك حلو لا كويس بص انت تمام
ضحك اياد : لا انتي غريبه أوي نفسي اعرف سبب توترك
شذى : مش متوتره ولا حاجه بص هو لو اللي بتحبها مش حاسه بيك شوف غيرها احسنلك
اياد : طيب بس انا مش عايز حد غيرها هي
شذى بصوت منخفض و بغيره : دتها ضربه في بطنها
اندهش اياد : ايه بتقولي إيه؟
شذى: ولا حاجه بقولك ان شاء الله توصلها
اياد بمكر : ان شاء الله
شعر اياد انها من الممكن ان تكون معجبه به والا لماذا تدعي على حبيبته
اياد : مش هتحكيلي بقى عن حبيبك
شذى : قولتلك مفيش
اياد : وانا سالتك ولا عمرك حبيتي
شذى : حبيت مره بس طلع حمار وكان بيحب واحده تانيه داته ضربه في قلبه وقلبها
ضحك اياد : يستاهل حد يسيب القمر ده ويحب واحده تانيه
شذى : حمار بقى
اياد : عندك حق انتي جميله اوي و رغم شقاوتك بس ناعمه و رقيقه
َ
شذى بغيظ : و ايه كمان قوم ياخويا هات الاكل مش ناقصه فقع مرارة
ضحك اياد : ليه انا عملتلك حاجه
شذى بإحراج ؛ sorry مش قصدي انفعلت بس اصلك فكرتني بالحمار يلا الله يسامحه
اياد : ولا يهمك مش المهم انك نسيتيه
شذى بتوتر وكذب : ها اه طبعاً موضوع قديم جداً
اياد يشعر الكذب في كلامها : من امتا الحب ده
شذى بشرود : من سنتين ..شفته صدفه و في السنتين دول تقريباً شفته سبع مرات بس خطفني من اول مره صوته راحته كلامه شكله كل حاجه فيه تجنن
اياد و كأنه روحه تسحب منه بداخله صراع مع قلبه و سوال يدور بخاطره هل من ممكن ان يكون هو حبيبها نظرتها له تقول الكثير عيونها بحب شعر بالتوتر و الخوف ان يكون كل ذلك وهم و تكون بالفعل تقصد غيره.....جاء عامل المطعم و هو يحمل الطعام
العامل : اتفضل يا فندم
اياد : ها.. تمام شكراً يلا بينا
شذى : يلا
حملا الاثنين الطعام ورحلوا وفي هذا الوقت داخل البحر مالك يلعب مع الصغار و امير ينظر على تلك الحسناء
فكانت ترتدي مايوه قطعه واحده ذات فتحه جانبيه
مروان : ايه مالك بتبصلها كده ليه ممكن حد يلاحظ
امير بغضب مكتوم : بلا حد يلاحظ بلا ميلاحظش شايفها لابسه إيه؟ انا مش عارف إيه القرف ده و ليه تلبس كده
مروان : عادي يا ابني احنا على البحر وبعدين مش شايف السياح زيها و اكتر منها كمان يعني عادي احنا في مصيف واجانب وكده يعني ما تدقش
امير بغيره : اجانب مش اجانب ما ليش انا في الجو ده
مروان :و العمل هتعمل ايه يعني هتروح تقولها لابسه كده ليه هتقولك و انت مالك.. انت اللي عملت في نفسك كده استحمل بقى
امير : طب بص عينك على مالك غطي عليا وانا هحاول اقرب منها..
مروان : اوكي حظ سعيد
ذهب امير بمنتهى الهدوء حتى لا يلاحظ أحد مر من خلفها ولمس يدها و وقف بجوارها اندهشت من فعلته الجريئة و نظرت له
امير بثبات : ايه اللي انتي لبساه ده؟
سالي : وانت إيه اللي عملته ده انت اتجننت ؟
امير بابتسامه : عملت إيه..علشان لمستك.؟..انتي ناسيه انك ملكي يعني حقي .. بس مش من حق غيري يشوفه ممنوع البس ده تلبيسه تاني
سالي بغضب : ملك مين لا طبعاً مش ملكك و اول وآخر مره تتصرف كده انت فاهم و انا البس اللي انا عايزه و براحتي وانت ملكش عندي حاجه
وتركته و رحلت غاصبه
امير بعيد مكتوم نظره للجانب الآخر : سلمى سلمى
كانت تقف بعيده عنه بجوار مالك والأطفال
سلمى : نعم
أمير :هاتي الولاد وتعالي كفايه كده الشمس بتروح
سلمى : حاضر يلا يا ولاد
مروان : اخرجي انتي و انا هجيبهم
مالك : انا هشتال الحلوه دي
حمل سالي الصغيره و خرجوا جميعاً كانت سالي ترتدي فوق المايوه كاش مايوه على شكل روب ولكنه شفاف كثيراً جلس بجوارها امير وكأنه لا يقصد وجلس الباقين أيضاً و سلمى بجوار الاطفال
أمير بلا مبالاه بالتي تشتعل غضاً بجواره
امير : فين شذى؟
شمس : راحت مع اياد
عقد حاجبه : راحت فين مع إياد
مازن : راحوا يجيبوا غدا
أمير غضب من شذى لاحظت سالي فاقتربت منه على غفله من الجميع
سالي : هتفضل طول عمرك زي ما انت معندكش ثقه في اللي حواليك زمان موثقتش فيا و دلوقتي في اللي اتربت معاك و المفروض أنها اختك
قالت كلمتها ورجعت مكانها وهي تبتسم بلستفزاز امير يحدث نفسه :
امير يحدث نفسه : لا انا بثق في شذى بس مش واثق في اخوكي بس هو فعلاً انا شاكك ومعنديش ثقه لا طبعاً ازاي عمري ما كنت كده اكيد لا.. انا بس بغير على اللي يخصوني وبخاف عليهم انا عارف ان كلامك ده بسبب زعلك مني وانا غلطان ولازم تسلمحيني.. انا هخليكي تسامحيني
___🌹روبنزل المغتصبة
بقلمى برنسسN
عاد اياد وشذى وعلى وجوههم الابتسامه كان امير غاضب ولكن رسم الابتسامه حتى يثبت ل سالي عكس كلامها تناول الجميع الطعام وغابت الشمس و عادو إلى الفندق ثم ذهبوا الي غرفهم.....
مالك بالأسفل في انتظار هديته والباقين ذهبوا لاحضار الهديه وسلمى وشذى ناموا و معهم الاطفال أيضاً وامير و مروان يشرفان عل تجهيز المكان وصلت الهديه استلمها مالك وأعطاها لاحد العمال
مالك : لو سمحت وصل دي لغرفه ١٠٤ للانسه سلمى وقولها الفستان ده من الباشمهندس وبقولك تلبسيه النهارده في حفله بالليل
ذهب العامل إلى غرفه سلمى وشذى فتحت شذى
شذى : إيه ده ؟
العامل : ده للانسه سلمى من الباشمهندس وبيقولك تلبسيه بالليل
شذى : تمام اتفضل انت.. شكراً
اخذت شذى الفستان ودخلت الى الداخل وضعته على كرسى كبير موجود بمدخل الحناح وذهبت لكي تقوم بايقاظ سلمى
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية روبنزل المغتصبة" اضغط على اسم الرواية