رواية طبيبة نفسية ولكن الفصل الثامن بقلم ملك مختار
رواية طبيبة نفسية ولكن الفصل الثامن
_انتي مين بالظبط؟!
"بصتلي باستغراب وبعدين ردت"
~مين ازاي يملك انا راندا مالك!؟
_انتي مستحيل تكوني راندا!، اكيد في حاجه غلط!!
=فيه ايه يملك قصدك ايه؟!
"طلعت الصور من ع التليفون وحطيتها قدامهم وانا بتكلم"
_لما انتي راندا مين اللي مرميه في غيبوبه في المستشفي ده!!؟
اتكلم بصدمه=ده.. ده راندا، او او مش هي!!
"عمل زوم في الصوره وبعدين اتكلم"
=لا ده راندا ده اختي الوحمه اللي ايديها موجوده، انا واثق وانتي انتي كمان اختي،طب طب ازاي انتي هنا وهناك ازاي!؟
"بصلنا بصدمه وبعدين داخ واغمي عليه فـ جرينا عليه بخوف خالد سنده وقعده علي السرير وانا فوقته"
^اتكلمي!!
عيطت~انا راندا والله انا راندا، انت معرفتنيش يخالد!!؟
^للاسف.. انا قلبي بيقولي انك راندا لكن مع كل اللي بشوفه ده ابقي مجنون لو صدقت!!
اتنهدت~طيب انا هحكيلكو كل حاجه!!، هو انا في كليه ايه!؟
=اثار!!
_انا كنت متفوقه جدا في دراستي وانتو عارفين كده، يا عمر مش انا من فتره قولتلك ان الكليه بتاعتي طالعه كامب استكشاف مقبره لـ ملك من الاسره الخامسه وانت وافقت ولما رجعت قولتلك ان احنا لاقينا ورق بردي كتير وجبناه معانا وترجمنا جزء كبير من الورق ده ماعدا تلات ورقات كانو مكتوبين بـ شفره صعبه وده كان بمثابه لغز بالنسبالنا، ورجعت وقولتلك اني متحمسه جدا واني عاوزه استأذن اخد انا التلات ورقات واحاول اترجمهم ويبقو مشروع تخرجي
قاطعها=ايوه انا فاكر حاجه زي كده بس انا فاكر برده ان انا يوميها قولتلك لا واتخانقنا صح!؟
بلعت ريقها بكسوف~انا اسفه بس انا خدتهم فعلا وترجمتهم،بعد شهر محاوله وبحث اخيرا اكتشفت اللي كان مكتوب فيها وقرأته وكان...كان
_اهدي متتوتريش وقوليلنا براحه كان ايه!؟
~كان تعو'يذه..كانت تعويذه للتواصل بين الارواح والظهور بينهم يعني لو في مكان بعيد ومش قادره اوصلك لو نقيت عقلي اقدر اتواصل معاك ومن الدرجات العُليا هي اني اظهرلك،مش انت جيت بعد الكامب بفتره وقولتلي انك حسيت اني بنادي عليك فـ جيتلي الجامعه تاخدني!!
بدء يستوعب=ايوه ويوم ما عملتلك اكل وقولتلك اني شوفتك في خيالي بتقوليلي عاوزه اكل بسرعه علشان جعانه ومش هستني!!،دقيقه انتي كنتِ بتستخدمي الطريقه ده!!؟
~ايوه ولما تمكنت منها دخلت علي جزء اصعب وهو اني اظهرلك بس مبقاش كامله ابقي كده..عباره عن طيف!
"صدمه؟! ده لعنه كبيره مش بس صدمه ازاي فيه حاجه زي كده موجوده!؟ يعني هي دلوقتي علشان تقدر تساعدنا فهمتنا انها ميته وهي في غيبوبه اصلا وبتتواصل معانا من خلال التعويذه ده!؟ انتو كلتو دماغ امي!!"
ضحك^يعني انتي عايشه!؟ يعني انتي موجوده في الدنياا!؟انا مش مصدق نفسي!!!
بصيتله بحزن~ايوه انا عايشه بس كان لازم اتواصل معاكو علشان ممكن اموت الدكاتره قالو ان حالتي بتسوء اكتر واني مش بتعافي علي الادويه
زعقت_لانك هنا!! انتي مش بتخفي علي الاجهزه لانك مش عاوزه تفوقي،مش بتتعاوني معاهم
~ازاي!؟
_راندا لازم تلغي التعويذه ده فورا!!
~مستحيل!!
_ارجوك اللي انتي بتعمليه ده خطر مش عليكي لوحدك علي كل اللي حواليكي،فكري فيهم،فكري في عمر وخالد وانا انتي بقيتي مهمه في حياتي طب يستي بلاش انا، انتي مبسوطه واخوكي مرمي في مستشفي الامراض العقليه ومحدش مصدقه!؟،مبسوطه وانتي شايفه خالد بعيد عنك،طب فين احلامك، فين بيتك واسرتك اللي كنتِ بتحلمي تبنيها مع خالد، كل ده هتسيبيه وعلشان ايه!!
زعقت~علشان حقيي!! علشان حق كل صرخه صرختها ومرحمونيش!! علشان حق كل بنت اتعرضت لـ كده!! علشان اشيل الفكره من دماغ اي شاب ممكن يفكر في يوم!! علشان اخليهم عبره كلهم لأي حد !!
=انا بوعدك، هندمهم هخليهم ياخدو جزاءهم في الدنيا وربنا مش هيسيبهم في الاخره!!، بس انا محتاجك مقدرش اعيش وانتي مش موجوده علشان خاطري!
^علشان خاطرنا كلنا، احنا كلنا محتاجينك انتي شوفتي بعينك لما عرفنا انك ميته اتعذبنا ازاي رغم انك كنتِ بتطوفي حوالينا لكن فكره انك ممكن تسيبينا في اي وقت كانت بتمو'تنا من الخوف،ارجوك لو بتحبيني الغي التعويذه!!
قربت منها _انا بوعدك لو هضحي بنفسي وروح
مقابل اني اخليهم يتعاقبو هعملها بس انا مش هضحي بيكي!!
ابتسمت~لو انا خدت الـ 24قيراط بتوعي في الدنيا وجودكو في حياتي فأظن اني ربنا بيحبني اوي،شكرا لوجودكو، هستناكوو وهفوق علشانكو سلام.
"قالت كده واختفت مظهرتش تاني،عدي تلات ايام وبقي في ايدينا كاميرات المراقبه بتاعه التلات شباب وهما بيتهجمو عليها لكن لسه مفيش في ايدينا اي دليل ضد احمد وبنحاول نوصلوو"
^اسكندريه!
"كنت قاعده انا وعمر في الاوضه مع بعض ولاقينا خالد داخل وبيقولنا كده،نسيت اقولكو ان انا وعمر قربنا من بعض اكتر الفتره الاخيره لكن انا دايما بصده لو حاول يدخل في اي تفاصيل!!"
"جهزنا حاجاتنا وخدت اجازه انا وخالد وهر'بنا عمر بعد ما اتفقت مع المدير وسافرنا اسكندريه"
"ودونا فندق بيطل علي البحر وقالو اننا هنفضل هنا لحد الصبح ونروحله!!"
^اتفضلو ده مفاتيح اواضكو وانا هقعد معاك يابو نسب
=بس يالا!!
_هو احنا بعيد عن بعض!!
^لا يستي اوضتك جنب اوضتنا في نفس الدور متقلقيش !!
"طلعنا غيرت هدومي وصليت وخرجت اقف في البلكونه واحاول افكر هنخلي احمد يعترف ازاي"
=الجميل سرحان في ايه!؟
_سرسجي اوي يعني!!
=طيب ياسيدي شكرا كفايه!!
_كنت بفكر.. واحد زي احمد مستحيل يعترف بالسهوله ده ازاي هنوقعه!
=انا كمان بفكر في نفس الموضوع وخايف، احمد مش سهل، من يومه وهو دماغه سم ويبيع اهله علشان مزاجه!!
_انا خايفه اووي بجد، دقيقه مش خالد قال ان احمد بي'سكر في مكان زي البار كده وبياخد اوضه لوحده!؟
=ايوه!!
بصيتله بخبث_نادي علي خالد عندي خطه!!
=ربنا يستر والله!!
"جه خالد وشرحتلهم الخطه واللي كانت عباره عن"
_كلنا عارفين انه بيسهر في الاوضه ده لوحده وان هما جرسونات معينين اللي بيدخلو الاوضه وباقي الر'اقصات بتوعه صح!؟
^ايوه!!
_هدخل من اللي جوه وهحط برشامه هلوسه في عصيره البرشامه ده بتشتغل بعد ربع ساعه بالظبط وبتبقي زي المنوم المغناطيسي بالظبط اي سؤال بتساله بيجاوب عليه!
=بتهزري!!؟
_لا طبعا احنا بنستخدم البرشام ده مع المُجر'مين ال'مُختلين علشان نقدم تقرير كامل للمحكمه!!
=الله عليكي حقيقي ضمنت ذكاء ولادي!!بس احنا هنخش معاكِ مستحيل اسيبك معاه!!
"والله الانسان قلب طماطم هالحين"
_يبني ازاي وهو عارفكوو!؟
^هنتنكر انا عارف محل كويس متقلقوش!!
_ تمام كده يبقي اتفقنا!
^طيب تصبحي خير بقا!!
_وانت من اهله! تصبح علي خير يا عمر!
=وانتي من اهلي
"عملت نفسي من بنها ودخلت علشان انام!،فرحانه!؟ قلبي بيرفرف يا حيسااام!!"
"تاني يوم لبسنا وروحنا ودخلت قدمتله العصير بالهدوم الزباله ده"
*انا طالب و'يسكي ايه ده!؟
"اطفح بقا وانت ساكت البرشامه مش هتشتغل مع الو'يسكي!!"
ابتسمتله واتكلمت بدلع_ده عصير بيقدمه المكان لحضرتك لانك ذبوننا!
ابتسم*اه اذا كان كده ماشي!!
"رفع العصير وبصلي وبعدين رمي الكوبايه علي الارض"
*حلو اوي الفيلم ده بس يا رخيص يا ابن عمتي!!
اتوترت_نعم!!
"وقف ومسك السكينه من الفواكهه اللي قدامه وحطها علي رقبتي"
*هتطلع يا عمر والا اخلي حبيبه القلب تحصل اختك!!؟
يتبع الفصل التاسع اضغط هنا
- الفهرس يحتوي علي جميع فصول الرواية اضغط علي اسم الرواية :" رواية طبيبة نفسية ولكن"