رواية أحببت مجهول الفصل الثالث عشر 13بقلم منال عباس

  رواية أحببت مجهول بقلم منال عباس 

رواية أحببت مجهول الفصل الثالث عشر 13

 سمعت ماهى صوت رساله استأذنت والديها للصعود لحجرتها ..

فتحت الرساله بكل لهفه 

لتجدها من المجهول 

كنتى زى القمر النهارده ..ابتسمت عند قراءتها تلك الرساله .ثم عادت للعبوس ماذا يريد منى الم يتركنى فى حالى 

بالرغم من فرحتها بتلك الرساله قررت أن تبعث له رساله وتنهى ذلك الأمر 

(ايها المجهول 

الآن انا مخطوبه وخطيبي احبه منذ أن عرفته فهو حب حياتى ..لا اعلم أن كان يحبنى ام لا ولكن انا لن اخون ثقته ولا ثقه اسرتى رجاء عدم ملاحقتى ثانيه لا بالرسائل ولا بقدومك إلى عن قريب سأكون زوجه وهذا ميثاق ) بعثت الرساله ودخلت فى بكاء شديد فهى مضغوطه نفسيا لما يحدث لها إلى نامت ...

عند أحمد 

كان يشعر بالضيق لما حدث ثم فكر مليا واتصل على ندى ليحدثها 

ندى : اخيرا افتكرتنى 

احمد : حقك عليا يا ندوش 

النهارده قرأنا فاتحه ماهى 

ندى : الف مبروك بس الخاينه ماعرفتنيش

احمد : اعذريها ..ماهى مضغوطه وكل حاجه تمت بسرعه ثم إنها قراءة فاتحه الخطوبه اخر الاسبوع ..

ندى : مال صوتك فى حاجه مضايقاك 

احمد :أيوة يا ندى علشان كدا اتصلت عليكى 

ندى : احكيلي وشعرت بالسعاده أنه لجأ إليها 

احمد : قص لها كل ما حدث من مازن 

ندى : من حق مازن أن يغير على ماهى ..هو لا يعلم علاقتكم جيدا هو أسلوبه كان رخم بس ما تنساش أنها حاليا خطيبته ومن حقه يرفض حد يكلمها بالشكل دا

هقولك مثال افرض مثلا انك خطيبي بقولك مثلا احسن تفتكر أنى دايبه فى دباديب امك وهموت عليك وعايزاك تخطبني

ضحك احمد : كملى يا مصيبه

ندى : مصيبه !! انا احلى مصيبه يا حلو انت يا حلو 

احمد : بضحك طيب كملى 

ندى : اكمل ما كملش ليه هو انا صغيرة 

احمد : يخربيت فصلانك نسيتنى هنتكلم عن ايه ..

ندى : بضحك ايوا كدا اضحك ضحكتك بالدنيا 

اللى كنت هقوله انك لو خطيبي ترضي ابن عمى يقولى يا حبيبتي امامك 

احمد : دا انا كنت اقتله 

ندى : بس هو دا اللى عمله مازن 

يبقى الموضوع منتهى وما تزعلش

احمد : عندك حق يا ندوش 

بس قوليلى بما اننا مخطوبين مثلا مفيش بوسه كدا  ...ثم ضحك 

ندى : هههههه ممنوع اللمس أو الاقتراب ...

احمد بحب : بحبك يا ندوش

ندى : بتقول ايه سمعنى تانى ..

نتركهم فى عالمهم شويه اللهم انى صائمه 🤣🤣🤣

عند المجهول 

استلم رسالة ماهى وقرأها عده مرات وكل مرة يشعر بأن ماهى انسانه صادقه ويحبها أكثر واكثر

المجهول : انتى نبض القلب يا ماهى كيف لى أن اتركك. فانا العاشق لك المتيم بحبك .

انا منال هييح بقي احنا فى رمضان ياجودعان 

الحب والكلام دا بقي هسيبك يا مجهول كمل كلامك بينك وبين نفسك ونروح لشخصيه تانيه 😘😘😘😘

عند رحاب

رحاب : كبرنا يا حسام وماهى فترة وتتزوج وبعدها نبقي اجداد 

حسام : كبرنا ايه يا روبي

دا انا كنت خايف العريس يتلغبط بينك وبين ماهى 

كنتى زى القمر يا حبيبتى 

رحاب بدلع : وطى صوتك حد يسمعك 

حسام : ما اللى يسمع يسمع وبلاش دلع اصل كدا هتخلينا نخاوى ماهى ونجبلها اخ صغير 🤣🤣

انا منال يالهوى مش عارفه اخرج من مود العيله الحبيبه دى 😄😄😄

يأتى اتصال على المجهول 

المتصل : ايوا سياده الرائد ...

المجهول اهلا سياده اللواء 

اللواء : اولا مبروك 

ثانيا : ماكنتش حابب اضايقك بس 

وصلنى من خلال التحريات أن المافيا قدرت توصل لفيلا حسام 

المجهول : ازاى بس احنا كنا حريصين جدا عند نقلهم للمكان دا 

اللواء : المهم خليك على يقظه لان واضح أن العمليه دى لسه ما انتهيتش

كمان المعمل السرى المجهز لدكتور حسام ودكتور رحاب لعمل التجارب لازم الناس دول ما يوصلوش ليه 

المجهول تمام يا فندى 

هزود الرقابه والأمن ومحدش هيقدر يقرب وان شاء هعمل خطه محكمه للقبض عليهم ...

ثم شكره واغلق الهاتف

المجهول : ياااه يا ماهى كل ما اطمن انك بقيتى فى امان يحصل كدا

انتى لازم تتزوجى بسرعه

 ياتى الليل وينام جميع ابطالنا 

إلى أن يأتي الصباح وتدخل اشعه الشمس فى حجرة ماهى لتستفيق 

تدخل الحمام وتأخذ شاور سريع وتستبدل ملابسها 

وترتدى إسدال الصلاة 

لتصلى الصبح وتدعو الله وهى ساجده أن يهدى لها طريقها ...

وبعد أن انتهت من أداء الصلاة 

تشعر بالاطمئنان وراحه بال وبعدها تقرر أن ترتدى الحجاب ..

يرن هاتفها وكان المتصل مازن 

مازن : صباح الخير حبيبتى

ماهى : صباح الخير دكتور مازن

مازن : فى حد يقول لخطيبه دكتور قولى مازن 

ماهى :تمام 

مازن : مفيش داعى تروحى الجامعه اليوم وانا هجيبلك كل المحاضرات اللى فاتتك مكتوبه وجاهزة

ماهى : شكرا يا دكت

قاطعها مازن : احنا قولنا ايه

ماهى : شكرا يا دكتور مازن 

مازن : طيب اجهزى هفوت عليكى كمان ساعه نشترى كل طلباتك ونفطر سوا وكمان نشترى الشبكه . 

ماهى : بس انا فكرت هنخرج اخر النهار

مازن : اليوم مش هيكفى وعايزين نجيب كل حاجه 

ماهى : طب هستأذن بابا

مازن : انا اتصلت من بدرى واخدت الاذن خلاص

عايز اليوم كله نكون سوا يا ماهى قالها بحب

ماهى باحراج : أن شاء الله

تذهب ماهى إلى حجرة والديها تطرق على الباب

حسام : ادخل

تدخل ماهى 

ماهى صباح الخير يا حوس 

صباح الخير يا روبي ثم تقبلهم 

حسام : مازن اتصل عليا واستاذن تخرجوا سوا 

وكويس أنه عمل كدا علشان انا ووالدتك ورانا شغل كتير النهارده ومش هنفضي نكون معاكى 

ماهى : وطب احمد هيقعد لوحده

رحاب : غريبه انتي يا ماهى 

ماهى : ليه روبي بس 

احمد نزل مخصوص علشانى المفروض اطمن عليه

رحاب : طيب اطمنى يا ستى 

احمد استأذن يرجع شقتهم علشان يوضبها لان والدته راجعه بكرة .

ماهى بفرحه توصل بالسلامه يارب

روبي كنت عايزة اطلب منك طلب 

رحاب : قولى يا حبيبتي عايزة فلوس

ماهى بضحك لا بس عايزة طرحه من حضرت تليق على الدريس الموف انا قررت اتحجب

فرح حسام هو ورحاب وهنئوا ماهى لقرارها ذلك 

ظنا منهم أن السبب وراء الحجاب هو مازن .

تاخذ ماهى طرحه مشجرة بالوان الموووف 

وتخرج لتجهز نفسها 

ارتدت الملابس وعليهم الطرحه وكانت تبدو كالحوريه فى تلك الملابس .

دخلت على والديها 

رحاب : بسم الله ما شاء الله قمر زى باباكى

حسام بضحك قصدك زى مامتك 

ماهى ربنا ما يحرمني منكم 

ثم تودعهم وتنزل الى الاسفل فباقى دقيقتين لوصول مازن .

وما أن وصلت إلى الهوووول

رن جرس الباب

فتحت الخادمه وكان مازن 

دخل وما أن رأى ماهى فى حجابها حتى وقف مكانه مذهولا تفحصها بنظراته 

ثم اقترب منها واحتضنها..

تفاجئت ماهى برد فعله وحاولت أن تبتعد وكانت خجله من رؤيه تلك الخادمه لهما..

دخلت الخادمه إلى المطبخ 

ماهى باحراج : مش هنخرج بقي 

مازن : انا بشكرك اوووى يا ماهى انك لبيتى رغبتي 

ماهى باستغراب : بس انت ما طلبتش منى اتحجب

مازن بمراوغه : فعلا بس دى كانت امنيتى

يلا بينا علشان ما نتأخرش ثم أمسك بيدها وخرجوا 

وصلوا إلى سيارة مازن قام مازن بفتح باب السيارة لماهى كان يعاملها كالاميرات فهى تستحق تلك المعامله فقد قرر مازن أن يتناسى علاقه ماهى لاحمد وقرر أنه سوف يحاسبها عن الحاضر ويترك الماضى إلى سبيله .لا يعلم أنه الماضى والحاضر والمستقبل بالنسبه لها...

يذهبوا إلى المول ثم يجلسوا فى مطعم شيك لتناول الإفطار 

مازن بنظرة حب لماهى : انا عايز افطر على زوقك اطلبى اللى نفسك فيه 

ابتسمت ماهى لأسلوبه الجديد معقول دعواتى اتحققت.. ثم طلبوا الافطار وتناولوا بسرعه وخرجوا لشراء الملابس 

مازن عايزك اختارى ليا البدله والقميص وكل شئ

ماهى : حاضر 

اختارت له بدله سوداء وقميص موووف فاتح فهى تعشق ذلك اللون وكارفت موف به خطين 

وشوذ اسود اللون ..

اما بالنسبه لها قامت بقياس فساتين عديده معاده اى فتاة 

مازن : حرام عليكى رجليا انكسرت من اللف معقول كل الفساتين مفيش حاجه عجباكى

ماهى : اكيد فى حاجات عجبتنى بس بشوف اكتر علشان اختار اكتر واحد ملائم ..

مازن : طب وملاكى اختار ولا لسه 

ماهى : ايوا خلاص قررت دا 

مازن : يا مفتريه دا كان اول واحد قيستيه

ماهى : بضحك ماهو اكتر واحد شدنى وكان عبارة عن فستان موووف فاتح طويل ضيق من فوق حتى الوسط واسع جدا من بعد الوسط لاسفل عليه وردات من الموف الغامق مطرزة فى ذيل الفستان واختارت شوز ابيض وشنطه بيضاء وطرحه بيضاء 

مازن : مش هتورينى شكلك وانتى لابساهم 

ماهى. : لا طبعا دا فال وحش

ضحك مازن لمعتقداتها تلك 

مازن : طيب انا خلاص تعبت من اللف والدوران تحبي نتغدى فين ليرن هاتفه وكانت والدته 

مازن : أيوة يا ست الكل 

سلوى والدة مازن : أيوة يا حبيبي اوعى تكونوا اتغديتوا 

مازن ويفتح الاسبيكر كي تسمع ماهى 

مازن : لا لسه وميت من الجوع 

سلوى : طب ادينى ماهى 

ماهى : ازيك يا طنط 

سلوى اهلا يا روح طنط ليا عندك طلب 

ماهى : اتفضلى طبعا 

سلوى : تجيبي مازن وتيجوا تتغدوا معايا انا خلاص عملت حسابكم حرام اتغدى لوحدى 

ابتسمت ماهى لطيبه والدته 

ماهى : حاضر يا ست الكل حضرتك تؤمرى 

وودعتها وأغلقت الهاتف 

مازن كان سعيدا جدا من تصرف ماهى وشكرا 

وذهبوا ليركبوا السيارة 

ثم شغل الكاسيت على اغنيه حليم

نعم يا حبيبي نعم أنا بين شفايفك نغم 

وايامى قبلك ندم وايامى  بعدك عدم 

نعم يا حبيبي ...نعم....

ماهى بفرحه : الله زوقك حلووووو انا بحب حليم اوووى 

مازن بغمزة طب وانا 

ماهى باحراج وانت 

مازن : انا ايه 

ماهى : بس بقي ما تحرجنيش 

مازن : ماشي يا ست ماهى نصبر على الجميل 

استمعوا الى باقي الاغنيه حتى وصلوا إلى منزل والدته .

وكانت فيلا صغيرة ولكنها جميله جدا لها حديقه غايه فى الروعه اقتطف مازن ورده من الحديقه وأهداها لماهى شكرته ماهى 

دخلوا إلى الفيلا لتستقبلهم والدته بالاحضان والترحاب اهلا بعروستنا الجميله 

لتسمع ماهى صوت فتاة  تنزل من على السلم 

مازن حبيبي ايه رايك فى المفاجئه دى .......

يتبع الفصل الرابع عشر 14 اضغط هنا 

الفهرس يحتوي على جميع فصول الرواية كاملة: "رواية أحببت مجهول " اضغط على أسم الرواية