رواية "لن نفترق " بقلم الكاتبة منة الله مجدي
رواية "لن نفترق " الفصل الرابع عشر14
،،،،اللقاء،،،
انها لحظه نجمع لها كل طاقاتنا التعبيريه
نحمل الكلمات من العبء ما لا تتحمله الجبال
انها لحظه تحملنا الي عالم غير عالمنا
ليت الزمن يتوقف عند هذه اللحظه
دلفت امال تمشي علي استحياء فهم هو واقفاً كي يرحب بها وهو يشعر بان قلبه وعينيه يعانقانها قبل يديه........صعقت امال ما ان راته
اخذت تحدق في حنايا وجهه وهي غير مصدقة لما يجري........اخذت تفتح عينيها وتغمضها عدة مرات كي تتاكد مما تره وفجاءة هدات اهدابها التي تخبأ خلفها الكثير من الدموع والاحاديث
شعرت وكانها تود لو تركض ناحيته وتعانقه تخبئ بين ذراعيه........حتي تروي هذا القلب من عذاب الشوق والم الفراق
حتي ترويه حبا وعشقا حرمت منه لسنوات عديدة
وتعوض كل اشواق الفتره الماضية
فاردف هو ببحة جديدة عليه وكأنه يكتشف صوته من جديد
رياض: ازيك يا امال
برقت عيناها بدهشة وهي تحاول ان تجنع الحديث علي اطراف شفتيها
امال:رياض! انا الحمد لله
اردف هو باسماً
رياض:وانا كمان الحمد لله
وفي نفس اللحظة اخذ نصار يد حفيدته همسة وخرجا من الغرفة كي يتيحا لهما فرصة التحدث
توجهت شيرين ناحية همسة وهي تسأل في دهشة
شرين : هو مين دا ومالها ماما عامله كده ليه
استاذنت همسة جدها واخذتها وخرجا للحديقة
اجلستها وجلست الي جوارها
وهي تتابع بحبور
همسة : بصي بقي ياشري ماما زمان كانت قبل ما تتجوز باباكي كانت هي وعمو رياض بيحبوا بعض بس جدو مرضاش يجوزهم علشان ساعتها كان عمو رياض فقير وجدو كان خايف ان عمتو امال مترتاحش معاه وطبعا عمتو امال اتجوزت باباكي انما عمو رياض مرضيش يتجوز وباباكي اتوفي ربنا يرحمه وعمتو امال ربتك وبقيتي عروسه حلوه زي القمر وطبعا هي متجوزتش بعد عمو لانها مكنتش عاوزه تتجوز بعد باباكي انما هي برضوا كانت لسه بتحب عمو رياض واخذت تقص عليها باقي التفاصيل
اما شيرين فكانت حائرة مشتتة لا تعرف اتفرح لاجل والدتها ام تحزن لاجل والدها
استطاعت همسة ان تستشف ما يجري بداخل شيرين من صراع وحيرة من عينيها
فاردفت بحبور
همسه:بصي ياشرين عمتو امال تستاهل كل السعاده وعايزاكي تعرفي انها استحاله تعمل حاجه تضايقك بيها وعمو رياض شخصيه محترمه جدا وطيب جدا وهتحبيه جدا جدا وهو هيعتبرك زي بنته وهتشوفي
احتضنتها شيرين واردفت بخوف
شرين :انا بصراحه ياهمسه خايفه جدا ومش عارفه المفروض اعمل ايه
ربتت همسة الي يدها واردفت باسمة
همسه:متخافيش ياحبيبتي احنا كلنا جمبك ومحدش هيجبرك علي اي حاجه ادعي بس انتي ربنا وباذن الله خير متقلقيش
**************************
عند امال ورياض
سألها رياض عن حالها
فاجابت باسمة
امال:الحمد لله كويسه وبقي عندي بنوته
فاردف هو باسماً يسألها
رياض: ماشاء الله اد ايه بقي
اجابت هي بفخر
امال:شري في في تالته اعلام
اخذ يتطلع اليها في حب ثم اردف بهدوء
رياض:بس انا بقي معنديش ولاد متجوزتش من بعدك
"ما اجمل اللقاء بعد الفراق
ما اجمل اللقاء بعد الغياب
ما اجمل اللقاء بعد الحنين "
شعرت بالخجل من نظراته فاردفت بندم معتذرة
امال:انا فعلا اسفه علي كل حاجه
اخرج رياض وقتها علبة من جيبه وركع علي احدي ركبتيه
رياض : بصي بقي انا جاي النهارده علشان عاوز اقولك انا استنيت كل الفتره دي بدون جواز لاني مش هسمح لواحده تاخد مكانك انا جاي النهارده وبطلب ايدك قدام كل الناس دي لو موافقه هبقي اسعد واحد في الدنيا
تطلعت اليه بنظرات يملؤها حب وفرحة وشوق
فقد تقدم لها بالطريقة التي وعد بها منذ اكثر من 20 عاما
فاردف هو مشاكساً
رياض: امال اخلصي يا حبيبتي انا خلاص عجزت وصحتي علي ادي متستحملش القعدة دي
ضحكت امال وسط دموعها واومأت براسها عدة مرات في سعادة
امال بفرحة: موافقه موافقه
نهض بسعادة وتمتم
رياض:والله انا النهارده محدش في سعادتي
ربنا يحفظك ليا وميحرمنيش منك ابدا
ثم طلب منها ان تأخذه لابنتها كي يطلبها منها
تلألأت عيناها واردفت باسمة بحب
امال:انت طيب اوي يا رياض
اخذ يعدل ياقة قميصه في اعتزاز
رياض : انتو بس اللي مش مقدرين قيمتي
ضحكت هي وتوجها ناحية شيرين وهمسة
اردفت شيرين بقلق
شرين:الحقي ياهمسه دول جايين علينا
همسه:متقلقيش اكيد عاوزين يعرفوا عمو رياض عليكي
انا هخلع انا بقي علشان تعرفوا تاخدوا راحتكوا
تمسكت بها شيرين كالطفل الخائف من فقدان والدته واردفت بتوسل
شرين: لا لا متسيبينيش خليكي معايا
ربتت همسة علي ذراعها وهتفت بحنان
همسه : حاضر حاضر متخافيش مش هسيبك
هتفت امال في هذا الوقت باسمة بتوجس
امال:شرين ياحبيبتي دا يبقي عمو رياض
فاردف هو باسماً مرحباً بها
رياض:ازيك ياشرين......
ثم التفت لامال وهمسة واودف مشاكساً
اتفضلوا بقي هوونا عاوز اتكلم مع بنتي شويه ممكن زمت هي شفتاها بضيق وتابعت بتذمر
امال:بقي كده من اولها هتعملوا عليا حزب
تصنعت همسة الخزن واردفت
همسه: يلا ياعمتو احنا ملناش عيش هنا
ونظرت لشيرين في حنان لتطمانها ثم ذهبت هي وامال وتركتهما سويا
فاردفت امال بامتنان
امال:عمك رياض قالي علي كل حاجه
ربنا يسعدك ويفرح قلبك يابنتي زي ما فرحتيني
بجد انتي مش متخيله انتي ازاي رجعتيلي كل حاجه في حياتي ربنا يحفظك ويسعد قلبك ويهنيكي
اردفت هسمة بخجل
همسه:ياحبيبتي انا معملتش اي حاجه والله
لم تجد امال اي كلمة تعبر بها عن مدي امتناها ناحيتها فاحتضنتها وهي تدعوا الله بداخلها ان يسعدها ويحميها....شعرت همسة بدفئ حضن امال......هذا الذي كانت تحتاجه منذ فترة
وفجاء سمعت رنين هاتفها وكالعادة كانت مكالمة من المستشفي فاستاذنتهم وذهبت
**********************
في الحديقة
اردف رياض بحبور
رياض:بصي يا حبيبتي انا عمري ماكان عندي بنات فلو تسمحيلي بشرف ان يبقي عندي بنوته حلوة كده زيك هبقي فعلا اسعد اب في الدنيا
صمت هنية ثم تابع
طبعا انتي مستغرباني
تنهد بعمق ثم تابع بجدية
بصي يا شرين انا طول عمري كنت بحب مامتك ومتجوزتش علشان مش عاوز اي واحده تاخد مكانها وعايزك تعرفي اننا مش هنجبرك علي حاجه يا حبيبتي......بصي انا هسيبك تفكري براحتك وخدي قرارك وخليكي متاكدة ان محدش هيجبرك علي اي حاجة
شعرت شيرين بان افكارها تتصارع وتتطاحن
ولكن قررت في النهاية الا تكون عائقا في طريق سعادة والدتها فاردفت باسمة بتردد
شرين: لالا استني يابابا انا موافقه
توقف رياض عن السير عندما سمعها تنطق بابا وهتف بسعادة
رياض بسعادة :انا متشكر يابنتي
انطلقا سويا وهي تتشبث بذراعه ليزفا هذا الخبر السعيد للجميع
يتبع الفصل الخامس عشر15: اضغط هنا
الفهرس يحتوي على جميع فصول الرواية كاملة: "لن نفترق " اضغط على أسم الرواية