رواية صغيرة الرعد الفصل الثلاثون 30 بقلم دعاء احمد
رواية صغيرة الرعد الفصل الثلاثون 30
الجارد:عرفنا مكان مدام دانه يا رعد بيه
رعد بسرعه:هي فين؟
الجارد:هي دلوقتي حالا بتتمشي مع واحده صاحبتها في شارع...
رعد بحده:عايزه تكون عندي انت فاهم النهارده واياك إياكم حد يقربلها انت فاهم... قسما بالله اخلص عليكم بنفسي
الجارد: اعتبره حصل
رعد:خدها على الفيلا بتاعتي وانا ساعه بالكتير واكون هناك عايز اوصل القيها هنا
في الشارع*******
دانه : مالك يا بت من ساعه ما خرجنا من المحل وانتي مسهمه كدا ليه
دعاء : مز و كاريزما لا ومحترم كمان
دانه:الله الله احنا بنحب ولا ايه ولا وني معتقدش
دعاء بحزن : ليه هو انا مش مكتوبلي اني احب.... هو انا وحشه يعني.. ولا عشان لساني طويل شويه
دانه :شويه بس
دعاء :شويتين تلاته يعني
الاتنين ضحكوا و هما بيشربوا تمر هندي
دانه:هو مين الكاريزمه
دعاء :اهو واحد حلو والسلام بقولك انا عايزه ترمس
دانه: اموت وافهم هي فلوسنا حرام ولا انتي عندك خرم في بطنك بيصرف علي طول ما تهمدي يا بت ممعناش فلوس ناكلك يخربيتك
دعاء : بس احلي حاجه اني محفظه على شكلي مزه
دانه بغمزه:لا مزه الصراحه
الاتنين فضلوا يضحكوا
لحد ما جيت عربيه وواحد نزل ورش حاجه في وشهم
دانه كانت بتفقد الوعي ام دعاء ولا إثر فيها
دعاء :يللهويي اللحقوووووووونننننننيييي يا ناااااااسس سيبها يا حيو"ان يا ابن ال....
الجارد :يخربيتك هتفضحينا
وضر"بها بالروسيه و دخلها مع دانه والاتنين في عالم تاني اصلا
بعد مده طويله
بتصحي دعاء و دماغها مش فيها اصلا
دعاء :اه يا نفوخي يا انا يا اما
فهد :انتي كويسه يا انسه
دعاء بدوخه وابتسامه: كلمه انسه بالنبره دي انا سمعتها فين قبل كدا اااهه
فهد :كويسه
دعاء :هو انت يا فضحتي يا فضحتي انت عملت ايه يا مصيبتك السودا يا دعاء
انت عملت ايه ياضي انت اللي خطفتني والله ما انا سيبالك الا عند البوليس
فهد:اخرسي بقى وقومي ايه جعوره يخربيت سنيك قومي امشي ياله
دعاء :دانه فين دانه... انتم عملتوا فيها ايه... فين انطق
فهد :دي مسائل عائليه مالكيش دخل فيها
دعاء :والله العظيم لو ما قالتلي هي فين لاصوت ولم عليك امه لا اله الا الله واقول متحر"ش واوديك في ستين مصيبه انا اصلا بايعه الدنيا ستين صرمه
فهد :طب اخرسي وقومي هفهمك وانتي مبرد
دعاء فجاه: ابن القر"عه اللي ضر"بني فين انطق..
فهد:والله عنده حق يضر"بك
دعاء : هاتهولي بياخدني على خوانه هاتهولي
فهد:اهدي يا بنتي ايه حد داسلك على طرف
دعاء بدموع تماسيح: يرضيك قره عينك حد يضر"بها
فهد بابتسامه :قره عيني دا اللي هو ازاي
دعاء بتهرب وتحط شعرها وراء ودانها: هو فين اللي ضر"بني عايزه اخد حقي
فهد :تقبلي بالعوض
دعاء بابتسامة خبيثه :ههههه عوض هتستحمل عوضي
فهد بابتسامه : أمري لله عايزه ايه
دعاء : شوف يا برنس انت اسمك ايه الاول
فهد
دعاء :هيح اسمك شبه أبطال الروايات لكن مش لايق مع دعاء
بس مش مهم هنسميها
دعاء الفهد حلو هههه
بص بقى اول حاجه عارف ابو طارق بتاع الكشري
فهد :ماله
دعاء :عوضني ياله بينا وانا هقولك العوض عندي شكله عامل ازاي
ونسيت دانه اصلا
خرجوا سوا وفعلا دفعته د"م قلبه وطبعا هي عندها مبدأ
الاكل ثم الاكل ثم الاكل
وراحوا الملاهي واماكن تانيه كتير
فهد حس انه مبسوط وهو معها وان جواها طفله روحها حلوه
************
عند رعد
دانه :اه يا دماغي
بتقوم لكن بتشهق لما تلقى رعد قاعد وحاطط رجل على رجل وبيبص عليها
رعد :اهلا يا هانم
دانه:انت... انا عايزه امشي
رعد :اوعي تكوني فاكره انك هتعرفي تهربي مني يا دانه دا انتي لو رجعتي بطن امك هجيبك
دانه ببرود: خالص قالت الكلمتين المحشورين في ذورك بعد اذنك
وقايمه ماشيه
رعد بسرعه مسكها من دراعها بعنف:رايحه فين... شاكلك نسيتي انك على ذمه راجل
دانه: انسى انا طلبت الطلاق قبل ما امش ومش عايزاك
رعد مسكها من شعرها بغضب :اوعي تكوني فاكره اني هسيبك بعد كل اللي عملتيه دا
دانه بدموع : سيبني يا اخي حرام عليك
رعد بغضب وهو بيشدها من وسطها :مش هسيبك انتي ملكي
دانه :و انا مش عايزاك ايه مبتفهمش
رعد بحنان عكس تماما ما كان عليه : تنكري انك بتحبيني زي ما انا بحبك.... انا متأكد ان في حاجه حصلت ما هو مش معقول كنا هنحتفل بعيد ميلادي و انتي تسيبي البيت
ليه عملتي كدا
دانه بغضب :عشان مش عايزاك انت مبتفهمش
رعد :تمام اوي كدا
شدها بسرعه لحضنه و با"سها بغضب وعصبيه ثواني وتحولت لقب"له هادئه
دانه بسرعه زقتها و ضر"بته بالقلم
رعد بصدمه :انتي عملتي ايه....
دانه بدموع و خوف: انا بكر"هك
رعد بزعيق؛ لييييييهه انا حبيتك من كل قلبي
دانه بصوت عالي : لأنكم السبب في مو"ت اهلي.. عشان اهلي اللي عمك قت"لهم بسبب طيشه و جدك اللي د"فن الموضوع
عشان ابنه ميروحش في داهيه
أحمد بيه مهمش عليه يرمي البنت اللي قت"ل عيلتها فاخدها رباها عشان يكفر عن اخطاءه
رعد بزعيق :وانا ذنبي ايه؟ ليه بتاخدني بذنب هما عملوه؟
دانه بدموع : وانا ذنب اهلي ايه انهم يمو"توا بسبب مهندس فاشل وقع عليهم العماره
انت كنت عارف اني مش من عيله المنشاوي صح ليه خبيت عليا
رعد بعصبيه :عشان بتنيل احبك استحملت قسو"ه جدي عشان بحبك..... زورت الوصيه عشان بحبك و انتي مقدرتيش حبي ليكي
دانه بزعيق :و انت ليه مش حاسس بالنا"ر اللي جوايا ليه حرام عليك فجأه تعرف انك عايش مع الشخص اللي اتسبب في مو"ت امك وابوك واخواتك
رعد مسكها بعنف من دراعها: ودا جزات حبي ليكي انا خبيت عليكي عشان ماذكيش ولا اوجعك الموضوع اتدفن واتنسي ليه عايزه تحيه
دانه بعياط :عشان دول اهلي انت فاهم طلقني يا رعد انا معتش عايزه اعيش معك ولا عايزه اي حاجه تربطني بالعيله دي لولا انه رباني كنت بلغت عنه وحبستكم كلكم... طلقني
رعد :..
يتبع الفصل الواحد والثلاثون 31 اضغط هنا
- الفهرس يحتوي على جميع فصول الرواية كاملة :"رواية صغيرة الرعد" اضغط على اسم الرواية