يوميات رمضانية "في بيت العيلة" بقلم إيمان محمد بركات
يوميات رمضانية "في بيت العيلة" الفصل الثالث3
محمود بلع ريقه ووشه احمر وأمه بتبصله بصه هو أدرك معناها كويس وفهم انه خلاص لا مفر من الاعتراف والافضل من الاعتراف هو الاعتذار بشكل مباشر
سعيدة:كل اللف والدوران اللي حصل الصبح دا يا محمود علشان تفطر عند نسايبك
محمود يصلها بنظرة كلها أسف وندم،سعيده شاورتله بدماغها انه يطلع فوق وهو مصدق وجري من قدامها علي فوق فتح الباب بمفتاحه وفي نفس اللحظة اسماء كانت خارجة من غرفة الاولاد بعد ما نيمتهم محمود زق الباب بقوة خلاه اتخبط في الحيطة و رجع اتقفل لوحده،اسماء للحظة شكت ان حماتها عرفت بزيارتهم لبيت والدها لكن كدبت افكارها وقالت لنفسها:وهما هيعرفوا منين وانا محكتش علي العزومة لاي حد وكمان اهلي وحماتي اتصالهم ببعض شبه مقطوع الا في حالات المرض بيسألوا بالتليفون لكن غير كدا مفيش اي تواصل يبقي اكيد مش دا السبب ورجعت تسأل نفسها يا تري ايه اللي حصل بين محمود ومامته خلاه يغضب كدا؟ والواضح انه هيخرج غضبه عليها هي،استنته يخرج من الحمام علشان تتكلم معاه لكنه تجاهلها وراح علي غرفة الانتريه ونام بهدوم الخروج،اما اسماء بعد الحركة دي قررت متروحش وراه رغم انها كانت ناوية تتكلم معاه وتطبطب عليه مهما كان سبب زعله لكنها تراجعت لأنها سبق وعتبت عليه هجرانه ليها بدون داعي او بداعي وان دا بيألمها جدا رغم انها مبتسبش بيتها ابدا حتي لو غضبت زي ما معظم الستات بتعمل وبيهجرو بيوتهم لكن محمود في غضبه مبيقدرش دا ومبيهتمش بزعلها او بجرحها منه حتي لو مكنتش غلطانة أو ارتكبت اي ذنب في حقه،اسماء دخلت اوضتها سابت بابها مفتوح وحاولت تنام رغم انها متأكدة ان النوم بيجافيها الليله اللي زوجها بيبعد عنها لكن سبق وقررت انها مش هتظهرله دا زي ما سبق وعملت في بداية حياتها معاه وكانت النتيجة لا شئ
حاولت تنام مقدرتش بعدها فتحت موبايلها وقرأت قرآن وبعدها فتحت فيس وفضلت تقلب فيه بدون هدف
*****************************
أماني:اصحي يا عادل يلااا دي تالت مرة اجي اصحيك غير كدا خلاص هروح اتسحر مع نفسي الفجر خلاص علي آذان
عادل اتعدل من مكانه ببطئ
اماني:طيب تعالي بقي وهات حمزة من أوضته علشان يتسحر معانا وصحيه بشويش علشان حلا متصحاش وتفضل تزن للصبح
عادل في سره وهو مش قادر يطلع صوت ولا يرد:يخرب بيت جنانك يا اماني جايبة منين الفوقان دا كله وعماله تتكلمي من غير فصلان دا انا حسيت دماغي لفت علشان رفعتها من علي المخدة وبعدين حمزة مين دا اللي هروح اجيبه دا انا عايز حمزة ياجي ياخدني للسفرة بس مش قادر حتي انادي عليه،عادل دخل حمام أوضته غسل وشه وايده وخرج وكان هيطنش حمزة ويخليها هي اللي تجيبه لكنه لقي ان وصله النكد والعتاب اللي هتعملها اماني اصعب من انه يروح يصحي حمزه اللي اول مادخل اوضته لقي نفسه مش قادر يتكلم ولا يصحيه قام لافح الولد علي كتفه وراح ناحية السفره حطه علي الكرسي وهو نايم وامه خارجة من المطبخ شافته جريت عليه ورمت طبق الجبنه اللي في ايدها وجريت علي ابنها اللي نايم ودماغه بتميل وهو كمان كان هيقع لولا لحقت وسندته وبدأت تصحي فيه وهي بتبص لعادل اللي بياكل مع نفسه بسرعة ونهم وكأنه مش شايفهم خالص بس مكنش فيه وقت لخناق يدوب تلحق تتسحر هي وابنها
***********************
مني:إيه رأيك في الأومليت يا عابد
عابد مسك اللقمة اكلها باستطعام:اممم جميل اوي يا حبيبتي تسلم إيدك
مني وهي بتحرك بقها يمين وشمال باستغراب وتريقة:هو اي اللي اممم وجميل وتسلم ايدي انا بسألك علي البيض تقوم واكل حتة جبنة وتقولي تسلم ايدك؟ بتاخدني علي أد عقلي؟
عابد:ما اهو انا قصدي تسلم إيدك علي الجبنة
مني:وهو انا اللي عملت الجبنة؟
عابد مردش كمل أكل وهو بيتاوب واخد زجاجة ميه كبيرة ودخل اوضته ،الأولاد كمان اتسحرو وقاموا ولسه كانوا هيدخلوا أوضهم بس مني نادت عليهم
مني:شادي! أحمد! كل واحد ياخد طبقه يدخله ع الحوض ولو فيه أكل يحطة في التلاجة
شادي:يا ماما حرام بقي انا عايز انام ورايا دروس الصبح
مني مردتش وبصت قدامها وبدأت تتسحر هي كمان لأنها اتلهت ومكلتش اصلا:يلا يا شهد انتي كمان كلي بتنامي علي نفسك كدا ليه
الكل أكل والأكل اتشال ودخلوا اوضتهم،مني اتوضت وفرشت سجادة الصلاة وقعدت تنتظر صلاة الفجر
عابد بص لمني بإستغراب كأنه افتكر حاجة بعدها مسك زجاجة المية وشرب كتير:هو مش مفروض ان إحنا بنتسحر عند امي تحت،ولا احنا اتسحرنا فين بظبط عشان مش فاكر
مني بصتله باستغراب وبعدها بصت قدامها وهزت دماغها :اه يا حبيبي اتسحرنا تحت ولسه طالعين اهو
عابد:امال ليه مشفتش امي علي السفرة معانا وفكر شوية اه شفتها حطتلنا البيض علي الترابيزة ودخلت اوضتها تاني انا هنزل اشوفها ليه ما أكللتش معانا
مني قامت من علي المصلاة وشدته من ايده ودخلته الأوضه تاني:ما اهو علشان التلويش اللي هي شافته واحنا بنتسحر أول يوم وكل واحد منكم بيتخبط فأخوه ومش شايف قدامه نبهت علينا كل واحدة تتسحر هي وزوجها وولادها في شقته وهي بتتسحر بعد ما تصلي قيام الليل وبعدها هتنام لأنها مبتقدرش تنام وتصحي تاني للسحور دا كلامها تقدر تسألها بنفسك الصبح بقي لأنها دلوقتي نايمة
***************************
قُرب الضهر اسماء كانت صحيت بثقل وتعب واكتئاب مشيت بشويش ناحية اوضة الانترية تشوف محمود اذا كان نايم ولا صحي بس ملقتهوش في الأوضة رجعت للصالة وراحت قدام التلفزيون شغلته واتكت قدامه علي الكنبة وبعد شوية قامت وطلعتله الجلبيه بتاعته من الدولاب علشان يصلي بيها الجمعة وصحت مازن ولبسته جلبيته هو كمان ونزل عند جدته يستني باباه وعمامه وولادهم علشان يصلوا كلهم في المسجد،بعدها طلعت عند اماني بعد ما اتأكدت ان عادل زوجها لبس ونزل
اماني:يا اهلا
اسماء دخلت وقعدت علي الكنبة بدون ما تنتبه لطريقة اماني ولهجتها الممزوجة بعتب ولوم ،اسماء قعدت وسندت رأسها لورا علي الكنبة ولما اماني بصتلها لاحظت الزعل اللي باين علي وشها وفهمت من شكلها انها مكتفية وان اكيد حماتها سبق واتخانقت معاها بسبب فطارها هي وجوزها عند مامتها قررت انها متعتبهاش ولا تقولها انها هي كمان زعلانه منها لأنها خبت عليها
اماني:ياستي خلاص وحدي الله واحنا من امتا بنزعل من ماما سعيدة ما احنا طول عمرنا عارفين انها مبتحبش تشيل في قلبها حاجة لحد مننا خالص ولازم تواجه وتعاتب أول بأول علشان النفوس تفضل صافية ومتشلش من بعضها،هي بس صعبان عليها ان أول يوم رمضان وابنها وولاده مفطروش معاها وفوق دا انه كمان خبي عليها ومصرحهاش
اسماء رفعت رأسها من علي الكنبة وبصت لأماني بتركيز،لكن أماني ففهمت ان نظرة اسماء هي لوم بسبب انها ممنعتش مني من انها تعرف حماتها اللي حصل
أماني:يابنتي متبرقليش كدا علي الصبح وربنا ما شفتها لما راحت قالتلها انا كنت في المطبخ انا وهي لكن لما خرجت توري الصور لماما انا مشفتهاش
أسماء:صور إيه؟
أماني:صور العزومة
اسماء:عزومة إيه
أماني:عزومتك اللي عند والدتك الصور اللي انتو نزلتوها،مالك يا بنتي هو الموضوع كان فيه ضرب ولا إيه انا كنت فكراها زعقتلك بس معرفش انها ضربتك علي دماغك كمان
اسماء بتبص علي موبايلها ملقتهوش راحت بسرعة علي شقتها وتجاهلت اماني اللي بتنادي عليها،وهي قدام شقة أماني سمعت صوت محمود بصت تحت لمحته لابس هدوم غير اللي هي جهزتهاله وخارج لصلاة الجمعة نزلت شقتها اللي في الدور التالت وجابت موبايلها وفتحت الفيس واتفاجأت بكم المنشورات اللي شيماء اختها منزلاها وشافتها منزل صور الأولاد وصوره اخواتها ومحمود ظاهر معاهم حتي السفرة لقيتها مصوراها بالكامل ومنزلاها وصورة تانية للحلويات اللي اشتروها من بسبوسة وكنافة وهما مرصوصين علي ترابيزة صغيرة
رمت التليفون وقعدت تفرك في ايدها بحدة وغيظ من مني ومن اختها شيماء اللي ياما حذرتها تنزل صور خاصة بيهم وبحياتهم ومع ذلك غفلتها وصورت العزومة بالكامل في وجودها لكن من غير ما تشوفها،مسكت التليفون تاني واتصلت علي شيماء مرة واتنين بس مردتش،مني بتكلم نفسها بس بصوت عالي من نرفزتها :طبعا هانم ااحنا لضهر ولسه مصحيتش ،هتصحي ازاي ما اهي أكيد سهرانة علي الفيس للصبح مش وراها حاجة غيره
رنت علي مامتها بس هي كمان مردتش عليها مسكت التليفون خبطته علي الترابيزة ورجعت تفرك تاني في ايديها بغيظ
دقائق ورن تليفونها تاني مسكته لقيت مامتها اللي بتتصل
نادية:صباح الخير يا حبيبتي
اسماء بضيق:صباح الخير يا ماما
نادية:مالك خير في ايه
اسماء:برن عليكي ياماما مردتيش ليه
نادية:كنت بصلي الضهر ولما خلصت رنيت عليكي علي طول اهو اتكلمي يا بنتي قولي في إيه مضايقك علي الصبح كدا
اسماء:في بنتك ياماما اللي ياما قولتلك بطلي دلع فيها
نادية :مالها شيماء عملتلك إيه
اسماء حكتلها علي اللي حصل من شيماء والمشاكل اللي حصلت عندها نتيجة للعملته
نادية:يعني انتي سايبة كل أطراف المشكلة وماسكة في اختك اللي نزلت صورة علي الفيس ،انا مش هتكلم علي أي طرف علشان ميخصنيش بس هتكلم عنك انتي يا اسماء طالما انتي مش قادرة تواجهي وتصرحي باللي انتي عايزاه ،يبقي بتعمليه ليه؟
لما انتي مش قادرة تواجهي حماتك انك هتفطري عندي انت وجوزك يبقي بتخرجي ليه وتكدبي وتخلي زوجك كمان يكذب علي أمه وانتم صايمين،انا ياما حذرتك يا أسماء ان التصرف اللي انتي بتعمليه طالما بتحاولي تخبيه ومش قادرة تعترفي بيه يبقي تراجعي نفسك في التصرف دا الأول ربما يكون فيه خطأ ، لو كان فيه خطأ يبقي تتراجعي عن التصرف دا فورا،ولو مفيهوش خطأ يبقي دا حقك وتتكلمي بعلو صوتك وتقولي انك هتعملي الحاجة دي و متخافيش وساعتها محدش هيكون له عندك حاجة ،الكدب اخرته وحشه اديكي شفتي نتيجته بنفسك ،انتي كمان معرفتيناش ان جوزك جاي من ورا حماتك ولذلك اختك معملتش حساب دا وصورت ونزلت ،راجعي نفسك يا بنتي قبل ما تلومي علي غيرك
اسماء حست بغصة في حلقها بسبب كلام امها اللي كانت منتظراها تهون عليها مشكلتها وزعلها اتكلمت بصوت يا دوب طالع منها:ماشي ياماما مع السلامة انا هشوف مكة في الأوضة لتكون صحيت
نادية:متزعليش مني يابنتي انا لازم اعرفك خطأك بدل ما اخدعك واقولك انك صح وازعق بكلمتين قدامك لأختك وخلاص،والنهاية نبقي معالجناش الموضوع برضه
اسماء:مش زعلانة ياماما مع السلامة
قفلت مع امها وراحت تشوف بنتها في الأوضة لقيتها صحيت اخدتها ودخلتها الحمام
اما نادية بعد ما قفلت بصت لقيت شيماء اللي واقفة وسمعت المكالمة كلها،تجاهلتها ومسكت مصحفها وقبل ما تفتحه شيماء اتكلمت بسرعة:يا ماما انا مكنتش اعرف ان دا كله هيحصل لمجرد اني نزلت صور
نادية بزعيق:وافرض مكنتيش عارفة باللي هيحصل مع اختك،لكن مكنتيش تعرفي انه ميصحش ننزل صور الأكل اللي بناكله وانتي رايحة تنزلي صور لحوم ومحمر وحلويات،وناس تتفرج عليها ومنهم اللي يدوب فطاره اول يوم شوية فول ولا بطاطس وحامد ربه انه بياكل وشبعان ويومهم كان هيعدي بسلام وبصورك دي هتنغصي عليهم يومهم لما اطفالهم يجو يسألوهم احنا مبنفطرش ليه زي الفطار دا ولا نفسهم تروح علي حاجة حلوة من اللي نزلتيها ودي رفاهيه مش في مقدرة أهلهم ،تفتكري الأهل دول هيبقي احساسهم إيه
شيماء:هو انا يا ماما بس اللي بنزل صور أكل؟ وبعدين ما احنا بنخرج وجبات من كل أكل بنعمله؟
نادية:كل واحد مسئول عن اللي هو بيعمله وهيتسأل قدام ربه عليه مش معني ان الكل بيعمل حاجة يبقي الحاجة دي صح
وبعدين الكام فرد اللي ربنا جعلنا سبب في إطعامهم ميجوش حاجة جنب عدد الناس اللي مش لاقيين يفطروا كويس هما وأولادهم يا بنتي ،روحي استغفري علي الاذي اللي سببتيه لبعض الناس،وكلمي اختك راضيها
شيماء بصت للارض:حاضر يا ماما
**********************
الرجال رجعوا من الصلاة وفضلوا تحت مع امهم كالعادة بعد صلاة الجمعة والستات كل واحدة صلت في شقتها وبعدها نزلوا تحت،اما اسماء فضلت انها تقعد في شقتها علشان متعرضش نفسها لمواجهات مع حماتها قدام الكل،ودي عادتها اللي مخليه اللي حواليها فاكرينها بتتهرب من الموقف ودا مخليها في نظر الناس دايما غلطانة ،لكن محدش يعرف حقيقة انها مبتعرفش ترد او تدافع عن نفسها حتي لو معاها حق ودا اللي مضيع حقها دايماً، أما الاطفال اتجمعوا الأولاد لوحدهم والبنات لوحدهم علشان كل مجموعة تلعب االلعبة اللي تناسبها وكلهم فرحانين وبيلعبوا في جو مليان بهجة بعيداً عن مشاحنات الكبار
حمزة:ماما ياماما انا عطشان أوي عايز اشرب
عادل:ايه يا حمزة هتدلع ولا إيه احنا لسة الضهر وانت مبقتش صغير علشان تفطر انت في رابعة ابتدائي وبعدين أهدي وبطل تنطيط انت ومازن علشان متعطشوش
حمزة:هو احنا هنستفاد إيه يعني من الصيام ،احساس بالفقراء طيب ما أنا حاسس بيهم وبخرج جزء صغير من مصروفي لما الاقي حد محتاج في الطريق ولما اكبر واشتغل هديهم جزء اكبر علشان هكون بشتغل ومعايا فلوس كتير يعني انا كدا عارف انهم محتاجين حتي لو مصومتش
مازن:ايوة صح ياعمو وكمان لو احنا بنصوم علشان نحس بالفقراء ،يبقي الفقراء بيصوموا علشان يحسوا بمين بقي؟
سعيدة:خد يا واد انت وهو تعالي هنا مين قالك ان احنا بنصوم علشان نحس بالفقرا وهما جعانين
فكرة إن الصيام هدفه إننا نحس بالفقراء فكرة غلط ١٠٠%
مفيش آية في القرآن بتقول إننا بنصوم علشان نحس بالفقراء...
الفكرة دي بتطلع ملايين فاهمين إن الصيام مجرد تكدير وعكننة...
شوية جوع وعطش وصداع... كان ممكن نحس بالفقرا بطريقة تانية الصيام مفروض علينا علشان نتعلم نتحكم في شهواتنا...
والصيام مفروض علشان ندرب نفسنا علي الصعب…
ايه تاني يا ولاد؟
الصيام بيمنعنا من شهوات حلال علشان بعد كدا ترك الغلط والمعاصي والحرام يبقي سهل....
يعني ايه دي يا مازن؟
يعني انت دلوقتي جعان هتمنع نفسك من الأكل اللي هو حلال،علشان بعد كدا لما تلاقي قدامك أكل انت عارف انه حرام زي انه يكون الأكل دا مسروق مثلا انت ساعتها هتقدر تمنع نفسك عنه بكل سهولة
يعني الصيام اللي بيمنعك من الحلال وأنت بتقوله سمعاً وطاعة هو ده قمة الخضوع والاستسلام لله…
يعني الأهم من دا كله يا حمزة التسليم، التسليم المطلق لله من غير ليه و إزاي... هو ده اللي احنا اتخلقنا علشانه...
.
لعلكم تتقون..دي الغاية من العباده ككل ومن الصيام..وكذلك التسليم لله
ها فهمت يامازن انت وحمزة ولا لساكم شايفين انه مفيش عازة من الجوع والعطش وعايزين تفطوروا
مازن:لا يا تيتي مش عايز افطر خلاص انا هصوم اليوم كلة
حمزة:وانا كمان يا تيتي هصوم اليوم كله لغاية اخر رمضان مش انهاردة وبس
سعيدة:ان شاء الله يا ولاد،يلا قوموا كفاية لعب اقرو قرآن شوية ولما العصر يأذن صلوا وناموا شوية لقرب المغرب
الكل بيحكي مع بعض وسعيدة بتتكلم مع اولادها وبتتكلم مع ابنها محمود عادي كأن محصلش حاجة بينهم ودي عادتها دايماً مع ولادها تعاتب ويعتذروا منها وبعدها تسامح
كل واحد طلع شقته يرتاح شوية،أما محمود قال انه معاه مشوار صغير هيقضيه ويرجع،والستات قرروا يطبخوا في شققهم وكل واحد ياخد صنف وينزلوا كلهم يفطروا مع سعيدة علشان ميبهدلوش المطبخ بتاعها كل يوم
أماني قبل ما تطلع شقتها خبطت علي أسماء ،أسماء فتحتلها:اهلا يأ أماني واقفة ليه كدا ادخلي
أماني:لا انا جاية اشوفك وطالعة علي طول قبل ما جوزك يرجع هو قال انه معاه مشوار صغير وراجع علي طول المهم ياستي انتي منزلتيش ليه الوضع دا مش ظريف مهو مش معقول هتفضلي في شقتك كدا كتير انزلي اتكلمي معاها ،انا رأيي تنزلي دلوقتي هي لوحدها ومفيش حد راضيها واطلعي تاني الموضوع مش مستاهل كل دا ،يلا ياحبيبتي علشان نلحق نرتاح شوية وبعدها نعمل فطار وننزل كلنا ،أماني حضنت اسماء وطبطبت عليها وطلعت شقتها
اما مني بعد ما دخلت شقتها وقفلت الباب سمعت خبط أماني علي شقة اسماء فتحت بابها تاني ومالت بوشها ناحية السلم علشان تسمعهم بعدها افتكرت انها صايمة وإن تجسسها دا هيبطل صيامها نفخت بضيق و استغفرت ودخلت لقيت شادي ابنها وراها اللي كان بيهز دماغه بحسرة وغلب علي تصرفات والدته
شادي:علي فكرة يا ماما التجسس مش حرام في رمضان وبس،التجسس حرام في أي وقت
سعيدة:كل اللف والدوران اللي حصل الصبح دا يا محمود علشان تفطر عند نسايبك
محمود يصلها بنظرة كلها أسف وندم،سعيده شاورتله بدماغها انه يطلع فوق وهو مصدق وجري من قدامها علي فوق فتح الباب بمفتاحه وفي نفس اللحظة اسماء كانت خارجة من غرفة الاولاد بعد ما نيمتهم محمود زق الباب بقوة خلاه اتخبط في الحيطة و رجع اتقفل لوحده،اسماء للحظة شكت ان حماتها عرفت بزيارتهم لبيت والدها لكن كدبت افكارها وقالت لنفسها:وهما هيعرفوا منين وانا محكتش علي العزومة لاي حد وكمان اهلي وحماتي اتصالهم ببعض شبه مقطوع الا في حالات المرض بيسألوا بالتليفون لكن غير كدا مفيش اي تواصل يبقي اكيد مش دا السبب ورجعت تسأل نفسها يا تري ايه اللي حصل بين محمود ومامته خلاه يغضب كدا؟ والواضح انه هيخرج غضبه عليها هي،استنته يخرج من الحمام علشان تتكلم معاه لكنه تجاهلها وراح علي غرفة الانتريه ونام بهدوم الخروج،اما اسماء بعد الحركة دي قررت متروحش وراه رغم انها كانت ناوية تتكلم معاه وتطبطب عليه مهما كان سبب زعله لكنها تراجعت لأنها سبق وعتبت عليه هجرانه ليها بدون داعي او بداعي وان دا بيألمها جدا رغم انها مبتسبش بيتها ابدا حتي لو غضبت زي ما معظم الستات بتعمل وبيهجرو بيوتهم لكن محمود في غضبه مبيقدرش دا ومبيهتمش بزعلها او بجرحها منه حتي لو مكنتش غلطانة أو ارتكبت اي ذنب في حقه،اسماء دخلت اوضتها سابت بابها مفتوح وحاولت تنام رغم انها متأكدة ان النوم بيجافيها الليله اللي زوجها بيبعد عنها لكن سبق وقررت انها مش هتظهرله دا زي ما سبق وعملت في بداية حياتها معاه وكانت النتيجة لا شئ
حاولت تنام مقدرتش بعدها فتحت موبايلها وقرأت قرآن وبعدها فتحت فيس وفضلت تقلب فيه بدون هدف
*****************************
أماني:اصحي يا عادل يلااا دي تالت مرة اجي اصحيك غير كدا خلاص هروح اتسحر مع نفسي الفجر خلاص علي آذان
عادل اتعدل من مكانه ببطئ
اماني:طيب تعالي بقي وهات حمزة من أوضته علشان يتسحر معانا وصحيه بشويش علشان حلا متصحاش وتفضل تزن للصبح
عادل في سره وهو مش قادر يطلع صوت ولا يرد:يخرب بيت جنانك يا اماني جايبة منين الفوقان دا كله وعماله تتكلمي من غير فصلان دا انا حسيت دماغي لفت علشان رفعتها من علي المخدة وبعدين حمزة مين دا اللي هروح اجيبه دا انا عايز حمزة ياجي ياخدني للسفرة بس مش قادر حتي انادي عليه،عادل دخل حمام أوضته غسل وشه وايده وخرج وكان هيطنش حمزة ويخليها هي اللي تجيبه لكنه لقي ان وصله النكد والعتاب اللي هتعملها اماني اصعب من انه يروح يصحي حمزه اللي اول مادخل اوضته لقي نفسه مش قادر يتكلم ولا يصحيه قام لافح الولد علي كتفه وراح ناحية السفره حطه علي الكرسي وهو نايم وامه خارجة من المطبخ شافته جريت عليه ورمت طبق الجبنه اللي في ايدها وجريت علي ابنها اللي نايم ودماغه بتميل وهو كمان كان هيقع لولا لحقت وسندته وبدأت تصحي فيه وهي بتبص لعادل اللي بياكل مع نفسه بسرعة ونهم وكأنه مش شايفهم خالص بس مكنش فيه وقت لخناق يدوب تلحق تتسحر هي وابنها
***********************
مني:إيه رأيك في الأومليت يا عابد
عابد مسك اللقمة اكلها باستطعام:اممم جميل اوي يا حبيبتي تسلم إيدك
مني وهي بتحرك بقها يمين وشمال باستغراب وتريقة:هو اي اللي اممم وجميل وتسلم ايدي انا بسألك علي البيض تقوم واكل حتة جبنة وتقولي تسلم ايدك؟ بتاخدني علي أد عقلي؟
عابد:ما اهو انا قصدي تسلم إيدك علي الجبنة
مني:وهو انا اللي عملت الجبنة؟
عابد مردش كمل أكل وهو بيتاوب واخد زجاجة ميه كبيرة ودخل اوضته ،الأولاد كمان اتسحرو وقاموا ولسه كانوا هيدخلوا أوضهم بس مني نادت عليهم
مني:شادي! أحمد! كل واحد ياخد طبقه يدخله ع الحوض ولو فيه أكل يحطة في التلاجة
شادي:يا ماما حرام بقي انا عايز انام ورايا دروس الصبح
مني مردتش وبصت قدامها وبدأت تتسحر هي كمان لأنها اتلهت ومكلتش اصلا:يلا يا شهد انتي كمان كلي بتنامي علي نفسك كدا ليه
الكل أكل والأكل اتشال ودخلوا اوضتهم،مني اتوضت وفرشت سجادة الصلاة وقعدت تنتظر صلاة الفجر
عابد بص لمني بإستغراب كأنه افتكر حاجة بعدها مسك زجاجة المية وشرب كتير:هو مش مفروض ان إحنا بنتسحر عند امي تحت،ولا احنا اتسحرنا فين بظبط عشان مش فاكر
مني بصتله باستغراب وبعدها بصت قدامها وهزت دماغها :اه يا حبيبي اتسحرنا تحت ولسه طالعين اهو
عابد:امال ليه مشفتش امي علي السفرة معانا وفكر شوية اه شفتها حطتلنا البيض علي الترابيزة ودخلت اوضتها تاني انا هنزل اشوفها ليه ما أكللتش معانا
مني قامت من علي المصلاة وشدته من ايده ودخلته الأوضه تاني:ما اهو علشان التلويش اللي هي شافته واحنا بنتسحر أول يوم وكل واحد منكم بيتخبط فأخوه ومش شايف قدامه نبهت علينا كل واحدة تتسحر هي وزوجها وولادها في شقته وهي بتتسحر بعد ما تصلي قيام الليل وبعدها هتنام لأنها مبتقدرش تنام وتصحي تاني للسحور دا كلامها تقدر تسألها بنفسك الصبح بقي لأنها دلوقتي نايمة
***************************
قُرب الضهر اسماء كانت صحيت بثقل وتعب واكتئاب مشيت بشويش ناحية اوضة الانترية تشوف محمود اذا كان نايم ولا صحي بس ملقتهوش في الأوضة رجعت للصالة وراحت قدام التلفزيون شغلته واتكت قدامه علي الكنبة وبعد شوية قامت وطلعتله الجلبيه بتاعته من الدولاب علشان يصلي بيها الجمعة وصحت مازن ولبسته جلبيته هو كمان ونزل عند جدته يستني باباه وعمامه وولادهم علشان يصلوا كلهم في المسجد،بعدها طلعت عند اماني بعد ما اتأكدت ان عادل زوجها لبس ونزل
اماني:يا اهلا
اسماء دخلت وقعدت علي الكنبة بدون ما تنتبه لطريقة اماني ولهجتها الممزوجة بعتب ولوم ،اسماء قعدت وسندت رأسها لورا علي الكنبة ولما اماني بصتلها لاحظت الزعل اللي باين علي وشها وفهمت من شكلها انها مكتفية وان اكيد حماتها سبق واتخانقت معاها بسبب فطارها هي وجوزها عند مامتها قررت انها متعتبهاش ولا تقولها انها هي كمان زعلانه منها لأنها خبت عليها
اماني:ياستي خلاص وحدي الله واحنا من امتا بنزعل من ماما سعيدة ما احنا طول عمرنا عارفين انها مبتحبش تشيل في قلبها حاجة لحد مننا خالص ولازم تواجه وتعاتب أول بأول علشان النفوس تفضل صافية ومتشلش من بعضها،هي بس صعبان عليها ان أول يوم رمضان وابنها وولاده مفطروش معاها وفوق دا انه كمان خبي عليها ومصرحهاش
اسماء رفعت رأسها من علي الكنبة وبصت لأماني بتركيز،لكن أماني ففهمت ان نظرة اسماء هي لوم بسبب انها ممنعتش مني من انها تعرف حماتها اللي حصل
أماني:يابنتي متبرقليش كدا علي الصبح وربنا ما شفتها لما راحت قالتلها انا كنت في المطبخ انا وهي لكن لما خرجت توري الصور لماما انا مشفتهاش
أسماء:صور إيه؟
أماني:صور العزومة
اسماء:عزومة إيه
أماني:عزومتك اللي عند والدتك الصور اللي انتو نزلتوها،مالك يا بنتي هو الموضوع كان فيه ضرب ولا إيه انا كنت فكراها زعقتلك بس معرفش انها ضربتك علي دماغك كمان
اسماء بتبص علي موبايلها ملقتهوش راحت بسرعة علي شقتها وتجاهلت اماني اللي بتنادي عليها،وهي قدام شقة أماني سمعت صوت محمود بصت تحت لمحته لابس هدوم غير اللي هي جهزتهاله وخارج لصلاة الجمعة نزلت شقتها اللي في الدور التالت وجابت موبايلها وفتحت الفيس واتفاجأت بكم المنشورات اللي شيماء اختها منزلاها وشافتها منزل صور الأولاد وصوره اخواتها ومحمود ظاهر معاهم حتي السفرة لقيتها مصوراها بالكامل ومنزلاها وصورة تانية للحلويات اللي اشتروها من بسبوسة وكنافة وهما مرصوصين علي ترابيزة صغيرة
رمت التليفون وقعدت تفرك في ايدها بحدة وغيظ من مني ومن اختها شيماء اللي ياما حذرتها تنزل صور خاصة بيهم وبحياتهم ومع ذلك غفلتها وصورت العزومة بالكامل في وجودها لكن من غير ما تشوفها،مسكت التليفون تاني واتصلت علي شيماء مرة واتنين بس مردتش،مني بتكلم نفسها بس بصوت عالي من نرفزتها :طبعا هانم ااحنا لضهر ولسه مصحيتش ،هتصحي ازاي ما اهي أكيد سهرانة علي الفيس للصبح مش وراها حاجة غيره
رنت علي مامتها بس هي كمان مردتش عليها مسكت التليفون خبطته علي الترابيزة ورجعت تفرك تاني في ايديها بغيظ
دقائق ورن تليفونها تاني مسكته لقيت مامتها اللي بتتصل
نادية:صباح الخير يا حبيبتي
اسماء بضيق:صباح الخير يا ماما
نادية:مالك خير في ايه
اسماء:برن عليكي ياماما مردتيش ليه
نادية:كنت بصلي الضهر ولما خلصت رنيت عليكي علي طول اهو اتكلمي يا بنتي قولي في إيه مضايقك علي الصبح كدا
اسماء:في بنتك ياماما اللي ياما قولتلك بطلي دلع فيها
نادية :مالها شيماء عملتلك إيه
اسماء حكتلها علي اللي حصل من شيماء والمشاكل اللي حصلت عندها نتيجة للعملته
نادية:يعني انتي سايبة كل أطراف المشكلة وماسكة في اختك اللي نزلت صورة علي الفيس ،انا مش هتكلم علي أي طرف علشان ميخصنيش بس هتكلم عنك انتي يا اسماء طالما انتي مش قادرة تواجهي وتصرحي باللي انتي عايزاه ،يبقي بتعمليه ليه؟
لما انتي مش قادرة تواجهي حماتك انك هتفطري عندي انت وجوزك يبقي بتخرجي ليه وتكدبي وتخلي زوجك كمان يكذب علي أمه وانتم صايمين،انا ياما حذرتك يا أسماء ان التصرف اللي انتي بتعمليه طالما بتحاولي تخبيه ومش قادرة تعترفي بيه يبقي تراجعي نفسك في التصرف دا الأول ربما يكون فيه خطأ ، لو كان فيه خطأ يبقي تتراجعي عن التصرف دا فورا،ولو مفيهوش خطأ يبقي دا حقك وتتكلمي بعلو صوتك وتقولي انك هتعملي الحاجة دي و متخافيش وساعتها محدش هيكون له عندك حاجة ،الكدب اخرته وحشه اديكي شفتي نتيجته بنفسك ،انتي كمان معرفتيناش ان جوزك جاي من ورا حماتك ولذلك اختك معملتش حساب دا وصورت ونزلت ،راجعي نفسك يا بنتي قبل ما تلومي علي غيرك
اسماء حست بغصة في حلقها بسبب كلام امها اللي كانت منتظراها تهون عليها مشكلتها وزعلها اتكلمت بصوت يا دوب طالع منها:ماشي ياماما مع السلامة انا هشوف مكة في الأوضة لتكون صحيت
نادية:متزعليش مني يابنتي انا لازم اعرفك خطأك بدل ما اخدعك واقولك انك صح وازعق بكلمتين قدامك لأختك وخلاص،والنهاية نبقي معالجناش الموضوع برضه
اسماء:مش زعلانة ياماما مع السلامة
قفلت مع امها وراحت تشوف بنتها في الأوضة لقيتها صحيت اخدتها ودخلتها الحمام
اما نادية بعد ما قفلت بصت لقيت شيماء اللي واقفة وسمعت المكالمة كلها،تجاهلتها ومسكت مصحفها وقبل ما تفتحه شيماء اتكلمت بسرعة:يا ماما انا مكنتش اعرف ان دا كله هيحصل لمجرد اني نزلت صور
نادية بزعيق:وافرض مكنتيش عارفة باللي هيحصل مع اختك،لكن مكنتيش تعرفي انه ميصحش ننزل صور الأكل اللي بناكله وانتي رايحة تنزلي صور لحوم ومحمر وحلويات،وناس تتفرج عليها ومنهم اللي يدوب فطاره اول يوم شوية فول ولا بطاطس وحامد ربه انه بياكل وشبعان ويومهم كان هيعدي بسلام وبصورك دي هتنغصي عليهم يومهم لما اطفالهم يجو يسألوهم احنا مبنفطرش ليه زي الفطار دا ولا نفسهم تروح علي حاجة حلوة من اللي نزلتيها ودي رفاهيه مش في مقدرة أهلهم ،تفتكري الأهل دول هيبقي احساسهم إيه
شيماء:هو انا يا ماما بس اللي بنزل صور أكل؟ وبعدين ما احنا بنخرج وجبات من كل أكل بنعمله؟
نادية:كل واحد مسئول عن اللي هو بيعمله وهيتسأل قدام ربه عليه مش معني ان الكل بيعمل حاجة يبقي الحاجة دي صح
وبعدين الكام فرد اللي ربنا جعلنا سبب في إطعامهم ميجوش حاجة جنب عدد الناس اللي مش لاقيين يفطروا كويس هما وأولادهم يا بنتي ،روحي استغفري علي الاذي اللي سببتيه لبعض الناس،وكلمي اختك راضيها
شيماء بصت للارض:حاضر يا ماما
**********************
الرجال رجعوا من الصلاة وفضلوا تحت مع امهم كالعادة بعد صلاة الجمعة والستات كل واحدة صلت في شقتها وبعدها نزلوا تحت،اما اسماء فضلت انها تقعد في شقتها علشان متعرضش نفسها لمواجهات مع حماتها قدام الكل،ودي عادتها اللي مخليه اللي حواليها فاكرينها بتتهرب من الموقف ودا مخليها في نظر الناس دايما غلطانة ،لكن محدش يعرف حقيقة انها مبتعرفش ترد او تدافع عن نفسها حتي لو معاها حق ودا اللي مضيع حقها دايماً، أما الاطفال اتجمعوا الأولاد لوحدهم والبنات لوحدهم علشان كل مجموعة تلعب االلعبة اللي تناسبها وكلهم فرحانين وبيلعبوا في جو مليان بهجة بعيداً عن مشاحنات الكبار
حمزة:ماما ياماما انا عطشان أوي عايز اشرب
عادل:ايه يا حمزة هتدلع ولا إيه احنا لسة الضهر وانت مبقتش صغير علشان تفطر انت في رابعة ابتدائي وبعدين أهدي وبطل تنطيط انت ومازن علشان متعطشوش
حمزة:هو احنا هنستفاد إيه يعني من الصيام ،احساس بالفقراء طيب ما أنا حاسس بيهم وبخرج جزء صغير من مصروفي لما الاقي حد محتاج في الطريق ولما اكبر واشتغل هديهم جزء اكبر علشان هكون بشتغل ومعايا فلوس كتير يعني انا كدا عارف انهم محتاجين حتي لو مصومتش
مازن:ايوة صح ياعمو وكمان لو احنا بنصوم علشان نحس بالفقراء ،يبقي الفقراء بيصوموا علشان يحسوا بمين بقي؟
سعيدة:خد يا واد انت وهو تعالي هنا مين قالك ان احنا بنصوم علشان نحس بالفقرا وهما جعانين
فكرة إن الصيام هدفه إننا نحس بالفقراء فكرة غلط ١٠٠%
مفيش آية في القرآن بتقول إننا بنصوم علشان نحس بالفقراء...
الفكرة دي بتطلع ملايين فاهمين إن الصيام مجرد تكدير وعكننة...
شوية جوع وعطش وصداع... كان ممكن نحس بالفقرا بطريقة تانية الصيام مفروض علينا علشان نتعلم نتحكم في شهواتنا...
والصيام مفروض علشان ندرب نفسنا علي الصعب…
ايه تاني يا ولاد؟
الصيام بيمنعنا من شهوات حلال علشان بعد كدا ترك الغلط والمعاصي والحرام يبقي سهل....
يعني ايه دي يا مازن؟
يعني انت دلوقتي جعان هتمنع نفسك من الأكل اللي هو حلال،علشان بعد كدا لما تلاقي قدامك أكل انت عارف انه حرام زي انه يكون الأكل دا مسروق مثلا انت ساعتها هتقدر تمنع نفسك عنه بكل سهولة
يعني الصيام اللي بيمنعك من الحلال وأنت بتقوله سمعاً وطاعة هو ده قمة الخضوع والاستسلام لله…
يعني الأهم من دا كله يا حمزة التسليم، التسليم المطلق لله من غير ليه و إزاي... هو ده اللي احنا اتخلقنا علشانه...
.
لعلكم تتقون..دي الغاية من العباده ككل ومن الصيام..وكذلك التسليم لله
ها فهمت يامازن انت وحمزة ولا لساكم شايفين انه مفيش عازة من الجوع والعطش وعايزين تفطوروا
مازن:لا يا تيتي مش عايز افطر خلاص انا هصوم اليوم كلة
حمزة:وانا كمان يا تيتي هصوم اليوم كله لغاية اخر رمضان مش انهاردة وبس
سعيدة:ان شاء الله يا ولاد،يلا قوموا كفاية لعب اقرو قرآن شوية ولما العصر يأذن صلوا وناموا شوية لقرب المغرب
الكل بيحكي مع بعض وسعيدة بتتكلم مع اولادها وبتتكلم مع ابنها محمود عادي كأن محصلش حاجة بينهم ودي عادتها دايماً مع ولادها تعاتب ويعتذروا منها وبعدها تسامح
كل واحد طلع شقته يرتاح شوية،أما محمود قال انه معاه مشوار صغير هيقضيه ويرجع،والستات قرروا يطبخوا في شققهم وكل واحد ياخد صنف وينزلوا كلهم يفطروا مع سعيدة علشان ميبهدلوش المطبخ بتاعها كل يوم
أماني قبل ما تطلع شقتها خبطت علي أسماء ،أسماء فتحتلها:اهلا يأ أماني واقفة ليه كدا ادخلي
أماني:لا انا جاية اشوفك وطالعة علي طول قبل ما جوزك يرجع هو قال انه معاه مشوار صغير وراجع علي طول المهم ياستي انتي منزلتيش ليه الوضع دا مش ظريف مهو مش معقول هتفضلي في شقتك كدا كتير انزلي اتكلمي معاها ،انا رأيي تنزلي دلوقتي هي لوحدها ومفيش حد راضيها واطلعي تاني الموضوع مش مستاهل كل دا ،يلا ياحبيبتي علشان نلحق نرتاح شوية وبعدها نعمل فطار وننزل كلنا ،أماني حضنت اسماء وطبطبت عليها وطلعت شقتها
اما مني بعد ما دخلت شقتها وقفلت الباب سمعت خبط أماني علي شقة اسماء فتحت بابها تاني ومالت بوشها ناحية السلم علشان تسمعهم بعدها افتكرت انها صايمة وإن تجسسها دا هيبطل صيامها نفخت بضيق و استغفرت ودخلت لقيت شادي ابنها وراها اللي كان بيهز دماغه بحسرة وغلب علي تصرفات والدته
شادي:علي فكرة يا ماما التجسس مش حرام في رمضان وبس،التجسس حرام في أي وقت
يتبع الفصل االرابع 4: اضغط هنا
الفهرس يحتوي على جميع فصول الرواية كاملة: "في بيت العيله " اضغط على أسم الرواية