يوميات رمضانية "في بيت العيلة" بقلم إيمان محمد بركات
يوميات رمضانية "في بيت العيلة" الفصل الخامس 5
الصبح أماني وأسماء قامت ونزلوا مع بعض يوصلوا أولادهم للمدارس وخرجت معاهم شهد اللي بقت تروح مدرستها لوحدها
شهد:طنط انا ممكن أخد مازن وحمزة كل يوم أوصلهم معايا بدال ما بتنزلوا انتي وطنط أسماء كل يوم الصبح
أماني:لا يا حبيبتي هيبقي صعب عليكي لو هما معاكي في نفس المدرسة كنا هنعتمد عليكي ويروحو معاكي لكن كدا هتتأخري علي مدرستك
كملوا طريقهم وشهد دخلت مدرستها وبعدها وصلوا ولادهم حمزة ومازن
أسماء:معقول مني بشخصيتها دي ،تخلف الملايكة دول شايفة البنت بتتكلم بذوق إزاي وأد إيه بتحب ولاد عمها كلهم ،شادي وشهاب اللهم بارك كمان عليهم محمود بيحبهم أوي كأنهم ولاده بسبب طيبتهم وجدعنتهم
أماني:فعلاً والله الاولاد دول يتحبوا بجد كفاية أخلاقهم ،ربنا يهديها أمهم عيبها الوحيد الفتنة اللي بتعملها ما بين الناس
أسماء:هو دا مجرد عيب؟ دا ذنب رسولنا نهانا عنه الفتنة أشد من القتل
أماني:عارفة والله بس أنا هعمل إيه يعني مفيش بيدي حاجة،بس انتي يعني مقولتيش اي تعليق علي المشكله إياها ولا شفتك اتكلمتي معاها أو مع حماتي
أسماء:سعيدة انا نزلت ليها بعد ما انتي قولتيلي يوم الجمعة بصراحة هي معلقتش كتير واتراضت وعدت الموضوع علي طول من أول ما اتكلمت معاها،أما مني دي خسارة فيها الكلام ولا العتاب انا بعتب علي حبايبي وبس ،اما اللي زي مني دول بسكت بس بأدعي في سري وربنا بياخد ليا حقي
أماني:يابنتي تدعي عليها بإيه بس الملايكة هتقول ولكي بالمثل
أسماء:لا تقلقي أنا مبدعيش عليها بمعني الكلمة يعني،بس بقول حسبي الله ونعم الوكيل وكفي
أماني:طيب خلاص سيبك من دا دلوقتي، انا بفكر أشوف أي سوبر ماركت واحنا مروحين دلوقتي عايزة أشتري كام حاجة كدا وأحطهم في التلاجة عندي،وآه نسيت أقولك أنا رايحة عند ماما إنهاردة
أسماء:ماشي يا ستي تروحي وترجعي بالسلامة يلا أهو سوبر ماركت فاتح تعالي عشان أنا كمان عايزة اشتري جبن و زيتون مخلل مخلي عىشان نفسي في البيتزا أوي
دخلوا واشتروا اللي هما عايزينه وخرجوا
أماني:ناوية تعملي بيتزا بطعم إيه
أسماء شهقت وأماني اتخضت من طريقتها
أماني:في إيه مالك
أسماء وقفت مكانها:نسيت اشتري السجق اللي هحطه علي البيتزا
أماني:منك لله يا شيخة فزعتيني كل دا علشان نسيتي السجق بتاعك،وبعدين واقفة كدا ليه اوعي تكوني متخيلة اننا هنرجع تاني انا ما صدقت وصلنا وهطلع فوق أرمي الحاجة دي في التلاجة وأجري أنام جنب حلا
أسماء مشيت بإستسلام:ماشي يلا
أماني:معلش متزعليش ابقي انزلي بعد الفطار وهاتي اللي محتاجاه
أسماء :انزل بعد الفطار وهعملها وأكلها إمتي بقي؟
أماني: يعني هي الدنيا هتطير إعمليها بكرا وخلاص مش لازم إنهاردة
أنا بصراحة هموت وأنام ،إمبارح الساعة ٢ صحيت من النوم من غير سبب كدا وبعدها مجاليش نوم تاني ولا حتي بعد السحور
أسماء:طيب حلو والله ليكي دعوة مستجابة لو صحيتي وقلقتي في وسط نومك
أماني:إزاي بقي،يعني لما يجيني قلق كدا ودعيت دعوة هتستجاب
أسماء:لأ طبعاً مش بالطريقة دي، في دعاء بيتقال لما تصحي ودا عن حديث رسول الله صلي الله عليه وسلم"ما من عبد يتعار في وسط الليل فيقول لا إله إلا الله وحده لا شريك له ،له المللك وله الحمد وهو علي كل شيء قدير، سبحان الله،والحمدلله،ولا إله إلا الله،والله أكبر،ولا حول ولا قوة إلا بالله ثم يقول ربي أغفر لي،أو يدعو فيستجاب له،فإن قام وصلي قُبلت صلاته"
أماني:صدق رسول الله صلي الله عليه وسلم
كملوا طريقهم ووصلوا البيت وهما طالعين علي السلم قابلوا مني بتطلع دوسات شقتها وبتنشرهم علي جدار السلم
مني:صباح الخير يا أسماء صباح الخير يا أماني
أسماء ردت ليها الصباح وطلعت علي شقتها علي طول بدون حتي ما تنتظر أماني تطلع معاها
أماني:صباح الخير يامني إيه مصحيكي بدري كدا منمتيش ليه بعد ما شهد نزلت
مني:لا أنا مبحبش انام الصبح كتير خلاص اتعودت،حماتي قالتلي انك معزومة عند أهلك إنهاردة
أماني:فعلاً ماما لسة مكلماني امبارح
مني:يا بنتي كل الناس بتتعزم عند أهلها يوم واحد و انتي بتتعزمي عند مامتك ٣ مرات في شهر رمضان وكل سنة كدا
أماني بضيق:مالك يا مني هتعدي عليا عزومة ماما ليا ربنا يخليهم ليا هما ملهمش غيري ودايما لوحدهم علشان كدا عايزني دايماً معاهم سلام يا مني هطلع أنام شوية وسابتها وطلعت وهي حاسة بضيق ونكد من كلامها
************************
اسماء طلعت شقتها وقررت تجهز الأكل اللي هتعمله علي الفطار وبعدها تدخل تنام ودخلت مطبخها ظبطت الأكل وخلته جاهز علي التسوية وبعدها دخلت نامت مع بنتها مكة
************************
أماني كانت نايمة وتليفونها رن:مسكته وشافت رقم غريب ردت عليه بصوت نايم:أيوة مين
:حضرتك والدة الطفل حمزة عادل محمود من سنة تالتة
أماني سمعت أسم إبنها وقامت من علي السرير مرة واحدة وهي حاطة إيدها علي صدرها برعب:أيوة أنا، ماله ابني جراله إيه
المدرسة:خير يا افندم متقلقيش هو بس وقع من علي المرجيحة واتعور جرح خفيف في قورته وإحنا عملنا له إسعافات أوليه وهو كويس دلوقتي كان بيعيط وسكت لو تحبي تيجي تاخديه تعالي بس أحب اطمنك انه بقي كويس جداً
أماني سابت التليفون من إيدها ولبست عبايتها بسرعة وأخدت حلا اللي لقيتها صحيت خلاص ونزلت عند حماتها حكتلها اللي حصل بسرعة وسابت معاها حلا وراحت جري علي المدرسة شافت ابنها واللزق علي دماغة وقعدت تعيط والمدرسين حواليها بيهدوها ويطمنوها ان الجرح سطحي وبسيط جدا،وهي أخدت ابنها وروحت دخلت عند حماتها لقتها قللقانة جداً
اماني:متقلقيش يا ماما هو كويس أهو قدامك انا بس قلقت لإنهم لما كلموني كنت نايمة وصحيت مفزوعة
سعيدة:تعالي يا حمزة كدا ترجف ستك عليك .
حمزة جري عليها واترمي في حضنها:أنا آسف يا تيتي متزعليش مني
سعيدة اخدته في حضنها:مش زعلانه منك يا نن عين تيتي وفضلت ضماه في حضنها وطبطبت عليه كتير لغاية ما نام
سعيدة:خديه نيمية في أوضته ولما يصحي خليه ياكل كويس أوعي تتبعيه وتخليه يصوم للضهر زي ما بيعمل
أماني هزتلها دماغها بإيجاب واخدته من حضنها وطلعت بيه فوق شافتها أسماء واتخضت أول ما شافتها لابسه هدوم خروج وشايلة ابنها اللي لسه موصلينه مدرسته
أسماء :ماله يا أماني حصل إيه
أماني بصوت هامس علشان ميصحاش:هو نايم دلوقتي هطلعه أوضته وأجيلك
أسماء مرضتش تستني أماني تنزلها وطلعت وراها علي طول ،دخلوا حمزة أوضته وإطمنوا عليه وخرجوا للصالة
أسماء:يابنتي اتكلمي يلا ماله الولد احنا لسه موصلينه المدرسة حصله إيه
أماني:متقلقيش يا حبيبتي هو كان بيلعب في المدرسة ووقع واتعور جرح بسيط وحطوا له لزق واهو بقي كويس الحمد لله وعلي فكرة مازن كويس أنا أتطمنت عليه قبل ما أرجع بحمزة
أسماء: طيب لما هو كويس مالك ياحبيبتي وشك مخطوف كدا ليه
أماني:مش عارفة والله يا أسماء انا بعد ما رجعت معاكي نمت وشفت كابوس رغم إني مش فكراه إلا اني متنكدة جداً وكمان صحيت علي مكالمة المدرسة وقلبي انقبض أوي في وقتها
أسماء:يبقي علشان كدا يا قلبي صعبة فعلاً انك تكوني نايمة وتصحي بالطريقة دي بس الحمدلله قدر ولطف روقي كدا، أمال فين حلا
أماني:سبتها تحت مع جدتها
الباب خبط وأماني كانت هتقوم بس أسماء سبقتها وفتحت هي وكانت مني اللي دخلت علي طول
مني:ألف سلامة علي حمزة يا أماني الحمدلله يا حبيبتي جات بسيطة ،هو فين عامل إيه دلوقتي
أماني :الحمد لله كويس هو نايم دلوقتي
مني:أنا لسه كنت كنت عند ماما تحت وعرفت منها اللي حصل
أماني:آه الحمدلله قدر ولطف
مني لاحظت ان أماني بترد عليها باقتضاب وبتختصر في الرد وبصت ناحية أسماء لقيتها مشغولة في تليفونها ودا خلاها تحس بالإحراج ونزلت شقتها عدي الوقت وأسماء لسه في شقة أماني مش راضية تنزل وتسيبها ،حمزة صحي من النوم وأماني جريت عليه وشالته
أماني:عامل إيه يا قلب مامي دلوقتي
حمزة:كويس الحمدلله يا ماما
أماني:طيب انا هقوم أعملك تاكل ولازم تاكل يا حبيبي علشان الجرح يخف بسرعة،وقامت علشان تسخنله أكل بس أسماء قالتلها تقعد معاه وهي هتدخل تجهزله أكل وقامت جهزتله أكل وجابتهوله
***********************
سعيدة قامت ودخلت المطبخ سخنت شوربة وأرز وقطعة فراخ وحطتهم علي صينية:تعالي يا حلا يا قلب جدتها من جوة كلي
حلا راحت ناحية الترابيزة ومسكت طبق الشوربة اللي بتحبه وقعدت تشرب منه وسابت باقي الأكل
سعيدة:يابنتي كفاية سيبي الشوربة وكلي حتة الفروج دي خليكي تشبعي وتتخني كدة بدل ما انتي معضمة هي أمك مش بتأكلك ولا انتي عايشة علي الشوربة ولا إيه حكايتك
حلا:اه يا تيتي أصلا ماما مش بتعرف تعمل أكل خالص غير الشوربة علشان كدا بحبها وباكلها حتي الفراخ مبتعرفش تعملها
سعيدة ضحكت علي كلامها:يعني هي أمك بتعرف تعمل الشوربة ومتعرفش تعمل الفروج؟ ولا انتي اللي زي البسس تاكلي وتنكري
حلا:يعني ايه زي البسس
سعيدة:يعني زي القطط
حلا:آه انا حلوة زي القطط
سعيدة:طب كلي يلا نايبك
حلا :طيب تعالي كلي معايا مش بحب أكل لوحدي
سعيدة:انا صايمة
حلا قامت من علي الأكل بسرعة وانا كمان صايمة يا تيتي
سعيدة :صايمة إيه يابت والشوربة اللي شربتيها دي قومي هاتيلي العصاية اللي هناك دي
حلا جريت ببرائة وقامت جابتهالها
سعيدة رفعت العصاية ناحية حلا وحلا جريت من قدامها:تعرفي لو مبطلتيش لماضة وكلتي كل الوكل اللي قدامك لانزل علي راسك الناشفة بالعصاية اللي في يدي دي
حلا خافت وجريت ناحية الصينية وابتدت تاكل بسرعة،وسعيدة ضحكت عليها وعلي جبنها وهي مصدقة إن جدتها هتضربها بالعصاية،الضهر أذن وسعيدة قامت علشان تصلي وأخدت معاها الصينية اللي أكلت فيها حلا دخلتها المطبخ وغسلت الأطباق وأتوضت وخرجت علشان تصلي،وبعدها إتصلت ببنتها سماح
سماح:أيوة يا ماما عاملة إيه يا حبيبتي
سعيدة:أنا رايقة يا بتي و أتوحشتك يا قلب أمك
سماح:هجيلك يا حبيبتي بس إنهاردة مشغولين أوي في البيت، إنتي عارفة كل حاجة بنعملها في البيت عليا أنا وهدي حتي حماتي مبنرضاش نتقل عليها في المطبخ
سعيدة:عارفة يابتي وعذراكي من غير ما تقولي،طول عمرك أصيلة ،وعايزة أقولك إحتسبي عملك دا عند ربنا وهو هيجازيكي خير الجزاء ومتستنيش رد الخير من الخلق ،إنتظري الجزاء الطيب من ربك وبس
سماح :عارفة يا ماما،وبعدين أنا لو أنتظرت شكر ورد معروف من حد يبقي عمري ما هساعد ولا هعمل خير
سعيدة:صح كدا يابنتي ربنا يكملك بعقلك،ابقي كلمي أخوكي ومرته علشان حمزة ود أخوكي وقع في المدرسة واتعور تعويرة بسيطة
سماح بخضة:حبيبي يا حمزة مقولتيش ليه يا ماما من بدري أنا جاية اشوفه
سعيدة:يا بتي والله ما فيه حاجة بقولك يدوب تعويرة بسيطة والكلام دي حصل الصبح مش من بدري وكمان حمزة وأمه رايحين بت أبوها عازمينها علي الفطار، أهدي يا حبيبتي مفيش حاجة
سماح:طب يا ماما الحمدلله أنا بكرا لما اجي هشوفه،أنا نازلة يا ماما دلوقتي علشان أروح أكمل الأكل مش عايزة حاجة مني؟
سعيدة:تسلمي يا حبيبتي
***************
أسماء:إيه يابنتي مش هتلبسي إنتي وعيالك وتروحي لمامتك ولا ناوية تروحيلها علي ميعاد الفطار
أماني:ولا ميعاد فطار ولا ميعاد سحور نفسي أتسدت من الخروج خلاص
اسماء:بس مامتك هتزعل
أماني:تزعل إيه بس هو انا بتدلع ما قدامك اللي حصل،انا نازلة أجيب حلا من تحت
أسماء:طب خديني معاكي نازلة شقتي أشوف اللي ورايا
**********************
سعيدة:فين حمزة عامل ايه حبيبي واد ولدي
أماني:كويس خالص يا ماما وهو فوق بيتفرج علي الكارتون بعد ما أكل،يللا يا حلا فوق علشان تتغدي
سعيدة:يعني انا هسيب بت ولدي لحد دلوقتي من غير ما أغديها ولا انا عجوزة مهقدرش أقوم أجبلها الوكل
أماني:لا سلامتك يا ماما انا مش قصدي بس هي أصلا مش صاحية غير من ساعتين بس فقلت هتتغدي متأخر يعني،تسلمي يا ماما وربنا يديكي الصحة وتعيشي وتعمل وندلع كلنا علي حسك ووجودك
سعيدة:يخليكي ليا يا مرت ولدي الغالي ويسلملي لسانك الحلو
تليفون سعيدة رن وردت:أيوة ياعادل يا ولدي ،
……….لا لا تقلقش الواد زي الفل مفيهوش حاجة……..اهي مرتك قاعدة أهي…… ماشي يا ولدي عينيا الاتنين سلام …….لا يولدي معوزاش حاجة تسلملي من كل رضي
وقفلت التليفون:جوزك بيكلمني وقال انك معوزاش تروحي عزومة اهلك بسبب اللي حصل،ليه كل دا يابتي ما الواد زي الفل أهو متفوليش عليه
أماني بإستغراب:بس انا مكلمتش عادل هو عرف منين اللي حصل؟
سعيدة:صهرك محمود كلمه دلوقتي بعد ما مرته اتصلت بيه عرفته اللي حصل، وهو رن عليكي دلوقت بس انتي مردتيش
أماني:اه اصلي سيبت تليفوني فوق ونزلت
سعيدة:طب اطلعي كلمي جوزك وخدي عيالك معاكي لبسيهم وروحي عزومتك ومش عايزة ولا كلمة بعد كلمتي وجوزك هيرجع من الشغل ويجي وراكي هو كمان
أماني: حاضر يا ماما واخدت حلا وطلعت فوق كلمت جوزها وبعدها لبست ولبست أولادها ونزلت عدت علي أسماء سلمت عليها ونزلت تحت سلمت علي حماتها ومشيت
***************
بعد الفطار والكل متجمع بيشرب الشاي وبيدردشوا مع أمهم قبل صلاة التراويح
أسماء:محمود انا نازلة اشتري طلبات كدا كنت ناوية اجيبها الصبح ونسيت
محمود:طيب انا هجبلك اللي عايزاه وانا راجع
عابد اتدخل: ياعم سيبها دا حتي مني كانت عايزة تنزل تجيب طلبات خليهم ينزلوا هما مع بعض علشان ياخدوا الأولاد معاهم يشموا هو ويتمشوا شوية
مني استغربت لأنها مقالتش له انها عايزة تشتري حاجة ولا هي أصلاً بتحب تنزل تشتري طلبات بنفسها وبتخلي جوزها او أولادها هما اللي يشتروا طلبات البيت
اسماء اتضايقت لأنها هي ومني مش علي وفاق حتي من قبل مشكلتها الأخيرة معاها بس خبت ضيقها دا علشان محدش يزعل منها
محمود:طيب ياعم عابد، براحتهم ينزلوا
وبعدها قام هو وأخوه علشان يصلوا التراويح
وأسماء ومني طلعوا علشان يلبسوا وينزلوا وهما مضطرين ومتدبسين في الخروجة مع بعض ومحدش فيهم طايق التاني ،واسماء سابت بنتها مكة مع جدتها بعد ما شهد اتحايلت عليها تسيبها معاها علشان تلاقي حد تلعب معاه خصوصاً إن حلا كمان مش موحودة اسماء وافقت علشان متزعلش البنت وأخدت مازن ونزلت
وهما في الطريق أسماء لمحت راجل ماشي وبيبصلهم بنظرات مريبة خلت أسماء اترعبت وشدت ابنها ناحيتها وهمست لمني:مني مني شايفة الراجل دا من أول ما لمحنا وهو بيبص لنا بطريقة غريبة أوي شكله مش مظبوط أو عقله تعبان تعالي نعدي من طريق تاني بسرعة أنا خايفة
مني بصتلها بقرف:ايه الكبر اللي إنتي فيه دا ماله يعني ما اهو إنسان عادي يعني علشان مريض تقومي تقولي عليه مش مظبوط وعايزة تتجنبي الطريق اللي ماشي فيه خليكي فاكرة من عاب أُبتلي
أسماء بصوت واطي وخوف:يابت عاب وابتلي إيه شيفاني بتنمر عليه اخلصي بلاش فلسفة وتعالي نعدي من الناحية التانية دا مقرب علينا خالص أهو وشدت إبنها وعدت جنب الرصيف من الناحية التانية،اما مني بصتلها من فوق لتحت وكملت طريقها وبصت للراجل بابتسامة عطف وهو كان وقف جنبها خلاص واول ما ابتسمتله نزل بقلم شديد جداً علي وشها خلاها صرخت وهو طلع لها لسانه وكمل طريقة كأن محصلش حاجة، وهي فضلت مكانها مزبهلة مش مستوعبة اللي حصل وحاطة إيدها علي خدها مكان ما الراجل ضربها مني صرخت من الصدمة وأتسمرت مكانها بعد ما الراجل ضربها بالقلم بدون سبب،حطت إيدها علي خدها وفضلت دقائق علي الحال دا وكأنها مش قادرة تستوعب اللي حصل،بعدها فاقت وبصت حواليها شافت أسماء علي الناحية التانية من الطريق قاعدة علي الرصيف وهلكانة ضحك وكاتمة صوتها بإيدها ومش قادرة حتي تقف من علي الرصيف،سابتها مني بعد ما بصتلها بغضب علشان تسكت لكن أسماء مش قادرة توقف ضحك أبداً كملت هي طريقها وروحت وسابتها وأسماء بتعافر علشان تقدر تقوم من علي الرصيف وتشيل الحاجة اللي اشترتها والضحك مخليها مش قادرة حتي تتحكم في إيدها وتمسك الأكياس
شهد:طنط انا ممكن أخد مازن وحمزة كل يوم أوصلهم معايا بدال ما بتنزلوا انتي وطنط أسماء كل يوم الصبح
أماني:لا يا حبيبتي هيبقي صعب عليكي لو هما معاكي في نفس المدرسة كنا هنعتمد عليكي ويروحو معاكي لكن كدا هتتأخري علي مدرستك
كملوا طريقهم وشهد دخلت مدرستها وبعدها وصلوا ولادهم حمزة ومازن
أسماء:معقول مني بشخصيتها دي ،تخلف الملايكة دول شايفة البنت بتتكلم بذوق إزاي وأد إيه بتحب ولاد عمها كلهم ،شادي وشهاب اللهم بارك كمان عليهم محمود بيحبهم أوي كأنهم ولاده بسبب طيبتهم وجدعنتهم
أماني:فعلاً والله الاولاد دول يتحبوا بجد كفاية أخلاقهم ،ربنا يهديها أمهم عيبها الوحيد الفتنة اللي بتعملها ما بين الناس
أسماء:هو دا مجرد عيب؟ دا ذنب رسولنا نهانا عنه الفتنة أشد من القتل
أماني:عارفة والله بس أنا هعمل إيه يعني مفيش بيدي حاجة،بس انتي يعني مقولتيش اي تعليق علي المشكله إياها ولا شفتك اتكلمتي معاها أو مع حماتي
أسماء:سعيدة انا نزلت ليها بعد ما انتي قولتيلي يوم الجمعة بصراحة هي معلقتش كتير واتراضت وعدت الموضوع علي طول من أول ما اتكلمت معاها،أما مني دي خسارة فيها الكلام ولا العتاب انا بعتب علي حبايبي وبس ،اما اللي زي مني دول بسكت بس بأدعي في سري وربنا بياخد ليا حقي
أماني:يابنتي تدعي عليها بإيه بس الملايكة هتقول ولكي بالمثل
أسماء:لا تقلقي أنا مبدعيش عليها بمعني الكلمة يعني،بس بقول حسبي الله ونعم الوكيل وكفي
أماني:طيب خلاص سيبك من دا دلوقتي، انا بفكر أشوف أي سوبر ماركت واحنا مروحين دلوقتي عايزة أشتري كام حاجة كدا وأحطهم في التلاجة عندي،وآه نسيت أقولك أنا رايحة عند ماما إنهاردة
أسماء:ماشي يا ستي تروحي وترجعي بالسلامة يلا أهو سوبر ماركت فاتح تعالي عشان أنا كمان عايزة اشتري جبن و زيتون مخلل مخلي عىشان نفسي في البيتزا أوي
دخلوا واشتروا اللي هما عايزينه وخرجوا
أماني:ناوية تعملي بيتزا بطعم إيه
أسماء شهقت وأماني اتخضت من طريقتها
أماني:في إيه مالك
أسماء وقفت مكانها:نسيت اشتري السجق اللي هحطه علي البيتزا
أماني:منك لله يا شيخة فزعتيني كل دا علشان نسيتي السجق بتاعك،وبعدين واقفة كدا ليه اوعي تكوني متخيلة اننا هنرجع تاني انا ما صدقت وصلنا وهطلع فوق أرمي الحاجة دي في التلاجة وأجري أنام جنب حلا
أسماء مشيت بإستسلام:ماشي يلا
أماني:معلش متزعليش ابقي انزلي بعد الفطار وهاتي اللي محتاجاه
أسماء :انزل بعد الفطار وهعملها وأكلها إمتي بقي؟
أماني: يعني هي الدنيا هتطير إعمليها بكرا وخلاص مش لازم إنهاردة
أنا بصراحة هموت وأنام ،إمبارح الساعة ٢ صحيت من النوم من غير سبب كدا وبعدها مجاليش نوم تاني ولا حتي بعد السحور
أسماء:طيب حلو والله ليكي دعوة مستجابة لو صحيتي وقلقتي في وسط نومك
أماني:إزاي بقي،يعني لما يجيني قلق كدا ودعيت دعوة هتستجاب
أسماء:لأ طبعاً مش بالطريقة دي، في دعاء بيتقال لما تصحي ودا عن حديث رسول الله صلي الله عليه وسلم"ما من عبد يتعار في وسط الليل فيقول لا إله إلا الله وحده لا شريك له ،له المللك وله الحمد وهو علي كل شيء قدير، سبحان الله،والحمدلله،ولا إله إلا الله،والله أكبر،ولا حول ولا قوة إلا بالله ثم يقول ربي أغفر لي،أو يدعو فيستجاب له،فإن قام وصلي قُبلت صلاته"
أماني:صدق رسول الله صلي الله عليه وسلم
كملوا طريقهم ووصلوا البيت وهما طالعين علي السلم قابلوا مني بتطلع دوسات شقتها وبتنشرهم علي جدار السلم
مني:صباح الخير يا أسماء صباح الخير يا أماني
أسماء ردت ليها الصباح وطلعت علي شقتها علي طول بدون حتي ما تنتظر أماني تطلع معاها
أماني:صباح الخير يامني إيه مصحيكي بدري كدا منمتيش ليه بعد ما شهد نزلت
مني:لا أنا مبحبش انام الصبح كتير خلاص اتعودت،حماتي قالتلي انك معزومة عند أهلك إنهاردة
أماني:فعلاً ماما لسة مكلماني امبارح
مني:يا بنتي كل الناس بتتعزم عند أهلها يوم واحد و انتي بتتعزمي عند مامتك ٣ مرات في شهر رمضان وكل سنة كدا
أماني بضيق:مالك يا مني هتعدي عليا عزومة ماما ليا ربنا يخليهم ليا هما ملهمش غيري ودايما لوحدهم علشان كدا عايزني دايماً معاهم سلام يا مني هطلع أنام شوية وسابتها وطلعت وهي حاسة بضيق ونكد من كلامها
************************
اسماء طلعت شقتها وقررت تجهز الأكل اللي هتعمله علي الفطار وبعدها تدخل تنام ودخلت مطبخها ظبطت الأكل وخلته جاهز علي التسوية وبعدها دخلت نامت مع بنتها مكة
************************
أماني كانت نايمة وتليفونها رن:مسكته وشافت رقم غريب ردت عليه بصوت نايم:أيوة مين
:حضرتك والدة الطفل حمزة عادل محمود من سنة تالتة
أماني سمعت أسم إبنها وقامت من علي السرير مرة واحدة وهي حاطة إيدها علي صدرها برعب:أيوة أنا، ماله ابني جراله إيه
المدرسة:خير يا افندم متقلقيش هو بس وقع من علي المرجيحة واتعور جرح خفيف في قورته وإحنا عملنا له إسعافات أوليه وهو كويس دلوقتي كان بيعيط وسكت لو تحبي تيجي تاخديه تعالي بس أحب اطمنك انه بقي كويس جداً
أماني سابت التليفون من إيدها ولبست عبايتها بسرعة وأخدت حلا اللي لقيتها صحيت خلاص ونزلت عند حماتها حكتلها اللي حصل بسرعة وسابت معاها حلا وراحت جري علي المدرسة شافت ابنها واللزق علي دماغة وقعدت تعيط والمدرسين حواليها بيهدوها ويطمنوها ان الجرح سطحي وبسيط جدا،وهي أخدت ابنها وروحت دخلت عند حماتها لقتها قللقانة جداً
اماني:متقلقيش يا ماما هو كويس أهو قدامك انا بس قلقت لإنهم لما كلموني كنت نايمة وصحيت مفزوعة
سعيدة:تعالي يا حمزة كدا ترجف ستك عليك .
حمزة جري عليها واترمي في حضنها:أنا آسف يا تيتي متزعليش مني
سعيدة اخدته في حضنها:مش زعلانه منك يا نن عين تيتي وفضلت ضماه في حضنها وطبطبت عليه كتير لغاية ما نام
سعيدة:خديه نيمية في أوضته ولما يصحي خليه ياكل كويس أوعي تتبعيه وتخليه يصوم للضهر زي ما بيعمل
أماني هزتلها دماغها بإيجاب واخدته من حضنها وطلعت بيه فوق شافتها أسماء واتخضت أول ما شافتها لابسه هدوم خروج وشايلة ابنها اللي لسه موصلينه مدرسته
أسماء :ماله يا أماني حصل إيه
أماني بصوت هامس علشان ميصحاش:هو نايم دلوقتي هطلعه أوضته وأجيلك
أسماء مرضتش تستني أماني تنزلها وطلعت وراها علي طول ،دخلوا حمزة أوضته وإطمنوا عليه وخرجوا للصالة
أسماء:يابنتي اتكلمي يلا ماله الولد احنا لسه موصلينه المدرسة حصله إيه
أماني:متقلقيش يا حبيبتي هو كان بيلعب في المدرسة ووقع واتعور جرح بسيط وحطوا له لزق واهو بقي كويس الحمد لله وعلي فكرة مازن كويس أنا أتطمنت عليه قبل ما أرجع بحمزة
أسماء: طيب لما هو كويس مالك ياحبيبتي وشك مخطوف كدا ليه
أماني:مش عارفة والله يا أسماء انا بعد ما رجعت معاكي نمت وشفت كابوس رغم إني مش فكراه إلا اني متنكدة جداً وكمان صحيت علي مكالمة المدرسة وقلبي انقبض أوي في وقتها
أسماء:يبقي علشان كدا يا قلبي صعبة فعلاً انك تكوني نايمة وتصحي بالطريقة دي بس الحمدلله قدر ولطف روقي كدا، أمال فين حلا
أماني:سبتها تحت مع جدتها
الباب خبط وأماني كانت هتقوم بس أسماء سبقتها وفتحت هي وكانت مني اللي دخلت علي طول
مني:ألف سلامة علي حمزة يا أماني الحمدلله يا حبيبتي جات بسيطة ،هو فين عامل إيه دلوقتي
أماني :الحمد لله كويس هو نايم دلوقتي
مني:أنا لسه كنت كنت عند ماما تحت وعرفت منها اللي حصل
أماني:آه الحمدلله قدر ولطف
مني لاحظت ان أماني بترد عليها باقتضاب وبتختصر في الرد وبصت ناحية أسماء لقيتها مشغولة في تليفونها ودا خلاها تحس بالإحراج ونزلت شقتها عدي الوقت وأسماء لسه في شقة أماني مش راضية تنزل وتسيبها ،حمزة صحي من النوم وأماني جريت عليه وشالته
أماني:عامل إيه يا قلب مامي دلوقتي
حمزة:كويس الحمدلله يا ماما
أماني:طيب انا هقوم أعملك تاكل ولازم تاكل يا حبيبي علشان الجرح يخف بسرعة،وقامت علشان تسخنله أكل بس أسماء قالتلها تقعد معاه وهي هتدخل تجهزله أكل وقامت جهزتله أكل وجابتهوله
***********************
سعيدة قامت ودخلت المطبخ سخنت شوربة وأرز وقطعة فراخ وحطتهم علي صينية:تعالي يا حلا يا قلب جدتها من جوة كلي
حلا راحت ناحية الترابيزة ومسكت طبق الشوربة اللي بتحبه وقعدت تشرب منه وسابت باقي الأكل
سعيدة:يابنتي كفاية سيبي الشوربة وكلي حتة الفروج دي خليكي تشبعي وتتخني كدة بدل ما انتي معضمة هي أمك مش بتأكلك ولا انتي عايشة علي الشوربة ولا إيه حكايتك
حلا:اه يا تيتي أصلا ماما مش بتعرف تعمل أكل خالص غير الشوربة علشان كدا بحبها وباكلها حتي الفراخ مبتعرفش تعملها
سعيدة ضحكت علي كلامها:يعني هي أمك بتعرف تعمل الشوربة ومتعرفش تعمل الفروج؟ ولا انتي اللي زي البسس تاكلي وتنكري
حلا:يعني ايه زي البسس
سعيدة:يعني زي القطط
حلا:آه انا حلوة زي القطط
سعيدة:طب كلي يلا نايبك
حلا :طيب تعالي كلي معايا مش بحب أكل لوحدي
سعيدة:انا صايمة
حلا قامت من علي الأكل بسرعة وانا كمان صايمة يا تيتي
سعيدة :صايمة إيه يابت والشوربة اللي شربتيها دي قومي هاتيلي العصاية اللي هناك دي
حلا جريت ببرائة وقامت جابتهالها
سعيدة رفعت العصاية ناحية حلا وحلا جريت من قدامها:تعرفي لو مبطلتيش لماضة وكلتي كل الوكل اللي قدامك لانزل علي راسك الناشفة بالعصاية اللي في يدي دي
حلا خافت وجريت ناحية الصينية وابتدت تاكل بسرعة،وسعيدة ضحكت عليها وعلي جبنها وهي مصدقة إن جدتها هتضربها بالعصاية،الضهر أذن وسعيدة قامت علشان تصلي وأخدت معاها الصينية اللي أكلت فيها حلا دخلتها المطبخ وغسلت الأطباق وأتوضت وخرجت علشان تصلي،وبعدها إتصلت ببنتها سماح
سماح:أيوة يا ماما عاملة إيه يا حبيبتي
سعيدة:أنا رايقة يا بتي و أتوحشتك يا قلب أمك
سماح:هجيلك يا حبيبتي بس إنهاردة مشغولين أوي في البيت، إنتي عارفة كل حاجة بنعملها في البيت عليا أنا وهدي حتي حماتي مبنرضاش نتقل عليها في المطبخ
سعيدة:عارفة يابتي وعذراكي من غير ما تقولي،طول عمرك أصيلة ،وعايزة أقولك إحتسبي عملك دا عند ربنا وهو هيجازيكي خير الجزاء ومتستنيش رد الخير من الخلق ،إنتظري الجزاء الطيب من ربك وبس
سماح :عارفة يا ماما،وبعدين أنا لو أنتظرت شكر ورد معروف من حد يبقي عمري ما هساعد ولا هعمل خير
سعيدة:صح كدا يابنتي ربنا يكملك بعقلك،ابقي كلمي أخوكي ومرته علشان حمزة ود أخوكي وقع في المدرسة واتعور تعويرة بسيطة
سماح بخضة:حبيبي يا حمزة مقولتيش ليه يا ماما من بدري أنا جاية اشوفه
سعيدة:يا بتي والله ما فيه حاجة بقولك يدوب تعويرة بسيطة والكلام دي حصل الصبح مش من بدري وكمان حمزة وأمه رايحين بت أبوها عازمينها علي الفطار، أهدي يا حبيبتي مفيش حاجة
سماح:طب يا ماما الحمدلله أنا بكرا لما اجي هشوفه،أنا نازلة يا ماما دلوقتي علشان أروح أكمل الأكل مش عايزة حاجة مني؟
سعيدة:تسلمي يا حبيبتي
***************
أسماء:إيه يابنتي مش هتلبسي إنتي وعيالك وتروحي لمامتك ولا ناوية تروحيلها علي ميعاد الفطار
أماني:ولا ميعاد فطار ولا ميعاد سحور نفسي أتسدت من الخروج خلاص
اسماء:بس مامتك هتزعل
أماني:تزعل إيه بس هو انا بتدلع ما قدامك اللي حصل،انا نازلة أجيب حلا من تحت
أسماء:طب خديني معاكي نازلة شقتي أشوف اللي ورايا
**********************
سعيدة:فين حمزة عامل ايه حبيبي واد ولدي
أماني:كويس خالص يا ماما وهو فوق بيتفرج علي الكارتون بعد ما أكل،يللا يا حلا فوق علشان تتغدي
سعيدة:يعني انا هسيب بت ولدي لحد دلوقتي من غير ما أغديها ولا انا عجوزة مهقدرش أقوم أجبلها الوكل
أماني:لا سلامتك يا ماما انا مش قصدي بس هي أصلا مش صاحية غير من ساعتين بس فقلت هتتغدي متأخر يعني،تسلمي يا ماما وربنا يديكي الصحة وتعيشي وتعمل وندلع كلنا علي حسك ووجودك
سعيدة:يخليكي ليا يا مرت ولدي الغالي ويسلملي لسانك الحلو
تليفون سعيدة رن وردت:أيوة ياعادل يا ولدي ،
……….لا لا تقلقش الواد زي الفل مفيهوش حاجة……..اهي مرتك قاعدة أهي…… ماشي يا ولدي عينيا الاتنين سلام …….لا يولدي معوزاش حاجة تسلملي من كل رضي
وقفلت التليفون:جوزك بيكلمني وقال انك معوزاش تروحي عزومة اهلك بسبب اللي حصل،ليه كل دا يابتي ما الواد زي الفل أهو متفوليش عليه
أماني بإستغراب:بس انا مكلمتش عادل هو عرف منين اللي حصل؟
سعيدة:صهرك محمود كلمه دلوقتي بعد ما مرته اتصلت بيه عرفته اللي حصل، وهو رن عليكي دلوقت بس انتي مردتيش
أماني:اه اصلي سيبت تليفوني فوق ونزلت
سعيدة:طب اطلعي كلمي جوزك وخدي عيالك معاكي لبسيهم وروحي عزومتك ومش عايزة ولا كلمة بعد كلمتي وجوزك هيرجع من الشغل ويجي وراكي هو كمان
أماني: حاضر يا ماما واخدت حلا وطلعت فوق كلمت جوزها وبعدها لبست ولبست أولادها ونزلت عدت علي أسماء سلمت عليها ونزلت تحت سلمت علي حماتها ومشيت
***************
بعد الفطار والكل متجمع بيشرب الشاي وبيدردشوا مع أمهم قبل صلاة التراويح
أسماء:محمود انا نازلة اشتري طلبات كدا كنت ناوية اجيبها الصبح ونسيت
محمود:طيب انا هجبلك اللي عايزاه وانا راجع
عابد اتدخل: ياعم سيبها دا حتي مني كانت عايزة تنزل تجيب طلبات خليهم ينزلوا هما مع بعض علشان ياخدوا الأولاد معاهم يشموا هو ويتمشوا شوية
مني استغربت لأنها مقالتش له انها عايزة تشتري حاجة ولا هي أصلاً بتحب تنزل تشتري طلبات بنفسها وبتخلي جوزها او أولادها هما اللي يشتروا طلبات البيت
اسماء اتضايقت لأنها هي ومني مش علي وفاق حتي من قبل مشكلتها الأخيرة معاها بس خبت ضيقها دا علشان محدش يزعل منها
محمود:طيب ياعم عابد، براحتهم ينزلوا
وبعدها قام هو وأخوه علشان يصلوا التراويح
وأسماء ومني طلعوا علشان يلبسوا وينزلوا وهما مضطرين ومتدبسين في الخروجة مع بعض ومحدش فيهم طايق التاني ،واسماء سابت بنتها مكة مع جدتها بعد ما شهد اتحايلت عليها تسيبها معاها علشان تلاقي حد تلعب معاه خصوصاً إن حلا كمان مش موحودة اسماء وافقت علشان متزعلش البنت وأخدت مازن ونزلت
وهما في الطريق أسماء لمحت راجل ماشي وبيبصلهم بنظرات مريبة خلت أسماء اترعبت وشدت ابنها ناحيتها وهمست لمني:مني مني شايفة الراجل دا من أول ما لمحنا وهو بيبص لنا بطريقة غريبة أوي شكله مش مظبوط أو عقله تعبان تعالي نعدي من طريق تاني بسرعة أنا خايفة
مني بصتلها بقرف:ايه الكبر اللي إنتي فيه دا ماله يعني ما اهو إنسان عادي يعني علشان مريض تقومي تقولي عليه مش مظبوط وعايزة تتجنبي الطريق اللي ماشي فيه خليكي فاكرة من عاب أُبتلي
أسماء بصوت واطي وخوف:يابت عاب وابتلي إيه شيفاني بتنمر عليه اخلصي بلاش فلسفة وتعالي نعدي من الناحية التانية دا مقرب علينا خالص أهو وشدت إبنها وعدت جنب الرصيف من الناحية التانية،اما مني بصتلها من فوق لتحت وكملت طريقها وبصت للراجل بابتسامة عطف وهو كان وقف جنبها خلاص واول ما ابتسمتله نزل بقلم شديد جداً علي وشها خلاها صرخت وهو طلع لها لسانه وكمل طريقة كأن محصلش حاجة، وهي فضلت مكانها مزبهلة مش مستوعبة اللي حصل وحاطة إيدها علي خدها مكان ما الراجل ضربها مني صرخت من الصدمة وأتسمرت مكانها بعد ما الراجل ضربها بالقلم بدون سبب،حطت إيدها علي خدها وفضلت دقائق علي الحال دا وكأنها مش قادرة تستوعب اللي حصل،بعدها فاقت وبصت حواليها شافت أسماء علي الناحية التانية من الطريق قاعدة علي الرصيف وهلكانة ضحك وكاتمة صوتها بإيدها ومش قادرة حتي تقف من علي الرصيف،سابتها مني بعد ما بصتلها بغضب علشان تسكت لكن أسماء مش قادرة توقف ضحك أبداً كملت هي طريقها وروحت وسابتها وأسماء بتعافر علشان تقدر تقوم من علي الرصيف وتشيل الحاجة اللي اشترتها والضحك مخليها مش قادرة حتي تتحكم في إيدها وتمسك الأكياس
يتبع الفصل السادس 6: اضغط هنا
الفهرس يحتوي على جميع فصول الرواية كاملة: "في بيت العيلة" اضغط على أسم الرواية