رواية عشقت حورية الفصل التاسع والعشرون 29 - بقلم يوستينا سامي

رواية عشقت حورية الفصل التاسع والعشرون 29 بقلم يوستينا سامي

رواية عشقت حورية الفصل التاسع والعشرون 29

اسد بصدمة/ انت بتقولي ايه .. حور فهميني حسام قالك ايه عني ...الوو حووور ، اسمعيني انا والله بحبك اوي .اكيد هو فهمك كلام عني غلط ، حور والنبي ما تصدقيه .

حور/ لا هو فهمني حقيقتك القذرة ، انا بكرهك اوي واوعي تدور عليا تاني ...لاني هتجوز حسام .

اسد اتعصب اوي / لاااا حور اوعي تعملي كدة ، والله ده كداب اوعي تصدقيه .... حووور.

حسام / اعتقد انك سمعتها بودانك اهووو ، واعتقد اني مش جبان ولا خاين زيك لانها قالتلك كدة بنفسها . وعلفكرة دي كانت المفاجاه الرابعة .سلام .

اسد بزعيق / هقتلك يا حساااااام ..هقتلك واخلص الناس من شرك ... لو وقعت في ايدي مش هرحمك يا حسااام .

اسد رمي التليفون و قعد علي الكرسي و هو منهار و حابس دموعه .. مراد و حسن مكنوش عارفين يعملوا ايه ولا يقولوا ايه .. 

عزيز قرب من اسد و حضنه / اسد انا مش عايزك ضعيف كدة.انا حفيدي مش ضعيف سامع ، واكيد هو بيهددك بس 

اسد / جدي هما لازم يجهزوا ..احنا هنتحرك الفجر علي البلد 

انا رايح مشوار مهم و راجع .

وفعلا كلهم جهزوا و مراد و اسد عرفوا يجمعوا جاردات و رجالة و سافروا كلهم البلد..

 ( اسد و مراد و حسن و علي و صالح )

 

في المخزن .... حسام بص لحور لقاها عمالة تعيط جامد 

حسام / ايه بتحبيه اوي كدة ، هو انت متخيلة اللي زي اسد ده يعرف يحب اصلا ...ده معدوش قلب .

حور / هو الوحيد اللي حسيت معاه بالامان ، هو عوضني عن حنان امي و ابويا برغم انه هو اللي قتل ابويا بس مقدرتش اكره او حتي اكدبه لما قالي انه كان غصب عنه .

حسام  / ايوة بس احنا بينا اتفاق يا حور ... هتوافقي

حور / ايوة يا حسام انا موافقة .

حسام / خلاص يبقي تعالي معايا نمشي من المخزن ده و تيجي معايا الفيلا متخافيش هناك هترتاحي لحد ما نكتب الكتاب ..انت عارفة اني ناوي اعملك فرح ماحصلشي فعلا .

وفعلا حسام اخد حور الفيلا و كان مهتم بيها جدا جدا ..

 

في امريكا .. جاسر وصل البيت اللي هيقعدوا فيه و كان شايل حياه ودخلها الاوضة و حطها علي السرير ... 

جاسر / يارب تكون دي نهاية المشاكل بالنسبة ليا ..انت مش عايز حاجة غير اني اعيش مع مراتي في هدووء .

مراتي .. حياه لما تفوق هتبهدل الدنيا حرفيا .. يبقي مافيش غير اني انامةعلشلن استعد للي هيحصل اصلا ..

و فعلا جاسر حضن حياه اوي و نااااااااام ...

 

اسد و الرجالة وصلوا الصعيد ..

مراد/  انا هعمل مكالمة يا اسد بسرعة .

اسد / هو ده وقتوا يلا الرجالة مستنية لازم ندخل.

مراد / دقيقة واحدة هبعت طيب رسالة .

وفعلا بعد عنهم شوية و فتح الواتس و بعت فويس لنسمة 

مراد📱 /  انا عارف اني معرفكيش بقالي كتير ..اني ماشوفتكيش في حياتي غير كام ساعة ..بس انا فعلا اتشدتلك اوي و دي اول مرة تحصل في حياتي ..شكلي حبيتك ولا ايه الله اعلم .. بس انا كلها دقايق و ادخل حرب تقريبا و مش عارف هخرج منها عايش ولا ميت . ادعيلي .

و ساب مراد موبايله في العربية و دخلوا كلهم و بدا الضرب بينهم وبين رجالة ام علي ...واهل البلد كلهم اتجمعوااااا 

وبقوا يساعدوا اسد و رجالتوا و كلنا فعلا شبه حرب جامدة ...

حسن في عز ضرب النار /اسد انا قلقان يعملوا حاجة في نور 

اسد / لا متخفشي علي و صالح راحوا المخزن بتاعهم يدوروا عليها .  وبعدين انا مش جاي هنا بس علشان نور ..انا جاي علشان نعمة بالذااات ..

و فعلا بعد ساعات و  رجالة كتير وقعت من عند نعمة و عند اسد ..قدروا يوصلوا للدوار بتاعهااااا و دخلوه . .

 

في الدوار..

رجالة اسد موجهين السلاح في وش نعمة و عبدالرحيم ..

اسد / طبعا عارفيني مش كدة ..سالت عليا كتير و حاولت توصلي كتير ، بس المرة دي انا جتلك بنفسي 

عبدالحميد / لو انت متصور انك هتخرج من اهنا عايش يا ابن العقاد تبجي بتحلم و هتفوج علي كابوس 

اسد ضحك بتريقة/ سبحانك يارب ..يعني انا واقف قدامك و موجه مسدسي في وشك و انت زي الكلب قدامي اهوووو

وبرضو بتعاند ..طيب يمكن انت مش بتفهم غير بكدة 

اسد أدي مسدسه لمراد و بدا يضرب في عبدالرحيم بغباااء 

اسد بحدة / دي علشان مديت ايديك قبل كدة علي حور ... وضربه بوكس تاني .. ودي علشان كنت معيشها في رعب و خوف ... و ضربه تاني .. وظي علشان اتجرات و خطفت بنت عمي .

ورمي اسد عبدالرحيم بعد ما تقريبا فقد الوعي و بص لنعمة اللي علامات الخوف و الزعر مرسومة علي وشها بس بتحاول انها تخفيها / ايه .. انت مين انا بجد مش عارفك 

بس مافيش حد في البلد غير و بيدعي عليكي. . انا عمري ما شوفت ان في حد الناس كلها اتجمعت علي كره زيك انتي 

نعمة / اسمع يا ابن العقاد ...لو متخيل ان اللي حصل ده مالوش رد .يبجي انت جاي المكان الغلط ، وواضح ان عيشة البندر نستك ان الصعيدي لو عضم في اوفة برضك هياخد حجه 

اسد / لا منستشي يا نعمة ..بس انا ماليش كلام معاكي انت ..انا كلامك مع ابنك .. مراد ابعت حد من الرجالة يدور علي حسن و علي و صالح احسن اتاخروا اوووي ..

 

في مخزن ..

وصلوا اخيرا عند المكان اللي نور محبوسة فيه ..

حسن مكنشي قادر يمشي و تعبان و علي لاحظ ده 

علي / مالك يا حسن انت زيم . انت ايه اللي جابك معانا بس و انت جرحك لسه ما لمشي 

حسن بتعب بس حاول يتماسك / لازم اشوفها بعيوني ..انت مش فاهم نور دي حب عمري الي حلمت انها تكون ليا في يوم الايام ... اسندني يا علي 

و فعلا علي سندوا وراحوا عند باب المخزن و بدا صالح يكسر القفل و فعلا فتحوا الباب ... و لقوا نور جوا 

حسن بفرحة و تعب في نفس الوقت كان نفسه يجري عليها يحضنها بس مكنشي قادر بس اتفاجاه بنور هي اللي بتحضنه 

نور و هي حاضنه حسن / حسن ..كنت فين انا كنت مرعوبة عليك اوي .. الزبالة اللي برا ده قالي انك موت ..بس انا كنت واثقة ان اكيد ربنا مش هيحرمني منك .. حسن وحشتني اوي

حسن مكنشي مصدق اللي بيسمعه بودنه و ووجع جره بدا يزيد عليه / بجد يا نور كنتي خايفة عليا 

نور / اه والله ..انا بحبك اوي يا حسن .

صالح/ احم يلا بينا يا حسن نروح نطمنهم ..احسن تلاقيهم خايفين علينا 

و فعلا حسن سند علي نور و هو حاضنها و راحوا لمكان اسد

 

في الاوضة اللي قاعدة فيها حور في فيلا حسام .

حور قاعدة بتعيط جامد / طيب يا حور و  ايه الحل دلوقتي 

اسد حتي مش عارف يتواصل معايا  وحسام ممكن يجيب الماذون في اي لحظة  .. ياربي بقي علي التوتر اللي انا فيه 

و حور حاولت ترن علي الرقم الي معاها بس رد .....

تفتكروا اي حوار حووور 😉🙈🤣❤️

• تابع الفصل التالي عبر الرابط: "رواية عشقت حورية" اضغط على اسم الرواية