رواية حين تقع في الحب الجزء الثالث 3 الفصل الرابع 4 بقلم ندى علي
رواية حين تقع في الحب الجزء الثالث 3 الفصل الرابع 4
سلوي بصت وراها بصدمه :احمد انت جيت امتي
احمد بستغراب :جيت دلوقتي بس انتي بتعيطي ليه في حاجه ولا ايه
سلوي بتوتر :ها لاء انا مش بعيط انا بس بس وبصت علي الكرسي اااه رجلي انخبطت في الكرسي ووجعتني
احمد بص ليها بشك :ااااه رجلك طيب مش هنروح ولا ايه
سلوي ابتسمت :اه ياريت علشان زهقت اووي
احمد :طيب يلا انا هستناكي برا في العربيه وطلع وقال في نفسه ياتري في ايه يا سلوي ايه اللي يخليكي كدا اكيد في حاجه ومشي
*****************
عند غسان
كانو قعدين في غرفه النوم
كانت سكينه ايجت وشالت حبيبه بحب شديد :بسم الله مشاء الله عليها حته عسل ربنا يبارك فيها يارب المهم نور متعودهاش علي ان حد يشيلها خليها نايمه علي السرير علشان تتعود علي كدا
نور :انا مش بشيلها غير لما تكون بترضع بس
غسان :طيب اسمعي بقي يا امي وشوفي عمايل بنتك علشان متقوليش انا الغلطان
سكينه بستغراب حطت حبيبه جنبها :في ايه يابني عملت ايه مزعلك كدا
غسان :يرضيكي الهانم تقولي انا عوزه اخد حاجه تمنع الحمل
نور :لو سمحت متقولش كلام انا مقولتوش انا قولت اركب وسيله مش اخد حاجه
غسان بعصبيه :دي زي دي تفرق في ايه
سكينه :صلي علي النبي انت وهي كدا وبعدين وسيله ايه اللي تركبيها دي يابت ليه خير مش عوزه تخلفي ليه
غسان :عليه الصلاة والسلام ليه بقي عوزه تركبي ليه انا عاوز عيال وعاوز اخلف اومال انا متجوز ليه مش علشان اعمل عيله
نور :طيب انا مقولتش مش عوزه اخلف انا قولت لما حبيبه تكبر شويه مش قصدي علطول يعني
سكينه :يبقي تسيبي الموضوع علي الله ومتركبيش حاجه واللي يجيبو ربنا خير وبركه واللي جوزك يقوله يتعمل وانتي متعلميش هتحملي امتي تاني
غسان :لاء ازاي اومال الراس دي تنشف علي مين وتعند علي مين
نور :تمام انا عنيده و راسي نشفه انا عوزه ابني يجي هنا لو سمحت
غسان بغيظ منها :حاضر يا هانم هنجيب ابنك هنا حاجه تانيه
نور :ايوا عوزه هدوم عاصي وانت راجل تجيب شويه طلبات لحبيبه وشويه طلبات للبيت علشان مفيش حاجه هنا وهات لبن بقري علشان عاصي
غسان سابها من غير رد و اخد المفاتيح ومشي
سكينه بغضب:ايه المعامله الزفت اللي بتعاملي بيها جوزك دي
نور :يا ماما هو اللي كل حاجه تخصني يزعق ويتعصب ليه بقي عاوز افهم
سكينه شدت نور قعدت ومسكت ايدها :اسمعي يا نور جوزك بيحبك واللي يثبت ليكي كدا انه عاوز يخلف وعياله تكون منك انتي في رجاله مبتكنش عوزه تخلف من الاساس فا حفظي علي جوزك وعيالك وخديها نصحية من امك
نور :يا ماما انا والله كمان بحبه وهو عارف كدا بس انا فعلاً في ولادة حبيبه كنت بموت محدش بيحس بوجع الولاده دا خالص ومفكرينه موضوع سهل وبسيط
سكينه :معلش انتي اللي عليكي الاستحمال انتي مراته وانتي اللي تستحملي في وقت ضعفه ووجعه انتي اللي تكوني مصدر الدعم بتاعه يا حببتي وربنا يهديكم يارب
نور :يارب يا ماما يارب المهم انا عوزه اخد رأيك في موضوع كدا غسان اقترحه عليا
سكينه :موضوع ايه يا حببتي
نور حكت ليها ان غسان عاوز يسيب الجماليه ويعيش هنا
سكينه :طيب هو امه وابوه هيرضو يخلوه يسيبهم
نور بتنهيدة :انا قولت ليه كدا بس هو قالي علشان خاطري متصعبيش الموضوع علشان كدا تعب ليه وسيبي موضوع ابويا وامي ليا
سكينه وهي بطبطب علي ضهرها :خلاص يبقي هو منه لامه وابوه ملكيش دعوه واللي يقولك عليه اعمليه وريحه وخلاص مش هتخسري حاجه المهم يلا رضعي بنتك بقاله كتير مرضعتش اتعودي كل ساعه ترضعيها
نور :حاضر يا ماما وبدأت ترضع حبيبه وسكينه نزلت تشوف اي اكل تعمله لنور
**************
عند نورهان وعمر في العربية
عمر :ايوا عوزنا نروح علي نور ليه برضو
نورهان :نور ولدت يا عمر وعوزه اروح اشوفها شويه وحشاني
عمر :يا حببتي نروح بكرا نقضي معاهم اليوم وعلشان عاوز اعد مع الشاب وابارك لغسان كمان لكن نروح الجماليه دلوقتي هنوصل العشا ايه لازمتها
نورهان :نور هنا في الفيلا مش في الجماليه
عمر :طيب كويس هوصلك وهروح اعد شويه علي القهوه وهرجع اخدك بليل علشان مينفعش اروح من غير معاد كدا الله اعلم ايه طروف نور وكدا
نورهان :ماشي يا حبيبي بس اوعي تنسي تجيب لحمه وانت راجع علشان الحق اتبلها من بليل وهات جزر وليمون
عمر :مش ناسي والله يا نورهان بقيت فاكر طلبات البيت اكتر من طلبات الشغل
نورهان بحيرة :ودي حاجه وحشه ولا حلوه
عمر بص ليها بغيظ :حلوه يا روحي اي حاجه منك حلوه
*********************
في الجمالية
وصل غسان ركن العربيه كان قاسم ومنير قعدين علي القهوه وعاصي واسر بيلعبو في الشارع اول ما الولاد شافوه جريو عليه
عاصي بفرحه :بااااااابااااااا
اسر بفرحه :بااااابااااا وجريو عليه
غسان شالهم الاتنين وحضنهم :حبايب بابا وقلب بابا وعقل بابا وحشتوووووني
عاصي بص علي العربيه بزعل :ماما فين انت جيت من غيرها ليه
غسان باس خده:علشان احنا اللي هنروح ليها
قاسم من وراه :ابو عاصي منور الحاره والدنيا كله وحضنه
غسان بادله الحضن :حبيب قلبي يا ابو اسر يا غالي
قاسم :الله اومال فين بنت اخويا ومرات اخويا
غسان :تعالي نطلع بس وانا هقولكم
غسان راح عند ابوه باس ايده :ازيك يا حج
منير :ازيك يا حبيبي ايه ياعم حبيت القعده هناك محدش فيا وحشك خالص
غسان بضحك :والله بهدله يومين بهدله المهم اعالو عيزكم في موضوع كدا فوق
منير بقلق:خير يارب
غسان طلع هو وقاسم وابوه الشقه بتاعت نفين
نفين بفرحه :حبيب قلبي وحشتني وحضنته
غسان بحب باس راسها :مش اكتر مني يا غاليه
نفين :نور و البت فين عوزه اشوفهم
نسمه بفرحه ايجت من البلكونه :نور فين والبنت اسمها ايه
غسان :اهدو بس كدا سمينا البنت حبيبه اما نور فا انا قررت اروح اسكن في الفيلا اللي في القاهره
الكل بصدمه :
********************
عند احمد وسلوي
سلوي كانت قاعده في السرير بتتفحص اميل غسان الشخصي اللي تقريبا كل يوم بتتفحصه ببتسامه حزينه
احمد كان طالع من الحمام لبس بنطلون وقالع التيشرت :لولو بقولك ايه
سلوي مركزه في كلام غسان عن الدفاع في حق الوطن اللي حطه حاله علي الفيس
احمد بصوت عالي :هو في ايه يا سلوي شدك اووي كدا في الفون
سلوي قفلت الفون بسرعه وتوتر:نعم يا احمد في ايه
احمد بشك :هاتي فونك يا سلوي كدا
سلوي بتوتر:عاوز فوني في ايه يا احمد
احمد :لاء مفيش هشوف ايه اللي شدك لدرجه دي
سلوي بتوتر:حبيبي في ايه انا كنت بشوف حالات الفيس عادي مضايق ليه
احمد :سلوي كلميني بصراحه انتي مش مبسوطه معايا
سلوي :ليه بتقول كدا انا مبسوطه معاك
احمد قعد قدامها ومسك ايدها :ولما انتي مبسوطه معايا يا سلوي منعه نفسك عني ليه ومش سمحالي ان المسك
سلوي بتوتر سحبت ايدها :عادي يا احمد انا بس تعبانه مش اكتر
احمد بسخريه وهو باصص علي ايدها اللي سحبتها :انتي تعبانه من تاني يوم جواز يا سلوي وانا مش هسكت كتير علي النظام دا ومش هتقبل اعيش لحظه وحده مع وحده مش متقبلاني زوج ليها اتمني يكون كلامي واصل ولبس التيشرت وطفي النور وراح نام بهدوء
سلوي نامت والدموع علي خدها وقالت في نفسها :اسفه اسفه بس انت ليك حد احسن مني يا احمد وكملت بسخريه انا وحده متجوزه وبحب واحد متجوز وبيعشق مراته برافو عليا اطلقي يا سلوي واعدي جنب امك خلي اللي يسوا ولا ميسواش يتكلم عليكي
احمد في نفسه :نفسي اعرف مالك يا حببت القلب والوجدان نفسي اعرف تعبك فين وانا اخده مكانك بس انتي ترتاحي بحبك بشدة يا سلوي بس انتي ليه كدا ليه دي مش الحياه اللي كنت بتمناها معاكي ابداً واتنهد بصوت ونام
(انتظرو القادم)
الصعب في الحياة انك تكون عايش مع حد عقلك معاه بس قلبك مع حد تاني شعور صعب وحش جدا ...؟
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية حين تقع في الحب" اضغط على اسم الرواية