رواية حين تقع في الحب الجزء الثالث 3 الفصل الثامن 8بقلم ندى علي
رواية حين تقع في الحب الجزء الثالث 3 الفصل الثامن 8
يمني فتحت الباب لقت ابوها واخوها
يمني بصدمه وفرحه :بابا .. واترمت في حضنة بدموع وحشتيني اوووي يا بابا
سمير بحب :وانتي كمان يا قلب ابوكي و يا نن عيني وحضنها بحب
ماهر بغيظ:ايوا سلمت علي ابوها وسابتني بياعه
يمني بخب حضنت اخوها اللي بادلها الحصن بشوف
يمني بدموع :وحشتني اووووي يا ماهر
ماهر وهو بيمسح دموعها:وانتي كمان بس ايه هنفضل برا كتير
يمني بضحك :اظن مش محتاجين عزومة علشان تدخلو يعني
سمير وماهر دخلو بحب واضح
ماهر :يمني انتي وراكي شغل
يمني :عادي هاخد اجازة انا كدا كدا مأخدتش من زمان
سمير :ما علينا من الكلام دا انا اللي جايبني من اخر الدنيا ان اولا بنتي وحشاني ثانيا العريس اللي زي العسل اللي متقدم ليكي
يمني بحترام :وانت تنور في اي وقت يا بابا لكن العريس انا لسه مش شايفه نفسي جاهزه لفكرة الجواز
ماهر بغضب من حاديثها :مش جاهزه ايه انتي النهارده عندك 27 سنه عوزه تعدي لحد امتي يا يمني احنا سيبينك بمزاجنا وبنقول بكرا اعقل لكن مش كل عريس يجي نرفض نرفض اعدي وشوفي الوضع مرا
سمير بغضب:ماااهر لو الحكايه تبقي بعلو الصوت لازمت وجودي اييييه انا بتكلم مع يمني في حاجه تخصها وهي قالت رأيها وانا يا اتقبل يا متقبلش واقول رأي
ماهر سكت بحترام لوحود والدها ويمني قاعده ساكته تسمع كلام والدها
سمير بهدوء:طيب يا يمني يا بنتي انتي رفضه العريس ليه انتي تعرفي هو مين ولا شوفتيه ولا عمرك سمعتي عنه
يمني :يا بابا انا مش عوزه اتجوز في البلد انا دكتوره وليا مركزي مش عوزه اخسر شغلي ومنصبي بسبب كلام ناس ملهاش لازمة وكلامها عليا ايه اللي اخر بنتك في الجواز ومحدش راضي بيها انا مس هاممني كل دا
سمير بهدوء:وانتي مين اللي قالك انه من البلد وانه ملوش منصب انتي لما تعرفي دا مين من الصدمة مش هتتكلمي نص كلمه
يمني بتشويق :هو مين دا اللي جايبكم من اخر الدنيا ومتمسكين بيه دا
ماهر بغضب:اسمه الرائد محمد كمال يا دكتوره يمني رائد رائد
يمني برقت من الصدمة فعلا ومعرفتش تتكلم وفتحت بوقها بعدم استوعاب
سمير :اناي في ايدك الرد الراجل اتصل بيا امبارح بليل وطلب ايدك وانا مش لاقي احسن منه ليكي ولا مفيش بعد كدا بقي
يمني بهمس وصدمه :بليل ايه هو لحق يجي يكلمك طب طب ازاي
سمير :اديني رد يا يمني
يمني بعدم استعاب :بابا اديكي فرصه اجمع بس وهقولك ردي بليل اوكي
سمير :بإذن الله يا يمني المهم سجادة صلاة بقي الحق ركعتين الصبح
يمني جابت السجادة لوالدها وهي في كامل الصدمة وراحت دخلت المطبخ تعمل فطار ليهم وماهر قاعد علي الفون بتاعه
******************
وصل غسان القسم صف العربيه بتاعته ونزل منها بشموخه المعتاد بس لمح ضهر حد قدامه من بعيد هو عرفه كويس قرب منه شويه ومحمد لف ليه ببتسامه
محمد ببتسامه :هي ممكن تكون صدمه ليك بس انا حبيت اعملها مفاجأة وحشتني يا ابو عاصي
غسان مش مصدق نفسه محمد صاحب عمره قدام عينه جري عليه وحضنة بشوق كبير
غسان :وحشني وحشني وحشني حمدالله علي سلامتك يا بطل
محمد :الله يسلمك يا حبيبي انت اللي وحشني اكتر والله ايه يا عم فين قاسم
غسان :قاسم ايه ذلوقتي احكيلي انت جيت ازاي ومين جابك ومرنتش لسا ليه اجي اجيبك
محمد :انا كنت عاوزها مفاجأة المهم لما لقيت كل شغلي في روما خلص لقيت مليش لازمه هناك حجزت ورنيت باحمد ايجه اخدني
غسان :المهم انك وصلت بخير ودي اجمل واحلي مفأجأه في الدنيا
محمد بضحك :فاكر انت السهره ولا مبقاش ليك فيها
غسان :بس يا عم انا راجل متجوز ومراتي بتغير عليا من ابويا بقيت محترم من الشغل للبيت
محمد بضحك :اوباااااا دا انت متعلم عليك جامد غسان الالفي تاااب مش مصدق ولا عارف اصدق دا انت الكنج يا بني
غسان بغرور :متعلم عليا ايه يابني انا اسد برضو اوعي تنسي
محمد برفع حاجب :ايوا ايوا ما هو باين وحط ايده علي كتفه المهم يا غسان عاوز تبان جامد انا النهارده عازمكو علي اكبر بار فيكي يا مصر انت والشله كلها الساعه 9 هنتجمع هتيجي بقي يا عم الاسد ولا مش جاي
غسان بتوتر وشجاعه مصطنعه :جي يابني اول الحضريت بإذن الله
قاسم بصدمه :هو اللي انا شايفه بعيني دا بحد محمد قدامي صح
محمد بضحك حضنه بشتياق شديد :وحشني يا بني والله
قاسم :وانت كمان يا بطل رجعت امتي ولا جيت ازاي احكيلي احكيلي
غسان حط ايد علي كتف ومحمد ايد علي كتف بضحك:نحكي جوا بقي
**********************
نور قاعده مع مامتها وهي بترضع حبيبه
سكينه :نور انا هروح النهارده علشان مش عرفه انام هنا خالص
نور بحزن :ليه يا ماما لو المكان مش عاجبك نغيره بس خليكي
سكينه :مش عاجبني ايه هو في احسن من كدا انا بس مش متعوده وبعدين انا هاجي تاني سبيني علي راختي بس انتي
نور بفقدان امل :اللي يريحك يا ماما اعملية المهم تيحي ليا تاني
سكينه :هاجي والله المهم هروح انا داوقتي ادبحلك فرختين واجيبهم ليكي علشان انتي كدا مش هتقدري تقاومي
نور :طيب استني غسان يجي يوصلك بليل هتمشي من دلوقتي ليه
سكينه :المسافه مش كبيرة اووي دا ربع ساعه هاخد تاكسي وامشي انا وقامت
نور قامت معاها بحب وصلتها للباب :خلي بالك علي نفسك يا ماما وابقي تعالي ليا انا جنبك اهو
سكينه :هجيلك يا قلب امك المهم ادخلي جوا علشان متتكبسيش انتي لسه ولاده
نور :تمام وسكينه بعدت عن الفلة ونور دخلت وحبيبه كانت نامت علي ايدها جابت السرير بتاعها جنبها في الصاله ونيمتها وغطتها ودخلت المطبخ تجهز اكل
نور وقفت علي السلم :عااااصي عاااااصي
عاصي بنوم طلع برا :نعم يا ماما
نور :انزل با حبيبي علشان تفطر يلا
عاصي بنوم :حاضر نازل الثانيه دي ودخل علي اتغطي ونام تاني قال انزل افطر قال ايه العيلة دي ياربي
نور عملت ليه كوباية لبن وسندوتش قشطة وحطينهم علي السفره واستانت شوية
نور :الحيوان دا منزلش ليه ايه عاااااصي عاااااصي وطلعت ليه بغضب فوق فتحت الاوضة كان غرقان في النوم
نور بغضب :بقي يا حيوان انا بحسبك بتاخد دش وانت نايم عااااااصي قوووم يلا اخلص
عاصي بهدوء ونوم :صاحي انا متنيل صاحي
نور بزهول :متنيل .. قوم يلا اخلص بدل ما امسكك اقتلك دلوقتي
عاصي بنوم :هو مفيش صبر عن الناس ليه يارب ...الحقيييييي بسررررعه
نور بفزع :في ايه
عاصي وهو بيعدل البطانيه :حاسس ان حبيبه بتعيط روحي شوفيها وتعالي
نور شالت البطانيه بغضب :قوم يا حيوان اخلص
عاصي بنوم :انا من الاخر مش قايم انا هموت وانام
نور :خلاص تمام اتصل بأبوك نعرف منه الدكتور اللي عليه واجب دا ومش راضي يقوم يعمل ايه فيه او اقولك خليك نايم بس ابوك لما يجي هو اللي يذاكرلك
عاصي قام بسرعه :وليه العلط بس ما انا قومت اهو فين الواجب اللي هيخليني اروح ورا الشمس دا هاتي هاتي
نور :ثواني وتكون تحت يلا ونزلت
عاصي بغيظ :تهديداتك مستفزه وراح قفل الباب بالمفتاح ودخل علي السرير ونام بهدوء ولا كأن فيه حاجه
نور نزلت علي تحت دخلت المطبخ وبدأت تحضر طعام الغذاء وانسجمت شويه وقطعت البصل وحطيتة في الزيت وفرمت الطماطم وحطيتها علي النار علشان تتسبق وحبيبه بدأت تصرخ
نور بصوت شبه عياط وهي بتغسل ايدها من البصل:اهدي يا حبيبه بغسل ايدي وراحت جري عليها شالتها بحب بس بس بس هش هش اهدي يا روحي اهدي وبدأت ترضعها وافتكرت البصل والطماطم علي النار حطت حبيبه في سريرها وجريت عليهم تقلبهم
نور بغضب ودموع :الحيوان عاصي منزلش يشيل اخته عني ليه والله لخلي غسان يموتك المره دي يا كلب ونزلت البسله في الطماطم واللصل في بعض وهديت النار وطلعت لحبيبه جري
نور شابتها وطلعت بغضب لعاصي اتفجأت ان الباب مقفول
نور بصدمة وغضب :قفل الباب الواد دا ايه اللي كنت بعمله في طفولتي بيطلع عليا واااااد يا عااااااصي
عاصي بنوم :تؤ كل ساعه هتيجي بقي ولا ايه
نور بغضب :اقسم بالله يا عاصي لو مفتحت لهفتح دماغك انا النهارده يا زباله
عاصي بنوم وهمس:نفس درس الجماليه غيري يا شيخه
نور بغيظ :بقي حتة عيل شبر ونص يعمل فيا كل دا يخراااابي ماشي اوعي تفتح اوعي بس انا هعلمك الادب لكا ابوك يجي ونزلت بغضب وحبيبه عيطت اول ما حطيتها علي الكنبه
نور بعياط:يعني اعمل انا ايه دلوقتي اطبخ ولا اشيلك ولا اصحي الحيوان دا ولا اتشطف من ريحة الطبخ دا ولا اعمل ايه بس الله يلعن الحواز علي اللي عوزين يتجوزو انا كمان سنه مش هبان من القلم الرصاص
حبيبه بتبص عليها بهدوء وبتسمع
نور بدموع :ووجع ضهري كوم والدنيا دي كلها كوم بطني بدأت توجعني وكله كوم والتور اللي انا مخلفاه دا كوم لوحده الحيوان مبيردش عليا دا انا لما ابوه يجي هخليه يكسر دماغه حتت كدا وهتشوفي وبصت علي حبيبه لقيتها نامت راحت حطة مخده جنبها وقامت براحه علي المطبخ وبدأت تخلص عمل الاكل بستعجال
*****************
سلوي قلبت الاوضة كلها عن المذكرة بتاعتها بخوف شديد
سلوي بخوف:ينهار لو حد شافها او قرء حاجه فيها او احمد ممكن يكون شافها يلهوووي يلهووووي
سعاد خبطت علي الباب :سلوي اطلعي عوزه اتكلم معاكي
سلوي بتوتر:حاضر يا ماما هغير واطلع اهو
سعاد بسخريه :اطلعي يا سلوي الحاجه اللي بدوري عليها معايا
سلوي فتحت بخوف :ماما ..انا
سعاد بسخريه :ماما انتي خليتي فيها ماما انتي لما تعملي عملت دي يبقي ليكي عين تتكلمي مع ابني ازاي
سلوي بحزن وندم :والله يا ماما انا غصب عني عملت كدا انا مش عرفه اقول ليكي ايه علشان عرفه ان كدا خيانه
سعاد :اللي تقلع دبلة جوزها من ايدها يبقي عيب عليها العيشه معاه
سلوي بستغراب :دبله انتي بتتكلمي عن دبله وبصت علي ايدها
سعاد :اومال اتكلم عن ايه انا داخله المطبخ الاقي دبلة مرات ابني فجأة دا يثبت ان ابني عندك ولا حاجه
سلوي بفرحه مخفيه :اسفه والله يا ماما مش هتتقرر تاني بس انا كنت بغسل ايدي والصابون بيدخل فيها علشان كدا قلعتها
سعاد :انا مش هقول لاحمد المره دي بس المره الجايا هقول خدي واخدت الدبله لبستها ليها
سلوي دخلت وقفلت الباب ووقفه وراه بخوف شديد :يخراااابي كان قلبي هيقف من شدة التوتر وبصت علي الدبله بس انا نسيت دي ازاي
******************
نورهان نزلت تشتري طلبات للبيت وشالت فرحه في العربيه بتاعتها ووقفت عمد بتاع الخوخ
نورهان بصت للخوخ بشده :الله الخوخ دا جميل اوووي ...بس انا مشدوده للخوخ اووي كدا ليه وراحت عند البياع
نورهان :لو سمحت عوزه كيلو خوخ وكيلو تفاح وكيلو عنب بناتي
ست من الوقفين :انتي مش شيفاني وقفه قبلك يا حلوة ولا ايه
نورهان بصت ليها :انتي بتكلميني انا ياست انتي
الست :اومال بكلم بنتك
نورهان بصت ليها من فوق لتحت :اصل ميشرفنيش انك تتكلمي عني واجباري هاخد في الدور اللي انا وقفه فيه ولو انتي زعلانه كدا بلاش تنزلي نزلي انسان بيفهم ياخد مكانك
البياع :اتفضلي يا مدام الطلبات
نورهان اخدت الطلبات ودفعت الحساب وبصت لست اللي هتموت من الغيظ بسخريه ومشيت
نورهان بغيظ :ايه الناس اللي معندهاش ذوق دي ..هو انا ليه مجبتهاش من شعرها خليتها عبره لسوق كله يلا مش مشكله يارب يجعله في ميزان حسناتي بس شوفتي الناس يا ست فرحه مبقاش في بركة فيهم
فرحه بتلعب في رجليها ونورهان مبسوطه ليها
نورهان :حبيبي انتي عوزه تخرجي وتتمشي الاجازه الجايا هخلي بابا يخرجنا يا قلبي وفونها رن
نورهان :الوو حبيبي كنا لسه في سيرتك حالا
عمر بستغراب :سيرتي مع مين
نورهان :مع فرحه هيكون مع مين
عمر :ماشي ياعم رجعتي البيت ولا لسه
نورهان :لسه هجيت قهوه وشاي وسحلب وينسون ونعناع ونسكافيه وو
عمر :خلاص يا نورهان هاتي اللي تجيبه المهم مش عوزك تتأخري برا اوكي
نورهان :حاضر يا حبيبي يلا هقفل علشان خلاص داخله السوبر ماركت اهو
****************
نسمه كانت قاعده قدام الدكتوره بتشرح ليها حالها
نسمه :بمجرد ما يقرب مني بس بحس ان هيغمي عليا وعوزه ارجع وقرفاانه اوووي ومش عرفه السبب
الدكتوره :طيب انتي في الشهر التالت صح
نسمه :ايوا يوم 1/6 هكمل التالت
الدكتوره :ماهو الغريب انك بتقرفي بس مش بترجعي ودا ازاي انا مش عرفه يعني دلوقتي في اول التالت بتبدء انك تقرفي من حجات كتير اووي وبترجعي كتير اووي وبستمرار ودلوقتي انتي بتقرفي من غير ترجيع
نسمه بخوف :ودي حاجه كويسه ولا لاء يا دكتوره
الدكتوره :انتي هتعملي التحاليل دي ولما النتيجه تطلع نشوف الحل بإذن الله
نسمه :طيب وبطني مش بتكبر خالص يا دكتوره ايه السبب يعني اختي كانت في التالت وكانت بطنها باينه شويه انا مفيش خالص
الدكتوره :انا شاكه ان الجنين مش بيكبر ودا لازم نعمل فحص ولازم التحليل الاول قبل الفحص
نسمه :تمام يا دكتوره انا هعمل التحاليل واجي علطول
الدكتوره :تشرفي يا حببتي
نسمه مشيت من عند الدكتوره وكانت حاسه ان الدنيا كلها سودا في عيونها خايفه علي جنينها اللي تعبت وعامت كتير جداً علشان يكون موجود بعد 4 سنين حملت بيه وبقاله 3 شهور بياكل اللي بتاكله وينامو سرا وبقي حته منها وتكتشف انه ممكن بكون مريض الدنيا كلها حست انها بتلف قدامها ومش قادره تتكلم ولا تعبر حتي بالجواها ركبت تاكس ورجعت علي البيت بس بوجع هي بس اللي حسه بيه
يتبع الفصل التاسع اضغط هنا
- الفهرس يحتوي على جميع فصول الرواية كاملة :"رواية حين تقع في الحب" اضغط على اسم الرواية