رواية انين الفصل الثامن بقلم رحمة محمد
رواية انين الفصل الثامن
شكرا علي التفاعل ياقمرات واسفه على التأخير ❤️❤️❤️عايزاكوا تتخيلوا المشاهد...
في المستشفي.....
انين قاعده بره قدام اوضه العمليات مستني الدكتور يطلع من عند رنا مفيش ثواني ولقت فارس جاي عليها وبيقولها بخضه : ايه الي حصل ياانين
انين بعياط : معرفش يافارس.. انا اول ماروحتلها ولقيتها كده جريت عليها وجبتها المستشفي وكلمتك
فارس : طب هي عامله دلوقتي
انين بدموع : معرفش.. الدكتور لسه جوه عندها.. وبصت لفارس : انا خايفه عليها اوي يافارس
فارس جواه غضب من الي بيحصل وقال بهدوء : ماتخفيش انشاءالله هتكون بخير
في اللحظه دي الدكتور طلع من عند رنا انين وفارس جريوا عليه بالهفه وفارس قال لدكتور بحزن قبل ماانين تكلم : طمني يادكتور هي كويسه
بصلهم الدكتور وقال : للاسف حالتها صعبه ومحتاجه نقل دم ضروري علشان نزفت كتير
انين : طب مستني ايه يادكتور انقلها
الدكتور : فصيله دمها نادرا
انين بدون تردد : طب حضرتك ممكن تجرب تاخد مني يمكن يطلع فصيله دمي نفس فصيله دمها
فارس سكت وبعدين قال قبل ما الدكتور يرد : وانا كمان يادكتور
الدكتور : تمام اتفضلوا معايا
الدكتور خاد من انين الأول وطلع مش نفس الفصيله وبعد كده خاد من فارس وطلع نفس الفصيله وهو المناسب لحالتها (سبحان الله 😂)
فارس قال لانين انها ماتقولش لرنا ان هو الي اتبرع ليها بدمه وانين سالته : ليه يافارس
فارس بغضب : اسمعي الكلام ياانين من غير ليه.. انا عايز كده
ولو سالتك قوليلها انتي الي اتبرعتلها ماشي
انين : ماشي يافارس براحتك
فارس اتنهد وقام حاسس انه هيغمي عليه بسبب ان الدكتور خاد منه دم كتير علشان رنا انين لحظت انه هيقع ساندته بسرعه وقاعدته علي الكرسي وقالتله بقلق : انت كويس
فارس بتعب : حاسس اني هيغم عليه
انين : ماطبيعي علشان اتاخد منك دم كتير.. استني هروح اجيبلك عصير واجي
انين راحت قبل ما فارس يعترض وبعد شويه جات ومعها عصير واعطته لفارس وشربه والدكتور خرج من عند رنا وقال ليهم انها بقت كويسه
انين : طب نقدر ندخلها يادكتور
الدكتور : شويه وهتفوق وتنتقل اوضه عاديه
فارس : تمام يادكتور شكرا
الدكتور : العفو عن اذنكوا
وبعد شويه رنا فاقت ونقلوها اوضه عاديه وانين وفارس دخلوا ليها لقوا رنا قاعده علي السرير وبتعيط انين قربت منها وقالت بدموع : حمدلله على سلامتك ياحبيبتي
رنا بصت لانين وقالت بدموع : الله يسلمك
انين بزعل : ينفع الي عملتي في نفسك ده يارنا؟؟
رنا بصت في الارض وسكتت
انين اكملت :ليه كنتي عايزه تنتحري وتموتي.. انتي مش عارفه ان الانتحار كفر.. عايزه تموتي كافره يارنا؟!
رنا وهي باصه في الأرض وقالت بدموع : انا عارفه اني غلط... بس كان الشيطان اقوي مني... سيطر عليا معرفتش انا بعمل ايه... قاعد يوسوس في دماغي لحد ماضعفت وحصل الي حصل وعيطت
انين اخدتها في حضنها وملست علي شعرها : طب اهدي ياحبيبتي.. اهدي.. الحمدلله جات بسيطه... اهم حاجه دلوقتي انك بخير... قالت بهزار مع رنا : انا قلبي كان هيوقف من الخضه عليكي ياجزمه... انتي بتعملي كده علشان تشوفيني هخاف واتخض عليكي ولالا
رنا ضحكت انين : مفيش حاجه تستاهل.. إن الإنسان يضيع نفسه علشانها وبصت لفارس الي كان قاعد ساكت وسرحان
: ولا ايه يافارس
فارس فاق من شروده وسرحانه وقالها :ها... بتقولي حاجه ياانين
انين : ده انت مش معنا خالص.. روحت فين
فارس : معلش سرحت شويه.. كنتي بتقولي حاجه
في اللحظه تليفون انين رن انين طلعت التليفون وبصت لقت المتصل ريم قررت انها تطلع بره وترد خرجت بره وردت علي ريم
انين : الو ايوه ياريم
ريم : ايوه ياانين.. انتي فين
انين : انا بره البيت.. في حاجه
ريم : طب انتي فين وانا اجيلك
انين : لا مش هينفع.. انا في المستشفي مع رنا
ريم : مستشفي ليه.. ايه الي حصل
انين حكت لريم كل حاجه
ريم : هي ازاي تعمل في نفسها كده... رنا متستهلش الي بيحصلها ده كله... دي ضحيه لواحد واطي وحقير ضحك عليها
انين : ربنا هينتقم منه وياخد حق رنا انشاءالله وقريب اوي.. اتنهدت... المهم كنتي بتتصلي ليه
ريم : كنت عايزه اقابلك ضروري علشان اوريكي حاجه
انين : حاجه ايه
ريم : مهو مينفعش في التليفون.. طب بصي قوليلي انتي في مستشفي ايه وانا اجيلك.. وهو بالمره اطمن علي رنا
انين : تمام
انين قالتلها علي عنوان المستشفي وقعدت مستنيها لحد ماجات انين شافتها وقعدوا شويه وبعدين انين قالتلها في ايه الي حصل تاني ريم قالتلها : اسمعي التسجيل ده كده
طلعت التليفون بتاعها وجابت التسجيل لانين وسمعتهولها وكان فيه.... وليد وهو بيحكي لياسر وريم وهو سكران وكان واضح من كلامه انه ماقربش لرنا وهي لسه بنت ومحصلش حاجه كل ده كان تمثيل وعمل كده علشان يكسر مناخير فهد ابوها زي ماتفق مع ابوه (شاكر) انه يكسروا مناخير فهد ويبتذها ويذلها ويكسرها واتفق مع ابوه ويطلب منها 10 مليون جنيه وورق صفقه وبعدها يسافر لما يتاكد انه دمر حياه رنا وفضحها وكسرها وسيرتها بقت علي كل لسان وساعتها فهد هايجي لشاكر مذلول ومكسور وشاكر ساعتها يبداء يتشرط علي فهد ويهدده انه لو معملش الي هو عاوزه هيركب صور لبنته متفبركه ويفضحها.
انين بعد ماسمعت التسجيل كله قالت في نفسها : ياااه ياشاكر ده انت طلعت قذر قذاره... وضحكه بسخريه : لا ومشاءالله ابنك نسخه منك ... الحمدلله ان اتربيت في بيت نضيفه بعيد عن عالمك الزباله
فاقت من شرودها علي صوت ريم وهي بتقولها : روحتي فين
انين : ها.. لا مفيش بس سرحت شويه
ريم : طب هتعملي ايه..... هتقولي لرنا؟
انين : هقولها.. و هقول لفارس وهسمعهم التسجيل
ريم : تمام... بقولك ايه. انا عايزه ادخل لرنا اطمن عليها
انين : تعالي ريم قالتلها : بس انا هستني بره.. يمكن ماترضاش تشوفني
انين : ايه الي انتي بتقوليه ده.. لا طبعا تعالي
انين فتحت الباب وريم كانت مستنيه بره زي ماقالت لانين وانين قالت لرنا : رنا في حد بره عايز يشوفك
رنا بعد فهم : مين ده
انين : ادخلي
ريم دخلت رنا كشرت اول ماشافتها وريم قربت من رنا بعد ماسلمت علي فارس وقالتلها : الف سلامه عليكي يارنا
رنا بتكشيره : ايه الي جابك...
ريم : جايه اطمن عليكي يارنا
رنا بنفس التكشيره : جايه تطمني عليا... ولا جايه تشمتي فيا
ريم : الي انتي بتقولي ده يارنا.. انا اشمت فيكي؟!
رنا : وليه لا....مانتي شبهم.. تلاقيكي متفقه معاهم علي لعبه جديده تلعبوها عليا
انين بزعيق : رنا ميصحش كده
كل ده وفارس مراقب الموقف بصمت
ريم بدات دموعها تنزل : سبيها ياانين.. انا عذراها.. حقها تقول اكتر من كده.... بس عايزه افهمك حاجه يارنا... انا مش زي منتي فاكره انا
رنا بزعيق: اطلعي بره
ريم بصتلها بصدمه وانين كذلك رنا بزعيق : اطلعي بره بقولك
ريم بصت لانين ومشت وقعدت تعيط وانين راحت وراها بس ملحقتهاش رجعت لرنا تاني وقالتلها بعتاب : ليه كده بس يارنا.. دي كانت جايه تطمن عليكي
رنا بغضب : انين.... انتي مش فاهمه حاجه.. انا عارفه هي جايه ليه كويس
انين : لا يا رنا.. انتي الي مش فاهمه حاجه.. ريم كانت جيالك فعلا علشان تطمن عليكي مش علشان تشمت فيكي زي مابتقولي.. متظلميش حد يارنا ولا تسوءي الظن فيه.. اتاكدي الأول قبل ما تظلمي الناس...
رنا ساكته انين بصتلها وقالت : ريم اتاءذت من وليد زيك.
ويمكن اكتر منك
رنا بصتلها وقالت : انين لو سمحت.. سيبيني لوحدي
انين : لا مش هسيبك يارنا
رنا بزعيق: وانا قولت سيبيني لوحدي....
انين بصت لفارس وبعدها سابوا رنا وطلعوا بره
انين بصت لفارس وقالتله : عجبك الي رنا عملته مع ريم يافارس
فارس اتنهد وقال بغضب : طبعا مش عجبني.. اصلا تصرفاتها كلها غلط في غلط
انين : هي لما تعرف الحقيقه هتندم اوي وتعرف اد ايه ريم طيبه ورغم ظروفها بتساعدها من غير مقابل
فارس : هي ريم عرفت ازاي ان رنا في المستشفي
انين : ريم اتصلت عليا وكانت عايزه تقبلني علشان موضوع مهم واول ماعرفت ان رنا في المستشفي اتخضت وجات علي طول علشان تطمن عليها
فارس ضيق عينيه : موضوع يخص رنا؟
انين : اكيد... ويخص عمو فهد كمان
فارس : عمو فهد؟؟!
انين : ايوه
فارس : طب ايه هو الموضوع ده
انين طلعت من شنطتها تليفونها وطلعت التسجيل وقالت لفارس : خد.. اسمع ده
فارس بعد فهم : ايه ده؟!
انين : اسمعه بس وانت هتفهم
فارس خاد منها التليفون وسمع التسجيل وبعد ماسمعه كله كان علي وشه علامات صدمه وحزن وفرحه... الصدمه علشان عموه فهد الحزن علشان ليه يعملوا كده في رنا وابوها الفرحه علشان كده اتاكد ان رنا لسه بنت
فارس قال لانين بهدوء : انا مش عايز رنا تسمع التسجيل ده.. ولا عايزاها تعرف الحقيقه
انين بتساؤل : ليه يافارس
فارس لما افتكر اسلوب رنا مع ريم واد ايه هي مغروره مع الاقل منها : عايزاها تفضل موهومه بالي حصل ده... وتصدق انها ضيعت شرفها وضاعت معاه
انين سكتت وبعد كده قالت : طب افرض عرفت من بره الحقيقه بعد كده... ايه هيكون رد فعلها ؟؟.. انا اقولك هتزعل مني ومش هتكلمني واكيد لما تعرف انك عارفه الحقيقه هتزعل منك.. يبقي ليه نخبي عليها... طب محنا نقولها من دلوقتي
فارس بغضب :اسمعي ياانين... رنا متمرده ومغروره وزي مانتي شوفتي كلمت ريم ازاي .. ولازم اعلمها ازاي تكلم الناس وازاي ماتثقش في حد بعد كده.. وبعدين مين هيقولها ولا هتعرف من مين... محدش عارف الحقيقه دلوقتي غيرنا انا وانتي وريم وبس... وريم بعد الي حصل ده اكيد زعلت من رنا ومش هتكلمها.. يبقي نقفل علي الخبر ولا كاءننا نعرف حاجه تمام
انين : طب هتقولها امتي
فارس : لما تتعلم الأدب صح.. وتعرف انها ظالمه الناس معها الي بيساعدوها من غير مقابل
انين : ياريت رنا تعرف كده
فارس : هتعرف... بس انا عايزك تقولي لريم تجيلي علي القسم ضروري
انين : ليه
فارس : هقولك
*********************************************
في ڤيلا فهد الببلاوي
فاطيما رجعت من برا
فاطيما للخدامه : فهد بيه رچع ياشمس
شمس : لاع ياهانم لساته بره
فاطيما : ورنا في اوضتها
شمس :لاع مش في اوضتها وسكتت
فاطيما باءستغراب : امال رنا فين
شمس : اصل...
فاطيما بخضه : اصل ايه متكلمي
شمس بتوتر: اصل حصلت حاجه كده وحضرتك مش موجوده
فاطيما بقلق : الي حوصل.. رنا حصلها حاجه
شمس حكتلها علي كل حاجه
فاطيما : ايه... وازاي ده يحصل ومتقوليليش
شمس بخوف :منا اتصلت علي حضرتك لجيت التليفون مجفول
فاطيما بزعيق : طب غوري من وشي
شمس مشت من قدامها بخوف وراحت المطبخ وفاطيما كانت هتجنن علي بنتها لحد ما افتكرت انين وجابت رقمها واتصلت عليها بس لقت تليفونها مغلق المره الاولي نفخت بضيق ورنت تاني
عند انين كانت قاعده مع فارس لقيت تليفونها بيرن شافت الرقم كان فاطيما
قالت لفارس : فارس.. طنط فاطيما بتتصل.. اقولها ايه
فارس فكر بسرعه وقالها : قوليلها... رنا تعبت وودانها المستشفي
انين ردت :احم.. الو ايوه ياطنط... معلش ياطنط اصل الشبكه وحشه اوي بره... استني بس ياطنط.. انا كنت هكلمك واقولك بس كنت قلقانه علي رنا
فاطيما بعصبيه : انتي في مستشفى ايه
انين قالتلها علي عنوان المستشفي وفاطيما خرجت بسرعه وركبت عربيتها وهي في الطريق كلمت فهد
عند فهد كان قاعد مع حسين في شغله وقعدين يكلموا سمعوا صوت تليفون فهد شاف الرقم كان فاطيما مراته
فهد : الو ايوه يافاطيما
فاطيما بصوت باين عليه البكاء : الو ايوه يافهد
فهد كان بيضحك ضحكته اختفت وقال : مالك يافاطيما صوتك ماله .. وفاجءه قام بخضه وقال : ايه.. ازاي ده حصل.. طيب طيب انا جاي حالا مع السلامة
حسين بصله بقلق وقال : في ايه يافهد.. ايه الي حصل
فهد : انا لازم امشي حالا
حسين : طب في ايه بس فهمني
فهد قال لحسين الي حصل
حسين : طب استني انا جاي معاك
فهد وحسين نزلوا ركبوا العربيه بتاعت فهد وراحوا علي عنوان المستشفي بعد ما فاطيما اعطتله العنوان
عند فاطيما وصلت المستشفي لقت انين وفارس قاعدين جريت عليهم بخضه وقالت : ايه الي حصل ياانين... طمنيني رنا كويسه
انين قاعدتها وقالت : متقلقيش ياطنط.. هي كويسه.. جات بسيطه الحمدلله ربنا ستر
فاطيما ببكاء : هي جوه صح.. ينفع ادخلها
انين : اه طبعا اتفضلي
فاطيما دخلت لرنا جوه وهي بتعيط وقالت : رنا بنتي حبيبتي.. ايه الي حصلك
رنا حضنت امها وعيطت
فاطيما : ايه الي حصل بس يابنتي قوليلي
في اللحظه دي لقوا فهد بيفتح الباب ومعاه حسين وفهد راح عند رنا وقال ايه الي حصل
رنا كانت هتكلم انين لحقتها بالكلام وقالت : مفيش ياعمو... قدر الله وما شاء فعل والحمدلله جات بسيطه
فهد بعصبيه : انا عايز افهم الي حصل وبص لرنا : ايه الي حصل يارنا
رنا كانت هتكلم انين لحقتها بالكلام : مفيش ياعمو بس هي اتخنقت مع وليد شويه
فهد : اتخنقت معاه وبص لرنا : اتخنقتي معاه ليه الي حصل بينكم
انين كل شويه تلحق رنا بالكلام : مفيش خناقه عاديه بين اي اتنين مخطوبين
فهد : ايوه يعني ايه الي حصل بينهم.. وبص لرنا : ماتكلمي يارنا
رنا : الي حصل انه وبصت لانين
انين لحقتها بالكلام : ان وليد كلم رنا وقالها انه مش بيحبها و بيحب واحده تانيه وكل شيء قسمه ونصيب... وكان واخد رنا علشان حبيبته تغير ويعرف هي بتحبه ولالا... رنا بقي اول ماعرفت كده الشيطان سيطر عليها وغضبت ربنا...وكل ده ليه علشان واحد ميستهلش
رنا بصتلها باءستغراب انين بصتلها بصه يعني كان لازم اقول كده
ملحوظه (انين اتفقت مع فارس انها تقول كده من ورا رنا علشان متفضحهاش قدام أهلها)
فهد مستغرب ليه وليد يعمل كده وقال لرنا : متزعليش ياحبيبتي انا هكلم شاكر واعرف منه ليه وليد عامل كده
رنا بعياط ردت بسرعه : لا.. لا يابابا لو سمحت.. متكلموش في حاجه..
فاطيما : ليه بس يابنتي
رنا : هو كده ياماما من غير ليه
فهد : يابنتي منا لازم اعرف هو عامل كده ليه
رنا : ارجوك يابابا لو بتحبني.. متكلموش في حاجه
فهد : حاضر يابنتي براحتك
فارس قرب من فهد وقال : متزعلش ياعمي... كويس اصلا انه عامل كده... هو ميستهلهاش..هي تستاهل الي يقدرها ويعرف قيمتها....
فهد سكت بحزن فارس اكمل : عمي عايز اقول لحضرتك علي حاجه
فهد : خير يابني
فارس : احم.. طبعا حضرتك عارف اني بحب رنا من زمان.. وانسحبت لما اتقدم ليها وليد.. بس دلوقتي الفرصه جتلي وانا بنتهزاها وبطلب منك ايد رنا
فهد بحب : والله يابني من ناحيتي انا معنتيش مانع انا مش هلاقي احسن منك لبنتي بس اهم حاجه راءيها هي.. وبص لرنا : ايه رايك يارنا
رنا بصت لفارس وبعدين بصت لفهد : الي تشوفه يابابا
فهد : علي خيره الله يبقي نعمل خطوبه الاسبوع الي جاي
فارس : وليه ياعمي خطوبه... ما نعمل فرح علي طول وخير البر عاجله
فهد : الي انتوا عايزينه
فارس : اكيد رنا موافقه.. مش كده يارنا
رنا : موافقه
فهد : علي بركه الله.. الفرح الاسبوع الي جاي
فاطيما وانين بركوا لرنا وحسين بارك لفهد وفارس
(هو وافق علي فارس علشان كرامه بنته)
فهد تليفونه رن طلع التليفون وطلع بره علشان يرد شاف الرقم لقاه رقم غريب بس قرر انه يرد عليه
فهد : الو..
المتصل : حضرتك فهد الببلاوي
فهد: ايوه انا.. مين معايا
المتصل :مش تعرف انا مين.. المهم انا عايز اقابلك ضروري
فهد : عايز تقبلني ليه
المتصل : في موضوع مهم جدا... لا لا مينفعش في التليفون لازم نتقابل
فهد : طيب.. انت فين وانا اجيلك
المتصل : انا في ***
فهد : طب تمام... خمس دقايق واجيلك
المتصل : متتاخرش هستناك
فهد : تمام مش هتاخر
فهد قفل مع المتصل ده وقاعد يفكر يترا عاوزه في ايه ودخل لرنا
**********************************************
عند فوزيه كانت قاعده في الصاله والخدامه بتكنس حواليها فوزيه قررت انها تعمل حاجه لناديه علشان تراقبها
كلمت واحد وقالتله : الو.. ايوه بجولك لو سمحت
الشخص باءحترام : أمري يافندم
فوزيه : كنت عايزه اركب كاميرات مراقبة عندي
الشخص : تحت امرك يا فندم.. عايزه تركيبها فين
فوزيه بصت للخدامه وقالت : هو.. هو لازم اقول فين
الشخص : ايوه يافندم.. علشان نبعت حد يركبهالك
فوزيه : تمام.. هقولك.. عايزه اركبها في اوضه النوم بتاعت ابني
الشخص : تمام يافندم هبعتلك مندوب من عندنا يجي لحضرتك
فوزيه : ماشي بس بسرعه متتاخروش عليا
الشخص : تمام
فوزيه قفلت مع الشخص ده وضحكت بخبث وطلعت فوق في اوضتها طبعا كانت بتكلم ومخدتش بالها من الي كانت معها وسامعه كل كلمه بتقولها الخدامه سابت المقشه وراحت لناديه الي كانت في المطبخ وقالتلها....
ناديه : انتي بتتكلمي صوح يابت يازهره
زهره : اه والله يا ست ناديه.. سمعتها بوداني الي هيكلهم الدود دول.. وهي بتكلم واحد وبتقوله انا عايزه اركب كاميرات مراقبة ولما سالها فين قالتله .. هركبها في اوضه ابني
ناديه في نفسها: بقي كده ياحماتي.. قصدي يا فوزيه.. ماشي وبصت لزهره : بت يازهره متعرفش حد حاچه ولاكاءنك قولتلي حاچه لحد مااتصرف... وانتي عنيكي عليها ترقبيها وتقوليلي كل حاجه اول بأول سامعه
زهره : حاضر ياهانم
ناديه : يلا امشي انتي شوفي كنتي بتعمليه ايه
زهره مشت وناديه ضحكت بخبث وطلعت اوضتها وقفلت الباب عليها وطلعت التليفون وجابت أرقام وكلمت حد
ناديه : الو ايوه يامراد باشا
مراد : ايه ياناديه في جديد
ناديه : طبعا في جديد.. اسمع.....
وحكتله ناديه الي الخدامه قالته ليها
مراد : اممم.. تمام
ناديه : قولي ياباشا اعمل معها ايه
مراد : ماتعمليش معها حاجه... خليها تنفذ الي هي عايزه تعمله... وانتي خفي مقابلات كتير.. وخليها تحس انك قويه عليها... ده هيخليها تبقي نرجسيه زياده فاهمه
ناديه : فاهمه ياباشا.. فاهمه
مراد : تمام.. ولو حصل اي جديد كلميني
ناديه : اكيد.. مع السلامه
ناديه بعد ماقفلت مع مراد ضحكت وقالت : خلينا نلعب علي المكشوف
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية انين" اضغط على اسم الرواية