رواية ما في قلبي البارت الثامن عشر 18 بقلم يارا عبد السلام
رواية ما في قلبي الفصل الثامن عشر 18
سهى قربت منها بتحدي:علشان فارس دا ملكي
نور بعصبيه مش قادره تمسك نفسها
وهوب شدتها من شعرها
سهى قعدت تصوت ونور ماسكه شعرها مش راضيه تسيبه
فارس جه واتفاجئ من اللي نور عاملاه قرب منها بعصبيه وحاول يفك ايدها من شعر سهى والكل جه
فارس:سيبيها يا نور بقى
نور:سيبني يا فارس انا سكتالها من الصبح انا برضو اللي بلدي يابت دانتي مفيش حاجه فيكي طبيعيه كلو صناعى دانتى يبت ضاربه شعرك اكسجين
فارس حاول يفكها منها
نور:سيبني عليها دي بتقولى انك ملكها ملك مين يختى انتى مفكراه علبة ميكب بتدهنى بيها وشك
الجد زعق ونور وقفت اللي بتعمله
الجد:فارس خد مراتك وامشو من هنا يلا
سهى فضلت واقفه تعيط ونور بتبصلها بكل شراسه
فارس خد نور من ايديها وركبها العربيه
اول لما ركب مات على نفسه من الضحك ونور بصتله بعصبيه
_انت بتضحك على اي
_على شكلك وانتى مسكاها من شعرها انا اول مره اشوفك كدا بجد
_انا نفسي استغربت نفسي لقيت ايدي جايبه شعرها في أيدي ومدرتش بنفسي بت مستفزه عصبتني عالصبح
_بس اي خلاكي تتعصبي كدا
_بتقولى انك ملكها مدرتش بنفسي بجيبها من شعرها
_افهم من كدا انك غيرتي عليا وانك بتحبيني
_لا
_ماشي يا نور انا هخليكي تقوليها غصب عنك
نور سكتت
هى اصلا مستغربه اللي عملته اول مره تخرج عن شعورها كدا واول مره تمسك حد تضربه كدا هى اه غيرانه عليه بس هتقوله بسهوله كدا لا طبعا !!
وصلو الجامعه
ونور قابلت جميله
جميله:صباح الفل عليكي
نور:صباح الخير
_مالك يبه
_نور اتنهدت وحكتلها كل اللي حصل وجميله نزلت ضحك
_انتى يا نور انا اخر حاجه أتوقعها منك تعملى كدا
_يعني عوزاني اسكت لما تقولى كدا انتى اكتر واحده عارفه انى لما بحب حاجه مبطيقش كلمه عليها ولا حد يقربلها والبت اللي عامله زي البهلوان دي حسابها معايا الملزقه بنت الملزقه
اشوفها بس بتبصله هكلها بسناني
_جدعه يا نور
جميله بفضول:هوا هوا احمد مجاش لي لحد دلوقتي ولا مش هييجي علشان هي هناك
نور:لا هتلاقيه جاي في الطريق متقلقيش هوا محدش طايقها هناك اصلا انا مش عارفه اي جابهم دول
جميله:لا اهدي كدا علشان فارس ميزعلش منك
نور:مش هقدر امسك نفسي لو بصتله انا واثقه أن فارس مش هيبصلها بس برضو البت مغريه وعامله انتفاخات وارتفاعات وانا خلاص هنفجر
جميله:طيب متدلعى زيها وادلعى على فارس قدامها اثبتلها انها متقدرش تاخده منك
نور:عندك حق انا هعمل كدا بس خايفه فارس يستغل كدا
جميله:ازاي
نور:يلا يا جميله نروح نشوف جدول الامتحانات
راحوا يشوفوا الجدول جميله فضلت تتلفت حواليها يمين وشمال
نور:مالك يا بنتى
_احمد مجاش يا نور انا خايفه للبت دي تعلقه
نور:لا متقلقيش هى مركزه مع فارس وانتى عارفه أن احمد اتغير
_مش عارفه بس قلبي مش مرتاحلها
نور:متقلقيش يا حبيبتي
فارس جه عليهم
_نور يلا علشان نمشي
نور بلامبالاة:مش دلوقتي عوزا اقعد مع جميله شويه
فارس:معلش يا جميله انا تعبان وعاوز نور
جميله:خلاص يا نور روحي
نور مشيت مع فارس وهوا مسك ايديها قدام الجامعه كلها علشان يعرفهم كلهم انها بقت ملكه ومراته
وصلو البيت ودخلوا ونور شافت سهى قاعده بمياعه
قربت من فارس وتبتت فيه وفارس ابتسم وعرف انها عوزا تغيظها وحاول يستغل الموقف .
لف ايده حوالين وسطها ودا زود من توترها
خدها وطلع عالسلم والجد نادي على نور
_نور اطلعي ارتاحى وتعاليلي علشان عاوزك
نور:حاضر يا جدو
سهى كانت بتراقبهم وهي متغاظه من نور
دخلو الاوضه ونور حاولت تبعد عنه وهوا منعها انها تبعد
_فارس ابعد
_وهوا اللي قربتك مش انتى اللي قربتي من مزاجك
نور:ها
فارس:ها اي
نور:دا بس علشان البت العقربه اللي تحت دي
فارس:وانا موافق
نور:موافق على اي
فارس:موافق انك تغيظيها دا دليل انك بتحبيني
نور:طيب ابعد بقى
فارس:مهو مش بمزاجك
نور زقته بكل قوتها وبعدت ودخلت الحمام وخدت شاور وخرجت..
وخرجت برا الأوضه
فارس:مسيرك هتقعى يا جميل
نزلت لجدها
الجد:تعالى يا نور
خدها ودخلوا المكتب
نور:في اي يا جدو
الجد:عاجبك اللي عملتيه الصبح دا
_جدو انت متعرفش حاجه دي بتغيظني وبتقولي أن فارس ملكها بنت المقشفه وانا شكلى بيئه اللي ضاربه اكسجين دي
الجد ضحك
_مانتى طلعتي بتحبي فارس اهو
نور:معرفش يا جدو انا لقيت نفسي بجيبها من شعرها ولو شفتها قدامى تاني مش هقدر امسك نفسي
الجد:بصي انتى عندك حق في كل دا بس هى ضيفه عندنا مينفعش كدا
نور:ضيفه تقعد بادبها وليها احلى ضيافه غير كدا اعذرني يا جدو عاللى هعمله
مديحه جت وقالتلهم أن الاكل جاهز
نور خرجت وهى ماسكه نفسها وفارس كان قاعد ولسه سهى جايه تقعد جنبه نور قربت وشالت الكرسي من تحتها وهى وقعت
سهى:انتى حماره مبتفهميش
نور:اسفه بس دا مكانى وابتسمتلها
معلش يلا روحي اقعدي جنب ماما
سهى سابتها وراحت جنب امها
وفارس ضحك ونور قعدت جنبه
وهي متغاظه
فارس قرب من ودنها
_عجباني اووي الغيره دي
نور:لا دي مش غيره انا بحافظ على كرامتى بس وانت شكلك مبسوط بوجودها
فارس:اه جدا
نور بغيظ ضربته في رجله
فارس:بقيتي عصبيه اووي وسرسه
نور:وهبقى اكتر من كدا على اللي هيجي عليا وعلى كرامتى
سحر اتكلمت:وانتى بقى يا نور بتدرسي اي
نور بسماجه:انا اداب علم نفس في اخر سنه
سحر:اممم ربنا معاكى يا حبيبتي ناويه بقى على دكتوراه
نور:اه طبعا علشان افتح عياده لاصحاب النفوس المريضه
سحر وسهى بصولها بعصبيه وكملوا اكل بسكوت وفارس وجدو ومديحه ومحمد وأحمد بصوا لبعض وضحكوا
نور خلصت اكل وقامت
الجد:مالك يبنتى
نور:مفيش يا جدو انا شبعت هطلع علشان ورايا مذاكره
فارس هوا كمان قام معاها
وسهى بصتلهم بعصبيه وهم طالعين
احمد قرب على ودنها
_متحاوليش للاسف بيحبوا بعض اووي
والكل قام وفضل هي وامها
سهى لامها:شوفي اللي جايين نعمله احنا جينا اتهزقنا
سحر:انتى شكلك مش هتعرفي توقعى فارس فاي رايك في البديل
_قصدك مين
سحر:انتى فاهمه
سهى :احمد!!!
- تابع الفصل التالي عبر الرابط: "رواية ما في قلبي" اضغط على أسم الرواية