رواية ليلة الفصل الاول بقلم شروق طه
رواية ليلة الفصل الاول
فى إحدى المنازل الصغيره فى منطقه عشوائيه بسيطه هناك عائله متوسطة الحال العيله ديه كانت متكونه من الأب أحمد والأم أحلام وبنتهم الوحيده ليله كانو عايشين عيشه متوسطه بس وضعهم مكنش عاجبهم وأحمد اشتغل كتير اوى وتعب لحدما قدر يجيب بيت جديد ف مكان أحسن وأرقى من المكان اللى كانوا ساكنين فيه واتقطعت صلتهم بالمكان اللى كانوا ساكنين فيه الاول الموضوع ده كان مفرح أحمد وأحلام بس كان صعب جداً ع بنتهم ليله
- دخلت ليله اوضتها الجديده واعدت تعيط عشان هيوحشها صحابها ومدرستها والمدرسين بتوعها وبيتهم القديم
دخلت عليها مامتها وقالتلها : مالك يا ليله؟!
حاكيت ليله لمامتها هى حاسه بأيه لكن كان رد أحلام مامتها عنيف اوى وقالتلها :هو أنتِ وش فقر يا بنتى؟.....ما تنسى بقا العيشه المقرفه ديه وقبى ع وش الدنيا معانا
وسابتها ومشيت وهى بتقول صحيح شغل عيال
واعدت ليله تعيط ف البلكونه طول الليل وتقول معقول ف ليله واحده حياتى كلها تتشقلب كده ومش هقدر أرجع لحياتى القديمه تانى مين قالهم انى عايزه بيت اكبر ولا مدرسه احسن انا عايزه بيتنا الدافى الصغير ومدرستى مع صحابى .
ولآن ليله كانت بنت مراهقه كانت بتحب ابن الجيران وكان صعب عليها فراقه بالسهوله ديه وعشان كده استنت لحد ما ابوها وامها نامو واتسحبت واحده واحده ونزلت من البيت واتصلت بيه
الو يا خالد انت فين؟
_ خالد : أنا ف البيت.
ليله : طب انا عايزه اشوفك دلوقتى حالاً
- إنتِ مجنونه يا بنتى !.... إنتِ عارفه الساعه كام؟.....ده إحنا الفجر
ليله : بقولك عايزه اشوفك دلوقتى.
سكت خالد لثوانى بعد كده قالها: ومالو تحبى نتقابل فين؟
قالتله: تعالى نتقابل ف الكافيه اللى بنتقابل فيه ده فاتح ٢٤ ساعه .
قالها : أشطا هلبس وأجيلك.
واتقابلو فعلاً ف الكافيه وليله قالت لخالد انا مش عايزه أعيش ف المكان الجديد ده بعيد عنك خالد قالها وانا كمان بس هنعمل ايه واعدوا يفكروا لحد ما وصلوا لفكرة أنهم يتجوزوا عُرفى .
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية ليلة" اضغط على اسم الرواية