رواية ما في قلبي البارت العشرون 20 بقلم يارا عبد السلام
رواية ما في قلبي الفصل العشرون 20
سهى خرجت بيها ووقفت وطلعت حاجه من جيبها وحطتها فيها و.....
خرجت راحت لنور اللي كانت قاعده بتفطر ومش واخده بالها من العقربه اللي جايه عليها
سهى بامتعاض:خدى القهوة اهى طنط مديحه بعتهالك
نور باستغراب:وجيباها بنفسك لا انتى سخنه يا سهى يا حبيبتي
سهى:لا أصلي مش بحب اشوف خالتو واقفه ومساعدهاش
نور:لا فيكي الخير الصراحه بنت اخت ممتازة
نور مسكت الفون وكلمت جميله وسهى واقفه
نور:ايوا يا جوجو يا حبيبتي
جميله:مالك يا بت مش عوايدك
نور:معرفتش اجى كنت نايمه فارس انتى عارفه فارس بقى بيحب يسهرني معاه
اي بجد انتى وأحمد مع بعض وهتتغدوا سوا يا روحي عقبال كدا ما تيجي تعيشي معانا هنا وتنوري البيت
جميله مكنتش فاهمه اي حاجه بس حست أن في حد واقف جنب نور وحاولت تجاريها في الكلام وهى مش فاهمه
سهى كانت واقفه بتغلي
*اه يعني البت اللي بيحبها احمد تبقى صحبتها ماشي يا نور انا وريتك
سهى اول ما مشيت نور اتعدلت في الكلام
نور:اهى العقربه مشيت
جميله:مين دي
نور:هوا في غيرها اللي بتتمحلس عوزا تتجوز اي واحد فيهم كأنها واقفه في اوكازيون
جميله:عوزا تتجوز مين لامؤاخذه
نور:حاليا حاسه انها قلبت على احمد
جميله:نعم دانا اجى اجيبها من شعرها هي شايفاها سايبه ولا اي
وسكتت
نور هوا ممكن احمد يسيبني ويتجوزها علشان هى بنت خالته
نور:صبرني يا رب اقفلي يا جميله احسن اجى اكسر دماغك
جميله:في اي طيب انتى مش شايفه انتى بتقولى اي
نور:مهو انا بقولك كدا علشان نخطط ونشوف هنطفشها ازاي
جميله:وانا معاكي في اي حاجه
نور:متقلقيش هطفشها اقفلي دلوقتي وبليل هكلمك ونشوف هنعمل اي
نور قفلت مع جميله
ومسكت فنجان القهوه وبدأت تشرب فيه يتلذذ
وبعدها حست بتقل في دماغها بس مدتش اهتمام
شالت الاكل ودخلته المطبخ
مديحه:ها يا حبيبتي بقيتي احسن
نور:اه يا ماما بس حاسه بتقل في دماغى حاسه عوزا انام تاني
مديحه:طيب يا حبيبتي اطلعى ترتاحي
نور:لا انا هطلع اذاكر
مديحه:طيب يا حبيبتي ربنا معاكى
نور طلعت ومسكت الكتاب وحست عينيها بتزغلل ونامت مكانها محستش بنفسها
سهى كانت واقفه عالباب بتبص عليها بتلذذ وحقد
*علشان تبقى تعملى نفسك شبح عليا نوم العوافي يا قطه
وضحكت عليها ونزلت ..
فارس جه من برا وسأل علي نور وأمه قالتله انها طلعت تذاكر
مديحه:اطلع يا حبيبي غير وانزل علشان الغدا انت ونور
فارس طلع ودخل الأوضه لقى نور نايمه في سابع نومه استغرب لما شافها كدا واستغرب حالتها ونوبه النوم اللي مسكاها دي
فارس قرب منها
فارس:نور اصحى
نور لا حياة لمن تنادي
فارس كرر كلامه تاني ونور لسه مفاقتش
حس أن فيها حاجه
جاب ميه من جوا ساقعه وحاول يصحيها بيها
نور صحيت وهى مخضوضه وقعدت تعيط
نور:انا فين
فارس:انتى مالك بقيتي تنامي كتير كدا لي
نور بعياط:انا مش حاسه بنفسي المفروض اني طالعه اذاكر مش عارفه مالي
فارس يصلها بحنان وقرب منها وخدها في حضنه
نور:انا تعبانه اوووي وحاسه انى هموت انا مش عارفه مالى
فارس:اهدي يا حبيبتي انتى بس هتلاقيكي تعبانه شويه ممكن برد أو حاجه
نور:لا انا كويسه انا حتى شربت قهوة الصبح علشان افوق شكلها نيمتني
فارس بضحك:هوا انتى من الناس دي
نور:مين
فارس_اللي بياخدوا القهوه وينامو هى فيها بنج
نور:مش عارفه سيبني انام شويه
فارس لا قومي خدى دش وانا هستناكي
نور :حاضر
دخلت خدت شاور ساقع وخرجت
فارس:حاسه نفسك احسن ولا
نور:شويه
فارس:طيب يلا يا حبيبتي البسي عقبال مخلص
نور:حاضر
فارس دخل الحمام وخرج مبتسم ولسه هيتكلم لقي نور نايمه
قرب منها:نور نور
نور مردتش عليه
واسراء جت تناديله ونزل معاها وهوا مستغرب التصرف اللي نور عملته دا.
نزل والكل سأله عليها قال إنها نايمه وتعبانه وشكلها عندها دور برد
سحر:او يمكن حامل الله اعلم
فارس:لا مش حامل
سحر:لي هي مش بتخلف
فارس بتوتر:لا اصلها مظبطه انها تخلف بعد الامتحانات
سحر:بس عادي مفيش مانع انو يحصل
فارس :اه تمام
سهى جت قعدت جنب فارس وكأنها لما صدقت وبدأت تتمحلسله وهوا مش معاها اصلا دماغه كلها راحت عند نور اللي نايمه فوق ..
طلع ولقاها برضو نايمه وبص على وشها البرئ
فارس:اكيد انتى مش حامل ولا الكلام دا انتى تعبانه بس
قعد يتأملها فتره وبعدها راح في النوم
صحي الصبح وحاول يصحيها وصحيت
فارس:قومي يا حبيبتي اكشف عليكي انتى بقالك يومين نايمه
نور:انا تعبانه اووي يا فارس وجسمي همدان وصداع
فارس:طيب قومي يا حبيبتي هخدك اكشف عليكي
نور:حاضر
قامت ولبست وراحت معاه
وكان وراهم طبعا العقربه مبتسمه أن خطتها ماشيه تمام
فارس خدها وكشف عليها والدكتور طلب منهم تحاليل
عملوها بس مش هتظهر الا بليل
فارس:خلاص هنيجي لحضرتك بكرا تكون التحاليل طلعت
الدكتور:تمام
وانا برضو هبعتهالك بليل على الايميل وهكتبها دلوقتي مسكن امن علشان الصداع دا لحد منعرف السبب
فارس:تمام شكرا يا دكتور
نور وفارس خرجوا وهوا خدها مكان يقعدوا فيه شويه وكان طول الوقت ماسك ايديها مسبهاش
نور:انا خايفه يا فارس يكون عندي حاجه
فارس:متخافيش يا حبيبتي بعد الشر عنك هوا هيطلع دلع مذاكره انا عارف
نور بقلق:يارب
يلا انا عوزا اروح
فارس استغرب خوفها وتوترها دا
نور كانت حاسه ان في حاجه غلط هتحصل علشان كدا كانت متوتره وقلقانه
في عقل بالهاانا قلبي مش مستريح مش عارفه مالي
روحوا ونور قعدت مع العيله شويه وجدها وقلبها مقبوض وحاسه انها عوزا تعيط.
الليل جه وفارس حاله مسدج على الفون بتاعه كانت من المعمل..
واتفاجئ من اللي شافه.....
_اي حامل!!!!!
- تابع الفصل التالي عبر الرابط: "رواية ما في قلبي" اضغط على أسم الرواية