رواية عشق احفاد الراوي البارت الثالث 3 بقلم سلمى حجازي
رواية عشق احفاد الراوي الفصل الثالث 3
مالك / رحيييييييم .... مالك ف اي حصل اي
رحيم بدموع / كنت ... كنت ... كنت ف فرحها ي مالك ... فرحها كان النهارده
مالك بصدمه / فرح مين ... شمس ؟!
رحيم / هييييي ..... الخاااايننننه الزباا*اله
مالك /طب .. طب اهدي اهدى بس وفهمني ف ايي
رحيم / مش قادر ي مالك سيبني سيبني عشان خاطري ... انا عاوز انام
مالك / طب استني .. اسند عليا طيب لحد اوضتك والصبح نبقي نتكلم
عاد مالك الى غرفته بعد ان وصل رحيم الي غرفته وتاكد بانه ذهب الي نوم عميق وبدأ مالك ايضا ف التفكير ب تلك الفتاه التى ظهرت في حياته فجأة واحتلك تفكيره بجانب التفكير ف رحيم ايضا وفي حالته التي راها منذ قليل فهو حقا قلقا عليه فرحيم ليس ابن عمه فقط ف هو صديقه ايضا ويعتبره اخ له
ف صباح يوم جديد
اجتمع الجميع ف منزل الراوي ع طاوله الطعام لتناول وجبه الافطار فكان الراوي جالسا هو وحفيده حمزه و تسنيم والدته و سناء والدة رحيم
راوي / اومال فين مالك و رحيم
مالك / انا جيت اهو صباح الخير ي جدو صباح الخير ي ماما صباح الخير ي طنط سناء
الجميع / صباح النور
حمزه / طب وانا اي شفاف
مالك / اه ان كان عاجبك
حمزه / عاجبني يا عم
راوي / اومال فين رحيم معقول لسه نايم
سناء / مش معقول .... انا هطلع اصحيه
مالك / لالا يا طنط سيبيه نايم
راوي / لي هو في حاجه
مالك / لا ابدا بس هو تعبان شويه
سناء / يحبيبي تعبان ماله انا هطلبله الدكتور
مالك / لا متقلقيش هو تعبان من ضغط الشغل بس محتاج يريح النهارده وهيبقي تمام
حمزه بهمس / انا الحوار ده مش داخل دماغي رحيم ماله
مالك / هبقى اقولك بعدين
تسنيم / مش ناوي بقا ي مالك تفرحني بيك
مالك / ما تفرحي يماما هو حد مسكك
تسنيم / اذا كان كده بقا ف البت منار بنت طنطك عبير صاحبتي بت اي ...
مالك / بسسس متكمليش ... عن اذنكم انا رايح الشركه
تسنيم / طب خلاص اقعد كمل فطارك
مالك / كلت ي ماما كلت وشبعت سلام
تسنيم / وبعدين بقا ف الواد اللي تاعب قلبي ده
راوي / سيبيه ي تسنيم ي بنتي بكره تيجي اللي توقعه ويقعد يتحايل عليكي عشان تجوزيهاله
تسنيم / والله يا بابا اتمنى بس مبتجيش
سناء / لا والمشكله ان رحيم كمان عاوز يتجوز بس مستني مالك الاول
حمزه / والله ي طنط وانا كمان
راوي / انت اي ي عاطل ي فاشل اللي بتاخد السنه ف الكليه بسنتين
حمزه / في اي يجدي صلى ع النبي كده انا بهزر
راوي / بتهزرر ... هموت واعرف انت طالع لمين ابوك الله يرحمه كان زينه الرجال مالك اخوك نسخه منه لكن انت اخسس
حمزه /طب تمام اوي كده انا رايح الكليه عن اذنكم
راوي / اللي يشوفك يقول الواد مجتهد اوي كل يوم ف الكليه جتك خيبه
حمزه /حبيبي يا حاج
ف منزل الفتايات
رنا / معقول ورد لسه نايمه
فريده / ايوا هي لما بتزعل بتنام كتير
رنا / طب انتي مش هتروحي كليتك
فريده / لا مش نازله النهارده
رنا / ولا انا
فريده / لي
رنا / مش عارفه حاسه اني عاوزه افصل شويه
فريده / عن اي بالظبط
رنا / عن الكليه
فريده / لا الموضوع مش كليه الموضوع فيه حمزه صح
رنا / بصراحه بقا اه ... مش حاسس بيا خالص بيحس ببنات الجامعه كلها الا بيا تخيلي ده بيجي يقولي ع البنات اللي بيكلمهم كل يومين واحده جديده وانا بشييط
فريده / هههههههههههه
رنا / بتضحكي انتي كمان
فريده / سوري والله بس مقدرتش .. طب ما يمكن بيستهبل مثلا
رنا / ع فكره اللي بتقوليه ده انيل بيستهبل يبقي مش بيحبني خالص
فريده / صح انتي صح
رنا / انا نفسي بس يديني فرصه نتكلم كتير مثلا احكيله عني وعن الحاجات اللي بحبها وهو كمان كده لكن كل كلامه معايا رنا بصي البنت دي كلمتها امبارح رنا بصي الجامده دي عرفتها النهارده رنا ظبطيني مع دي رنا هاتيلي رقم دي
فريده / هاااا وبتجيبي
رنا / بجيب يفريده بجيب زي العبيطه مبعرفش اقوله لا
فريده / لا ده انتي عبيطه فعلا بقا ... اي ده ورد صحيت يادي الهنا يادي الهنا
ورد بمرح / صباحوو يبنات
رنا / اصلا!!
ورد / فطرتوا ولا احضر فطار
فريده / حضري مفطرناش
ورد / اشطا
رنا / لا ده انتو هتجننوني قريب
فريده / ي بنتي ما انتي عارفه ورد لما بتزعل بتنام بتصحي ولا كأن حاجه حصلت
في الجامعه
حمزه / عهد مشوفتيش رنا
عهد / لا مشوفتهاش النهارده
حمزه / يبقى مجتش
عهد / ما يمكن ف محاضره ولا حاجه
حمزه / لالا انا دورت ملقتهاش
عهد / يبقى مجتش بق
حمزه / طب متعرفيش مجتش لي
عهد / لا ي زكي لسه قايلالك معرفش هي فين اصلا
حمزه / اه صح طب تمام
ف شركه الراوي
مالك / خالد
خالد / نعم
مالك / نزل اعلان محتاجين سكرتريه وخد الورقه دي فيها المواصفات
خالد / تمام يا مستر مالك
خرج خالد من المكتب وظل مالك بمفرده يفكر في تلك الفتاه للمره الذي لا يعلم عددها لانه يفكر بها كثيرا ولا يعلم السبب
بعد عده دقائق فتح مالك درج المكتب واخذ جرنال به صورته مع تلك الفتاه الذي لا يعلم حتى اسمها وظل ينظر اليها كثيرا حتى ابتسم حين تذكرها
فاق مالك من شروده ومسك هاتفه وقام بالاتصال على مراد صديقه
مالك / ازيك ي عم مراد
مراد / اهلا ازيك ي مالك
مالك / اي ي عم من ساعه ما خطبت ومبقتش تسال يعني
مراد / والله مشغول شويه ف الشغل وترتيبات الشقه وكده انت عارف بقا
مالك / ربنا معاك ي حبيبي ... بقولك اي
مراد / يا رب .. قول
مالك / فاكر البنت اللي انا جيت معاها الخطوبه بتاعتك
مراد / ايوا دي ورد تبقي صاحبه همس
مالك / هي اسمها ورد
مراد / ايوا لما الخبر نزل همس قالتلي وقالتلي انها كمان دخلت معاك من غير ما تعرف انت مين
مالك / ايوا ... طب متعرفش عنها حاجه ساكنه فين حياتها اي كده يعني
مراد / لا والله معرفش بس ممكن ابقي اسالك همس كده
مالك / خلاص تمام شوف وعرفني
مراد / من عنيا ... بس لي
مالك / ها
مراد / ليي
مالك / ااااا.... ااا عادي يعني .. فضول
مراد / فضول اه ... طيب
مالك / احم ... مع السلامه ي مراد
مراد / هههههههه سلام
غلق مالك الهاتف ثم عاد بكرسيه للخلف وظل صامتا عده ثواني ثم هتف باسم ( ورد )
ف المساء
عاد مالك الي المنزل وصعد الي غرفه رحيم فوجده واقفا ف شرفه غرفته يدخن
مالك / كل دي سجاير ي رحيم ... انا سيبتك اهو زي ما قولتلي هاا قولي بق في اي
رحيم / امبارح وانا مروح البيت واحد صاحبي اتصل بيا قالي ان فرح شمس النهارده ... انا طبعا مصدقتش ازاي ده احنا مرتبطين ومتفقه معايا اني هتقدملها بعد ما تخلص السنه دي عشان اهلها رافضين الجواز دلوقتي وانا حكيلك
مالك / ايوا
رحيم / قالي لو مش مصدق روح الفرح ف العنوان ..... روح شوفها لو مش مصدقني لقيت نفسي رايح مع اني كنت متاكد ميه ف الميه انه كداب بس روحت و ياريتني ما روحت .... روحت لقيتها ف حضنه وفرحانه ومبسوطه
مالك / شافتك ؟
رحيم بدموع / ايوا حطت عينها ف عيني ولا كأنها عملت حاجه وبعدين كملت رقص ... انا عملت اي غلط انا عمري ما زعلتها دي اي حاجه كانت بتطلبها كنت بجيبهالها كان كل همي انها تكون مبسوطه بس لي عملت كده بجد مش عارف
مالك / خير ليك والله يخويا انت عارف ان احنا مكناش بنحبها اصلا بس يلا ده نصيبك واكيد ربنا هيعوضك
رحيم / مشش عاييز كلهم شبه بعض اصلا كلهم خاينين
مالك / كده انت حبيبي ... انا قولتلك متقعدش مع الواد حمزه ده كتير انت كنت ماشي عدل بنات اي وبتاع اي يراجل
رحيم / هههه عندك حق والله
مالك / خلاص اجمد كده الشركه محتاجاك
رحيم / انا هنزل من بكره خلاص اصلا عملت موف اون
مالك / هههههههه يا جاامد
رحيم / اه عيب عليك ده انا تربيتك
مالك / تربيه وس*خه يحبيبي
رحيم / انت قولت لحد ع اللي حصل
مالك / لا حمزه اللي عاوز يعرف بس قفش الحوار
رحيم / كده كده هيعرف مافيش حاجه بتتخبي عنه
مالك / ايوا
في اليوم التالي
ورد / ولااااااااد تعالوااا بسرعههه
فريده / اي في اي
رنا / خيير
ورد / في اعلان لشركه طالبين سكرتيره انا هقدم ....
- تابع الفصل التالي عبر الرابط: "رواية عشق احفاد الراوي" اضغط على أسم الرواية