رواية عشق احفاد الراوي البارت الرابع 4 بقلم سلمى حجازي
رواية عشق احفاد الراوي الفصل الرابع 4
ورد / في اعلان لشركه طالبين سكرتيره انا هقدم
رنا / وريني كده .... بس دول عاوزين خارجين كليه انتي لسه ف اخر سنه
فريده / ايوا ازاي
ورد / مش عارفه بق بس المرتب حلو اوي وبعدين ده فاضل ترم واحد واتخرج يعمني مش هتفرق
فريده / اممم بسدي شركه كبيره ومعروفه .... بصراحه يعني مش متافئله
رنا / ولا انا بصراحه بس بصي انتي روحي قدمي وشوفي وانتي وحظك بقا
ورد / ماشي ان شاء الله اتقبل
رنا و فريده / ان شاء الله
في شركه الراوي
مالك / رحيم انا نزلت اعلان امبارح لموضوع السكرتيره ده ف اكيد ف بنات هتيجي تقدم من النهارده استقبلهم وشوف السي في بتاعهم واختار منهم الانسب وقولي
رحيم / تمام ماشي
ف الجامعه
حمزه / مجتيش لي امبارح ي بت
رنا / بت اما تبتك اتكلم عدل
حمزه / هزعلك ع فكره
رنا / متقدرش اصلا
حمزه /طب مجتيش لي
رنا / وانت مالك اصلا
حمزه / ماشي انا غلطان اني بجبر بخاطرك وبسال عليكي اصلا غوري يلا
رنا بعصبيه / بكرهكك
حمزه / وانا بكرهك اكتر
ف منزل الفتايات
فريده / يعني اي يعني مش عاوز تكمل
المتصل / يعني مش هكمل ي فريده خلاص
فريده / انت اكيد بتهزر لا مش بعد ده كله تقولي مش هتكمل من غير مبرر حتي
المتصل / بصراحه بقا ي فريده انا ماما مش موافقه عليكي وخطبت بنت خالتي
فريده بعصبيه / اييييييه ..... يعني اييييي خطبت بنت خالتك يعني ايييي وانااا فيييين هو انا لعبه ف ايدك انت وامك
المتصل / فرييده اتكلمي عن امي كويس
فريده / يشيخ يل*ن ابوك ع ابو امك ف ساعه واحده يلا ف داهيه تاخدكم كلكم يولاد الك*ب
غلقت فريده هاتفها ثم اخذت نفس عميق واغلقت عينيها عده ثواني ثم فتحتها و وقفت امام المرآه ظلت تنظر لنفسها عده دقائق ثم مشطت شعرها واخذت احمر الشفايف و وضعت منه ثم عطت لنفسها قبله ف الفراغ امام المرآه وقالت " ولا يهمك ي بت ي فريده انتي زي القمر والف واحد يتمناكي راح قرد يجي غزال " ثم اخذت شنطتها وذهبت الي العمل
ف الجامعه
ظلت رنا تبكي ف حمام الجامعه بمفردها بسبب معامله حمزه لها وبعد ان انتهت من البكاء تنهدت وقالت
رنا / ماااشيي يا بتاع البنااات والله لاوريك وهخليك تحبني غصب عنك يلا بقا هه
ثم اخذت هاتفها وفتحت الفيسبوك ثم ارسلت له طلب صداقه من صفحه مجهوله باسم غير اسمها ولكنها قديمه فكانت هذه الفكره تدور فى عقل رنا منذ فتره كبيره ولكنها لا تقوم بتفيذها وها هو حان الوقت لتنفيذها
بعد عده دقائق وصل اشعار لرنا ع الفيسبوك بأن حمزه قد قبل طلب الصداقه
رنا / انت لحقتت ما انت ما بتصدق اي واحده تبعتلك توافق ع طول
قطع حديث رنا مع نفسها وصول اشعار اخر ع الماسنجر بأن حمزه قد ارسل لها رساله تقول " مين "
رنا / كمااان بتكلم واحده متعرفهاش حتى ... بتخوني معايا ي حمزه ... ماشي مااشي .... اعمل اي ... ارد ولا مردش ... انا حاسه اني بعك .. انا مش هرد لحد ما اروح اقول للبنات ع اللي حصل اما اشوف هعمل اي
خرجت رنا من الحمام وكانت متجهه ناحيه المدرج ولكن صوت حمزه اوقفها
حمزه / رنااا رنااا
رنا / نعم خير
حمزه / بقالي ساعه مستنيكي تخرجي من الحمام اي ده كله
رنا / احم .. وانت مالك وبعدين واقف بتعمل اي
حمزه /مستنيكي
رنا / مستنيني بس
حمزه / اه
رنا / كمان كداب
حمزه /كداب اي انا مش فاهم حاجه
رنا / انجز انجز عاوز اي
حمزه / باين عليكي زعلانه مني ... متزعليش
رنا / هه ازعل منك اي يابني ولااااا فاااااارق معاااايااااا
حمزه / طب بس بس بس متمثليش عينك احمر من التيشيرت اللي انتي لابساه
رنا / ده ده ده الروج دخل ف عيني بس
حمزه / ههههههه واي جاب الروج ف عينك كنتي بتبوسيها
رنا / وانت مالك ده انت غتت اوي
حمزه / طب خلاص متزعليش انتي عارفه معزتك عندي ده انتي اكتر من اختى
رنا / امشي ي حمزه من وشي امشي عشان خاطري
حمزه / طب مش زعلانه مني
رنا / لا مش زعلانه
حمزه / طب يلا معطلكيش بق عندي ديت
رنا / يااااارب صبررررنييي
كانت فريده متجهه الي عملها وفي طريقها نظرت الي المنزل الذي يسكن فيه حبيبها السابق الذي يسمي ب " يوسف " فوجدت سيارته تحت المنزل فنظرت حولها ولم تجد احد ف الشارع ف اخذت ب عصاه حديديه ملقاه ع الارض وبدأت ف تدمير السياره وهي تقول
فريده / مااااشييي ي يوسف مااشيي ي بتااع امك وبنت خاالتك والله لاوجع قلبك ع اغلى حاجه ف حيااتك ي زبا*االه خلى امك تفرح بييك
ف شركه الراوي
كانت ورد قد وصلت الي الشركه وظلت ساعه تنتظر دورها فكانت كثير من الفتايات تقدم معها
ورد لنفسها / احييه ده في كذا واحده دخلت وكتر قاعدين وكلهم مزز واكيد شركه زي دي هتاخد بالشكل وفي كتير معاهم كليات عاليه وكورسات كمان ... اكيد انا مش هقبل اكيد مش هيسيبوا كل دول ويختاروني انا ... انا هقوم امشي بكرامتي احسن ما امشي من غيرها
كانت ورد متجهه ناحيه الباب لكي تذهب ولكن توقفت عندما سمعت صوت الفتاه تنادي باسمها للدخول
الفتاه / الانسه ورد فين
ورد / ايوا اناا
الفتاه / اتفضلي لمكتب مستر رحيم
ورد / م ... مااشي
دخلت ورد الي المكتب وجلست بعدما سمح لها رحيم بذلك
رحيم / اتفضلي
ورد / اتفضل اي
رحيم /قدمي نفسك
ورد / اه .. انا اسمي ورد احمد .. ف اخر سنه كليه تجاره
رحيم / نعم
ورد / انا عارفه ان حضرتكم طالبين خارجين كليات بس انا محتاجه الشغل ده
رحيم / ايوا بس مينفعش .. طب معاكي لغه طيب
ورد / عربي و انجلش فيفتي فيفتي
رحيم بصوت عالى/ احنا هنهزر
ورد / اهدى بس حضرتك ... جربوني بس ده انا لهلوبه
رحيم / لهلوبه اي هو احنا طالبين ست بيت .. اتفضلي اطلعي بره
ورد بصوت عالي / طب اي رأيك بقا انا مش طالعه هه
رحيم بزعيق / يا امنننن
دخل مالك المكتب بعد ما سمع صوت رحيم
مالك / ف اي ي رحيم
رحيم / الانسه جايه تقدم وهي اصلا مخلصتش كليه وكمان مش معاها ولا لغه وجايه تستظرف هنا
ورد / حضرتك انا .... عااااا هو انتتت
مالك / انتي
ورد / لا مش انا سلاموعليكو
مالك / استني هنااا
ورد / نعم
مالك / عينها ي رحيم ومشي كل اللي بره دول
رحيم / نعم ده ازاي ده
مالك / زي ما قولتلك كده يلا
ورد / لالا شكرا انا مش عاوزه غيرت رأيي
رحيم / الله مش كنتي بتقولي محتاجه الشغل ده ضروري
ورد / يعم انا حره وادرى بمصلحتي
رحيم / يعم ؟؟
ورد / احم سوري .... بس انا خلاص غيرت رأيي
مالك / معندناش حد بيغير رأيه انتي خلاص اتعينتي
ورد / ده اللي هو ازاي ده
مالك / زي ما سمعتي من بكره الصبح تيجي الساعه ٨ بالدقيقه تستلمي الشغل لو اتأخرتي دقيقه واحده اليوم هيتخصم منك
ورد / مش جايه خالص
مالك / هتيجي
ورد / مشش هااجى
مالك / رحيم جهز العقد .... قدامك خمس دقايق تمضي ع العقد ده مع العلم ان المرتب اللي كان ف الاعلان زاد الضعف
ورد / موافقه .... انا مش ماديه ولا حاجه انا بس برج الجوزاء ف تلاقيني بغير رأي بسرعه
مالك / هه امضي
كان يوجد ثلاث ورقات لكي تمضي ورد عليهم وبعد ان تفحصتهم جيدا وقرأت ما بهما وافقت ان تمضي وبدأت ف الامضاء ولكن قبل ان تمضى ع الورقه الاخيره جاءها اتصال من فريده فجاوبت عليه
ورد / الو يا فريده
رحيم / اي ده مين سمحلها ترد
ابتسم مالك رغما عنه بسبب تلك البلهاء التي تقف امامهم
ورد / ايييي قسم ايي يخربييتك طب انا جيالك حالا
مالك / ف اي
ورد / انا اسفه بس لازم امشي حالا واحده صاحبتي حصلها مشكله وهي ف القسم دلوقتي انا لازم اروحلها
مالك / طب استني انا جاي معاكي ... العربيه ف التوكيل انا نسيت
رحيم / طب انا جاي معاكم اما اشوف اخرتها
- تابع الفصل التالي عبر الرابط: "رواية عشق احفاد الراوي" اضغط على أسم الرواية