رواية نور الليل الفصل الحادي عشر بقلم نورا البغدادي
رواية نور الليل الفصل الحادي عشر
اللهم اني اسالك الثبات في الأمر ،والعزيمه عند الرشد ،وأسألك موجبات رحمتك ، وعزائم مغفرتك ،وأسألك شكر نعمتك ،وحسن عبادتك ، وأسألك قلباً سليما ،ولسانا صادقاً ،وأسالك من خير ما تعلم،واعوذ بك من شر ما تعلم ،واستغفرك لما تعلم ،انك انت علام الغيوب🤲🌹
~~~~~~~~~~~~~~~~~~~~~~~~~~~~~~~~
( في صباح يوم جديد في الشركه)
كان الجميع في مكاتب العمل الخاصة بهم كل منهم منشغل في عمله
(في مكتب نور)
نور: شوف كده يا حازم الحسابات دي مظبوطه ثم قدمت له بعض الأوراق .. ليأخذهم حازم ويتفحصهم ثم يردف
حازم: امم لا برافو عليكي يا نور بجد مفيش غلطه اتحسنتي جدا
نور بأبتسامه: طيب الحمدلله وكل ده طبعاً بفضلك بعد ربنا ولذلك حقيقي أنا بشكرك علي تعبك معايا كل الفتره دي
حازم: تشكريني اي بس ده شغلي ثم إن انتي ليكي عامل كبير في النجاح ده وهو إصرارك علي التعلم واكتساب الخبره
ربنا يوفقك يا نور وانتي انسانه جميله وتستحقي كل خير
نور: مرسي جداً يا حازم كلك ذوق ... وما أن انتهت من حديثها حتي أصدر هاتفها نغمه ليعلن عن استلام رساله لتنظر نور الي هاتفها ثم تقراء الرساله وعلامات الاستغراب علي وجهها
حازم بقلق: في حاجه يا نور
نور بأنتباه: لا لا مفيش هو انا ممكن بس استأذنك 10 دقائق وهرجع علي طول
حازم: اه طبعاً اتفضلي ... لتذهب نور علي الفور
~~~~~~~~~~~~~~~~~~~~~~~~~~~~~~~~
(في مكتب زين)
مليكه بابتسامه: صباح الفل يا زينو
زين بقلق: صباح الخير يا ملكيه
مليكه: اي مالك قلقان كده ليه
زين بسخرية: لا ابدا واقف قصادي منبع الكوارث الطبيعية والغير طبيعيه والمفروض مقلقش
مليكه ببرائه: ياااه يا زين هو انت لسه فاكر الي حصل امبارح وبعدين هو الانسان هيتعلم في يوم وليله يعني ما لازم يحاول 3 آلاف ونص مره علشان ينجح
زين: اشمعنه 3 آلاف ونص
مليكه: نص من عندي احطياتي يمكن الإنسان يحب يراجع بعد ال 3الاف مره
زين بضحك : لا لا انتي مش طبيعيه انجزي يا ملكيه جايه ليه
مليكه: ايوه كده فوقها يا راااجل ثم أكملت وهي تجلس : واطلبلنا اتنين ليمون
زين بصوت عالي: انتي في شغل يا استاذه مليكه مش في كافي اتفضلي قولي جايه ليه
مليكه بفزع لتقف مره اخرى: اي ده في اي أما انتو ملكمش امان بصحيح
زين : بتقولي حاجه
مليكه: لا كنت بقول لحضرتك أن أنا جايه اوريك الشغل الي تم لحد الان عشان تراجعه انت وعلي اتفضل وما أن اقتربت منه حتي تعطيه الورق ... لينفزع زين ويردف بسرعه
زين: استني عندك والله ما انتي جايه ولا تعبه نفسك سيبي الورق في ايدك زي ما هو وانا جاي اخده بنفسي .. وبالفعل ذهب إليها وأخذ الاوراق يتفحصها
مليكه وهي تنظر إلي الساعه: طيب ممكن عقبال ما تشوف الورق الي معاك اخرج لحد بره 5 دقائق فوريره والله وابقي عندك
زين بسخرية: فوريره .. اتفضلي يا استاذه
لتخرج مليكه علي الفور وهي تبرطم ببعض الكلام: مالها الفوريره يعني هو انا شتمتك بالحجه
~~~~~~~~~~~~~~~~~~~~~~~~~~~~~~~~
( في مكتب مالك)
ساره: امم بقه هو ده الي ديقك ومشاك كده طيب ما يمكن مكنتش تقصد يا مالك
مالك: ولحد امته يا ساره هفضل احط احتمالات أنها بتحبني ومتقصدش أنا لحد اخر لحظه كنت محيت من دماغي فكره انها ممكن متكنش بتحبني لحد ما هي جت وصدمتني بكلامها ده انا كنت هحكلها علي كل حاجه عشان متزعلش أو تفهم غلط بس حتي دي مدتنيش فرصه احكيلها
ساره بشرود في مالك يالكي من غبيه يا ياسمين فكيف لا تشعرين بذلك القلب الذي يعشقك والذي لديه استعداد يفعل كل شئ فقط لتكوني سعيده كيف تمتلكين رجل مثل مالك في شخصيته الجميله الحنونه والمرحه نعم فمن منا لا تتمني رجل بمثل مواصفات مالك لتحافظ عليه وانتي تتعمدين خسارته
مالك: اي يا بنتي رحتي فين
سارة بأنتباه: هااا لا لا معاك بوص انت اشرب القوه بتعتك واهدي كده وكل حاجه هتبقي تمام وصدقني أنها هتطلع مش قصدها حاجه وبتحبك هي بس ممكن تكون كانت متعصبه شويه ده طبيعي .. وانا هروح الحمام 5 دقائق واجي تكون انت هديت وشربت قهوتك
مالك : ماشي ... ثم ينظر الي فراغها بعد أن ترحل ويردف : والله ما عارف يا ساره لو مكنتيش في حياتي كنت هعمل اي؟ كان زماني متجنن من عمايل ياسمين والتفكير ...
وهنا دلفت ياسمين و هي تتحدث بطبيعيه وكأن لم يحدث شئ بالأمس نعم فهي تعتاد علي ذلك أن يغفر لها مالك اي شئ دون حتي أن تعتزر منه لتردف: انت بتكلم نفسك يا مالك؟
مالك: البركه فيكي يا اللي هتجنينيني قريب
ياسمين بضحك: أنا طيب ده انا ملاك والله
مالك: لا اله الا الله انتي بتضحكي يا ياسمين ده احنا يومنا فل بقا
ياسمين بخجل: بس يا مالك عشان بتكسف بدل ما اسيبك وأخرج
مالك بحب: لا لا وعلي اي ده انا ما صدقت القمر يضحك ويحن علينا ... وقبل أن ترد ياسمين صدرت نغمه من هاتفها لتعلن أن إستقبال رساله لتفتحها ياسمين وعلامات الاستغراب قد ظهرت عليها هي أيضاً
مالك بضحك: اي هي مده الضحك خلصت اشحن كارت ب100 تاني عشان نكمل
ياسمين: طيب يا مالك معلش هروح الحمام 5 دقائق واجي نكمل كلامنا .. ثم نذهب علي الفور
مالك: هو في اي كلهم عايزين يدخلو الحمام لا وموحدين المده كلهم علي خمس دقائق
~~~~~~~~~~~~~~~~~~~~~~~~~~~~~~~~
( في المرحاض)
كانت تقف نور في انتظار قدوم مليكه والتي جائت بعد قليل من الإنتظار
نور: في اي يا ملكيه قلقتيني وبعدين اشمعني الحمام اللي نتقابل فيه؟
مليكه: لا لا متقلقيش مفيش حاجه وحشه
نور: طيب ولما مفيش حاجه بعتيلي ليه رساله أن نتقابل ضروري في الحمام؟
مليكه: استني بس يا نور عشان احكي مره واحده لما نكتمل كلنا ... وقبل أن ترد نور حتي انفتح باب الحمام لتدخل ساره لتنظر لهم بأستغراب وتردف
ساره: انتو واقفين كده ليه يا بنات هو في حاجه ولا اي
مليكه: هااا لا لا أصل اصل احنا بنحب ندخل الحمام مع بعض يعني مره واحده كده يعني بنحب نعمل كل حاجه مع بعض
نظرت لها ساره بأستغراب اكبر لتردف ملكيه: بوصي انتي مننا وعلينا فهقولك الحقيقه بس لو عايزه تعرفي توعديني انك مش هتقولي اي حاجه تعرفيها دلوقتي لاي حد من الشباب
ساره: موافقه طبعاً بس في اي .... وقبل أن ترد مليكه انفتح الباب مره أخري لتدخل هذه المره ياسمين لتنظر لهم بنفس نظره الاستغراب وتردف: اي ده في اي
مليكه: بس كده المجموعه اكتملت
ياسمين: مجموعه اي الي اكتملت وبعدين اي الرساله الي بعتيهالي دي وانتو واقفين ليه كده في الحمام أنا مش فاهمه حاجه
نور: كلنا زينا زيك وحياتك ولا نفهم حاجه واتبعتتلي نفس الرسالة الي اتبعتتلك
مليكه: خلاص انا هفهمكوا أنا جمعتكوا هنا ليه ده اكتر مكان محدش هيسمعنا فيه وقبل أن تكمل كلامها لينفتح أحد أبواب الحمام وتخرج منه أحد المواظفين وتنظر لهم
بابتسامه: احم طيب معلش علي المقاطعه ممكن أخرج
لتردف ساره بضحك: ده المكان الي محدش هيسمعنا فيه
مليكه: اه معاده دي عادي...ثم نظرت إليها واردفت: انتي مش سمعاني بقول موضوع سري حبكت يعني الحمام دلوقتي اتفضلي اخرجي وبعدين انتي معانا من أمتي؟
الموظفه: أنا هنا من ساعت ما دخلتو بس متقلقيش ولا اكني سمعت حاجه ثم خرجت علي الفور
مليكه: نكمل كلامنا بقه حد منكم يعرف النهارده يوم اي
ياسمين بسخرية: انتي جيبانا هنا علشان تسألينا النهارده اي
ساره بضحك: استني بس يا ياسمين عشان لو دي حقيقه هنفخك يا مليكه النهارده الثلاثاء
مليكه بسخرية لياسمين: شايفه الي فهماني ثم أكملت طيب والتلات ده وخصوصاً في الشهر ده مش بيفكركوا بحاجه
نور: اه طبعاً اليوم الي غناله عمرو دياب
ملكيه: طيب اتوكسي بقا هجيبك هنا واجمعكوا وعماله اقولكوا سر ومحدش يعرف عشان اغنيه الهضبه الي مفيش حد في العالم ميعرفهاش
نور : يبقا اي طيب ما انا مش عارفه
مليكه بنظره غموض : هقولكوا... وقبل انت تكمل حديثها أنفتح الباب لتدخل بنت اخري من أحد المواظفين.....فنظرت لها ملكيه بنفاذ صبر مردفه : نعم خير ؟في أم اليوم اللي مش هيعدي علي خير ده... هو الواحد ميعرفش ياخد راحته في الحمام ده وله اي يعني انا عايزة أفهم؟
البنت بفزع: في اي حضرتك أنا عايزه ادخل الحمام
مليكه بصوت عالي: لا مفيش حمام النهارده شطبنا خلاص روحي اعمليها في حته تانيه
البنت بأستغراب: انتي بتقولي اي وبعدين ما انتو في الحمام برضوا
مليكه بعصبية: احنا اسره مع بعضينا وخدنا الحمام خلاص بره بقا بدل ما اجي اخليكي تعمليها علي باب. الشركه بره... اردفتها بحده مما جعل الموظفه تغادر علي الفور برهبه...
ليضحك كل منهم بشده علي تلك المجنونه
مليكه: نخلص بقا علشان بدأت ازهق ...النهارده عيد ميلاد زين ومالك يا استاذه منك ليها
ساره: اي ده بجد عيد ميلاد الاتنين مع بعض ازاي
مليكه بضحك: اصل الحاجه مامتي الله يرحمها ومرات عمي خلفوا في نفس اليوم تقوليش كانت ظبطه مواعيدها مع مرات عمي
ساره: طيب انا عن نفسي مكنتش اعرف يعني في السليم
نور: وانا كمان لسه جديده في العيله ومعرفش
ياسمين: أنا مش عارفه ازاي نسيت حاجه زي دي بجد مش عارفه ازاي
مليكه: ما علينا المهم أنا جمعتكوا عشان نعملهم بارتي كبيره في القصر النهارده منغير ما يعرفوا مفاجأة يعني
نور: طيب وهنعمل كده ازاي يا فلحه واحنا مربطين مع كل واحد فيهم في الشركه
ساره: أنا عندي فكره احنا كل واحده فينا تمثل انها تعبانه أو جالها مشوار مهم اوي ولازم تروح ونتقابل كلنا في القصر
ياسمين: طيب وهنلحق نجيب الزينه والحلويات والتورته
ازاي في الوقت القصير ده
مليكه: أنا حجزه من امبارح الحلويات والتورته
ساره: وانا ونور هنروح نجيب الزينه ونحصلكوا عقبال ما انتي يا مليكه وياسمين تروحوا القصر وتجهزوا الي تقدروا عليه
نور : موافقه طبعاً
مليكه: اشطا كده كله تمام وبالفعل خرج كل منهم ليفعل ما اتفقوا عليه
~~~~~~~~~~~~~~~~~~~~~~~~~~~~~~~~
(في مكتب ليل)
تقدمت نور بالدخول بعد أن استأذنت
نور: صباح الخير
ليل: صباح النور
نور بتوتر: بصراحه انا كنت جايه استأذن حضرتك في حاجه
ليل بأنتباه: طبعاً يا نور خير
نور: أنا عايزه اروح النهارده بدري عن معادي
ليل: والسبب
نور: تعبانه بصراحه تعتب فاجئه وحاولت أكمل شغل بس مش قادره
ليل بأهتمام: الف سلامه يا نور طيب تحبي نروح لدكتور
نور: لا لا أنا بس هروح واريح شويه في البيت وهبقي تمام أن شاء الله متقلقش
ليل: متأكده يا نور ولا نروح لدكتور افضل
نور بأبتسامه وقد لاحظت قلقه عليها: صدقني مش مستاهله لو حسيت اني محتاجه دكتور اكيد هروح
ليل: تمام السواق تحت خليه يروحك
نور : تمام بعد اذنك
~~~~~~~~~~~~~~~~~~~~~~~~~~~~~~~~
( في مكتب مالك)
كانت ساره وياسمين ينظرون لبعض لا يعرفون اي كذبه سوف يخترعونها حتي أردفت ساره وهي تمثل الصدمه: اي ده
مالك: في اي يا ساره
ساره بتمثيل: جاتلي رساله من ماما بتقولي أنها تعبت اوي ولازم اروحلها دلوقتي
مالك: طيب تحبي اجي اوصلك
ساره بسرعه: لا لا أنا هروح لوحدي معلش يا مالك بس لازم امشي حالا
مالك: لا طبعاً لازم تمشي وانا هبقي اعرف ليل بس ابقي طمنيني عليها
ساره: تمام .. ثم ذهبت علي الفور
ولم يتبقي سوي. ياسمين التي كانت تفكر ماذا ستفعل
ياسمين وهي تمثل التذكر : ايه ده
مالك: في اي انتي كمان
ياسمين: أنا طلع عندي محاضره مهمه جدا النهارده وكنت نسيتها خالص
مالك: نستيها ازاي يعني
ياسمين: نسيتها يا مالك عادي وصحبتي لسه بعتالي مسچ بتفكرني فيها أنا لازم امشي حالا وابقي فهم انت ليل يلا سلام وذهبت فوراً قبل أن تسمع رد مالك حتي
مالك: اي ده هو في اي ماتجليش أنا كمان رساله بحاجه كنت ناسيها وامشي العيال اتجننت وربنا
~~~~~~~~~~~~~~~~~~~~~~~~~~~~~~~~
( عند زين)
كانت مليكه تنظر له من حين لآخر تفكر بماذا سوف تكذب
زين: مالك بتبوصيلي كده ليه؟
مليكه: هااا لا أصل اصل انا عايزه ارجع بصراحه مش قادره
وبدأت تمثل المرض
زين: الله يقرفك ما تدخلي الحمام قدامك
ملكيه: لا ما أنا مبعرفش ارجع في الحمام مبعرفش ارجع غير في البراح كده علشان اخد راحتي ثم أكملت بتمثيل : اه يا بطني شكل الساندوتش اللي كلته بايظ ولا اي
زين : يخربيت قرفك يا شيخه
مليكه: لا لا مش قادره خلاص انا لو بايدي كنت روحت البيت فوراً ارجع في الاوضه بتعتي براحتي بس اعمل اي بقي عندي شغل أنا ارجع هنا وخلاص بقه
زين بسرعه: لا لا ترجعي هنا فين قومي روحي يا مليكه
ملكه : والشغل
زين: يولع الشغل مش احسن ما ترجعي في مكتبي
مليكه: ايوه صح سلامو عليكو وذهبت علي الفور
زين: البت دي يا مجنونه يا هبله
~~~~~~~~~~~~~~~~~~~~~~~~~~~~~~~~
وبالفعل ذهبوا البنات ليفعلوا كل ما خططوا له
وبعد ساعه يجتمعوا من جديد في القصر
مليكه: جاهزين يا بنات؟
البنات في صوت واحد وبضحك: جاهزين يا ابليتشييييي
وبالفعل بدأو في تجهيز القصر وقاموا بتركيب الزينه واحضروا الحلويات والتورت وفعلوا كل شئ علي أكمل وجه في وقت ملئ بالضحك والمشاركة والسعادة بينهم
~~~~~~~~~~~~~~~~~~~~~~~~~~~~~~~~
( وها قد جاء الميعاد المنتظر للإحتفال
وكان قد حل المساء وقد عاودوا الشباب الثلاثه الي القصر بعد أنتهائهم من عملهم)
ليدخلوا الثلاثة الي القصر وعلي وجوههم علامات الاستغراب
زين: هو في اي القصر ضلمه كده ليه؟
مالك : مش عارف يكنش النور قطع
ليل بسخرية: النور قطع عندنا احنا بس وبعدين هو من أمتي النور بيقطع عندنا اصلا
لينظر زين ومالك الي بعضهم بصدمه وهم يردفون بفزع: ملييييكه
ليل: في اي يا اهبل انت وهو؟
زين: تكنش مليكه عملت كرثه من كوارثها وولعت في القصر؟
مالك : اختي وربنا وتعملها استر يااارب
ليدخلوا كل منهم بقلق وحذر
وما أن دخلو القصر حتي اشتغلت الاضائه لينصدم مالك وزين بشده وهم يركضون خلف ليل بفزع ويردف مالك: اعااااااا عفاريت عاااااطف حضرت
زين : انصرفوا انصرفوا
وما أن أكملوا حتي سمعوا صوت ضحكات من خلف الماسكات نعم فكانوا البنات يلبسون عبائات سوداء ويضاعون ماسكات مخيفه للغايه ومظهرها طبيعي للغايه لدرجه ان من يراهم يظنهم عفاريت حقا ليخلعوا الماسكات وهم يضحكون بشده علي رده فعل زين ومالك
ثم يردفوا بصوت واحد: Happy birthday 🥳💃
ليل بسخرية: اطلع من ورايا يا اهبل انت وهو
مالك بصدمه: Happy birthday ؟ ثم أكمل (بصوت محمد هنيدي) يعني ايه يعني أنا اضحك عليا يعني أنا اتحفل عليااااا هو سؤال واحد عشان آكد ظني مين صاحب الفكره دي؟
اشارة الفتيات الثلاثه علي الفور صوب مليكه ...
مالك: كنت متأكد بس كنت شااااكك... أنهي حديثه وهو يهرول نحوها علي الفور للإمساك بها
مليكه وهي تحاول الفرار منه قبل ان يصل إليها : اه يا خاااينه بعتوني ثم تقف خلف أحد الكراسي وتردف: اهدي يا ماالك يا حبيبي ده انا كنت بهزر معاك وبنحتفل بعيد ميلادك يعني غرضي شريف وربنا
مالك بسخرية: غرضك شريف هو انا هلاقيها منك ولا من عاااااطف كل واحد فيكوا يقولي غرضي شريف لما جبتولي تبول لا ارادي يالي ينتقم منكوا ربنا ثم جلس علي الارض وهو يمسك رأسه ويمثل البكاء: اه يا عيني عليك يا مالك يلي قاطعت الخلف خلاص انا كان ايه اللي وصلني لكده بس ياااااربي هو اللي بنعمله في الناس هيطلع علينا وله اي
ساره: خلاص بقا يا مالك احنا كنا عايزين نعملكوا مفاجأة بس
مالك: حتي انتي يا ساااره اخدتي العدوه وانا اقول العيال كلها جاتلها مشاوير مهمه فاجأه
ياسمين بضحك: كل سنه وانتي طيب يا حبيبي
مالك: حبيبك اي ده لا خلاص انا مش زعلان كله يهون عشان خاطر عيونك يا ياسمينتي ثم نهض من علي الارض وهو يعدل ملابسه
نور : كل سنه وانتوا طيبين والسنه دي تكونوا في اسعد ايامكوا يا زين انت ومالك
زين بابتسامه: وانتي طيبه يا نور والله ما عارف اقول اي علي جنانكوا ده بس حقيقي ربنا يخليكوا لينا
نور : متشكرناش احنا أشكر الي افتكرت وخططت لكل حاجه
ثم تشير الي مليكه
زين بأبتسامه جميله: طبعاً فكره مجنونه زاي دي متجيش غير منها بس برضوا احلي مفاجأة في الدنيا تسلم ايدك يا مليكه
مليكه: بجد عجبتك طيب هتتجوزني امتا بقي
زين : نعم
مليكه: اااقصد عقبال ما اعملك في فرحك يا زينو
ثم نظر لهم ليل واردف: بعيداً عن انكوا خرجتوا من ورانا وكذبتوا علينا ثم نظر إلي نور التي نظرت له بخجل. بس انا مبسوط من الي انتوا عملتوه ثم نظر إلي زين ومالك وأكمل بأبتسامه : كل سنه وانتوا طيبين يا رجاله العامري
زين ومالك بسعاده: وانت طيب يا ليل
وبالفعل بدأو الاحتفال وقدم كل منهم الهدايا إلي زين ومالك في جو أسري ملئ بالدفئ والسعادة والسرور
ساره : هاااا جاهزين تطفوا الشمع
ليبتسم الجميع ويتجمعوا حول التورته ويردفوا معا : واااااحد اتنيييين وقبل أن يكملوا يقاطعهم صوت أحد ما بحده: استني عندك انت وهو .... لينظر الجميع الي إتجاه الصوت بصدمه
يتبع الفصل التالي اضغط هنا
الفهرس يحتوي على جميع فصول الرواية كاملة: "رواية نور الليل" اضغط على أسم الرواية