رواية نور الليل الفصل الثالث عشر بقلم نورا البغدادي
رواية نور الليل الفصل الثالث عشر
كل يوم جديد في حياتك هو هدية من الله،إبدأه بإبتسامه خطط له بشكل جيد استثمره بذكاء و اجعله يقربك من أحلامك وأهدافك،عش حياتك بالامل،،بالتفاؤل💙.
~~~~~~~~~~~~~~~~~~~~~~~~~~~~~~~~
( في القصر)
كريم: ما تقول بقا شوقتني اعرف العروسه
زين بأبتسامه: ندي .. لتسرخ ندي بصوت عالي: عااااا بحبك يا زييين...... أما عن الباقيه فمنهم نور وياسمين ومالك الذي يعلم جيداً مشاعر أخته تجاه زين فعندما علموا الخبر نظروا إلي مليكه علي فور يريدون أن يروا ردت فعلها وهم يردفون له : الف مبروووك يا زين .. مبروك يا ندي ربنا يتمملكوا علي خير ....
أما هي كانت تنظر له بنفس الابتسامة لم تتغير ملامحها فقد تزايدت دقات قلبها أكثر واكثر وأخيراً استجمعت بعض الكلمات لتردف له وهي علي نفس الابتسامه لا بل قد زادت الابتسامه أكثر: هههه يالهوي عليك يا زين شوف يعني طول الوقت تقولي مش كل حاجه ينفع فيها هزار و تقوم انت الي تهزر دلوقتي يلا بقا قول بجد مين العروسه؟.....
لا تستغرب عزيزي القارئ نعم فعقلها وقلبها لم يستوعبوا هذه الكلمات التي نطق بها زين هي فقط تتمني من الله أنا تكون مجرد مزاح نعم مزاح فقط
زين : والله مابهزر تفتكري أنا ههزر في حاجه زي دي أنا فعلاً قررت اتجوز أنا وندي .... وما أن نطق اخر حرف من كلماته حتي وقعت تلك الكلمات علي قلبها كالصاعقة و انتهت معهم كل حصون مليكه لتقع علي الارض وهي فاقده للوعي ..... لينظر الجميع إليها بصدمه ويسرعون اتجاهها
مالك بفزع وهو يحاول أن ييقظها: مليييكه ملييكه اتصلوا بالدكتور بسرعه
ساره: اهدي يا مالك بس وطلعها بسرعه علي غرفتها وانا هفوقها ... وبالفعل يحملها مالك بسرعه اللي غرفتها كل ذلك تحت انظار زين وليل وباقي الحاضرون الذين كانوا في صدمه من الذي يحدث
وفي الاعلي بالتحديد في غرفه مليكه يضعها مالك علي السرير ثم يردف : بسرعه يا ساره الله يخليكي فوقيها او خليني اطلب دكتور
سااره: حاضر متقلقش بس حد يجبلي برفان بسرعه وبالفعل بدأت ساره في فعل بعض الإسعافات حتي عاده مليكه لأرض الواقع...
ليردف مالك بسعاااده: الحمدلله ...كده يا مليكه تخضيني عليكي كده ثم يقوم بأحتضانها نعم فهي ليست بأخته فقط بل هي تعتبر ابنته منذ وفاه والديه ... لتقابله مليكه بوجه خااالي من التعبير
مالك بقلق: مالك يا مليكه انت لسه تعبانه اطلبلك الدكتور يا حبيبتي..... لتنظر مليكه إلي نور والتي علمت علي الفور أن مليكه تستنجد بيها لتردف: متقلقش يا مالك هي هتبقي كويسه مش محتاجه دكتور ولا حاجه هي ممكن تكون علشان كلت حلويات كتير فجالها هبوط بس مش اكتر انت بس ممكن تنزل تطمنهم تحت وسبلنا احنا مليكه هنفوقها بطريقتنا
مالك وهو ينظر لنور وهو يعلم أن مليكه في هذا الوقت تحتاج فقط إلي نور لتحكي لها ما يؤلمها حقا دون خجل ليردف: ماشي أنا هنزل بس شويه وهطلع اطمن عليها ثم امسك بكف مليكه وقبله بحنيه وخرج علي الفور ولم يتبقي في الغرفه سوا نور وياسمين وساره وملكيه
وما أن خرج مالك حتي ذهبت نور علي الفور لتجلس بجانب مليكه التي كانت تنظر لها وعيونها مليئه بالدموع لتردف: انا بحلم يا نور صح ابوس ايدك قوليلي اني بحلم وكل ده كااابوس وهينتهي زين استحاله يعمل كده فيا استحاااله
نور بحزن كبير علي وضع مليكه مردفه: اهدي يا مليكه يا حبيبتي اهدي كل شئ قسمه ونصيب ده قدر ومش بأيدينا نغيره وان شاء الله ربنا يكرمك بالاحسن واللي يعوضك عنه
لترتمي مليكه في حضن نور وتبكي بحرقه شديد: اهااااااا لا يا نور أنا مش عايزه غيره والله مستعده اعمله اي حاجه بس ميعملش فيا كده
نور: اهدي يا ملكيه كده مش صح صدقيني بوصيلي يا مليكه انتي قويه ومش ضعيفه هو اختارها هي خلاص ده نصيب وانتي مؤمنه بكده اوعي تضعفي بالطريقه دي يا ملكيه اوعي
ليزداد بكاء مليكه أكثر نعم فلا أحد قد يتخيل مدي الوجع الذي يشعر به قلبها الآن فهي مثل الجندي الذي تم طعنه أثناء احتفاله بفوز حرب ما أو بالأصح هذا ما كانت تعتقده.. فقد تتألم وتتمني أن يصبح كل ذلك مجرد كاااابوس وسينتهي
كل ذلك تحت انظار ياسمين وساره الذان بكوا وبشده علي وضع مليكه وهم يعلمون جيداً أن لا توجد كلمات بإمكانها أن تخفف عنها ما تشعر به الآن من ألم وأثناء وضعهم ذلك الذي لا يحسدون عليه دق الباب
لتنظر نور الي مليكه وهي تحاول أن تزيد من قوتها : مليكه الكل بره علي الباب عايز يطمن عليكي اوعي يا مليكه تبيني انك ضعيفه أو اتهزمتي واتكسرتي لان دي مش حقيقه هي بس مسألت وقت وترجعي احسن وافضل من الاول علشان خاطري اقوي يا مليكه
لتنظر لها ملكيه بعيون مليئه بالدموع والضعف لتخفي بيديها دموعها كما قالت نور
ساره : ادخل ... ليدخل كل من زين وندي وليل نعم فالجميع صعد إليها حتي يطمأنوا علي وضعها
زين: الف سلامه عليكي يا مليكه كده برضوا تقلقينا عليكي... كانت نظر له مليكه وهي تريد أن تصرخ به تريد أن تسأله لماذا .. لماذا تكون هي وليست أنا.. لماذا إذا كانت من البدايه هي فلماذا أعطيتني الأمل ثم تأتي الان وتسلبه مني بهذه السهولة وكأن لم يحدث شئ وتطلب مني أن أكون بخير .. لا فأنا لست بخير ولن أصبح بخير بعد الان......
ولكن تحاول أن تخفي كل ذلك لتنظر له بأبتسامه بسيطه وهي تأخذ أنفاسها بصعوبه : معلش يا زين أنا انا بس زوت اكل في الحلويات شويه علشان كده تعبت و الف مبروك ليك انت وندي
زين: الله يبارك فيكي يا مليكه عقبالك..... لتنظر له ملكيه بحصره ثم تردف : أن شاء الله
ثم بدأ الجميع في الاطمئنان علي صحتها
نور: طيب معلش كده كلكوا اطمنتوا علي مليكه بس هي لازم ترتاح ممكن بعد اذنكوا تخرجوا دلوقتي وهي ان شاء الله بكره هتكون احسن من الاول وبالفعل يخرج الجميع ما عدا ساره وياسمين لتتجه اليها ساره وتردف بحزن : انا متعملتش معاكي كتير يا ملكيه ولا من قريب اوي كده غير النهارده بس مهما اوصفلك أنا ازاي حبيتك وحبيت البنات هنا مش هتصدقي بس في حاجه برضوا عايزه اقولها لك برغم أننا اتعاملنا مع بعض واتقربنا النهارده بس إلا اني فهمت شخصيتك جدا انتي قويه يا مليكه واقوي من كل اللي حصل ده وهتقومي وهتتجاوزي الوضع ده وهتحبي وتتحبي كمان ولا اكن حاجه حصلت صدقيني
ثم نظرت إلي نور واكملت: الوقت اتأخر جدا ولازم اروح بس أن شاء الله هاجي اطمن عليها بكره سلام
نور: تمام بس ابقي طمنيني عليكي
ساره : تمام سلام يا ياسمين
ياسمين: سلام يا ساره توصلي بالسلامه... وبالفعل توجهت ساره الي الأسفل
~~~~~~~~~~~~~~~~~~~~~~~~~~~~~~~~
( بالاسفل)
ساره : أنا همشي يا مالك لان الوقت أتأخر وهاجي اطمن عليها الصبح
مالك: اه انا اسف اوي يا ساااه نسيت انك لازم تمشي طيب تعالي اوصلك يلا
ساره : لا لا خليك انت أنا هطلب اوبر
زين: خلاص يا مالك أنا هوصلها مع ندي كده كده هوصلها برضوا
مالك: طيب لو كده تمام
كريم: وانا كمان همشي واجي بكره أن شاء الله
ليل: تمشي فين
كريم : هروح الفندق لحد ما الفيلا بتاعتي العمال يخلصوا تعديلات فيها
ليل: مفيش فنادق انت قاعد هنا لحد ما الفيلا بتاعتك تخلص
كريم: ايوه يا ليل بس
ليل: مفيش بس اتفضل شوف عايز غرفه لوحدك ولا عايز تبقي مع حد من الشباب
كريم: تمام .... وبالفعل ذهب زين وندي و ساره.. أما كريم فصعد الي غرفته وخلفه ومالك وليل أيضاً
~~~~~~~~~~~~~~~~~~~~~~~~~~~~~~~~
( في الاعلي وخاصه غرفه مليكه)
ياسمين: حقك عليا يا مليكه ارجوكي سرخي زعقي اعملي اللي انتي عايزاه بس بلاش تبقي بالحزن والهزيمه دي
مليكه: وانتي مالك يا ياسمين انتي الي قولتيله يحبها هي ... أنا عايزه انام لو سمحتوا سيبوني لوحدي دلوقتي
وما أن جائت ياسمين لتتحدث حتي قطعت حديثها نور مردفه: حاضر يا مليكه يلا يا ياسمين نسيبها ترتاح شويه وبالفعل خرجت نور وياسمين
( وبالخارج)
ياسمين: ليه خرجتينا ما كنا فضلنا معاها احسن
نور : لا كده احسن مليكه محتاجه تبكي لوحدها محتاجه تواسي نفسها علشان تقوي كلامنا معاها ممكن يحسسها بالضعف والانكسار وان كل الي حواليها شفقان عليها سبيها هي محتاجه فعلاً انها تكون لوحدها ...وبالفعل ذهبن كلٱ منهن الي غرفتها
~~~~~~~~~~~~~~~~~
أما عند مليكه فكانت تنظر إلي صورة زين وتبكي بحرقه شديدة بوجع لن يشعر به سوا من وضع في نفس مكانها: اهااااااا ليه يا زين أنا حبيتك وعشقتك من وانا صغيره ليه تعمل فيا كده.....بس انا هفضل مستنياك عمري ما هقدر احب غيرك ولا اكون لغيرك حتي لو انت اتخليت عني هيفضل عندي امل أن في يوم هنكون لبعض وهستناااك ثم تضم الصوره الي حضنها وتنام ودموعها تملئ وجهها
~~~~~~~~~~~~~~~~~~~~~~~~~~~~~~~~
( في صباح يوم جديد في القصر ملئ بالاحداث
التي قد تكون سعيده علي البعض وحزينه علي البعض الآخر)
كان الجميع يجلس حول سفره الطعام
ليل : صباح الخير
ليردف الجميع: صباح النور
ليل: فين نور ومليكه
أردف مالك بحزن علي أخته : نور طلعت تصحي مليكه علشان تنزل تفطر معانا
( و في غرفه مليكه)
نور : لازم تقومي يا مليكه البكاء والدموع مش هتغير حاجه صدقيني
مليكه: مش عايزه مش عايزه يا نور لا اتكلم مع حد ولا اشوف حد
نور: لا يا مليكه غلط وأكبر غلط اللي انتي بتعمليه ده انتي مؤمنة ومينفعش تعترضي كده علي حكمة ربنا ونصيبك
لتنظر لها مليكه بدموع: عارفه والله عارفه بس مش قادره يا نور كل لما بشوفه ببقي عايزه أصرخ واعيط بنهااار
نور بصوت حنون: يا حبيبتي طبيعي احنا بشر وعندنا مشاعر بس برضو مينفعش نعذب نفسنا ونعذب مشاعرنا معانا لازم تقوي يا ملكيه اعتبريها تجربه وخلصت عارفه أن الموضوع مش بالسهوله دي بس عارفه برضوا انك قويه كل مره هتحسي انك هتضعفي قصاد زين أفتكري رحمة ربنا وان اكيد ليه حكمه في كده وشيلك الخير يلا يا مليكه قومي خدي شاور وغيري واجهزي علشان نفطر وبعدين نروح الشغل صدقيني ده الحل الوحيد الي هينسيكي كل حاجه
لتنظر لها مليكه وهي تفكر في حديثها: حاضر يا نور ... ثم ذهبت لتنفيذ نصائح نور
~~~~~~~~~~~~~~~~~~~~~~~~~~~~~~~~
(في الاسفل)
بعد وقت ليس بكثير هبتط نور ومليكه وهي تنظر لهم بأبتسامه تخفي خلفها جميع اوجاعها التي تشعر بها ثم تجلس علي الكرسي وتردف: صباح الخير
ليرد الجميع بابتسامه: صباح النور
نظر مالك الي نور بسعاده وكأنه يشكرها أنها قد أعادت له مليكه مره أخري لتنظر له نور بابتسامه
مالك: يا صباح الفل علي عيونك يا احلي مليكه
مليكه بضحك: ده ايه الحنيه دي كلها تكنش كنت فاكرني هموت وتورث انت كل حاجه لوحدك ده بعينك يا قلب اختك
ليضحك الجميع علي حديثها وهم سعداء لعودتها لا يعلمون أنها مازالت تعاني لتحاول الرجوع
ليل: طيب يلا بقا خلصوا فطاركوا علشان ورانا شغل يا اساتذه .. ثم ينظر إلي نور : ومفيش اعذار ولا اجازات تاني
نور بحرج: والله يا ليل دي كانت اول مره اكذب وكان بس علشان مالك و زين
ليل : عارف يا نور وعلشان كده انتوا متحاسبتوش عليها
كريم بضحك. بذمتك هو في قمر بيتحاسب برضوا
ليل: خليك في نفسك وكل وانت ساكت
كريم: الله يكرمك يا ليلو
نور: ليلو اي ده حلو الدلع ده والله
كريم: عجبك ده ليلو ده روحي روحي روحي الا صحيح يا نور انتي معاكي رقم تربي في القاهره
نور بأستغراب: تربي لا ليه
كريم بسخرية: ليه بوصي جمبك يا حجه وانتي تعرفي
ليل بغضب: طيب كويس انك عارف انا هعمل اي تبقي تقولي الاسم السخيف ده تاني بقا ... ليقطع حديثهم صوت چنا
چنا : اي ده انتو صاحين وبتفطروا كمان ومحدش صحاني ليه
مالك بسخرية: لا احنا اسفين تعالي يا داده شيلي الاكل ونزليه تاني لچنا
چنا : لا لا خلاص ممكن أفطر دلوقتي معاكوا والمره الجايه الداده تبقي تصحيني
نور بنفاذ صبر: اللهم صبرك يا روح
چنا : صحيح يا ليل هي فين خالتو وفاء مشفتهاش من ساعت ما وصلت
ليل : في غرفتها بس مش بتطلع منها لانها تعبانه شويه اليومين دول
چنا : امم لا الف سلامه عليها هبقي أطلع اطمن عليها ثم نظرت إلي مليكه: بقيت زي القرده تاني اهو يا مليكه
مليكه: اه يا روحي وهفضل اطنطط عليكي أن شاء الله لحد ما أخلص عليكي
~~~~~~~~~~~~~~~~~~~~~~~~~~~~~~~~
( في سياره مالك)
كان كل منهم ذهب في سياره الي الشركه كالعاده بخلاف وجود كريم معهم هذه المره
كان ينظر مالك الي ياسمين بحب ثم امسك بيديها وقام بتقبلها: ربنا يخليكي ليا يا ياسمين متتخيليش الحفله بتاعت امبارح دي فرحتني قد ايه لان خلتك تفكري فيا
ياسمين: علي اي يا حبيبي دي اقل حاجه ليك يا مالك
لينظر لها مالك بحب:طيب مش ناويه تحددي ميعاد تاني لفرحنا بقا اخوكي شكله هيعملها قبلنا
ياسمين بضحك: حاضر نرجع بس من الشغل وبعدين نفكر في الموضوع ده
~~~~~~~~~~~~~~~~~~~~~~~~~~~~~~~~
(في الشركه تحديداً في مكتب مليكه)
كانت مليكه تحاول أن تشغل تفكيرها في العمل حتي لا تفكر في زين وما حدث.. حتي قطع تركيزها صوت دقات باب المكتب
مليكه: ادخل
علي: صباح النور يا مليكه
لترفع مليكه وجهها إليه: صباح الخير يا علي ...
نظر لها علي بصدمه مردفاً: ايه ده يا مليكه انتي فيكي ايه ومال وشك وعيونك وارمين ليه كده كأنك كنتي بتعيطي؟
مليكه: اهده يا علي في اي عادي شويه تعب بسيط وبقيت تمام الحمدلله
علي: كده وتعب بسيط مع اني مش مصدق بس تمام مش هدايقك يمكن مش حابه تحكي وعلي العموم الف سلامه عليكي
مليكه: الله يسلمك يا علي .. بس هو انا باين عليا التعب فعلاً
علي : هو باين شويه بس في الحالتين مش هتفرق
مليكه بأستغراب: يعني اي مش فاهمه
علي بابتسامه جميله: يعني في الحالتين انتي زي القمر يا مليكه مفيش شك في ده
لتنظر له مليكه بابتسامه: انت شخص جميل جدا يا علي وكلك ذوق حقيقي
علي : انتي الي جميله يا مليكه... طيب أنا هنزل الكافتريا اجيب قهوه علشان نفوق للشغل
مليكه: تمام ... وما أن ذهب علي حتي شردت مليكه في حديثه... لما لا يراني زين بنفس تلك النظره الجميله التي ينظر بها لي علي لما لا يري مميزاتي .....ومر الوقت وهي تشغل نفسها في العمل...
~~~~~~~~~~~~~~~~~~~~~~~~~~~~~~~~
( في مكتب مالك)
ساره: صباح النور يا مالك صباح الخير يا ياسمين
مالك: صباح الفل
ياسمين: صباح الفل يا ساره
ساره : اي اخبار مليكه النهارده
ياسمين: تمام الحمدلله هي معانا في الشركه
ساره: ايه ده بجد والله انا قولت مش هتيجي وهتريح بس احسن والله أنها نزلت وغيرت جو
ياسمين: ايوه فعلاً الحمدلله
ثم اقتربت ساره من ياسمين واردفت بصوت منخفض: حصل حاجه بينها وبين زين تاني؟
ياسمين: لا خالص متكلموش تاني أصلا ومليكه بتحاول تتعامل طبيعي
ساره: احسن برضو ولازم كلنا منفتحش الموضوع ده تاني ونتجاوزه معاها بقا
ياسمين: صح
مالك: أنا مش عارف انتو بتقولوا اي بس ممكن نخلص كلام بقا ويلا علي شغلنا يا كتاكيت
~~~~~~~~~~~~~~~~~~~~~~~~~~~~~~~~
( في مكتب ليل)
كان يجلس ليل وكريم يتحدثون عن العمل
ليل: كده أنا فهمتك وضعك هيكون اي طبعا مش محتاج اعرفك أن الشركه دي شركتك واي حاجه تضرها أو تنميها هتعود عليك
كريم بجديه: طبعاً يا ليل وان شاء الله الشركه دائماً هتكون في تقدم مستمر ثم يقطع حديثهم صوت دقات الباب
ليل: ادخل
دلفت نور مردفه برسميه : اتفضل يا استاذ ليل... استأذن حضرتك تشوف الملفات دي كده لسه مخلصين شغل عليها ومطلوب بس انك تراجعها
ليل : تمام سبيهم عندك وانا هشوفهم
نور : تمام وما أن كادت أن تغادر حتي صرخت بألم وهي تتمسك بمعدتها: اهااااا بطني مش قادره
لينفزع ليل وكريم وهم يتوجهون صوبها سريعاً
ليل: مالك يا نور في اي؟
نور بألم شديد: بطني يا ليل بتتقطع مش قادره
كريم : لا يا ليل لازم تروح للدكتور أن هشيلها واوديها العربيه وما أن تحرك ليحملها حتي أوقفه صوت ليل : لا متلمسهاش أنا هشيلها وبالفعل حملها وذهب بها علي الفور الي السياره ليأخذها الي المستشفي
~~~~~~~~~~~~~~~~~~~~~~~~~~~~~~~~
( في المستشفى)
بعد قليل من الوقت كان الجميع قد جائوا الي المستشفي بعد أن علموا بمرض نور
مليكه: هو اي كل ده؟
ليل: المفروض أن الدكتوره بتكشف عليها
مالك: هو ايه الي حصلها اصلا؟
كريم : والله ولا نعرف كانت بتتكلم عادي لحد ما وقعت علي الارض وهي بتصرخ ... طيب انا هدخل اسأل الدكتور اي التأخير ده واجي ..... وبالفعل ذهب ثم يأتي مره اخري بعد دقائق ......لينظر له ليل : اي يا كريم ماتنطق؟
كريم بقلق : اقول اي بس؟!!
مالك: في اي يا كريم قلقتنا ما تنطق؟
كريم: طيب حاضر ... الدكتور بيقول أن..أن المدام حاااامل
نظروا له جميعاً مردفين في صوت واحد: اييييه؟
يتبع الفصل التالي اضغط هنا
الفهرس يحتوي على جميع فصول الرواية كاملة: "رواية نور الليل" اضغط على أسم الرواية