رواية بنات الخالة الفصل الثالث عشر بقلم شروق حجازي
رواية بنات الخالة الفصل الثالث عشر
حمزة: ان كان ليك حاجه عند الكلب
ياسين: وانا الكلب صح
حمزة: عيب متقولش كده علي نفسك
ياسين: ماشي اصبر عليا بس ياذومي
سيليا بضحكة: ذومي مش قادرة
حمزة:عجبيتك أوي يختي
سيليا: وانا مالي يالمبي هو اللي قالك
ياسين: ماتخليكي محضر خير
حمزة: ماشي
الجد:خلاص بقا يولاد
حمزة : عشانك انت بس ياجدي
ياسين: عيل مش سالك
حمزة: بتقول حاجة
ياسين: بقول الحمد لله شبعت
فاطمة:لحقت كلت ياحبيبي
ياسين: أيوه ياماما الحمد لله
هطلع أنا بقا عشان عاوز أنام
فاطمة:ماشي ياحبيبي
الجد: اعمل حسابك يافهد
تاخد بنت عمك وتسافروا القاهرة عشان تحول ورقها من الكلية
فهد: حاضر ياجدي
فهد: اعملي حسابك بكره تصحي بدري عشان نلحق نسافر
أينور: حاضر
الجد:طب هقوم انا بقا يولاد أنام أنا كمان
عامر: بدري كده ياحاج
الجد بضحك:الصحة بقت علي قد بقا ومبقتش أقدر أسهر زي الاول
عامر: ربنا يديك الصحة ياحاج
الجد:هناخد زمنا وزمن غيرنا
يلا تصبحوا علي خير
الجميع وانت من أهل الخير
أينور : أنا هطلع أقعد في الجنينة شوية
نور: وانا هاجي معاكي
فهد: انا مش قولت هتصحي بدري يبقي هتنامي بدري
أينور: انا متعوده أنام متأخر
وبعدين متقلقش انا هعرف أصحي بدري
ولو زهقان ممكن تخليك وانا هقول لجدي ويخلي أي حد
تاني يجي معايا
فهد: انا طالع تصبحوا علي خير
هناء: وانت من أهل الخير يحبيبي
أسر بصوت واطي لحمزه:أول مره حد يكلم أخوك
بالطريقة دي ويسكتلة
حمزة بضحك: معاك حق بس أينور مش أي حد
أسر :مش أي حد ازاي
حمزة:هتفضل غبي أموت واعرف دخلوك كلية الشرطة ازاي
أسر: انت بس اللي مش عارف قيمة أخوك
حمزة: يشيخ اتوكس
أسر: انت شايف كده
حمزة بضحك: بصراحة مش شايف غير كدة
خلاص متزعلش متبقاش قفوش كده
أسر: خلاص انا الحمد لله شبعت هقوم
حمزة : ماشي
نهض الجميع من علي السفرة
عند نور وأينور في الجنينة
نور: مكنش ينفع تكلمي فهد كده
أينور: انا حاسة اني زودتها شوية صح
نور: شوية بس
أينور :خلاص هبقا أعتزرله بكرة
نور: انتي ليه بتعامليه كده
أينور :بمعامله ازاي يعني مش فاهمة
نور : لا والله انتي فاهمة وانا فاهمة فامتحوريش بقا
أينور: أحور في بنت كيوت تقول أحور
نور: لا حوشي انتي يختي الرقة بتاعتك
أينور : بهزر بهزر اي
نور: لسه زي منتي لما تكوني مش عاوزه تتكلمي في
موضوع تغيريه
أينور:انتي عارفة أن لو في أي حاجة هتكوني انتي أول واحده تعرفيها صح
نور: أنا متأكده مش عارفه
أينور: ربنا يخليكي ليا
نور: ويخليكي ليا يارب
أينور: المهم بقا اي حكايتك مع يزن
نور: حكاية اي
أينور:شوفي مين اللي بيحور بقا
نور: يستي ولا تحوير ولا حاجه
كل الحكايه اني معجبه بيه بس
هو مش عارفه هو شايفني ازاي
أينور: لا من ناحيته متقلقيش
نور: ازاي يعني
أينور: هو انتي عاوزه تقوليلي انك مابتاخديش بالك منه
وهو بيفضل باصصلك وعينه مبتنزلش من عليكي
نور: انا أول مابشوفة أصلاً بتحرج ومبرفعش عيني ليه أصلاً
أينور: انتي هتقوليلي هو انا تايهه عنك
نور: بقولك اي الوقت اتأخر يلا نطلع ننام
أينور: يلا عشان لو صحيت متأخر بكره هولاكو هيقتلني
نور: هولاكو
أينور: مالك بتقولها باستغراب كده دا شكلة من أكلي لحوم البشر
نور: أكلي لحوم البشر
أينور: هو في اي انتي عماله ترددي كلامي لي
زي البغبغان
نور: هاا
أينور: انتي عينك تعباكي عماله تغمزيلي ليه
نور: أنا مشوفتش غباء زي غباءك
بصي وراكي
أينور بخوف :اوعي يكون اللي في بالي صح
نور:هو بعينه
أينور: بس والله مشوفتش في احترامه كده هيبة كده في
نفسة واحترام مقولكيش
فهد من خلفها
واي كمان مش كنت هولاكو
نور بضحك: ومن أكلي لحوم البشر
أينور:منك لله يابعيده يعني مسمعش غير هولاكو
راحه تعرفيه انتي
نور:وانا مالي يالمبي
طب أطير بقا عشان هموت وأنام
أينور: واطية وربنا واطية
استني خوديني معاكي
فهد: استني عندك
أينور: اي دا فهد انت هنا من امتا
دا احنا كنا لسه جايبين في سيرتك وبقول لأينور قد اي انت ليك هيبة كده
فهد: أه منا سمعت
أينور: طب هطلع أنا عشان أنام بقا عشان أصحي بدري
فهد: ماشي
الساعة سبعة بالدقيقة تكوني تحت
أينور: سبعة مين هو احنا هنروح نبيع لبن
فهد:سمعتي قولت اي
أينور بصوت واطي ربنا علي الظالم
فهد:بتقولي حاجة
أينور:بقول تصبح على خير عشان ألحق أنام عشان أصحي
الساعة سبعة نروح نبيع اللبن
فهد بيحاول يداري ضحكت:
وانتي من أهل الخير
نور طلعت لأوضتها
وفهد برضوا طلع عشان ينام
عند مريم واقفه علي السطح بتاع القصر وواثقة باصة
للسما ودموعها نازلها
أسر من وراها: لسه زي منتي بتشتكي زعلك للسما
مريم مسحت دموعها بسرعة وبصت لأسر
وبعدين قالت
مليش غيرها
أسر: انتي اللي وصلتينا لكده
لو كنتي سمعتيني حتي
مريم: بعد اذنك انا هنزل أنام
أسر: لسه برضوا بتهربي من المواجهة
مريم :مش بهرب مش عاوزه أفتح في مواضيع انا قفلت
عليها وبقت من الماضي
أسر: انا بقيت من الماضي يامريم
مريم: لو سمحت عدينا عاوزه أنزل
أسر:انزلي بس قبل ماتنزلي عاوزك تعرفي
ان مهما حل مش هتكوني لغير انا حاضرك ومستقبلك سمعاني
مريم نزلت بسرعة بس لما سمعت كلام أسر فرحت أوي
مريم في نفسها: وانت مش هتكون لغيري ياأسر
بس لازم أربيك الأول عشان انت استسلمت ومحاولتش
تشرحلي ولا اتمسكت بيا أيوه أنا غلطت لما مدتكش فرصة
أسمعك وكنت بصدك بس انت استسلمت بسرعة أوي
في صباح يوم جديد علي أبطالنا
فهد
هو ده اللي عامل حسابه
وهصحي بدري متقلقش
فهد طلع أوضة أينور وخبط علي الباب مفيش رد
فتح الباب ودخل لقي الأوضة ضلمة فتح النور لقي أينور
نايمة لسه
لقي كوباية مايه علي المكتب الكوميدينو خادها وكبها
علي أينور
أينور:عاااا اي ده في اي
فهد: صباح الخير
أينور: صباح الزف* في حد يصحي حد كده
فهد:أنا
واخلصي يلا خمس دقايق وتكوني تحت
أينور:منك لله يا بعيد
فهد: فاضل ثلاث دقايق
أينور قامت تجري دخلت الحمام وطلعت تجري تدور علي
اللبس ولبست ونزلت
فهد: يلا بينا
أينور: يلا
في عربية فهد
أينور جاية تركب ورا
فهد: انتي بتعملي اي
أينور: اه جو انا مش سواق الهانم والجو ده احنا مش في
رواية
فهد: خيالك واسع اوي
اركبي في أي مكان
أينور: أبو الرخامة يشيخ
أينور ركبت ورا
وفهد ساق العربية
وبعد ساعة كانت أينور راحت في النوم
فهد: غيبوبة انتي غيبوبة
فهد بخبث وقف العربية مرة واحده
أينور اتخضت وفضلت مصدومة
فهد فضل يضحك علي أينور
أينور: اي ده انت مش طبيعي وربنا وبعدين اي ده انت بتضحك زينا وعندك سنان
فهد: وبعض كمان ياخفة
أينور: طب أنا عطشانة أوي
فهد:في استراحة أهية هنزل أجيب ماية واي حاجه ناكلها
أينور: ماشي
فهد :متنزليش من العربية
أينور:حاضر انت مش سايب بنت أختك يعني
فهد: بطلي لماضة
أينور:خلاص
فهد نزل
بعد شوية
أينور :هو اتأخر كده ليه
تليفون أينور رن
أينور: ألو
نور: اي يرووحي بقيتي فين دلوقتي
أينور : لسه شويه علي مانوصل احنا واقفين في الاستراحة
نور:بتقولي اي مش سامعاكي
أينور: طب استني انزل من العربية كده
كده سمعاني
نور: أيوه
أينور لسه هتتكلم سمعت صوت من وراها بيزعق وينده عليها بصوت عالي
البارت خلص لحد هنا
نكمل البارت الجاي
- تابع الفصل التالي عبر الرابط:"رواية بنات الخالة"اضغط علي اسم الرواية