رواية تاج الفهد الجزء الثاني 2 البارت الحادي عشر 11 بقلم مريم مصطفى
رواية تاج الفهد الجزء الثاني 2 الفصل الحادي عشر 11
فهد اتنهد وبدا يحكي لتاج عن عمه علوان السيوفي.: ابويا اكبر من عمي بخمس سنين هما كانوا ولدين بس.. بعد ماجدتي خلفت عمي انشغلت بي ونسيت ابويا تماما مكنتش بتكره بس غصب عنها انشغلت بعلوان لانه كان الصغير كانت مدلعها زياده عن اللزوم وجدي مكنش حابب كده لحد مابدوا يكبروا وبرضو الدلع بيزيد ابويا دخل الكليه واتخرج وبدا جدي يسحبه معاه للشركه وبدا يفهمه ادق التفاصيل ف البيزنس لحد مابقا احسن رجال الاعمال ف وقت قياسي وعمل شركه لوحده بدون مساعده من جدي بعد ماعمي اتخرج من كليته من هنا بدات المشاكل بين جدي وجدتي لان جدي كان عايز عمي يساعده ف الشركه ويكبر زي اخوه وطبعا عمي كان كله همه الشرب والسهر والبنات ولما جدي يحاول يوقفه عند حده جدتي كانت بتزعق وتقوله سيبه يتمتع بشبابه كفايه انه ضيع التاني ف الشغل والشركات بس برضو جدي استمر ف المحاولة انه يروح الشركه ويتعلم وبالفعل خدوه معاها كذا مره وف كل مره كان بيعمل مشكله او يضايق اي موظفه بتشتغل لحد ماجدي زهق وعرف ان مفيش منه امل وسابه ابويا طبعا اتجوز وبدا يكبر ف حياته وخصوصا لما اتجوز ولدتي كبر اكتر لانها كانت ست عمليه جدا اشتغلت معاه وبدوا يكبروا سوا وفتح كذا شركه لحد ماخلي اسم السيوفي اكبر من الاول جدي كان فرحان باابويا وخصوصا امي لانها بجانب شغلها عمرها ماقصرت ف حق البيت او طلعت سر من اسرار ابويا لحد ورغم مضايقه جدتي ليها لانها طبعا مكنتش من اختيار جدتي وابويا اللي ختارها بس رغم كل المضايقات كانت بتحترمها لحد ماف يوم اختارت لعمي عروسه من عيله كبيره واقنعته يتجوزها كان ف اعتقدها ان دي اللي هتجبله كل حاجه ع طبق من دهب من غير مايتعب واتجوز كان ف الوقت ده امي حامل فيا وبعد كذا شهر مرات عمي حملت ف فاروق مكناش نعرف طبعها اوي لان اغلب الوقت كانت عند بيت اهلها بسبب مشاكل عمي لحد ماخلفت واطلقت وفاروق اتربه شويه ف قصرنا وشويه عند ولدته وعمي طبعا مكنش يعرف عنه حاجه بس جدي هو اللي كان مهتم وبيجبه القصر ف وسطنا علشان يعرف الكل انه حفيد السيوفي مينفعش يتربا غير ف حضنه.. ف يوم جدتي تعبت بالكبد وفضلت شهور لحد ماماتت جدي رغم كل اللي حصل منها بس كان متأثر بشكل كبير عليها ابويا حاول يهون عليه بس معرفش وعمي طول الوقت كان مشغول ف الشرب علشان ينسا موت جدتي مع الوقت جدي بدا يتعب ومنع يروح الشركه وباالتالي كل حاجه بقت ع ابويا وامي بابا مسك الشركه الام حاليا وماما مسكت بقيت الشركات رغم تعبها لانها كانت لسه ف شهورها الاوله ف حمل سيا... اتنهد فهد بدموع وكمل وهو بيقول: وف يوم جدي طلب من ابويا يشوفني انا وفاروق مع بعض راح جاب فاروق وخدني وطلعنا اوضه جدي كان نايم ع السرير وحواليه الاجهزه وبيتنفس بصعوبه مسك ايدي انا وفاروق وحطهم ف بعض وقالنا اننا ايد واحد واننا اللي هنكبر كل ده واحسن من ابويا كمان فاروق كان بيحاول يسحب ايده لانه مكنش بيحبني اوي.. صوت فهد ارتعش ودموعه نزلت وكمل: وف الوقت ده جدي مات بعد موته ابويا حاول يجيب عمي الشركه بس رفض لحد ماف يوم دخل عليه مكتبه وقاله انه عايز يدير الشركه بنفسه ابويا فرح وبدا يفهمه الشغل شهر ورا شهر واكتشفنا انه متجوز السكرتيره بتاعته ولما عرف انها حامل سقطها غصب عنها وهي جت وحكت لاابويا ع كل حاجه واعترافلته انه بيدير الشركه ف صفقات مشبوه وكان معاها كل الادله اللي بتثبت كده ابويا اتعصب ومنع عمي من دخول الشركات عمي ثار وطلب ميراثه بس ابويا رفض لان جدي وصاه ان القصر والشركه ميتبعوش مهما كان السببب بس عمي لما عرف اصرار ابويا ع رفض تقسيم الورث بدا يعمل مشاكل ويفضح ابويا ف كل مكان لحد ماابويا قرر انه هيديله حقه بالمليم بس من غير مايبيع القصر اوالشركه
بصلته تاج وهي ضامه حواجبها: ازاي عمل اي؟
فهد: ابويا اشتري نصيبه ف القصر والشركه واداله حقه فلوس وطبعا الاراضي وكان ف كذا ڤيلا دول اتباعوا واتقسموا حسب الشرع وكان ف فلوس ف البنك اتقسمت بس ابويا رفض ياخد حقه فيها واتنازل لعمي عليها... عمي اختفاء سبع سنين لحد مااسمعنا انه اتنصب عليه ف صفقه كبيره ونص املاكه البنك تحفظ عليها متبقاش غير شويه حاجات بسيطه والده فاروق ضغطت ع عمي يكتبهم بااسم فاروق وتكون هي الوصايه عليه بدل مايضيع دول كمان ابويا حاول يساعد عمي ويرجعه الشركه تاني ويكبره بس هو كان الحقد ملئ قلبه وبعد شهرين تقل ف الشرب بطريقه مبالغ فيها ومات ابويا حاول يجيب فاروق يتربا معايا بس هو رفض ومامته سابته مع اهلها واتجوزت وسافرت كبرنا وبنشوف بعض صدف ولو حاولت اكلمه كان بيرفض دخلت هندسه وهو دخل تجاره انا اتخرجت وبدات اشتغل بس ابويا عرض عليا اشتغل معاه وروحت ابويا راحله وعرض عليه انه يشتغل معانا وهيمسكه الحسابات كلها وهو وافق بدا يشتغل كويس لمده سنه ونص ومع ذالك مفيش بينا اي تعامل غير الكلام ف الشغل حاولت اقربه مني زي سليم ونتصاحب اعترض ابويا بدا يلاحظ ان ف مناقصات بنخسرها واسرار بتطلع بره الشركه ولعب ف الحسابات اكتشفنا انه فاروق ابويا محبش يعمل شوشوره واجه بينا وهو مانكرش وبس ساب الشركه وبدا يطالب بحق ابوه ويقول اننا مدناش لابوه جنيه ابويا علشان ده ابن اخوه ووصيه جدي كتبله كام حاجه بااسمه وعرفه ان ده ملوش اي صله بحق ابوك وانه كل اتقسمت بشرع الله بس علشان انت زي ابني وقفت جنبك.. فاروق مقتنعش برضو بس خد الفلوس وسافر وفعلا كبر وكبر شركاته وبقا من اكبر المنافسين لشركات السيوفي.
تاج بحيره: طب لما هو كبير ف السوق جي عايز اي تاني؟
فهد: فاروق دماغه كويسه وعملي جدا ف شغله ملوش ف جو الشرب والبنات مش زي ابوه بيكره الفشل جدا بس طماع جي عايز تاني عايز يستولي ع القصر والشركه وملقيش حل يدخل منه غير انه يزق عشق ع سيا ويخليها تكتبلها كل حاجه بتاعتها ويبدا يدخل من النقطه دي...
تاج: كل ده يافهد حصل ف عيلتكوا؟
فهد: انا حبيبت احكيلك كل حاجه علشان يكون عندك علم بااي حاجه اوتتقال
تاج ابتسمت وشالت صنيه العشاء حطتها بعيد وبعدين بصت لفهد: اعتقد انا دلوقتي فهمت كل حاجه لحد دلوقتي جه الوقت اللي تنام ف علشان قدامك يوم طويل بكره
فهد: هحاول انام
تاج كشرت: مفيش حاجه اسمها هتحاول متفكرش ف اي حاجه نهائي نام وصفي ذهنك وبس... شدت عليه الغطاء وطفت النور خالص ونامت ع اول السرير وتيام ف النص وهي حاضنه وفهد الجمب التاني وحضنه ع ايد تاج.. بدوا يروحوا ف النوم.....
"ف اوضه عشق"
كانت طالعه من الحمام وبتقفل البرنس وفاروق قاعد ع السرير سرحان.
عشق بضيق: بقالك يومين سيبني محبوسه تحت رحمه فهد كنت فيين كل ده واكيد حد من الجواسيس بتوعك ف القصر بلغك من اول لحظه
فاروق فاق من شروده وبصلها بعدم اهتمام: كنت محتاج شويه وقت علشان اعرف اظبط اموري واعرف اجي هنا
عشق: ولي مورتش لفهد ورقه جوازنا حسيت انك مش عايز تطلعها
فاروق: دول ورقتين عرفي يعني مش هيقتنع بيهم
عشق: قولتلك نتجوز رسمي افضل
فاروق بصلها بقرف: ماهو اكيد يوم مافاروق السيوفي يتجوز هيتجوز واحده بنت ناس مش معروف عنها انها *****ولااي
عشق بصتله بغيظ وكانت هترد بس اتراجعت لان هو الوحيد اللي يقدر يخليها ف البيت ده وتعرف تاخد اللي هي عايزه.. قربت منه بدلع وهي بتحط ايده ع خده وبتقرب منه اكتر... مسك ايديها ولوها لورا وهو بيتكلم بقرف منها: قسما باالله لو ايدك دي بس حاولت تلمسني تاني لقطعهلك اوعي تفتكري انك بقيتي مراتي لا ده انا ارميكي للكلاب ياكلوكي ولاانك تاخدي لقب حرم فاروق السيوفي..
زقاها وقعها ف الارض وهي بدوس ع اسنانها بغيظ ومش قادره ترد لانها متأكده انه يقدر يعمل كل اللي قال عليه وانه م النوع اللي بينفذ كلامه.. سابها وطلع ع الجنينه وهو مخنوق بس شاف جميله قاعده وبتلعب ف موبيلها ابتسم بارتياح وقرب عليها وهو بيحمحم.. جميله بصت ورها وبسرعه رفعت طرحتها عليها وبتغطي شعرها.
فاروق مرفعش عينه ف عينها غير لما حس انها غطت شعرها كويس.."لانه بيحترم الست كويس وبيقدر قيمتها وبيعرف يفرق بين الست الكويسه واللي زي عشق "
جميله: خير ياقرني عايز اي؟
فاروق بااستغراب: قرني؟! انا اسمي فاروق
جميله ضحكت بصوت عالي وهو باصص لضحكتها ومستغرب بتضحكي ع اي: اي اللي بيضحك!
جميله: سوري بس واحد سايب مراته عريانه وتقريبا عارف انها لامؤخذه ومع ذالك سيبها فري عادي يبقا اي.. بقرون قرني يعني
فاروق دمه اتحرق بس مش علشان عشق لانها اصلا مش فارقه معاه بس اتغاظ انها شايفه كده.. معرفش يرد عليها ويبرر موقفه كملت جميله كلامها: ملكش عين تتكلم ده شيء اكيد
فاروق تمالك اعصابه واتكلم ببرود: تحبي تشربي حاجه
جميله بصتله بستغراب: اشرب؟! هو انت فاكر بعد اللي عملته ف جوز اختي اني ممكن اتعامل معاك عادي!!!
فاروق بسرعه: لالا انا وابن عمي ومشاكلنا ملهومش دعوه بينا
جميله: بينا!!
فاروق: قصدي ان دي مشكله بسيطه بيني انا وفهد.. حاول يخرج من الموضوع ويتكلم معاها ف اي حاجه لانه حاسس انه مرتاح وهو واقف معاها فاتكلم وهو مبتسم: هو انتي ومدام تاج تؤام؟
جميله بتريقه: لا ولاد عم هو البعيد اعما ماوضح من الشبه
فاروق: بس..
قطعت كلامه: بس اي هو انت هتصاحبني ده اي الارف ده بجد ياقرني ده انت محدش طيقك من لما دخلت انت والصفرا اللي معاك.
خدت موبيلها واتحركت من قدامه وهي مبتسمه انها بتحرق دمه طلعت ع فوق وهو لسه واقف مكانه باصص لطيفها بإبتسامة هو مش فاهم اي سببها حتي مش مضايق من كلامها واسلوبها.. قعد ع الكرسي وهو بيرجع راسه لورا وبيبص للقمر وشايف وش جميله فيها فضل سرحان ف القمر او تحديدا ف وش جميله لحد ماغلبه النوم ونام مكانه..
عند عشق كانت قاعده ع السرير وبتفتكر ازاي عرفت توصل لفاروق لانها عارفه انه من زمان نفسه ياخد القصر والشركه.
فلاش بااااك...
عشق كانت قاعده ع الفيس وبتابع كل اخبار فاروق وكل انجازاته بااهتمام وعرفت انه موجود ف ايطاليا حجزت ت اول طياره وسافرت حاولت تتواصل معاه بس كان صعب لانه مش بيقابل حد بسهوله.. راحتله مكتبه واتاكدت انه جوا كلمت السكرتيره وفضلت تحاول معاه تدخلها لحد مابلغت فاروق ودخلها
فاروق: خير تؤمري بحاجه؟ قالولي انك بقالك قتره طالبه تشوفيني
عشق قعدت: انت مش فاكرني يافاورق انا عشق
فاروق بصلها وحاول يفتكر الاسم بس مفتكرش: هو انتي جايه هنا علشان اخمن عليكي من اسمك!! اخلصي ادخلي ف الموضوع وبدون ماترفعي الالقاب فاروق باشا
عشق: انا عشق بنت خاله فهد السيوفي ابن عمك اكيد مش هتفتكرني لاننا كنا صغيرين بس انا كنت بشوفك ف القصر ديما عند خالتو.
فاروق استغرب اكتر: مش فاهم جايه برضو عايزه اي؟!
عشق: بص انا عارفه انهم ضحكوا ع ابوك زمان وخدوا حقوا وانا كمان خدوا حقي جايه علشان نحط ايدينا ف ايد بعض ونرحع حقنا
فاروق: اممم انا مش فاضي لشغل العيال ده اتفضلي بره
عشق: اسمعني بس الاول
فاروق بصوت عالي: اطعيييي بره
عشق مستمره الكلام لحد ماطلب الامن ورمها بره الشركه قعد وفضل يفكر ف كلامها وكلام كذا حد وطلب منه يجبله كل التفاصيل عنها.. بعد ماعرف كل حاجه عنها واتاكد كلامها واتفق انها تجيله المكتب.
تاني يوم عشق راحتله وهي واثقه انه فكر ووافق لانها عارفه انه بيتمني يوصل للقصر والشركه ف يوم من الايام
فاروق: اقعدي بقا وفهميني براحه
عشق حكتله عن كل التفاصيل اللي تعرفها عن عيله فهد ف مصر
فاروق بتفكير: يبقا احنا هنلعب ع سيا ودي مهمتك تشقلبي دماغها.. فاروق فاهمها كل اللي هتعملوا وي نزلت مصر وبدات تنفذ خطته وهو كان ديما مراقبها وعارف تحركتها كويس.
باااااك.
عشق: اخلص بس واخد حقي من عيله السيوفي وانا هوريك يافاروق.
"تاني يوم الصبح "
فهد صحي من النوم قام لبس بسرعه وجه يخرج لقي فهد داخله بالفطار حاول ينزل ب هي منعته
تاج: تولع الدنيا بره برضو مش هتنزل من غير فطار انا عارف اللي هيحصل ف الشركه مع فاروق والصفرا والمشاكل اللي هتحصل فاهتاكل الاول علشان تعرف تصلب طولك قدامهم
فهد عارف انها طالما حكمت رايها يبقا خلاص قعد كل بسرعه وباسها هي وتيام ونزل..
شاف سليم نازل ع السلم: هتروح بدري برضو انت كمان
سليم: اكيد لازم النهارده نروح قبل الموظفين وخصوصا قبل الزفت فاروق... هو متلقح بره نايم فالجنينه
فهد: طب كويس يلا بينا.
فهد وسليم نزلوا وسعد كان ماشي جمب فهد كالعاده بس فهد وقف وبصله: لا ياسعد انت عارف اني بثق فيك
سعد: ده شرف ليا يافهد باشا
فهد: وعلشان كده محتجلك النهارده ف القصر عينك متفارقش ستات القصر خالص وتزود الحراسه
سعد: طب وحضرتك مش هينفع!
فهد: انا هعرف اتصرف وعلشان اطمنك هاخد معايا اتنين من الحرس بره ستات القصر امانه ف رقبتك ياسعد
سعد: برقبتي يافهد باشا روحي فداك وفدا اهلك اطمن
فهد طبطب ع كتفه ومشي هو وسليم ووصلوا الشركه قبل ماالموظفين يجوا..
عشق لبست وراحت الجنينه بسرعه صحت فاروق اللي اتخض اول مالمسته
عشق بنرفزه: انت نايم وفهد وسليم مشيوا ع الشركه من بدري
فاروق بص ف ساعته لقي ان لسه بدري اوي بصلها وكشر: ف حد هيفتح شركه دلوقتي لي هيبيعوا لبن فيها؟!
عشق: اتريق.. فهد راح علشان لو ف اي حاجه مهمه يلح يخلصها قبل ماحنا نروح والموظفين يجوا فهمت
فاروق بصلها بضيق وسابها ودخل يجهز علشان يروح الشركه وهو داخل شاف جميله ماسكه طبق كبييير وحطه ف حلويات وسانده ع العمود وبتاكل بستمتاع ومغمضه عيونها بصلها وابتسم اوي
فاروق: ف حد ياكل حلويات ع الصبح كده
جميله افتفزعت من الصوت وفتحت عينها: الله يحرقك ياقرني وبعدين انت مالك باكل م بيتك
فاروق: هو ف الحقيقه بيتي فعلا
جميله بغيظ: لا بيتك دي تضحك بيها ع البوليس والناس مش عليا
فاروق ابتسملها وسابها ودخل اوضته وهو بيفتكر شكلها وهي مستمتعه بالاكل..
ف الشركه فهد وسليم بدا يطلعوا اهم الصفقات ويرجعوها لحد ما شاف ملف تبع صفقه الادويه المضروبه لاقي امضته عليها فعلا.
سليم: انت ازاي مضيت ع الصفقه دي؟!
فهد بصله بتفكير وبدا يسرح ف حاجه.
فلاش باااك..
محسن سكرتير فهد: يابشا الصفقه دي مهمه ولازم تمضي عليها حالا
فهد كان مشغول وبيتكلم ف الموبيل مع عميل.. شاروله بايده انه يحط الملف قدامه علشان يمضي قرب محسن بتوتر وحط الورق وفهد بيتكلم ومندمج ف المكالمه مضاء ع الملف وشاور لمحسن يخرج.
بااااك..
فهد خرج من تفكيره وهو متعصب: اوصل للواد محسن ده حالا وخلي يجي واعا تحسسه ان ف حاجه ياسليم
سليم فضل يرن عليه لحد ما رد وطلب منه يجي الشركه حالا لان ف كذا ملف مهمين ومحتاجنهم بأسرع وقت قفل معا وبص لفهد بتوتر
سليم: ف اي وماله الواد ده
فهد بصله وحكاله عن الللي عمله وانه السبب ف كل ده.
ف القصر سيا صحيت وكانت عايزه تروح لتاج وكل شويه تفتح الباب وتتردد وتقفله ف الاخر قرارت تروح طلعت لجناح فهد وخبطت لحد ما سمعت صوت تاج وهي بتسمح بالدخول.. اتنفست بصوت عالي ودخلت.. كانت تاج بتغير لتيام.
تاج: تعالي ياسيا واقفه عندك كده لي؟
سيا دخلت بتوتر وقربت من تاج وهي باصه ف الارض: انا اسفه ياتاج ع كل اللي عملته معاكي
تاج حطت تيام ع السرير وقامت قربت منها وهي بترفعلها راسها لفوق: راسك دي متنزلش الارض ابدا دي لازم تفضل مرفوعه لفوق انتي اخت فهد السيوفي يعني مينفعش تنحي راسك ابدا.. ومتتاسفيش ع اي حاجه انا مبزعلش منك قبل ماتكوني اخت جوزي ف انت صحبتي من زمان واختي
سيا ملقتش رد ع كلامها غير انها تحضنها وتعيط وتاج بتهدي فيها لحد ماهديت دخلت جميله وهي لسه ماسكه الطبق ف ايديها وبتاكل وبتكلم
جميله: خلصتوا الدراما دي ولالسه
سيا سابت حضن تاج والاتنين بصولها.
تاج: حلويات ع الصبح ياجميله معقول والكميه دي كلها!!!
جميله: يادي النيله هو كل ماحد يشوفني يقولي كده انتو بتعدوا عليا ولاي
سيا: ومين قالك تاني اكيد مش فهد ولاماما
جميله: لا ده قرني ابن عمك
سيا وتاج بدون فهم: ابن عمي مين!!!
جميله بزهق: جوز البت الصفره
تاج وسيا فهموا قصدها ع فاروق ولي بتقول عليه كده.
تاج: وانتي بتكلمي معاه لي ضيقك ولا حاجه اقول لفهد والله....
قطعتها جميله بسرعه: هو ميقدرش اصلا انا بديله ع دماغه متخفيش
سيا بصت اتجه السرير وشافت تيام بيلعب وبيعمل صوت ببوقه راحتله وشالته وهي بتبوسه وبصت لتاج: قمور اوي ياتاج مبروك يا حبيبتي ربنا يباركلك فيه
تاج ابتسمت وفرحه اويي ان سيا تقبلت تيام: الله يبارك فيكي بس فين فهد وفيروز؟
سيا: سبتهم مع المربيه بتاعتهم امبارح هروح اجيبهم علشان بالمره اطمن ع عمي واطمنه علينا لانه مشي قلقان بعد اللي
حصل
سيا مشيت وتاج قعدت تلعب مع تيام وجميله بتاكل.
ف الشركه وصل فاروق وعشق ودخلوا مكتب فهد
فهد بزعيق: انا محدش بيدخل مكتبي بدون استأذن
سليم: اقعد يافهد وهدي نفسك
فاروق: والله انا ليا ف الشركه دي ودخل براحتي
فهد: انا ليا هي النصيب الاكبر ده غير نصيب سليم يعني مفيش اي قرار يقدر يتنفذ هنا غير بموافقتي او بموفقه سليم
فاروق بصله بغيظ وكور ايده بعصبيه ولسه هيتكم الباب خبط وفهد سمح باالدخول ..
دخل وهو بيقفل الباب وفاروق بص وراه واتصدم لما شافه...
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية