رواية تاج الفهد الجزء الثاني 2 البارت الرابع عشر 14 بقلم مريم مصطفى
رواية تاج الفهد الجزء الثاني 2 الفصل الرابع عشر 14
تاج بصدمه: حبوب منع حمل!!!!
فضلت واقفه مكانها بتبص لعلبه الدواء بعدم استيعاب عقلها رافض ان فهد مش عايز انها تخلف منه...
بره كان فهد واقف وشايل تيام لاحظ ان تاج اتأخرت بص لتيام واتكلم: مامتك شكلها معجبهاش الخاتم؟! تفتكر بس انا ذوقي حلو وبيعجبها ف..... فجأة افتكر الخزنه وغمض عينه بغضب من نفسه حاول يروحلها المكتب بس متردد هو اتأكد ان سبب تاخيرها كده انها اكيد شافت الدواء.. غمض عينيه وهو بياخد نفس طويل واتحرك اتجه المكتب وبيفتح بالاوكره بتوتر دخل لقي تاج بتبص لدواء وعيونها بدمع بصمت غريب.
فهد:تاج ارجوكي اسمعيني وانا هشرحلك كل حاجه
تاج بااستهزاء ونبره صوت هاديه:تشرحلي اي ماكل حاجه واضحه اهي!!كملت بصوت عالي ودموعها نزلت:تشرحلي ايييي انك مش عايزني اخلف منك؟!كنت صارحني قولي انك مش عايز يكون عندك اطفال مني ع الاقل كنت ابقي عارفه اني اقدر اخلف ف اي وقت ان لما حد يقولي مخلفتيش لي اقوله مش عايزه دلوقتي مش تخليني اعمل ف تحاليل وفحوصات وادويه وتخلي الناس يبصولي بنظره شفقه علشان فكرني مبخلفش واللي تخبي ابنها مني علشان محسدوش علشان برضو فاكرني مبخلفش واللي تقول عليا ارض بور علشان مبخلفش،انت خلتني اتعرض لكل انواع الاذي النفسي بسبب كلام الناس ونظراتهم ليا اني مش عارفه اجيب حتت عيل خلتني انعزل عن الناس علشان مسمعش كلمهم عن الخلفه والاطفال علشان سيتك مش عايز تخلف مني.
فهد كان واقف مكانه ثابت كان متأكد ان اي واحده مكانها هتعمل كده فضل ساكت لحد ماتخرج كل اللي جواها عايزه تعيط بدل ماتكتم عياطها وخوفها جواها زي مابتعمل مع كل مشكله بتواجهم.
تاج افتكرت العصير ولما كان بيصمم انه تشربه؛فاضحكت بصوت عالي وهي بتخبط ايديها الاتنين ف بعض ودموعها مستمره:العصير!! وانا اللي كنت فرحانه ان جوزي مهتم بيا وراجل حنون بيشربني العصير بالعافيه علشان خايف عليا وعلشان مبكلش كويس وهو اصلا بيخليني اشربه علشان يحطلي ف موانع حمل علشان ميخلفش مني.
فهد:كل اللي انتي بتقولي ده مش صح انا بحبك ياتاج وبتمني يكون عندي بدل العيل عشره منك بس ال....
قطعته تاج وهي بتمسح دموعها:كل كلامك كدب انت كداب انت خونت ثقتي كنت بثق فيك اكتر من نفسي.
فهد:ياتاج...
تاج بمقاطعه:طلقني.
فهد بصدمه:اطلقك!! انتي بتقولي اي تاج!مستحيل
تاج بصوت عالي:بقولك طلقني مستحيل اعيش معاك لحظه واحده بعد النهارده.
قربت تاج منه وهي بتحاول تاخد منه تيام علشان تمشي بس هو رفض وفضل ماسك في وهي بتحاول تاخده منه..
عشق اول ماسمعت صوت تاج عالي طلعت بسرعه من اوضتها ووقفت ع باب المكتب وهي بتسمع كل اللي بيتقال جوا بصدمه ان فهد يعمل كده وف نفس الوقت كان فرحانه ف تاج..لمحت سعد جي ف بسرعه جريت استخبت ف الجنينه....
سعد خبط ع اوضه المكتب لانه قلق من الصوت العالي:فهد باشا ف حاجه حضرتك اتدخل ف الامر؟
فهد من ورا الباب:لاروح انت ياسعد
سعد مشي بهدوء لانه اتأكد انها مشكله عائليه...
تاج:ابعد عن ابني انت راجل خاين.
فهد بصوت عالي:تااااج انا عمري ماخونتك ولا خونت ثقتك فيا.
ف اوضه سليم سيا كانوا قاعدين بيتناقشوا مع بعض كالعاده ويفتكروا ذكرياتهم مع بعض.
سليم: يابنتي اقعدي خلينا نتكلم مفيش حاجه
سيا: مش عارفه ياسليم بس حاسه اني سامعه صوت زعيق تحت
سليم: لا مفيش....
قطع كلام سليم صوت فهد وتاج وهما بيتخانقوا بصت سيا لسليم وهي مبرقه عينها بصدمه.: ده صوت فهد وتاج صح!!!
سليم سحب التيشيرت بتاعه بسرعه وهو بيلبس ونازل وسيا
بتجري ورا وبتقفل الروب بتاعها...
فهد:اهدي علشان نتكلم انا مكنش ف نيتي اي حاجه من كلامك ده
تاج بعصبيه:والله تديني حبوب منع حمل وتقولي مكنش ف نيتك!!بقولك طلقنيييييي..
سليم فتح باب المكتب ع اخر كلمه قالتها تاج..بص لفهد وهو مصدوم من اللي سمعه..وسيا واقفه جمبه مش قادره تفهم طلاق اي الي بتقول عليه.
سيا:يطلق مين؟!!!!
تاج:قولي لااخوكي يسيب ابني ويطلقنيييي
سيا:انتي حصلك اي ياتاج ده فهد انتي اعصابك اكيد تعابنه!!
تاج:اها اعصابي تعابنه فعلا...جريت ع الخزنه وهي بطلع علب الدواء وبترميها ف وش سيا بعصبيه:اخوكي المحترم بيحطلي حبوب منع حمل ف العصير علشان ميخلفش مني...
دخلت سماح بهدوء بعد ماسمعت كلام تاج:اهدي ياتاج اكيد ف سبب ان فهد يعمل كده.
تاج: سبب اي اللي يخلي واحد يدي مراته حاجات تمنع الحمل! مش ده اللي كنتي عايزه تجوزي ياحماتي واحده علشان تجيبله حتت عيل طلعني معيوبه قدامكم.. خلي يطلقني.
فهد بعصبيه: طلاق مش هطلق ياتاج وريحي نفسك لو وصلت اني احبسك ف القصر طول حياتك هعمل كده
تاج: وانا مش عايزه اعيش معاك بعد النهارده.
قربت شدت تيام منه وجريت برا القصر وهي منهاره... فهد طلع علشان يلحقها بس سماح رفضت ومسكته..
سماح: سيبها تهدا دلوقتي وانت كمان تهدا علشان نفهم سبب اللي انت عملته ده
فهد بصوت عالي: يااااااسعد
سعد جه بسرعه: خير يافهد باشا
فهد: مدام تاج خرجت من القصر بعربيتها ابعت حراسه وراها وتفضل حواليها ف كل مكان تروحه.
سعد: اؤمرك يافهد باشا
سماح بحزم: اطلعي شوفي ولادك ياسيا متسبهمش لوحدهم تاني
سيا هزت راسها وهي باصه لفهد بحزن كبير ع حالته اللي هو فيها استأذنت وطلعت..
سليم كان واقف مستني فهد يهدا علشان يعرف يتكلم معاه بعد ماسماح طلعت اوضتها.
سليم:ازاي عرفت مكان البرشام؟
فهد: انا بغبائي اللي خلتها تروح تجيب الخاتم من الخزنه نسيت اني شايل فيها الدواء
سليم: يما قولتلك عرفها وقولها انها...
قطعه فهد بعصبيه:انت عارف اني مقدرش اقولها دي ممكن يحصلها حاجه مش هتتحمل تعرف الحقيقه.
سليم: وهي دلوقتي هتتحمل وهي عارفه انك مش عايز تخلف منها! لازم تقولها الحقيقة
فهد: مقدرش صعب ان اقولها
سليم: يبقا هتفضل شايفك انسان وحش وانك خدعتها ومحبتهاش
فهد: تشوف اللي تشوفه بس كل ده اهون عندي من انها تعرف الحقيقه
سليم: حتي لو اصرت ع الطلاق زي ماحصل؟!
فهد بصله وهو مش عارف يرد هو ميقدرش يتحمل غياب تاج عنه وميقدرش يقولها الحقيقه برضو.
سليم بصله وشايف حيرته طبط ع كتفه: فكر يافهد كويس تاج تعرف وتتحمل الصدمه لفتره مؤقته ياما تبعد عنك طول حياتك.
سليم سابه يفكر ويقعد مع نفسه علشان يهدا ويعرف يتصرف ف تاج سابه ف اوضه المكتب وطلع...
__________
زين وجميله كانوا واقفين ع السلم ف عماره ماسه.
جميله: يعني احنا جيين لي برضو؟!
زين: تاني يا جميلة علشان تصلحي ماسه ع كلامك اللي قولتي ليها الصبح ف القسم... وبالمره اشوفها انا كمان لان مينفعش ادخل شقتها لوحدي لانها عايشه لوحدها.
جميله ضربته بالشنطه بتاعته ف وشه: قول كده انت عايز تشوفها ووخدني كوبري
زين: مش كوبري بالظبط يعني بس اهي حجه والسلام علشان اشوفها
جميله بتريقه: طب اطلع يعم العاشق قدامي خلينا نخلص.
زين طلع وهو متحمس انه هيشوف ماسه رن الجرس وهو مبتسم وواقف يظبط قميصه وجميله واقفه بتبصله بقرف.
الباب اتفتح وماسه بتحط الطرحه ع شعرها بصت بستغراب لجميله...
جميله: مش عايزني ادخل ولا اي؟
ماسه بإبتسامة: لا والله مش قصدي اتفضلوا... انا بس بحاول اعرف حضرتك تاج هانم ولا جميله هانم.
زقتها جميله بخفه وهي بتدخل الشقه ووراها زين اللي بص لماسه ببتسامه واسعه.
جميله: هو اي اللي هانم دي انتي شيفاني لبسه فستان وبرنيطه فوق راسي علشان تقوليلي هانم.
ماسه هزت راسها وبصت لزين بخجل.
جميله: ودلوقتي بقا قوليلي تفتكري انا تاج ولا جميله؟
ماسه بتفكير: حضرتك اكيد جميله.
جميله ضمت حواجبها: وانتي متأكده اني جميله اوي كده لي!!
ماسه: زين كان حكالي كتير عنكوا اللي فهمته ان مدام تاج هاديه و...
قطعتها جميله: قصدك اي اني مجنونه!!
ماسه: لالالا انا بس...
جميلة: اهدي انا بهزر هو فعلا تاج هاديه خالص احنا عكس بعض ف حاجات كده برغم الشبه بينا.. بصت لزين: وانت هتفضل واقف كده ماتقعد ولم عينك عن البت شويه.
زين قعد ع الكرسي جمبها وهو وبيص لجميله بغيظ.
مياسه: تحبوا تشربوا اي
جميله: احنا مش جيين نشرب.. انا جايه اعتذرلك ع كلامي اللي حصل الصبح ف القسم
مياسه: حضرتك بتقولي اي انا متفهمه الموقف كله ومزعلتش منك انتي بتحبي زين اكتر من نفسك وانا عارفه ده كويس وخوفك عليه شئ طبيعي
جميله قامت وقربت عليها: ولما انتي عارفه اني بحب زين رفضتي حبه لي وانه يتقدملك
مياسه بتوتر وعيونه باصه لزين: انا مرفضتش حبه انا بس...
جميله: بس اي؟كنت فكره اننا هنرفضك مثلا؟! انتي قولتي ان بحب زين ولما زين يحب حاجه لازم انا احبه لاني ديما بثق ف اختيارته ويمكن افضل اختيار اختاره انتي.
رفعت مياسه عيونه بحب لجميله فاكملت كلامها:بابا وماما عمرهم ماهيرفضوكي انتي اكتر بنت مناسبه لااخويا.
زين كان قاعد وباصص لجميله بحب كبير عيونه لامعت بدموع ع كلامه.
ماسه: انا مش عارفه اقولك اي ع كلامك ده حقيقي انتي شخصيه كويسه انتي قدرتي تطمني.
جميله:اعتبرينا من النهاردة اهلك وانا وتاج اخواتك.
حضتها ماسه وزين غمز لماسه بمشاكسه..
___________
دخلت الڤيلا عند اهلها ودخلت كانوا قاعدين بيتعشوا.
صفاء اتنفضت بفزع من شكل تاج وكحلها السايح ع وشها من العياط جريت عليها وهي بتاخد تيام منها:مالك ياقلب امك ف اي فهد كويس
مصطفي:ف اي تاج جوزك بخير يا حبيبتي
صفاء حطت تيام ع الكنبه ومسك ايد تاج:يابنتي ف اي تطمنيني عليكي اي اللي حصل.
تاج بصتلها ومره واحده انفجرت ف العياط واترمت ف حضن امها:فهد كان بيحطلي حبوب منع حمل ف العصير عشان ميخلفش مني انا مش معيوبه يماما انا اقدر اخلف زي كل الستات.
جمله تاج لجمت مصطفي مكانه وصفاء حاضنه تاج ومش قادره تصدق اللي قالته.
مصطفي:يابنتي انتي بتقولي اي لو مش عايزك تخلفي مكنش وافق ع كلامك وخلاكي تجيب طفل من ملجأ.؟
تاج كانت بتعيط بصوت عالي صوت مليان حسره وقهر ووجع كبير مكنتش سامعه اي كلام من امها وابوها...
صفاء بدموع:عيطي يا حبيبتي طلعي كل اللي جواكي يافيروز
'"صفاءبتحب تنادي لتاج بااسمها الحقيقي لان هي اللي كانت مختاره ليها"
مره واحده حست ان جسم تاج تقل وصوت عياطها مبقاش موجود..اتنفضت بخوف:الحقني يامصطفي.
مصطفي قرب عليها وشالها طلعها اوضتها هي وجميله حطها ع سريرها وطلب الدكتور بسرعه.
_________
فهد كان قاعد ف جناحه حاسس بفراغ كبيير عيونها بتبص ع كل مكان ف الجناح مكان ماكانت تاج بتقف افتكر كل ذكره كانت بينهم ف كل مكان ف الجناح بتاعهم.. حاسه انه مش قادر يقعد ف القصر كله من غير وجودها خد مفاتيح عربيته ونزل.
سماح وقفته ع السلم:فهد...
فهد:ارجوكي مش وقته لاني مش قادر اتكلم.
سابها ونزل قابل فاروق وعشق تحت تجاهلهم تماما لانه مش عايز يتخانق مع فاروق حاليا.
فاروق:مالوا ده؟!!
عشق بخبث:اصله الهانم مراته سابت القصر
فاروق بستغراب:سابت القصر لي انا اعرف انهم بيحبوا بعض وانهم زوجين متفاهمين!!
عشق بحقد:لا الحب طلع من طرف واحد بس فهد مبيحبهاش ومش عايز يخلف منها...حكتله عشق ع اللي سمعته ف اوضه المكتب
فاروق بتفكير:بس لا فهد من الواضح انه بيحبها ف حاجه غلط
عشق بضيق:ولا ف حاجه ولا بتاع كل الحكاية ان فهد مبيعرفش يحب
فاروق بااستهزاء:وانتي اللي بتعرفي
عشق: انا داخله انام علشان هروح الشركه بدري وانت خليك ف الجنينه
فاروق كان قاعد مضايق ف الجنينه لانه مش هيشوف جميله.
فاروق مستغرب نفسه ان بيفكر فيها باالشكل ده ولا اي؟!
_______
ف عربيه زين وجميله..
جميله: قولتلك بطل زن يومين ونجيب بابا وماما ونيجي نطلب ايديها.
زين وقف العربيه ع جمب وبص لجميله: انا مش عارف اشكرك ازاي ع كل حاجه ياجميله.
جميله: تشكرني!! انا اختك يازين لو ناسي؟
زين: لا مش ناسي بس انتي عوضتيني ع غياب امي حتي والدتك اللي هي المفروض مرات ابويا رغم كل الاذئ اللي امي عملته فيها الاان هي قدمتلي حب كبير وبتعتبرني ابنها انتي وقفتي كتير معايا ف كل ازمه كنتي بلقيكي جمبي انا بحبك اوي ياجميله.. تعرفي اني روحت زياره من يومين علشان ازور امي ف السجن.. دمع زين: بس عارفه عملت اي؟ رفضت تقابلني وقالت اني ابني عاق.
حضنته جميله وهي بطبط عليه: انت احسن ابن واخ ف الدنيا انت مفيش ف حنيه قلبك .. كملت جميله بهزار وهي بتضربه ع كتفه: وبعدين اي عوضتك عن امك دي انت شايفني عندي خمسين سنه!!!
ضحك زين وهو بيمسح دموعه: مش هتتغيري ياجميله انا عارف
جميله: طب اطلع يااخويا بدل ماحد يفهمني غلط ويخدونا وضع مخل ف الطريق العام
ضحك زين ع كلامه ودور عربيته ومشي.
_______
زين فضل يلف بعربيته حواليا ڤيله مصطفي وف الاخر نزل ودخل الشغاله فتحتله الباب ومصطفي كان نازل ع السلم بيوصل الدكتور لتحت.
فهد بص لدكتور بقلق: هو ف اي ياعمي؟
مصطفي بص لفهد بضيق: انا اللي عايز اي اعرف ف اي؟
فهد: اطمني ع تاج
مصطفي: جالها انيهار
فهد بقلق: انيهار!!! طب هطلع اشوفها
فهد كان طالع بس مصطفي مسك ايده واتكلم بحزم: الدكتور عطلها مهدا ونايمه..ودلوقتي محتاج اعرف مالها بنتي؟
فهد: خليك واثق فيا اني عمري ماهاذئ تاج بس مش هينفع اتكلم ف اي حاجه غير لمااتكلم مع تاج الاول
مصطفي تفهم تفكيره وسابه يطلع لتاج..
فهد طلع وشافه نايمه قرب عليها بهدوء وقعد جمبها وهو ماسك ايده مكنش عايز يتكلم ولا يقول حاجه غير انه يفضل باصص لوشها بيتامله وبس.
______
ف المستشفي ورد دخلت العمليات وحسام وقف بره قلقان حاول يكلم فهد بس موبيله كان مقفول.
بعد شويه طلعت الممرضة وهي شايله بنت صغيره خالص قربت ع حسام: مبروك جالك بنوته
حسام بلهفه: ورد كويسه؟
الممرضه: هي كويسه والوالده كانت سهله لان الوالده التانيه بتكون اسهل من الاوله شويه وهننقلها ع اوضه تانيه.
حسام بسعادة شال البنت وهو بيضحكلها: اممم يعني كده انا اخدت لقب ابو البنات اسميكي اي بقا ولا نخلي ماما هي تختارلك اسمك.
خرجت ورد من غرفه العمليات ع الترولي علشان تتنقل لاوضه عاديه.
مشي حسام وراها وهو شايل البنت وورد تحت تأثير المخدر..
_______
ف قصر السيوفي"
سيا: يعني انت كنت عارف ان فهد بيحطلها حبوب منع حمل؟!!!
سليم: اها ومش هقول اكتر من كده
سيا: بس ده اخويا ولازم اعرف لي عمل كده؟
سليم: وهو اخويا ومينفعش اقول سره لحد غير لما هو بنفسه يتكلم
سيا: بس...
قطع كلام سيا صوت رنه موبيل سليم رد وكان حسام.
سليم: بتقول اي ورد ولدت جابت بنت.. مبروك يا حبيبي.. اكيد هجيب سيا واجيلك تمام سلام ياابو البنات
قفل سليم الفون وبص لسيا: طبعا سمعتي ان ورد ولدت يلا علشان هنروحلها لان ولدتها ف البلد ومفيش حد معاها
سيا: هكلمك المربيه تيجي علشان فهد وفيروز.
سليم: تمام وانا هدخل البس لحد ماتخلصي..
_______
فهد كان لسه ماسك ايد تاج بدات تفوق براحه وهي بتفتح عيونها شافت فهد قدامها ودت وشها الجهه التانيه.
تاج: اطلع بره.
فهد: لا ولازم تعرفي انا عملت لي كده انا مبحبتش حد قد ماحبيتك لازم تعرفي اني مقدرش اعيش من غيرك انا لو عليا عايز اجيب منك عيال كتير بس مينفعش.
تاج: واي اللي منفعوهش
فهد: علشان خاطري بلاش تعرفي ع الاقل دلوقتي بس
تاج: دي هتكون اخر مره نقعد فيها مع بعض لو مقولتليش عملت فيا لي كده لانك هطلقني.
فهد اتردد يتكلم بس تاج اصرت وبشده انها لازم تعرف كل حاجه
فهد: مينفعش تخلفي لان الرحم مش هيتحمل وكل الاشاعات والتحليل اللي كنا بنعملها مكنتش علشان تعرفي تخلفي لا عشان نحاول نشوف حل ان الرحم ميتازمش اكتر من كده
تاج بتسمع كلام فهد بس حاسه انها ف عالم تاني مصدومه من كل حاجه حواليا اتكلمت بهدوء: انا اقدر اخلف؟
فهد: اها بس مقابل حياه طفل انتي هتجبي حياتك هتكون قصاده لان زي ماقولتلك الرحم صعب يتحمل وانا مستحيل اخاطر بحياتك علشان عيل.
تاج بصت لفهد واتنهدت بتعب وقامت وقفت: مش انت اللي المفروض تقرر عني اوتاخد خطوه زي دي لوحدك
فهد: علشان كنت عارف..
قطعته تاج وهي باصه لفهد بعدم ثقه: عايزه اروح لدكتوره انت متعرفهاش ودلوقتي حالا...
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية