رواية تاج الفهد الجزء الثاني 2 البارت الخامس عشر 15 بقلم مريم مصطفى
رواية تاج الفهد الجزء الثاني 2 الفصل الخامس عشر 15
تاج:بجمود يبقا تنزل معايا دلوقتي نروح عند دكتوره أنا اللي اختارها
فهد بصدمه:لدرجه دي مش واثقه فيا ولا ف كلامي؟!!!
تاج بجمود: للاسف اها
فهد: انا مقدر حالتك بس نستنا لصبح.
تاج:لا دلوقتي حالا ومش باخد رايك لاني جيت معايا اومجتش مش فارقه هروح لوحدي .
سابته ودخلت تجهز وفهد واقف مصدوم أنها لاول مره تعمله بالحفا ده ...
طلعت من الدرسينج بعد ما خلصت لبست .
تاج:يلا علشان مش عايزه أتأخر.
نزلت بسرعه وعيونها بدمع ونزل فهد وراها ..
صفاء بلهفه: رايحه فين يافيروز انتي تعابنه ياحبيبتي
تاج:أنا كويسه مشوار بس مهم ولازم يخلص النهارده..بس ارجوكي خلي بالك من تيام.
سابتها بسرعه وطلعت فتحت عربيه فهد وقعدت ورا منتظره
نزل فهد وصفاء بصتله بعتاب ..
مصطفي:ازاي تسمحلها تخرج وهي بالحالة دي!
فهد:متقلقش يا عمي انا معاها..بس بلاش نظره العتاب اللي شايفها ف عيونكم دي صدقني انا عمري مااذي تاج خليك واثق كلامي
مصطفي طبط ع كتفه بثقه:وانا واثق فيك يابني .
فهد سابه وطلع لتاج اتفجا أنها قاعدة ورا
فهد وهو بيدور العربيه: لدرجه دي مش عايزه حته تقعدي جمبي!!
تاج:لو سمحت أتحرك انا عارفه دكتوره كويسه هشرحلك مكانها
فهد اتنهد بضيق واتحرك بالعربيه مكان ماتاج وصفتله...
________________
دخل سليم وسيا المستشفى وسألوا ع اوضه ورد ..
سيا: حمدالله ع سلامتك ياحبيبتي
ورد بتعب:الله يسلمك ياسيا
سليم:تتربا ف عزكوا بإذن الله
حسام بسخرية:يخويا اللي ماشوفناك داخل علينا بكيلو موز حته
سليم:طب ماتجيب انت الموز اجيب أنا لي ...وبعدين هو أنا لحقت ده انت قولتلي تعاله بسرعه
حسام:مانا برضو مكنتش اعرف انها هتعملها وتولد النهارده
سيا وهي بتشيل البنت من جمب ورد:ماتبس بقا انتو الاتنين انتو ع طول كده!!!
سليم:قولي للاخ اللي مابيصدق يشوف وشي علشان يتخانق معايا ع اتفه سبب.
حسام:كل ده علشان قولتلك مجبتش حاجه معاك معفن"
سليم ببرود:معلش لما ورد تولد تاني هبقا اعمل حسابي
ورد:اولد تاني اي!!!!هو انا ارنبه ولااي كفايه اوي اتنين الحمدلله نعمه من عند ربنا.
حسام:نعم ياختييي اتنين اي!!انا لسه عايز خمس بنات كمان عايز طول مانا ماشي ف البيت القي بنات كتير ولما يكبروا يكون سنهم قريب من بعض والبيت كله يتملي حنيه ودلع..البنات رزقها واسع ولما اضايق من حاجه القيهم حواليا وأيديهم بالطبط عليا بحب وحنان كبير وابقي ابو البنات.. البنت حبيبه ابوها .
الكل كان باصص لحسام وهو بيتكلم وسرحان ف شكل بناته لما يكبروا.
سليم:خلصت احلامك دي بقا؟
حسام:مسيره أحلام بس أنا حققها.
ورد بسخرية:وهتحققها ازاي بقا لما أنا مش هخلف تاني اصلا
حسام ببرود وهو بيحط ايده ف جيوبه: بسيطة هتجوز
ورد:ت اي ياخويا
حسام:اتجوز يروحي
ورد:طلعوه بره ياسليم انا واحدة لسه والده ومش حمل مناهده مع الجدع ده
حسام:جدع!!!
سليم:بس انت ليك عين تتكلم اطلع قدامي بس
حسام': هنروح فين!!
سليم بسخرية:تعاله بس ياابو البنات وانا هقولك.
خرجوا بره وسيا وورد ف الأوضه
سيا: والله الاتنين مالقيهم غير فهد يعدلهم.
ورد:ع رايك والله..بجد مش عارفه اشكرك ازاي انك جيتي تعبتك معايا .
سيا بزعل:أخص عليكي هو انا مش أختك ياورد وصحبتك من ايام الجامعه لي تقولي كده.
ورد:مش قصدي والله انتي اكتر من اخت ياحبيبتي متزعليش بقا
سيا:ماشي ياستي.. المهم هتسموها اي ؟
ورد:أنا وسليم اتفقنا ع فجر علشان يكونوا ع حرف واحد هي واختها فريده
سيا بابتسامه:جميل ربنا يحفظها .
____________
ف عربيه زين وهو داخل بالعربيه قصر السيوفي وجمبه جميله.
زين:مش فاهم برضو عايزه تقعدي مع تاج هنا لي
جميله:انت عايزني اسيب أختك مع الصفره اللي جوا دي !وانت عارف تاج طيبه ويضحك عليها بسهوله
زين:اها طبعا وانتي المعلم عبدو اللي هيحميها.
جميله:طبعا أنزل بقا اقعد معايا لحد ماتيجي هي وفهد من بره لأنهم اكيد هيتاخروا وانا مش عايزه اقعد لوحدي
نزل زين معاها ودخلوا جوا قابلهم فاروق ف الجنينه وهو ماسك ملفات تبع شغله بيخلصها..عيونها اترفعت بسرعه وهو مبتسم لما سمع صوتها وهي بتضحك مع زين .
فاروق:أنا قولت مش هتيجي
جميله:نعم!!!ومجيش لي أن شاءالله
فاروق:مش قصدي بس علشان مدام تاج مش موجوده بعد اللي حصل
زين بعدم فهم:وهو حصل اي؟
فاروق عرف أنهم ميعرفوش حاجه ف محبش يدخل علشان يخلي جميله موجوده شويه:قصدي أنها مش موجوده بس.
زين لاحظ نظراته لجميله ف بصله بتحذير ومسك ايديها ودخل جوا..
فاروق لنفسه:مش عارف اي سبب السعاده اللي بحس بيها دي كل ما اشوفك بس كل اللي حاسس بي اني حبيتك من اول يوم شوفتك في .
جوا القصر عشق كانت قاعده مستنيه فهد علشان تشوف هيجيب تاج معاه ولاهيطلقها
دخلت جميله وزين لجوا ف استغربت عشق أنهم جايين بعد اللي حصل .
عشق بخبث :اكيد جايه علشان تاخدي حاجات اختك
جميله:واخد حاجات اختي لي ياعقربه انتي
عشق:انتي متعرفيش أن أختك سابت القصر بعد خناقه كبيره اوي بينها هي وفهد
جميله:انتي بتقولي اي يوليه انتي لا بقولك اي والله امسكك ارنك العلقه اللي هي وارميكي ف اوضه الفيران انا بقولك اهو
زين:اهدي بس ياجميله نفهم ف اي .
جميله:نفهم من مين ؟من العقربه الصفره العريانه دي!!
عشق: صدقيني مش هرحمك يوم ماتقعي ف ايدي.
جميله وهي بتبص لزين:يمي يمي خاف ياعيد ..خفت أنا كده .
نزلت سماح من فوق وهي مضايقه:بس اي اللي بيحصل هنا ده
زين: مساء الخير يا سماح هانم
سماح:اهلا يازين ياحبيبي تعاله واقفين كده لي؟!
جميله:هي تاج فين؟
سماح بصت لعشق :وحضرتك واقفه عندك بتعملي اي ياريت مشوفش وشك قدامي ولاتدخلي ف اي حاجه خاصه بالعيله غوري يلا.
بصتلها عشق بحقد وراحت لفاروق وهي بتولع من كلام سماح .
سماح بهدوء:متقلقيش يا جميله مشكله صغيره بينها وبين فهد زي اي بيت وهي حبت تروح بيت والدك ترتاح شويه وفهد اكيد راح يصالحها
جميله باستغراب:بس تاج اول مره تسيب البيت وتبعد عن فهد!!
سماح:اعتقد دي أمور خاصه بينهم ربنا يصلح حالهم ..
زين:طب نستاذن نروح نطمن عليها
سماح:طب خليكوا شويه .
جميله:وقت تاني لازم اروح علشان تاج.
سابوا سماح ومشيوا ع ڤيلتهم علشان يفهمه اي اللي حصل مع تاج.
________
عند الدكتوره ...
تاج كانت ف اوضه الكشف وفهد جمبها بعت سعد القصر يجبله تحاليل واشاعات تاج اللي كان مخبيهم ف مكتبه.
الدكتوره:اتفضلي يا مدام تاج قومي
قامت تاج بتوتر وهي بتعدل لبسها :ياريت تطمني يا دكتوره
الدكتوره:مفيش مانع انك تخلفي اكيد بس للاسف حياتك انتي هتكون صعبه زي ماواضح من الكشف بتاعتك وكمان الاشاعات دي كلها بتقول أن خطر ع حياتك لأن الرحم مش هيتحمل وجود جنين وده ممكن يخلنا أننا نضطر نشيل الرحم بعد الولادة أو للاسف نخسرك..
تاج اتجمدت مكانها من كلام الدكتوره مكنتش قادره تتكلم بصت لفهد بنظرات خاليه من التعبير تماما خدت شنطتها بسرعه وطلعت من عيادة الدكتورة وفهد وراها.
عدت الطريق وهي بتجري ووقفت قدام النيل وبتتنفس بخنقه ودموع نازله ع وشها بدون صوت كلام الدكتوره بيتردد ف ودنها..
فهد حب أنه يسببها تقف لوحدها ف قعد ع كرسي وراها وعيونه بدمع عليها لأنه عارف احساسها اي دلوقتي.
تاج كانت واقفه بتبص لنيل وشايفه كل التعب اللي شافتهم ف حياتها ع المياه اكانه مسلسل وبيتعرض قدامها كل ذكره مؤلمه كانت بتفتكرها دموعها تنزل اكتر لحد اكبر ذكره ليها وهي أنها مينفعش تخلف اتنهدت بصوت عالييي وبتاخد نفسها براحه لفت وراها شافت فهد بيبصلها وعيونه حمرا من الدموع...اتكلمت بجمود وهي بتمسح دموعها:أنا هرجع معاك القصر
فهد ابتسم وهو بيقرب عليها علشان يحضنها بس منعته باايده:لا متقربش لاني عمري ماهسامحك ع اللي انت عملته ده
فهد:ياتاج صدقيني كنت خايف عليكي
تاج:دي مش حاجه تخصك لوحدك كنت المفروض تشاركني تاخد راي مش عملاني لعبه وبتلعب بيها ...واوعي تفتكر اني هرجع القصر ابقي سامحتك
فهد بصلها بتفكير:امال راجعه لي!!!
تاج:مع الوقت هتعرف ...لو سمحت وصلني لبيت اهلي علشان اجيب ابني .
فهد محبش يتكلم اكتر من كده معاها كفايه أنها هترجع معاه المهم تكون جمبه.
_____________
ورد:واحنا هنفضل كده كتير حاطين أيدينا ع خدنا لحد مانلقي فهد بيخرجنا من القصر والشركه
فاروق:فهد دلوقتي مش واعي غير لمراته يعني مش فاضي لينا
عشق:واحنا لسه هنستنا لما يكون واعي ويفوق لينا احنا لازم نسبقه بخطوه
فاروق:بعدين أنا دماغي مش فاضيه دلوقتي
عشق بسخرية:لو فضلت مشغول بالهانم كتير مش هنطول حاجه.
سابته ومشيت وفاروق بيلعن اليوم اللي شاف عشق فيه .
_______________
جميله:يعني اي مش فاهمين اي اللي بيحصل وازاي تسبوها تخرج معاه وهي سايبله البيت
مصطفي:هي وجوزها احرار ودي مشاكلهم لما يحتاجوا مننا ندخل اكيد هندخل نصلح بينهم غير كده ميصحش .
جميله:ازاي يعني دي مشكله كبيره ماما بتقول أن فهد بيدلها ادويه علشان مبتخلفش !
مصطفي:تاج مكنتش واعيه هي بتقول اي كلمه وطلعت منها ف وسط الزعل بينهم يبقا هنمسكها بقا ونخرب حياتهم؟!
زين:جميله متقصدش يابابا هي بس بتخاف ع تاج شويه.
نهاء كلامهم دخول فهد تاج..
جريت جميله عليها وهي بحضنها:انتي كويسه اي اللي مزعلك ولي سبتي القصر ؟
تاج بابتسامة بسيطة:كل دي أسأله!!!متقلقش انا كويسه موضوع صغير وفهمت غلط وفهد خدني يخرجني اغير جوا .
جميله بصتلها بعدم اقتناع بس سكتت .
صفاء:انتي كويسه يافيروز ؟
تاج:أنا بخير وكويسه متقلقيش عليا اسفه اني قلقتكوا
مصطفي:متقوليش كده وبعدين ده بيتك ياحبيبتي
فهد:ربنا يخليك يا عمي لينا .. تاج بعد اذن حضرتك هتروح معايا ع بيتها ده كان خلاف بسيط بينا وهي فهمته غلط
مصطفي: ربنا يهدي سركوا يابني.
تاج:مش هتيجي معايا يا جميله!
جميله:لا يحيبتي بكره الصبح من النجمه هتلقيني عندك
تاج هزت راسها بابتسامة وقربت خدت تيام من أمها وفهد استأذن ومشيوا ...
زين :طب الحمدلله تاج وطلع معندهاش مشاكل مع جوزها وكلكوا متجمعين بربطه المعلم هنا حلولي مشكلتي بقا.
صفاء:مشكله اي ياحبيبي.
زين بابتسامه واسعه:عايزه اتجوز ياحجه
مصطفي وهو بيقعد:وياترا بقا تعيست الحظ اللي عايز تتجوزها موجوده ولا هندورلك عليها
زين وهو بيظبط قميصه بغرور: موجوده طبعا .
مصطفي:بنت مين حد من شركاناء ؟
زين:احم لا ياحج هو الموضوع اصل..بص لجميله علشان تتكلم ..
جميله:هي بنت بسيطه يابابا أهلها متوفين من زمان شغاله ف ورشه ميكانيكية ومتخرجه من كليه هندسه.
مصطفي بتفكير:واضح انك عارفه كل حاجه من الاول
جميله:زين مبيخبش حاجه عليا.
صفاء:ربنا يخليكوا لبعض..بس لي يازين متوتر وانت بتقول عن أهلها كده يابني
زين:خايف ترفضوها.
مصطفي: وانا من أمته برفض اي حاجه انت عايزها أو بفرض رايي عليك ؟!
زين بفرحه:يعني انت موافق
مصطفي :اكيد الأهم عندي سعادتك وبس
صفاء حضنت زين بفرحه:ربنا يتمملك على خير ياحبيبي.
____________
دخلت تاج القصر وفهد وراها استقبلتهم سماح.
سماح:نورتي بيتك ياتاج.
تاج:تسلمي يا ماما عن اذنكوا علشان محتاجه ارتاح شويه
طلعت تاج لجناحها فوق .
سماح: افهم اي اللي خلاك تعمل كده فيها؟
فهد:مش وقته ياامي لو سمحت بعدين نتكلم
سماح محبتش اضغط عليه وسابته وطلعت أوضتها
دخل الفهد مكتبه وفتح اللاب بتاعه يشوف اميلات الشغل ....
دخلت عشق براحه لحد ما وقفت قدامه.
عشق بخبث:لدرجه دي مشغول علشان متحسش بوجودي.
رفع عينه من ع اللاب بغضب كبير:انت ازاي تدخلي هنا ؟
عشق قربت عليها :أنا متاكده انك لسه بتحبني زي زمان أنا أقدر اجبلك الطفل اللي انت عايزه ويبقا من صلبك انت بس انت وافق وانا موجوده ف اي وقت
شدها فهد من شعرها بعصبية:حب مين يا***ده كان شغل عيال كنت مغفل لما فكرت مجرد تفكير اني احبك ..ويوم مااجيب عيل هجيبه من واحده ****زيك لي شايفني مركب قرون انتي واحده رخيصه ..
شدها من ايديها وخرج بيها بره ونادا ع سعد بصوت عالي ..
سعد:اؤمرني يافهد باشا
فهد:الزفت فاروق فيين؟
سعد: موجود ف الجنينه بره .
فهد سحبها من ايديها بسرعه وراح لفاروق وهو متعصب..رمها عليه..
فهد:بدل ما انت نايم ع ودنك كده لم مراتك اكيد عارف عمايلها الو***وعارف أنها رخيصه بس لما تبقا متجوزكي وع ذمتك وتيجي تعرض نفسها عليا بكل رخص تبقا انت مش مالي عينها
فاروق بصوت عالي وعصبيه:فهد .
قاطعه فهد :من غير ولا كلمه ولا تفتح بؤقك معايا واوعاك تعلي صوتك ف بيتي كده تاني ..
جه فهد علشان يمشي بس رجع تاني وبص لفاروق بسخرية :ياريت تلم حريمك علشان طول ماانت متجوز واحد زي دي هتفضل مركب قرون ياابن عمي ...
سابه وطلعه جناحه وفاروق بص لعشق بكل غل ..
فاروق وهو بيضربها بالقلم:لازم تعرفي انك قدامهم شايله اسمي يعني تتعاملي باحترام اللي عملتي ده مش هعديها بالساهل انتي رخيصه فعلا بس لحد ماالعبه الو***تخلص تحترمي نفسك قدامهم علشان اسمي وبعد مانفضها تقدري تبيعي نفسك لاي حد زي ماانتي متعوده .
بصلها بقرف وسابها واقفه مكانها حطها ايديها مكان القلم ع وشها وبتكلم وهي ديسه ع سنانها بحقد:هدفعكوا التمن غالي ياعيله السيوفي كل واحد ف القصر ده هيدفع التمن وغالي اوي ..
___________
حسام بود:شكرا انك جبت سيا ف الوقت ده وجيت أمها مسافره البلد ومحبتش أزعج فهد لاني عارف المشاكل اللي هو فيها .
سليم وهو بيدخن هوا السجاره ف الهواء:بس وحيات أبوك شغل المسلسلات دي من امته وف بينا الرسميات دي اسكت بإحسام بدل ماامد ايدي عليك
حسام: مفيش فيك فايده برضو
سليم وهو بيطفي السجاره:طب يلا ياابو البنات علشان نطلع نشوف الدكتور هيكتب ع خروج أمته لمراتك بدل ماانت سايب بنتك الكبيرة مع المربيه ف البيت كده.
حسام:عندك حق يلا...
_________
ف جناح فهد...
دخل لاقيها قاعدة ع السرير وسرحانه
فهد:هتفضلي كده كتير
تاج:أنا هخلف يافهد
فهد بذهول:انتي بتقولي اي !!!
تاج:زي اي واحده ف الدنيا طبيعي هتخلف...وده السبب اللي خلاني ارجع معاك
فهد:وده مش هيحصل مستحيل اخاطر بحياتك علشان حتت عيل .
تاج:ده قراري هخلف مهما كان التمن حياتي المهم احس بشعور أن ف حاجه جوايا
تاج تماسكت بهدوء علشان تعرف توصل لهدفها قربت من فهد بحنان: عايزه حته منك طفل واحد بس
فهد :ف المقابل هتكون حياتك ياتاج أنا مقدرش اعيش من غيرك لما عرفت من الدكاتره حالتك قررت اخبي عليكي علشان مش مستعد اخسرك انتي روحي فكره اني ممكن اعرض حياتك للخطر بتسحب روحي ياتاج.
تاج قربت منه اكتر وهي بتتكلم بدلال:لي بتفترض السوء مش يمكن مفيش اي حاجه من دي تحصل ربنا كبير
فهد بضعف:ونعمه بالله بس لا مستحيل اعرضك للخطر .
تاج شدته لحضنها وهو بيحضنها زي المسحور طفت النور بهدوء وخدته لجنه اخرتها هتكون ندم فهد أنه ضعف قدامها ...
_________
تاني يوم الصبح تاج قامت بسعاده ونشاط كبيره فتحت البلكونه والنور دخل الأوضه ع وش فهد وهو نايم.
فهد بنوم: تاج عايز انام شويه اقفلي البلكونه لو سمحت
تاج:كده هتتاخر ع الشركه يلا قوم بقا
فهد فاق بسرعه وهو بيفتكر اللي حصل حط ايده بين وشه بضيق ..
تاج:مالك يافهد ف اي؟!!!
فهد:عملتي اللي ف دماغك برضو
تاج:اللي حصل حصل مش هنتكلم ف الموضوع ده كتير عن اذنك هاخد شاور علشان توصلي لورد المستشفي قبل ما تروح الشركه علشان ولدت امبارح بليل
بصلها فهد بندم كبير وهي قامت من قدامه تجهز فضل قاعد مكانه مخنوق من نفسه مش عارف يتصرف زي ..
____________
سيا دخلت القصر شافت سماح قاعدة بتفكر علشان تروح الشركه
سيا: صباح الخير يا ماما
سماح:شكلك منمتيش
سيا:مش اوي فجر بنت ورد مبطلتش عياط من وقت ما طلعت من بطن أمها ومش بتسكت غير معايا
سماح بابتسامه:هما الأطفال بيكون كده ف السن ده يعني مش فاكره ولادك عملوا فينا اي
سيا:ده لولا تاج ساعدتني فيهم كان زماني اتجننت منهم
ضحكت سماح:بمناسبه تاج اخوها صالحها وجابه القصر امبارح
سيا: طب الحمدلله بس برضو معرفتيش اي السبب انه عمل كده
سماح:لا بس اللي متاكده أن فهد اكيد عمل كده علشان مصلحه تاج ...المهم سليم فين ؟
سيا:مع حسام ف المستشفى وانا جيت اطمن ع فهد وفيروز وارتاح شويه.
سماح:ماشي ياحبيبتي وانا هروح الشركه علشان عندي اجتماع
سيا قعدت تفطر بعد ما سماح مشيت نزلت تاج وهي شايله تيام وفرحانه...سيا بصتلها باستغراب أنها فرحانه كده .
تاج: صباح الخير ياسيا
سيا: صباح الفل ياحبيبتي بس لو مفهاش اساءه ادب انتي مالك منشكحه كده لي
تاج ضحكت بصوت عالي:هو مش من حقي افرح ولا اي!
سيا:مش قصدي بس امبارح من النهارده يختلف وبعدين بقالي كتير مشوفتكيش بتضحكي كده.
تاج: هقولك بس بعد ما ارجع من عند ورد
سيا:الاستني أنا جايه اشوف الأولاد وكنت هريح شويه ورا حلها تاني بس بما انك رايحه نروح سوا ...
تاج:طب اجهزي بسرعه علشان فهد قرب ينزل ...
طلعت سيا بسرعه اطمنت ع اولادها وخدت شاور وجهزت ونزلت لقيت تاج وفهد منتظرنها ..ركبوا العربيه واتحركوا.
سيا لاحظت أن فهد متعصب ومش بيتكلم مع تاج بصت ع تاج لاقيتها فرحانه اوي استغربه اكتر
سيا:فهد انت كويس
فهد :اها ياسيا احنا وصلنا انزلوا
تاج:مش هتنزل تبارك لحسام؟
فهد بضيق منها: اطلعوا وانا هحصلكوا.
_______
ف الشركه ف مكتب فهد تحديدا دخلت عشق براحه وهي بتقلب ف كل الملفات والادراج ..
اتفتح الباب فجأة والملف وقع من ايديها .....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية