رواية تاج الفهد الجزء الثاني 2 البارت السادس 6 بقلم مريم مصطفى
رواية تاج الفهد الجزء الثاني 2 الفصل السادس 6
سيا كانت واقفه بتخبط جامد ع الباب علشان سليم يفتح
سيا بصوت عالي: افتح ياسلييييم ده انا هخلي نهارك مش معدي النهارده افتح يلا بدل ما افتح دماغك.
الجيران بدوا يطلعوا ع الصوت وبيحولوا يفهمه ف اي..
ست كبيره قربت من سيا وحاولت تكلم معاه: اهدي يابنتي مينفعش كده ده مهما كان جوزك وكده بتفضحي.
سيا: جوزي اي حجه ده معاه نسوان جوا.. وكملت بصوت عالي: افتح ياسليييم يابتاع النسوان افتح ياابن نصار انت هتجيبه من بره ياعيله يواطيه.
الست الكبيره: يابنتي مينفعش كده اهدي بس يمكن انتي ظالمها
سليم كان واقف ورا الباب وبيكلم حسام ف الفون وبيضرب وشه بايده.
سليم: بتضحك ع اي الله يخربيتك مش دي شورتك المهببه
حسام:انا مكنتش اعرف ان سيا الجنان عندها وصل لكده
سليم:واديك عرفت انا سمعتي بقت زفت ف العماره دي بتقولي يابتاع النسوان
حسام: طب حلو مش احسن ماتكون بتاع حاجه تانيه
سليم: روح ابو معرفتك اقفل لحد مااشوف هعمل اي وهجيلك اظبطك.
سليم قفل مع حسام وهو خايف يفتحلها والجيران واقفين كلهم وف الاخر استسلام للامر وفتح الباب... دخلت سيا بسرعه وهي بتشتم ف وبدور ف كل مكان ف الشقه ع البنات
سليم:اهدي بس ياسيا وهفهمك
سيا: اهدا اي يابتاع النسوان هما فييين وهربتهم منييين
سليم: هربت مين بس اسمعيني انا...
قطعت سيا كلامه وهي بتضربه ع دماغه با الطافيه..
سيا: دي بقا اخره النسوان وع فكره انا عايزه اطلق
سليم وهو واقع ف الارض وحاطت ايده ع دماغه بتجيب دم: اشوف فيك يوم ياحسام انت وافكارك..
دخلت الست الكبيره وقومت سليم من الارض: متقلقش يابني دي حاجه بسيطه هخيطلك غرزتين بس
سليم: انتي اللي هتخيطي
الست الكبيره: متخفش انا كنت دكتوره بس طلعت ع المعاش من سنه... انت بس اتحمل معايا شويه.
الست جابت الحاجات وقعدت جمب سليم وبدات تخيطله مكان الجرح.
سليم: انا مش عارف اشكرك ازاي يامدام...
الست الكبيره:احسان يبني
سليم:شكرا يامدام احسان ع تعبك معايا
احسان:تعب اي بس يابني..المهم تصالح مراتك وخلي بالك الطريق اللي انت ماشي ف ده اخرته وحشه الواحد ملوش غير بيته ومراته وولاده
سليم: والله حضرتك فاهمه غلط انا بحب مراتي جدا ومقدرش اعمل حاجه زي دي فيها كل الحكايه اننا كنا متخانقين وواحد صحبي الله يخربيته قالي اعمل كده علشان تغير عليا واعرف اجبها هنا واصالحها بس هي مستنتش افهمها.
احسان إبتسامة:هي كمان واضح عليها انها بتحبك بس معلش روح دلوقتي وصالحها وقولها اللي حصل واكيد هتفهمك هي من الغيره عليك مكنتش مخليها تسمع حاجه اكيد دلوقتي هديت الواحده مننا يا حبيبي تزعق شويه تخرج زعلها عليك وتعاتبك وبعدها بتهدا...تخاف بقا امته لما تلاقيها بطلت تعاتبك وتسكت وتبطل تلف وراك ف كل مكان.
سليم:حاضر هغير وهروح اصالحها.
احسان طبطت عليه:ربنا يصلح حالكوا يابني هروح شقتي لو احتاجت اي حاجه خبطت بس عليا
سليم:تسلمي ياست ياطيبه.
احسان خرجت من الشقه وسليم قفل وراها الباب ودخل غير التيشيرت علشان عليه دم.
"ف قصر السيوفي"
تاج: انتي بتقولي اي ياطنط يتجوز!!!
سماح: يابنتي اسمعي بس ده هيبقا جواز مصلحه ع قد الخلفه بس
تاج: ازاي يعني؟
سماح: يعني هنجيب واحده غلبانه كده ونجوزها فهد ولحد ماتحمل وتولد تكون تحت رعايتك انتي ولما تولد ولي العهد يتكتب بااسمك وتكوني انتي امه وهي نراضيها بقرشين وخلاص والواد يكون من صلب ابني ف الاخر
تاج: حضرتك بتقولي اي اكيد مش هوافق ع حاجه زي دي طبعا اللي هنجبها دي هتكون ام ناخد ابنها منها ازاي لو مال الدنيا كله مش هيعوضها ضفر ابنها لا مستحيل
سماح: وافقي انتي بس وانا هجبها من بكره الفلوس تعمل كتير ياتاج
تاج: لا مستحيل اوافق ع حاجه زي دي وغير كده واحده تاني تكون ع زمه جوزي غيري مستحيل
سماح: بس انتي كده بتظلمي ابني ياتاج انتي قدامك الحل ع طبق من دهب اهو
تاج: لا ياطنط ده مش حل ده استغلال ظروف الناس ولانها هتكون غلبانه وهنكسر عينها باالفلوس هضطر توافق ع حاجه اكيد من جواها هتكون رافضها
سماح: يبقا كده مفيش حل وانتي الي اختارتي كده
تاج: لا ف حل هتبني طفل
سماح: مش هيحصل مفيش طفل هيدخل القصر ده ويكون ولي العهد غير لما يكون من صلب ابني
تاج: اسفه ياطنط بس دي حاجه بيني وبين جوزي وهجيب الطفل ده
سماح: تبقي بداتي عداوه كبيره معايا ياتاج لانك هتعصي اوامري.
تاج: عدواه لي والله انا متأكده انك هتحبي و....
سماح بمقاطعها: خلاص مش عايزه اسمع حاجه انا قولت اللي عندي وانتي اختارتي براحتك...
سماح سابتها ومشيت وتاج قعدت مكانها ع السرير بحزن دخل فهد وبصلها وهو مبتسم..
فهد: انا موافق نجيب الطفل ع القصر ونربي.
بصلته تاج بصدمه انه وافق..
فهد: انا سمعت كلام امي وفرحت انك رفضتي عرضها واتمسكتي بيا ورفضتي ان واحده تانيه تشاركك فيا وعلشان كده مستحيل ارفضلك طلب.
تاج ابتسمت بحب وعيونه مدمع جريت علي فهد وحضنته اويي
فهد:معنديش اغلي منك انا اسف اني رفضت ف الاول.
تاج: طب وهنعمل اي مع طنط علشان توافق
فهد: هنحطها قدام الامر الواقع وهنخلص كل الاوراق ونجيبه ع القصر وهي فتره كده وهتتهدا وهتحبه كمان
تاج: انا اسفه يافهد ع كل اللي حصل والي هيحصل بس انا مقدرش اشوفك ف حضن واحده غيري حتي لو لمجرد المصلحه
فهد: ودي اكتر حاجه فرحتني انك رفضتي علشان بتحبيني....
" عند حسام ف مكتبه "
كان بيتكلم بعصبيه وواقف قدامه ظابط صاحبه...
حسام: انت بتقول اي ياعلي شركة مين اللي بتستورد ادويه معدومه
علي:شركات الفهد يافندم انا مقدر والله بس انا اتأكدت بنفسي ومن صحه المعلومات ان فهد السيوفي هو بنفسه اللي بيتعامل مع الشركه ف فرنسا.
حسام: ازاي! شركات الفهد طول عمرها اسمها ف السوق زي الدهب ومعروفين بالمصداقيه ده غير ان فهد مش محتاج يعمل كده لان دخله كبير؟! اكيد ف حاجه غلط
علي: طب وهنعمل ايي يافندم نبعت قوات تستدعي ونبدا تحقيق معاه؟
حسام: لا طبعا اوعي تعمل كده انا هروح بنفسي اتكلم معاه واكيد ف حاجه غلط
علي: اؤمرك يافندم..
علي ادي التحيه وخرج من مكتب حسام وهو قاعد بيفكر ازاي فهد مياخدش باله من غلطه زي دي!!..
ف القصر تاج كانت واقفه بتلبس بحجابها قدام المرايا وفرحانه وفهد قاعد بيتفرج عليها وهو مبتسم.
تاج:اي بتبصلي كده ليه؟
فهد: م زمان مشوفتكيش فرحانه كده
تاج: اصل انت مش متخيل سعادتي قد اي النهارده واننا رايحين نجيب البيبي هنا معانا هيبقا عندنا طفل
فهد قام من مكانه واتحرك عندها عندها حط ايده حولين وشها: وانا لو اعرف انك هتكوني فرحانه كده وتاكلي الاكل ده كله كنت جبته هنا من زمان
تاج: اسكت ده انا كلت بطريقه غريبه فعلا بقالي كتير مكلتش كده
فهد: طب اشربي العصير بقا علشان نتحرك..
تاج: حاضر بس قولي الاول هنسمي اي
فهد: مش عارف تصدقي مجاش ف بالي
تاج: انا من فرحتي نسيت كل الاسماء اللي كنت فاكرها
فهد: خلاص لما نرجع وهو معانا النهارده نبقا نفكر هنسمي اي.. اشربي العصير وانا هنزل ابلغ ماما ان احنا رايحين مشوار
تاج:مش هتقولها برضو
فهد: لما نيجي مش دلوقتي
فهد نزل تحت وتاج شربت العصير لقيت فونها بيرن كانت جميله اختها.
جميله: انتي مكلمتنيش لي ولا لازم انا اللي ارن
تاج: مشغوله شويه يا حبيبتي
جميلة: لا بس صوتك اي متغير خالص وفرحان ف اي فرحيني معاكي
تاج ضحكت بصوت عالي: بكره هتعرفوا كلكوا فهد كلم بابا وقالوا تيجوا بكره علشان تعرفوا
جميله بفضول: انتي عايزني استنا لبكره!!!
تاج: للاسف مضطره تستني علشان دي مفاجأة هكلمك لما ارجع علشان فهد مستنيني
جميله:ماشي ياتاج لما ترجعي هعصرك كده وهعرف كل حاجه
تاج قفلت مع جميله وخدت شنطتها ونزلت...
تاج بإبتسامة: فهد يا حبيبي انا....
ابتسامتها اتلاشت مجرد ماشفتها واقفه قدامها..
تاج:....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية