رواية تاج الفهد الجزء الثاني 2 البارت الثامن 8 بقلم مريم مصطفى
رواية تاج الفهد الجزء الثاني 2 الفصل الثامن 8
سماح: اطلع بره يافهد وخلي تاج علشان عايزها ف كلمتين
فهد: ياامي احنا بس..
سماح: قولت اخرج بره يافهد.. وكملت كلامها وهي بتبص لتاج بغضب: عايزه مرات ابني ف كلمتين انت لسه دورك مجاش ولينا كلام تاني
فهد بص لتاج وتاج كانت امسكه ايده ضغطت عليها بمعني انه يطمن سابت ايده وطلعت ورا سماح اوضتها وفهد واقف تحت متوتر لحد مادخل حسام.
فهد: اتفضل يا حسام غريبه انت ف الوقت ده بتكون ف شغلك
حسام بتوتر: ماهو ده برضو شغلي
فهد: مش فاهم وبعدين انت مالك قلقان ولا ف اي؟!!
حسام: بص اقعد وانا هفهمك..
ف اوضه سماح كانت قاعده ع السرير وماسكه كتاب بتقرا ف خبطت تاج ودخلت وهي شايلها البيبي.
تاج: انا عارفه ان حقك تزعلي مني بس حطي نفسك مكاني انا كل لحظه بتقهر وانا بتعاير اني ارض بور واني مبخلفش مش عارفه افرح جوزي واجبله حتت عيل يشيل اسمه مكنش قدامي غير الحل ده
سمااح رمت الكتاب بعصبيه ع السرير ووقفت قدام تاج: والحل بقا انك تجيبي طفل من ملجأ يشيل اسمي ابني ويكون حفيدي!!!! انا عرضت عليكي يتجوز ورفضتي
تاج بقهر: علشان مش هسمح لوحدها تاخد جوزي مني
سماح: عرضت عليكي عرض كويس وهو اننا نجيب واحده تحمل ولما تولد الطفل يتكتب بإسمك وانك امه وهي نديها قرشين وتشوف حالها بعيد ومع ذالك رفضتي
تاج: علشان ده حرام مفيش ام هتتنازل عن ضناها علشان شويه فلوس ولو اتنازلت دلوقتي هترجع بعدين.
سماح: انتي بتحطي مبرارات فارغه.
تاج قربت اكتر من سماح: طب بصي عليه يمكن تحبي شوفي قد اي هو ملاك ارجوكي نظره واحده
سماح اديتلها ضهرها: من النهارده انتي ملكيش كلام معايا وياريت تحاولي تتجنبيني انتي عصيتي اؤمري ياتاج
تاج: ارجوكي متقوليش كده... البيبي بدا يعيط ع صوت عياط تاج
سماح: خدي واطلعي بره انا كلامي خلص
تاج بصتلها بنظره انكسار وخرجت من الاوضه..
عند "سيا وسليم"
سيا: طب لي محكتليش ياسليم؟
سليم:مرات عمي سماح لسه مكلماني من شويه وجيت حكتلك
سيا: انا لازم اروح واقابل عشق وافهم منها اي اللي حصل اكيد ف حاجه غلط.
سليم: ياسيا انتي اي اللي ملغبط عقلك باالشكل ده عشق دي واحده كدابه قدرت تضحك عليكي وتوقعك
سيا: لا ياسليم هي مش كده احنا اللي ظلمناه
سليم: يا حبيبتي افهمي اهلك ماثروش معاها فهد ودها مصحه علشان تتعالج من الادمان حتي ورثها كله بالارباح محفوظ وكل شهر كان بيروحلها ف انجلتر لما كانت عايشه هناك
سيا: بس ماما هي اللي بعدتها عننا وهي السبب ف اللي وصلتله
سليم: لا عشق تصرفاتها هي اللي خلت مرات عمي تسافرها بره ده غير انها كانت بتحب فهد
سيا: وهو الحب شىء وحش علشان تبعدها كده
سليم: اكيد لا بس محدش كان هيوافق ان فهد يتجوز واحده زي عشق
سيا: بقولك اي انا هروح اشوفها وافهم اي اللي حصل
سليم بتنهيده: براحتك انا فهمتك.. بس خلي بالك ان الهانم بتقول ان ليها نص القصر والشركه.
سيا بصت لسليم وسكتت وهو قام يجهز علشان هيروح معاها لفهد.
ف قصر *فهد السيوفي"
فهد كان قاعد حاطط وشه مابين ايدها وحسام جمبه
حسام: المفروض اني كنت استدعيك ف القسم وافتح محضر بس انا عارف ان ف لبس ف الموضوع وجيت اقولك هنا علشان نشوف هنتصرف ازاي
فهد: بس ازاي صفقه زي دي تحصل من غير علمي وغير كده انا مبتعاملش مع الشركه دي لانها مشبوها ومستحيل سليم يعمل كده يبقا مين انا هتجنن.
دخل سليم ومعاه سيا..
سليم: عاملين اي ومالكوا كده ف اي؟
سيا: طب عن اذنكوا انا بقا..
كانت طالعه برا القصر علشان تشوف عشق بس فهد واقفها..
فهد: اطلعي اطمني ع ولدتك ياسيا عايزه تقعدي يومين تلاته تنوري بيتك.. بس تقربي للمخزن هيبقا ف كلام تاني
سيا لفت وشها لي: انت هتقولي اقعد فين ومقعدش فين ف بيت ابويا
فهد: قبل مااتكلم قولتلك القصر كله تحت امرك ماعدا المخزن اعتبري ياستي جزء من الميراث بتاعي
سيا: انا عايزه اطمن ع عشق
فهد بنفاذ صبر: شوف مراتك ياسلييم علشان مفقدش اعصابي كفايه المصايب اللي نازله ع دماغنا
سليم: سيا ارجوكي اطعلي فوق دلوقتي وبعدين نتكلم ف الموضوع ده
سيا بصت لسليم بعصبيه وطلعت فوق... قعد سليم جمب حسام وفهد قعد ع الكرسي....
حسام: انا عايز افهم عشق مين اللي ف المخزن!! انتوا هتجننوني هي مش عشق دي ماتت والمصحه ولعت بيها ولا انا كنت شارب؟!
سليم: بنت ال*****طلعت مش سهله
فهد: هفهمك كل حاجه بس الاول نشوف المصيبه دي
سليم: مصيبه اي هو ف مصايب تاني غير عشق؟!!
حسام وفهد بصوا لبعض وبدا يحكوا لسليم عن اللي بيحصل ف الشركه...
ف اوضه تاج كانت حاطه البيبي قدامها ع السرير وهي قاعده قدامه وضامه نفسها وبتعيط من كلام سماح... قطع عياطها صوت البيبي وهو بيعيط.. بصلته تاج وهي بتمسح دموعها
تاج: اي يروحي انت اكيد جعان
جابت شنطتها بسرعه وفتحتها وطلعت علبه لبن وببرونه: بص يا حبيبي جبتهم قبل مااجيلك علشان اخدك استنا شويه نونو بس علشان اعملهولك..
بدات تجهزله اللبن وتبرده.. شالته براحه وبدات تشربه بسهوله *لانها مربيه فهد وفيروز وفريده وديما كانوا معاها*
حضنته لحضنها اكتر وهو نام فضلت تتأمل ملامحه وبعدين افتكرت انها لسه مفكرتش ف اسم لي: تصدق بقا لسه مفكرتلكش ف اسم راحت عن بالي خالص لما بابي يجي هنقعد ونختار اسم مع بعض..
حطته ع السرير وقامت غيرت لبسها وقفت قدام السرير وهي مبتسمه لي اوي وقربت ونامت جمبه وهي ضمها ليها بتملك...
سيا كانت عرفت توصل لعشق من الباب الخلفي بتاع القصر وقفت ع الباب وندهت عليها بصوت بسيط علشان الحرس.
عشق بخبث وصوت مزيف بالعياط: شوفتي ياسيا فهد عمل فيا اي ده مش مكفي انه ضربني لا وحبسني كمان.. حاولي طلعيني من هنا ارجوكي
سيا: للأسف مش عارفه افتح الباب انتي عارفه ان المفاتيح مع فهد
عشق: طب وبعدين هفضل هنا كتيير
سيا: لا هتصرف وهحاول اخرجك.. المهم بس انتي لي قولتيله اني كتبلك جزء من القصر والشركه احنا مش اتفقنا ان ده سر بينا بس وعلشان تكوني شركتي لما تاخدي كل ورثك من فهد وماما
عشق بتوتر: ما هو لما ضربني اضطريت اقوله علشان يسبني
سيا: طب هو ضربك وبحسك لي؟
عشق: علشان قولتله اني عايزه اعيش ف القصر بس لمده يومين لحد ماارتب اموري ف مصر.. وكملت بخبث: ومن حظي الاسود ان تاج مراته سمعتنا وادخلت ف الموضوع ورفضت اني اقعد هنا.
سيا: وهي مالها علشان ترفض او توافق هي مفكره نفسها اي!!
عشق: بس ع فكره انا مقولتش لفهد انك انتي اللي كتبيلي القصر والشركه
سيا: طب كويس لحد مانشوف هنعمل اي وهخرجك ازاي
عشق: متسبنيش كتير هنا ياعشق انا خايفه تاج تلعب ف دماغ اخوكي ويموتني
سيا: متخفيش هتصرف اكيد المهم انك....
قطع كلام سيا صوت فهد وهو متعصب جامد وبيبصلها بغضب:سيااااا
سيا بصت وراها بسرعه:فهد انا بس...
فهد قرب من سيا وشدها من ايدها وهو بيجرها ورا دخل الريسبشن وبص لسليم..:خد مراتك وامشي ياسليم دلوقتي وبكره هنكمل كلامنا ف الشركه
سليم: عملتي اي ياسيا تاني؟ ف اي يافهد
فهد: ابقي اسأل مراتك ودلوقتي سيبويني علشان محتاج ارتاح شويه..
حسام:احم طب استأذن انا يافهد ومتقلقش ان شاءالله هنحل كل حاجه قريب
حسام جه يمشي بس فهد وقفه:بكره بليل ف حفل صغيره كده ولازم تجيب ورد وفريده معاك
حسام لف وشه ليه وهو مستغرب: حفله اي واحنا ف المشاكل دي كلها..وبمناسبه اي؟
سيا كانت واقفه ساكته وبتحاول تفكر ازاي هطلع عشق من المخزن لحد ماخرجت بره تفكيرها ع صوت فهد وهو بيقول: فرد جديد هيشرفنا ف العيله ولازم نرحب بي
سليم:مين ده يافهد؟
فهد وهو طالع ع السلم وبيتكلم:بكره هتعرفوا كل حاجه..المهم اللي هيجي بكره مش عايز اي مشاكل يما ميجيش فاهمه طبعاياسيا.
سيا بصت لسليم وسبقته ع العربيه..
حسام:تفتكر مين اللي غالي ع فهد علشان يعمله حفله مخصوص سليم:بكره نعرف ياخبر النهارده بفلوس بكره يبقا بلاش.
"ف جناح فهد وتاج"
دخل فهد وهو بيقفل الباب وبيتنهد بحزن كبير بص ع السرير شاف تاج نايمه برتياح وهي حضنها البيبي وع وشها واضح ابتسامة صافيه... ابتسم بهدوء ودخل الحمام ياخد دش..وقف تحت الدش وهو بيفكر ف مشكله الشركه وسيا وامه وبيحاول يلاقي حل قطع تفكيره صوت الباب وهو بيخبط
تاج:حبيبي انت هنا؟
فهد:اها ياتاج خلاص طالع اهو
خرج فهد من الحمام وهو بيلبس التيشيرت.
تاج:مصحتنيش لي؟
فهد:لقيتك نايمه وحضنه الباشا الصغير قولت بلاش ازعجكوا وخصوصاً اني مشوفتكيش نايمه مرتاحه كده من زمان
تاج وهي بتقفل الروب عليها:عندك حق بجد كنت مرتاحه اوي
فهد قعد ع السرير:ماما قالتلك اي؟
تاج فركت ف ايدها واتنهدت بحزن:رفضت انها تتعامل معايا ب اي شكل من الاشكال تاني
فهد:انا عارف ان ده اللي هيحصل بس مع الوقت هتتعود وهترجع كل حاجه زي الاول
تاج: اتمني ده يحصل ف اقرب وقت
فهد ضمها لحضنه: طب ياستي كلمي حمايا وحماتي علشان نعزمهم ع حفله بكره
تاج: هنعمل الحفله بكره!!طب مش نستنا لما طنط تهدا شويه ونشوف مشكله عشق الاول
فهد:تؤتؤ هنعملها بكره لازم الكل يعرف ان بقا عندنا طفل
تاج:بمناسبه الطفل بقا احنا لسه مختارناش اسم يلاقي بي
فهد:امممم اي رايك مثلا ف انس؟
تاج:لا مش حلو بص احنا نجيب ورقه وقلم ونقعد نكتب اسماء ولاد كتيير ونشوف اي اكتر اسم يلقي باابن فهد السيوفي
فهد:يلا بينا..
"ف مكان ف القصر كان واقف شخص بيتكلم ف التليفون "
_كل اللي انا سمعته انه عامل حفله عائليه بكره بليل
_:بمناسبه اي؟
_مش عارف يابشا بس قال ان ف فرد جديد ف العيله
قفل الطرف التاني الفون وهو واقف قدام شباك ف اوضه اضاءتها هاديه بيتفرج ع البحر ودخان السجاير حواليه..
_هخليهم فرد كمان يافهد وتبقا حفله كبيره....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية