رواية تاج الفهد الجزء الثاني 2 البارت التاسع 9 بقلم مريم مصطفى
رواية تاج الفهد الجزء الثاني 2 الفصل التاسع 9
فهد: خلاص كده اتفقنا ع تيام؟
تاج: اها جميل اوي "تيام فهد السيوفي".. قمر
فهد: اقدر انام بقا ولا اي
تاج: اها طبعا خلاص اتفقنا ع الاسم تقدر تنام
فهد باس راسها وحط دماغه علشان ينام تاج قربت منه بهدوء وهمست جمب ودنه: ولا اي رايك ف اسم...
قاطعها فهد وهو بياخدها ف حضنه ومغمض عينيه: نامي يحبيبتي احنا خلاص اتفقنا ع تيام بقالنا خمس ساعات نختار اسماء واول مااجي انام تغيريها.
تاج: مش لازم اختار اسم صح لابننا
فهد: والله انا مااختارت صح غيرك انتي
تاج ابتسمت وباسته ف خده ونامت...
ف قصر سليم نصار"
كان نصار قاعد بيشرب قهوته ومشغل كوبليه لست "وعايزنا نرجع زي زمان... قول للزمان ارجع يازمان"♡.. صوت سيا وسليم بدا يعلي اكتر وهما بيتخانقوا راح نصار معلي الاغنيه بصوت اعلي علشان ميسمعش صوت خناقهم..
" ف اوضه سليم وسيا"
سيا:قولتلك متدخلش بيني انا وفهد
سليم بعصبيه:انا جوزك وقبل مااكون جوزك ف انا اخ لفهد لما اليقكوا بتاكلوا ف بعض لازم ادخل مش اقف اتفرج وانتي بضيعي كل حاجه علشان خاطر واحده وس*****
سيا بصوت عالي:سلييييم حافظ ع اسلوبك وانت بتتكلم ع بنت خالتي.
سليم بصلها بقرف وفتح باب الاوضه ونزل..سيا ضربت رجليها ف الارض بعصبيه..
سليم:رايق انت مشغل الست وقهوه ومريح دماغك من كل المشاكل
ضحك نصار وهو بيوطي الراديو:حبيبي دي مشاكل بينك انت ومراتك مليش اني ادخل كل اللي اقدر اعمله اني انصحك والين قلبك
قعد سليم وهو بيقول:واي هي نصحتك بقا
نصار:الست ف العموم بتيجي بالحنيه والكلمه الطيبه حاول ترجع سيا لحضنك وطوعك زي زمان بس بالحنيه مش بالزعيق والصوت العالي
سليم:بس يابابا سيا خلاص مبقاش فارق معاها حد يعني لا هتيجي بصوت عالي ولا بكلمتين حلوين حته
نصار:سيا طيبه ومن زمان اي حد بيقدر يضحك عليها بالكلمتين ويشقلب افكارها بس لازم تصبر وتساعدها علشان تكشفلها حقيقه اللي اسمها عشق دي
سليم اتنهيد:هحاول المهم فهد عامل حفله عائليه بكره بليل وهنروح اكيد
نصار:اها كلمني من شويه وعزمني
سليم:تمام..انا هطلع اطمن ع فيروز وفهد وبالمره هنام ف اوضتهم النهارده
بصله نصار بهدوء وسليم طلع لفوق...
"ف ڤيله اهل تاج"
جميله: بس برضو فضولي هيقتلني واعرف حفله لي
زين: يبنتي اتهدي بقا كل بكره وهنعرف
جميله: روح نام يازفت انت وسبني انا مع افكاري
زين: انا هسيبك فعلاً بس علشان خارج
جميله: اها خارج طبعا علشان تتسرمح مع الاشكال صحابك
زين بتوتر: اتسرمح اي احنا بنقعد مع بعض او بنلف بالعربيات فين السرمحه ف كده
جميله: زين بلاش تكدب عليا انا مش عارفه اي اللي غير حالك كده شرب وبنات وسهر ف ايييي
زين: بنات اي وشرب اي بس ياجميله؟
جميله: بلاش لف دوران لاني عارفه كل تحركاتك كويس
زين: انتي بتراقبيني هو انا عيل صغير!!!
جميله: لا مش عيل انت راجل وسيد الرجاله كمان بس بدات تخيب من يوم ماتلميت ع العيال دول
زين: انا خارج وكفايه كلام لحد كده
جميله: اعمل حسابك ان النهارده اخر يوم سهر ليك لانها لو اتكررت تاني هبلغ بابا بكل تصرفاتك دي واولهم الشرب هو انت فاكر اني مش باخد بالي وانت جاي ف نص اليل سكران ومدهول.
بصلها زين بزهق وسابها ومشي..
جميله: والله لظبطك يازين زي الاول واحسن كمان...
تاني يوم الصبح تاج صحيت من النوم ملقيتش فهد جمبها خبطت الخدامه ع الباب وهي شايله صنيه اكل وعصير برتقان
تاج وهي شايله تيام ع ايدها:تعالي ياهناء
هناء باابتسامه: فهد باشا راح ع الشركه من نص ساعه وبلغني اني احضرلك الفطار والعصير بتاع حضرتك
تاج: متشكره ياهناء
هناء وهي بتبص لتيام بحب:ربنا يباركلك في ياهانم ويتربا ف عزك انتي وفهد باشا
تاج بإبتسامة واسعه: تسلمي واعملي حسابك ان ف مكافأة لكل المساعدين ف القصر بمناسبه وجود تيام
هناء وهي خارجه من الاوضه بسعادة: ربنا يخلي حضرتك عن اذنك علشان اشوف طلبات الحفله
خرجت هناء وسابت تاج تفطر وتغير لتيام علشان تنزل تتابع تجهيزات الحفله.
ف الشركه كان قاعد فهد وحسام وسليم
فهد: والحل انا متأكد اني معملتش اي تعاقدات مع الشركه دي.. ف ازاي صفقه زي دي تدخل بدون علمي
حسام: احنا لما مسكنها ف المينا للأسف الكل قال انها تبع شركات فهد السيوفي
فهد: ف لعبه بتحصل من ورايا وكبيره اوي
سليم: ومين اللي لي مصلحه يعمل كده؟
فهد: مش عارف بس لازم اعرف ونتصرف بسرعه.. وانت حاول تغطي ع الكارثه دي علشان موضوع زي ده لو اتعرف الشركه سمعتها هتبوظ وهنخسر كتير
سليم: متقلقش الدنيا لحد دلوقتي تمام
حسام: بص يافهد انا معاك ف اي حاجه ومصدقك بس لازم نتصرف خلال يومين لان وقتها هيطلع محضر باالقبض عليك لانك المسؤل انا لحد دلوقتي بحاول اخر المحضر
فهد بصله بتوتر حط وشه بين ايديها وهو بيفكر مين لي مصلحه ف كده.. لحد ماباب مكتبه اتفتح ودخلت سماح.
سماح: اللي حصل ف الشركه ده بجد؟!!!
فهد: حضرتك عرفتي ازاي
سماح: مش مهم عرفت ازاي المهم هنحل المصيبه دي ازاي ومين اللي عمل كده
فهد: اهدي بس وكل حاجه هتبقا تمام
سماح: اهدا اي انت عارف الشركه دي لو سمعتها باظت هيحصل فينا اي دي الشركه الام يعني هندمر
حسام: انا عايز حضرك تهدي واحنا بنتصرف
فهد بص لحسام وسليم انهم يسبوهم لوحدهم لان سماح متعصبه...
فهد: هنتصرف وهعرف مين اللي عمل كده وهندمه ع اليوم اللي فكر بس يعمل كده
سماح بسخريه: طبعا ماالبيه مش فاضي داير ف الملجأ يدور ع عيال يتبناهم علشان خاطر الهانم لازم يحصل كده
فهد: ياامي لو سمحت متخلطيش الأمور ببعض.. خد الچاكت من ع كرسي مكتبه وخد مفاتيح عربيته وهو طالع من المكتب وقف وبص لسماح: ع فكره زي ماكبرت الشركه زمان هعرف احافظ عليها واكبرها احسن من الاول مش ابن السيوفي اللي يوقع.
سماح بصلته وهو سابها ومشي..
فهد كان ف عربيته جاله تليفون من رقم برايڤت.
فهد: مين؟
_كلها شويه وقت وكل حاجه هتكون ليا وقريب اوي هنلعب ع المكشوف دي قرصه ودن صغيره ليك
فهد: مين اللي بيتكلم؟!!!!!!
_هتعرف يافهد باشا بس لما الوقت يجي
قفل المتصل وفهد بيتكلم بعصبيه وصوت عالي: الو مين انت وعايز ايييييي
فرمل العربيه مره واحده وهو بياخد نفسه بسرعه نزل من العربيه ووقف ع النيل ودماغه بتفكر مين ده وعايز اي حاسس انه سمع الصوت ده قبل كده بس مش قادر يفتكر فين.. اخر مازهق اتنهد بعصبيه وركب عربيته وراح ع القصر...
بليل الكل بدا يتجمع ماعدا سماح كانت قاعده ف اوضتها..
تاج لبست تيام من اللبس اللي جبتهوله زمان وكانت بتشيله
تاج: اي رايك يا حبيبي ف تيام
فهد كان واقف ف الشباك وهو سرحان مع الصوت اللي رن عليه وتاج عماله تندها عليه... اخر مازهقت حطت تيام ع السرير وقربت من فهد حطت ايديها ع كتفه.
تاج:ياحبيبي عماله بتكلم معاك من بدري ف اي؟
فهد: ها كنتي عايزة حاجة
تاج: مالك يافهد ف اي مش طبيعتك تكون قلقان كده
فهد كان لسه هيحكلها وبعدين بص ع تيام وانها النهارده فرحانه بي ف محبش يوترها: مفيش حاجه ياام تيام يمكن بس متوتر علشان بقيت اب وعندي مسئوليات.
تاج ابتسمت م كلمه ام تيام: انت هتكون افضل اب كفايه حنيتك معايا ومع الكل
فهد باس راسه: طب هنزل انا بقا استقبل الضيوف.. وانتي هاتي الواد القمر ده وانزلي
نزل فهد لقي سيا وسليم وصلوا وعيله تاج كمان.
فهد: يااهلا بحمايا الغالي
مصطفي:يااهلا بيك يابني
سلم فهد ع حماته وع زين وسيا طلعت تشوف سماح
جميله:خلصتوا سلامات واحضان قولي بقا الحفله دي بمناسبه اي
فهد:مبتعرفيش تستني ع حاجه انتي
جميله:فضولي هيقتليني يااخي
فهد:سبحان الله مش واخده من تاج غير الشبه بس العقل عندك طاير
جميله:لمي الدور يجوز اختي بدل مااخلي اختي تنكد عليك
نزلت تاج ع السلم وهي لابسه قفطان مغربي ابيض وشايله تيام ع ايدها وبتكلم وهي لسه نازله:مش هتطبلي خناق ابدا ف فهد
الكل باصلها بتركيز او باالتحديد الكل بص ع ايديها وهي شايله تيام.
جميله قامت بسرعه وهي بتاخده من ع ايديها:اي القمر ده يابت ابن مين ده؟
زين:ماتفهمونا يجدعان ف اي
قرب فهد من تاج ومسك ايديها واتكلم بسعاده كبيره:تيام فهد السيوفي..ابننا ♡
جميله:ايوه ده جه امته انتي كنتي حامل من ورايا!!!
تاج بتوتر:يجماعه احنا جبنا من دار وانا وفهد هنربي كلكوا عارفين اني مش هقدر اخلف وده الحل الوحيد
قرب مصطفي عليها وهو بياخدها ف حضنه:مبروك يا حبيبتي ربنا يعوضك خير..وبص لفهد وكمل:يتربا ف عزك يافهد.
الكل بدا يبارك لفهد وتاج وجه حسام وورد وباركلهم.
جميله:يعني دلوقتي انا بقيت خالتوا؟!
تاج:اها كل واحد قاعد هنا بقا لي لقب انتي خالتوا..وبابا جدو وماما تيته واستاذ سليم وحسام عمو وزين خالوا وورد وسيا عمتو
الكل ضحك ع فرحت تاج وانهم اول مره م زمان يشوفها بتتكلم بهزار مع الكل كده.
"ف اوضه سماح"
سيا:يعني اي جابت عيل من الملجأ وبقا ابنهم هي علشان متخلفش تفضحنا
سماح بتحذير:انا اها مش عجبني الوضع ده بس اوعي تعيريها تاني بحاجه زي دي هي ملهاش ذنب دي اراده ربنا
سيا:انتي لسه بدافعي عنها بعد الي عملته
سماح:تاج بنت كويسه وشخصيه هاديه وع طول جمب اخوكي اها قطعت كلامي معاها ومضايقه منها بس مقدرش انكر انها كويسه مع الكل.
سيا:واخره اللي بيحصل ده اي؟
سماح:انا متاكدة انها فتره وهترجعه الملجأ تاني.
"تحت عند فهد"
فهد:علشان كده مش لازم اي حد يعرف ان تيام ابني بالتبني واي حد هيسأل هنقول اننا محبناش نعلن عن حمل تاج لحد ماتقوم بالسلامه
جميل كانت قاعده ف الارض وحاطه تيام قدامها وبتلعب معاها وهو بيضحكلها:خلاص حفظنا الكلمتين دول سبنا بقا نكمل لعب مع تيام
فهد:الحفله كلها معموله اصلا ع شرف ابني تيام..
جه صوت من ع باب القصر وهو بيقول:وشرفي انا كمان
دخل بثبات وهو ماشي ورا اتنين بودي جارد.
فاروق:ازيك يابني عمي
فهد:فاروق!!!!
فاروق:مالك متفأج مش كده..
فهد:اي اللي رجعك بعد السنين دي كلها يافاروق
فاروق:جي اخد مراتي
الكل كان واقف مش فاهم حاجه ومش فاهمين مين ده ماعدا حسام وسليم كانوا بيبصوا لبعض بقلق..
فهد:مراتك!!انت جي تستعبط ولا اي
فاروق قعد بثقه وحط رجل ع رجل وهو بيقول:اها مراتي اللي انت خاطفها..عشق الكيلاني.
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية