رواية نور الليل الفصل الخامس والعشرون 25 بقلم نورا البغدادي
رواية نور الليل الفصل الخامس والعشرون 25
صلوا على الحبيب المصطفى صلى الله عليه وسلم❤️❤❤
اللهم اجعل خير عمري آخره وخير عملي خواتمه وخير ايامي يوم ألقاك ولا توفني إلا وانت راض عني كل الرضا يارب
اللهم ارزقني قبل الموت توبة وعند الموت شهادة وبعد الموت جنة ونعيما يالله انا و كل من قال آمين 🤲❤
~~~~~~~~~~~~~~٭~~~~~~~~~~~~~~~
﴿في الحفل}
ذهبت نور للجلوس علي الطاوله الخاصه بالفتيات وبعد مرور بعض الوقت لفت انتباه نور فتاه ذات جمال و انوثه طاغيه تقف بجانب ليل ويتضح من معالم وجوههم أنهم يتحدثون في شيء مهم
ساره: هي فين مليكه يا نور ؟.. ياااا نور
نور بأنتباه: هااا متهيألي مليكه مع زين، بقولك يا ساره متعرفيش مين اللي واقفه مع ليل دي؟
نظرت ساره الي من أشارت إليها نور وهي تحاول أن تتعرف عليها أو تذكر من تكون ثم
اردفت: مظنش اني شفتها قبل كده لانها مش مألوفه عليا ،بس عادي يا نور ممكن تكون من ضمن سيدات الأعمال اللي معزومين علي الحفله
نور بغضب وغيره: ولما هي زيها زي الضيوف المعزومين مالها لازقه فيه ونازله رغي كده ليه
ساره بضحك: ما عندها حق بصراحه حد يشوف ليل العامري ومتلزقش فيه، لا وهي موزه برضوا
نور : اااه مووزه وو..... صمتت نور و نظرت إلي ساره بغضب واردفت: تصدقي يا بت انك معندكيش بربع جنيه دم ، وتستاهلي اللي طنط سعاد هتعمله فيكي وابقي وريني بقا مين هيساعدك
ساره بفزع: وانا مااالي طيب ، هو انا اللي لازقه جمبه
نور: لا شيفاني هفرقع من الغيظ وبدل ما تهديني تقوليلي البت موووزه ، ما انا شااايفه أنا موزه ، اقولك أنا هقوملهم بنفسي
ساره: استني بس يا نور
نهضت نور علي الفور ولم تعير اهتمام لحديث ساره وأثناء سيرها اصطدمت في شخص ما
مايكل بأعتذار: أنا متأسف جدا ،حقيقي مقصدش
نور برسميه: لا محصلش حاجه عن أذنك
وقبل أن ترحل امسك مارك بيديها ،نظرت له نور بعصبية بعد أن سحبت يديها من قبضته واردفت: ايه ده انت ازاي تمسك أيدي كده
مايكل : أنا متأسف مره تانيه ، بس انا كنت حابب نتكلم شويه
نور بحده: وانا مش حابه اتكلم، وياريت تفهم أن مفيش كلام بيني وبينك يا استاذ مايكل..
تحركت نور للذهاب ولكن وقف أمامها مايكل ليمنعها للمره التانيه
واردف بأبتسامه خبيثه: تمام ، بس برضوا مفيش مانع لو خلينا في كلام بينا ولو عايزه اكتر من كده انا برضوا مستعد جدا..
تفاجئت نور بشده من لهجته الجريئه في الحديث واردفت بعصبية: انت إنسان مش محترم ، ولو مسبتنيش امشي حالا انا هقول لليل و.... اععععع
هذه كانت ردت فعل نور عندما استلقي مايكل علي الارض اثر تلقيه ضربه قويه جعلت وجه يستنزف دماء ولم تكن تلك الضربه من أحد سوي ليل الذي نظر إلي مايكل بعيون مثل جمرات النار
واردف بصوت حاد: ده اقل رد عليك انت او اي حد يفكر يقرب لفرد من عيله العامري، ومن دلوقتي الشغل اللي بيني وبينك أنتهي، ولولا انك ضيف عندي أنا كنت طلعتك جثه من هنا .. ثم امسك بيد نور ورحل علي الفور من الحفل وخلفه كريم ومالك والفتيات
نظر مايكل حوله ليري جميع من في الحفل ينظروا له ويتابعون ما يحدث ومن ضمنهم سلمي التي كانت مصدومه من رد فعل ليل وخاصةً أنها لا تعلم من تكون نور ، نهض وهو يشعر بألم ثم نظر إلي ليل وهو يرحل
واردف بشر: هدفعك الثمن غالي يا ليل .. ثم رحل وخلفه جميع من في الحفل ، وفي تلك الحظه وصل زين ومليكه الذين تفاجئوا بأنتهاء الحفل
فأردفت مليكه بصدمه: ايه ده هو انا اتأخرت اوي كده في الحمام، هما بيمشوا ليه وفين الباقين يا زين؟
زين بأستعراب : مش عارف، بس الاكيد أن في حاجه حصلت،ربنا يستر
مليكه: طيب و احنا هنعمل ايه دلوقتي؟
زين: هنروح نشوفهم طبعاً أو هكلمهم
مليكه: طيب يلا..
~~~~~~﴿وعلي الجانب الآخر....﴾~~~~~~
رحل ليل للتوجه الي غرفه نور وهو يتمسك بيديها بشده
أما نور فكانت خائفة بشده من ردة فعله عليها وخاصةً أنه لم ينطق بحرف منذ خروجه من الحفل
أردفت نور بتوتر: ليل ممكن تهدي وتفهم اللي حصل...
ولكن لم يُظهر ليل اي إهتمام لحديثها وأكمل سيره ولازالت تعبيرات وجههُ غاضبه وبشده
نور: ياليل طيب علي الاقل اقف شويه واسمعني،يا ليل
توقف ليل عن السير ونظر لها بعصبية واردف: يستحسن منتكلمش دلوقتي يا نور لأن أنا مضمنش نفسي ولا اضمن تصرفي هيكون اي ، ودلوقتي اتفضلي ادخلي على غرفتك.
نظرت له نور لثواني ولكن وجدت أنه انسب حل أن تتركه يرحل الان حتي يهدئ من غضبه ثم يتحدثون وبالفعل ذهب ليل الي غرفته بعد أن ترك نور بغرفتها
~~~~~﴿ وبعد دقائق في غرفه ليل....﴾~~~~~~
قد وصل الشباب ثلاثتهم لتهدئة ليل ومعرفة سبب ما حدث
زين بغضب: يستاهل اللي ليل عمله وانا لو كنت هناك كنت كملت عليه
مالك: بقا أنا جايبك معانا علشان تهديه تقوم تولعها اكتر
زين: ايوه طبعاً علشان يبقی عبره لاي حد يفكر يمس بنت من بنات العامري مهمه كان هو مين
نظر كريم الي ليل الصامت تماماً بنظرة تفحص وشك فهو أكثر شخص يستطيع فهم صديقه حتي وإن لم يتحدث
كريم: أنا عارف ان موضوع نور معصبك وجدا كمان وخصوصاً لانك مبتستحملش اي حاجه علي حد من أهل بيتك، بس ده ميمنعش أن في حاجه تانيه معصباك يا ليل
نظر له ليل لثواني ثم أردف بغموض: رجعت، رجعت تاني بعد كل ده
كريم بعدم فهم: هي مين دي؟
زين وهو يبتلع ريقه : تقصد سلمي صح؟
كريم بعدم استيعاب: سلمي مين؟ اوعي تكون تقصد....
زين بتأكيد: هي، سلمي الحافي
نظر له ليل بأستغراب ثم أردف: وانت عرفت منين أني بتكلم عنها؟
زين: لاني شفتها هنا في الفندق
ليل بحده: شفتها فين و أمتی، وازاي متقوليش؟
زين: أنا شفتها في الفندق بالصدفة في نفس اليوم اللي وصلتوا فيه ،ومكنتش مصدق عيني لدرجه اني شكيت أنها واحده بتشبها ، ومقلتلكش لاني مكنتش متأكد انها هي، فمحبتش افكرك أو اشغل دماغك بيها
مالك: لا لحظه لأني مبقتش فاهم حاجه خالص، سلمي الحافي ايه اللي رجعها بعد كل ده ،وبعدين ايه اللي يخليها تيجي النهارده بالذات ؟
كريم: مش ده السؤال المهم يا مالك لأن طبيعي جدا أنها تعرف بحفله افتتاح المدينه احنا مش قُليلين في البلد ، السؤال المهم هو ليل، انت لسه بتحبها يا ليل؟
ليل بغضب: احب مين؟ انت اكتر واحد مينفعش تسأل السؤال ده لانك عارف إجابته
كريم: وعلشان عارف إجابته بقولك ايه اللي جد عليك مخليك متعصب كده
ليل: نور اهم ما في الموضوع، أما بالنسبة لسلمي فأنا معاها للآخر، لحد ما اعرف لعبتها الجديده
مالك: طيب ولو افترضنا انها مش ناويه علي لعبه ولا حاجه
ليل بغموض: هعرف،كل حاجه هعرفها
زين: طيب احنا هنسيبك ترتاح، وأحنا كمان هنروح نطمن علي البنات وبعدين نروح نرتاح احنا كمان علشان نجهز للسفر بكره
ليل: تمام
توجه كل منهم للخروج من الغرفه ولكن اوقفهم صوت ليل مره اخر ليردف : لا نور ولا حد من البنات يعرف حاجه بخصوص سلمي، علي الاقل دلوقتي
كريم بأبتسامه بسيطه: اعتبره حصل يا صاحبي، بس براحه علي نور شويه انت عارف ان الموضوع مش بأديها
ليل بأبتسامه بسيطه: عارف و متأكد من كده
كريم بأبتسامه: تصبح علي خير يا صاحبي
﴿وفي صباح يوم جديد في الساعه السادسه صباحا...﴾
كانوا يجلسون جميعهم في الأسفل بالفندق بخلاف ليل الذي لم يأتي بعد
مالك: هو ليل فين يا نور؟
نور بغيظ: وانا اعرف منين؟ ، هو ده زي الناس الطبيعيه ولا حد بيعرف حاجه عنه
مالك بضحك: شكل الحرب قامت علي ليل
نور: ولا حرب ولا هدنه ، أنا خلاص مش هكمل في الجوازه دي
مالك: لا لا مصدقش يا نونه، وبعدين ده ليل ده ملااااك نازل من السماء، مرهم حروق، مضاد حيوي
نور: ابدااا، انشالله يكون فوار للسخونيه مش رجعاله
كريم: ايه ده هو في فوار للسخونيه؟
نور: معرفش، بس هو كده بقا
زين: ايوه بس احنا بروضوا معرفناش هو فين؟
كريم: كلمني وقال إنه رايح مشوار لحد ما احنا نخلص فطار وزمانوا جاي
زين: اهو ليل جيه..بن حلااال والله كنا لسه بنسأل عليك
ليل: ليه عملتوا مصيبه جديده؟
ياسمين: وهو احنا عمرنا تطلع مننا المصايب؟
ليل بسخرية: لا خااالص ودي تيجي برضوا، طيب خلصوا اللي بتعملوه لحد ما انا ونور نروح مشوار صغير ونرجع
نظر مالك الي نور ثم غمز لها واردف بمزاح: الله يسهلك يا وحش الكون
نظر ليل الي مالك بجديه ثم شاور له واردف: تعالي هنا، هي مين دي اللي وحش الكون؟
مالك وهو يستدعي الخوف: مين اللي قال، انا؟ ، لا ده انا بقول لمليكه حتي اسألها
ليل: امممم ما انا بقول كده برضوا، ابقي خلي بالك من الزوايا بعد كده وانت بتتكلم
مالك بمزاح: أعتبره حصل، ومن بكره الصبح هركب نضاره لو عايز
أبتسم ليل علي مزاح ابن عمه ثم نظر إلي نور
وأردف: يلا يا نور!
نور: يلا فين؟
ليل: دلوقتي هتعرفي
نظرت له نور لثواني ثم نهضت للذهاب معه
~~~~~~{وبعد نصف ساعة﴾~~~~~~
اوقف ليل السياره أمام أحد الشواطئ ثم نظر إلي نور
واردف: الجميل هيفضل زعلان كتير
نور بأندفاع: اه زعلانه وجدا كمان، ولا انت شايف أن اللي عملته ميستاهلش اني ازعل، وبعدين انت يعني هيهمك زعلي في ايه
ليل بأبتسامه: طيب ممكن تهدي، أولا مينفعش تتهميني اني ميفرقش معايا زعلك لان ده مش صح ،والدليل علي كده تصرفي امبارح معاكي ، أنا لو مش بخاف عليكي من اقل حاجه حتي من كلامي اللي كنت ممكن أقوله من غير ما اقصد وانا في عز غضبي لو رديت عليكي أو اتناقشنا امبارح، كنت سمحت إننا نتكلم
نور بحزن: ايوه يا ليل بس علي الاقل كنت فهمتني أو سمعتني ،انت متتخيلش أنا كنت عامله ازاي طول الليل، وخصوصاً لما حسيت انك ممكن تكون شاكك فيا و أن أنا السبب في اللي حصل في الحفله و....
قاطعها ليل بغضب واردف: اوعي تقولي الكلمه دي تاني يا نور ،او تتخيلي اني ممكن اشك فيكي في يوم من الايام لان ده شئ من سابع المستحيلات، انتي هتبقي مراتي، وقبل كل ده انتي كنتي مرات سالم العامري الله يرحمه وام ابنه، فأزاي تتخيلي حاجه زي دي.... ثم أكمل بنبره حنونه: أنا لو الدنيا كلها حاولت تشككني فيكي أو تفرق بيني وبينك برضوا مش هسمح أن ده يحصل ممكن بقا تِتعوي عليةطبع جوزك المستقبلي و تفكي تكشيره عااطف دي و تضحكي
لم تستطع نور كتم ضحكتها عندما شبها بعاطف
نور بضحك: هههههه اخرتها بقيت عاطف
ليل: احلي عاطف في الدنيا، وكفايه ضحك بقا لان أنا مفيش حاجه منعاني عنك غير انك لسه مبقتيش حلالي قدام ربنا وكل الدنيا، ومن هنا لحد ما ده يحصل خليكي بعقلك يا نونه ومطلعنيش عن شعوري
نور بحب: ربنا يباركلي فيك يا ليل وتفضل دايماً محافظ عليا
نظر لها ليل بنظرات العاشق ثم ابتسم وحرك السياره وتوجه مباشرةً ليعود الي الفندق
~~~~~~﴿في الفندق﴾~~~~~~
كانوا الشباب يتحدثون حتي قطع حديثهم دخول ليل ونور وهي تضحك وتعبيرات وجهها تدل على سعادتها
مالك بسخرية ومزاح: بسم الله ماشاء الله،وسبحان الله ،ولا إله إلا الله، لا واضح يا كريم أن مبحبوش يا ماما ومش عيزاه
كريم بضحك: خلاص بقا يا مالك ، هما ولاد اليومين دول كده كلمه توديهم وكلمه تجبهم
مالك: الا اي اخبار فوار السخونيه يا نور
نظرت له نور بخجل وهي تعلم جيداً عن ماذا يتحدث
واردفت: لا ما خلاص بقا خلينا في مرهم الحروق افضل
ليل بعدم فهم: مرهم حروق ايه، هو انتو بتتكلموا عن ايه ؟!
وبعدين هو في حاجه إسمها فوار للسخونيه
مالك: مع نور مفيش مستحيل
نور: هااا، اه اصل احنا في عصر المعجزات يا ليل فتتخيل يعني أن هيبقی صعب عليهم يكتشفوا فوار للسخونيه، عادي يعني
ليل بعدم اهتمام: طيب جاهزين علشان نتحرك؟
ساره: بصراحه انا لسه مخلصتش فطار
مالك بسخرية: لا ما احنا لو اعتمدنا علي انك تخلصي فطار يبقی مش هنمشي من هنا يا ساره والطياره هتفوتنا ، قومي يا ماما الله يهديكي بلا قلة أدب وطفاسه بقا واسمعي الكلام، الاكل في القاهره كتير ومش هيطير
كريم: اموت واعرف انتي بتودي الاكل ده فين ولا بيبان عليكي
ساره بعصبيه: مش واكله علشان تستريحوا انتو الاتنين
ليل: طيب ممكن نتحرك دلوقتي وبعدين ابقوا ولعوا في بعض براحتكوا ،وانت يا علي جاهز
نظر علي حوله عدد مرات وهو يبحث عنها ويأمل أن تأتي في اي وقت ولكن لم تأتي ففقد الأمل في قدومها
ثم أردف: جاهز، يلا بيا
وبالفعل تحركوا جميعهم وقبل خروجهم من باب الفندق حتي اوقفهم صوت
چنا: استنوا ، أنا جايه معاكوا
نظر لها معظمهم بأستغراب تام فهم لم يعلموا بوجودها
أما هو فنظر لها بسعاده شديده فلم يخسر رهانه علي قدومها
ليل بأستغرب: چنا؟ انتي بتعملي اي هنا
زين: لا ده موضوع طويل أنا هحكيلك عليه في الطريق
چنا : أنا هرجع معاكوا القاهره، ده لو معندكمش مانع طبعاً
ياسمين: لا طبعاً ياچنا مفيش مانع
نظرت چنا الي علي الذي أبتسم لها
~~~~﴿تسريع في الأحداث﴾~~~~
عادوا جميعاً الي القصر ، بخلاف علي وساره حيث ذهب كلاً منهم الي منزله ومر اليوم علي الجميع بأحداثه حتي جاء اليوم التالي
~~﴿ في صباح يوم جديد ملئ بالاحداث في القصر﴾~~
كان يجلس زين علي سُفرة الفطور بينما كان يهبط كريم من الأعلي وعندما رأي زين بمفرده يجلس علي طاوله الفطور احتلت معالم الاستغراب وجهه
واردف بتسائل: صباح الخير، اومال فين باقي العصابه؟
زين: صباح النور، ليل كالعاده بيسبقنا علي الشركه، ومالك بيلبس فوق ، والبنات محدش منهم هنا خرجوا مع ليل
كريم: اممم وانا اقول البيت هادي ليه، طيب انا هطلع اشوف مالك خلص لبس ولا لسه واجيبه وننزل نفطر سوا...
صعد كريم الي غرفه مالك وما أن وصل حتي فتح باب الغرفه دون أي مقدمات
مالك بفزع: ايه دخلت المخبرين دي؟، وبعدين ما الباب قدامك اتنيل خبط ولا اعمل حاجه بدل الصرع ده
كريم بمزاح: اجمد يا وحش مالك
مالك: ما مش هيبقی مش عارف اتجوز وكمان مش هعرف أخلف، وبعدين خير منورني في غرفتي المتواضعه ليه
كريم: شوف قلت الادب بقه ، يعني أنا الحق عليا اني طلعت اشوفك وقولت أبداً استحاله أفطر من غير مالك حبيبي، وخصوصاً وهو البيت هادي كده من دوشة العصابه اللي ساكنين معانا ، اه صحيح هما من أمته وبقوا ناشطين كده وبيروحوا الشركه مع ليل وقبلينا؟
مالك بسخرية: ليه وهو انت متخيل أنهم في الشركه؟
كريم: اومال هما فين؟
مالك: خرجوا مع ليل علشان يقول لعاطف يوصلهم علي بيت ساره
كريم بأهتمام واستغراب: وهما ايه اللي مواديهم بيت ساره، هي حصلها حاجه؟
مالك بخبث: لا لا محصلهاش حاجه ، هي بس جايلها عريس فكانت عايزه البنات معاها، انت عارف بقا ده متطلبات البنات كتير في اليوم ده
كريم: امممم طيب الحمدلله انهاااا ... نععععم هي مين دي اللي جايلها عريس.. امسك كريم بقميص مالك ثم أردف: انطق هي مين دي اللي جايلها عريس وازاي محدش يقولي
مالك بفزع: في ايه يا كريم هو انا بقولك أنا اللي هاتجوز من غير ما أقولك
كريم بصوت عالي: تووولع انت تتجوز ولا ماتتجوز انت كده كده باااير ، أنا بتكلم عنها هي
مالك بخبث: يا سلااام وانت مالك مدايق كده ليه هو انت كنت من بقيت أهلها؟
كريم: بقا كده ماااشي حسابي معاك بعدين يا مالك، اما ساره فأنا جايلها بنفسي، امشي قدامی
مالك بصدمه: امشي معاك فين بشكلي ده؟ انا لسه مخلصتش لبس
حيث كان يرتدي مالك قميص بدلته علي شورت قصير يصل الي منتصف ركبتيه.. نظر كريم الي هيئته ثم أمسك بملابسه وقام بسحبه للاسفل بعدم اكتراث
وهو يردف: انشالله تكون قالع خاالص هتنزل يعني هتنزل ودلوقتي
وبالفعل هبطوا الي الأسفل مع استمرار مالك في إقناع كريم بتركه ليكمل ارتداء ملابسه، بينما نهض زين من علي السفره وهو ينظر لهم بصدمه وهم يخرجون بذلك الوضع
فأردف بصدمه: انتو رايحين فين؟ وأنت فين بنطلونك
كريم: اقعد انت كمل فطارك لحد ما نروح مشوار ونرجع.... ثم اتجه الي خارج القصر مباشره
بينما زين صفق يديه الإثنين ببعضهم في وضع تعجب وصدمه واردف: لا حول ولا قوه الا بالله، دي رااحت منهم خااالص ، فضيحه العيله دي علي ايد مالك وكريم
~~~~~~{ في منزل ساره ﴾~~~~~~~
وصلت الضيوف ووصلت أيضاً الفتيات الي منزل ساره بحجه أنهم اصدقائها وجائوا لمساعدتها حتي لا تشك والدتها في الأمر وبالطبع استقبلتهم والدة ساره افضل استقبال حيث رحبت بهم للغايه..وفي غرفه ساره كانوا يتجمعون بما فيهم چنا التي اقترحت أن تنضم إليهم ووافقوا جميعهم
ساره : ها هنعمل ايه دلوقتي؟
نور بتفكير: أنا بحاول أفكر في الخطه اهو استني بس
چنا: أنا عندي فكره لو حابين تسمعوها
نظرت الفتيات كلاً منهن الي بعض ثم أردفوا: فكره ايه؟
چنا بأبتسامه وخبث: انتي هتلبسي الفستان وهتحطي الميك اب وهتخرجي وهتقابلي العريس عادي جدا
مليكه بسخرية: هي دي الخطه ما ناقص تقوليلها توافق بالعريس
چنا: ما انا مكملتش كلامي ، احنا هنمكيچها بس مش علشان نخليها حلوه ، تؤ تؤ علشان نطفش العريس
ساره: تقصدي اني اخلي شكلي وحش فمعجبهوش ويطفش
چنا: بالظبط كده
نور: طيب والله فكره يا چنا ، واصلا كلنا فشله في المكياج يعني هنطلعها لوووز هههههه...
ضحك الفتيات علي تلك الفكره الشيطانيه وبالفعل بدأو في تنفيذها وبعد مرور الوقت
أردفت چنا بأرهاق: باااس كده فل اوي، ناقص بس تحطي من البرفان ده
ساره بتقزز: يع ايه ده ؟ ده رحته مقرفه جدا
چنا: ما انا عارفه علشان كده جايبهولك مخصوص
مليكه بضحك: كده انا ابصملك بالعشره أن العريس هيطقش
ياسمين: طبعاً ده كفايه التلاته كيلوا مكياج اللي چنا حطيتهم في وشها، ده البت ملامحها اختفت
نظرت ساره الي وجهها في المراه: انا شكلي بقا مرعب بجد
نور: لا احنا شايفين بنفسها مش محتاجين وصف ، بس انا بقول يلا نخرج بقا قبل ما طنط سعاد تيجي بنفسها وتشوفك وساعتها مش هتخرجك وكل اللي عملناه هيروح علي الفاضي
ساره: ايوه صح. طيب يلا بسرعه
~~~~~﴿و في الخارج بالصالون ﴾~~~~~
حيث كانت تجلس سعاد مع ضيوفها الذين يتكونوا من الشاب ووالدته فقط
سعاد بترحاب: أهلا اهلا البيت منور بيكم والله
نجلاء بأبتسامه: البيت منور بأصحابه ، اومال فين بنوتك القمر
سعاد: ساره في اوضتها وزمانها خارجه، بس انت بسم الله ماشاء يا جمال كبرت وبقيت راجل ربنا يحميك
جمال: متشكر جدا يا طنط سعاد ده من ذوق حضرتك
نجلاء بمزاح: العيال بيكبروا بسرعه يا سعاد وبيكبرونا معاهم
سعاد: ربنا يحميهولك ويكون العوض ليكي بعد وفاة والده، اهي ساره جت وا وا...اه يا بنت الجزمه يا ساره
نهض كل منهم في صدمه تاامه من هيئة ساره التي توجهت إليهم لترحب بهم
ساره: ازاي حضرتك يا طنط
نجلاء بصدمه: الحمدلله، انتي اللي كويسه يا بنتي؟
ساره بابتسامه: كويسه جدا يا طنط
ثم توجهت الي جمال واردفت : أهلا بيك
جمال بصدمه وفزع: اااهلا بيكي يا انسه ساره
سعاد بحرج: احمم ، دي طنط نجلاء يا ساره وابنها جمال جارتنا من ايام بيت جدك الله يرحمه
ساره: ماما حكتلي عن حضرتك كتير يا طنط نجلاء
نجلاء: طبعاً هي دي عِشرة يوم ولا اتنين دي عِشرة سنين
جمال بهمس: ايه الريحه دي يا ماما، وبعدين هي اتغيرت كده ليه؟
نجلاء بتعجب وحيره: والله ما انا عارف يا جمال ؟
اقتربت سعاده من ساره واردفت بصوت منخفض: ايه اللي انتي عملاه في نفسك ده ، بقه بتلاعبيني يا بنت ابو النجا
ساره ببرائه: ابدا يا ماما هو انا اعمل كده برضوا، بس مش حضرتك قولتي اهتم بشكلي و ابقا حلوه
سعاد بغضب: عليا أنا برضوا ده انا اكتر واحده افهمك يا بنت بطني ،وبعدين بشكلك وريحتك دي كده انتي حلوه؟!، وحيات امي وامك لو ما قومتي غيرتي وشيلتي الهباب ده من علي وشك لاشغل ابو ورده عليكي وقدامهم انتي عرفاني..
وقبل أن تتحدث ساره جاء صوت جرس الباب
فأردفت سعاد: قومي يا ساره شوفي مين علي الباب واعملي اللي قولتلك عليه يلا
ساره بغيظ: حاضر يا ماما
وبالفعل توجهت ساره لتري من الطارق وخلفها ياسمين التي ذهبت معها ، وما أن فتحوا الباب حتي انصدموا من وجود كريم ومالك.
ساره بصدمه: كريم؟ انت بتعمل ايه هنا؟
كريم بفزع: انتي اللي مين وفين ساره؟
ساره بغضب: فين ساره ايه ما انا قدامك اهو
كريم بصدمه: قدامي ؟ انتي واديتي ساره فين ؟وبعدين ايه الريحه دي
تذكرت ساره أنها ليست علي طبيعتها فأردفت
: يوو هفهمك بعدين يا كريم، بس انا برضوا عايزه اعرف انت ايه اللي جابك
كريم بغضب: اه طبعاً مكنتيش عايزاني اجي علشان توافقي علي العريس يا هانم مش كده، بس علي مين مالك قالي علي كل حاجه ووالله ما انا سايبك ولا سايب عريس الغفله ده كمان
نظرت ياسمين بغضب الي مالك: انت متخبيش حاجه أبدا
مالك بأبتسامه وخبث: ودي تيجي برضوا ؟ افضل مخبي علي صاحبي حبيبي طيب دي تبقي عيبه في حقه لما كلنا نعرف الا هو
ياسمين بغيظ: ماااشي يا مالك،وبعدين ايه ده انت ازاي جيت كده
كريم: انتو لسه هتسألوا اوعوا انتو الاتنين...
ساره: استنه بس يا كريم
تقدم كريم داخل المنزل دون أن يعير اي اهتمام لحديث ساره
وما أن دخل حتي نهضت سعاد بتفاجئ من وجوده
كريم: إزاي حضرتك يا عمتو سعاد
سعاد بتفاجئ: الحمدلله يا كريم ، اتفضل يا بني، خير هو حصل حاجه لقدر الله
كريم: لا خاالص أنتوا بس وحشتوني فقولت اجي اشوفكوا واشرب القهوه ده لو مفيش مانع
نظرت له سعاد بعدم فهم وهي تحاول استيعاب ما يتفوه به
ثم نظرت إلي مالك بصدمه أكبر بسبب هيئته ولعدم معرفتها به ثم فاقت من صدمتها علي صوت كريم الذي نظر إلي جمال ووالدته بتوعد
واردف: اقعدي اقعدي يا عمتو سعاد ، وعرفينا بالضيوف... وجلس جميعهم فنظر كل من جمال ووالدته الي بعض وهم يحاولون فهم ما يحدث
فخرج صوت سعاد: دي مدام نجلاء صديقتي وجارتي من سنين وده ابنها جمال دكتور بيطري
كريم بسخرية: حيوان يعني!!!
جمال: نعم؟
كريم بأبتسامه غليظه: الي بتعلجهم يعني حيوانات
جمال بأبتسامه: اه بالظبط، بس برغم أنهم حيوانات إلا أنهم عندهم مشاعر وإحساس زينا بالظبط
كريم: اممم لا مش موضوعنا دلوقتي، أنا اصلا مبطقش الحيوانات
نجلاء بأبتسامه: انما انتو بقا مين ؟
كريم بتفكير: هو انا مش قولتلها يا عمتو، خلاص تبقی عمتي
نجلاء بأستغرب: بس سعاد ملهاش اخوات رجاله
كريم بحرج: لا والله؟ احمم ااقصد ما انا عارف، بوصي هو انا مش ابن اخوها بالظبط ،انا ابقا ابن اخت ام ابو جوزها الله يرحمه وكنت عايش في هولندا ولسه راجع ،فأنا بقولها يا عمتو
مالك بأبتسامه بلهاء: وانا ابن ابن اخو بنت عمة ساره، كنت في الصومال ولسه راجع
نجلاء بأستغراب: وايه الي انت عامله في نفسك ده يابني؟
مالك بأحراج: انا مش بقولك جاي من الصومال، هي تقالدنا هناك كده ،علشان الحر بقا والتسلخات حضرتك
نجلاء: اممم ، عمرك ما حكتيلي عنهم خالص يا سعاد
كانت سعاد في كامل صدمتها من تلك الأكاذيب الذي يتفهون بها ولكن لم يكن بإمكانها شئ سوا ان تجاريهم في كذبتهم حتي ترحل الضيوف
سعاد بأبتسامه مصطنعه: هااا؟ اه اصل هما كانوا برا مصر زاي ما قالك فمجتش فرصه احكيلك عنهم
كريم: طيب مش تتفضلي انتي وطنط نجلاء تعملولنا قهوه من ايديكوا الجميله دي
سعاد بسخرية: اه طبعاً يا حبيب عمتك.... ثم ذهبت هي ونجلاء الي المطبخ لإعداد القهوة
كريم: قولتلي بقه انك دكتور حيوانات يا جمال
جمال بأبتسامه: لا بيطري
كريم: حيوانات، بيطري مش هتفرق كلها واحده، طيب والدتك وجايه تشوف جارتها وصديقتها انت بقا جاي ليه؟
جمال بإحراج: لا أصل ماما أصرت اني اجي معاها علشان متبقاش لوحدها ، وبصراحة كمان علشان اشوف الانسه ساره واتعرف عليها لعله يكون خير
كريم بسخرية: يا حبيب ماما امممم، عايز يشوف الانسه ساره يا مالك
مالك: ليه كده يابني ده انت حتي دكتور حيوانات قد الدنيا ولسه المستقل قدامك
جمال: ما علشان كده انا جاي النهارده علشان اكمل نص ديني
مالك: لا حول ولا قوه الا بالله، هو انت كده متخيل انك هتكمل نص دينك وتدخل بقا دنيا وكده ؟
جمال: اه طبعاً اومال أنا ووالدتي هنا ليه ؟
كريم: غلبان خاالص يا مالك ميعرفش أن هو كده هيخرج من الدنيا خاالص
جمال: ليه بتقول كده حضرتك، حد يطول يتجوز واحده زي الانسه ساره، الناس كلها بتتكلم عن الادب والاحترام والعقل
مالك: اوشعاااات كل دي اوشعاااات حد عاقل يصدق كلام الناس اليومين دول برضوا، لكن لو عايز تعرف الحقيقه بجد تعرفها من واحد زي قالع بنطلونه ومش باقي علي الدنيا خلاص، فخد مني ومتراجعش
كريم بخبث: خلاااص بقا يا مالك شكله مش مقتنع سيبه يجرب
جمال بقلق: انت تقصد ايه بسيبه يجرب؟ هو في حاجه أنا معرفهاش؟
مالك:لا خلاص بقا لحسن تقول ان أنا عايز اطفشك ولا حاجه
جمال برجاء: لا لا قول الله يخليك
نظر مالك حوله يترقب ثم أردف بصوت منخفض: احنا شباب زي بعض علشان كده لازم احظرك واقولك بلااااش،
جمال بهمس: ليه بقا؟
كريم: هي بالنسبه للاحترام والجمال موجودين منقدرش ننكر بس العقل مفيييش
جمال: مفيش ازاي يعني؟
كريم: لا مقدرش أوضح اكتر من كده دي مهما كان برضوا قريبتي
جمال: لا الله يخليك ده مستقبل وجواز، فهمني وانا مش هقول لحد خااالص
مالك بخبث: خلاص بقا يا كريم هنفهمه وأمرنا لله، اصل ساره وقعت علي دمغها وهي صغيره وجالها تربنه، وأوقات بتتخيل حاجات وناس مش موجوده أصلا ،والحاله دي بتجيلها كل فتره
كريم: اه وبعدين انت مش اول عريس يجيلها، ده اتقدملها كتييير ، وكلهم كانوا جاين علي الشكل والاحترام، بس بيطفشوا اول ما بتجيلها الحاله، يعني عندك اخر واحد كانت هترميه من البلكونه
مالك بتأكيد: حصل وانا اشاهد ولولا رجال المطافئ هما الي انقذوه يومها
ضرب كريم مالك في يديه وأردف بهمس: مطافي ايه ،، ايه الي جاب المطاف دلوقتي؟
مالك: احمم اقصد يعني أنهم كانوا معدين بالصدفه ولحقوه ، واكبر دليل علي كلامنا، المنظر الي خرجت بيه من شويه ، ودلوقتي الحاله تروح وتخرج طبيعيه تااني
كريم: أحنا عملنا الي علينا وحظرناك علشان انت راجل زيك زينا، ووالدتك وعمتو جاين ، فمتنساش احنا مقلناش حاجه هااا
جمال: اه طبعاً، ده كفايه انكم أنقذتوني
مالك بفخر: اصل كله الا اعمال الخير ، احنا طول ما احنا قاعدين نعمل أعمال خير
كريم: حصل، المهم دلوقتي اول ما والدتك تيجي اتحجج بأي حاجة واخلع
دخلت سعاد ونجلاء وخلفهم باقيه الفتيات
نجلاء: شكلكوا اتصاحبتوا
كريم: اه جدا ،ده جمال إبن حضرتك ونعم الشباب حقيقي
نجلاء: بسم الله ماشاء الله عليكي يا ساره ، زاي القمر من غير مكياج
ساره: شكراً يا طنط ربنا يخليكي
سعاد: هي ساره أصلها بتحب الهزار ، فحبت تهزر معاكوا يعني
جمال: طيب يا ماما احنا لازم نمشي بقا علشان المشوار الي قولتلك عليه
نجلاء بأستغراب: مشوار ايه؟
جمال: الشغل اللي عندي يا ماما ، أن شاء الله نبقی نكرر الزيارة تاني ، بعد اذنك يا طنط سعاد، يلا يا ماما
نجلاء بعدم فهم: طيب يا سعاد يا حبيبتي احنا هنستأذن دلوقتي علشان شغل جمال، بس أن شاء الله تتعاد يوم تاني
سعاد: طبعاً يا حبيبتي، تنوروني في اي وقت
وما أن رحل جمال ووالدته حتي أمسكت سعاد بحذائها ثم أسرعت وانقضت علي ساره لتضربها
سعاد بغضب: بقا بتلاعبيني يا بنت أبو النجا، وخرجالي بالمنظر ده
ساره بفزع: خلاص يا ماما قلبك ابيض، وبعدين أنا كان قصدي شريف بهزر معاهم مش اكتر مسمعتيش عن المقالب ولا اي؟
سعاد: سمعت ، وهسمعك أنا كمان يا ساره
كريم: خلاص يا عمتي هي عيله وغلطت، قومي يا ساره بوسي ايد امك واتأسفيلها يلا
قذفته سعاد بالحذاء الذي بيديها واردفت بغضب : اه تعالالي انت كمان، بقا أنا عمتك؟ انا تخليني اكذب وأقول انك قريبي، والا التاني اللي جايلي ناسي بنطلونه
مالك بأبتسامه بلهاء: ايوه انا
كريم: طيب ممكن تسمعيني أنا عارف اني غلط بس مكنش قدامي حل غير كده علشان اطفش العريس ، بصراحه انا بحب ساره وجاي اطلبها للجواز علي سنه الله ورسوله من حضرتك
نظرت سعاد إلي ساره التي ظهرت علي معالم وجهها الاندهاش والسعادة
سعاد: وهو اللي يطلب حد للجواز يعمل كده
كريم: كل ده بسبب خوفي لتضيع مني، أنا حتي اول ماعرفت أن جيلها عريس جيت علي هنا علي طول من غير ما أفكر
ابتسمت سعاد وقد شعرت بصدق حديثه
واردفت: طيب مش المفروض اهلك يجوا معاك؟
كريم: أنا مليش غير والدتي ووالدي والاتنين متوفين الله يرحمهم ، واهلي حالياً هما اصحابي اللي بمثابه اخواتي ، أنا شغال معاهم في الشركه، والفيلا بتاعتي اتوضبت خلاص، مش ناقص غير موافقة ساره و موافقة حضرتك
سعاد: ايه رايك يا ساره؟
ساره بخجل: اللي تشوفيه يا ماما
سعاد: يبقه علي بركه الله
مليكه: لولولولوي،الف مبروك يا ساره
ساره بخجل: الله يبارك فيكي يا مليكه
كريم بسعاده: أنا متشكر جدا يا حماتي ،واوعدك اني اشيلها جوه عيوني،وان شاء الله لينا معاد تاني نحدد فيه كتب الكتاب ، أنا كل حاجه جاهزه عندي مش ناقص غير العروسه تنور المكان
مالك: طيب انا اسف علي مقاطعه الحديث السعيد ده، أحنا خلاص طفشنا العريس واتفقنا علي الجوازه وكله تمام ، بس انا خلاص فخادي تلجت وربنا، روحوني بقا
ضحك الجميع علي حديث مالك
~~~~~﴿ في شركه العامري﴾~~~~~
تحديداً في مكتب ليل حيث كان يجلس علي مكتبه وينظر في بعض الملفات ثم أردف
ليل بغضب: أنا عايز أفهم الملفات اللي قدامي دي مخلصتش ليه؟
ريهام بتوتر: يا فندم دي غلطة الموظفين وخصوصاً الغياب الفتره دي زاد
ليل بغضب: والله حلو اوي نازلين شغل وبتقبضوا بدون مقابل، من النهارده تعمليلي قائمه بأسامي كل اللي بيغيبوا وتخصمي من مرتبهم واللي مش عاجبه يترفد حالا ويجي اللي أحسن منه مفهوم؟
ريهام بفزع: مفهوم يا فندم
ليل: اطلبيلي استاذ كريم من مكتبه
ريهام: بصراحه هو لسه موصلش يا فندم
ليل بغضب: اول ما يوصل علي مكتبه تبلغيني،اتفضلي
خرجت السكرتيره علي الفور.....
ثم اتي صوت رنين هاتفه
ليل: الو...... تحولت ملامح ليل بالكامل الي الغضب ثم اغلق الهاتف واردف: كريم!!
- تابع الفصل التالي عبر الرابط:: "رواية نور الليل" اضغط على أسم الرواية