رواية اوزعة قلبي انا الفصل الثاني بقلم هاجر محمد
رواية اوزعة قلبي انا الفصل الثاني
رغد:وهى بتتكلم مع محمد وبتبص وراها شافت حراس كتير جايين يجروا بسرعه نحيتها خافت وقالت يانهاااار اسوووح انا لازم اهرب بسرعه وطلعت فونها ورنت على رهف وقالتلها بت الحقيني بسرعه على العنوان ده وطلعت تجري
واحد من الحراس لمحمد :محمد باشا انت كويس
محمد:اجروا ورا البت دي وهاتوها ليا بسرعه مش عايزها تهرب منكم
الحراس:اوامرك يا محمد باشا وطلعوا يجروا ورا رغد
رغد:ماشي بقا انتوا الحراس بتوعه وباعتهم ورايا علشان يمسكوني طيب والله لهدوخكم ورايا ومش هتعرفوا تمسكوني وفضلت تدخل من شارع لشارع وهم يجروا وراها وقالت لا بقاا كده كتير انا لازم ازوغ منهم وقامت داخله ف عماره ومستخبيه منهم وهم يدوروا عليها مش لاقينها
واحد من الحراس :هى راحت فين ده البت دي زي ما يكون فص ملح وداب احنا نتصل بمحمد باشا ونعرفه ان البت هربت مننا الوو يا محمد باشا البت هربت مننا يا باشا
محمد:هربت منكم ازاي بقا حتة بت زي دي تهرب منكم علشان انتوا شوية بهايم انا مشغل عندي شوية بهايم انهى المكالمه وبعدين رن على زياد الوووو يا زياد عاوزك تجيلي على العنوان ده وانهى المكالمه
رغدبعد ما اتاكدت ان الحراس مشيوا طلعت من العماره وراحت على الكافيه علشان تشوف رهف وفضلت ماشيه شويه وخايفه لحد يشوفها وبعد 5دقايق وصلت على المكان وكانت رهف مستنياها
رهف:ف ايه يا بت كنت خايفه وانتي بتكلمني ايه اللي حصل
رغد:طب هاتيلي حاجه اشربها الاول
رهف:يابت يعني انا هموت من خوفي عليكي وانتي همك دايما على بطنك كده
رغد:طب وربنا ما هتكلم غير لما تطلبيلي حاجه ده انتي تحمدي ربنا ان انا مش بقولك اطلبيلي حاجه اكلها ده انا بعد الجري ده كله حسيت اني خسيت النص اه وربنا😂😂
رهف:طلبت اتنين عصير مانجا وادي ياستي العصير اتكلمي بقاا
رغد:وبعدين انتي طالبه لنفسك ليه انا اللي كنت بجري مش انتي بصي بقاا خدي ده وهاتي بتاعك وادتلها كوباية العصير بتاعتها بعد اما شربتها كلها وخدت بتاعت رهف كمان وشربتها وقالت اهو انا كده هعرف اتكلم 😂
رغد:بصي ياستى وحكت لها كل حاجه حصلت
رهف:يا نهارك اسووود عملتي كل ده فيه وشكله كده شخص مهم ده انتي تقولى بقا على نفسك يا رحمن يارحيم
رغد:وانا اعمله ايه ماهو اللي استفزني ده بدل ما يعتذر مني يقول على اوزعه ومش عارف ايه
رهف:اه بس برضو ماكانش ينفع اللي عملتيه ده انتي كده هتدخلى نفسك ف مشاكل كتير
رغد:ياختي بلا مشاكل بلا هياكل ههههههههه
رهف:ههههههههه بعد كل ده وجايلك تضحكي
رغد:اضحكي يا اختي اضحكي حد واخد منها حاجه هههه
رهف:على رايك بت شوفي مين اللي جاي هناك ده
رغد:يا نهاااار اسووووح اهى كملت بت خبي وشك بالمنيو اللي قدامك علشان هنمشي من هنا قبل ما الغلاسه تشتغل هو اليوم باين من اوله ربنا يستر بقااا وجم علشان يمشوا رغد لقت حد مسك ايدها بتبص لاقيته سليم قامت شايله ايدها وضرباه بالقلم على وشه وقالتله ايدك دي لو لمستني بعد كده هقطعهالك انت فاهم
سليم:اه يا بنت الكلب انتي ازاي تعملي كده انتي مش عارفه انا مين وممكن اعمل فيكي ايه
رغد:هو فى ايه هو انا كل اما قابل حد يقولى الكلمتين دوول ايه هتخوفوني يعني لما تقولولي كده اعملوا اللي تعملوه انا مابخافش من حد شكلك انت اللي ماتعرفش انا مين يلا خليني اغير الدور شويه😂😂
سليم:ههههههه وهتكوني بنت مين بقاا الوزير وانا مش ماعرفش انتي اخرك تكوني بنت راجل شحات وعلى قد حاله
رغد:انا ماسمحلكش تقول كلمه واحده عن بابا انا بنت اللواء محمد الشافعي ولو مش عارف مين محمد الشافعي روح واسال وانت هتعرف
سليم:ابوك ده ولا يسوى باشاره واحده مني امحيه من على وش الارض وافرمه تحت رجليا
رغد:قامت ضرباه تاني بالقلم على وشه وقالتله لما تتكلم على ابويا الله يرحمه تتكلم باحترام والا المره الجايه مش هتلاقي لسانك علشان تتكلم كل ده بيحصل وف عيون مراقبه كل حاجه
سليم:انتي زودتيها خالص ولسه رايح يضربها بالقلم لاقى اللي مسك ايده وضربه بالقلم على وشه وقاله شكلك مابتتعلمش من اول مره
سليم بخوف:يا باشا انا والله ..
محمد:ماتحلفش انا سامع وشايف كل حاجه من الاول اعتذر منها وبعد كده مش عاوز اشوفك هنا تاني فاهم
سليم:بس يا باشا انا
محمد:سمعت انا قولت مابحبش اكرر كلامي مرتين
سليم:انا اسف يا انسه رغد على اللي عملته معاكي اتمني تقبلي اعتذاري
رغد:تمام واتمنى انه مايتكررش تاني
سليم وهو خارج محمد بيقوله استنى عندك
سليم:نعم يا باشا
محمد:لو عرفت ان انت اتعرضتلها تاني صدقني انا اللي همحيك من على وش الارض وهو بيتكلم معاه رغد بهمس قالت لرهف كملت ربنا يسترها عليا النهارده هيعملني كفته 😂
رهف:مش فاهمه
رغد: يا جزمه فتحي مخك معايا فاكره الكلام اللي حكيتهولك من شويه
رهف:ايوه ف ايه بقاا
رغد:هتصدقى بقااا لو قولتلك ان هو ده اللي انا ضربته 😢
رهف:وما لقتيش غير محمد العمري وتعملي معاه كده انا كده ضمنت ان انتي النهارده من الاموات
رغد:يا شيخه اتنيلي وهو انتي تعرفيه
رهف:ف حد ما يعرفش محمدالعمري ليلتك سوده يا طمطم
رغد:بت جاتلي فكره....
*******************************************
تعريف الشخصيات اللي ظهرت معانا ف البارت ده
رهف احمدالشافعي بنت عم رغد وبنت خالتهافتاه بيضاء شعرها بني طويل يصل الي اسفل ظهرها وعيونها عسليه عمرها 21سنه في نفس عمر رغد ف كلية هندسه مع رغد وطولها مناسب وجسمها ممشوق
زياد احمد المهدي ابن خال محمد عنده 26سنه صاحب محمد وشريكه ف الشغل لديه جسد رياضي وشعره بني وعيونه رصاصي وبشرته خمريه يحب المزاح
سليم محمد الدمنهوري عنده 23سنه ف كلية هندسه لديه جسد رياضي وبشرته قمحيه وشعره بني وعيونه خضراء وبتاع بنات
وهووووبا البارت خلص النهارده
يا تري ايه الفكره اللي جات لرغد؟
ويا تري محمد هيعمل ف رغد ايه؟
ويا تري سليم هيسكت على الاهانه دي ولا لأ؟
تابع الفصل التالي عبر الرابط:"رواية اوزعة قلبي انا"اضغط علي اسم الرواية