رواية حين تقع في الحب الجزء الثالث 3 الفصل السابع والعشرون بقلم ندى علي
رواية حين تقع في الحب الجزء الثالث 3 الفصل السابع والعشرون
الصبح الكل اتجمع عن الطباخ ونور بتلبس عاصي
نور :عاصي اوعي تبعد عن البيت يا عاصي اوعي تمشي بعيد يا عاصي انا حذرتك اهو خليك مع ابوك علطول
عاصي :يا ماما حاضر والله انا هلعب قدام البيت بس انا عاوز فلوس علشان اشتري
نور :معيش فلوس فكة روح خد من بابا يا حبيبي
عاصي :حاضر يلا انا ماشي ونزل
نور اشتالت حبيبه :وانتي يا ست حبيبه بتسكتي هنا وتيجي قدام الجدة تقومي تعيطي وتجيبي ليا الكلام دا ينفع
حبيبه ضحكت ليهاااا ونور اشتالتها ونزلت علي تحت
قدام المخزن
محمد في الفون :يا حببتي انتي دلوقتي روحتي الكوافير صح
يمني :ايواا
محمد :طيب ايه المشكله بقااا زعلانه ليه
يمني :انا عوزه اسيب شعري وخايفه اقولك
محمد :لاء يا يمني الحجاب هيكون جميل ورقيق عليكي اكتر
يمني :يعني يوم فرحي والبس حجاب
محمد بصرامه :ايوا يا يمني انا مش هسمح ان مراتي تمشي من غير حجاب قدام زمايلي واخواتي ابدا وبعدين حرام انتي محجبه لربك مش لناس وصلت
يمني بعبوث :خلاص ماشي انا هقفل علشان ابدء ميكب يلا باي
محمد :اوكي باي باي وقفل
غسان واقف مع المعازيم بيسلم ايجه الطباخ عليه
الطباخ :ياحضرت الرائد
غسان :اؤمر يا شيفنا
الطباخ :احنا كدا الرجاله كلها اكلت لسه سفرة الحريم
غسان :خلاص تمام جهز السفره وانا هجيب الحريم هنا وطلع علي فوق
غسان :نور نور
نور ايجت من الصالون وهي شايله حبيبه :نعم يا غسان
غسان بصوت عالي :يلاا يا جماعه السفره جهزه الاكل بدء ينزل
نور :حبيبي ممكن تجيب اكل ليا انا ونورهان ونسمه بدل ما ننزل غير ان الولاد هيبهدلونا
الجدة بصرامه :ومن العادات التقاليد ان كناين العيله يكلو مع المعازيم دا من الاصول
نور بحترام :بس يا جدتي الولاد بيبهدلوني فعلا وحبيبه صعبه ومش بتسكت
الجدة :غسان نزل مراتك تاكل مع الكل ويلااا ونزلت
نور ايجة تنزل غسان مسك ايدها وهي استغربت
غسان برفع حاجب :رايحه فيين
نور :هنزل علشان مش عوزه كلام معاها
غسان :هي قالت انتي هتنزلي بس انا طلبت انك تنزلي
نور بستغراب :مش فهمه اومال هعمل ايه
غسان :هتعدي في الشقه هنا والاكل هيجي ليكي تكلي انتي وعاصي واسر والبنات
نور :بس لو اتكلمت
غسان حط ايده علي خدها :تتكلم وايه يعني وقتها هتكلم اناا مراتي ست الستات وملكة علي الكل
نور بحب :ربنا يخليك ليا
غسان بهمس :ابوس انا بقااا
نور دخلت جري علي جواا بكسوف وغسان ضحك ونزل علي تحت
*************
في الكوافير
سما اللي هتعمل الميكب :قوليلي يا عروسه عوزه الميكب ازاي
يمني :بصي انا مش عوزاكي تغمقي بشرتي انا عوزه نفس لوني كدا والروج يكون لون طبيعي مش فاقع والحجاب والباقي علي زوقك بس الاي شادو مش عوزه في لمعه
سما ببتسامه :خلاص تمام الف مبروك
يمني ببتسامه :يبارك فيكي يارب
وسما بدأت تجهزهاا
*******************
الساعه 5 المغرب محمد بيلبس في شقته علشان يجيب يمني ويرحو السيشن والابتسامه علي وشه لبس البدله ورش برفانه وهو حاسس بفرحه اول مره يحسها خلص ونزل
غسان ابتسم اول ما شافه :مع ان مش اول مره تلبس بدله بس المره دي مختلفه كلها كام ساعه وهتكون راجل متجوز وتودع العزوبيه يا صاحبي
محمد حضنه بشده :ربنا يخليك ليا وتفضل اخويا اللي محبتوش امي يا غسان اومال الشباب فين
غسان :بيخلصو الحسابات مع الاضائه علشان نلبس كمان ساعه ونكون في القاعه قبلك
محمد :طيب هسبق انا علشان الاحق السيشن
غسان :تمام ومحمد ركب عربيته وانطلق علي الكوافير وغسان طلع علي فوق
***************
في شقة نفين
نفين بطبطب علي غسان :اظن ولا كلت ولا شربت النهارده يا نن عيني
غسان باس ايدها :لاء يا اما انا كلت انا والشباب وكمل بمرح قولي مبطلناش اكل
نفين :بلهنا علي قلبكم
غسان بهمس :الا قوليلي ستي فين البيت ساكت كدا
نفين بضحك :داخلت تريح شويه
غسان :طيب ايه يا نور انتو والبنات هتخدو وقت في البس اطلعو اجهزو من دلوقتي يلاا وجهزو العيال
نور ببتسامه :كنت لسه هقولك وقربت منه بس تعالي فوق عوزاك
غسان بهمس :في حاجه ولا ايه
نور :لاء متقلقش بس عوزه منك فلوس علشان عاصي بيطلب مني وانا معايا في الفيزا ومش عوزاه يحرجني
غسان ببتسامه :حاضر يا حبيبي اطلعي اجهزي وانا هطلع اجيبلك اللي انتي عوزاه
نور ابتسمت واخدت حبيبه وعاصي وطلعت ونسمه اخدت زهره وطلعت ونورهان اخدت فرحه وراحت شقتها وغسان نزل عمد الشباب
عمر :انت يابني بندور عليك وعلي محمد رحتو فين
غسان :انا هنا قولت للبنات يلبسو علشان هيتأخرو ومحمد راح يجيب مراته ويروحو علي السيشن
قاسم :طيب احنا كدا خلاص مفيش حاجه تتعمل كلة اتحاسب والدنيا تمام نطلع نجهز احنا كدا وناخد دوش ونظبط نفسنا
غسان :كنت هقولكم كدا روحو ظبطو اموركم وانا طالع اشوف هعمل ايه علشان نلبس علشان عوزين نكون قبل محمد في القاعه
عمر :والاتوبيس اللي هياخد المعازيم من هنا للقاعه هيوصل كمان ساعه
غسان :يبقي يدوب نطلع نلبس وطلع غسان وقاسم وعمر راح علي بيته
**************
في الكوافير
يمني واقفه وفستانها منفوش وجميل ومطرز بالخرز الابيض ولون الفستان مقارب للبيج
محمد دخل وسط الزغاريط والفرحه واتفاجئ بشكلها الجميل و الرقيق قرب منها وباس ايدها وسلمها بوكيه الورد واخدها من ايدها ركبها العربيبه ومشي
محمد :ايه الجمال والروعه دي انا قولت حلوه بس مش اووي كدا
يمني بكسوف :انت كمان شكلك حلو اووي ... هنروح فين دلوقتي
محمد :هنروح السيشن وبعد السيشن علي القاعه وكمل بخبث وبعد القاعه علي البيت وفي البيت اا
يمني بكسوف ومقاطعه :اسكت اسكت مش عوزاك تقاطع سيب كل حاجه لوقتها
محمد ضحك عليها وعلي خوفها وكسوفها
***************
في بيت يمني ابوها لابس بدله رصاصي وماهر لابس بدله كحلي ومتشيكين اخر شياكة
سمير :ماااهر الاتبويس وصل ولا لسه
ماهر :انا رنيت علي غسان قالي هيرصل علي الساعه 7
سمير :طيب اتصل بختك شوفها مشيت من الكوافير ولا لسه
ماهر :بكلمها فونها معلط اكيد في السيشن دلوقتي
سمير :طيب شوف اعمامك لو ناقصهم حاجه
ماهر بتذمر :المهم مترتحش يا زفت دا المطلوب مني واللي عايز تقوله اصلا وراح يشوف اعمامه
ماهر :ايه يا جماعه في اي حاجه محتاجنها
سالم عمه :احنا هنروح امتي يابني لبستونا بدري وقعدتونا وخلاص
ماهر :ماهو مش معقول هنروح بدري اووي كدا
سالم :هو الاتوبيس وصل ولا لسه
ماهر :علي وصول
جميله مرات عمه :معلش يا ماهر ودي احمد ابني يشرب لو مش هنتعبك
ماهر بغيظ مخفي :لاء يا مرات عمي ولا تعب ولا حاجه ومسك الواد من قفاه واخده وطلع البيت يشربه
*************
في السيشن
محمد لبس بليزر ابيض و حاطت ايده حاولين وسط يمني ويمني حطه ايد علي كتفه وايد علي قلبه وجدها اليمين مقابل ليه
المصور :بقولك يا عريس بوسه رقيقه بقااا
محمد بخبث :حبيتك فجأة يا اخي من عندالله ربنا يفتحها في وشك ولسه هيبوس
يمني بكسوف زقيته:محمد انت بتعمل ايه عيب ابعد
محمد :يابت هتخليني اصوووت انا جوووزك هي البدله البيضه مش ماليه عينك ولا ايه
يمني بخجل :لما نبقي لوحدنا مش قدام الناس عيني عينك كدا
المصور:مفيش حاجه يا عروسه دي بوسه بسيطه من الخد بس علشان الصوره
محمد :يلاا بقاا دا انا لما اروح هطلع كل دا عليكي اخلصي وباسهاا من خدها وسط كسوفهاا الشديد
المصور :بس حلوو اوي كدا
محمد بصدمه :ايه ياعم انا لسه كنت باخد الوضع وانت تقول خلاص طب قدر دا احنا رجاله دي بعض يعني
المصور بضحك :يعم اهدي كلها ساعتين تلاته وتقول ياليتني
محمد بضحك بص ليمني :مجرب قلب امه وكملى تصرير وفضلو فتره كبيره جدا
***********
في شقة نور
نور بتجري من الاوضه دي للاوضه دي
نور بصويت :عااااصي البس الجزمه بسرعه وهات الشنطه السودا اللي فيها الميكب من الاوضه بتاعتك يا روحي
عاصي راح جابها :خدي اهي حاجه تانيه
نور بسرعه : افتح درج الكومدينو وهات علبة مناديل بسرعه
غسان اللي شايل حبيبه وواقف مصدوم :يعني مطلعك بقالي ساعتين وبرضو اتأخرنا
نور بضيق :يا غسان لما لبست عاصي وحبيبه اخدو وقت
غسلن بعصبيه :لما وقفت شويه قدام المرايه اشوف تخنت كام كيلو وشويه انا لازم اخس وشويه انا طولت وشويه حسه بهالات تحت عيني عااارف القصص دي كلهااا مرت علياا في 1000 فرح روحت معاكي فيه
نور مركزه في الايلينر اللي بترسمه والماسكرا وبعد وقت كبير خلصت ميكب ولفت الطرحه وخلصت كل حاجه
نور بصت لغسان :ايه غلط فيااا
غسان بغضب :المكياج زفت علي دماغك ولا بحب القصص دي كلهااا دي مرقعه
نور بترجي :حبيبي انت وعدتني انك هتسبني احط ميكب في فرح محمد ويمني
غسان :استغفر الله العظيم ما علينا انتي قمر يلا بقااا ننزل اخلصي
نور بضحك :انت وعاصي شبه بعض اوووي في البس دا
نور كانت لبسه فستان كشميري محتشم وطويل بحزام ابيض وجزمه بيضه واسبنش ابيض وشنطه دهبي والسلسه اللي عليها اسم غسان والدبله والاساور الدهبي وكانت ملكه
غسان كان لبس نبطلون اسود وبليزر رصاصي تحته قميص اسود وجزمه رصاصي وكانت زوق وقيامه في لبسه
وعاصي لبس مفس لبس غسان بالظبط وحبيبه لبسه سلوبته شورت كشميري لون فستان نور
نور مركزه مع نفسها في المرايه اووي
غسان :يابني اخلصي يلا واخد حبيبه وعاصي ونزل قبلها
************
عمر وقاسم لبسين نفس لبس غسان علشان متفقين علي كدا واسر نفسهم
قاسم نازل بغضب وفي ايده اسر :وبقالي 3 سعات بنقول اطلعو البسو وكل دا مخلصتش لا حول الله
غسان :في ايه بتزعق ليه
قاسم بغيظ:ذا عيشة تحرق الدم الساعه بقت 7 ونص ولسه الهانم مخلصتش
غسان بص لنور بغيظ:لو مكنتش زعقت كانت فضلت اسبوع بس قدر ولطف
نسمه :مش فهمه بتزعق ليه اهو خلصت ونزلت
قاسم بغيظ :بعد ايه دا انتي سحلتيني من الوقفه
نور :اش اش اس ايه الحلوه دي يا نسوووم
نسمه كانت لبسه فستان لبني سك وبديل من ورا وعليه بعض الخرز وسمبل اووي وجميل مع الميكب الهادي والاسبنش الجميل نفس لون الفستان
نسمه:بجد حاسه نفسي تخينه في الفستان اووي
غسان بسرعه :قاسم انا سابق مبحبش سيرة التخن دا ابدا
الكل ضحك ونزلو علي تحت
نور :غسان الله يخليك انا هنزل علي العربيه علطول مش عوزه اقابل ستك دلوقتي خااالص
غسان بضحك :احنا كلنا هننزل في العربيه علشان هي ركبت مع ابويا تحت
نور حطت ايدها علي قلبها هي ونسمه وفي صوت واحد :الحمدالله
غسان وقاسم بضحك :دا ستي عمله شغل تمام اهي ونزلو علي تحت اتقابلو في عمر ونورهان وفرحه
عمر :ايه يلا محمد طلع من السيشن ورايح علي القاعه والاتوبيس بتاع العروسه مشي وبتاعنا لسه ماشي حالاً وابوك وامك وستي سابقو اهو حالا
غسان بص في ساعته :واحنا يدوب اووي نوصل يلا كل واحد ركب عربيته مع مراته وعياله ومشو
******************
في اتوبيس العروسه
الحريم كلها بتصقف وبيغنو وبيرقصو وفرحانين اوووي
ام لمياء :مبروك يا ام ماهررر عقبال ماهر يا رب
دنيا :الله يبارك فيكي يا ام لمياء منحرمش منك ايدا
زينب جارتهم :الا انا نفسي اشوف العريس دا اووي
دنيا :دلوقتي تروحو وتشفوه اهو
زينب :لا ايه يا ستات عوزين اغاني زمان الحلوه دي يلاا عقبالك حداكم واستغلو اغاني تاني
*********
بعد وقت كبير وصل الكل القاعه ودخلو واتبهرو بشكل القاعه وجمالها
غسان ماسك ايد نور وشايل حبيبه ونور ماسكه عاصي في ايدها وغسان راح علي طربيزه امه
غسان :السلام عليكم امه نور معاكي اهي نور خلي بالك علي حبيبه عاصي معايا متقليش عليه
نور :طيب بس عوزه اقوم استقبل العروسه
غسان بص ليها بصه هي عرفاها :انا لو لقيتك قومتي من مكانك هاجي اكسرك مكانك اشطااااا
نور بغيظ :طيب
غسان اخد عاصي ومشي وحبيبه بدات تعيط وراه نور استالتها وطبطبت عليها وشويه نورهان ونسمه وصلو وراحو جنب نور
نور :ايه اللي اخركو كدا
نورهان : احنا وصلنا من شويه بس استنيت نسمه
نسمه :قاسم كان مهدي السرعه علشان زهره
نور :مش دي مامت يمني اللي جايا علينا دي
نورهان :ايواا هي
دنيا راحت عليهم وسلمت
نور ببتسامه :نقول مبروك علينا يمني بقااا
دنيا :يهنيهم يارب عقبال ماتشوفو اليوم دا لعيالكم يارب
البنات :يارب. ودنيا بدات تتكلم مع نفين
وفجأة الاغاني اشتغلت واغنية طلي بالابيض ودخل محمد ويمني من باب القاعه الكبير الكل سقف مع همسات الكل عليهم
نسمه :الفستان مش ابيض
نورهان :مبحبش كدا هو معروف فرح يبقي ابيض
نور :هو زوق يمكن هي مش حابه الابيض
يمني دخلت وهما شورو ليها وهي ابتسمت وشاورت ليهم غسان اللي عينه علي نور وعياله وهكذا قاسم وعمر
قاسم :غسان الفرح في كل الكتيبه باين
غسان بضحك :تقريباً كدا والكل ايجة عليهم وبدأو يسلمو عليهم في فرح وسرور والكل بيسلمو ويبوسو عاصي واسر
وبدأت الرقصه الاولي ويمني ومحمد بيرقصو ويمني مش عرفه تجيب عينها في عين محمد من الكسوف
محمد :يمني خليكي معايا انا سيبك من كل اللي حوليكي دول يا حببتي
يمني بكسوف :انا معاك اهو انا روحت فين
محمد :اقصد قلبك وروحك معايا مش جسدك انا عاوز عيونك يا يمني يكونو في عيوني من غير كسوف يا حببتي
يمني بصت ليه بحب ممزوج بكسوف :حاضر
واول ما خلصت الرقصه طلع غسان علي المسرح
غسان مسك الميك :اسمع بقاااا يا معلم انت وهو الفرح دا فرح اخوويا يعني عاوز دمارر يحصل النهارده وسمعني حاجه لعبسلام بسرعه ضحك الجميع عليه واشتغل مذمار عبد السلام والرجاله بدأت ترقص مع محمد وقاسم وعمر وغسان قامو بالواجب وزياده
والبنات ولاد عمات يمني وقرايبهم قامو يرقصو معاها
نورهان بحماس :بنات قومو نروح نقف معاهم علي المسرح
نسمه :اشطااا يلا هدي زهره لماما ونروح يلا يا نور
نور بتذمر :اسفه محكوم عليااا عدم طلوعي علي المسرح او التحرك من مكاني
نورهان بغيظ :يعني ايه دلوقتي
نور :يعني اتنيلي اطلعو لوحدكم وانا هفضل هنا
نسمه :هنطلع علشان يمني متزعلش بس لو منكدتيش عليه النهارده تبقي غلطانه وطلعو
نور بغيظ :دا انا هنكد نكد مشفهوش في حياته
نفين :نور قومي معاهم يا حببتي افرحي
نور :نفسي بس غسان مشرط عليا مطلعش علي المسرح
نفين :دا ايه دا اطلعي واتبسطي معاهم سيبك منه
نور بضحك :هيزعق ويتخانق ليييه افضل بحترامي وخلاص
نفين ضحكت عليهااا والجده باصه للكل ومش عاجبها الوضع
نور بضحك علي شكل الجده :لا حول ولا قوه الا بالله ياربي
غسان قلع البليزر وبص لنور وحدفه عليها نور اتخضت بعدين شمت ريحه برفانه عرفت اوه غسان بصت ليه لقيته بيرقص وبيعكب مع الضحك والفرح المتبادل للجميع مسكت البليزر عدلته وحطيته علي رجلهاا وفضلت تلاعب حبيبه اللي قعده قدامها
بعد وقت نزلو الشباب من علي المسرح علشان العرسان يرتاحو
غسان راح قعد جنب نور بتعب وعرقان
نور :غسان اهدي شويه العرق دا هيتعبك
غسان قرب منها وحط ايده علي كتفها بهمس :قومي تعالي معايا
نور :هنروح فين
غسان :هنروح نسلم علي يمني ومحمد
نور قامت :ماما خلي حبيبه معاكي اما اروح اسلم علي يمني واجي
نفين :روحي يا حببتي
غسان مسك ايد نور واخدها وطلع علي المسرح
نور ببتسامه حضنت يمني :الف مليون مبروك يا بمني نورتي عليتنا والله وسلمت علي محمد
يمني :يبارك فيكي يا حببتي
غسان بارك هو كمان ويمني اتكلمت مع يمني علشان لحظة توترها
غسان بهمس :محتاج حاجه يلااا اي مساعده
محمد :مساعده في ايه انت وعمر وقاسم سألتو نفس السوال
غسان بخبث :مجربين احنا تاخد فكرة يعني
محمد :لولا المعازيم كنت قتلتكم الثانيه دي
غسان ببتسامه :الف مبروووك يا صاحبي تتهاني بيهااا يارب
محمد بحب :يبارك فيك يا صاحبي
غسان اخد نور ونزلو وقعدو يتصورو كتير وحبيبه شبطه في غسان وكل شويه ناس صحاب غسان يجو يسلمو عليه وبعد وقت كبير انتهي الفرح والكل اخد عيلته وروح ومحمد ركب العربية بتاعته ومشي وغسان وعمر وقاسم وراه بيزفووه
- تابع الفصل التالي عبر الرابط (رواية حين تقع في الحب) اضغط على اسم الرواية