رواية ولدت ثلاث مرات الفصل السابع بقلم منه محمود
رواية ولدت ثلاث مرات الفصل السابع
طبيب المعمل: الدواء ده إسمه العلمي (Quitapex) بيتكون من مادة (Quetiapine)، المادة دي بتتشهر بفاعليتها وتأثيرها على نشاط الدماغ، ببساطة هي بتقلل من النشاط الدماغي بإنها بتغير في كيمياء المخ أو بمعنى أصح بتضبطها،
وده بيحصل عن طريق التلاعب في مستويات الدوبامين والسيرتونين والهيستامين وتغيير نشاط مستقبلات ألفا 1 و 2، بالتالي هيساعدها على التوقف عن التفكير والقلق وهيساعدها في النوم الهادئ بسهولة، يعني نومها الكتير ده ميقلقكوش ده أمر طبيعي، وكمان ليه تأثير واضح وقوي على هرمون الأدرينالين، المتعلق بحالات التوتر والخوف والفزع الشديد.
خالد: والدواء ده بيتكتب بسهولة كدة لأي حد إغمي عليه؟
طبيب المعمل: لأ طبعا Quitapex دواء لعلاج"
- حالات الهياج العصبي،
- الإكتئاب،
- حالات الهوس والتخيلات الوهمية بسبب الاضطراب النفسي،
- الاضطراب ذو الاتجاهين،
- حالات انفصام الشخصية،
- الهوس المختلط،
- مرض ثنائي القطب والاكتئاب المصاحب ليه"
يعني مش لشخص عادي مغمي عليه، وبيتاخد قرص واحد قبل النوم، وفي الحالات الصعبة ممكن قرصين أو تلاتة بالكتير الجرعة اليومية من 300: 400 مجم، وساعات بيبقي فيه حالات خاصة بتستدعي إننا نديها جرعة بتوصل إلى 750 مجم بس طبعا بيبقي تحت إشراف طبيب مختص، يعني مبيتكتبش ك مهدأ في الحالات العادية خالص ومبيتاخدش كدة من غير كشف
خالد: طب يا دكتور الدواء ده ليه آثار جانبية؟
طبيب المعمل: أكيد طبعا ليه آثار جانبية وممكن يصاب البعض بيها زي"
- إرتفاع نسبة السكر في الدم والإصابة بداء السكري
- عسر الهضم والإمساك الشديد
- دوخة وإرهاق وصعوبة في النوم
-سرعة ضربات القلب
-الشعور بالهبوط وانخفاض في ضغط الدم عند الوقوف
-نقص في كريات الدم البيضاء
-جفاف الحلق
-ارتفاع الشهية وبالتالي زيادة الوزن".
خالد: شكرا يا دكتور تعبتك معايا
_____صلي عالنبي
إلتفتت منه لعلبة الدواء، أمسكتها بصدمة قائلة: مين اللي كتبلي الدواء ده؟!
نور: الدكتور اللي كشف عليكي
منه: إحكيلي اللي حصل بالظبط كدة
قص نور لها ما حدث بالأمس
منه: يبقي صح، اللي كتبلي العلاج ده مش دكتور
نور: إزاي؟
منه: نور ده مش مهدأ عادي، ده Quitapex
نور: أيوة يعني بتاع إيه ده؟
منه: ده علاج الهياج العصبي والإكتئاب، أنا كنت باخدة من 4 سنين وباخده من وقت للتاني لما بتعب أوي
يعني لو دكتور فعلا اللي كاشف عليا، إستحالة يديهولي كدة، في الحالات العادية كان هيديني حقنة تهديني وخلاص مش هيطلب منك تديني حباية منه كل يوم ولو حالتي كانت شديدة تديني إتنين، لو هو دكتور عادي كان هيديني علاج وقتي وخلاص، إنت فاهم
نور: تعالي معايا يا منه
منه: علي فين؟!
نور: هفهمك برا
خرجوا الإثنان خارج الغرفة متوجهين لحديقة الفندق
نور: كل اللي بيحصل يأكد إن مزروع في الأوضة بتاعتنا كاميرات
منه بإنهيار: ليه كل ده؟، مين دول يانور؟، وعايزين مننا إيه؟!
نور: مش عارف، أنا مستني أتأكد
منه: وهتتأكد إزاي؟
نور: من سلمي وخالد
منه بعدم إستيعاب: سلمي وخالد!! تتأكد منهم علي إيه؟!!
نور: هفهمك اللي حصل وإنتي نايمة
____ #السلندر #منه_محمود
بتول بصدمة: سلمي!!!، إنتي بتعملي إيه هنا؟!
سلمي: متخيلتش خالص إنك تكوني إنتي ورا كل ده، وكمان من غير ما أعرف
نهضت من على مكتبها قائلة: أنا كنت هقولك ياسلمي والله، أنا بس
قاطعتها بعصبية: إنتي إيه؟، هتبرري موقفك تاني بإيه؟، يعني طول الفترة اللي فاتت كنتي بتاخدي مني معلومات عنها عشان في الآخر تإذيها، إنتي جنس ملتك إيه ياشيخة، شيطانة
بتول: لا ياسلمي والله إنتي فاهمة غلط، الدواء ده عشان يساعدها والله، ده دواء الإكتئاب اللي كانت بتاخدة، إنتي مشوفتيش حالتها كانت عاملة إزاي؟
سلمي: بس إنتي شوفتي، يعني زارعة كاميرات في أوضتها فعلا، ليه بقي؟!، عايزة منها إيه تاني بعد اللي حصل؟
بتول: أنا هفهمك كل حاجة
_____صلي عالنبي
خرجت سلمي من مكتب بتول، وإتصلت علي نور وهو جالسا مع منه في حديقة الفندق: ثواني يا منه سلمي بتتصل
أجاب نور: أيوة ياسلمي
سلمي: لازم أشوفك دلوقتي بس متجيبش منه معاك
نور بقلق: إنتي عرفتي حاجة؟
سلمي: دلوقتي يانور، هستناك برا الفندق ومتخافش محدش هيجي وراك تاني، سلام
أغلقت سلمي الهاتف، وتساءلك منه: نور هي سلمي عرفت حاجة؟
نظر لها نور رافعا كتفيه بعدم إستيعاب : مش عارف الظاهر كدة، خليكي إنتي هنا عشان منلفتش إنتباههم علينا، هروح أشوفها بسرعة وأجي
منه: متتأخرش يانور
أومأ لها رأسه بالموافقة وخرج لمقابلة سلمي بالخارج
نور: فيه إيه ياسلمي خضيتيني، عرفتي حاجة؟!
رفعت له هاتفها بصورة من حفل ضخم متواجد به منه وبجانبها امرأة ورجل وشاب
نور بتساؤل: إيه ده؟!
سلمي: دي منه من أكتر من أربع سنين فاتوا، ودي خالتها نورا وده عز جوزها
نور: والشاب ده؟!
سلمي: نادر، متهيألي سمعت الإسم ده قبل كدة صح؟
نور: فعلا، منه صرخت كتير بإسمه وهي نايمة، مين ده بقي؟
سلمي: ده نادر إبن عز جوز خالتها
نور بإندفاع: هي كانت مرتبطة بي
سلمي مقاطعة: نور إهدي لو سمحت وإسمعني، أنا جايباك عشان أحكيلك كل اللي عايز تعرفه
نور: ها إتفضلي أنا سامع
سلمي: من سبع سنين أهل منه إتوفوا في حادثة، وراحت عاشت مع خالتها نورا، قعدت معاهم سنتين، سنتين كانت عايشة في إكتئاب، كانت شخص خنيق يعني بمعني أصح، كنت لما بروح اقعد معاها فين وفين عما بتتكلم كلمة، وبالعافية أقنعناها إنها تروح لدكتور نفسي، بعد سنة ونص من متابعته معاها فاقت وقدرت تواجه الحياه، بس للإسف كانت إتغيرت وبقت شبه خالتها في طريقتها ولبسها، يعني قالت تبقي شبه الناس اللي عايشة معاهم عشان ميتخنقوش منها، وفي يوم، نادر نجح في كليته بعد ماسقط 3سنين، ف عز باباه طبعا لازم يحتفل بالمناسبة السعيدة دي ف عمل حفلة كبيرة لنجاح إبنه
نور: اللي إتلقط فيها الصورة دي صح؟
سلمي: بالظبط كدة
نور: وبعدين؟
سلمي: يوم الحفلة دي الساعة أربعة الفجر لاقيت باب شقتي بيخبط جامد
____"عودة إلى الماضي"
إستيقظت سلمي من نومها بفزع، وضعت حجابها علي رأسها وذهبت لتري من بالخارج، فتحت الباب وجدت صديقتها منه أمامها وبمجرد نطقها لإسم نادر سقطت بين يدي صديقتها مغشي عليها
سلمي بقلق وهي تحاول إفاقة منه بكل الطرق ولكن دون جدوي: منه فوقي يا منه، بالله عليكي فوقي، لا حول ولا قوة إلا بالله، أعمل إيه دلوقتي طيب، أروح لمين، مين ينجدني يانااااس،... خااالد
إتصلت بخالد أجابها بقلق: فيه إيه ياسلمي، بتتصلي دلوقتي ليه، إنتي كويسة؟
سلمي: إلحقني يا خالد منه عندي ومغمي عليها ومش عارفة أتصرف، هات دكتور بسرعة وتعالي
____ صلي عالنبي
سلمي: خير يا دكتور؟
الطبيب: إنهيار عصبي نتيجة محاولة إغتصاب
سلمي بصدمة: إغتصاب!!!!
خالد بتوتر: إنت متأكد يا دكتور؟!
الطبيب: أيوة، وجسمها كله كدمات وأثار ضرب وعنف شديد، دي جريمة يا خالد، لازم أبلغ البوليس
خالد: أكيد يادكتور بس مش دلوقتي أرجوك، تفوق عالأقل عشان نفهم منها اللي حصل، معلش يا دكتور هي تعبانة دلوقتي أوي ممكن حضرتك بس تكتب التقرير بتاعك وبكرة نبلغ تكون فاقت بس شوية
الطبيب: هستناك في العيادة بتاعتي بكرة
خالد: أكيد، شكرا يا دكتور تعبناك
خرج الطبيب واقتربت سلمي من خالد: نادر مفيش غيره، دي آخر حاجة نطقتها، هنعمل إيه يا خالد؟
خالد: لازم نبلغ، ده إختصاب عذراء ياسلمي حقها لازم يرجع
سلمي: وتفتكر أبوه هيسكت؟
خالد: معرفش بقي بس البلد فيها قانون أكيد
____"الواقع"
نور بصدمة: عشان كدة ساعت ماجيت أهديها وقربت منها إتفزعت وقعدت تصرخ باسمه
سلمي: للأسف هو ده النقطة السوداء في حياة منه، النقطة اللي مخلياها مش قادرة تعيش من غير مهدآت وعلاجات إكتئاب، بعد ماكانت خلاص بدأت تفوق من حادثة باباها ومامتها، وحالتها تتحسن، رجعت أسوأ من الأول ووصلت للي إنت شايفة دلوقتي ده
نور: وبلغتوا عنه طبعا، وخد جزاءه صح؟!
سلمي: إحنا بلغنا فعلا، بس للآسف معرفناش نثبت حاجة عليه
نور بزعيق: يعني إيه معرفتوش تثبتوا حاجة عليه؟!
سلمي: وقت التحقيق كل اللي في الفيلا بما فيهم خالتها شهدوا بإن منه خرجت بعد الحفلة، وإن نادر ماخرجش من الفيلا يوميها، وجابو كام واحد من أصحابه شهدوا إنهم شافوها أكتر من مرة مع كذا واحد، يعني بقي إتهام زور، ومنه كانت هتتحبس فيها
نور: ياولاااااد ال____ ، ليييييه؟!، وخالتها تعمل كدة ليه، دي أمانة في رقبتها حتى!!!
سلمي: ده اللي مفهمناهوش وقتها
- بس هتفهموه دلوقتي
إلتفتوا الإثنان لمصدر الصوت وتحدثت سلمي موجهة كلامها لنور : أعرفك يانور ، دي نورا خالة منه أو بشكل تاني دي بتول، "بتول السيد زيدان" مديرة الفندق ده__
- تابع الفصل التالي عبر الرابط:"رواية ولدت ثلاث مرات"اضغط علي اسم الرواية