رواية في قبضة العشق بقلم امل الهلاوي
رواية في قبضة العشق الفصل الثاني عشر 12
أفرغ يونس مافى جوفه كان اسود قاتم مع حاله من الاعياء الشديده سيطرت عليه كانت ميرفت تتابع الموقف من بعيد مبتسمه لانجازها فقد نجحت للمره الثانيه في افساد الامر علي ساره وافساد اجمل لحظات العمر
اكمل الشيخ قراءته ثم قال موضحا:للأسف ياحاج محمود ابنكم بالع السحر طالما رجع كده
صفيه ببكاء:ياندامتى ياابنى مين المؤذى ده
كانت ساره بجوار يونس تمسد على ظهره حتى يستريح وهو يطمأنها انه بخير
محمود:طالما االسحر مبلوع يبقى اتحط في اكل او شرب يبقى اللى عمل كده حد قريب مننا
يونس باعياء:انا مش مصدق ان فيه ناس تأذى حد كده
الشيخ:عامة يابنى انت كده خلاص اتفك بس المهم تحافظ على الصلاه والقراءن والميه دى ترشوا بيها اركان البيت عشان تطرد اى حاجه وحشه من بيتكم
اطمئن والديه عليه ثم صعدوا الى الطابق الذى يقطنون به وبغض النظر عن ماحدث أولها الا انها انتهت على خير وكانت ليله رائعه بحق أصبحت ساره حبيبته وزوجته قولا وفعلا
اما عند الحاج محمود وصفيه
صفيه:انا مستغربه مين اللى عمل كده
محمود:مش عارف ياصفيه بس ده حد قريب مننا
صفيه:تكونش مراه اخوك من غيظها عملت كده في الواد
محمود:كل شيء محتمل ماهى كانت هنا مع النسوان بقالها يومين
صفيه:انا خايفه على الواد اوى
محمود:ماتقلقيش هو كلمنى من شويه طمنى انهم بخير وكل حاجه تمام
صفيه:الحمدلله ياالف نهار ابيض
......................
اما عند منى وميرفت
ميرفت:شفتى يابت
منى:حلا في الشيخ الخمس الاف والله ماتيجى يابت نعمل لهم عمل يطلقوا ونخلص ومانكملش الخطه بتاعتنا
ميرفت:انتى غبيه وهاتفضلى غبيه ماهما خلاص عرفوا انه بيتعمل له اعمال ثم انا عاوزاه لما يسيبها يسيبها باقتناع من نفسه مش عمل وكده على العموم هما مسافرين شرم نستنى كده شهر ونبدأ بالتنفيذ احنا بقالنا سنه شغالين وبنرتب لليوم ده
منى:بس وعد لما يحصل المراد ويطلقوا انك تخليه يتجوزنى
ميرفت:بس كده دا يوم المنى يامنى
اتى الصباح وحل على الجميع افاقت ساره قبل يونس قامت بالصلاه وفعلت كما قال الشيخ وارتدت فستان قصير نت اللون البينك واعدت الفطور ليونس اخذت ورده في يدها وذهبت له لكى توقظه
ساره بهمس:يونس حبيبى
استجاب لها يونس وابتسم حينما راها
أكملت بتلك النبره الرقيقه:يالا ياقمر الضهر هايدن قوم صلى وتعالى عشان تفطر
استجاب لها يونس وفعل مااردت وذهب اليها لتناول طعام الفطور املوا فطورهم وجلسوا في غرفه المعيشه لتناول القهوه
يونس بابتسامه:ايه القمر ده ياناس حبيبة قلبى ست البنات
ساره بابتسامه:انت اللى حبيب قلبى وتاج على راسى
يونس معتذرا:انا اسف على اللى حصل امبارح
قاطعته ساره قائله:ماتكملش تعتذر على ايه دى حاجه مش بايدك ياحبيبى
يونس :اهم حاجه الشيخ ده كويس اوى وبيعالج بالقران جه انقذ الموقف والا كان شكلى هايكون وحش اوى
ساره :حبيبى ولا وحش ولا حاجه الحمدلله ربنا قدر لنا الخير انا بس مستغربه مين اللى له مصلحه في كده
يونس:والله ياساره انا مااعرف الحاجات دى ولا كنت بؤمن بها بس امبارح امنت وسلمت
ساره:السحر موجود في القران يايونس
يونس:بس ماتخيلتش انه انا يتعملى الحاجات دى
ساره:الحمدلله عدت على خير
......................................
سافر يونس وساره الى مدينة شرم الشيخ ثم ذهبوا الى مدينة دهب حيث الطبيعه الخلابه والبحر الرائع والمناظر التي تحيى الانفاس قضوا اجمل لحظات العمر كان اليوم ينتهى وهم معا في لحظات عاشوا كأسعد زوجين في العالم كانت
على الشاطئ في دهب
يونس:انا مبسوط اوى ياساره انا بحبك اوى
ساره بحب:وانا كمان بحبك اوى يايونس يارب تفضل تحبنى على طول
يونس:هافضل احبك طول عمرى انا لما بشوفك بتخطفى قلبى وعينى
ساره:حتى بعد مااتجوزنا
يونس:دا اكتر من قبل كده حاسس انى عارفك من سنين مش متخيل حياتى من غيرك
ساره:انا برده عمرى ماتخيلت انى احب حد بالشكل ده
هنا سبحوا في بحور العشق فلم يكن اى منهم يتخيل انهم سيفترقوا في يوم ما كان كلاهما متمسك بالاخر كالطفل الذى يتمسك بامه
عاد الاحباب من مدينة دهب واستقبلتهم صفيه بالترحاب كما ادعت ميرفت انها اشتاقت اليهم كثيرا كانت ساره تقوم بجميع اعمال بيتها المنزليه وترفض مساعدة اى من الخدم راق طعامها كثيرا ليونس ولم يعد يأكل سوا من يدها كانت اذا اعدت اى نوع من أنواع الطعام تأخذ منه طبق كبير وترسله الى صفيه وفى يوم
يونس:خدى ياست الكل ساره بعتالك سرفيس الكفته ده مع رز بالخلطه
صفيه:يسعدها بنت مديحه ويرزقها يارب ماجتش ليه وحشتنى
يونس:انا سبقتها هي هاتيجى اهى بتشطب المطبخ
صفيه:ماتخلى يابنى ام محم تطلع تنضف وتغسل المواعين وتساعدها
يونس :والله اتكلمت معها ياماما ماهياش راضيه ابدا
صفيه:اهم حاجه ماتتعبش نفسها الدراسه هاتبدا اهى
يونس:عارفه ياماما انا بحمد ربنا على ساره فيها كل المواصفات اللى اى حد يتمناها
صفيه:وانا بحمد ربنا عليها ان ربنا رزقك بيها كده انا مطمنه عليك اول ماقلت عاوز تخطبها فرحت اوى بت جدعه ومش مدلعه زى بنات اليومين دول
هنا هبطت ساره وجلسوا يتسامرون سويا ويضحكون كان يونس يجلس بجوارها ولايفارقها كان ابيه وامه فرحين لحالة الحب المسيطرع عليهم ذهب يونس الى عمله وظل شهر لبدء الدراسه ذهبت ساره الى بيت والدها فقد اتصلت عليها والدتها وقالت ان احد التوأمين مريض
ساره:مالك يامروان حاسس بايه
مروان :وجع في بطنى ياساره وبدخل الحمام مش بعرف اعمل حمام ميه
ساره بقلق:يالا قوم البس انا هلكلم يونس يجى ياخدنا ونروح نكشف عارفه دكتور كويس
بالفعل جاء يونس وذهبوا الى الطبيب المنشود وبعد الفحص طلب منهم الطبيب عمل تحاليل واعطاهم موعد بعد النتيجه مباشرة
عاد الجميع الى البيت لم يكن اى منهم يتوقع شيء خطير لمروان فقط توقعوا مجرد مرض بسيط وسيزول
كانت ساره تنتظر موعد عادتها الشهريه ولكن لم تأتى لذا جلبت فحص حمل منزلى واجرته وكانت النتيجه ايجابيه كانت حامل من حبيبها وزوجها وصديقها اتصلت به ليأتى على الفور وبالفعل أتى
يونس بقلق:ساره فيه ايه انتى كويسه قلتى اجيلك حالا
امسكت ساره يده ووضعتها على بطنها قائله عاوز بنت ولا ولد
هنا نظر لها يونس وتمتم بعبارات تدل على فرحه كان سعيد جدا وهبط الى والدته ووالده واخبرهم ان ساره حامل فرح الجميع فرح شديد هنؤا يونس وساره حتى ميرفت ادعت السعاده وانها سعيده انها ستصبح عمه هاتفت ساره والدتها واخبرتها انها حامل ذهبت اليها هي وابيها على الفور وباركوا لها كان الجميع سعيد بحق لهم
في غرفه ميرفت
هاتفت ميرفت منى وقالت:استعدى هانفذ قريب مش هانستنى لما بنت الشحاتين تولد وتجيب عيل يورثنا
- يتبع الفصل التالي اضغط على ( رواية في قبضة العشق) اسم الرواية