رواية عمياء ولكن الفصل الثالث عشر
رواية عمياء ولكن الفصل الثالث عشر
_مردش عليها سليم وبعدين رمى نفسه وقع على الأرض ونزل الد*م من كل جسمه
_سماااح جريت عليه وبصراااااخ :- ابناااااااااااى حد يطلب الإسعاف ليييه كدا يبنى كل ده بسببى انا السبب ووقعت هي كمان من طولها جنبه
_اتجه حمدى وعزة وجهاد ناحيته بس ف الاخر وف الاول فيه حاجة اسمها علاقة دم اتصل حمدى على الإسعاف ،جت الإسعاف وخدت سليم وسماح ،وصلوا المستشفى، دخلوا سماح أوضة وسليم الطورائ والعمليات
_بعدها بشويه طلع الدكتور من عند سماح وهو باين عليه الزعل:- للاسف المريضة جتلها جلطة وكمان مش هقدر تمشى تانى ( يلا ف داهية)
_جهاد:- جلطة ؟!
_الدكتور:- اه من الصدمة اللى اتعرضتلها
_حمدى:- طب وسليم ايه حالته
_الدكتور:- لسة الدكاترة عنده جوا واما يطلعوا هيقولوا فيه ايه
_عدت ساعات وبعدها طلع الدكاترة وهما باين عليهم التعب والاجهاد
_حمدى:- طمنونى
_الدكتور:- الكسور كانت كتير دا غير النزيف اللى جاله بس الحمد لله كان نزيف خارجى وقدرنا ننقذ حياته بس للاسف مقدرناش ننقذ..
_حمدى:- تنقذوا ايه يادكتور اتكلم
_الدكتور:- رجليه ،بس في امل بسيط أنه ممكن يرجع يمشى تانى
_عزة:- حسرة عليك يبنى سمااح السبب ف دا كله
_حمدى:- يعنى ممكن يمشى يادكتور؟!
_الدكتور:- بنقول يارب بس زى ماقولتلكم الامل بسيط جدا ربنا معاه
_حمدى:- طب ممكن نشوفه امتا؟!
_الدكتور:- حاليا مش هينفع
_حمدى :- تمام يادكتور
_سابهم الدكتور ومشى وهما قعدوا زعلانين على الحالة اللى الكل وصل ليها
_عند جميلة (ف مستشفى برا)
_فحصوا جميلة كويس وبعدها طلعت الدكتورة لأسر اللى واقف برا
_اسر بالإنجليزية ::- فيه امل يادكتورة
_الدكتورة بالانجليزيه برضو:- هو فيه امل بس بنسبة قليلة جدا
_اسر:- اد ايه النسبة دى وكمان علاج ولا ايه النظام
_الدكتورة:- عملية ونسبة نجاحها عشرة ف المئة بس
_اسر بصددمة :- عشرة بس؟؟!
_الدكتورة :- اه
_اسر :- خلاص يادكتور انا هكلم جميلة واشوف رايها ايه وهرد عليكم
_الدكتور:- اوكاااى
_دخل أسر لجميلة :- جميلتى ايه اخبارها
_جمبلة بلهفة:- الدكتورة قالتلك ايه
_اسر :- الدكتور.....الدكتورة قالت...
_جميلة :- اخلص يااسر ،قالت انى هفتح صح ؟!
_اسر:- اه بس ..
_جميلة :- بس ايه ؟!
_اسر:- نسبة نجاح العملية عشرة ف المية بس
_جميلة بحزن:- بس؟!! عالعموم هو ده اخر امل واهو اكون عملت اللى عليا انا موافقة يااسر
_اسر:- متاكدة؟!
_جميلة:- اه
_اسر:- حيث كدا انا طالع ابلغ الدكتورة
_راح أسر للدكتورة وبلغها بموافقة جميلة
_الدكتورة:- تمام احنا هنبدأ نجهز للعملية والمعياد هيكون يوم الخميس الجاى الساعة ٨ صباحا
_اسر:- تمام
___في المستشفى اللى فيها سليم
_محدش كان بيدخل لسماح بس كانوا بيدخلوا يشوفوا سليم ( حمدى وعزة وجهاد)
_سليم بحسرة :- بعد اللى حصل دا كله جايين برضو تشفونى
_حمدى:- محدش ينكر انك غلطان بس ف الاخر والأول الدم عمره مايبقى مية
_سليم :- عارف انى غلطت وخصوصا أما سبت جميلة واتجوزت زينة
_حمدى:- لاء الغلط دا ميتقارنش بالغلط اللى عملته يوم ماجميلة كانت بتموت ف المستشفى
_سليم :- والله انا كان نفسى اجيلها بس امى كانت تعبانة وقالتلى خليك جنبى
_حمدى :_ اولا اللى حصل حصل بس انت اصلا مكنتش ف البيت عشان تقول قعدت جنب امك ،انا رنيت على امك وكنت بترجاها انك تاجى تتبرع لبنتى بدم.اللى كانت حياتها بين ايديك ف الوقت ده وهي قالت انك طلعت برا البيت واتعصبت عليها عشان مترحش المستشفى ولوما أسر اللى اتبرعلها كانت بنتى ماتت
#ملحوظة ياشباب هخلى فصيلة الدم اللى ذكرتها قبل كداO
_سليم بصدمة:- كدب والله كدب انا اول مرة اسمع حكاية الدم دى منك ،وقتها امى فضلت تعيط وتشتكتى برجلها وكنت بجبلها مية ومرهم وأما دخلت ولقيتها بتتكلم ف تلفونى قالتلى انك بتتصل عشان تطمن عليها وان جميلة بخير ومفيش داعى انى اروحلها ،والله انا حاولت اجيلها بس امى اللى منعتنى بحجة رجلها وجعاها
_حمدى:- دا كله يطلع منك يسماح
_سليم :- انا برضو غلطان مكنتش عارف تخطيطها كان حبى ليها عامينى ومخلينى اسمع كلامها من غير تفكير واهو خسرت كل حاجة
_حمدى قرب منه :- معلش يبنى اهى كمان خدت جزائها منها لله زى ماضيعتكم
_دخل عليهم الدكتور:- كدا بقا سليم وسماح محتاجين حد ياخد.باله منهم غير الممرضات
_حمدى:- احنا هنقعد مع سليم أما سماح لاء شوفولها اى حد، انا هقعد مع ابن اخويا
_جهاد:- بابا انت اللى بتصرف علينا ومفيش غيرك انت روح عشان شغلك وماما تاخد بالها من البيت وانا هقعد جنبه وبالمرة اذاكر وانا جنبه
_فكر حمدى لقى كلامها صح :- خلاص يبنتى احنا مروحين واى اخبار ابقى طمنينا
_جهاد :- حاضر
_عدت الايام وجهاد قاعدة مع سليم وواخدة بالها منه
_جه يوم عملية جميلة__
_جميلة وهي داخلة العملية:- انا خااايفة اووى يااسر
_اسر:- متخافيش خير واطمنى انا موجود جنبك وراضى بجميلة بكل حالتها
_ده طمن جميلة ،دخلت أوضة العمليات بعدها بكام ساعة طلعت الدكتورة
_اسر:- اي يادكتورة
_ الدكتورة :- هنعرف النتيجة أما نعرى االلى على عينيها
_اسر:- وده هيحصل امتا
_الدكتورة :- يعنى ايام
____بعد مرور أيام طلع سليم من المستشفى وهو على كرسى وسماح برضو قاعدة على كرسى كان الكل زعلان على سليم بس سماح لاء وخلوا ممرضة تاجى معاها البيت عشان ميشوفوش وشها بس سليم اللى كانت بتخدمه جهاد بنت عمه والدكتور كان بياجى يشوفه برضو
__عند جميلة__
_الدكتورة :- جاهزة ياجميلة
_جميلة:- اه جاهزة
_بدأت الدكتورة تفك الشاش من على عيون جميلة وحدة وحدة وبعد ماخلصت:- فتحى ياجميلة
_بدات جميلة تفتح عينها وبعياااط:- انا مش شايفة اى حاجة
_اسر بصدمة:- يعنى العملية فشلت ؟!
_جميلة وهي بتعيط بهستيرية :-..........
•تابع الفصل كاملا (رواية عمياء ولكن) اضغط على اسم الرواية