رواية زهرة في طريق الوحش الفصل الخامس عشر 15 - بقلم منال عباس

 رواية زهرة في طريق الوحش  بقلم منال عباس 

رواية زهرة في طريق الوحش الفصل الخامس عشر 

 

فى صباح يوم جديد على أبطالنا 

استيقظ سيف على صوت زهرة تتألم بالحمام 

زهرة : الحقنى يا سيف ..وسمع صوت ارتطام 

جرى بسرعه إليها ..ليجد زهرة ممدة بالأرض فاقده للوعى ...حاول افاقتها . ولكنها لم تستجيب ..

حملها إلى السرير واتصل على الطبيب

حضر الطبيب بسرعه وقام بالكشف عليها بعد افاقتها ....

ثم خرج إلى سيف

سيف بقلق : خير يا دكتور 

الطبيب : مبروك المدام حامل ..بس هى ضعيفه شويه ومحتاجه راحه ورعايه . .هكتبلك فيتامينات والتحاليل دى تعملها ..

فرح سيف ..وشكر الطبيب ودخل إلى زهرة 

سيف بكل فرحه وهو يقبلها فى وجهها 

مبروك يا زهرتى هتكونى اجمل مامى فى الدنيا

زهرة : الله يبارك فيك يا حبيبي 

وحاولت أن تقوم 

سيف : رايحه على فين 

زهرة : هقوم اجهز علشان ما نتأخرش على الشغل 

سيف : لا شغل ايه بقي ..لازم ترتاحى وتتغذى كويس ..عايز ابنى يبقي قوى 

زهرة : افرض كانت بنت

سيف : اللى يجيبه ربنا كويس كفايه أنه منك انتى حبيبتى...زهرة حبيبتى ليا عندك طلب 

زهرة : طبعا حبيبي ..انت تؤمر 

سيف : مش عايز حد يعرف موضوع الحمل دا الفترة دى ..

زهرة بقلق : هو فى حاجه يا حبيبي

سيف : لا يا قلبي اطمنى ...

ثم قبلها وارتدى ملابسه للذهاب إلى الشركه 

يستيقظ وليد ويقوم بايقاظ ريهام ولكنه يشعر بصداع شديد فهو لا يعلم أن ريهام تضع له منوم كل يوم ..

وليد : انا مصدع اوووى يا ريهام مش قادر افتح عنيا...

ريهام : خلاص مفيش داعى تروح ..واتصل أعتذر ..

وليد : مش هينفع البيج بوص مأكد عليا ..

ريهام : طب خلاص انا معاك ولو حسيت بأى تعب نستأذن ونمشي 

وليد : بتحبينى يا ريهام ..

تفاجئت ريهام : بهذا السؤال

ريهام بضحك : طبعا بحبك ..انت بتجبلى كل حاجه انا عايزاها

وليد : طيب لو حصل ليا اى ازمه وافتقرت ..هتسيبينى

ريهام : ما تقولش كدا ..احنا ما صدقنا ودعنا الفقر من يوم الصفقه والبضاعه اللى بدلناها ل سيف ..

 وليد بحزن فى نفسه : من يومك طماعه يا ريهام ..خسرت سيف صديق عمرى ومشيت ورا كلامك ...وفى الاخر كل اللى يهمك الفلوس ..انتى عمرك ..ما حبيتينى ..

ذهب وارتدى ملابسه وانتظرها بالاسفل ..ليجدها ترتدى ملابس مثيرة جدا ويبدو عليها انها باهظه الثمن ..

وليد : انتى هتيجى معايا بالشكل دا 

ريهام : وماله الشكل دا ..

وليد : احنا رايحين شغل مش سهرة فى كباريه 

غيرى هدومك دى 

ريهام : مش هغيرها لأنها عجبانى 

وليد : يبقي مفيش خروج ..وخليكى هنا 

ريهام : انت واضح انك اتجننت يا وليد 

لم يتحمل وليد حديثها أكثر من ذلك فقام بصفعها صفعه قويه اوقعتها أرضا ....

يتصل البيج بوص 

وليد : ايوا يا باشا 

البيج بوص : شايف انكم لسه ما خرجتوش ل علاء 

وانا لما اقول كلمه تتنفذ من غير تأخير 

وليد : خلاص انا جاهز وهروح دلوقتى

البيج بوص : ريهام تكون معاك واغلق الهاتف

جلس وليد على الكرسي : فهذه أول مرة منذ تعامل وليد معه أن يطلب ريهام فى اى عمل ..

ذهب إليها 

وليد : قومى علشان تيجى واخلصى 

ريهام فى نفسها : والله لتندم على تصرفاتك يا وليد 

وقامت وعدلت ملابسها واستقلوا سيارة وليد إلى شركه علاء ..

   عند سيف يصل إلى شركته ويتصل ب مصعب 

سيف : جهز كل حاجه ...ووصلها الى الفيلا عندى 

مصعب : متأكد يا سيف أن دا الوقت المناسب 

سيف : أن شاء الله ...واغلق الهاتف

سيف : انا من يوم ما اتحبست وانا منتظر اليوم دا ..

يمكن مش انتقام زى ما كنت ناوى .وتذكر وعده ل زهرة أن يترك الانتقام ويعيشوا فى امان 

سيف : .بس على الاقل كل واحد ياخد حقه ...عايز ابننا يطلع على وش الدنيا معتز بأبوه ...والسجن اللى اتسجنته يتعرف أمام الكل أنه كان ظلم ...

ثم أخذ نفس عميق ..النهايه قربت يا زهرتى ...

عند علاء 

يصل كل من وليد وريهام ...

تدخل السكرتيره إلى علاء لاخباره ..

علاء : خليهم ينتظروا نص ساعه وبعد كدا دخليهم ..

خرجت السكرتيرة : واخبرتهم أن السيد علاء سينهى عمله ..ويدخلون بعدها ..

علاء : شويه صعاليق هيصدقوا نفسهم أنهم بقوا حاجه ....

يرن هاتف وليد 

وليد بصوت منخفض ل ريهام 

دا البيج بوص 

ريهام طب ما ترد طيب هخرج أكلمه برا وشاور على السكرتيره ..حتى لا تسمع شئ 

ريهام : اوك 

رد وليد : ايوا يا باشا احنا عند علاء باشا ..ومنتظرينه ...

البيج بوص : روح انت البنك فى رصيد هيتحط باسمك 2 مليون جنيه ...بس ما تعرفش ريهام 

وسيب ريهام تعتذر هى ل علاء وتشوف الشغل كان ايه 

وليد وبدأ الشك يملأ قلبه : بس يا باشا ريهام ..

ليقاطعه البيج بوص : معايا مفيش كلمه بس 

مش عايز .... يبقي اقعد انت وال 2 مليون يتحولوا ل ريهام ..علشان الشغل الجديد ..

وليد وقد اغراه المبلغ ...لا خلاص يا باشا انا هروح حالا .

البيج بوص : اول ما تاخد المبلغ تنتظر منى مكالمه ...واغلق الهاتف

ريهام : ايه كل دا بتتكلم 

وليد : ريهام انا مصدع اوووى ومش قادر ..انا هروح اكشف وأشوف حل للصداع دا ..

ريهام : طب انتظر نعتذر منه 

وليد : خليكى انتى واعتذرى بدل منى وشوفى هو كان عايزنا فى ايه ..

ريهام : طيب يا حبيبي 

غادر وليد ...

ريهام : احسن انك مشيت وجات منك ..وبعد عده دقائق دعتها السكرتيرة ..إلى الدخول ..

دخلت ريهام إلى علاء 

علاء : قام ليسلم عليها ولكنه تفاجئ بعدم وجود وليد 

علاء بانبهار لهذا الجمال الصارخ : ايه الجمال دا يا ريهام 

ريهام بدلع : يعنى عجبتك 

علاء : انت ملكه جمال ..اومال فين وليد 

ريهام : تعبان شويه وراح للدكتور ..هو انا مش كفايه ؟

علاء : بالمنظر دا ..دا انتى كفايه اوووى ويلا بينا وأخذها من يدها ...........

   •يتبع الفصل التالي اضغط على ( رواية زهرة في طريق الوحش ) اسم الرواية