رواية عشق السلطان الفصل الاول
رواية عشق السلطان الفصل الاول
قاعدة بطلتنا بتسرّح شعرها قدام المراية وبتتخانق مع مامتها خناقة كل يوم..
عشق:-هتجوزه يعني هتجوزه يا ماما تاي بيحبني إنتَ فيييين يا تاااااي
قامت مامتها من مكانها وبحركة الأم المصرية الأصيلة تفادته عشق وقالت
عشق بضحك:-مجتش فيااا
سلوى:-بقولك إيه إتلمي أحسنلك انتي وبطاطس بتوعك دول ويلا عشان هتتأخري علي الجامعة
عشق:-ماما من فضلك إسمهم BTS مش بطاطس بعد إذنك
سلوي:-يلا يا بنت ال......
عشق بمقاطعة:-مااماا عييب إحنا بنات محترمات
سلوى:-يلاااااهوييي
سلوى: قومى يا بت انتي اعمليلك حاجة مفيدة
ذاكريلك كلمتين امتحاناتك قربت ولا قومي اغسلي شوية المواعين اللى جوا اللى بينادوا عليكي دول
عشق:يووه هى المواعين دى مبتخلصش انا زهجتتتت
سلوى:-إنجرّي يا بتتتت
ضحكت عشق وراحت على المطبخ خلّصت المواعين وغيّرت هدومها وراحت حضنت مامتها
عشق:-أستودعكم الله يا أمي
سلوى:-خير من إستودعتي
نزلت عشق ولقت في وشها گ العادة عامر الوا...طي ابن الجيران
"الللعببب يا مز إنت أموت أنا واعيد السنا يا مهلبية بالزبادي
لفّت عشق بإبتسامة سمجة وفجأة ضربته برجلها تحت معدته
عشق:-أي خدمة
(يا عينيييي)
وقع عامر على الأرض وهو بيصرخ وربنا يعينه
عامر:يا لهوييييي الحقونى يا ناااااس حرام عليكييي يا شيخة
عشق: حرام ايه يا عنيا عشان تبقي تلّم لسانك اللى عاوز قطعه ده اشكال تقرف
بصتبه عشق بإستحقار ولفّت وشها ومشيت ومشافتش اللي كان متابع الموقف من الأول ب ذهول وضحك
جعفر بضحك:-ما هذه الروعة لقد أبدعت حقاً أتسائل أهي فتاة؟ معقول هذا الشبه العجيب!!!!
راحت عشق على كليتها اللي فاضل وقت قصير جدااا وتتخرّج منها لإنها قرّبت امتحاناتها الأخيرة
عشق:ياااه اخيرا المحاضرات خلصت امتى بقي اخلص من الهم ده
قالت عشق كده وهى خارجة من الكليّة وبتعدّي الطريق عشان تركب وفجأة محستش بحاجة حواليها
فاقت عشق بعد فترة لقِت نفسها في أوضة شبه القصور القدسمة في ديكورها وهي نايمة على سرير أقل ما يقال عليه مَلَكي
عشق : ايه ده !!!
ده شبه قصر السلطان سليمان فى حريم السلطان
: انتوا ياللى هنا انا بحلم ولا ايه؟!!!
انا فيييين حد يرد علياااااااااا
سليمان بعدم فهم:-كيف تجرأتي علي دخول غرفة السلطان يا هذه وأيضاً.... ماذا تقولين؟ هل أنتِ غبية؟
عشق:سلطان مين يا عم الأمور انت؟!!
قال سلطان قال وبعدين انت بتتكلم كده ليه زى اللى خارج من فيلم فجر الاسلام؟؟
انتوا خاطفنى ولا ده مقلب رامز جلال الجديد ولا ايه؟؟
ماتنطققققق يا عم انت وقولى انا فين وانتم مين؟؟!!!!
سليمان:-عفوا؟ اجننتي يا هذه؟ وماذا ترتدين أيضاً تبدين كالحمقاء
عشق: لاااااا عند هنا وستوووب هتتريق على چينزى الجميل وبلوزتى القمر وشعرى الحرير هجيبك من شعرك اللى فرحان بيه ده
ده انت متعرفنيش ده انا مسجل خطر
سليمان:-تحدثي بالمصرية يا هذه وإلا أقسم سأقتلك ولا تصرخين بوجهي أنا السلطان سليمان كيف تجرؤين وتتحدثين معي هكذا!!!
عشق: هههههههه أنا قولت انتوا بتمثلوا حريم السلطان الجزء الخامس
قال السلطان سليمان قال وانت شكلك حتة كومبارس سينما معفن
وبعدين ايه اللى أتحدّث العربية دي ما هو أنا بتكلم عربي أهو أومال عبري
انت اللي اتكلم عدل بتتكلم فصحى ليه ولا متقمص الدور؟!!
سليمان:- ترجمي ما تقولين لأن بضحكتك هذه أنتِ تسخرين مني إن كان والدكِ رجل حدثّيني كما أُحدّثك وتوقّفي عن الثرثرة
عشق:-نعم يا روح امككك
سليمان:-حسناً.... حراااس
بعد دقايق كانت عشق واقفة قدام المترجم اللي مش فاهم منها اي حاجة
المترجم:-سموك من أين أحضرت هذا الكائن؟
سليمان:-وجدتها ظهرت من العدم
عشق:-ما تتكلم عدل منك ليه الله
المترجم:-سموك انا لم أسمع بهذه اللغة من قبل!
عشق:لغة ايه يا عم انت وهو.. هو أنا جاية من المريخ ما تظبط يالا منك ليه قال لغة قال
وبعدين ما ده عربى وده عربي انتوا بس اللى سابكين دور عصر المماليك
اخلصوا بقي وقولولي أنا هنا فين وجبتوني هنا ليه؟؟!
شاور سليمان للكل يخرج وبدأ يتقدّم ناحيتها وهو بيتمتم بكلمات مش مفهومة ووشه كله غضب خلّاها خافت جدااا
عشق:-إ... إنت... إنت بتعمل إيه ي... ي... ياماميي
سليمان:هل ستنطقين وتقولين من أنتِ ومن جاء بكِ إلى قصرى ولااااااا
عشق بسرعة:-يسطا وربنا ما أعرف
قرّب منها أكتر مبقاش فاضل بينهم غير سنتيمترات قليلة
عشق:-طيب طيب سأتحدث بالفصحى.. أقسم لكن إبتعد عنّي
سليمان: إذاً تعرفين لغتنا وأنتي تسخرين منّا ألَم أقل لكي أنّكي مخادعة
عشق:-أنا درست لغتك لكن هذه اللغة لم يعد أحد يتحدث بها أقسم لذا كنت متعجبة منك...أنا أُدعى عشق ولكن ما لا أفهمه كيف جئت إلى هنا كنت أمشي من الجامعة للبيت وهذا آخر ما أتذكّره
سليمان:-جامعة؟!!!
عشق:-لا تقل أنك لا تعرفها أحدّثك بلغتك الآن!
سليمان: ليس لدينا ما يسمى جامعة هنا
ما هذه الأشياء؟
وبالمناسبة اسمك جميل جدااا
عشق بخجل :ميرسي
سليمان:نعم!!!
عشق: أه أقصد شكراً جزيلاً لك
عشق: أنا لم أعد أفهم شيئاً فى أى زمان ومكان نحن؟!
سليمان:-نحن في العام ال1550م
عشق:نعمممممم يا عنيا 1550 إيه يا عم إنتَ!!!!!!
•تابع الفصل التالي (رواية عشق السلطان) اضغط علي اسم الرواية