رواية اسميتها نغم بقلم نهي الحفناوي
رواية اسميتها نغم الفصل الأول 1
"فى القهوة"
_ هو إنت ليه مش عندك ولاد يا عمو عاطف، ولا هما مسافرين
عم عاطف: ادعيلى يا أحمد يابنى يمكن انت أقرب لربنا منى
على: "أبو أحمد" : اسكت يا أحمد ملكش دعوة، معلش ياعاطف ياخويا، أحمد عيل صغير متاخودلوش على كلام
عاطف: متخافش يا على ابنك زى ابنى أكيد مش هزعل منه، وبعدين هو غِلط فى إيه ماالناس كلها بتسأل، بقالى ست سنسن مجوز وربنا مأردش، أعمل ايه، أنا خايف يكون عملت ذنب وربنا بيعاقبنى عليه
على: استغفر ربنا يا عاطف متقولش كدا انت هتكفر ولا ايه، انت راجل متعلم وعارف ان ربنا ليه حكمة فى كل حاجه، مش انت قولتلى ان الدكاترة قالولك ان مفيش حاجه والمسئلة مسئلة وقت، خير ان شاء الله
أحمد: اقولك حاجة يا عمو عاطف علاج وانت يبقى عندك عيال.* عاطف ضحك* وقاله قول يا دكتور أحمد عاوز تقول إيه*
أحمد: الأبلة فى الحضانة قالتلى ان الى عاوز حاجة من ربنا وعاوزها تحقق، يفضل يقول لا حول ولاقوة الا بالله العلى العظيم كتير والى عاوزه هيحصل، انا لما بكون عاوز ألعب وبابا مش راضى بقول كدا وبابا بينام وبنزل ألعب مع صاحبى عمر، وعمر كمان بيعمل كدا مع باباه
*عاطف، وعَلى، بصوا لبعض وعاطف عينه مدمعه، وقاله شوف حَلها عيل صغير، ربنا يباركلك فيه*
أحمد: ايه رأيك فى العلاج بقى ياعمو عاطف،
عاطف: وأنا طبعا لازم أدفع تمن العلاج، يلا بينا بقى أروح أشتريلك كل الحجات الحلوة يا دكتور أحمد وتروح علشان تصحى بدرى تروح الحضانة وتاخد حجات حلوة كدا علشان تكبر وتبقى دكتور حلو، يلا يا عَلى قوم علشان منأخرش الدكتور أكتر من كدا
على: احنا قايمين يا بندق الحساب على التربيذة تعالى شيل الضُمنه والكوتشينه،بس متعوضة ياعاطف هلعب معاك بكرة وهكسبك زى كل مرة
عاطف: كل مرة بتقول كدا وأنا الى بكسبك بردو
*عاطف وعلى ضحكوا،وبيبصوا لقوا أحمد نايم على الكرسى*
عاطف: شوفت أهو الواد نام،يلا بقى شيله، من الصبح عمال أقولك يلا
على: والله ماحد يشيلة الا انت
عاطف: ابنك دا كل اما أشيلة يعمل عليا حمام وانا لسه مصلتش العشا والجو سقعة ومش هستحمى
على: كل مرة بتقول كدا وبتشيله بردو
عاطف: هات ياعم
على: وصلنا هات بقى الواد واطلع زمان هدى قلقانة عليك وهتنزل تدور عليك دلوقت
عاطف: ايه دا ايه دا، شوف الواد عمالها تانى اتفضل ياعم،انا مش عارف اروح منك انت وابنك فين، فى البيت جيران،العمارة قصاد العمارة،وفى القهوة صحاب،طب أعمل ايه
على: ياعم ربنا يخليك لينا، احنا نقدر نستغنى عنك،وعقبال ماأشيل عيالك يلا اطلع بقى
*فى بيت عاطف*
هدى: مالك ياعاطف طالع عامل كدا ليه، ايه دا هو أحمد عملها عليك تانى
عاطف: اه ياستى كل مرة أقول مش هشيله بس معرفش ايه الى بيحصل وأشيله بردو
هدى: انت بتحبه وبتحب أبوة ومتقدرش تستغنى عنهم ومهما تقول مش هتنفذ،
عاطف: تعالى ساعدينى ياستى بدل ماانت واقفة تضحكى عليا كدا
هدى: ماشى ياعم يلا
عاطف: مالك ياهدى عينك دمعت ليه
هدى: كان نفسى يكون ابنى الى انت حامله وعامل فيك كدا
عاطف: ياهدى متيأسيش، ربنا موجود كفاية انت معايا مالية عليا دنيتى كلها،انا مش عاوز حاجه، وان شاءالله ربنا يكرمنا،طب أقولك انا معايا علاج انما إيه فعال من الدكتور أحمد عَلى
هدى بإستغراب: أحمد عَلى، مين انت روحت لدكتور من ورايا
عاطف: اه أحمد ابن على وليلى الى انا كنت لسه شايلة
هدى: ودا وقت هزار ياعاطف
عاطف: والله مش بهزر أحمد الأوزعة دا قالى على علاج
هدى: قالك ايه بقى
عاطف: قالى ان احنا لازم نثق فى ربنا كتير ونكرر لاحول ولاقوةالابالله العلى العظيم،يارب متنسيش العلاج بقى ياست هدى وتفضلى تكررى فيه
هدى ضحكت كدا: وقالت حاضر نمشى على كلام الدكتور
عاطف: جدعة ياهدهد
هدى: أنا يمكن ربنا حرمنى من الخلفة بس عوضنى بيك انت،عمرك ماجرحتنى بكلمة ودايما فاكرنى وبتطبطب عليا،مجوزين بقالنا ست سنين بس دايما محسسنى اننا مجوزين إمبارح،ربنا يباركلى فى عمرك ويجعل يومى قبل يومك
عاطف: متقوليش كدا علشان أنا مش هعرف أعيش يوم بعدك،ربنا يخلينا لبعض ويعوض علينا بالذرية الصالحة،بس أهم حاجةمتنسيش العلاج
هدى: حاضر
* فى بيت على *
ليلى "زوجة على *: متنساش تبقى تروح المدرسة لعبير علشان تدفعلها المصاريف، علشان بكرة السوق ومش هعرف أروح
عاطف: حاضر ياليلى ان شاءالله
ليلى: مالك حساك زعلان فى حاجه ولا ايه
على :*حكى لها الى حصل على القهوة * خايف يكون عاطف زعل من أحمد
ليلى: هو أحمد قال حاجه،مش يمكن الى قاله أحمد لو نفذة عاطف رينا يكرمه، ويعدين دا عيل صغير ميتزعلش منه
على: يعنى تفتكرى كدا
ليلى: ان شاءالله خير متقلقش
" فى المدرسة"
*عَلى واخد عبير معاه علشان يدفعلها المصاريف وقبلوا عاطف جوا فى المدرسة*
عاطف: جاى تعمل ايه يا على هى عبير تعبانة جاى توصلها ولا ايه
على: لا مفيش جيت أدفعلها المصاريف
عاطف: مقولتش ليه ماانا كدا كدا شغال هنا اهو بدل متتأخر على شغلك
على: علشان متعبكش بس
عاطف: ياعم فيه ايه هو انا مش زى ابوها ولا ايه انت بتعمل كدا ليه ياعلى
على: ياعاطف والله مااقصد،
عاطف: طب خلاص روح على شغلك علشان متتأخرش، وأنا هروح معاها وكدا كدا لسه عندى الحصة التانية
على: ماشى ياعاطف مع السلامة ياعبير خليكى مع عمك عاطف بقى
عبير: حاضر يابابا مع السلامة
* فى بيت عاطف*
* عاطف عمال يخبط على الباب وهدى اتأخرت *
عاطف: يارب استر ياترى فى إية عمال يخبط جامد
*افتكر ان المفتاح فى الشنطة طلعه وفتح الباب، هدى مرمية على الأرض، قعد بفوق فيها مش راضيه،بص من البلكونة نده على على *
عاطف: يا على يا على
على: فى ايه ياعاطف مالك،
عاطف: تعالى وهات معاك الست ام أحمد بسرعة
على: بتعملى ايه يا ليلى
ليلى: بعمل الأكل
على: اقفلى على كل حاجه وتعالى معايا بسرعة،باين فى حاجة عند عاطف استر يارب
* ليلى وعلى دخلوا عند عاطف الباب مفتوح*
على: فى ايه ياعاطف
عاطف: مش عارف أنا بخبط من الصبح ودخلت لقيتها مرمية على الأرض كدا
ليلى: متقلقش يا أستاذ عاطف تلافيه هبوط ولا حاجة ،هات بس ازازة الريحة لو عندك ولو مش عندك هاتلى بصله
عاطف: اتفضلى يام أحمد الريحة أهى
*ليلى حطط الريحة على مناخير هدى وهدى صحيت "
ليلى: كدا ياست هدى قلقتينا عليكى
هدى: معلش، انا من الصبح عماله أرجع ودايخة وحاسيت انى مش قادرة أقف،شكلى خدت برد فى معدتى
عاطف: لازم نجيب الدكتور
ليلى: هى دى محتاجة دكتور يا استاذ عاطف، الست هدى حامل مبروك
عاطف: انت بتقولى ايه يا ام أحمد.
هدى: متكبريش الموضوع يا أم أحمد،دا برد بس علشان بنام ومش بتغطى
* عَلى خلاص ياجماعة هنختلف ليه هنزل أجيب الدكتور وأجى *
"الدكتور جه ودخل يكشف على هدى،وعاطف وعلى برة،وعاطف متوتر،يارب استر وميكونش فيها حاجه"
الدكتور: مبروك يا أستاذ المدام حامل، محتاجة راحة تامة ومفيش مجهود، انا عرفت من الست الى جوة انها بقالها كتير مخلفتش،فلازم محافظة علشان ربنا يكمل بخير وأهم حاجة متشلش حاجة تقيلة،مع السلامة
على: أنا هوصل الدكتور وادخل انت شوف مراتك ياعاطف
* عاطف دخل الأوضة وهو فرحان جدا*
ليلى: إحم إحم، أستأذن أنا بقى يا أستاذ عاطف
عاطف: مابدرى ياست أم أحمد
ليى: مرة تانية بقى ، الأكل كنت سيباه على النار وزمان أحمد وعبير بيتخانقوا، خليك انا عارفة السكة وهقفل الباب ورايا
عاطف: أنا فرحان أوى يا هدى فرحان عاوز أخرج للناس كلها وأقولها انى فرحان
هدى: الحمد لله علاج الدكتور أحمد جاب نتيجة
عاطف': اه فعلا ربنا يبارك فيه وان شاءالله يكمل فرحتنا على خير ونبقى أحلى أم وأب
* بعد تسع شهور*
هدى: اصحى يا عاطف اه اه ااااااه أنا شكلى يولد ااااااااااأه
عاطف: الساعة تلاته مين الى صاحى دلوقت
هدى: اتصرف ااااااااااه
* عاطف راح نده على عَلى من البلكونة *
ليلى: قوم ياعلى،يا على قوم
على: ايه ياليلى الفجر أذن، قوم عاطف يبنده شوف فى ايه * قام من على السرير جرى "
عاطف: معلش يا على مش عارف أعمل إيه، بس هدى شكلها بتولد ومش عارف أعمل ايه،
على: ثوانى هجيب العربية من الجراج، واجى معاك انزل بس استننى تحت
ليلى: فى ايه ياعلى
على: هدى شكلها بتولد هروح معاهم
ليلى: استنى هجى معاك
على: بسرعة بس علشان هو نزل تحت مستنينى.
هدى: انزل خرج العربية وانا هخبط على رباب تاخد بالها من العيال علشان لو صحيوا مش هيلاقوا حد
على: متتأخريش علشان همشى
* هدى وهى نازلة أحمد صحى:
أحمد: راحة فين هجى معاكى
هدى: ادخل نام انت يا احمد. هروح المستشفى مع ليلى شكلها بتولد، ادخل نام يا حبيبى جنب أختك
احمد:بيعيط. لا هجى، هجى معاكى
هدى: طب يلا ومتعبطش علشان متصحيش اختك
هدى: بتعمل ايه يلا ابوك هيمشى انت بدور فى ايه
*هدى نزلت وخبطتت على رياب تاخد بالها من عبير*
عاطف اركبى ورا انت معاها يا ليلى وانا هركب مع عَلى قدام،، علشان مش هعرف اتصرف، اركب يا أحمد معاهم ورا
* الجو بيمطر والعربية مش عارفة تمشى*
هدى : اااااااه مش قادرة حاسة انى بولد ااااااااااااااه
على: معلش استحملى بس قربنا نوصل أهو،الجو بس ممطر والعربية مش عارفةتمشى
هدى: مش قااادرة اااه بولد اه بولد * هدى ولدت وليلى مسكت العيل وقالت بسم الله*
أحمد: يابابا نونة نونة يابابا،نونة ياعم عاطف نونه، خدى ياماما،الشاكت بتاعى انا مش بردان غطية علشان ميسقعش حدى ياماما، يابابا نونة حلوة
*عاطف وعلى ضحكوا*
عاطف: حلو زيك يا أحمد
على: الحمد لله وصلنا المستشفى
على: طلع يجى على الاستقبال،الممرضين جم شالوها هى والطفل،*
الممرضة: الست والطفل بخير الحمد لله بس عاوزين هدوم
عاطف: انا مكنتش عامل حسابى
أحمد: اتفضلى ياطنط، انا معايا هدوم صغننه أهى،علشان كدا يا ماما اتأخرت علشان بجبهم
ليلى: شاطر ياأحمد بس ايه الى خلاك تجبهم،انا مفتكرتش
أحمد: علشان طنط سمر وهى بتولد لما كنت معاكى قعدوا يدوروا على الهدوم ومش لقوا لحد فى الأخر مروحتو اشتريتوا،وأنا خفت يحصل كدا مع النونة بتاعت عمو عاطف
*الكل دخل علشان يطمن على هدى*
ليلى: حمدالله على سلامتك ياهدى
هدى: الله يسلمك، ايه يا أحمد الى مصحيك بدرى كدا معلش
أحمد: انا كنت عاوز أجى معاكوا ياطنط هدى وشوفى انا جبت ايه للنونه بتاعتك
هدى: الله ايه الهدوم الجميلة دى بتاعك
أحمد: بتاعتى وانا صغير وجبتها ليكى علشان انا بحبك.
ليلى: يعنى مرضتش تديها لمريم بت خالك
احمد: انت جبتى ايه ياطنط هدى بنوتة ولا ولد
عاطف: اه صحيح لحد دلوقت معرفناش
ليلى: بنوتة وبنوتة زى القمر كمان،دى نازلة على ايدى،انا اول حد شافها.
أحمد: وأنا كمان وغطتتها بالشاكت بتاعى
هدى: ماشى ياعم أحمد هتخلى بالك منها بقى
أحمد: اه ومش هخلى حد يضربها خالص،وهنلعب كتير كتير كتير، ولما أكبر أكبر وأشتغل زى بابا هتجوزها
* عاطف ضحك،وأنا موافق ياعم*
على: صحيح هتسمبها إيه
عاطف: أنا مش هسمى، جوزها الى يسمى بقى،ولا إيه يا أحمد
* أحمد حط إيده فى بوقة وفضل رايح جاى رايح جاى،أسمى ايه، أسمى ايه،وفجأة وقف وبصلهم وهو مبتسم هسميها نغم *
عاطف: وأنا موافق ياعم ايه رأيك ياهدى
هدى: أنا كمان موافقة اسم حلو أوى يا أحمد.
- يتبع الفصل التالي اضغط على ( رواية اسميتها نغم) اسم الرواية