رواية تاج الفهد الجزء الثاني 2 البارت التاسع عشر 19 بقلم مريم مصطفى
رواية تاج الفهد الجزء الثاني 2 الفصل التاسع عشر 19
دخلت تاج اوضه العمليات والكل بره ع أعصابه
تاج:مهما حصل انقذي ولادي مش مهم أنا.
نور:أن شاءالله هتخرجوا انتو الاربعه بالسلامه ..احنا ادنالك بنج نصفي يعني هتكوني شايفني بس مش حاسه ب اي وجع
رئيس الأطباء: دكتوره نور البنج مفعوله ابتدأ نتوكل ع الله ونبدا
نور:جاهزه ؟
تاج:أن شاءالله
بدوا يولدوا تاج وهي وعيونها بتقفل وترجع تفتحهم تاني
قدام غرفه العمليات .
فهد كان واقف ساند ع الباب وهو مغمض عينه وبيدعي أنها تقوم باالسلامه قربت جميله منه وبتعيط :هي هتبقا كويسه مش هيحصلها حاجه صح ؟!!
فهد :هتقوم علشانا وعلشان تشوف ولادها اللي عملت كل ده علشان تخلفهم
جميله: يارب متحرمنش منها ...
قطع دعوه جميله صوت عياط المولود الأول بيعلن عن وصوله للحياه..
جميله بلهفه:سمعت يافهد سمعتوا تاج ولدت البيبي بيعيط
فهد بخوف:تاج ..تاج اهم حاجه..
قطع كلامه صوت المولود التاني الكل بص لبعض وهما مبتسمين من بين دموعهم فهد مكنش عارف ولا حاسس ب اي فرحه من غير مايشوف تاج
بعد خمس دقايق كان ف صوت عياط تالت وصل لقلب فهد قبل ودنه.
صوت العياط انجذب لقلب فهد فدق بسعاده مختلفه عن الطفلين دموعه نزلت وهو بيدعي أنه يشوف تاج.
ف غرفة العمليات قربت الممرضه وهي شايله الوالدين ونور شايله البنت قربت من تاج اللي عيونها بدأت تقفل ..
نور : حمدالله ع سلامه الكتاكيت دي البنوته اصغر من اخواتها بخمس دقايق..وده الولد الكبير وأخوه الاصغر بينهم دقيقه .
تاج لمست وشهم وعيونها بدمع الدكتوره قربتهم منها وتاج باستهم اوي .
تاج بهمس:فداكوا حياتي كلها اللحظه دي عوضتني عن كل التعب اللي شوفته ف حياتي انا بحبكوا اويي .
رئيس الأطباء بصوت عالي :دكتوره نور الحاله بتسوء لازم نتصرف
نور بخوف :اي اللي حصل يادكتور ؟
رئيس الأطباء:للاسف الرحم متحملش الم الوالده .
نور:يبقا نشيل الرحم وننقذ حياه المريض
رئيس الأطباء:للاسف هيكون ف خطوره ع حياتها
نور :ولو معملناش كده هنخسر حياتها برضو
رئيس الأطباء:نعمل اللي ربنا يقدرنا عليه بس نجاح العمليه ضعيف
الدكتور اتحركت بسرعه اتجه الدكتور بس تاج مسكتها من ايديها واتكلمت بتعب ووشها كل عرقان:قولي لفهد يسامحني ويخلي باله من ولادنا ومش ندمانه اني خلفت ووصيه ع تيام قوليله اني حبيته اويي .....
الممرضه طلعت وهي شايله الاطفال الكل جري اتجااه
فهد:مراتي صحتها عامله اي طمنيني عليها هي كويسه
الممرضه: الدكتورة هتطلع تطمنكوا بنفسها
جميله بعصبية:انتي كنتي جوا يعني اكيد عارفه حالتها اي
الممرضه:ده شغل الدكاتره أنا بكون موجوده علشان اطلع الاطفال لاهاليهم لحد مالام تخرج ..اتفضلوا ده الطفل الكبير وده اخوه الأصغر منه بدقيقه ودي البنت الصغيره الفرق بينها وبين اخواتها خمس دقايق.
فهد شال البنوته وهو بيقعد ع كرسي المستشفى وبعيط:مامتك تعبت اوي علشان تجيبك انتي وأخواتك هي كويسه صح انتو اكيد متعبتوهاش ..أنا مقدرش اعيش من غيرها اوعي تحرموني منها ..عارف انك زعلانه علشان أنا مش فرحان بوجودك بس انتي خطفتي قلبي من قبل مااشوفك بس مش قادر فرحتي تكمل من غير مامتك ماتكون معأنا .
جميله كانت شايله الطفل الكبير وسيا جمبها شايله اخوه والعيله كلها حوالي .
طلعت دكتوره نور وهي بتبص لفهد بأسف ..
فهد حط البنت ع رجل صفاء واتحرك بخطوط صعبه اتجه الدكتوره والباقي واقف منتظر بخوف .
فهد:تاج عامله ؟
رفعت نور عينيها بدموع :أنا اسفه حاولت اعمل كل حاجه علشان أنقذها بس أمر ربنا محدش يقدر يقف قدامه البقاء لله ف مدام تاج.
صوت صراخ جميله والكل هز المستشفى..وفهد واقف مكانه متجمد باصص لنور وساكت وجملتها بتتردد ف ودنه ..
صفاء: بنتيييي يامصطفي بنتييي راحت فيروز رااااااحتت
فهد فاق ع الصوت اللي حواليه .
قرب من الدكتوره وهو بيمسكها من كتفها:انتي كدابه مراتي مفهاش حاجه..كمل كلامه وهو بيزعقق بصوت عالييي:مراتيييي فيييين انتي كدابه
حسام وسليم مسكوا فهد وهو بيبعدوا عن الدكتوره وفهد بيزعق: ابعد عنييي سبني عايز اشوف تاج هما بيكدبوا هي وعدتني مش هتسبني سبني .
حسام:ده قضاء ربنا يافهد ربنا يرحمها .
فهد زق حسام وسليم بغضب وزق نور ودخل اوضه العمليات .
كانت تاج مغمضه عينيها وع شفايفها ابتسامه بسيطه فهد قرب عليها وهو بيمسك ايديها: هما بيكدبوا صح انتي كويسه انتي وعدتيني ياتاج انك مش هتسبيني بتخلفي بوعدك لي انتي عارفه اني مش هعرف اعيش من غيرك بتعملي فيا لي كده قومي ياتاج ردي عليا متسبنيش ..مسك كتفها وهو بيهزاها جامد:انتي عملتي فيا كده لييييي انتي اللي اصريتي تخلفي كنتي عايزه تخلفي علشان تحرميني منك انتي عارفه اني بحبك وبتعاقبيني علشان خبيت عليكي كلام الدكتور صح انتي بتعاقبيني قومي ياتاج شوفي ولادك بيعيطوا عايزينك مش انتو قولتي هنربيهم ونكبرهم سوا انتي وعدتي الكل انك هتقومي ليييي تعملي فينا كلنا كده يااتاااااااج .
دخل حسام وسليم وهما بيشدوا لبره .
سليم:كفايه يافهد ده عمرها كفايه تعمل ف نفسك كده
فهد:هي بتعاقبني ياسليم هي وعدتني أنها هتقوم علشان خاطري وعلشان ولادنا تاج ديما بتوفي بوعودها
قربت نور بسرعه ومسكت دراع فهد وحسام وسليم مسيطرين ع حركته ..ادتلوا حقنه مهدا ..
فهد وهو بيغيب عن الوعي:متسبنيش ياتاج..
نور:حطوا ع السرير هنا هو مش هيفوق غير بعد ساعه ومحتاجة حد يخلص اجراءت المستشفى علشان الدفن
حسام:خليك جمبه ياسليم انا هخلص كل حاجه
خرج حسام مع الدكتورة وسليم بص لفهد بوجع قعد ف الأرض جمبه وهو بيعيط ع صحاب عمره ..
جميله كانت قاعده ف الأرض ساكته وسيا وورد جمبها بيعيطوا مكنش حد فيهم قادر يتكلم ويواسي التاني الكل كان متعلق بتاج.
صفاء كانت شايله الطفل اللي سابه فهد معاها وواخدها ف حضنها وهي بتعيط وسماح شايله البنت والولد التاني .
سماح بدموع:ادعيلها ياصفاء بالرحمه
صفاء:شامه ريحتها ف اولادها مش قادره اصدق اني بعد ماتحرمت من حضنها السنين دي كلها أتحرم منها تاني الضنا غالييي اويي
جه حسام وهو بيهمس لسماح :عايز رقم الغفير بتاع المدافن علشان ابلغه يجهز الدنيا هناك لحد مافهد يفوق .
سماح:الفجر بياذن هتدفن أمته
حسام: الضهر ان شاء الله يكون فهد استوعب اللي بيحصل علشان يعرف يقف ف العزاء .
سماح :ربنا يكون في عونه يابني خساره تاج مش سهل أن الواحد فينا يتخطاها
حسام:ربنا يرحمها ويصبر فهد
سماح:يارب ..
ف القصر ...
سيا وورد راحوا ع القصر علشان يبلغوا الخدم بتجهيز القصر للعزاء ويجيبه اوراق لفهد علشان تصريحات الدفن وجميله أصرت تفضل ف المستشفى
سيا بعياط:وبعدين يا ورد الأولاد مش مبطلين عياط وشكلهم جعانين من يوم مافتحوا عينيهم ع الدنيا ومفيش حاجه نزلت بطنهم.
مسحت ورد عيونها من العياط:هاتيهم ياسيا أنا هرضعهم
سيا بتردد:طب مانبعت نجيب لبن صناعي من بره بدل مايخدوا ع الطبيعي بعد كده ؟
ورد:حتي لو اخدوا ع الطبيعي أنا موجوده في أي وقت ودول ولادي برضو .
سيا:بنت اصول ياورد ربنا يخليكي
ورد: متقوليش كده ياسيا دول ولادنا كلنا واللي امهم عملته مع عيالنا زمان جه الوقت اللي نردلها ف كل ده .
سيا:هسيبك انتي ترضعيهم وهطلع أنا اجيب الاوراق اللي طلبه من جناح فهد
ورد وهي بترضع البنت الاول:ماشي ياحبيبتي.
تحت عشق كانت بتكلم ف الفون بضيق .
عشق:بقولك ماتت وولاده عايشين ومش ولد واحد دول دول اتنين احنا كده هنخسر كل حاجه..فاروق انت لازم تنزل ف اقرب وقت علشان نشوف هنتصرف ازاي...تمام حاول تنزل ف اقرب وقت .
قفلت عشق الفون وهي بترمي بعصبية ع السرير وبتكلم نفسها:ع قد ماانا مبسوطه بموتك بس برضو فرحتي مكملتش موتي وجبتيلي ولدين يقفوا ف زوري زي الشوكه ويكوشوا ع كل حاجه،بس كل حاجه وليها حل عند عشق .
"ف انجلترا "
ماسه:يازين اهدا ياحبيبي انت موتر نفسك ع الفاضي
زين :لا ياماسه حاسس ان ف حد من اهلي ف حاجه وخصوصا تاج مش عارف احساس غريب نفس الاحساس اللي حسيته يوم فرحنا وانا بحضنها
ماسه:طب كلمها علشان قلبك يهدأ
زين:كلمتها كتير بس مبتردش ع موبيله ولا هي ولا فهد
ماسه :حاول مره كمان يمكن كانوا نايمين انت عارف ان التوقيت ف مصر دلوقتي لسه يدوب الفجر مآذن من كام ساعه بس
زين وهو بيفتح موبيله:هرن عليها تاني لو مردتش هكلم جميله .
_______
ف المستشفى بعد ماغسلوا تاج وجهزوها لدفنها ..
دخلت جميله عليها وجسمها كله بيرتعش قربت عليها وهي شايفها ف الكفن شهقت مابين دموعها وهي بتقرب عليها :خلاص هتمشي هتسيبي ولادك اللي حاربتينا كلنا علشانهم؟هتسبيني أنا لوحدي ياتاج خلاص كده طب بلاش احنا هان عليكي فهد تعملي ف كده لي ياتاج لييي ..يارب صبرنا ع فراقك ياااارب ألهمنا الصبر .
دخلت صفاء الاوضه عليها وهي بتعيط ووقفت جمبها بصتلها جميله وهي بتقف وبتحضن أمها وبتعيط بوجع:سابتنا ومشيت ياماما فيروز سابتنااااا خلاص
صفاء:اللهم لا اعتراض ع قضائك يارب ...
دخلت سماح وهي بتبص لتاج وبتعيط وبعدين بصت لصفاء وجميله :اللي راح صعب يرجع تاني احنا لازم نكون اقوي من كده تاج سابتلنا امانه كبيره ف رقبتنا لازم نحافظ عليها ونربيهم صح ..جميله ياحبيبتي تاج هتفضل معانا وعايشه جوانا مش عايزين نزعلها ونهمل ف ولادها ..بصت سماح ع تاج تاني وكلمت كلامها بحزن:والأهم تيام لازم نربي زي زيه زي اخواته كلنا لازم نخلي تاج روحها مرتاحه.
صفاء:عندك حق يا سماح فيروز بنتي خسرت حياتها مقابل أنها تخلف يبقا لازم منهملش فيهم جميله يابنتي انا عارفه انك قويه وهتعدي الازمه دي علشان ولاد أختك لازم تنفذي وصيتها ليكي يابنتي .
بصت جميله ع تاج بدموع وميلت عليها وهي بتبوس جبهتها:ارتاحي ياحته من قلبي وعد اني هخلي ولادك الاربعه بنفس التربيه اللي كنتي عايزها .
ف القصر ف جناح فهد..
سيا كانت جابت كل الاوراق المطلوبة وبتحطها ف شنطتها سمعت صوت موبيل بيرن ع التسريحه .
سيا :دول موبيل تاج ..
مسكته علشان تشوف مين واتصدمت لما لاقيته زين مكنتش عارفه ترد ولا تسيبه وف الاخر قررت تسيبه يرن لأنها مش عارفه لو ردت هتقوله اي ..بس الفون فضل يرن بصتله سيا بتوتر وف الاخر حزمت أمرها أنها ترد وتبلغه علشان يلحق ينزل ويودع تاج.
زين:اي تاج مش معقول كل ده نوم برن عليكي من بليل
سيا بتوتر:أنا سيا يازين
زين بستغراب:امال فين تاج ؟!!!
سيا:اصل هو يعني ...
زين:ف اي ياسيا ومال صوتك كده ولي بتردي مكان تاج مش المفروض أن ف الوقت ده لسه الكل نايم؟!!! اختي حصلها حاجه.
سيا بعياط:تاج ماتت امبارح الفجر وهي بتولد .
ف انجلترا...
زين الفون وقع من ايده وهو واقف مكانها مش قادر يتحرك ولا يتكلم جسمه وقف عن الحركه تماما.
ماسه وهي بتهزه بقلق:زين ف اي ؟؟ حصل ايي؟
زين:ماتت
ماسه :هي مين دي مين اللي ماتت ارجوك رد عليا اعصابي مش متحملها .
زين:ماتت تاج ماتت
ماسه جسمها اتجمد وهي بتبصله ومصدومه :انت بتقول اي يازين!!!!!
زين:ماتت وانا مش معاها من قبل مااسافر وانا كنت حاسس ان هيحصلها حاجه .
زين قام وهو بيكسر ف الاوضه بغضب:ماتت وانا بعيد عنها مودعتهاش تااج ماتت اختي ماتت ؟!!!
ماسه بتحاول تهدي وتاخده ف حضنها : اهدا يازين متعملش ف نفسك كده كلنا رايحين ياحبيبي ادعيلها بالرحمه .
زين قعد ع الأرض وهو كل اللي بيقوله اختي ماتت .
قعدت ماسه وهي بتاخده ف حضنها وهو بيعيط :ماتت ياماسه ماتت ملحقتش اقولها انك حامل وافرحها زي ماكانت عايزه كان نفسي اشوفها اضمها ليا ..بعد زين عن حضنها وهو بيقف وبيمسك موبيله تاني:أنا لازم انزل مصر لازم الحق اشوفها.
"ف جمهورية مصر العربية "
ورد:جبتي كل الاوراق ياسيا ؟
سيا: اها زين رن ع موبيل تاج وانا رديت عليه وقولتله
ورد:كان لازم يعرف فعلا علشان يجي ربنا يصبره .
سيا:يارب امال فين الأولاد
ورد: الحمدلله رضعتهم وناموا ف الاوضه جوا
دخلت سيا الاوضه وشافتهم وهما نايمين جمب بعض والبنوته نايمه ف النص مابين اخواتها :اتحرمتوا من حنان امكوا قبل ماتحلقوا تشبعوا منه هعمل كل اللي أنا أقدر عليه أنا والعيله كلها علشان نقدر نعوضكوا ولو بجزء صغير عن امكوا اللي محدش يقدر يملئ مكانها
ورد:باذن الله نعمل كل اللي ربنا يقدرنا عليه علشان نسعدهم
سيا:هو تيام وفهد وفيروز فين؟
ورد:بعت المربيه بتاعت فريده وفجر القصر هنا وقاعده معاهم ف جناح الاطفال وهتههم برضو بولاد تاج لحد مايوم الدفن والعزاء يخلص
سيا:تمام وانا هكلم المربيه بتاعت فهد وفيروز علشان واحده مش هتقدر تهتم بالأطفال لوحدها ..
ف المستشفى ف اوضه فهد بدأ يفوق وسليم قاعد جمبه.
فهد قام وهو بيجري ع الباب:تاااج
سليم بسرعه كان بيقفل الباب بالمفتاح وبيحطه ف جيبه :مش هتطلع يافهد
فهد بعصبية:ابعد عني ياسليم انا غضب الدنيا كلها ف وشي خليني اشوف مراتي
سليم:مش هتطلع من الاوضه دي غير لما ترجع لوعيك وتستوعب موت تاج انت دلوقتي ملزوم بتلات اطفال محتاجينك مينفعش تضعف يافهد علشانهم
فهد بدموع:انت مصدق نفسك بتقول اي ؟دي روحي وروحي ماتت ياسليم ضهري اتكسر حاسس أنه كابوس وهفوق منه القيها ف حضني .
سليم:أنت مؤمن بالله وعارف أن ده نصيب يافهد لازم تجمد علشان خاطر ولادك وعلشان تعرف تدفن تاج .
فهد قلبه انقبضه من اخر كلام سليم :سبني اشوفها للآخر مره عايز املي عيني منها مش من حقك تحرمني منها .
سليم:توعدني متضعفش وتمسك نفسك يافهد
فهد هز رأسه بموافقة وسليم مسك ايده وخده لعند تاج .
دخل فهد الأوضه وسليم وقف برا بيستنا.
وقف قدام السرير اللي نايمه عليه تاج وصوت عياطه بيعلا زي الطفل الصغير قعد ف الأرض ورا الباب وهو منكمش ف نفسه وضامم رجليه حوالين نفسه وبعيط وهو بيبصلها من بعيد:مش قادر ياتاج اقرب منك وانا شايفك كده لاول مره ادخل مكان انتي موجوده في ومتقفيش تستقبليني بابتسامتك وتاخديني ف حضنك مش قادر ياتاج أدفنك ف التراب واسيبك وامشي هدفن روحي معاكي ازاي قوليلي انتي اللي كنتي مهونه عليا كل حاجه كنت بخلص شغل ومشاكل العيله واجي علشان اترمي في حضنك وانسا الدنيا بحالها بحنيتك عليا وكلامك اللي كان بيهون تعب اليوم لمست ايدك وهي بطبط ع ضهري كانت بدواي جروحي عايزك تفتحي عيونك دقيقه بس ياتاج املي بيهم روحي مش هعرف اعيش من غيرك ياروحي ، قام واقف وهو بيتحرك اتجاه بخطوط تقيله لحد مااقرب من السرير وهو بيقعد ف الأرض جمبها وبعيط :خديني في حضنك لآخر مره طمنيني خليني احس بالامان أنا خايف ياتاج خايف اوي .
عياط فهد اكتر وهو بيحط دماغه ف السرير وبيكتم صوت عياطه.
*سلبتي روحي بفقدانك ،وتركتيني بجسد بلا روح*
بره قدام الاوضه ..
سليم:خلصت كل حاجه ياحسام؟
حسام:اها وكلمت الغفير بتاع المقابر علشان يجهز المدفن ..فهد فاق ؟
سليم :فاق من شويه ودخل عند تاج
حسام: وانت ازاي سبته يدخل عندها لوحده زمانه قالب الدنيا جوا اوعا من وشي خليني اطمن عليه
مسكه سليم من ايديه وهو بيتكلم الإرهاق:سيبه ياحسام هو مش هيعمل زي اللي عمله بليل فهد دلوقتي مكبوت محتاج يتكلم معاها هو خلاص استوعب صدمه موتها .
حسام:ربنا يصبره ويقويه ف اللي جاي من غيبابها.
بعد مرور ساعتين...
دخلت سيا الأوضه عند تاج كان فهد نايم بنوم عميق جمبها بصتله بالم وبعدين خرجت برا تاني وهي بتعيط.
سيا:مش هقدر ياسليم انت مشوفتش هو نايم جمبها ازاي اكانه حاسس بالامان وهي جمبه مقدرش اصحي
سليم:ياسيا مينفعش الضهر خلاص قرب واحنا لسه قدامنا طريق سفر لازم نلحق علشان نصلي عليها وبعدين نطلع ع المقابر علشان الدفنه.
سيا:مش قادره ياسليم
سليم: أنا مقدرش ادخل ياسيا دي حرمه ميت
حسام :ياسيا احنا لازم نتحرك دلوقتي ع الفيوم لو الضهر اذان هنضطر نستنا للعصر وكده نبقا بنعذبها إكرام الميت دفنه حاولي مره كمان بس .
دخلت سيا الاوضه تاني وهي بتقدم رجل وبتاخر رجل بتوتر قربت من فهد ولمست كتفه براحه .
سيا:فهد حبيبي أصحا.
اتنفض من مكانه :تااج .
سيا:اهدا ياحبيبي ده انا
فهد بصلها بخذلان كان حاسس انه هيصحا ع صوت تاج ويفوق من الكابوس اللي هو ف ..فضل باصص لسيا بخوف خايف يسمع منها أنهم هياخدوا روحه.
سيا فهمته من عنيه ف اتكلمت وهي بتحضنه:لازم يافهد لو بتحبها سيبها بهدوء علشان خاطرها ياحبيبي لازم نريح روحها حاسه بيك يافهد وحاسة بوجعك بس ده أمر ربنا مش هنعترض عليه .
طلع فهد من حضنها ومال ع راس تاج بهدوء وباس راسها :هتفضلي معايا وحواليا ياروحي نتقابل ع خير ياتاج راسي .
حطوها ف تابوت الموته ودخلوها العربيه وركب معاها فهد ومصطفى ابوها ..واتحركت وراهم عربيات سليم وحسام وباقي العيله متجهين ع الفيوم *أصولهم من الفيوم*
ف الطياره "
ماسه :كفايه يازين دموعك منشفتش من ع خدك من لما عرفت .
زين:مش قادر اصدق اني هنزل من المطار ومشوفهاش مش مصدق أنها مبقتش موجوده في الحياة
ماسه:ربنا يصبرك ويصبرنا ادعيلها يازين ادعيلها ياحبيبي.
"بعد مرور تلات ساعات "
كانوا وصلوا علي محافظه الفيوم .
دخلوا المسجد وصلوا عليها وكل رجال الأعمال ومعارف حسام ف الداخلية حضروا علشان يعزوا فهد السيوفي بعد مالاخبار انتشر ع كل مواقع التواصل الاجتماعي والإعلام.
اتحركوا ع المقابر ونزل فهد ومصطفى معاهم المدفن وهما بيحطوها فيه وبيفكه من ربطه الكفن من ع رجليها ورأسها
فهد وهو طالع وبيبص عليها نظره الوداع:وعد مفيش يوم هيعدي غير لما اكون عندك كل يوم مش هسيبك لوحدك ابدا.
ساعد سليم مصطفي ف الطلوع وفهد واقف جوا مكانه مش قادر يسيبها:فهد اطلع خلينا نقفل وندعيلها .
خرج فهد وهو شايف الغفير بيقفل المدفن عليها كان عايز يبعده ويصرخ بكل ماف وهو شايف روحه بيتقل عليها ..
دخل زين وهو بيزعق فيهم بصوت عالييي :دفنتوا اختي من غير مااكون موجود دفنتها يابابا من غير مااشوفها
قرب حسام وسليم عليه وهما بيشدوا بعيد عن القبر: اهداااا يازين مكنش ينفع نسيبها اكتر من كده اهدااا
زين قعد ع ركبه قدام القبر وهو بيعيط :هان عليكي تروحي من غير ماتشوفيني طب كنتي استني أنزل علشان اشوفك ووادعك تمشي من غير معاد كده
كل اللي كان واقف كانت عينه بدمع من صعوبه الكلام اللي كل العيله بتقوله لتاج الإعلام كان موجود وبيصور كل حاجه الحزن خيم ع الكل الموجودين .
قربت صفاء من ابنها:هي راحت بس سابتلني حته منها مش عايز تشوفها ولادها يازين مش عايز تشوف ولاد أختك .
زين بلفهه كأنها لقي طوق النجاة:الطفل مماتش بجد ياامي مماتش تعب تاج مرحش هدر حققت امنيته
جميله حضنت زين وهي بتعيط:سبلتنا اجمل تلات هدايا يعوضونا عن جزء من فراقها .
زين: الحمدلله يارب الحمدلله....
الكل خرج من المقابر وركبوا عربيتهم..
سماح:فهد فين ياسليم؟!
سليم:شكله لسه جوا
حسام:خليك أنا هنزل اشوفه
دخل حسام لجوا لاقي قاعد قدام القبر باصص ع اسمها الموجود وبيتكلم بهذيان:سبتيني خدتي روحي سبتيني انتي سامعاني مش كده
حسام:كفايه يافهد يلا قوم معايا
فهد:مش عايز اسيبها لوحدها
حسام وهو بيحاول يهون عليه:هي مش لوحدها تاج طول حياتها كانت طيبه وعرفه دينها ومحافظه ع صلاتها يبقا تخاف لي بقا انك تسيبها هي دلوقتي ف مكان اكيد احسن .
شدوا حسام من ايده وفهد ماشي معاه مش حاسس بحاجه باصص ع اسمها المكتوب لحد ما خرج من المقابر وركب عربيته وسليم بيسوق وجمبي سماح وورا سيا واخدها ف حضنها فهد .
كان قاعد سرحان ف كلام تاج ووعودها ليها وصوتها ف ودنه
"مش هيحصلي حاجه يافهد وهتشوف بنفسك لما اولد واقف ع رجلي واربي ابني وقتها مش هسمحك انك فكرت تقتل ابننا "
"وعد مش هسيبك وهنربي ابننا سوا "
"متقلقش هدخل اولد ع طول وهطلع أنا وابني ف حضن بعض "
"شوفت عوض ربنا بدل ماكنت هخلف ولد واحد هجيب اتنين دول عاملين عرض خد واحد وعليه اتنين هديه
"اوعدني يافهد أننا مهما حصل متحملش ولادنا ذنب اي حاجه أنا اللي اصريت أجبهم ع الدنيا علشان يشيلوا اسمك خلي بالك منهم فهد بحبك"
فاق فهد ع صوت سليم وهو بيفتح باب العربيه بخوف عليه:انت كويس يافهد سيا بتكلمك بقالها كتير علشان تنزل.
بص فهد حواليه بتوهان فا كملت سيا:احنا وصلنا القصر أنزل ياحبيبي علشان ترتاح .
نزل فهد وهو واقف ع بوابه القصر عنده شعور أنه هيدخل يلاقيها منتظره ف جناحهم..
دخل فهد وحسام وسليم جمبي فتحت الشغاله باب القصر الداخلي دخل فهد بخطوه بطئ..لحد ماوصل صوت عياط البنوته قلبه اتنفض ودقاته ذادت همس من بين شفيفه:اسيا ....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية