رواية تاج الفهد الجزء الثاني 2 البارت الثلث والعشرون 23 بقلم مريم مصطفى
رواية تاج الفهد الجزء الثاني 2 الفصل الثالث و العشرون 23
زين :انت بتقول اي مين دول اللي اتقتلوا ...اوعي من وشي انت اكيد بتخرف.
ماسه:اهدا يازين اكيد ف حاجه غلط
زين بعصبية:اوعي انا لازم ادخل اتاكدت بنفسي انت اكيد مجنون
امين الشرطه بحزم:لو سمحت امشي من هنا بدل ما....
قطع كلام الأمين صوت خالد من بعيد :سيبوا يدخل .
فتح الأمين بوابه القصر ودخل زين وهو بيجري ع جوه بس ايد خالد منعته:دكتور زين لو سمحت خلينا نشوف شغلنا
زين بعصبية وصوت عالي :شغل اي والناس دي بتعمل اي هنا
خالد:أنا مقدر أن الوضع صعب بس لازم تهدأ علشان خاطر مدام ورد وسيا لأنهم منهارين ومفيش حد غيرك هيقف جمبهم
زين:أنا مليش دعوه بكل ده انا عايز اشوف اهلي فين سليم وحسام ف انهي مستشفى
خالد:للاسف هما ف المشرحه وولدتك و ولدك كمان
زين برق بعينه وهو مصدوم جسمه كله وقف عن الحركه وماسه ماسكه ايده اويي ومش قادرة تتكلم .
زين :انت بتقول اي ؟!!! مين دول اللي ف المشرحه ؟!! ولاد فهد !جميله اختي !ابويا وامي !!
زين كان بيتكلم بهزيان ومن الصدمه دموعه مبتنزلش واقف ثابت .
خالد: الحمدلله الاطفال كلهم كويسين ،بس...
ماسه بخوف:بس اي ؟ ف اي تاني
خالد:انسه جميله مكنتش معاهم جوا وملهاش اثر ولما سعد الحراس الشخصي لفهد باشا فاق قال إن الناس دول خطفوها
زين عقله مكنش قادر يستوعب موت أخته وقتل أهله وخطف جميله ف لاحظه حس أن الدنيا بتقفل كل بابينها ف وشه وقع ع الأرض وهو بيتشنج وجسمه بيتنفض .
ماسه بعياط:زين !!!
خالد وهو بيسطر ع زين كويس :دكتور مختار لسه جوا ادخل قوله يجي فورا
دخل العسكري جوا بلغ الدكتور وطلع بسرعه مال ع زين وهو بيشوف حالته
الدكتور:دخله عربيه الإسعاف لو سمحت
شالوا خالد هو وظابط كمان ودخلوا عربيه الإسعاف والدكتور معاه.
ماسه كانت واقفه قدام عربيه الاسعاف وبتعيط:ورد وسيا فين
خالد:راحوا معاهم ع المستشفى متقلقيش يامدام ف حراسه معاهم
خرج الدكتور:جاله صدمه بسبب اللي حصل
ماسه:طب هو دلوقتي عامل ؟
الدكتور:أنا ادتله حقنه مهدا وشويه وهيفوق.. ربنا يصبره
ف المستشفى...
سيا كانت واقفه بتبص حواليها لدكاتره والإعلام اللي بيحاول يتكلم معاه علشان يعرف اي تفاصيل عينه كانت بدور ع كل الوشوش اللي واقفه كانت حاسه انها هتشوف اي حد من اهلها موجودين ف كل الناس دي شريط حياتها كان بيمر قدام عينها ذكرياتها الحلوه معاهم كانت بتتعاد اكانها رجعت بالزمن عيونها بدأت تقفل بالراحه ووقعت ع الأرض .
ورد بفزع:دكتور ..دكتور بسرعه الحقوني.
جري كذا دكتور بسرعه وهما بيرفعوا من ع الارض وبيحطوها ع الترولي دخلوها اوضه وبدوا يكشوفوا عليها
وورد واقفه بره حاسه انها لوحدها ملهاش حد منكمشه ع نفسها بخوف .
طلع الدكتور من الاوضه وورد بتبصله :هي كويسه ؟
الدكتور:مش عارف اقول لحضرتك اي بس هي للاسف دخل ف غيبوبه
ورد :غيبوبه؟!! طيب هي هتفوق أمته
الدكتور:الله واعلم دي حاجه منعرفهاش ممكن اسبوع شهر ووممكن سنين
ورد بصدمه:سنين؟!! هي حصلها اي بالظبط؟
خرجت دكتوره من اوضه سيا وهي بتقفل الباب وبتكلم بعلميه:بعتذر ع قطع كلامك يادكتور ، مدام سيا هي مش مجرد أنها دخلت ف غيبوبه الوضع يختلف بعد الحادثه اللي حصلت وأنها شافت أهلها مقتولين قدامه عقلها رفض يصدق اللي حصل وباالتالي رفضت الواقع وأنها تكون موجوده في العالم بتاعنا .
ورد بعياط:أنا مش فاهمه حاجه
الدكتوره بصت لورد بشفقه ع حالتها ف اتكلمت بهدوء:بصي يامدام هي رافضه تعيش ف العالم ده من غير أهلها لان من الواضح أنها متعقله بيهم عقلها استسلام للموت المؤقت هي حاليا بتعمل عالم مع نفسها وهما معاه فيه بعيد عن كل اللي حصل
ورد :يعني مش هتفوق !!
الدكتوره:الله واعلم ادعيلها مفيش حاجه بعيده ع ربنا .
تحت ف المستشفى.
عشق:أنا هطلع فوق اشوف حاجه كده
فاروق بضيق:اوعي تعملي اي حاجه من دماغك تاني كفايه الورطه اللي ورطتيني معاكي فيها
عشق بخبث :مفيش حاجه هتتعمل تاني اقولك روح شوف جميله بتاعتك اخبارها اي لحد مااخلص أنا كام حاجه كده ومتخفش مش هورطك ف حاجه.
سابته وطلعت ع فوق وهي بترسم الحزن ع وشها بدقه ..فاروق كان عايز يطلع يشوف هتعمل اي لانه واثق أنها وراها حاجه بس افتكر جميله وانه عايز يشوفها طلع بره المستشفى بصعوبه من الاعلام اللي حواليه وركب عربيته ف طريقه للمخزن.
ورد كانت قاعده جمب سيا وهي بتعيط:لازم تفوقي ياسيا علشاني وعلشان ولادك وولاد فهد احنا طب هقولهم اي لما يسألوني عن اهلهم هقول ايييي لازم تفوقي ياسيا ف اسرع وقت .
خبط الباب ودخل الدكتور: مدام ورد محتاجين حد معانا علشان الإجراءت والدفن .
ورد بدموع:بس انا معرفش اعمل حاجه ومفيش حد ....
ورد بسرعه افتكرت زين :ينفع تليفون حضرتك اعمل منه مكالمه والشخص اللي هيجي هيخلص كل حاجه لاني مبقاش ف غيره من عيلتي اللي كانت كبيره
الدكتور:اكيد يامدام اتفضلي ع مكتبي واتكلمي براحتك .
خرج الدكتور وورا ورد وهي ماشيه من قدام العنايه المركزه شافت عشق وهي داخله جوا ولبسه لبس التعقيم ضمت حواجبها بذهول وراحت علشان تدخل وراها .
قربت من الاوضه وهي ولمست الاوكره و...
الدكتور :مدام ورد دي العنايه المركزه!
ورد بتوتر:هو ف حد جوا؟
الدكتور:اكيد ف مرضا المهم اتفضلي معايا علشان الوقت .
ورد وهي بتبص ع الاوضه وقلبها بيدق بعنف:اها اسفه مخدتش بالي
الدكتور :ولا يهم حضرتك اتفضلي .
مشيت ورد وهي عنيه ع الاوضه لحد مااختفت من قدامها ..
قدام القصر ..
خالد كان واقف مع ماسه لحد مازين يفوق والمعمل الجنائي يخلص شغله مكان الحادثه .
خالد:يامدام لازم تأكلي أو تشربي اي حاجه اكيد الحمل هيتاثر
ماسه بعياط:شكرا بس مليش نفس
خالد:طب اهدي حضرتك ....
رن موبيله ف قطع كلامه:مين ؟ف حاجه يامدام ورد انتو كويسين ؟
بصتله ماسه بتركيز اول مانطق اسم ورد .
فكمل خالد:هو دكتور زين موبيله مقفول لانه لسه واصل القاهره ...اها عرف وواخد مهدا دلوقتي المدام بتاعته معاه ...اهدي يامدام ورد أنا بنفسي هخلص كل حاجه خلي بالك من سيا هانم والحراسه معاكم
ماسه:خليني اطمن عليها لو سمحت
خالد سابلها الفون ووقف بعيد علشان تتكلم ع راحتها.
ماسه:ورد انتو كويسين ياورد ...خلي ايمانك ف ربنا كبير خليكي قويه علشان الأولاد مبقاش ليهم حد ...جميله العصابه خطفتها والبوليس بيحاول يوصلها بس كل الكاميرات اللي كانت ع طريق معطله ..اهدي هنلاقيها اول مازين يفوق هيجيلك خلي بالك من سيا ومن نفسك ياورد .
ف المخزن عند جميله..
وقف بعربيته قدام الباب الحديد اللي موجود ع المخزن وقدامه واحد حارس..
فاروق :افتح الباب .
الحارس:باشا الهانم من لما الجماعه جبوها وفاقت وهي بتصوت زي مانت سامع وكل مابحاول ادخل احطلها اكل او حاجه بتحاول تهرب .
فاروق بغضب:اوعي يكون حد لمسها أو مد ايده عليها؟
الحارس:لايابشا متقلقش محدش خالف اؤمرك .
فاروق :هات المفتاح وامشي انت .
الحارس أدلوا المفتاح ومشي وفاروق واقف باصص للباب من رد فعلها لما تعرف أنه السبب ف موت أهلها ..اتنهدت بضيق وفتح الباب وهو بيبص حواليه وبيقفل الباب استغراب أن صوتها اختفي ..
قربت جميله من ورا وهي ماسكه عصايه وهتضربه ع دماغه ،حس فاروق بشهقاتها اللي بتحاول تكتمها وف لاحظه لف ورا وهو بيمسك باايده العصايه.
بصتله جميله بذهول وهي بترجع خطوه لورا:فاروق !!!
فاروق قلبه دق بسرعه واسمه بيتردد ف ودنه بصوتها تاني كانت اول مره تنادي بااسمه
جميله :انت جيت هنا علشان تنقذني صح دول كانوا عايزين يقتلوا اهلي وخطفوني أنت اكيد هنا علشاني ..
شدته من ايده اتجاه الباب وهي بتعيط:يلا نطلع من هنا قبل مايجوا تاني عايزه اشوف بابا وماما اكيد ف المستشفى بيتعالجوا.
وقف فاروق بثبات ف الأرض وجميله بيتشده من ايده:انت وقفت لي ،ف مكان هنطلع منه غير ده
فاروق:مينفعش تتطلعي من هنا ياجميله انا اللي جبتك هنا
سابت جميله ايده وبعدت عنها وهي بتهز راسها برفض وبتعيط:انت اللي خطفتني !!انت اللي موت اهلي !!! ازاي قلبي حبك ازاي قلبي حس انك ف يوم هتتغير ازاي حبيت واحد زيك أنا عملت اي ف نفسي.
قربت منه وهي بتضربه ف صدره وبتصرخ:أنا حبيتك محبتش غيرك مفتحتش قلبي غير ليك انت دمرتني
فاروق عينه دمعت بعترافها أنها حبته:أنا مليش دخل بموتهم صدقيني أنا مليش دخل وحياه حبي ليكي أنا ماليا دخل بقتلهم ولا بقتل فهد.
منعت عياط وهي بتبصله:فهد انت قتلته !! قتلته انت اييييي
فاروق : أنا مقتلتش حد ،عشق هي اللي رتبت لكل حاجه أنا مش هنكر اني اتفقت معاها ع اننا نبعت الناس دي ويقتحموا القصر ويهددوهم علشان فهد يتنازل عن الأملاك وعلشان كده خلتهم يجبوكي هنا لحد ماالموضوع يتم وانتي بعيد وترجعي تاني ،بس هي غبيه اتفقت ع قتل فهد وأصحابه والعيله كلها أنا مقتلتش ياجميله ومتفقتش ع قتل حد .
جميله كانت بتبصله وهي مبرقه عينها من كلامه فاقت من صدمتها لما حست أن ايده بتلمس ايديها اتنفضت من مكانها وهي بتبعد عنه
جميله:انت انسان طماع انت ألعن من عشق انت شيطان متختلفش حاجه عنها انت مجرم وقاتل زيها .
قربت منه وهي بتلف ايديها حوالين رقبته :مش هسيبك هقتلك يافاروق هاخد حق اهلي هقتلك وهقتل قلبي معاك علشان حبك ف يوم علشان وثقت انك هتتغير .
فاروق كانت مستسلم ليها عيونه كانت بدمع وهو باصص ع عيونه الحمرا من العياط وخدودها اللي زي الدم من بسبب ضربها لنفسها عليهم ،كانت بتحاول تخنقه باايديها اللي بترتعش .
رفع فاروق ايده وشال ايديها من ع رقبته براحه وهو بيعيط :سامحيني يا جميله سامحيني ،وتعالي نتجوز وانا هتغير هبعد عن كل حاجه انتي مش عايزه هبقا شخص تاني بس خليكي معايا
جميله صرخت ف وشه بانيهار: اتجوزك وانت ايدك غرقانه بدم عيلتي اتجوز واحد قتل ابن عمه اللي من نفس دمه انت واحد خاين طماع شيطان انت أحقر بني آدم ع وجه الارض ..هخرج من هنا وهرميك ف السجن زي الكلب هلف حبل المشنقه حوالين رقبتك انت والحيه التانيه مش هسيبكوا
فاروق :مش هتخرجي ياجميله من هنا كل اللي ليكي بره ماتوا حتي ولاد أختك اتقتلوا مبقاش ليكي حد غيري هتجوزك ياجميله وهخلف منك وهنعيش حياتنا وننسا اللي فاتت هعوضك عن كل حاجه.
جميله:قتلتوا اطفال ..اطفال ملهش ذنب ف طماعك قتلت روح بريئه كملت وهي بتضربه ف صدره وبتخربشه ف وشه :قتلت اللي امهم ضحت بروحها علشانهم .
مسك فاروق ايديها وهو بيسند ضهرها ع الحيطه اللي وراها وبيقف قدامها وهو مايل عليها .
جميله مكنتش طيقه قربه منها كانت بتعيط وهي بتحاول تسحب ايده من ايده
فاروق :كل اللي بره ماتوا مفضلش غيرك علشان تبقي ليا ياجميله مش هضيعك من ايدي
جميله :ده بعينك انك تلمس شعره مني موتك ع ايدي واليوم اللي اشيل في اسمك قبلها اكون مموته نفسي ولا اني اتجوز واحد زيك كلب بيجري ورا الفلوس
فاروق: وأنا عمري ماهغصبك ع حاجه مش عايزها بس مش هسيبك هتفضلي معايا العمر كله هخبيكي بعيد عن الكل هجبلك بيت كبير وهتقعدي في هانم زي ماانتي طول عمرك هانم ..مش لازم اتجوزك المهم اني اشوفك ع طول وتكوني قريبه مني املئ عيني من جمال عيونك من النهارده انتي ف حياتي لحد اخر نفس فيا .
جميله بتحدي :واخر نفس فيك هيجي ف اقرب وقت وع ايدي .
فاروق :مش مهم الأهم اني اموت ع ايدك انتي ..بعد العزاء هنطلع ع اسكندريه علشان نبدا حياتنا من جديد هديكي وقتك لحد ماتنسي وتوافقي ع جوزنا.
ساب جميله وهي بتقع ف الأرض بصلها وهو خارج بحزن ودموعه نزلت :خليكي فكره اني محبتش غيرك وموت اهلك أنا مليش ذنب في بحبك يا جميله .
قفل باب المخزن وهي انكمشت ع نفسها وانهارت من العياط .
بره ف عربيه فاروق وهو ساند دماغه ع الدريكسيون وبيكلم نفسه:قولت ان ولاد فهد ماتوا علشان تفقد الامل ومتخرجش من هنا عارف انها عنيده وهتحاول تهرب لما تعرف أنهم عايشين بس دلوقتي لا هتخرج لمين هي هتفضل معايا حتي لو مش هتجوزها بس كفايه وجودها ف حياتي .
ف المستشفى...
خرجت ورد من اوضه الدكتور بعد ما خلصت المكالمه وهي بتفكر في عشق راحت ع العنايه المركزه قربت من الباب وهي بتفتحه كان مقفول ضمت حواجبها بستغراب ..
ورد:لوسمحت هي لي الاوضه دي مقفوله
الممرضه: علشان الاجهزه اللي موجوده فيها ،هو ف حاجه
ورد:شوفت واحده من شويه كانت داخله هنا
الممرضه:كان ف مريض بس توفاه ممكن يكون حد من أهله دخل يشوفه..عن اذنك .
مشيت الممرضه وورد واقفه مكانها اي علاقه عشق بالمريض اللي كان هنا ولي كانت داخله تشوفه ؟!
قطع أفكارها صوت ماسه وهي بتجري عليها وبتحضنها:البقاء لله ياورد .
حضنتها ورد وهي بتعيط كانت ماسكه ف ماسه وهي حضنها بتحاول تحس ب اي أمان حواليه ،فتحت عينه شافت زين واقف قدامها بجمود ..طلعت من حضنها وهي بتقف قدامه وبتكلم بتعب:ربنا يصبرك ويصبرنا ع فراقهم
زين اتكلم بثبات:جميله فيين ياورد؟
ورد:جميله سابتنا وأصرت تدخل مع سعد جوا علشان تشوفهم و..
زين: جميله اتخطفت
ورد بصدمه :انت بتقول اي اتخطفت ازاي ومين اللي خطفها
ماسه :اهدي ياورد اللي خطفوا جميله هما نفس الا قتلوا ...
ورد بنيهار:هو اي اللي بيحصلنا ده ومين دول وعملوا فيهم وفينا ليييي كده
زين:وده اللي لازم نعرفه مين اللي عمل كده ؟وعمل كده لي ؟!اختي أنا هقلب الدنيا عليها لازم اعرف حصلها اي
ورد:زين ورحمه تاج ادفنهم جمبها خليهم كلهم مع بعض زي ماماتوا وعاشوا مع بعض .
زين:ده اللي هيحصل لازم نقوي علشان نجيب حقهم وعلشان الأولاد هما فيين !!!
ورد:بخير ف الڤيله عندي وحضره الظابط خالد بعت حراسه ع الڤيله ومعاهم المربيه .
ماسه:وسيا فين ؟!
ورد بدموع:سيا ف عالم تاني غيرنا .
زين:مالها هي كويسه ؟
ورد:سيا استسلامت مقدرتش تتحمل الفجعه اللي حصلت دي فقدت الوعي ودخلت ف غيبوبه ياعالم هتفوق منها أمته
ماسه: الحمدلله ع كل حال يمكن ربنا عمل كده دلوقتي علشان مكنتش هتتحمل الدفنه والظروف اللي جي ان يومين يكون كل ده عدي شويه وتفوق .
ورد بأسف:يارب .
زين:هتحرك دلوقتي علشان الدفنه لازم اجي ع طول علشان اشوف اختي فيين .
ورد:أنا هاجي معاك يازين.
زين:مينفعش ياورد سيا لازم حد جمبها والاولاد كمان وماسه معاكي
ورد برفض:لا هاجي انت مستكتر عليا احضر دفنه اهلي وجوزي ؟
ماسه:خلاص يازين هي حالتها مش متحمله خليها تروح معاك يمكن نار قلبها تبرد وانا هقعد مع سيا .
زين:هبعتلك حراسه تفضل معاكوا موبيلك يفضل ف ايدك ياماسه اي حاجه تبلغيني بيها
ماسه:حاضر خلوا بالكوا من نفسكوا اهم حاجه..
مشي زين ومعاها ورد والعربيات الا موجود فيها جثمانهم ماشيه وراهم فاروق مشي بعربيته ورا عربيه زين وهو بيفكر ف جميله كل رجال الأعمال ووزير الداخليه وأفراد الشرطة كانوا موجودين..التلفزيون والسوشيال ميديا اشتعلوا الكل كان متابع احداث الجنازه بدموع قضيه قلبت مصر الشعب كله اتحرق قلبه عليهم من اللي بيقروا كل الاعمال الخيريه اللي كان بيعملها الثلاثي ومساعدتهم لناس كتير الكل كان بيقرا فيها ومعالم الاسي ع خساره عيله كبيره زي دي .
الكل كان متأثر"بمقتل رجل الأعمال المعروف فهد السيوفي وعيلته غدر ف منزلهم "
كانت ابشع جريمه المجتمع يقرأ أو يسمع عنها ورغم أن ناس كتير مكنتش تعرفهم غير من صورهم ع النت راحوا جنازتهم و محافظات صلت عليهم صلاه الغائب .
رجع زين وورد بليل دخلوا الڤيلا بتعب كانت ماسه قاعده مع الاطفال.
ورد قعدت ع الكنبه وهي حاطه ايديها ع وشها وبتعيط :خلاص راحوا .
ماسه:اهدي ياورد ارجوكي علشان الأولاد وعلشان فهد ملاحظ كل حاجه وبيسال ع الكل من بدري
قرب فهد من ورد وهو بيبوسها ف خدها:انتي بتعيطي لي ياعمتو هو بابا وخالوا وعمو حسام فين وماما مش هنا برضو
ورد وهي بتمسح دموعها:هما كويسين بس سافروا ف شغل مهم وماما تعبت شويه مانت عارف بتحب أبوك قد اي ف مستحملتش أنه يبعد عنها كده بس هي كويسه وهبقا اخليك تشوفهم كمان ويومين وهتفوق وتجبلك لعبك .
فيروز بعياط وهي بترمي اللعبه:بس انا عايزه بابي ومامي هما مش بيسبونا لوحدنا.
زين قعد ف الأرض قدامها ومسك ايدها وبيبوسها:مين قال انكوا لوحدكوا أنا موجود مش انتي بتحبيني يافيروز
هزت فيروز راسها فاكمل زين كلامه:وكمان عمتو ورد وخالتوا ماسه معاكي وبيحبوكي اوييي
مسك صوابعه وهي بيعد عليها :ومعاكي فهد ،وفريده،وفجر،اسيا،وعيسي،وايوب،وتيام ،وكمان خالتوا ماسه هتجبلك بيبي صغير علشان تلعبي معاه كل ده ولوحدك ازاي بقا .
فهد بعياط:بس احنا عايزين مامي وبابي وخالوا وجدو وانكل حسام وتيته.
زين وهو بيحضن وش فهد:اولا مفيش راجل بيعيط انت الكبير ف اخواتك لازم تكون فاهم إن بابا ف شغل وهيتاخر اوي ومامي يومين وهترجعلك واحسن كمان وانت مسؤوليتك دلوقتي تخلي بالك منهم .
فهد:حاضر مش هعيط تاني وهخلي بالي منهم علشان هما اخواتي بس اسيا مش اختي هي مراتي أنا قولت لخالوا قبل الناس الوحشه ماتيجي القصر اني هتجوزها زي مابابي متجوز مامي.
ابتسم زين ع كلام فهد:وانا بنفسي هجوزهلك بس وعد تخلي بالك منهم كلهم
فهد:اوعدك .
ورد:هي فريده فين؟
ماسه:راحت الاوضه الا ف الجنينه وبترسم .
زين باس التؤام وقام خد مفاتيحه علشان يمشي.
ماسه :رايح فين ياحبيبي
زين:هروح اشوف اختي فين اعرف مين اللي عمل كده ف اهلي مش هقعد حاطط ايدي ع خدي .
ماسه:زين احنا من لما جينا من السفر وانت مرتحتش الشرطه بدور وبتحقق هتروح أنت تدور عليها فين
زين:ف اي حته هقلب الدنيا عليها مش دي اختي الكبيره كفايه اللي راح.
خرج زين من الڤيله وراح القسم عند خالد..
ف القسم..
خالد كان قاعد بتعب بيحقق ف الارواق الا قدامه ..دخل زين بعصبية:حضرتك قاعد ف مكتبك واختي مخطوفه والا قاتل اهلي بره ؟!
خالد:دكتور زين أنا مقدر حالتك انسه جميله من اول ماعرفت اختفاءها وانا قالب الدنيا عليها وللاسف ملهاش اثر ،بخصوص قضيه القتل ف الداخليه كلها مش ساكته ومن بكره هنستدعي فاروق السيوفي وعشق الكيلاني ف التحقيق.
زين للاحظه افتكرهم وهو بيمهس لنفسه:هما !!!معقول ازاي نسيتهم؟
خالد:ف حاجه انت شاكك فيها أو شخص معين؟
زين:فاروق وعشق هما اكيد اللي عملوا كل ده هما أعداء فهد السيوفي لانه مكنش لي اي اعداء حتي ف الشغل بتكون عدوات بيزنس بس .
خالد:لو سمحت اهدا مفيش لحد دلوقتي اي دليل يدنهم لسه التحقيقات شغالها..
قدام المخزن اللي ف جميله .
كانت عشق واقفه بعربيتها قدام عربيه فاروق .
فاروق وهو بيدوس ع أسنانه بغضب:اي اللي جابك هنا .
عشق:جايه اقولك بلاش تاخد المحروسه ف اي مكان دلوقتي لأن الكل عرف انها اتخطفت بعد ماالزفت الحارس قال إن الا قتلوا خطفوها ،متنساش الردرات اللي موجوده ع الطرق ولو شوفها معاك كل حاجه هتيجي فوق دماغنا .
فاروق:وانتي مختفيه طول اليوم وجاي تنصحيني ؟!!
عشق:مش شغلك ،المهم دلوقتي بعد اللي حصل ف القصر هنقعد فين ؟وغير كده احنا مستدفناش حاجه بموت فهد وأهله ولاده موجودين ؟
فاروق بابتسامه خبيثه:وولاده دول مش لسه اطفال محتاجين واصي عليهم وانا عمهم والاقرب من زين ف الدم ولا اي يعني أنا اللي ليا الحق استلم كل حاجه لحد مايتمه السن القانوني وياخدوا نصيبهم ووقتها يبقا يحلها الف حلل.
عشق عينيها لامعت باامل:صح وانا ف مقام خالتهم والزفته ورد مجرد صديقه للعيله يعني ملهاش حق تبقا وصيه عليهم
فاروق بتفكير:بس خلي بالك أن سيا ممكن تفوق ف اي وقت !!
عشق:لا معتقدتش الصدمه كانت تقيله عليها شكلها مطوله وحتي لو فاقت نخلص عليها زي....
قطعها فاروق بحزم:لو فكرتي تقربيلها هي أو ولاد فهد أنا هتقلك باايدي واعتقد خلاص بقيت مجرم يعني والله ماهيفرق معايا وهدفنك حيه فاهماني .
عشق الخوف دب ف قلبها من فاروق لاول مره لأنها حست ف كلامه بصدق وأنه يقدر يخلص عليها بلعت ريقها بصعوبه: فاهمه ..بس برضو احنا خسرنا القصر هنعمل اي ؟
فاروق وهو بيركب عربيته:امشي ورايا
ركبت عشق عربيتها وهي ماشيه ورا لحد بعد ساعه نزل فاروق قدام قصر كبير أساسه بيان أنه قديم .
عشق:قصر مين ده ؟
فاروق بفخر:ده القصر الاصلي لعيله السيوفي قصر جدي
عشق :ولي فهد مكنش عايش هنا هو أهله ؟
فاروق:عمي بعد موت جدي وابويا حب يقفله علشان يكون ذكره للعيله زمان ويبني واحد تاني .
عشق:بس مينفعش نفتحه دلوقتي مش المفروض ف اعلان وراثه؟!!
فاروق وهو بيفتح البوابه الكبيره:لا ده بره الحسبه أنا ليا حقي من ابويا ف يعني محدش لي عندي حاجه .
فتح فاروق القصر ودخل وعشق ماشيه ورا مبهوره بجمال القصر من بره فتح الباب الداخلي وهو بيدخل وبيحط المفتاح ف جيبه ..القصر كان زي المتحف اكبر وافخم من قصر فهد السيوفي.
عشق بإعجاب:مميز اوي القصر ..بس ملاحظه انه نضيف زي ماتقول أكان حد عايش في
فاروق:لما كنت بنزل مصر علشان الشغل كنت بقعد ف ،واها الورقه اللي بينا قطعتها بس ياريت تخلي بالك من تصرفاتك لانك للاسف بقيتي محسوبه ع عيله السيوفي دلوقتي .
عشق بصتله بضيق وكملت كلامها:المهم دلوقتي انك لازم تخلي ورد وزين تحت عنينا
فاروق:لي؟
عشق:زين اكيد هيشك فينا وأننا اللي ورا حصل ..وورد أنا متأكدة أنها مش هتسيب ولاد فهد وسليم بسهوله
فاروق:ورد مقدور عليها هروحلها بنفسي من بكره واقنعها تيجي تقعد هنا يما تسيب الأولاد بحكم محكمه ليا
عشق:تجيبها هنا فين احنا خلصنا منهم علشان تجيبها
فاروق:ولاد السيوفي لازم يتربه ف عزه وف والأول والاخر أنا عمهم وعمري ماهلمس شعره منهم ولا هحرمهم من حاجه
عشق :انت بتهزر اوعي تقولي حنتلهم ؟
فاروق بهمس لنفسه :تقريبا دول الحاجه الوحيده اللي حبيتها ف عيله السيوفي .
عشق:انت بتقول اي لازم نفكر ونرتب كل حاجه.
فاروق:أنا هتصرف أنا طالع انام علشان ف تحقيق بكره ف النيابه وانتي كمان استدعوكي لازم نخلي بالنا من كل حرف واننا كنا مع بعض ف مكان واحد وف شهود ع كده
عشق بتوتر :حاضر أنا حافظه كل حاجه.
سابها فاروق وطلع الجناح بتاعه وهي واقفه مكانها بتتفرج ع القصر ..قعدت ع الكرسي الكبير وهي بتحط رجل ع رجل بغرور :واخيرا الحلم اتحقق..
تاني يوم الصبح صحي فاروق وراح ع النيابه ..
فاروق:يافندم حضرتك بتتهمني بقتل ابن عمي دمي
وكيل النيابة:زين الدالي قال إن كان في بينكوا خلافات بسبب الورث ؟
فاروق:حصل فعلا ف خلافات بينا بس متوصلش للقتل احنا بنتخانق أنا وفهد من صغرنا وبنرجع تاني الا المره دي المشكله طولت حاولت اصالحه بيني وبينه بس للاسف كان واخد ع خطره مني ف اليوم اللي اتقتل ف كان عندي اجتماع خاص بشركتي وكنت بعد ماهخلص الاجتماع كنت هروح اصالحه قدام العيله بس للاسف ..
وكيل النيابة:تحب تقول حاجه تانيه؟
فاروق:لا كل حاجه قولتها لحضرتك
خرج فاروق وعشق دخلت ونفس اللي قالوا فاروق قالته عشق مع تغيير ف الكلام ..
خرج فاروق من النيابه وهو سايق عربيته اتجه ڤيله حسام المحمدي .
وصل وخبط ع الباب فتحت الشغاله..
فاروق:مدام ورد موجوده ؟
الشغاله:اقولها مين ؟
فاروق:فاروق السيوفي .
دخلت الشغاله الريسبشن وماسه شايله فجر وورد بترضع ايوب .
الشغاله:ورد هانم ف واحد بره اسمه فاروق السيوفي عايز يقابل حضرتك
ورد بذهول:فاروق !!
ماسه:وده عايز اي ؟
ورد:مش عارفه هروح اشوفه ...خلي بالك من الأطفال متخليش حد فيهم يخرج بره احسن قلبي مش مطمن .
خرجت ورد ع الباب الداخلي للڤيله:خير حضرتك ؟
فاروق وهو عنيه ف الأرض :ينفع ادخل بعد اذنك علشان نتكلم ؟
ورد:مفيش راجل موجود في البيت دلوقتي اسفه مش هقدر ادخلك واعتقد مفيش كلام بيني وبينك .
فاروق بإحراج:ممكن نقعد ف الجنينه والحرس واقفين كده مفيش مشكله وبالنسبه للكلام هتعرفي دلوقتي.
ورد اتنهدت بضيق :اتفضل حضرتك باب الجنينه من بره .
دخل فاروق وقعد ع التربيزه الموجوده وورد قعدت ف الكرسي اللي ف وشه .
ورد:اقدر اعرف ف اي لاني مش فاضيه
فاروق:بصي يامدام ورد أنا هتكلم بدون لف ودوران ...ولاد فهد أنا الواصي عليهم وولاد سيا كمان لأنهم ف الآخر ولاد بنت عمي ...
قامت ورد وهي بتزعق بصوت عالي:انت جاي تاخدهم مني ومن أمته تعرف أن ليك ولاد عم اصلا أو عندهم عيال ؟
فاروق بصدق ف كلامه: أنا مش جي اخدهم منك هما هيفضلوا ف حضنك وانتي اللي هتربيهم بنفسك بس انا برضو عمهم وليا حق فيهم مهما حصل دول شايلين اسم السيوفي ولازم يتربوا ف قصرهم ومن مال ابوهم حضرتك هتيجي ف قصر السيوفي الكبير معززه وع راسي من فوق تقعدي معا ولاد فهد وسليم ع الأقل لحد ماسيا تفوق وبالنسبه للبنات حضرتك فهد الله يرحمه بيعتبرهم ولاده يعني مش هتقعدوا ف بيت حد غريب وانتي واحده من العيله يامدام ورد
ورد :ولو موافقتش ؟
فاروق: حقك طبعا بس ف الحالتين هاخد الأولاد
ورد :انت بتلوي دراعي ؟!!
فاروق:العفو يامدام بس انا بقولك ع اللي هيحصل وبالنسبة لسيا أنا نقلتها ع القصر الكبير النهارده وكل الأجهزة اللي لاستخدامها جبتها ومعاها ممرضه ،يعني ف الاول والاخر لازم ولادها يكون جمبها يمكن حالتها تتحسن .
ورد بصتله بتردد وهي بتفرك ف ايديها بارتباك..
جوا الڤيله دخل زين وهو مهموم والدنيا كلها مقفله ف وشه .
ماسه:مفيش جديد يازين
زين بحزن:ملهاش اي اثر اكان الأرض انشقت وبلعتها دورت ف كل مكان ونزلت صورها ف كل المواقع المعروفه ع النت ملهاش اثر هتتجنن.
ماسه :ان شاء الله هنلاقيها جميله قويه وميتخفش عليها خلي عندك امل
زين:هي ورد فين؟
ماسه:فاروق ابن عم فهد جه من شويه وكان بيقول أنه عايز ف موضوع مهم قاعده مع ف الجنينه.
زين اتنفض من ماكانت وهو بيجري ع الجنينه بره..
ف الجنينه
فاروق:ارجوكي يامدام .....
قطع كلامه صوت زين :انت ليك عين تيجي هنا كمان
فاروق:دكتور زين لو سمحت أنا جي علشان ولاد ابن عمي وبنت عمي .
زين:انت ملكش حاجه هنا تقتل القتيل وتمشي ف جنازته
ورد بصدمه:قتيل مين؟
زين:محدش قتل فهد وعيلته غير الكلب ده ..
فاروق:محصلش والله ماحصل النيابه نفسها براتني
زين:النيابه تقول اللي هي عايزه بس احساسي ميكدبش
فاروق:أنا مقتلتش حد ومليش دخل ب اي حاجه والاود أنا الواصي عليهم وهاخدهم بالعافيه أو بالذوق
زين:أنا حالهم وليا كل الحق فيهم
فاروق:وانا عمهم دم واحد وشيلين اسم اهلي ف اعتقد المحكمة ف صفي وخصوصا بعد ماتثبت أن مليش علاقه بقتل اهلي، وباالمناسبه أنا مقدرش أحرم الأولاد من خالهم تقدر تيجي انت والمدام بتاعتك ف القصر وتكونوا جمبهم واعتبره بيتك .
لبس فاروق نضارته ومشي وزين واقف مكانه بعصبيه..
ورد بعياط:أنا موافقه اروح اقعد ف القصر مع الولاد وانت تقدر تسافر علشان شركتك يازين .
زين:انتي بتقولي اي تروحي فين مستحيل
ورد:هو خد سيا من المستشفى النهارده وهي دلوقتي موجوده في القصر مينفعش اسيبها معاهم ولا مع الحيه عشق ولازم ولادها يكونوا جمبها
زين:أنا هرفع قضيه بحضانه الأولاد وهجيب سيا هنا
ورد:مش هتستفيد حاجه قدام المحكمه هو الأقرب ليهم لازم نروح مينفعش نسيب سيا معاهم
زين:أنا مقدرش اقعد ف بيت واحد زي ده
ورد:ده بيت السيوفي ومش بيته يعني انت هتقعد ف ملك عيسي وايوب وافق يازين علشان خاطرهم علشان خاطر فيروز اللي مش بتبطل عياط ع أمها لازم تكون جمبها.
زين بضيق:حاضر ياورد بس انا مش هقدر اقعد غير اسبوعين وبعدين هرجع ڤيله اهلي
ورد:اللي تشوفه والاولاد متخفش عليهم مش هسيبهم لاحظه وهجبلكم كذا مربيه علشان تساعدني ف تربيتهم .
بعد يومين اتنقلت ورد ومعاها الاطفال وزين وماسه ف قصر السيوفي فاروق حذر عشق من أنها تضايق حد فيهم وملهاش دعوه بالأطفال تماما ..
زين كان كل يوم يطلع بنفسه يدور ع جميله فات ست شهور ومفيش يوم مدورش عليها قضيه فهد وعيلته اتايده ضدد مجهول بعد مالداخليه فقدت الامل ف أنها تلاقي المجرم الحقيقي ..عشق كانت ديما تختفي لفتره طويله وتظهر ،فاروق نقل جميله ع ڤيله ف اسكندريه وحط عليها حراسه شديدة وبقا يروحلها كل اسبوع وكل مره الحارس بيعرفوا أنها حاولت تهرب وأنها بتفضل تكسر ف كل حاجه ف المكان ..
____________
بعد مرور 25سنه ..
تلات موتسيكلات ريس واقفين جمب بعض بتحدي وصوت جمهور بيشجع وصوت الحكم وهو بيذيع عن أسماء المتسابقين .......
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية