رواية غرام الاكابر الجزء الثاني 2 البارت السادس 6 بقلم منال عباس
رواية غرام الاكابر الجزء الثاني 2 الفصل السادس 6
فى تمام التاسعه يصل دكتور باسم إلى فيلا مراد .تدعه الخادمه للدخول ويجلس بالصالون ..تذهب لاخبار شمس ..تحضر شمس لتمد
يدها للترحاب به ..لتتفاجئ
باسم : انتى ؟!
شمس : انت ؟!
باسم : انتى ايه اللى جابك هنا ؟
شمس بضحك : انا ساكنه هنا
باسم : اممممم بتشتغلى بقي هنا
شمس عجبتها الفكرة وقالت أيوة
شمس : انا بشتغل هنا مدبرة منزل ..
باسم : امممم .طيب فين السيد / مراد
شمس : هوصل حضرتك وأخذته لحجرة والدها
دخل باسم وبدأ بعمل تمارين رياضيه بسيطه تناسب حاله مراد ..جلست شمس تراقبه وعادت بذاكرتها
فلاش باااك ..
فى حفله تنكريه ل جنى صديقه شمس ..ترتدى شمس ملابس خادمه ...وبعد انتهاء الحفله مع تأخر الوقت تشعر شمس بالكسل فى استبدال ملابسها وتغادر بملابس الخادمه حيث تقوم جني بايصالها بسيارتها ..تنشغل جنى بالحديث مع شمس لتخبط فجأة السيارة التى أمامها
ينزل باسم : ايه الغباء دا مش تفتحى
جنى بخوف : انا اسفه
شمس : بتتأسفى علي ايه دى حاجه بسيطه. وانت ما تعليش صوتك
باسم بغضب ونظر إليها من فوق لتحت
باسم : حاجه غريبه مش عارف ليكوا عين تتكلموا ازاى وتركهم وأخذ سيارته وغادر ..
عوده من الفلاش باااااك
ابتسمت شمس لتذكرها هذا الشخص فكم كان يبدو وسيما ..لتجد فجأة الواقف أمامها
باسم : بتضحكى على ايه
انخضت شمس من وجوده فجأة
شمس : هه ايه ..
باسم : لا دى انتى مش معايا خلاص ..
شمس باحراج : اسفه .كنت بتقول ايه
باسم برفع حاجب : كنت بقولك على بعض التمارين لازم تشوفيها علشان تعمليها كل يوم
مطلوب مرتين للاستاذ مراد
انا هكون معاه بالليل وانتى تعملى نفس التمارين الصبح ..
لو مش فاهمه كلامى ..شوفى ليا اى حد من أصحاب البيت ..
شمس : انا خلاص هفهمها
وبدأ باسم بشرح التمارين ل شمس
حتى انتهى
باسم : ميعادنا كل يوم الساعه 9 مناسب ليكم
شمس : ايوا مناسب ..
كتب بعض الادويه والكريمات ..
شمس : الحساب كام يا دكتور ..
باسم : الجلسه ب ........
أحضرت شمس مبلغ كبير من المال
وأعطته ل باسم اتفضل دوول تحت الحساب
باسم : بس دا كتير
شمس : لما تخلص الجلسات نبقي نشوف الحساب وقتها ..
أخذ المال .وغادر
باسم يا ترى البنت دى شغلها ايه بالظبط ..ازاى وهى ملابسها المرة دى شكلها باهظ الثمن وهى اللى تحاسبنى ...وتشتغل خدامه !!
عند عاصم وغرام
تضئ غرام حجرة نومهما بالشموع وتعطر الجو بمعطر الياسمين ..وتفرش الورود فى كل مكان ...وترتدى بيبي دووول مثير ..
يصعد عاصم الى حجرته بعد أن اطمئن على اولاده
ليتفاجئ بهذا الجو الرومانسي المثير ..
عاصم بحب : اميرتى الجميله غرام المثيرة ..
غرام بدلع : اتأخرت ليه يا صاصا
عاصم بإعجاب لزوجته المثيرة : كنت بطمن على الأولاد ..قبل ما يناموا ..
غرام : طيب تصبح على خير
عاصم : ايه دا ايه دا
أصبح على خير ايه وانا معايا الخير دلوقتى ويقترب منها يقبلها من عنقها ..لتتنهد غرام باشتياق له ...لتزداد قبلاته ويحملها إلى فراشه ..ويقبلها فى سائر جسدها ليصبحا جسدا واحدا .....
عند سما
سما : لؤى ..لم تتلقي رد تقترب منه أكثر وتقترب من أذنه
سما : لؤؤؤؤؤؤؤى
لؤى : يخربيت دماغك هتطرشينى
سما بضحك : ما انت مش بترد
لؤى : قولى يا قدرى عايزة ايه
سما : عايزة اشرب عصير قصب
لؤى : نعم !!!!! انتى عارفه الساعه كام
سما بدلع : ايوا بس عايزة عصير قصب يا لولتى
لؤى : لولتى دى سمعتها مرة قبل كدا
اه افتكرت كان برضو وقتها ...معقول !!!
سما بضحك : أيوة معقول
لؤى بفرحه : انتى بجد حامل ؟؟؟
سما : انا اتفاجئت زيك ...من اخر مرة روحت للدكتور من كام سنه وقال إن فرصه الحمل تانى عندى ضعيفه ..وانا فقدت الامل ..بس بقالى كام يوم حاسه بأعراض كدا ..وروحت جيبت تيست حمل وطلعت حامل
لؤى وهو يحتضنها بفرحه مبروك يا سيمو الف مبروك يا حبيبتي
سما : مبروك علينا يا قلبي ....
عند رغد ويوسف
رغد : بناتك جننونى يا يوسف
يوسف : ما هما طالعين ليكى يا قلبي
رغد : نحم نحم طالعين لمين
يوسف : ليكى يا قلبي
رغد : بقول لمين يا يووووسف
يوسف : ليا ..ارتحتى
رغد : ايوا كدا
يوسف : طب يلا ننام هنصحى بكرة بدرى علشان رحلتهم ..
رغد : طب شيلنى
يوسف : يا بنتى انا اول ما اتجوزتك كنتى 58 كيلو وكنت بشيلك وانا مبسوط دلوقتى بقيتى 70 كيلو الغضروف هيجيلى بسببك
رغد : يوسف يعنى مش هتشيلنى
يوسف : منك لله يا بعيده هشيلك وامرى لله
يحملها يوسف لتحضتنه رغد بحب وتلف يديها حول رقبته ...
يصل بها الى حجرة نومهم ليقبلها يوسف بحب
يوسف : بحبك يا رورو
رغد : انا اكتر يا يويو
يأتى الصباح على أبطالنا حيث يستيقظ الجميع الفجر
عند عاصم وغرام
يصلى عاصم الفجر جماعه مع غرام وأولاده
تقوم غرام بتجهيز حقائب اولادها من أجل الرحله..... ......
عند لؤى وسما
لؤى : خليكى حبيبتى علشان ما تتعبيش وانا هجهز حقيبه لوجى للرحله
سما : لا يا قلبي اطمن انا كويسه
وتقوم لتتوضأ وتصلي هى وزوجها ولوجى
ثم تجهز الحقيبه ...
عند رغد
رغد : يوسف
يوسف : ايوا يا رغد
رغد : يلا صلاة الفجر
يوسف : حاضر . صحى البنات على ما اقوم
رغد : البنات جاهزة وصاحيه من بدرى
يوسف : طيب حاضر
وصلوا الاربعه جماعه ..
ما أجمل الأسرة التى تعود اولادها على طاعه الله والصلاة .فدائما ربنا يحفظهم بحفظه ....
بعد مرور بضع ساعات
تجمعت الأسر واولادها
أمام المدرسه لتوصيل أولادهم
ليتقابل الثلاث أسر
أسرة عاصم واسره يوسف وأسرة لؤى
يوصى عاصم : أبنائه على نورى ونورين ولوجى
حتى يركب كل من ادهم واسد ونورى ونورين ولوجى باص الرحله
مع دعوات أولياء الأمور بالرجوع بالسلامه
عاصم : بقولكم ايه بما اننا اتجمعنا كلنا النهارده وبقالنا فترة طويله مش بنتجمع كلنا ايه رايكم نروح مطعم ونفطر كلنا مع بعض
غرام : فكرة جميله رغد وسما وحشينى... من زمان ما اتقابلناش
يوسف : انا ما عنديش مانع
لؤى : وانا كمان
رغد وسما بفرحه فى نفس واحد : هو دا الكلام ...
ويذهبوا إلى أحد المطاعم المحببه لديهم
عند هند
يرن جرس الباب
هند بقلق : بابا لسه نازل من شويه يا ترى رجع تانى ولا مين .لتفتح الباب وتجده ........يتبع
- يتبع الفصل التالي عبر الرابط (رواية غرام الاكابر) اضغط على أسم الرواية