رواية احفاد البارون بقلم ايمان جمال
رواية احفاد البارون الفصل الخامس و العشرون 25
عند أكمل وملك، اكمل في الحمام وملك قاعدة على السرير وفجأة تليفون اكمل رن وكان رقم بإسم مدام زوزو وملك ردت
ك
ملك: الو مين؟
زوزو: مستر اكمل موجود؟
ملك: لا مش موجود حضرتك مين؟
زوزو: قوليله بس زوزو وهو هيعرف
ملك قفلت المكالمة بغضب ومستنية اكمل يخرج من الحمام وبعد دقايق خرج وشايف ملك واقفة متعصبة ومربعة إيديها
اكمل: في ايه؟
ملك بغضب: هي مين مدام زوزو اللي رنت عليك دي
اكمل: دي عميلة عندنا في الشركة
ملك بعصبية: وطلما هي عميلة ليه بدلعها
اكمل بإستغراب: بدلع مين؟!
ملك: مش انت مسجلها بزوزو
اكمل بغضب: هو اسمها كدا على فكرة
ملك بعصبية: ياسلام يا اخويا
اكمل عارف ان ملك مش هتصدق وعشان كدا رن على فهد
فهد: الو يا أكمل
اكمل فتح الاسبيكر: فهد الاسبيكر مفتوح اتفضل قول لأختك وعرفها ان مدام زوزو هو دا اسمها مش دلع
فهد بخبث: دلعها ايه بس يا اكمل دا انت الوحيد اللي فينا بدلعها
اكمل بغضب: فهد مش وقت رخامتك والله اختك شوية وهتموتني
فهد ضحك: خلاص، ملوكة حبيبتي هو دا اسمها والله وبعدين اكمل بيحبك ومايقدرش يبص كدا ولا كدا
اكمل بصلها بحزن واتكلم: ماشي يافهد تمام
اكمل قفل مع فهد وملك مضايقة من اللي حصل
ملك: انا آسفه ياحبيبي
اكمل بغضب: بطلي شك ياملك
ملك بدموع: مش شك والله ياحبيبي انا بغيير عليكي
اكمل مسحلها دموعها: وانتي عارفة ان محدش يملى عيني غيرك
ملك: عارفة بس انا بغيير اوي
اكمل بحب: وانا بحبك انتي
ملك قربت منه بدلع: وايه كمان؟
اكمل باسها برقة: تعالي وانا اقولك وايه كمان
نيجي لجاسر ونور، قاعدين بيتفرجوا على فيلم سوا ونور نايمة على صدره
نور: حبيبي
جاسر: ايه ياقلبي
نور: عاوزة اروح عند ماما وبابا يومين
جاسر: وتسبيني؟
نور: تعالى معايا
جاسر: انتي عارفة الشغل وبعدين مش هما كانوا هنا ولسة ماشيين من كام يوم
نور: ايوا بس انا وحشني المكان هناك
جاسر ابتسم: موافق بس عاوزة تروحي امتى؟
نور: الوقت اللي هتقول عليه
جاسر بحب: براحتك ياحبيبتي
نور: طب هقول لليل ونروح سوا
جاسر ضحك: دا على اساس فهد هيسيبها
نور: وايه يعني ما احنا خلاص خلصنا من اللي اسمه سالم دا ومافيش اي خطر
جاسر: بس باردوا فهد مش هيرضى انها تبعد عنه يومين
نور: امممم يعني انت هتقدر؟
جاسر مسك ايديها وباسها: لا مقدرش بس انا مش عاوز ارفضلك حاجة انتي عاوزاها عشان ماتكونيش زعلانة
نور: بحبك اوي ياجاسر
جاسر حضنها: وانا بحبك اوي ياقلب جاسر
إسلام وآسر قاعدين في اوضتهم وبيتكلموا
آسر: احنا عاوزين حل عشان مانرحش الجيش
إسلام: مابلاش لعب مع الفهد
آسر: انا بجد مضايق ومش عاوز اروح
إسلام: يعني انا اللي عاوز يا آسر
آسر: يبقى نشوف حل
إسلام: هنعمل ايه يعني؟
آسر بتفكير شيطاني: بص أنا عندي فكرة حلوة ويارب تظبط
إسلام: فكرة إيه؟
آسر: اسمع ياسيدي
تمارا رجعت بلدها عشان دا احسن ليها بس بتطمن على ليل من الوقت للتاني بس ليل لسة زعلانة منها بس طبعاً ليل طيبة وهتقدر تسامحها
تاني يوم فهد راح قسم الشرطة عشان يمسك دليل على سالم ذي ما اتفق مع الظابط
الظابط: انا مش عاوز اي ضغط يافهد، عشان لو الإدارة حست انه اعترف تحت ضغط مش هيقبلوا بالدليل دا
فهد: ماتقلقش انا مش غبي عشان اضيع الفرصة دي
الظابط: تمام
الظابط طلب من العسكري انه يجيب سالم من الحجز
الظابط لفهد: انا هقوم واسيبكم لوحدكم
الظابط خرج والعسكري دخل بسالم وخرج
سالم لفهد: لو كنت اعرف انك انت اللي هنا انا ماكنتش وافقت اقابلك اصلا
فهد: اقعد بس كدا
سالم قعد ادام فهد: نعم عاوز مني إيه؟
فهد: جاي اشمت فيك
سالم بغضب: انت مستفز
فهد ضحك بسخرية: وايه الجديد ما انا على طول كدا
سالم وقف بعصبية: انا راجع الحجز
فهد بهدوء: عاوز اسألك سؤال
سالم: اسأل اخلص
فهد: ليه قتلتهم؟
سالم بإستفزاز: كان لازم اخلص من جدك وحبيت احرق قلبه وفعلا قدرت اعمل كدا، وعشان كدا قتلته وطقعت سلك الفرامل بس انا مكانش اقصد امك بس هي اللي كانت معاه
فهد بغضب: انت انسان زبالة
سالم ضحك بسخرية: وكان نفسي احرق قلبك على مراتك بس يلا عرفت تفلت منها
الظابط دخل لما حس ان صوتهم بدأ يعلى ودخل قعد
الظابط لفهد: ها؟
فهد خرج التليفون من جيبه: تمام
الظابط اخد التليفون وفتح التسجيل وسالم سمع اعترافه بنفسه وبيبص لفهد بغضب وهجم عليه وبيخنقه والظابط بعد سالم بعنف وخرج مسدسه ووجهه لدماغه
الظابط بغضب: والله لهتشوف هعمل فيك ايه
العسكري دخل واخد سالم للحجز تاني
الظابط: كدا القضية هتتفتح
فهد بإرتياح: وانا بكدا مرتاح جداً وأكيد هما كمان مرتاحين ذيي دلوقتي
الظابط: الحكم هيكون بالإعدام ومش هيكون اقل من كدا
فهد: تمام، انا همشي محتاج مني اي حاجة؟
الظابط: لا تقدر تتفضل انت كدا مهتمك خلصت
فهد خرج من عند الظابط وهو مرتاح انه أخيرا قدر يجيب حق ابوه وامه وكان ناجي مستنيه بارة بس وهو خارج قابل مصطفى اخو سالم
مصطفى بإستغراب: انت هنا ليه؟!
فهد بهدوء: عشان اقدر اجيب دليل انه قتل ابويا وامي
مصطفى بحزن: انا اسف يافهد على اللي حصل وعارف ان مافيش اي كلام هيقدر يعوضك ابوك وامك بس انا بجد آسف
فهد بهدوء: ولا يهمك، انت كنت جاي تشوفه؟
مصطفى بهدوء: ايوا بس انا محتاج اتكلم معاك ممكن؟
فهد: عادي معنديش مشكلة
مصطفى: طب تحب نروح نعقد في مكان؟
فهد: لو مش لازم دلوقتي خليها بعد ما تشوفه
مصطفى: لا انا عاوزك في حاجة مهمة اهم منه
فهد: تمام تحب تيجي معايا في عربيتي؟
مصطفى: انا معايا عربيتي هاجي وراك
فهد: تمام
فهد ركب العربية مع ناجي ومصطفى وراهم
ناجي: هو عاوز ايه؟
فهد: مش عارف بس دلوقتي هنعرف
بعد شوية وصلوا عند كافيه وناجي مش راضي ينزل
فهد: يا ابني يلا
ناجي: انا هفضل مستنيك هنا احسن
فهد بغضب: كلمة واحدة هتنزل معايا يعني هتنزل
ناجي ابتسم: حاضر هركن العربية وهدخل وراكم
فهد دخل مع مصطفى وناجي ركن العربية ودخل وراهم وطلبوا قهوة
فهد: تقدر تتكلم
مصطفى: في موضوع مهم عاوزك فيه
ناجي بحرج: طب انا هستنى بارة
مصطفى: لا ياناجي انا عاوزك تكون قاعد عشان الموضوع مهم ليك انت كمان
فهد: اتكلم واحنا سامعينك
مصطفى متوتر ومش عارف يبدأ الكلام ازاي بس اتكلم: انا عاوز اتقدم لعمتك يافهد
فهد وناجي بصوا لبعض بصدمة ومحدش فيهم بيرد
مصطفى: انا عارف ان الموضوع غريب وعارف انكم مصدومين بس دا حلم من سنين بس للاسف كان من ضمن احلام كتير ما اتحققتش
فهد بهدوء: هو انا ممكن اسألك سؤال؟
مصطفى: اتفضل
فهد: هو انتوا كنتوا تعرفوا بعض زمان؟
مصطفى بكل صراحة: ايوا يافهد بس للاسف العدواة اللي بين العيلتين كانت السبب الاساسي في اننا نبعد عن بعض واننا مانكونش مع بعض دلوقتي واظن ان جه الوقت خلاص اني اقدر احقق الحلم دا
ناجي: وتفتكر هتوافق؟
مصطفى: انا متأكد انها لسة بتحبني ذي ما انا لسة بحبها وفضلت طول السنين دي كلها عايش على حبي ليها رغم انها كانت مع غيري بس مقدرتش اكون مع حد غيرها، انا عارف انكم واخدين موقف بسبب أخويا بس انا مش محتاج اقول اني مش ذيه لأن أنا فعلاً مش ذيه وكنت دايما بحذر أكمل منه لان انا واكمل كنا اصحاب، فهد انا مش بقولك كدا عشان تقبلني او اقولك اني كويس انا محتاجها في حياتي
فهد: وتفتكر ولادها هيوافقوا
مصطفى بص لناجي: اظن ان دي هتكون مهمتك انت وناجي
ناجي: ازاي؟
مصطفى: يعني انا عارف انك اتجوزت بنتها يعني هتقدر تتكلم معاها، وبالنسبة لفهد فهيقدر يتكلم مع اكمل
فهد بهدوء: طب انت كدا نسيت اكبر مشكلة
مصطفى ابتسم: تقصد البارون مش كدا؟
فهد: كويس انك عارف
مصطفى: طبعاً عارف وانا مش ناسيه بالعكس انا بفكر اعمل ايه عشان هو يوافق ويرضى بيا زوج لبنته
ناجي: طب هو حضرتك مش عاوز تكون اب؟ انا عارف ان حضرتك هتقول ان كبرت وكدا بس ليه ماتتجوزش واحدة تكون اصغر من حماتي عشان تقدر تكون اب
مصطفى ابتسم: انا كان نفسي ان ولادي يكونوا منها هي مش من حد تاني بس القدر لعب لعبته معانا واتفرقنا وانا دلوقتي عاوزها هي عشان تكون معايا لآخر يوم ليا ومش فارق معايا اكون اب ولا لا، ويوم مايحصل كدا انا هعتبر ولادها هما ولادي
فهد بص لناجي واتكلم: جاهز للمهمة دي؟
ناجي: هو انت موافق؟
فهد بص لمصطفى: انا موافق عشان عارف ان عمتي هتوافق لان اخر مرة عمي مصطفى كان عندنا انا شفت في عنيها حب كبير اوي
مصطفى ابتسم: متشكر بجد يافهد
فهد ابتسم: وكمان انا عارف ان انت كويس بس انا عندي مهمتين صعبين
ناجي ضحك: البارون والاكمل
فهد اتنهد: ايوا للأسف
مصطفى: يس اعتقد انك انت الفهد يعني هتقدر
فهد: ربنا يستر، احنا هنمشي دلوقتي وهرد عليك
مصطفى: وانا هستنى ردك
فهد وناجي خرجوا من المطعم وركبوا العربية واتحركوا
ناجي لفهد: هنعمل ايه؟
فهد ضحك: انت مهمتك اسهل مني بكتير، عشان هتقدر تقنع سارة
ناجي ضحك اوي: دا انا هقولها وهطلع اجري
فهد ضحك اوي: ياعيني عالرجالة
ناجي: لا دي مجنونة ياعم والله
فهد: ربنا يستر بجد وخصوصا البارون
ناجي: ربنا يقدم اللي فيه الخير
ناجي وصل فهد للقصر وراح بيته، سارة اول ماسمعت صوت المفاتيح جريت عالباب واتعلقت في رقبته
سارة: وحشتني
ناجي باس دماغها: وانتي كمان
سارة: يلا عشان تاكل
ناجي ابتسم: طب انا عاوزك في موضوع
سارة: موضوع إيه؟
ناجي: تعالي بس اغير هدومي
ناجي وسارة دخلوا اوضتهم وسارة بتساعده وفتحت الدولاب وطلعتله هدوم وهو غير هدومه وهي قاعدة مستنياه يتكلم
سارة: ها
ناجي ضحك: ها إيه؟
سارة: ايه هو الموضوع
ناجي قعد جمبها ومتوتر ومش عارف يبدأ منين
سارة: ايه ياحبيبي اتجوزت عليا ولا إيه
ناجي ضحك اوي: ايه يامجنونة
سارة ضحكت: ما انت قاعد متوتر ومش عارف تتكلم مصيبة ايه بقى اللي حصلت
ناجي اتنهد وبصلها: حماتي جايلها عريس
سارة مش مستوعبة اللي سمعته: حماتك مين؟
ناجي: هو انا يعني عندي غيرها
سارة: ناجي ماتهزرش
ناجي: والله بتكلم بجد
سارة بعصبية: دا اسمه جنان
ناجي: ليه بس ياسارة
سارة: هو ايه ايه اللي ليه يا ناجي، انت شايف نفسك بتقول ايه
ناجي: شايف وعارف بس انا جاي اقولك اللي حصل
سارة: ومين بقى العريي
ناجي بتوتر: مصطفى
سارة: هو انت يعني كدا عرفته
ناجي بتردد: مصطفى الصياد
سارة بصدمة: نعم يا أخويا بتقول ايه انت
ناجي ضحك: انا قولت لفهد انك مجنونة ماصدقنيش
سارة بعصبية: ناجي انا لحد دلوقتي واخدة الموضوع هزار
ناجي بهدوء: وهو دا موضوع نهزر فيه ياسارة
سارة: ازاي دا طبعاً لا
ناجي: وليه لأ ياسارة؟
سارة بإستغراب: هو انت موافق؟
ناجي: أولاً انا سواء وافقت او قولت لأ الاهم من رأيي ورايكم رأيها هي ياسارة، وبعدين انا موافق جداً وكمان فهد موافق
سارة: فهد كمان موافق؟
ناجي: أيوا وهيتكلم مع أكمل اخوكي
سارة سكتت ومش عارفة تتكلم ولا عارفة تقول إيه
ناجي: ساكتة ليه؟
سارة: هقول ايه؟
ناجي: موافقة؟
سارة: لا ياناجي
ناجي: وافرضي هي وافقت؟
سارة: استحالة امي توافق
ناجي: لا ياسارة هتوافق
سارة: وانت ليه واثق اوي كدا؟
ناجي عشان هما كانوا يعرفوا بعض من زمان وكانوا بيحبوا بعض ياسارة
سارة بصدمة: ايه؟!
ناجي: ايوا ياسارة ونصيحة مني لو لاقتيها موافقة بلاش تزعليها
فهد طلع اوضته وهو محتار ومش عارف يعمل ايه وكان محتاج يتكلم مع ليل بس هي نايمة🤣، ودخل ياخد دش وبعد ماخرج بدا يصحيها
ليل بنوم: سبني انام
فهد: قومي بقى وحشتيني وعاوز اتكلم معاكي
ليل فتحت عنيها ورفعت راسها من على المخدة وسندتها على صدر فهد: اتكلم
فهد ابتسم: يعني فايقة تسمعيني؟
ليل رفعت وشها وبصتله: هو انا يعني عندي اغلى منك عشان افوقله
فهد باس دماغها: بحبك
ليل: وانا بحبك اوي، ها احكيلي عملت ايه عند الظابط
فهد حكالها عن اللي حصل وهي فرحت عشان فهد ارتاح وبكدا اخد حق ابوه وامه
ليل: مبروك ياحبيبي، يلا بقى احكيلي مالك
فهد: مالي ازاي؟!
ليل: عيونك بتقول انك محتار وفيه حاجة شغلاك يلا احكي
فهد ابتسم: عمتي جايلها عريس
ليل كأنها ماسمعتش كويس: مين اللي جايلها عريس
فهد ضحك: عمتي فريدة
ليل: هو انت بتتكلم بجد؟
فهد: اه والله
ليل: ودا مين دا؟
فهد: مصطفى الصياد
ليل اتفاجأت: نعم؟
فهد: اه والله كنت معاه من شوية وعاوز يتقدملها
ليل: لا استنى بقى كدا احكيلي الموضوع من طاطأ لسلامو عليكو
فهد ضحك: فضولية انتي اوي
ليل: جداً ويلا احكي بالتفصيل
فهد حكالها عن كل اللي حصل وهي بتسمعه بتركيز
ليل: طب تفتكر اكمل وسارة هيوافقوا؟
فهد: مش عارف بس مش دول المشكلة أصلا
ليل: امال ايه المشكلة؟
فهد: البارون
ليل: طب وهتعمل ايه بقى
فهد: مش عارف انا محتاجك تقوليل أعمل ايه؟
ليل: لازم تتكلم معاها هي الاول يافهد لانها لو هي موافقة هتقدر تقنع الكل لكن لو هي مش موافقة يبقى خلاص
فهد: يعني انتي شايفة كدا؟
ليل: ايوا يافهد
فهد: ماشي هتكلم معاها
تحت آسر وإسلام داخلين والحرس ساندينهم
ملك بصدمة: في ايه مالكم ايه اللي حصل؟
آسر وإسلام كل واحد فيهم رجله اليمين متحبسة ودراعهم الشمال
آسر بتعب: عملنا حادثة
كل اللي في القصر اتجمعوا حواليهم ماعدا فهد وليل
فريدة بعصبية: ليه مكلمتوش حد فينا
إسلام: ماحبناش نقلقكم ياعمتو وبعدين دا كسور مش حاجة كبيرة
ادهم قاعد بيبصلهم: ومين اللي خبط العربية؟
إسلام بيبص لآسر بتوتر: لا دا مش حادثة عربية
ادهم: أمال إيه؟
آسر: كنا بنعمل سباق بالموتسكلات احنا واصحابنا
آيه بصدمة: انتوا خرجتوا الموتسكلات من ورا فهد وادهم؟
إسلام بيبص لادهم بتوتر: احنا مابقناش صغيرين عشان نستأذن
فريدة بغضب: احترم نفسك
فهد وليل نازلين وليل جريت عليهم اول ماشافتهم كدا وفهد ماشي بهدوء مرعب وقعد جمب فهد وبيبصلهم وهما بيبصوا لبعض بتوتر وخوف
فهد: حصل إيه؟
ادهم بغضب: الباشوات خرجوا الموتسكلات من ورانا
آسر فجأة رفع إيده الشمال عند وشه بالطريقة دي🤦🏻♂️ وفهد اخد باله من الحركة دي اوي
فهد بص لأدهم: وايه يعني يا ادهم دول كبروا دولوقتي
ادهم بعصبية: كبروا ايه وزفت ايه وبعدين ايه الهدوء اللي انت فيه دا
فهد بيبصلهم اوي: عادي يا ادهم كبر دماغك
ادهم: طب وبالنسبة للجيش بقى
إسلام اتكلم: والله احنا مضايقين عشان كنا متحمسيين جداً
ليل بتبص لفهد وحاسة انه شاكك في حاجة وهو غمزلها وهي ضحكت
فهد: طب اطلعوا ارتاحوا
آسر وإسلام كانوا قلقانين من هدوء الفهد بس طلعوا فوق
ادهم لفهد: انت إزاي هادي كدا؟
فهد ضحك غصب عنه والكل مستغرب
فريدة: في ايه يافهد؟
فهد: الباشاوات عاملين نفسهم متجبسين
ليل بإستغراب: يعني إيه؟!
فهد: لو كنتوا اخدتوا بالكم من آسر وهو بيرفع إيده كنت عرفتوا انهم بيكدبوا
ادهم بصدمة: يخربيتهم
ملك ضحكت: دا إيه الدماغ دي
فهد: صبركم عليا بس سبوهم كدا هو لسة يومين على كشف الطبي بتاع الجيش والله لهوريهم الكلاب دول
نور ضحكت: دول لعبوا مع الفهد
ادهم ضحك: ناوي تعمل إيه
فهد غمزله: نعمل ايه مش هعمل اصبر بس
فهد بص لملك: امال اكمل فين ياملك؟
ملك: في الشركة لسة هو وجاسر
فهد لأدهم: هو انت مارحتش النهاردة؟
ادهم: لا انا واخد اجازة اسبوع عشان في ناس بتزعل وشكلي هنام عالسلم
آيه غصب عنها ضحكت: أيوا كويس انك عارف
فهد: ماشي خلاص يبقى اعمامي وجاسر واكمل يباشروا الشغل اليومين دول
فهد بص لفريدة: عمتوا عاوزك شوية
فهد خرج مع عمته في الجنينة وطبعا احنا عارفين هو عاوزها في إيه
فريدة: خير يافهد
فهد: تعرفي أنا شفت مين النهاردة
فريدة: مين؟
فهد: مصطفى الصياد
فريدة اول ماسمعت الإسم اتوترت وبان عليها جامد: ماهو طبيعي تشوفه عشان انت كنت عند اخوه
فهد: بالظبط كدا بس بعدها خرجنا وقعدنا نتكلم مع بعض
فريدة بتوتر: اشمعنا؟
فهد إبتسم: على فكرة ياعمتو انا الفهد مش البارون عشان تكوني متوترة كدا
فريدة: انا مش متوترة عادي
فهد: طب عيني في عينك كدا
فريدة دورت وشها بعيد عن فهد: عاوز إيه يافهد؟
فهد: عاوز اقولك إنه طلب يتقدملك
فريدة بصلته بفجأة وتوتر ومش عارفة ترد تقول إيه
فهد: هو مستني يسمع الرد ياعمتو
فريدة باردوا ساكتة ومش بتتكلم
فهد: خلاص ياعمتو فكري وردي عليا براحتك
فهد خلاص هيمشي ويسيبها بس هي وقفته
فريدة: تفتكر اكمل هيوافق؟
فهد ضهره كان ليها وابتسم وبصلها: يعني افهم من كدا انك موافقة؟
فريدة اتوترت اوي وباردوا ساكتة
فهد ابتسم: تقريباً كدا السكوت علامة الرضا ذي مابيقولوا، ماشي ياعمتو انا هتصرف مع أكمل وماتقلقيش
فهد سابها ودخل وهي واقفة مكانها مش عارفة تعمل ايه طب تفرح عشان حب عمرها هيكون معاها خلاص ولا تخاف من ردة فعل ولادها
في المساء الكل متجمع على العشاء وفهد لسة ما اتكلمش مع أكمل
نور لفهد: فهد
فهد: ايوا يانور
نور: عاوزة اطلب طلب
فهد ابتسم: إنتي تؤمري
نور ابتسمت: ربنا يخليك، بص بقى ياسيدي
فهد رفع حاجبه: مش مطمن
جاسر ضحك: انا بقول انها تسكت احسن
نور: لا اطمن، بص انا طلبت من جاسر اني هروح عند ماما وبابا يومين وقولت بما اني راحة بقى اقولك واخد ليل معايا
ليل من جواها عاوزة فهد يوافق بس هي مستنية تشوف هيقول ايه
فهد بهدوء: وايه المطلوب مني؟
جاسر ضحك أوي وبص لنور: انا قولتلك فهد مش هيوافق
فهد ابتسم وبص لليل: انا مش موافق انها تبعد عني يومين بس هي لو عاوزة تروح ماشي بس بشرط
ليل بسرعة: ايه هو؟
ملك ضحكت: دا انتي مستعجلة اوي
ليل بصتلها بغضب وبصت لفهد مستنية تشوف ايه الشرط
فهد: هو يوم واحد وبس وانا اللي هوصلكم وهفضل معاكم هناك
نور: بس انا عاوزة اقعد يومين
فهد: براحتك جاسر يبقى يجي ياخدك
نور: ماشي
فريدة قاعدة بتاكل في سكوت وتقريبا هي بتقلب في الطبق وبس ومش بتاكل وفهد واخد باله من كدا
البارون: فين آسر وإسلام
ادهم ضحك: نايمين فوق تعبانين اوي ياجدو
فهد: اصبر عليا بس انا هقوم اطلع ليهم أصلا الوقتي
ادهم: خدني معاك
اكمل ضحك: وانا وربنا لازم اتفرج
جاسر قام: انا سابقكم على فوق
آيه بتضحك اوي: يالهوي عليهم
هاجر: احسن عشان هما غلطوا
ملك: تعالوا نطلع نتفرج
مراد: بطلوا شقاوة وخليكم هنا عشان فهد وادهم مايتعصبوش
عبدالعزيز: ايوا خليكم
البنات فضلت قاعدة والشباب طلعوا لأوضة آسر وإسلام
ادهم: يلا ندخل
فهد فتح الباب ودخل وهما كانوا نايمن على السرير: مانزلتوش تتعشوا ليه؟
آسر بتعب: هننزل ازاي واحنا تعبانين؟
فهد وادهم قعدوا وكل واحد فيهم قاعد حاطت رجل على رجل واكمل وجاسر واقفين
فهد: طب انا كنت عاوز اقولكم على حاجة
إسلام: إيه؟
فهد بص لأدهم واتكلم: قررت انا وادهم اننا نغير ليكم عربياتكم وتكون موديل السنادي
إسلام وآسر اول ماسمعوا كدا وقفوا على السرير بفرحة ونسيوا نفسهم
آسر: انت بتتكلم بجد يافهد
ادهم بسخرية: ايه دا ياحلوين انتوا وقفتوا كدا ازاي هي رجلكم مش مكسورة وكمان ايديكم
إسلام وآسر بيبصوا لبعض بتوتر ومش عارفين يردوا وبيبصوا لفهد بخوف
فهد وقف واتكلم بغضب: الجبس دا يتفك ياكلاب وجهزوا نفسكم هتروحوا الكشف الطبي الصبح واقسم بالله ان حصل اي تصرف تاني هتشوفوا مني وش عمركم ماشفتوه في حياتكم
فهد وادهم نزلوا واكمل وجاسر لسة عندهم
جاسر: عاجبكم اللي انتوا بتعملوه دا
آسر: وفيها ايه يعني ياجاسر احنا مش عاوزين نروح الجيش
اكمل بغضب: هو ايه شغل العيال دا احترموا نفسكم عشان فهد لحد دلوقتي بيتعامل بهدوء
إسلام بسخرية: ماهو واضح الهدوء يا اخويا
جاسر لأكمل: يلا بينا ننزل وهما حرين مع الفهد
جاسر واكمل نزلوا وإسلام وآسر قاعدين مضايقين من اللي حصل بس خلاص هما كدا كدا داخلين الجيش ونزلوا عشان يروحوا يفكوا الجبس اللي هما عاملينه دا
فهد قاعد في المكتب وفاتح اللاب وبيشتغل وليل دخلتله بس دخلت من غير اي كلام وقعدت قصاده وهو عارف هي عاوزة إيه
فهد: مالك ساكتة ليه؟
ليل: أبداً مافيش حبيت اقعد معاك
فهد قفل اللاب وراح قعد ادامها: عاوزة ايه؟
ليل: هو انا يعني لازم اكون عاوزة حاجة يافهد
فهد ابتسم: ليل انا مش لسة عارفك امبارح، انا عارف انتي عاوزة تقولي ايه؟
ليل بتوتر: ايه بقى؟
فهد: عاوزة تقعدي يومين عند عمي وطنط صح؟
ليل: بصراحة اه
فهد: طب وتسبيني يومين؟
ليل: تعالى معايا، انا بجد وحشني المكان هناك أوي
فهد: بس انا مش هكون مرتاح ياليل وانتي بعيدة عني يومين
ليل: ياحبيبي اقعد معايا اليومين دول
فهد: انتي عارفة الشغل، وكمان كفاية الفترة اللي فاتت غبت عن الشغل
ليل بزعل: طب انا عاوزة اروح يومين
فهد بهدوء: روحي ياليل
ليل بصتله بحزن: لا مش هروح طول ما انت مش موافق
فهد قام وراح قعد مكانه وفتح اللاب: لا عادي روحي
فهد غيران عليها من عماد إبن عمها أصلا، ليل قامت راحت وقفت عنده
ليل: لا مش هروح
فهد بهدوء: روحي ياليل بس خلي بالك من نفسك ممكن
ليل قفلت شاشة اللاب وقعدت عالمكتب🤣 وفهد بيبصلها بإستغراب: في إيه؟
ليل: مش هروح
فهد ابتسم: لا روحي ومش هكون زعلان
ليل بحب: بجد
فهد قرب منها برومانسية: طب اثبتلك ازاي اني مش زعلان
ليل بتفكير: امممممم مش عارفة
فهد وقف ووقفها ادامه: لا لازم تعرفي
ليل: مش عارفة
فهد بيقرب منها أوي: طب اقولك أنا ازاي
ليل بكسوف: رخم على فكرة
فهد باسها بوسة طويلة وبعد عنها عشان تعرف تاخد نفسها: روحي ومش هكون زعلان
ليل بصتله: بجد؟
فهد: أيوا بس بلاش إختلاط بعماد
ليل ضحكت: قول بقى إنك غيران
فهد قربها منه أوي: أيوا وجدا كمان
ليل بدلع: امممم أفكر
فهد بغضب: ليل
ليل ضحكت: خلاص خلاص
فهد: بلاش تعصبيني
ليل: حاضر، عاوزة اطلب طلب
فهد: اطلبي
ليل: عاوزة اخد هاجر معايا
فهد: لا
ليل: ليه بس ياحبيبي
فهد: ليل بلاش ياليل اولا هي مش أي حد دي أخت الأدهم ومش هي اللي تجري وراه
ليل: ياحبيبي بس هي مش بتجري وراه بالعكس والله أنا حاسة انه بيحبها لأنها بقالها فترة بعيدة عنه ودا مجننه
فهد: ليل انا قولت لا وبعدين هي مش قليلة عشان تتحايل عليه، هي تقعد كدا وتختار اللي هي عاوزاه لا تكون مغصوبة ولا تكون رامية نفسها على حد
ليل الكلام ضايقها لأن مكانش عندها حرية الإختيار خالص
ليل بهدوء: تمام يافهد
فهد حس إنه وجعها بكلامه ولسة هيتكلم بس أدهم خبط ودخل
ادهم: فهد محتاجك شوية
فهد كان لسة هيقوله استنى شوية بس ليل ردت: انا هسيبكم لوحدكم
ليل خرجت وفهد واقف مضايق
أدهم: مالك يافهد؟
فهد: قولي عاوز إيه عشان عاوز اطلع لليل
أدهم: ليه حصل إيه؟
فهد بعصبية: اخلص يا أدهم
ليل طلعت أوضتها وغصب عنها فضلت تعيط أوي بس من غير صوت وفهد طلع وشافها كدا
فهد: والله ماكنت أقصد ياليل
ليل بتعيط وبس ومش بترد عليه وهو قعد على ركبته ادامها وبيحاول يصالحها
فهد: عشان خاطري ماتزعليش
ليل بعياط: ممكن بعد كدا اما تيجي تتكلم معايا في أي حاجة تبقى تشوف إنت بتقول إيه
فهد: والله ماكنت أقصد انا بجد آسف
ليل: فهد انا مش زعلانة اني معاك بس انا كل مابفتكر اللي حصل بزعل بس إنت عارف إني بحبك
فهد باس إيديها: وانا والله بحبك أوي وإنتي أحلى حاجة في حياتي
ليل ابتسمت: ربنا يخليك ليا ياحبيبي
فهد باسها: ويخليكي ليا ياروح حبيبك
آيه بتفكر في حاجة بس خايفة من ردة فعل أدهم وقررت تتكلم مع ليل وعشان كدا راحت لاوضتها وخبطت بس فهد اللي فتح
فهد: تعالي يا آيه
آيه دخلت وبصت لليل: عاوزة اتكلم معاكي شوية ممكن؟
ليل: طبعاً ياحبيبتي
فهد: انا هنزل واسيبكم
فهد نزل وسابهم لوحدهم وآيه مش عارفة تبدأ منين
ليل: في ايه يابنتي؟
آيه بتوتر: عاوزة اخد رأيك في حاجة
ليل: حاجة إيه قولي
آيه: عاوز أأجل موضوع الخلفة
ليل مستغربة قرار آيه: طب ليه يا آيه؟
آيه: عشان كليتي ياليل ماتنسيش اني في طب ولسة ادامي تلات سنين ومش هقدر يكون عندي طفل في الفترة دي عشان الكلية صعبة
ليل: بس أكيد ادهم مش هيوافق بكدا يا آيه
آيه بتوتر: في حاجة عاوزة اقولك عليها
ليل بقلق: انتي قولتيله؟
آيه بتردد: لا، أنا عملت حاجة
ليل: اخلصي يا آيه وقولي هببتي إيه؟
آيه: أنا من يوم الفرح وانا باخد حبوب منع الحمل
- تابع الفصل التالي عبر الرابط: (رواية احفاد البارون) اضغط على أسم الرواية