رواية تزوجت معاقا ذهنيا البارت الثامن والعشرون 28 بقلم شهد محمد موسى
رواية تزوجت معاقا ذهنيا الفصل الثامن والعشرون 28
بسمة:انا اهو واقفة إنتَ فين
_جه من وراها وقال:أنا اهو......
بسمة لفت واتصدمت من المفاجأة هي كانت حساها بس فكرة انها تتأكد فدِ صدمة
بسمة بصدمة:قاسم....
قاسم بإبتسامة وهمس وهو بيقرب من وشها: قلبه....
بسمة بعدت وشها عنه بتوتر وقالت:هو انتَ......
قاسم مسك إيدها وباسها وهي كانت متخدرة اصلا
قاسم بحب:ايوة انا ...."وكمل بنبرة عاشق" أنا بحبك او ممكن اكون اتخطيت مرحلة الحب دِ ودخلت في مرحلة أكبر منها ومش بحبك من دلوقت لاء أنا قلبي اتعلق بيكي من ساعة ما شوفتك في المحاضرة"وكمل بضحك" اينعم كان لقاء معتوه "ثم ابتسم بلطف" بس حقيقي قلبي دق معرفش دَ اقدر اسميه اي مش هقدر اقول حب من اول نظرة عشان دَ كلام افلام بس ممكن اوصف انه اعجاب ممكن وعشان كدَ جبتك الشركة بحجة التدريب بعيداً عن تفوقك عشان دَ كان هيديني فرصة اشوفك اكتر ومن حسن حظي انه ده حبك بجد"وشاور علي قلبه" وكنت عارف انك مبتطقينيش فأكيد لو كنت كلمتك كنتِ مش بعيد تشبشبيلي وعشان كدَ اضطريت اني اخليكي تمضي علي ورق الجواز من غير ما تاخدي بالك بحيث اني ابقي ضمنتك الاول وخليتك ملكي حتي لو بالغصب لاني مكنتش هقبل تبقي لغيري ...فاهمه يا بسمة مكنتش ومازلت مش هقبل تكوني لغيري......."ثم اتنهد وكمل" وعلي فكرة أنا كان عندي استعداد انه حتي لو الموضوع اتعرف اني ادخل السجن واتعدم ولا اخليهم يتهنوا ويبقوا فرحانين بس للاسف ضعفت بسب حبي لكِ وعشان ابقي معاكِ واتخليت عن انتقامي منهم عشانك........"كان بيتكلم وهو بيضغط علي ايدها كتوصيل لصدق المشاعر إلِ جواه💛"
بسمة انا بجد محتاجك جمبي وفي حياتي محتاج افرح واحس بالسعادة إلِ حقيقي محستهاش غير معاكي انا مضحكتش من قلبي طول السنين إلِ فاتت بس بسببك رجعت اضحك تاني........أنا عارف اني وحش وعملت كل شئ غلط ممكن يتعمل ومش هنكر دَ وعارف انه مش أنا الشخص إلِ يستاهل حبك بس أنا محتاجك جمبي محتاجك تشديني وتصلحيني ووعد مني هعمل كل شئ ممكن يرضيكي ويخليكِ مبسوطة هعمل اي حاجة عشانك يا بسمة حياتي...بس انتِ وافقي تبقي ليا.......
بسمة واقفة شبه الصنم بتبصله بصمت و نظرات مش مفهومة بالنسباله هل دِ صدمة ولا استغراب ولا فرحة ولا استخفاف ولا شك في كلامه ولا دِ إي حقيقي هو مكنتش قادرة يفسر نظرات عنيها............ قاطع النظرات دِ صوت تليفون بسمة فبترفع الفون لقت باباها فردت وهي مازالت عنيها علي قاسم.....
ايوه يا بابا
أشرف:انتِ فين يا بسمة
بسمة: أنا طلعت بره القاعة كنت بتكلم في الفون بعيد عن الدوشة بس انا خلصت و جاية اهو يابابا......
وقفلت معاه وشدت إيدها من إيد قاسم بالراحة.....
بسمة بجمود:عن إذنك لازم أمشي......"ولفت عشان تمشي بس هو مسك دراعها براحة ووقف قدامها"
قاسم :مردتيش عليا.......
بسمة بجمود :لو سمحت سيب إيدي
قاسم ساب ايدها واتكلم: اهو سيبتها...ردي عليا بقي
بسمة بجمود:أرد اقول إي......
قاسم بنظرات راجية :قولي أي حاجة.......
بسمة بصت لعنيه لثواني وشافت فيهم لمعة الضعف والرجاء...فبعدت عنيها بسرعة بعيد عن عنيه
بسمة بتنهيده:لو سمحت سيبني أمشي.......
قاسم سكت ومعرفش يقولها اي تاني وخصوصا انه واحد بشخصيته صعب عليه يضعف قدام حد او يترجاه بس طبعا قدام إلِ بيحبه لازم يضعف بس زي ما بيقولوا الطبع غلاب......
فبعد من قدامها وشاولها انه تتفضل تمشي......
قاسم :إمشي يا بسمة انا مش هضغط عليكِ بس قبل ما تمشي "وخرج ورقة من جيبه وفتح ايدها وحطها فيها"
دَ المكان إلِ هتلاقيني فيه لو خدتي اي قرار و حبيتي تتكلمي
بسمة بصت للورقة إلِ في إيدها وبصتله لثواني ومن ثم مشيت
في داخل الحفلة....
عز بعد ما مشي من عند محمد"بابا سجي" قرب من إلياس وعلي وجهه ابتسامة رائعة "ابتسم براحتك يابا محدش قدك💃😂"
إلياس شافه جاي فبعد عن ريناد وخده بالحضن...
إلياس بإبتسامة:مبارك للاختك وان شاء الله تبقي خالو قريب .....
عز بضحك: الله يبارك فيك يا حبيبي بس مش شايف انه لسة بدري علي خالو دِ.....
إلياس ضحك وقال:معتقدش بس المهم عقبال ما افرح بيك انت كمان
عز غمزله و ابتسم بإتساع وقال:شكلك هتفرح بيا قريب أوي
إلياس بضحك:يا مسهل....
عز ضحك وفضل واقف سوية معاه لحد ما عينه لمحت بسمة داخلة من باب القاعة وباين عليها انها مش مركزة وخاصة لما خبطت في بنت.....
فراح ساب إلياس وراح ناحيتها....
عز بإبتسامة واستغراب:مالك يا بت في اي....
بسمة ابتسمت بتوتر وردت:ها...لاء مفيش حاجة
عز بإستغراب:لاء في و بعدين كنتِ بره بتعملي اي...
بسمة حاولت تداري توترها واتكلمت بمرح:في اي يا عم انا كويسة اهو وطلعت بره عشان ارد علي واحده صاحبتنا كانت بترن وقولت اخرج ارد في هدوء عشان اسمعها وبعدين سيبك انت مني"وكملت بإبتسامة خبيثة" المهم عملت اي يا شقي روحت لابوها......
عز هز دماغه بأه وبإبتسامة:قولتله وخدت رقمه وكنت حاسس بقبوله ليا
بسمة بمرح:لولولوووي ايوة بقي عندنا فرح تاني......
يالا نروح نرقص بقي ونهيص بالمناسبتين الجاحدين دول "وراحت شداه من ايده وراها عشان يرقصوا من غير ما تيدله فرصة للاعتراض حتي"
وهاصوا شوية وفضلوا مهيبرين وجت فقرة رقصة السلو بقي💃
*كل كابلز يتفضل علي الاستيتج هنا......
إلياس بإبتسامة:تعالي معايا......
ريناد بإبتسامة: فين...
إلياس بإبتسامة:هنرقص...
ريناد ضحكت وقالت:لاء نرقص اي مبعرفش ارقص انا....
إلياس بضحك: انا هعلمك متقلقيش "و شدها وراح بيها عند الاستيتج."
وحط ايديها الاتنين علي كتافه وهو حط ايديه علي وسطها
إلياس بحب:خليكي بصه في عنيا وبس عنيكي متروحش لا يمين ولا شمال
ريناد ابتسمت بخجل وبصت في عنيه وهو كان باصصلها وعنيهم هي إلِ كانت بتعبر عن مشاعرهم وبس دَ غير كلمات الأغنية "بغير من عيني وانا شايفك ودَ إلِ وصلت ليه لو اسمع إسمي بشفايفك بقولك كرريه......وعمري ما عقدر أوصفلك بحبك قد إي........🫂💛 وكفاية كدَ عشان ماخدش ذنوب اكتر😂"
عند خالد ولين اصحاب الفرح اصلا😂
خالد شبه حاضن لين مش مجرد انه ماسكها وبيتحركوا مع بعض......
خالد وهو باصص للين بعشق:عارفة أنا كنت بتمني اللحظة دِ من امتي......
لين بإبتسامة رقيقة:من أمتي....
خالد قرب وشه من وشها وسند جبينه علي جبينها واتكلم بعشق:من ساعة ما شوفتك وانت طفلة بضفاير لسة في ابتدائي وأنا قلبي دقلك كنت بحب أوي لما تجيلي وأنا وأخوكي بنذاكر وتقوليلي خد حللي المسألة دِ مش عارفة احلها كان بيبقي شكلك برئ اوي كان بيخطف قلبي مني بس كنت بقنع نفسي انه دَ احساس عادي أكيد مش هحب طفلة وفضل اعافر مع نفسي واقنع نفسي بدَ بس في الحقيقة كل ما كنتِ بتكبري قدامي كان مكانك في قلبي بيكبر اكتر وأكتر عشان كدَ كنت بحاول اتجنبك
عشان تقدري تحققي حلمك ومكنش عائق في حياتك عشان كدَ خفت أقولك بحبك بس خلاص دلوقت مفيش اي هوف انتِ معايا وملكي دلوقت واقدر اقول بحبك وبعشقك وكل إلِ انا عايزة ....."وراح باسها في خدها برقة ورجع بعد عن وشها ولقاها مغمضة عنيها ابتسم من قلبه"
خالد بإبتسامة محبة:افتحي عنيكي وبصيلي بلاش تخبيهم عني....
لين هزت دماغها بلا و قربت دماغها منه بالقرب من رقبته يعني بحيث انه متشوفش وشه ولا هو يشوف وشها
خالد ضحك علي حركتها وقربها اكتر منه وهمس:انا كدَ مبسوط اكتر علي فكرة.....
لين ابتسمت بخجل وهو مازال مش شايفها وضربته براحه في كتفه وقالت بخفوت:إتلم......
خالد ضحك والاتنين فضلوا علي هذه الوضعية مستمتعين باللحظة.......
عند عز وبسمة أصلهم كانوا بيرقصوا مع بعض💃😂
بسمة بمرح:ابو العزايز احنا امتي هنعمل زي الناااااس إلِ هناك دِ"بصوت كتكوت😂وبتبص علي لين وخالد"
عز بضحك علي طريقتها:أما ربنا يفرجها علينا هنعمل زيهم وأكتر......."وعنيه جت علي سجي إلِ واقفة بتتفرج عليهم وهي فرحانة"
بسمة ضربته في صدرة لما شافت عنيه راحت لفين
بسمة بمرح:يأخي لم عنيك شوية وراعي مشاعر السنجولة البائسة إلِ معاك وبلاش الدلقة دِ يا واد هااا
عز بضحك:ملكيش دعوة يا بائسة انتِ ليه محسساني انه انتِ إلي مدلوقالي ولا حاجة خليكِ في كوزك لما نعوزك ياماما....
بسمة بإبتسامة مستفزة:بقي كدَ طب ماشي اصطوووبر عليا بس......
وانتهت الحفلة علي خير وانتهي معاها اليوم وكانت مسك الختام حقيقي عليهم كلهم
_________________🤎___________________
في صباح يوم جديد......
_في المستشفي_
كانت ريناد وإلياس وزينب قاعدين في أوضة أمجد
وزينب ماسكة إيده....ففجأة حست بحركة إيده...
زينب بدموع:إليااس إلحق بص.... في حركة...
إلياس قام بسرعة من جمب ريناد وراح عند باباه
إلياس :بابا انت سامعني....."وشاف المؤشرات إلِ علي الجهاز وكانت بتوضح انه بدأ يفوق من الغيبوبة💃"
إلياس بفرحة لزينب:بيفوق........
زينب بفرحة ودموع:ألف حمد وشكر إليك يارب..........ألف حمد وشكر إليك يارب........
بدأ أمجد يفتح عنيه ومقلتيه كانت بتتحرك في اتجاهات مختلفة حتي استقرت بعد مدة من الوقت.......
إلياس بإبتسامة فرحة:حمدلله علي سلامتك يا بابا.....
أمجد ابتسم بضعف وقال بوهن:الله يسلمك يا حبيبي......
ريناد بإبتسامة: اي الغيبة الطويلة دِ كلها حمدلله علي سلامتك
أمجد بإبتسامة ضعيفة:الله يسلمك يا بنتي
أمجد كل دَ وباصص ناحية إلياس و ريناد ومخدش باله من إلِ جمبه من الناحية التانية ودموعها بتنزل في صمت من فرحتها ومن اشتياقها لجوزها حبيب الفؤاد
"طبعا احنا ملناش دعوة بكلام الروايات دَ🙂😂😂"
وأخيراً قرر ياخد باله ويبص الناحية التانية....
أمجد بصدمة:زززز..ينب دَ ببب..جد "ومد ايده بضعف ناحية وشها عشان يتأكد انه دَ بجد"
أمجد بصدمة اكبر:ان....انتِ حقيقية "وضحك بتوهان وبص لإلياس" دَ بجد ولا انا اتجننت
إلياس ابتسم وهز دماغة بلا وقال:لاء يا بابا دَ حقيقي ماما قدامك اهي انتَ متجننتش ولا حاجة....
أمجد بتوهان:بس ازاي اومال احنا دفننا مين.....
إلياس اتنهد وقال:بابا دَ قصة طويلة قوم انت بس وابقي كويس وأنا هحكيلك كل حاجة......
ريناد بإبتسامة:استمتع باللحظة يا عمو وانها موجودة معاك دلوقت والباقي بقي مش مهم يبقي يتعرف بعدين....
أمجد بص لزينب وعنيه اتجمع فيها الدموع دموع صعب احنا نفهم ترجمتها لو معشناش شعور إلِ مروا بيه........
زينب قربت منه أكتر وهو تولي الباقي شدها لحضنه ودفنها فيه كأنه بيخبيها جواه ودموع إشتياقه بتنزل
ريناد حطت إيدها في ايد إلياس وبصتله وهي مبتسمة بمعني يالا نسيبهم وشدته وخرجت هي وهو بره الاوضة....
إلياس بإبتسامة واستغراب:خرجتينا ليه....
ريناد ردت بإبتسامة وهي بتحط دراعها في دراعه: يا بني داخل في سنة مشفهاش فالمفروض نخلي عندنا نظر بقي ونسيبهم ......
إلياس بمرح:يواد يا عاقل انت.......
ريناد ضحكت وقالت وهي بتشده:طبعا يابني من يومي.....
إلياس بضحك:طب بتشديني كدَ ليه هتوديني فين اوعي تكوني هتشربيني حاجة أصفره وتتحمرشي بيا......
ريناد بضحك:لاء يا خفيف هشربك حاجة أحمره ومتخافش مش هتحمرش بيك ولا حاجة "وكملت بإبتسامة مرحة" احنا هنروح نجيب اي حاجة تتاكل عشان مش عارفة جعانة ليه ونتمشي شوية في جنينة المستشفي إلِ تعبت منها دِ....
إلياس ضحك وقال:ماشي يا ستي شديني براحتك
ريناد ابتسمت وفضلت تشده او بالمعني الاصح يعني كانوا ماشين جمب بعض "متأنجچين زي ما بيقولوا"
وهو في قمة انبساطه فباباه و صحي ومامته ومعاه وحبيبة قلبه وماليه حياته وكتكوته الصغيرة وجاية في الطريق.........هيعوز اي اكتر من كدَ🌚
__________________🤍___________________
_في بيت بسمة_
بسمة كانت قاعدة في أوضتها بتفكر في قاسم وكلامه وفي سؤال بيدور في دماغها هل هي بتحبه اصلا ولا لاء وللاسف هي مش لاقيه إجابة وحاسه انها تايهه.......
لقت نفسها بتخرج من الاوضة ولقت منه قاعدة في الصالة بتقشر بطاطس وبتتفرج علي التليفزيون.....
بسمة بمرح :منووووون.....
منة وهي مركزة مع التليفزيون: هممم
بسمة بمرح:اومال ابو الاشارف فين راح الشغل ولا اي..
منة :قاعد ياختي في البلكونة بيشرب شاي.......
بسمة سابتها ودخلت البلكونة وراحت باست أشرف في خده......
بسمة بمرح:صباح الخير يا ابو الاشارف.......
أشرف بإبتسامة:صباح النور يا ام لسانين.......
بسمة فضلت بصاله وكل ما تحاول تتكلم تتراجع......
أشرف بإبتسامة:قولي إلِ انت عايزاه ومتتردديش.....
بسمة ابتسمت بإمتنان لابوها إلِ علي طول بيفهمها من نظراتها وحركاتها.......
بسمة اتنهدت وقالت:بص يا بابا أنا تايهه وأول مره أحس بالاحساس دَ اول مرة ابقي مش عارفة اخد قرار ولا عارفة أفكر اصلا
أشرف بإبتسامة: بسمة خشي في الموضوع علي طول بلاش المقدمة دِ.....
بسمة بصتله وبتنهيده:بابا قاسم متجوزني وقبل ما تقول اي حاجة هحكيلك كل حاجة...."وبدأت تحكيله ازاي اتجوزها وقالتله علي كلامه ومبرراته من ناحية انه يتجوزها من غير علمها وكلامه الاخير ساعة الحفلة من الاخر كل حاجة حكتها لباباها.... "
وبس كدَ هو دَ كل الِ حصل أنا عارفة انه كان المفروض اقولك علي موضوع الجواز دَ من بدري بس أنا كنت مستنية الامور تستقر واجي اقولك بس الِ حصل امبارح خلاني مشوشة بجد ومش عارفة رأسي من رجلي ومستغربة نفسي اوي اني مردتش عليه وفضلت اني افضل ساكتة علي الرغم انه كان المفروض أرد و اقوله انه الورقة الِ معاه دِ و لا تهمني ولا هو يهمني بس مقدرتش اتكلم حسيت لساني متربط و بجد أنا مش عارفة في اي ولا اي الِ بيحصلي دَ و حقيقي أنا أسفة اوي يا بابا اني مقولتش الكلام دَ من الاول بس مكنتش هقدر اقول لانه كانت كل حاجة متلخبطة وهو كان في السجن وكان لازم اساعده ففي النهاية هو إلِ انقذ حياتي من انها تدمر.......
"اتنهدت جامد وفضلت بصاله مستنيه انه يقول حاجة"
أشرف كان بيسمع بهدوء وبيحاول يرتب الموضوع في دماغه وكل كلمه قالتها بسمة قبل ما يقول اي حاجة.......
بسمة :بابا قول اي حاجة بلاش السكوت دَ...
أشرف اتنهد وقال:عايزاني اقول اي يا بسمة......
بسمة:قول الصح يا بابا قول اي الِ المفروض اعمله فهمني أنا ليه حاسه اني متربطة وانا قدامي اني ارفض حتي لو هو قال اي وحتة الورقة الِ معاه دِ متلزمنيش لا هي ولا كلامه فهمنييي......
أشرف بتنهيده:انتِ متربطة عشان انتِ حبتيه و بتنكري دَ قدام نفسك قبل الناس وأنا من أول ما جيتي وقولتيلي انك هتساعديه وأنا عارف انك حبيته ومش عاوزاه يتأذي حتي لو كان غلطان ودَ كان باين في عنيكي حتي لو كنتِ بتنكريه و دَ إلِ مخليكي كدَ مشوشة وتايهه اما بالنسبة لكل الِ قولتيه فلو أب غيري إلِ بيسمع كان عمل الِ ما يعمل بس أنا عارف انه الِ حصل غصب عنك وعرفت كمان من كل كلامك انه هو كمان بيحبك اوي ومعندوش استعداد يخسرك ولا يفرط فيكِ.........
بسمة :بس انا مبحبو..........
أشرف بمقاطعة:انتِ قولتيلي أقولك الصح وأقولك تعملي اي وأنا قولتلهولك يا بسمة بطلي تكدبي علي نفسك بانك مبتحبيهوش انتِ بتحبيه ودِ الحقيقة واجهي نفسك بالحقيقة وانتِ هتلاقي الرد المناسب لكلامه "وكمل بإبتسامة وهو بيمسك ايدها " وانا واثق انه الإجابة مش هتكون الرفض وأنا واثق فيكِ و معاكِ في اي قرار هتاخديه سواء كان رفض او موافقة أنا معاكِ دايما بس كل الِ عاوزة منك انك تفكري كويس وتبصي من منظور ايجابي للامور مش من منظر سلبي وعلي فكرة "كمل بخبث" هو مش وحش اوي كدَ حتي لو غلط كتير بس هو من جواه كويس وانتِ عارفة كدَ "وراح غمزلها" بس دَ ميمنعش انه لازم تربيه بردوا وانا واثق انك هتربيه جامد
بسمة ضحكت ثم ابتسمت بإمتنان وحضنته.........
بسمة بحب:أنا بحبك أوي يا بابا أنا معرفش إي الحلو الِ عملته في حياتي عشان ربنا يرزقني بأب زيك كدَ ...ربنا يخليك ليا وميحرمني منك ولا من لطفك وحنانك ابداً....
أشرب بحب:انتِ مجيتك علي الدنيا دِ أحلي حاجة عملتيها في حياتك عشان نورتي حياتنا ومليتها فرح يا بسمتي........
بسمة باسته في خده وفضلت في حضنه بتستمع بدفئه وبتفصل عن كل الِ شاغلها............
__________________🤍___________________
ومر يومين علي الاحداث دِ محصلش فيهم اي جديد....
_في صباح اليوم الثالث_
في مكانٍ ما علي شط إسكندرية🌊
نلاقي قاسم قاعد علي الشط وبيسمع أم كلثوم"يا مسهرني" وسرحان في ملكوت الله.........
"أنا كشهد اتصدمت واحد باد بوي زي دَ يسمع الست طب إزاي بس ما علينا تخيل🙂😂"
فصله من سرحانه واندماجه مع ام كلثوم حد بيقعد جمبه..
_بتريقه: بتسمع الست الصراحة مكنتش أتوقعها خالص منك انت
قاسم بإبتسامة وهو يضع دماغه علي كتفها : ومش بس دِ في حاجات كتير تاني مش هتتوقعيها إنتِ لسة متعرفيش حاجة "اتنهد براحة وكمل" افهم من مجيتك دِ انه انتِ موافقة تبقي معايا..........
بسمة بمرح:للاسف أه شكله من حظك الاسود مكتوبالك افضل قاعده علي قلبك لغاية ما أجيب أجلك.....
قاسم ضحك وعدل دماغه من علي كتفها وبصلها بحب
قاسم بإبتسامة محب:وأنا راضي يا ستي طالما أجلي هيبقي علي إيدك فأنا علي قلبي زي العسل
بسمة ابتسمت وقالت وهي بصاله: إنت بجد بتحبني......
قاسم مسك إيدها وحطها علي قلبه وقال بحب: إسألي دَ بقلبك وهو يقولك ...بسمة قولتهالك وهرجع اقولهالك تاني أنا عديت مرحلة انه بحبك ودخلت في مرحلة اكبر منها مرحلة بتخليني ضعيف أوي وأنا معاكِ........
بسمة سحبت إيده من علي قلبه إلِ حست بنبضه السريع تحت إيدها وكأن نبضه دَ رسايل بيبعتها قلبه لقلبها وبيعبر عن مدي حبه ليها.........
بسمة بعدت وشها الناحية التانية بعيد عنه واتكلمت.....
بسمة:يعني انت عندك استعداد تعمل اي حاجة عشاني......
قاسم مد ايده لوشها ولفه ناحيته......
قاسم بإبتسامة:عندي استعداد ونص هنفذ كل إلِ انتِ عايزاه.........
بسمة بعدت ايده عن وشها واتكلمت بمرح: أول هام إيدك الحلوة دِ متقربش مني تاني يابا
قاسم ضحك ورفع إيده الاتنين لفوق وقال: وَجب يا زميلي اهُم بعيد
بسمة ابتسمت علي شكله بس كملت بغيظ:وثاني هام بقي تبعد عن كل علاقاتك المقرفة وتنسي تاريخك القذر وتبدأ صفحة جديدة مع نفسك ومعايا عشان انا مش هقبل بأي غلط ومش معني اني وافقت ابقي معاك انه انا هنسي انه انت عرفت قبلي كتير ومش بس عرفت انت عملت غلط اكبر من دَ كمان......."اتنهدت جامد في نهاية كلمتها"
قاسم بإبتسامة:انا من اول ما شغلتي تفكيري وانا اعتبرت نفسي واحد جديد وبعدت عن كل حاجة غلط في حياتي من تلقاء نفسي انا من ساعة ما حبيتك وانا مشربتش كاس واحد تقدري تقولي قلبي كان بيحاول يخليني اتغير غصب عني عشانك "ثم اتنهد وكمل بإبتسامة"وعايز أقولك حاجة او اعتبريه إعتراف مني ليكِ أنا ملمستش أي واحدة من كل إلِ عرفتهم كنت بصاحبهم اه ونروح البيت بنقضي وقت لطيف وهمسات وغيره بس مكنتش بقدر ألمس او اقرب من واحدة فيهم تقدري تقولي كنت بظهر للي حواليا اني وحش أوي كدَ او باد بوي زي ما بتقولوا......
بسمة فرحت لما سمعت كلامه او كلمة فرحت دِ قليلة علي الِ هي كانت حساه.......
بسمة بإبتسامة:طيب ماشي....
قاسم بضحك وهو يقلدها:طيب ماشي........
بسمة ضحكت علي تقليده وكملت بإبتسامة: خليني أكمل
و ثالث هام بقي انه تيجي تتقدم بالاصول في بيتنا عشان ورقتك دِ متلزمنيش ولا تلزم حد ولا ليها لازمة أصلاً......
قاسم اتنهد وقال بإبتسامة:موافق......
بسمة ردت بجدية شوية:بس مش لوحدك ......
قاسم بصلها بإستغراب وقال:يعني اي.....
بسمة بجدية:يعني باباك يكون معاك يا قاسم "وكملت بإبتسامة مشجعة" قاسم لازم الصفحة الجديدة إلِ انت هتفتحها دِ تكون خالية من اي جرح او حزن وتكون كلها تسامح أنا عارفة انه هو غلط بس زي ما هو غلط مامتك الله يرحمها غلطت كتير كمان وانها غصبته علي الجواز دَ كان أكبر غلط عملته وفي حاجات كتير انت مكنتش شايفها ومتعرفهاش و الست إلِ انت بتكرها دِ و عاملها عدوتك صدقني بتحبك حتي لو انت مش شايف ده او للاصح مش عايزة تشوفه بس هي بتحبك وأنا شوفت دَ بعنيا واحده غيرها بعد إلِ مامتك عملته فيها و محاولتها انها تقتلها وتقتل ابنها كانت كرهتك وعملت كل حاجة عشان تبعدك عن حياتها هي وابنها وجوزها بس هي معملتش كدَ هي حبتك وحاولت تكون ام ليك بس انت كنت بتصدها وبتبعدها بكل الطرق ومع ذلك هي عزرت كل تصرفاتك الغلط عشان عارفة انت بنيت كرهك دَ علي اي وخرجتك من السجن بعد كل إلِ حصل ووقفت قدام ابنها واجبرته انه يجي معاها عشان يخرجوك.....أنا مبقولكش حبها بس علي الاقل احترم وجودها واحترم باباك وقرب منه ولو شبر واحد لو مش عشانك فعشاني ارجوك أنا مش عايزة حياتنا الجديدة يبقي فيها كره عاوزاك يكون قلبك صافي ومرتاح ودعوات باباك مرفقاك صدقني طول ما دعواته مرفقاك حياتك هتبقي مرتاحة وجميلة وبتالي طول مانت مرتاح حياتنا احنا كمان هتبقي مرتاحة وجميلة............."ثم اتنهدت وكملت" انا كدَ قولت كل الِ عندي والباقي عليك فكر و واحسبها صح وانا منتظراك في بيتنا..........
"وقامت وقفت وبصتله قبل ما تمشي"
بسمة بإبتسامة: علي فكرة بابا واثق فيك واتمني تكون قد ثقته......
وراحت مشيت وهو فضل باصص في أثرها ومتحركش من مكانه.....
___________________🤍____________________
_في بيت بسمة_
أشرف بإبتسامة:خير يا عز مش عوايدك تيجي بدري يعني
عز بمرح:أمشي يعني ولا اي.....
أشرف بضحك: مقصدش كدَ يا متخلف أقصد غريبة انت بيبقي عندك شغل وبتفضل تقول المستشفي والشغل ومحدش بيشوف وشك.....
عز بإبتسامة:عارف يا عمي انه انت متقصدش كدَ دَ انا ابنك أنا كنت بهزر معاك ومعاك حق فعلا انا ببقي عايش مع الشغل بس في موضوع مهم جايلك فيه....
أشرف بمرح:إشجيني مانا بقيت حلٓال المشاكل ليكم....
عز بضحك: لاء مهي مش مشكلة الحمدلله دِ جوازة.....
أشرف بإبتسامة ومرح: قررت تتخبط في نفوخك وتعملها....
عز بضحك: للاسف قررت أتخبط بس احلي خبطة والله..
أشرف بإبتسامة:ومين سعيدة الحظ دِ
عز بإبتسامة:سجي صاحبة بسمة......
أشرف بإبتسامة وهو يربت علي كتف عز: يا زين ما اخترت يا بني والله مش هتلاقي احسن من سجي بس كلمت ابوها خدت رقمه عملت اي منظر.......
عز بإبتسامة: مهو عشان كدَ انا جايلك الصبح انا كلمته وخدت منه معاد علي النهاردة الساعة 6 المغرب......
أشرف بإبتسامة:خلاص علي خيره الله تعالي علي خمسة و هتلاقينا جاهزين ان شاء الله
عز بإبتسامة:ان شاء الله هطير انا بقي علي المستشفي عشان ألحق اجي علي المعاد........
أشرف بإبتسامة: ماشي خلي بالك من نفسك
عز بإبتسامة:حاضر سلام.....
أشرف بإبتسامة: سلام......
__________________🤍____________________
_في فيلا السيوفي_
أمجد رجع البيت في اليومين إلِ فاته هو وزينب وريناد وأخيرا سابوا المستشفي الكئيبة دِ💃
_في اوضة ريناد وإلياس _
كان إلياس بيلبس هدومه وريناد كانت علي السرير وجات تقوم بس قعدت تاني و إلياس خد باله و قرب منها بسرعة وقعد قدامها وحط ايده علي وشها.....
إلياس بقلق:مالك يا حبيبي
ريناد بتعب:مش عارفة مالي حاسة الدنيا بتلف بيا ومش قادرة اقف.....
إلياس بقلق:طب أكلم الدكتور يجي.....
ريناد بتعب وهي شبه بتفقد الوعي: مش..عار...فة...."يا دوب قالتها من هنا و اترمت علي السرير"..
إلياس برعب: ريناد.....ريناد....
تكملة الفصل 28
_في فيلا السيوفي_
أمجد رجع البيت في اليومين إلِ فاته هو وزينب وريناد وأخيرا سابوا المستشفي الكئيبة دِ💃
_في اوضة ريناد وإلياس _
كان إلياس بيلبس هدومه وريناد كانت علي السرير وجات تقوم بس قعدت تاني و إلياس خد باله و قرب منها بسرعة وقعد قدامها وحط ايده علي وشها.....
إلياس بقلق:مالك يا حبيبي
ريناد بتعب:مش عارفة مالي حاسة الدنيا بتلف بيا ومش قادرة اقف.....
إلياس بقلق:طب أكلم الدكتور يجي.....
ريناد بتعب وهي شبه بتفقد الوعي: مش..عار...فة...."يا دوب قالتها من هنا و اترمت علي السرير"..
إلياس برعب: ريناد.....ريناد....ردي عليا "كان عمال يضربها بخفة علي وشها بس هي بلا استجابة وخد كباية الماء من علي الترابيزة ورش علي وشها بس بلا فائدة"
فتح باب الاوضة بسرعة وفضل ينادي علي نادين إلِ جت مفزوعة.....
نادين بقلق:ايوة يا بني في اي.......
إلياس برعب:ريناد مغمي عليها ومش عايزة تفوق معايا كلمي المستشفي بسرعة يبعتولي دكتورة نساء بسرعة.....
نادين بقلق:حاضر "و نزلت جري علي تحت وهي بتكرر جملة واحدة" استرها يارب.......
إلياس دخل تاني الاوضة وفي داخلته مامته دخلت وراه
زينب بقلق:في اي صوتك كان عالي......
إلياس برعب: ريناد أغمي عليها ومش عايزة تفوق يا ماما
زينب بقلق:طب اهدي كدَ واستهدي بالله هي هتبقي كويسة متخافش
إلياس لنفسه:ايوه هي هتبقي كويسة فلازم أهدي عشان أعرف أعمل اي حاجة
إلياس فضل يهدي نفسه شوية وبعدين بدأ عقله يرجعله وقام جاب جهاز الضغط من شنطته وقاسلها الضغط لقاه واطي ولما قاس نبضها لقاه ضعيف.........
زينب بقلق وهي تملس علي شعر ريناد بلطف: ها اي الاخبار....
إلياس بقلق:ضغطها واطي ونبضها ضعيف.......
زينب بقلق:طب هنعمل اي......
إلياس بقلق : لازم اركبها محلول أنا هروح أجيب واحد من أوضتكم ...... "وقام بسرعة علي اوضة أمجد وزينب وجاب المحلول ورجع وبدأ يركب الكلونة في إيدها ثم ركب المحلول...... وقعد جمب السرير علي الارض وفضل باصصلها "
زينب بحنو وهي تحاول طمأنته:متخافش هتبقي كويسة ..
إلياس رد من غير ما يشيل نظره من علي ريناد:ان شاء الله
فضلوا ساكتين وقاعدين لغاية ما المحلول كان شبه بيخلص ورجع في محاولاته تاني انه يفوقها فرش علي وشها ماء تاني بس المرة دِ استجابت له وإمتعضت تعبيرات وشها...........
إلياس فرح انها بدأت تستجيب وتفوق وكان بيكلمها: ريناد حبيبي فتّحي عنيك أنا هنا جمبك.........
ريناد بدأت تفتح عنيها بشويش لغاية ما اعتادت علي الضوء......
ريناد بتعب:أنا فين........
زينب بحنو:متخافيش يا روحي إنتِ في البيت
ريناد بتعب: طب هو حصلي إي انا مش فاكرة حاجة غير اني كنت هقوم من علي السرير بس حسيت اني دايخة ومش فاكره اي حاجة بعدها.....
زينب بحنو: متقلقيش يا حبيبتي انتِ اغمي عليكِ بس شوية صغنونة واديكي فوقتي الحمدلله....
ريناد بتعب:أغمي عليا....!!! "عادت تكرار الكلمة وبعدين افتكرت إلياس فكررت اسمه وحاولت تقوم"
إلياس......
إلياس بحب وهو يقبل يدها:قلبه وروحه أنا اهو موجود خليكي مرتاحة زي مانتِ متتحركيش.....
ريناد ابتسمت بضعف وهزت دماغها براحة بمعني حاضر...
في هذه الاثناء كانت الدكتورة جت........
الدكتورة بعملية وهي بتخبط علي باب الاوضة : ممكن ادخل
إلياس عدل نفسه وقام وقف ورد: إتفضلي .......
دخلت الدكتورة وقعدت جمب ريناد علي السرير.....
الدكتورة بإبتسامة:مالك يا جميل حاسه بإي.....
ريناد بإبتسامة مرهقة:مش عارفة بالضبط بس حاسه اني مش موزونة ولما جيت اقوم الصبح مقدرتش وبيقولوا اغمي عليا........
إلياس تدخل وقال:ومكانتش عايزة تفوق ولما قستلها الضغط كان واطي ونبضها كان ضعيف ولولا اني ركبتلها المحلول لولا فاقت .....
الدكتورة بإبتسامة:خير ان شاء الله متقلقوش هكشف عليها دلوقت وهنعرف في اي بس ممكن تسيبونا لوحدنا شوية......
إلياس بإبتسامة:اكيد
وخرج هو وزينب وسابوا الدكتورة ريناد مع بعض
___________________🤍____________________
_في المستشفي_
لين كانت قاعدة في اوضتها ومندمجة مع أوراق في إيدها بس قاطع الاندماج دَ فتح الباب و دخول خالد......
لين بغيظ: يا بني إرحم امي وبطل الحركة المستفزة دِ في باب اتعمل عشان نخبط عليه قبل ما ندخل....
خالد مردش عليها وفضل يقرب لحد ما بقي وشه قدام وشها وأنفاسه بتخبط في وشها.....
لين قلبها كان بيدق بعنف من قربه الزايد دَ.......
لين بتوتر وهي بتحاول تبعد وشها بعيد عنه: في اي مالك...
خالد قرب وشه منها أكتر بحيث انفاسه الحارة بتلامس وجنتها وشفتاه كانت تُقبلهما قبلات متفرقة رقيقة........
"يا عيني عليكِ يا لين صعبانة عليا🥲😂"
خالد بهمس:وحشتيني يا هانم يالِ بتهربي مني.......
لين بصوت ضعيف يكاد يكون طالع اصلا وهي مغمضة العينين:أنا مبهربش منك....
خالد بهمس وشفتاه تلامس وجتنها:تؤ بتهربي وبتحاولي تتجنبيني وانا مش فاهم في اي ... أنا جوزك يا لين واظن انك عارفة دَ وعارفة اني بحبك ومصدقت بقيتي ملكي
لين بصوت ضعيف ويكاد قلبها هيخرج من صدرها:مهو عشان انا عارفة كل دَ فلازم ابعد عنك عشان لو اجتمعنا في مكان لوحدنا مشاعرك هتتغطي عليك ومش ضامنة بصراحة ممكن تعمل اي"قالت جملتها الأخيرة بخجل و خفوت "
خالد ضحك وبعد عن وشها شوية بحيث انه بقي وشه في وشها....
خالد بضحك: يعني بتهربي عشاان خايفة مني.....
لين بنبره ضعيفة مش مسموع: مش منك لوحدك
خالد ضحك أكتر لانه سمعها وقرر يرحمها اخيرا وبعد عنها بس مش قوي بردوا قعد علي المكتب قدامها.......
وهي أخيرا تم الافراج عنها وبدأ قلبها يهدأ وتاخد أنفاسها بهدوء.......
خالد بإبتسامة: متخافيش أنا مش مراهق اوي كدَ أنا اه صح بنسي نفسي لما بشوفك بس في حدود لكل حاجة فانت مش محتاجة تهربي مني لأي سبب "ومسك ايدها حطها علي قلبه" خليكي جمبي ومتفكريش تبعدي ثانية وخلينا نعيش يومين حلوين يا هادمة اللذات انتِ "كان بيقول جملته الاخيرة وهو بيلمس خدها بصباعه "
لين بإبتسامة رقيقة: ماشي يا مش مراهق اوي "وضحكت"
خالد بضحك:والله.. ما بلاش أحسنلك عشان معملش حاجة هموت واعملها....
لين بضحك وهي بتشد إيدها من علي قلبه:لاء يا عم خلاص الطيب أحسن.....
في هذه الاجواء دخل عليهم عز وبردوا من غير ما يخبط....
خالد بضحك:إظاهر انه دائي إنتشر......
لين بضحك:إظاهر كدَ.......مش تخبط يا بني ولا اتعديت
عز بإبتسامة: كنت واثق والله انه هلاقيكم انتوا الاتنين مع بعض وبعدين فكك دلوقت من جو تخبط ولا متخبطش في موضوع أهم......
خالد قام من علي المكتب وقعد علي الكرسي......
لين بإبتسامة: ايه الموضوع الاهم دَ....
عز بإبتسامة وغمزة: النهاردة معزومين عند صاحبتك......
لين بفرحة:سجي...إحلف
عز بإبتسامة:والله معزومين النهاردة الساعة 6 "ثم وجه كلامه لخالد" وعلي فكرة انت جاي معانا...
خالد باستغراب:وأنا هاجي معاكم ليه......
عز بمرح:مش جوز أختي دلوقت وبقيت للاسف فرد من عيلتنا فانت هتروح معانا بالاجبار مش بمزاج حضرتك....
"قام وقف وكمل" فظبط دنيتك وتكون في بيتنا الساعة 5 أنا رايح اشوف شغلي وقوم يا بيه انت كمان احنا في مستشفي هاا.....
وسابهم وخرج...
___________________🤍____________________
الساعة 6 مساءً
_في بيت سجي_
محمد بإبتسامة:نورتونا بيتنا والله يا جماعة.......
أشرف بإبتسامة:البيت منور بصحابة يا محمد
بسمة بمرح:انتوا هتقضوها انوار بقي ولا اي ادخلوا في الموضوع علي طول ......
محمد بضحك:مستعجلة علي اي يا مجنونة انتِ مش نتغدي الاول....
بسمة بمرح: عايزة أزغرط يا عمو الله وبعدين عشان نتغدي بنفس كدَ ونبقي مزقططين......
عز بإبتسامة:عندك حق يا بسمة يالا يا عمي اتكلم.....
أشرف بإبتسامة:والله أنا مش عارف اقولك اي علي المهابيش دول بس أحنا يشرفنا أنه نطلب إيد بنتك سجي
لإبني عز .....
محمد بإبتسامة: دَ الشرف ليا انه أناسبكم ....
أشرف بإبتسامة:يبقي علي بركة الله نقرأ الفاتحة بقي....
محمد بإبتسامة: نقرأ الفاتحة.........
وكلهم قرأوا الفاتحة وكانت نظرات عز لسجي كافية إنها تخليها تبقي زي الطمطماية.....🙈
خلصوا قراءة الفاتحة وبسمة إشتغلت تزغرط........
بسمة بفرح:لوووولوووووي وعندنا فرح تاني......
محمد بضحك:يا بنتي اعقلي شوية....
بسمة بمرح:أنا يستحيل اعقل يا عمو أنا لو عقلت يبقي في حاجة غلط....
عز بإبتسامة:عم محمد بص متفهمنيش غلط في إلِ هقوله بس حقيقي أنا بحبها ومن حوالي اكتر من سنة وهي متعرفش اصلا من اول مرة شوفتها فيها وانا قلبي اتعلق بيها ولما عرفت انها صاحبة بسمة ولين كانت فرحتي متتوصفش وكنت عايز أجي اطلبها منك من ساعة ما عرفت بس حصلت حاجات كتير ملغبطة في حياتنا فمقدرتش اجي ودلوقت انا فيها وجيت اهو بس مش هقدر اصبر أكتر من كدَ عشان كدَ أنا عاوز الخطوبة و كتب الكتب والفرح كلهم يوم الخميس إلِ بعد الجاي أنا عارف إنه دِ حاجة صعبة ومش منطقية بس أتمني إنه حضرتك توافق وأنا شقتي مجهزها من كله مش ناقصها غير سجي تيجي تنورها وبس.........
محمد:بس يا بني.........
عز بمقاطعة:مفيش بس ارجوك أنا مستني اللحظة دِ من زمان بالله وافق.....
خالد بغيظ: لاء متوافقش يا عم محمد دَ خلاني أحفي عشان بس أخطب أخته وأعمل كتب الكتاب وهو عايز يعمل الخطوبة وكتب الكتاب والفرح كله مره واحده
عز بغيظ:اسكت انت خالص مش عايز اسمعلك صوت انا غلطان اني جبتك معانا اصلا قال الصحاب دعم لبعض قال......
رباب"مامت عز" بضحك:أنا من رأيي يا حج محمد تجوزهاله ليموت وليحصله حاجة.....
عز بإبتسامة ساذجة:ايوة بالله اسمع منها ليحصلي حاجة.....
محمد بص لسجي عشان يعرف هي إي رأيها بس شاف فرحتها في عنيها وخجلها الزايد وخصوصا بعد اعتراف عز الصريح قدامهم كلهم كدَ.....
محمد بإبتسامة:واضح انه انت كمان في برج طاير في نفوخك بس علي خيره الله مبروك ليكم......
عز بسعادة شديدة:يعني انت بجد وافقت.......
محمد ضحك ورد بإبتسامة:ايوة وافقت.......
عز قام من مكانه وراح انقض علي محمد و حضنة......
عز بفرحة:انا مش لاقي كلام يوصف فرحتي والله
محمد بمرح:ربنا يفرح قلبك كمان وكمان بس ابعد عني شوية مش كدَ يا حبيبي.....
لين بضحك:معلش يا عمو استحمله هو لما بيفرح مبيبقاش عارف هو بيعمل اي.....
سجي بإبتسامة خجولة: اتفضلوا الغدا جاهز علي السفرة....
بسمة بمرح:ايوة يالا ناكل بنفس بقي وندوق اكل مرات اخويا بقي........
وقاموا كلهم عشان يتغدوا في اجواء سعيدة والفرحة مش سايعاهم .....
___________________🤍____________________
_في فيلا السيوفي_
إلياس كان قاعد جمب ريناد علي السرير وبيأكلها....
ريناد والاكل في بوئها: خلاص يا حبيبي مبقتش قادرة أكل تاني......
إلياس بإبتسامة:لاء هتأكلي تاني وثالث الدكتورة قالت إنه انتِ جسمك ضعيف والبيبي كمان مش بيتغذي كويس فلازم انتوا الاتنين تاكلوا كتير أنا مش عاوز بنتي ولا مراتي يبقوا تعبانين عاوزكم بطابيط كدَ وصحتكم زي الفل أنا لمجرد اني شوفتك مغمي عليكِ كنت حاسس انه قلبي هيقف فمش عاوز دَ يحصل تاني يا ريناد ولا اشوفك تعبانة
ريناد بإبتسامة محبة وهي تضع إيدها علي خد إلياس: حبيبي ان شاء الله مش هيحصل تاني وهبقي كويسة انا وبنتك بس بجد مش قادرة أكل تاني دلوقت......شوية كدَ وابقي أكل تاني لكن دلوقت بجد مش قادرة
إلياس باسها في خدها وقال بحب:خلاص شوية وأكلك تاني كدَ كدَ قاعد علي قلبك مش رايح في حته....
ريناد ضحكت برقة وحاوطت رقبته بإيدها وقالت: وانا يا سيدي راضية انك تقعد وتربع كمان علي قلبي هو أنا أطول.....
إلياس بضحك:لاء مهو كدَ مينفعش إستني أشيل الاكل دَ وأغسل إيدي وأرجعلك يا جميل انت يا خا..طف قلبي....
ريناد ضحكت وهو قام حط الاكل علي الترابيزة ودخل الحمام غسل إيده وخرج.......
ريناد بإبتسامة:بقولك اي متيجي نقعد في الجنينة شوية منزلتش خالص النهاردة
إلياس بمرح : بس كدَ انتِ تؤمري وانا أنفذ....
"وقرب ناحية ريناد وراح حط إيد ورا ظهرها وإيده التانية خلف ركبتها ورفعها.."
ريناد بضحك وهي بتحاوط رقبته بإيدها: أنا كدَ هتعود علي الدلع دَ
إلياس بمرح:إتعود يا جميل هو أنا عندي كام ريناد
ريناد ابتسمت بحب وحطت دماغها علي صدره ونزلوا للجنينة
وهو نزلها وهي سندت ضهرها علي الشجرة وإلياس حط دماغه علي رجلها......
إلياس بإبتسامة:دِ تاني مرة نقعد نفس القاعدة دِ....
ريناد بإبتسامة محبة وهي بتمشي إيدها في شعره: حصل بس ساعتها كنت بتمثل وعاملي فيها عيل..........
إلياس ضحك ومسك إيدها التانية إلي محطوطة علي صدره وباسها وقال: علي فكرة ساعتها كنت بتعامل معاكِ زي دلوقت بس انتِ إلِ مكنتيش واخده بالك.....
ريناد بإبتسامة:ممكن بردوا.....
وسكتوا وفضلوا قاعدين قاعده هادية مليئة بمشاعرهم الجميلة تحت ضوء القمر وجماال النجوم في السماء...🥺🤍
_في داخل الفيلا_
دخل قاسم الفيلا وإلياس مشافوش علي الرغم انه قاعد في الجنينة بس نعمل اي بقي هو في عالم تاني🙈
المهم دخل وقابلته نادين
قاسم ببرود:بابا فوق.....
نادين بصدمة:بابا...!!
قاسم قلب عنيه لفوق وتحت وقال ببرود:أنا سألت سؤال أظن إجابته مش صعبة هو فوق ولا لسة في المستشفي...
نادين وهي مازالت مصدومة:أه فوق......
قاسم بصلها وهز دماغه بمعني ماشي وخد بعضه وطلع.....
نادين لنفسها:هي القيامة هتقوم ولا إي دَ قال بابا بجد ولا أنا بيتهيألي .....
في الاعلي قاسم واقف قدام باب أوضة أمجد ومتردد جداً كل ما يجي يرفع ايده عشان يخبط يرجع وينزلها فضل علي هذا المنوال حوالي 5 دقايق لغاية ما اخد قرار نهائي وخد نفس عميق وخبط علي الباب........
زينب من الداخل:إدخل......
قاسم خد نفس مرة تاني وفتح الباب ودخل......
زينب ابتسمت لما شافته وقالت: أخيراً قررت تيجي البيت حمدلله علي سلامتك.....
قاسم بصلها بنظرات مبهمه ومردش او للاصح مش عارف يقول اي ولا يرد إزاي وبعدين وجه نظره لأمجد إلِ باصصله ومتكلمش وباين في عنيه نظرات عتاب علي ندم علي حزن حبه مشاعر كدَ إضربت في بعض وظهرت في نظرات عين امجد وقاسم قادر يشوفها كويس ودَ صعب عليه الموضوع أكتر بس هو لازم يتكلم عشان بسمة.....
قاسم بجمود:أنا جاي أطلب منك طلب وأتمني تكون أب ليا بجد ولو لمرة واحدة.......
أمجد ابتسم بسخرية ورد بحسرة: أنا من ساعة ما انت إتولدت وأنا اب ليك بس انت إلِ كرهك وعداوتك عَميين عنيك ومش قادر تشوف أي شئ حلو و وصل بيك كرهك انك كنت هتودي نفسك في داهية وتحرم......
زينب حط ايدها علي ايد أمجد وبصتله والدموع في عنيها وهزت دماغها برجاء بمعني لاء متكملش ....أمجد سكت و بصلها بحزن..... وبعدين خد نفس طويل وخرجه بعنف...
أمجد بتنهيده: قول إلِ عندك يا "وكمل بحسره" ابني
قاسم بجمود وهو يقلب عينيه بعيد عن عنيهم:أنا عاوزك تيجي تخطبلي.......
أمجد بصدمة:نعم... اخطبلك!!!!
زينب ضحكت برقة وقالت:وفيها اي يعني لما تخطبله انت ابوه ولازم تعمل دَ دَ واجبك...."وبصت لقاسم وكملت"بسمة مش كدَ......
قاسم هز دماغه بمعني أه وعلي وشه تعبيرات الجمود لانه هاين عليه ميردش عليها بس دلوقت هو لازم يعصر علي نفسه لمون و يعمل كل حاجة مطلوبة منه حتي لو مش عايزها لغاية ما بسمة تبقي لِه........
"أنا حبيتك يا خي بالله 😂🥲"
أمجد وهو ما زال علي صدمته:أيوة مانا مش فاهم المطلوب مني اي بردوا....
قاسم بجمود:المطلوب منك انك تيجي معايا وتطلب إيدها من أبوها
أمجد بصله بصمت ومش عارف يقول أي......
زينب بإبتسامة:خد معاد مع أهلها وأكيد هيجي معاك متقلقش وخليك فاكر دايما أنه هو أبوك ووقت ما تحتاجه هتلاقيه جمبك ومش هتلاقيه هو بس هتلاقيني انا كمان موجودة بس انت اسمحلي بدَ "قالت كلمتها الاخيرة بحزن "
قاسم بجمود:شكرا ليكم هاخد معاد مع اهلها وهبلغكم بيه ..
وخد بعضه وخرج وقفل الباب........
زينب بإبتسامة ونبرة فرحة:معني انه جالك وطلب منك تيجي معاه فدَ معناه انه في أمل الامور تتصلح بالله عليك يا امجد استغل الفرصة دِ بكل الطرق الممكنة هو دلوقت عنده استعداد ولو واحد في المية انه يشوف الجانب الكويس منك ويشيل الكره من قلبه فمتضيعاش منك بإنك تفتكر الوحش إلِ عمله ويكون عائق في انه الامور تتصلح.........
أمجد اتنهد وقال:بس غريبة انه يجي يطلب حاجة او يتكلم معايا حتي إي إلِ حصله يا تري.....
زينب حطت دماغها علي صدره وحاوطت وسطه بإيدها وقالت وهي بتضحك:دَ سحر بسمة......
أمجد ابتسم وحاوطها بإيده وقال:واضح انه البنت دِ هتعمل المعجزات بقي عندي فضول أكبر اني أشوفها....
زينب بإبتسامة:هتشوفها وكل حاجة هتبقي كويسة ان شاء الله....
أمجد باس دماغها وابتسم وقال:ان شاء الله.....
__________________🤍___________________
_عند قاسم في الاوضة_
اول ما دخل رمي نفسه علي السرير وفضل باصص للسقف وسرحان..........بس فجأة عدل نفسه وطلع تليفونه ولقي نفسه بيرن علي بسمة بس هي مردتش...... فبعتلها رسالة علي الواتس اب....
_حددي معاد مع ابوكي وقوليله اني قد ثقته بس مش عشانه بصراحة عشانك انتِ يا بسمتي أنا عملت إلِ حان مستحيل حتي أفكر اني أعمله بس عملته عشان اوصلك....بحبك♥️
"حد كان يصدق انه قاسم ممكن يبقي كدَ عن نفسي يستحيل ولا حتي في احلامي 😂 بس أهو حصل"
كتب المسدج وبعتها وهو بيبتسم.......
قاسم لنفسه:أنا مين أنا بقيت حاسس نفسي مش أنا بإلِ بعمله دَ "ثم اتنهد" أنا كدَ بقيت رسمي مسلوب الإرادة شابو بجد "وراح قام عشان ياخد دش "
"فعليا انا معرفش هل ممكن فعلا الحب يغير انسان تغير جذري او لاء فمقدرش اقول بصراحة الاحداث دِ ممكن نعتبرها حقيقة ولا كلام روايات ومن خيال المؤلف بي فعليا بردوا في احداث كتير في الرواية ومواقف حقيقية مش مجرد خيال...."
___________________🤍____________________
مر ثلاث أيام علي الاحداث دِ وكانت بسمة بعتت لقاسم المعاد إلِ هيجي فيه هو وعيلته💃
وجه المعاد المعهود لبداية حياة جديدة بالنسبة لقاسم
_في بيت بسمة_
كانت العيلة كلها عندهم عز ولين ورباب وطبعا اشرف ومنة وكانت سجي موجودة كمان.....
عز بخنقة:بسمة انت واثقة في إلِ انت هتعمليه دَ إزاي تفكري مجرد تفكير انه تتجوزي الراجل دَ دَ واحد لا يطاق أصلا دَ غير سمعته إلِ في الارض دَ غير انه انت عارفة عمل اي في مرات ابوه إلِ هي في حكم أمه إزاي عايزة تأمنيه علي حياتك......
بسمة بإبتسامة وهدوء:اه واثقة يا عز وعارفة كل إلِ انت بتقول عليه دَ وموافقة آمنه علي حياتي عارف ليه عشان أنا الوحيدة إلِ عرفته بجد و عرفت قاسم مختلف عن إلِ انتوا بتشوفوه وعارفينه........
عز بضيق:إنت موافق يا عمي علي انك تحط ايدك في ايد واحد زي دَ وتمشي ورا المجنونة دِ
أشرف اتنهد وقال بإبتسامة:هو أنا إلِ هتجوز يا عز ولا اي هي إلِ هتتجوز وهي إلِ هتعيش وهي ٱلِ ليها كامل الحق انه تختار ما انا إلا ناصح ليها وبقول رأي مش اكتر وبصراحة اكتر بقي أنا عندي استعداد أغامر وأحط إيدي في إيده لاني عارف انه هو مش وحش زي ما هو باين وفي ناس كتير بتحب تبين للناس إلِ حواليها إنها وحشة بس هي في الحقيقة مش كدَ وقاسم دَ واحد منهم فيستحق نديله فرصة.....وانا عارف انه بنتي المجنونة عارفة هي بتعمل اي كويس "وبص لبسمة بإبتسامة"
عز بخنقة:واضح انه انتوا كلكوا راحت منكم علي الاخر وانتِ يا مرات عمي قولي انك منضمة للحزب دَ انتِ كمان...
منة بضيق:والله يا عز أنا لو عليا مخليش الجوازة دِ تحصل بس حكم القوي بقي أديك شايف عمك مخه مفوت علي الاخر وماشي وراها ومش سامع لحد......
أشرف بإبتسامة:إلِ مخه مفوت ومش عاجبك دَ هتيجي تشكريه بعدين لما تشوفي بنتك مبسوطة وطايرة من الفرح........
منة بعدت عنيها عنه وبصت الناحية التانية بضيق....
سجي بإبتسامة:مش وقته الكلام دَ يا جماعة إفردوا وشكم زمانهم علي وصول وإلِ فيه الخير هيقدمه ربنا وأكيد لو هو مش خير لبسمة مكانش ربنا بعته ليها فتفائلوا وإرموا حمولكم علي الله وهو هيظبط كل الأمور....
لين بإبتسامة:معاكِ حق يا سجي أكيد ربنا هيكتبلها الخير ففكوا كدَ وفرفشوا دلوقت حياتنا بقت كلها افراح عز وأنا وبسمة اهو يعني خليكوا فريش كدَ وسيبوها علي الله...
كلهم قالوا ونعم بالله وشوية ووصل قاسم ومعاه أمجد إلي كان التعب باين علي ملامحه لانه أكيد مش هيخف من كام يوم وللمفاجأة كانت زينب كمان معاهم ...🥺 بس إلياس وريناد مكانوش موجودين......
زينب بإبتسامة وهمس لبسمة إلِ كانت جمبها: إي القمر دَ كله كدَ هتخلي الواد يهلوس بيكِ....
بسمة ضحكت برقة وهمست:مهو دَ المطلوب إستني هربيهولك......
زينب ضحكت وقالت بهمس:وانا منتظرة.......
لين بمرح:انا حشرية وعايزة اعرف انتوا بتقولوا اي.....
زينب ضحكت وقالت:كنت بقولها انها قمر وخطفت قلبي مش قلب ناس تانية بس "قالت جملتها الاخيرة وهي بتبص بطرف عنيها علي قاسم إلِ خد باله بس ولا اتهز حتي"
لين ضحكت وقالت:والله حضرتك إلِ قمر ومش باين انك كبيرة خالص دَ انا إلِ كبيرة جمبك.....
زينب ضحكت وقالت بمرح وفخر مزيف:طبعا يا بنتي انا مبكبرش اصلا انا عندي 25 سنة بس......
كلهم ضحكوا ماعدا قاسم طبعا ابتسم بس وعز كمان ابتسم بمجاملة كدَ متنسوش انه مش طايق قاسم اصلا..😂
أمجد ابتسم لأشرف وقال: احنا ندخل في الموضوع بقي علي طول إحنا جاين نخطف منك القطقوطة بنتك لقاسم إبني.......
زينب بإبتسامة:بجد يا استاذ أشرف احنا مش هنلاقي أحسن من بسمة لقاسم ابننا وكمان الصراحة ومش عشان احنا أهله والله بس مش هتلاقي حد يحب بنتك زي ما هو بيحبها وهيحبها........
أشرف بإبتسامة:أنا عارف يا ست زينب وواثق من كلامك دَ وحتي من غير ما تقوليه وأنا يشرفني انه أناسبكم يا امجد بيه.......
أمجد بإبتسامة:دَ الشرف لينا احنا والله يا استاذ اشرف....
أشرف بإبتسامة:يبقي علي بركة الله نقرأ الفاتحة.....
وقراوا الفاتحة واشتغلت الزغاريط بقي ومنة إلِ كانت معترضة زغرطت فهي حست انه العيلة دِ بشوشة وكمان شافت في عنيين قاسم الحب لبنتها من نظراته ليها ولووووووولووووي
"الزغروطة دِ مني أنا ليهم عشان فرحانلهم من قلبي يا جدعان وناسيه انه دِ رواية😂😂💃"
زينب وهي بتحضن بسمة:مبروك يا أحلي بسمة هتدخل علي حياتنا .....
بسمة بمرح وهي تبادلها الحضن:الله يبارك في حضرتك يا طنطوي القمر......
أشرف بإبتسامة:بس في حاجة الخطوبة لمدة 6 شهور
قاسم بقي هو إلِ اتكلم بعد ما سمع الرقم دَ.....😂
قاسم بصدمة: ست شهور إي دول إلِ هنفضل مخطوبين فيهم لاء متهزرش يا عمي......
أشرف بضحكة مكتومة: والله يا بني دِ رغبتها هي أنا مليش دعوة.....
قاسم بص لبسمة بغيظ وغضب وهاين عليه يقوم يخنقها دلوقت...
قاسم وهو بيجز علي سنانه:ممكن افهم من سيادتك إي لازمة الست زفت دول....
بسمة بإستفزاز:هتعرف عليك فيهم الله دَ حقي
قاسم بغضب وهو بيجز علي سنانه: أظن أنك متعرفة عليا بما فيه الكفاية ومش محتاجة الست شهور دول عشان تتزفتي عليا......
عز بإبتسامة مستفزة:والله هي دِ شروطنا ولو مش عاجبك احنا لسة فيها.......
بسمة بإبتسامة مستفزة:بالضبط كدَ احنا لسة فيها ها قولت اي.....
قاسم بصلها بتوعد وبيقول في نفسه:ماشي يا بسمة اما وريتك استني عليا بس.......وهي قابلت نظرته ليها بإنها لعبتله حواجبها.....بتتحداه يا جودعان 😂🐥
قاسم بص لاشرف وابتسم ابتسامة غريبة وقال:موافق يا عمي الخطوبة 6 شهور زي ما بسمتي عاوزة....."وغمز لبسمة بطرف عنيه من غير ما حد ياخد باله غيرها"
بسمة مفهمتش هو يقصد اي بالغمزة دِ ولا ابتسامتة المبهمة بالنسبالها فكانت قاعدة بصاله بإستغراب بتحاول تفهم اي إلِ بيدور في دماغه......
أشرف بإبتسامة :يبقي كدَ اتفقنا وباقي التفاصيل بقي يبقي نتكلم فيها بعد الغدا....."ثم وجه كلامه لمنة" يالا يا ام بسمة قومي حطيلنا الغدا.....
منة بإبتسامة:عنياا عن إذنكم....
__________________🤍_____________________
_في فيلا السيوفي_
ريناد كانت واقفة في البلكونة منتظرة إلياس يجي من المستشفي وباصه للسما وسرحانة.........
بس قطع سرحانها إيدين بتحاوط وسطها وأنفاس ساخنة تلفح عنقها ......
ريناد بإبتسامة:انت جيت أنا قولت هتتأخر ......
إلياس وهو يطبع قبلاته علي عنقها :مكنتش أقدر أتأخر عليكِ وأنا عارف إنك لوحدك في البيت يعتبر مفيش غير نادين وباقي مساعدينها....
ريناد لفت نفسها وبقي وشها في وشه فباسته في خده بوسة علي السريع كدَ.....
ريناد بإبتسامة:طب خد دش بقي عقبال ما انزل اخليهم يحطوا الاكل........
إلياس باسها جمب شفايفها وقال بإبتسامة: عُلم وينفذ يا باشا بس خليهم يطلعوه هنا بدل ما ننزل تحت خلينا في قفص العصافير بتاعنا دَ "وراح غمزلها"
ريناد بضحك:حاضر هخليهم يطلعوه لقفص العصافير بتاعنا......
بعد شوية وقت كان إلياس خرج من الحمام وكان لابس بنطلون بس وقاعد بعضلاته بقي واحنا ناخد ذنوبه إشطا يعني😂
ريناد بمرح: يا بني إلبسلك اي حاجة مينفعش كدَ راعي مشاعري.......
إلياس ضحك وقعد جمبها وحاوطها بإيده وقال:تؤ مش لما تراعي مشاعري انتِ الاول وتبطلي تحلوي.....
ريناد بضحك:بس يا بكاش انت دَ انا شكلي بقي وحش ببطني إلِ بتكبر دِ وشوية وهتبقي شبه البلونة....
إلياس باسها في خدها وقال بإبتسامة: أنا بالنسبالي إنتِ كل يوم بتحلوي أكتر حتي لو اي حصل بقي بطنك كبرت معرفش اي كبر ميهمنيش........
ريناد بإبتسامة:ياخي بالله بحبك ......
إلياس بحب: وانا بعشقك بس سيبنا من الكلام دَ دلوقت ناكل الاول عشان نغذي أريج هانم وبعدين ابقي أحب فيكِ براحتي...... "وبدأ يأكلها في بوئها وهي كانت مبسوطة ودَ حاجة اكيده يعتي محدش هيلاقي الدلع والحب دَ ويبقي في حاجة مضيقاه إلا لو كان بني أدم فقري فقري يعني😂 "
خلصوا أكل الحمدلله وطلعوا فضلوا قاعدين علي المرجيحة إلِ في البلكونة وإلياس واخد ريناد في حضنه وبيلعب في شعرها...
ريناد بإبتسامة:إلياس.....
إلياس بحب:عيونه......
ريناد :أنا شايفة انه انتَ كان المفروض تروح مع باباك ومامتك وأخوك......
إلياس بتنهيده:تاني يا ريناد هترجعي تتكلمي تاني....
ريناد عدلت نفسها وحطت إيدها علي وشه ولفته لبها بحيث يبقي وشهم في وش بعض....
ريناد بإبتسامة:ومش هبطل اتكلم عشان مهما كان دَ اخوك وهو دلوقت بيحاول يبقي كويس ليه احنا منكونش كويسين معاه وناخد بإيده حبيبي إفتكر دايما انه هو بقي كدَ غصب عنه مش بإيده بس هو كويس وأكبر دليل انه حتي لما خط..ف مامتك مأذهاش بالعكس دَ اهتم بيها وكان بيديها علاج وكان قدامه فرصة قتلها بس هو معملش كدَ صح فلازم تحاول معاه ومره علي مره هيتقبلك والله .....في الاول هيصدك وهيعاملك بجفاء وهيعمل كل إلِ ما يُعمل بس مع الوقت هيلين....إلياس عشان خاطري أنا وأريج حاول تحسن علاقتك بيه وعشان مامتك وباباك كمان هما مش حابين إلِ بيحصل دَ واظن من حقهم يفرحوا ويبقوا مرتاحين كفاية كره وعداوه وخلوا الفرحة تكمل والعيلة تتلم بقي.....
إلياس إتنهد بقله حيلة وقال بإبتسامة: حاضر يا ريناد هحاول في اي أوامر تاني.....
ريناد باسته جمب شفايفه وحضنته وقالت بحب:تؤ...بحبك
إلياس ضمها ليه اكتر وابتسم وقال بحب:وأنا بعشقك يا خاطفة قلبي.....
- تابع الفصل التالي عبر الرابط: "رواية تزوجت معاقا ذهنيا" اضغط على أسم الرواية