رواية خطايا عاشق مجنون الفصل الثاني 2 - بقلم نور ناصر

  رواية خطايا عاشق مجنون بقلم نور ناصر

رواية خطايا عاشق مجنون الفصل الثاني 2

_ دلفت نور خارج منزلها لتجد فريدة امامها دالفه للمنزل.. 

نور بابتسامه واسعه: اي النور ده كله صباح الخير ي طنط.. 

فريده وهي تحتضنها بحنان: صباح النور ي قلب طنط، عامله اي ي نور... 

نور بهدوء: الحمد لله ي طنط اهي ماشيه.. 

فريده: واخبارك انتي وكريم.. 

_ صمتت نور وهي تنظر للكتب التي بيدها بحزن.. 

فريده بحزن: بس لو تسمعي كلامنا وتديه فرصه.. 

نور بغيظ: ي طنط اا.. 

كريم الذي جاء للتو واردف بجمود: مش محتاج الفرصه هي غصب عنها ليا اصلا.. 

اغتاظت نور وتهكمت ملامحها.. 

فريده بلوم: انت اي اللي جابك ي ولد مش عندك شغل.. 

كريم بهدوء وهو ينظر لنور: عايزك فكلمتين.. 

نور بغضب: مش فاضه عندي محاضرات وهتأخر.. 

كريم وهو يجذبها من يدها بقوه: مش هاخرك، ابقي سلميلي ع خالو حسين وع حماتي ي ماما.. 

ـــــــــــــــــ

كريم وهو يفتح لها باب السياره: اركبي.. 

صعدت نور وهي تتنهد بغضب، وصعد هو بجوارها وقاد السياره متجهاً لجامعتها.. 

كريم بقلق: جدو قال انه عايزك خير.. 

نور بتعجب: عايزني انا معرفش محدش قالي.. 

كريم: ماما راحت تقولكم اهو ع اخر الاسبوع هنسافر كلنا الصعيد عشان كتب كتاب اكرم وغزل.. 

نور بسعاده: بجد وافقو الاتنين انهم يتجوزو.. 

كريم بجمود: مش موضوعناا، جدي عايزك فأي.. 

نور: معرفش قولتلك وبعدين انت خايف اووي كده لي، لسه مقولتلوش ع حركاتك السخيفه معايا.. 

كريم بابتسامه ساخره: لا انتي فاهمه غلط، لا جدك ولا اي حد هيمنعني عنك.. 

نور بدموع لمعت بعيناها: هو بالعافيه انا مش عايزاك.. 

كريم بخبث وهو يمرر يده ع زراعها الذي يخفيه ذلك الديرس الموف الرقيق باكمامه الطويله يصل لاسفل الركبه بضيق خفيف: جربي بس انتي وهيبقي بمزاجك.. 

نور وهي تنفض يده بقوه وغضب: احترم نفسك واياك تلمسني تاني.. 

اوقف كريم السياره امام جامعتها واردف بغضب وهو يجذبها اليه لتلتصق به: لا المسك دي بمزاجي انا، انتي بتاعتي واعمل اللي انا عايزه.. 

دفعته نور بقوه وهبطت من سيارته، لتنتفض بقوه وهي تري ذلك الشاب الذي يدعي احمد يهبط من سيارته امامها وهو ينظر لها بغضب شديد.. 

تركتهم وذهبت لداخل كليتها سريعا وخلفها احمد، فحين غادر كريم من امام الجامعه الي عمله بعد ان اشار لاحد الاشخاص الذي اومئ له بنعم... 

ـــــــــــــــــــ

احمد وهو يسير خلف نور بغضب: نوور نوور.. 

لم تجيبه نور فقد كانت تسير وبداخلها خوف بل رعب من ان يلاحظ كريم اقتراب احمد منها.. 

احمد وهو يجذبها من زراعها بقوه: استني انا بكلمك.. 

نظرت نور ع كريم ولم تجده لتتنهد بأرتيااح: معلش ي احمد مختش بالي خير في اي؟... 

احمد بغيظ: ما علينا، مين بقي البيه اللي كان بيوصلك ده.. 

نور بتوتر: ده ده كريم ابن خالي وابن عمتي فنفس الوقت وو.. 

احمد بحده: يوصلك بتاع اي هوو.. 

نور بخوف وهي تنظر حولها: احمد ارجوك الناس بتبص عليناا،هبقي اكلمك انا بس بلاش هنا.. 

تركها احمد وغادر بغضب، لتلمع هي الدموع بعيناها بحزن شديد ع حالها هذا.. 

ـــــــــــــــــــــــــــــــــــــــــــــــ

اكرم بغضب: ي هايدي بقولك معرفهاش تقوليلي اوافق.. 

هايدي وهي تكتم ضحكاتها: انا مش بقولك وافق بقولك راضي جدك روح وشوفها ع الاقل لو رفضت يبقي عندك حجه وقتها.. 

اكرم بغيظ: وعتمان بيه هيخليني ارفض ازاي حد يرفضله طلب مستحيل.. 

هايدي: طيب اهدي طيب واعمل زي مقولتلك، الله واعلم ربنا مخبي اي.. 

اكرم بتنهيده: لو الجوازه دي تمت البنت دي هتبقي ايامها سودا معاياا... 

هايدي بمرح: والله انت بياع كلام انت اصلا مش بيهون عليك تأذي كتكوت صغنن.. 

اكرم وهو يجلس بجوارها ع تلك الاريكه الخاصه بمكتبه وهو يقترب منها بخبث: بقي انا بياع كلام تحبي اوريكي كلام ولا لا... 

هايدي وهي تنهض بخجل: اتلم ي رخم احنا فالمكتب.. 

اكرم وهو يجذبها من خصرها ويهمس امام شفت*يها: ولا يهمني.. 

_ قبل ان يقترب منها، صدح صوت طرق ع باب مكتبه، ابتعد عنها بغيظ تحت ضحكاتها المرحه واردف بغيظ: تعالي ي ريم.. 

ريم بهدوء: شريف بره ي افندم.. 

اكرم بجديه: اوكي دخليه وروحي انتي ظبطي الاجتماع بتاع مجلس الاداره.. 

ريم وهي تغادر: اوامر حضرتك ي افندم.. 

_ ذهبت ريم للخارج، ودلف ذلك الشاب صاحب الجسد الملئ بالعضلات والبشره البيضاء وملامحه الوسيمه للغايه.. 

اكرم بهدوء: خير ي حضرة الظابط.. 

شريف بحاجب مرفوع: اي يالا المقابله اللي زي وشك دي.. 

هايدي وهي تنهض: ي اهلا بخطيب اختي اللي مش معبرناا.. 

شريف وهي يصافحها بهدوء: ازيك ي هايدي اخبارك.. 

هايدي: انا تمام الحمد لله، مستنينك النهارده ع العشا والا هدير هتاكلك.. 

شريف بمرح: المهم انك تبقي موجوده لو مكنتيش مش هاجي مش هستحمل هدير لوحدي هههه.. 

هايدي وهي تنظر لاكرم الذي اشار لها بـلا..: لا مش هقدر النهارده عندي عشا عمل.. 

اكرم بحده: اتفضلي انتي ي هايدي ع شغلك.. 

_ ذهبت هايدي الي مكتبها فحين اردف اكرم بهدوء: اقعد وقولي خير اي اللي جابك.. 

شريف بجمود: جدك، عتمان بيه كلمني.. 

اكرم بحده: امممم وانا مش موافق ولا هوافق.. 

شريف بهدوء: اكرم جدك معاه حق هتفضل كده لامتي، وبعدين دي قريبتك من كل ناحيه وجدك هيظبط ليك كل حاجه انت يدوب هتتجوز.. 

اكرم بغيظ: لا ي راجل تصدق حاجه تافهه.. 

شريف بحكمه: يعم جرب ولو معجبكش الموضوع رجعها تاني البلد وانت عيش حياتك هنا.. 

اكرم بغيظ: طول عمرك خبيث وبتلف الحورات.. 

شريف بهدوء: تربيتك المهم انا قولت لجدك انك موافق ع كتب كتابك اللي اخر الاسبوع.. 

كريم الذي دلف للتو بضحك: ههههههههه طيب ي عم مبيقولو البنت فورتيكه وحلوه واديك هتتجوز ع طول ياريت جدو يعمل كده معايا انا ونور.... 

اكرم بغضب: انت بتستهبل ي شريف ازاي تاخد قرار زي ده من غيري.. 

شريف وهو يشير لكريم: اخوك قالي انك موافق.. 

كريم بصدمه: وحياة امك اناااا قولتلك كده.. 

اكرم بغيظ: والله لتتربي انت وهو بس نطلع من الشركه.. 

شريف وهو يحتضنه بمرح: الف مبروك ي حبيبي ربنا يتمم بخير و ع العموم انا هحصلكم ع الصعيد عشان احضر فرحك.. 

_ ذهب شريف للخارج... 

كريم بهدوء: هروح اجهز انا للاجتماع.. 

اكرم بهدوء: نور هتيجي معانا الصعيد؟.. 

كريم: ايوه، لي بتسأل.. 

اكرم ببرود: طيب الحق بقي راضي البنت، عشان جدك قال لابوك انه ناوي ياخد رئيها فموضوعك انت وهي.. 

كريم بقلق: انت مين قالك.. 

اكرم: اختك سمااء.. 

كريم وهو يذهب للخارج بغيظ: ولا هيقدر يعمل حاجه نور لكريم وبس.. 

_ تنهد اكرم بقلة حيله واردف لنفسه: ربنا ميكتبه عليا العشق من طرف واحد ده.. 

ــــــــــــــــــــــــــــــــــــــــــــــــــــــــــــ

شريف وهو يتحدث بالهاتف بملل: ي هدير والله مفضيت وكلمت باباكي واعتزرتله وهو قدر ظروفي.. 

هدير بغضب: ومكلمتنيش انا لي هااا ولا مليش قيمه عندك والمهم بابا.. 

شريف بحده: والله مفضيت بقول انتي بتفهمي ازااي.. 

هدير بغيظ: انت فين دلوقتي اكيد مامتك قالتلك متجيش وقاعد عندهاا.. 

شريف بغيظ: اولا انا مش عيل صغير عشان حد يقولي اعمل اي ومعملش اي ولاخر مره بقولك انا كان عندي شغل، اخدت مهمه جديده من كام يوم ومضغوط فيها.. 

هدير: يعني انت فالشغل دلوقتي.. 

شريف: لا انا فالنادي وعشان الشغلاللي بخلصه مكنش ينفع اخلص الحاجات دي فالمكتب .. 

هدير بغيظ: براحتك ي شريف خلي الشغل بنفعك ده بقيت حاجه تقرف.. 

_ اغلقت الهاتف بوجهه، ليتنهد هو بغيظ ونهض ليغادر ولكن لاحظ وجود تلك الفتاه، فتلك هي سمااء شقيقة صديقه المقرب اكرم كانت تجلس مع مجموعة بنات وشباب بالنادي،ولكن ليس هنا المشكله فالوقت متاخر ع مكوثها هنا... 

ذهب لها واردف بجمود: سمااء.. 

نظرت له بخضرويتها واردفت بسعاده وهي تنهض له: شريف انت بتعمل اي هنا.. 

شريف بجمود وهو يجذبها من يدها بهدوء بعيدا عن رفاقها: انتي اللي بتعملي اي هنا فالوقت ده.. 

سماء بهدوء: قاعده مع صاحبي.. 

شريف: فالوقت ده ي ينتي انتي اتهبلتي فدماغك.. 

سماء بقلق: استني هي الساعه كام اصلا.. 

شريف بتنهيده:  الساعه داخله ع 12 نص الليل ي سماء.. 

سماء بصدمه: ي ليله سودا ومنيله ده انا فريده هتعمل مني شاورما وهتوزع للناس واكرم هينفخني.. 

شريف بضحك: اهدي هتفضحينا حد قالك تتأخري اصلا.. 

سماء بخوف وهي تخرج هاتفها من جيب بنطالها: اخدني الكلام مع العيال دول ونسيت، ينهااري دي مكلماني اكتر من 100 مره وانا مش سامعه الفون.. 

شريف بمرح: واضح فعلا اننا هنتعشي شاورما النهارده.. 

سماء بخوف هاتفة والدتها التي اجابت بغضب: انتي فين ي سماء ومبترديش لي انتي كويسه قلقتيني عليكي.. 

نظر لها شريف بلوم، لتجيب هي بقلق: انا كويسه ي ماما و.. 

فريده بحده: ومدام كويسه ي بنت الجزمه مش بتردي عليا لي وفينك لدلوقتي.. 

سماء باحراج من شريف: جرا اي ي وليه مخلاص سرحت مع العيال صحابي ومختش بالي من الفون.. 

فريده بغضب: وانا اعملك اي دلوقتي اخواتك لسه مجوش عشان ابعتلك كريم يجيبك وبرن عليه مش بيرد واحمدي ربنا ان اكرم بايت بره النهارده والا كان زمانك مقتوله.. 

سماء بارتياح: الحمد لله بس واكرم مش موجود الباقي يتحل.. 

فريده بغيظ: يتحل ازااي بس مين هيجيبك البيت فالوقت ده ولا عايزني اجي اجيبك عشان ابوكي يطلقني فيهاا.. 

اردف شريف بهدوء: متقلقيش ي طنط انا شوفتها هنا صدفه وهجيلهالك للبيت.. 

فريده بقلق: مين ده ي سماء.. 

سمااء بملل: شريف ي ماما صاحب اكرم هيكون مين يتكلم بالثقه دي.. 

شريف بابتسامه واسعه: ي عيله مجنونه.. 

فريده: ونور فين مش قالت انها هتقابلك فالنادي.. 

سماء: مهي جات بس مشيت من شويه.. 

فريده بغيظ: محترمه وبنت نااس ومتربيه مبتسهرش بره للصبح.. 

سماء بسخريه: لا وحياتك دي خايفه من ابنك عشان لو اتأخرت هيطلع ميت*نها.. 

فريده بغضب: بيئه وزفت، اديني شريف.. 

شريف بهدوء: ايوه ي طنط معاكي.. 

فريده: معلش ي ابني هنتعبك بس تجيبها، مش هينفع تركب تاكسي فالوقت ده.. 

شريف بايماء: من غير متقولي ي طنط انا مش هسيبها فالوقت ده تروح لوحدها.. 

فريده: اصيل ي حبيبي انا هتابعكم بالفون.. 

شريف: اوكي ي طنط اللي تشوفيه.. 

_ اغلق معها واعطي الفون لسماء.. 

التي اردفت بغيظ: مش كنت عملت نفسك مش شايفني ووفرت ع نفسك التوصيله،دقيقه هجيب شنطتي... 

تجاهلها هو واخذ يلهو بهاتفه الجوال... 

سماء لاصدقاءها: همشي انا بقي ي جماعه عشان اتاخرت.. 

اردف احد اصدقاءها بهدوء: سماء انا هاجي اوصلك.. 

سماء ببرود: ميرسي ي عمر، صاحب اخويا اهو هيوصلني متتعبش نفسك يلا بااي.. 

_ غادرت ليردف احد الطلاب بسخريه لعمر: صاحب اخوها دي بتسوحك ي عم تلاقيه صاحبها اصلا... 

احدي الفتيات: ي عمم حقها هتبص لـ عمر ع اي مش شايفين الولد اللي مشيت معااه جامد اووي... 

نظر عمر امامه بشرود وغضب و... 

ــــــــــــــــــــــــــــــــــــــ

سماء وهي تجلس بجوار شريف بسيارته: مش هوصيك بقي اكرم ميعرفش حاجه باللي حصلت.. 

شريف بهدوء: حاضر ي سماء هانم.. 

سماء: وهدير خطيبتك عامله اي... 

شريف بتنهيده: كويسه.. 

سماء بملل: ديما.. 

_ ظل الاثنان صامتون بملل، حتي لاحظ شريف وجود سيارتان خلفه يحاولون اغلاق الطريق عليه، ليزيد.من سرعة السياره وهو يحاول تخطيهم، اما سماء كانت تلهو بهاتفها غير منتبهه لما بحدث.. 

ولكن اخرج احد الركاب بتلك السيارات مسد*ساً وظل يضرب عليهم، لتصرخ سماء بفزع.. 

سماء بخووف وجس*د منتفض: في اي ي شريف.. 

شريف بحده: انزلي تحت الكرسي بسرعه... 

امتثلت سماء لاوامره، فحين نجحت تلك السيارات بقطع الطريق عليه.. 

شريف وهو يهبط من السياره: اياكي تتحركي من مكانك انتي فاهمه.. 

اومئت برأسهاا كثيراً بخووف.. 

شريف لتلك الرجال بحده: خير ي شباب في اي؟... 

احد الرجال بسخريه: لحقت تنساني ي باشا لحقت تنسي سيد السمان اللي طلعت عين اللي جبوه فالتحقيق ووريتني العذاب الوان.. 

شريف بهدوء مستفز: عايز اي يالاا واي الحركات دي انت  قدها؟.. 

سيد بسخريه: اااه قدها، وبعدين مش انا اللي عايزك الكبير هو اللي عايزك.. 

ثم اشار لرجاله: هاتوه وهاتو المزه اللي معاه.. 

سماء وهي تخرج من السياره وتردف بخووف:  معرفوش انا ي باشااا ده خاطفني وكان عايز يتغرغر بيا.. 

شريف بصدمه: نعم ياختي... 

سيد وهو يرمقها باعجاب شديد: هاتوهم شكلها هتبقي ليله.. 

_ فماذا سيحدث... 

• يتبع الفصل التالي اضغط على (رواية خطايا عاشق مجنون) اسم الرواية