رواية حب مستحيل البارت الثلاثون 30 بقلم سارة اللومي
رواية حب مستحيل الفصل الثلاثون 30
عدى اسبوع على الحكايه دي وانا مستخبيه زي ما بـكون قات^له قتي^ل ومستنيه ايه اللي هـيحصل ، رجع محمد يسأل ابويا عن رأيه وقاله " معلش إعذرنا بس مفيش نصيب ربنا يرزقك بـبنت الحلال " أتصل بيا قبل ما يرجع بلدهم بعد ما وعدني أنه هـيرجع تاني ومعاه كبار العيله يكلمو ابويا ، والمصيبه الكبيره بقى حصلت لما رجعت جدتي وسعاد من عندهم من البلد .
كنت في اوضتي وأمي قاعده في الصاله وجدتي جايه ناحيتها وبتعلي في صوتها ومستقصده تسمع كل اللي في البيت وعمتي من وراها فرحانه وشمت^انه بـتبص لها بخبث : بقى قوليلي انه الحكايه فيها اللي ما تتسمى وانا بقول الراجل ماله قلب مره واحده بعد ما كان هـيتجوز وكل حاجه تمام ؟ أمي بإرتباك وتصنع لعدم الفهم ؟ قصدك ايه ؟
- قصدي ؟؟ قصدي على المحروسه بنتك اللي عامله فيها عاقلة ومؤدبة علينا وهي رايحه تدور على حل شعرها و تقلب الراجل على مراته لحد ما خلته زي المجنون ماشي شغال يكلم نفسه ! كملت عمتي الكلام من وراها بـغل :
- لا وفوق دا كله كل شويه عملالي فيها الخضره الشريفه وقارفاني بـقصص ومواعظ والصلاه والقرآن كمان وهي كل اجازه رايحه للراجل تسبله فـعيونها وتلعب بعقله حلاوه ويا عالم ايه اللي كان بـيحصل ما بينهم !! ااااه طبعا هتطلع لمين ما هي تربيتك يا ست هانم اكيد هـتطلع شبهكم !! أمي مرتبكه وبتترعش مش عارفه تواجه الموقف بأي شكل من الأشكال وانا كنت سامعه كل حاجه
Flash
خالتي لما كانت صغيره حبت واحد وجدتي رفضته واتفقو انهم يهربو ويتجوزو راحت ليه وكتب كتابه عليها ومن يومها مش بتيجي عندنا ولا بنروحلها وكل العيله مخاصماها وكانت كل ما تحصل حاجه ما بين جدتي وامي او بيني وبين سعاد بيعايرونا بيها وامي مش بتعرف ترد ولا تقول اي حاجه من الكسوف .
Back
انا بقى قررت اني ما اسكتلهاش ، ومن لما وصلت لـسن 12 سنه وانا بـأفتش من وراها ما هو مفيش حد فينا معصوم من الخطأ ولان عمتي غب^يه مكانتش بتعرف تمسح اي آثار من ورا عمايلها السو^ده اللي بتعملها ، مكانتش واخده بالها اني عارفه كل صغيره وكبيره عنها لاني كنت طول الوقت بحاول الاقي سلا^ح ادافع بيه عن نفسي وعن أمي وقت ما احتاجه ومش راضيه اتكلم بس لاني كنت مستنيه الوقت المناسب ، وعلى ما اظن أنه جـه الوقت دا والمعلومات اللي عندي ممكن تودي عمتي ورا الشمس .
المهم طلعت من اوضتي بكل برود وقوه : يا فتاح يا عليم يا رزاق يا كريم عـالصبح مالكم في ايه ؟
جدتي بكل عزمها : وكمان عامله نفسك مش دريانه بحاجه وسايبه الدنيا تضرب تقلب وراكي في البلد ! يا جبرو^تك يا قوتك يا شيخه !
جاوبتها بمنتهى القوه : انا ماليش ذنب في كل اللي حصل ، الراجل شافني حبني ورفض يظلم نفسه ويكمل حياته مع واحده ما بـيحبهاش ، واهو جاء وطلب إيدي من ابويا على سنة الله ورسوله ، وبعدين انتو ايه اللي حشر مناخيركم في الموضوع ؟ عندي ابويا وامي وهما يتصرفو 🙄
- جدتي الله الله الله !! القطه المغمضه فتحت وبقى ليها لسان وكمان بتعرف تتكلم ؟ بقى ليكي عين تردي عليا وتبج^حي فيا يا ملكومه في عينك ! لااااااا ما هو الحق مش عليكي الحق عالموكوسه اللي ما عرفتش تربيكي يا قليلة الادب! وجات ترفع ايدها عشان تضربني بـالقلم مسكت إيدها ورديت بثبات: اوعيِ ترفعي إيدك عليا تاني انتي جدتي و انا ملزومة احترمك عشان ابوي ااه بس ضرب لااا! واهي بنتك عندك ربيها وملكيش دعوه بتربية أمي يا جدتي انا مش عيله صغيره عشان تضربيني !
امي كانت هتموت فـهدومها من الخوف عارفه انه اليوم دا مش هيعدي على خير ومستغربه كمان من قوتي وبرودي خصوصا لو هوما قالو لابوي ده يقط^عني حتت و يرمي^ني للك^لاب ! فضلت متنحة و مش عارفه تنطق حرف !! عمتي جات لحد عندي والغضب هيعمي عيونها : هي حصلت كمان ترفعي إيدك في وش أمي يا كـل^ـبـه !؟
مسكتني من إيدي وكملت كلامها بتوعد : إن ما خليت فضي^حتك تبقى بجلاجل ما ابقاش سعاد... والله لاخلي سيرتك تبقى على كل لسان قال شريفه قال! دا انا اللي مش بــصلى ولا متحجبه ما عملتش عمايل ابليس اللي انتي عملتيها دي يا واط^ية 😤
- بعدت عنها وسحبت إيدي من إيدها وانا بقولها بإبتسامه خبيثه : ما عملتيش ايه يا عينيا ؟! اومال مين اللي عمل طيب ؟ و ضحكت ضحكة قوية لدرجة انها ارتبكت! و كملت بعزم : ماشي أبقي قولي للناس كلها عن محمد اللي حبني وطلق مراته عشان عاوز يتجوزني وانا بالمره هَـاحكي لابويا على حكاية جابر وسليمان والشيخه صباح 🙄 وغيرهم وغيرهم وغييييرهم !
سعاد اول ما سمعت الكلام دا عينيها برقت 😲 ووسعت من آثر الصدمه 😱 وارتبكت ما عرفتش تقول اي حاجه وبصت لامها اللي كانت في غاية الدهشه لأنها لـ اول مره تشوف بنتها خايفه من حاجه وبالذات مني انا!! ده هوما طول عمرهم ماسحين بكرامتي الارض و عمري ما رفعت عيني فيهم ايه اللي حصل ؟! 😲
جدتي برقت لها بـغيظ : بتتكلم عن ايه البت دي ياسعاد ؟؟
سعاد بخوف : مممم م مااا اعرفش 😟 واول مره اسمع عنها الاسماء دي 😥 ، دي ...دي واحده كدابه وعايزه تنفد بعملتها بس من الفضيحه ؟ اااه وكمان عايزه تتبلي عليا عشان تطلع هيا منها ما تصدقيش كدبها يامي 🥺.
رديت بكل هدوء وامي متابعه باندهاش:
- بصي يا جدتي انا ولا بافتري على حد ولا عايزه افضح حد ، بس اللي ما عرفش يربي مع احترامي ليكي هو انتي مش امي ، انا أمي مربياني احسن تربيه واعرف الصح من الغلط والراجل اول مره شافني فيها كان يوم خطوبة سلوى وحبني والحب مش عيب ولا حرام ، وعاملني بما يرضي الله ورسوله وجاء البيت من ابوابه و طلب إيدي على شوفة عينكم وابويا رفض وخلصت الحكايه على كده تماممممم ؟ اما لو كان فيها فضايح بقى وإفترا يبقى اللعب هيبقى عـالمكشوف وكل واحد يطلع الاوراق اللي عنده بقي 😒وبصيت على سعاد اللي كانت هتموت من الخوف حرفيا
وكملت بقوة : مش انا اللي رحت سلمت نف... ...
راحت عمتي سحباني من ايدي وقالتلي خدي عاوزاكي ودخلت بيا عالاوضه جري
- تابع الفصل التالي عبر الرابط: (رواية حب مستحيل) اضغط على أسم الرواية