رواية حب مستحيل البارت الواحد والثلاثون 31 بقلم سارة اللومي
رواية حب مستحيل الفصل الواحد والثلاثون 31
قامت سعاد ساحباني من ايدي و جري على اوضتي و هي بتلتفت وراها :
- انتي بتقولي ايه يا بنت الهبله انتي اتجنـ^نتي ولا ايه ؟؟
بصيت الناحيه التانيه وانا بقولها ببرود : اتجن^نت ليه بقى عشان هاعرفهم حقيقتك الوس^خه يعني ؟
ارتبكت واتلخبطت في الكلام : انني ...انتي تعرفي ايه بالضبط ؟!
- اعرف كل حاجه عنك وعن جابر يا عينيا ، هو انا نسيت اقولك اني انا كنت مصاحبه اخته إيمان من وانا في سنه اولى ثانوي ولا ايه ؟ وكنت بروح عندهم البيت و مش بنخبي على بعض حاجة كمان واعرف كل التفاصيل اللي توديكي في داه^يه حاكم ايمان كمان طلعت فضولية زيي و مش سايبة جابر في حاله و بتعرف كل حركاته 😂 .
حاولت سعاد تتصنع القوة : وانا هـقول انك كدابه وعايزه تعملي كده عشان تغطي على عملتك السوده واما نشوف هيصدقو مين فينا انا ولا انتي !؟
- يا ستي ما تشغليش بالك انتي بس ، حتى لو ما صدقونيش انا هيصدقو زكيه الممرضه لأنها مستحيل تشهد زور خصوصا بقى لو طلبوها للشهاده وحلفوها عـالمصحف 🙄 !
بلعت ريقها وقالت بخوف : زكيه !؟؟
- ااااه زكيه ، وان ما نفـعـتش شهادتها هـابقى اديهم كمان تسجيل لـمكالمتك انتي وسليمان وانتي بـتتفـقي معاه عشان توديني ليه يا واط^ـيـه ساعتها هنبقى نشوف مين الكدابه فينا بقى !.
Flash
بقولك ايه يا بت يا بسمه !
- فيه ايه يامي خير ؟
- انتي ما طلعتيش من اوضتك من ساعة الحكايه المنيله إياها هتفضلي حابسه نفسك لحد امتى انتي والمخرو^ب اللي انتي اشترتيه دا ؟
- يامي اطلع اروح فين بس؟ اديني بـتلهي في تليفوني احسن من سعاد وقرفها
- طيب على سيرة سعاد ، هيا عايزاكي تروحي معاها مشوار عايزه تشتري هدوم ومش عايزه تطلع لوحدها طلبت مني اقولك اذا تقدري تروحي معاها .
انا بإستغراب : انا ؟؟ وهيا من امتى سعاد بتطلع معايا في مشاوير ؟! ما انتي عارفه انها طول عمرها قارشه مِلحتي ايه اللي حصل ؟ الموضوع أكيد فيه إنَ 🤔 وكمان هيا متعوده تطلع لوحدها في كل مشاويرها ليه المشوار دا عايزه تطلعني معاها مع انها ما بتطيقنيش ؟
- يا بنت ما تبقيش شكاكه كده انتي عارفه انها ممكن تبيع اهلها عشان الفلوس ، تلاقيها لما عرفت انك هـتتوظفي بقت عايزه تتقرب منك عشان تبقي تحني عليها بقرشين ولا حاجه أكيد دي كل الحكاية.
- مش عارفه ... بس الموضوع دا فيه حاجه مش مضبوطه .
- يا بت انتي هـتخسري ايه ؟ روحي معاها وانتي تعرفي نيتها وكمان الاجازه قربت تخلص وانتي ما عندكيش لبس جديد وكده كده كنتي لازم تطلعي تشتري هدوم انتي كمان للشغل .
- طيب ماشي هروح معاها و امري لله .
بعد يوم
- هو احنا رايحين فين يا سعاد ؟
- قربنا نوصل اهو هو دا المحل ، صاحبه معرفه قديمه هو سوري بس بيجيب حاجات حلوه وهتعجبك قوي .
سعاد - اهلا يا سليمان اخبارك ايه ؟
سليمان بـيبصلي من فوق لتحت وبـيبص لسعاد وبـيغ^مزلها : اهلين فيكي سعاد ومين القمر ما تعرفينا ؟
سعاد وهيا بـتبتسم بخبث : دي بسمه بنت اخويا لسه مخلصه جامعه .
مد ايده يسلم عليا : اشرفت فيكي انسه بسمه ☺️
بصيت عليه وعلى إيده الممدوده وابتسمت له ابتسامه بلهاء : متشرفه واسفه ما بسلمش على حد وروحت اشوف الهدوم وسيبته واقف متنح ، اتهامسو هو وهيا يجي دقيقه وبعدين قالتلي مش لاقيه مقاسي يلا بينا نروح .
استغربت لانها اصلا ما شافتش حاجه ، ولانها غبيه ما انتبهتش اني كنت مراقباها 🙄😂
رجعنا البيت وكنت ناسيه البودره بتاعتها في شنطتي ، كانت مجنناني قبل ما نطلع انا وهيا عشان احط منها قال ايه قال وشي أصفر ودبلان قولتلها طيب سيبيها هاحط منها بعدين ومرضيـتش احط منها خوفت من اصرارها علي لأنها كانت دايما بتعملي حاجات مؤذ^يه لأنها بتعرف مشايخ كثير و مشـعـو^ذيـن فقولت اكيد البودره دي فيها حاجة
قولت ارجعها يمكن تكون محتاجاها واول ما قربت على باب اوضتها سمعتها بتتكلم في التليفون ولانه تليفونها كان سماعته بايظه مشغله الإسبيكر ، لفت انتباهي فوراً صوت راجل معاها عـالخط وقفت بسرعه ورا الباب قولت اسمعها بـتقول ايه لانه خطر ببالي اسجل كلامها يمكن حاجه تنفعني للزمن 😅 بس انصدمت لما سمعتها بتتكلم عني !!
- بس ايه رأيك في البنت بصراحه مش قولتلك جامده ؟
- جامده شووو ؟ البنت صاروخ 😍 ، بس مبين عليها مش سهله يعني كيف هـتقدري تقنعيها ؟
- ما تشغلش بالك إنتَ هـبقى اضبُطهالك بمعرفتي ، زي ما عملت وجيـبتها النهارده 😁
وضحكت ضحكه خبيثه .
جريت بسرعه على اوضتي قبل ما تحس بيا ! رجليا كانت بتخبط في بعضها من الصدمة ! يا نهار ابوكي اسود يا سعاد الـكلـ^به ؟!! هيا حصلت عايزه توديني لرجا^له كمان ؟! طيب بسيطه والله لـ اخليكي تندمي ندم عمرك على كل اللي عملتيه وبتعمليه فيا دا انا وامي و مسيره يجي يوم ادفعك فيه القديم و الجديد يا واط^ية .
Back
حطت ايدها على بُقي وهي بتبص لـ برا بخوف شديد لحد يكون سامعنا : بس خلاص يا بسمه الله يخرب^يتك هـتفضح^ينا قدام أمك وامي !
ضحكت بخبث : و الله اللي هيتخرب بيته و يتفضح هو انتي انا صفحتي بيضاء معنديش حاجة اخاف منها 🙄.
- طب خلصيني عايزه ايه وتسدي بوقك ؟؟؟
- الموضوع بتاع محمد دا يتقفل نهائي ولو حد وصل خبر لابويا من قريب او بعيد انتي عارفه اني هـقول واطلع كل اللي عندي و مش لابويا بس كمان ....يعني مش بس تتكتمي عالخبر ، انتي هتمنعي يوصل لابوي نهائي فاهمة؟
قاطعتني بارتباك وخوف - طيب طيب انا مش هـتكلم ولا هـاقول حرف وانتي حسك عينك حد يعرف اللي انتي عارفاه دا ، ووعد هـكلم امي تبعد عنكم وعن الموضوع دا خالص
- انا بــ عِزه : تمام وانا مش هـتكلم ولا هـفتح بُـقي يا سعاد طالما ملتزمه الأدب وحاطه لسانك جوا بُـقك وفيه حاجه كمان ، كلمه زياده عن خالتي او شتيمه تانيه لامي انتي عارفه اللي هـيحصلك .
شاورت لي براسها بالموافقه وطبعا هيا كانت هـتمو^ت من الحسره والقهر ، لاني كسرتْ نفسها لإني لـ اول مره اواجهها وعيني في عينها كمان 😎 وتكون خايفه من حاجه للدرجه دي !! 😁
- طلعنا وكأننا ما اتكلمناش ولا حصلت اي حاجه ما بينا ، وجدتي وامي ما زالو في نفس ذهولهم من اللي حصل قدام عيونهم ،عمتي وشها أصفر مفيهوش نقطة دم من الخوف خدت جدتي و مشيت على اوضتهم جدتي بتسأل و تجز على سنانها بغل - ايه الحكاية يا سعاد ما تفهميني؟؟
- تعالي يامة انا هفهمك حاضر بس تعالي مينفعش نتكلم هنا.
امي جات ناحيتي مخضوضة : ايه الحكاية و مين دول اللي كنتي بتتكلمي عليهم ؟ رديت بانتصار : ما تشغليش بالك انتي يا ماما المهم ان سعاد مش هتقدر تزعجنا بعد كدة 🙂
- ازاي ؟؟ و حكاية محمد اللي هتنشرها في البلد ؟
- يا أمي قلتلك ولا هتقدر تعمل حاجة٫ عشان تتطمني يا ستي انا هقولك : لاني ماسكة عليها بلاو^ي زرقة مش هتتجرأ تقول نص كلمة و اعفيني من التفاصيل لانك بصراحة مش بتعرفي تمسكي لسانك بحرف و انتي مع ابوي 😅.
اتنهدت أمي راحة .. و قلت في سري واخيرا ارتحت من ظلم سعاد وجبروت جدتي .
اما نشوف بس حكاية محمد هترسى على ايه ، اهوو بوق سعاد و سديناه و يا رب ما يطلع حد الحكاية من مكان تاني 😥
- تابع الفصل التالي عبر الرابط: (رواية حب مستحيل) اضغط على أسم الرواية