رواية خطايا عاشق مجنون بقلم نور ناصر
رواية خطايا عاشق مجنون الفصل الرابع 4
تمُر على الإنسان أوقات.. تكون فيها أعظم أمنياته، هي أن لا يشعُر 🖤."
ــــــــــــــــــــــــــــــــــــــــ
_استيقظت سماء من نومها وهي تفرك عيناها بملل...
نظرت لنور النائمه بجوارها وابتسمت بمرح، ثم احتضنتها بقوه واردفت: ده انا الصاروخ نايم جمبي وانا معرفش ي خساره ضيعنا الليله..
نور وهي تمسح دموعها يبدو انها لم تنم منذ الامس: اوعي ي سماء بطلي رخامه..
سماء بقلق: اي ده في اي يخربيتك ده انتي عنيكي وارمه وحمرا د*م..
جلست نور واردفت بقلق: ي نهاري بجد عنيا حمرا..
سماء بحزن : كريم صح؟..
نور بدموع لمعت مجددا بعيناها: متجبليش سيرته ي سمااء والنبي..
سماء وهي تحتضنها بحزن: طيب خلاص بقي متعيطيش والله هو بيحبك انتي بس لو تديه فرصه..
نور ببكاء: انتي ي سماء بتقولي كده اومال لو متعرفيش اللي عمله فيا واللي بيعمله..
سماء بهدوء: مهو عشان بيحبك ي بنتي حد لاقي حد يعشقه بالشكل ده، ده ولا مجنون ليلي..
نور وهي تبتعد عنها: انتي بتقولي كده عشان بس شايفه الموضوع من بعيد...
سماء بتنهيده: والله برجع واقول معاكي حق كريم مزودها اووي..
نور وهي تنهض: كبري دماغك انا اتعودت ع تصرفات اخوكي بس هانت وهخلص منه..
سماء بمرح: اي هتقتليه ولا اي..
نور وهي تضربها المخده: ابو شكلك هتلبسيني مصيبه...
نهضت نور واردفت: ابقي طلعيلي حاجه البسها لحد ماخد شاور...
سماء وهي تبحث ع هاتفها: عندك الدولاب خدي اللي يناسبك واياكي ي نور تخلصي الشامبو ع شعرك الطويل ده..
نور وهي تخرج رأسها من باب المرحاض: بس ي صورم، وقوليلي صح اي اللي حصل مع شريف امباارح ي سوموو...
سماء وهي تنهض من فراشها: ولا حاجه اللي سمعتيه وبس..
نور من داخل المرحاض: طيب وعمر انا لما مشيت شوفته داخل النادي..
سماء بتنهيده: ولا حاجه جه وقعد معانا احنا والشله وبعدين جه شريف ومشيت معاه وهو كان هياكلني بعنيه..
نور: حراام عليكي والله بيصعب عليا..
سماء بحده: ميصعبش عليكي غالي، وبعدين هو انا عشمته بحاجه هو اللي عمال يقول للمدرسه كلها انه بيحبني مع اني رفضته وقولتله انه زميلي وبس وحتي بعد مدخلو الجامعه عمال يقول كلامه الرخم ده....
نور: خلاص متتعصبيش..
سمااء: هطلع اشوف الفون بتاعي فين مش لاقيااه..
نور بقلق:طيب اقفلي الباب وراكي..
سمااء بمرح: متخفيش كريم زمانه بيجهز عشان رايح الشغل..
نور بحده: ي برووود ي رخمه...
ــــــــــــــــــــ
_ذهبت سماء خارج غرفتها لتجد كريم يهم بالنزول..
سماء بغيظ: اهلا بعم النكدي..
كريم ببرود: كويس وشوفتك خدي الموبيل بتاعك اهو نسيته مع شريف امبارح..
سماء وهي تاخذه منه: اشطا انا كنت بدور عليه اصلا، وقولي ي سخيف اي اللي عملته فنور امبارح ده البنت يعيني للصبح بتعيط حرام عليك والله..
تنهيد كريم بغضب: هي اللي عصبتني..
سماء بسخريه: ي رااااجل!! والله انت ارخم بني ادم اعرفه..
دلف اكرم خارج غرفته لينظر لسماء بغضب..
سماء بتردد: صباح الخير ي كوكو..
اكرم بحده: انتي متتكلميش معايا تاني لما تحترميني انا وابوكي واخوكي وتتعاملي ع انك بنت محترمه يبقي تعالي كلميني..
_ تركهم اكرم وهبط للاسفل..
كريم بمرح لسماء التي هبطت دموعها بالفعل: سيبك منه يومين وهينسي...
اومئت سماء بحزن وهي تمسح دموعها..
كريم: هي نور مشيت..
سماء وهي تدلف لغرفتها: لا لسه..
تنهد كريم ونظر امامه بخبث وهبط للاسفل..
ـــــــــــــــــــــــ
نور وهي تنظر لسماء التي تلهو بهاتفها: انتي مش هتروحي مدرستك..
سماء بملل: تؤتؤ بكره..
نور: والله شكلك هتشيلي السنه دي كمان وهتعيديها..
سماء وهي تتمدد ع فراشها: عادي انا ورايا حاجه وبعدين مانا مش عايزه ادخل كليه اصلا مالها المعاهد اللي سنتين..
نور وهي تاخذ حقيبتها وتدلف للخارج: مجنونه اقسم بالله..
_ هبطت نور للاسفل لتجد فريده وطارق واكرم يتناولون افطارهم، حمدت ربها بأن كريم ليس معهم..
فريده: تعالي ي نور افطري..
نور بهدوء: ميرسي ي خالتو، متاخره والله عشان عندي محاضرات مهمه..
اكرم: طيب استني افطر واوصلك..
نور وهي تذهب للخارج: لا مفيش داعي انا هاخد تاكسي..
طارق بحده بعد ان غادرت نور: انت يالا معندكش دم كنت قوم وصلها وبعدين افطر..
اكرم ببرود: كريم مستنيها بره ي بابا..
صمت طارق وهو يتنهد بغيظ من افعال ابناءه..
_هبط كريم من سيارته ما ان لاحظ دلوفها للخارج: نور تعالي هوصلك..
نور بحده: لا هاخد تاكسي شكرا..
كريم وهو يمسك يدها بهدوء: نور اسمعيني..
نور وهي تجذب يدها منه بغضب: سيب ايدي انا ولا عايزه اسمعك ولا اشوفك تاني...
كريم بتنهيده: والله انا اسف ي نور مكنتش اقصد ادايقك امبارح بس انتي استفزتيني و..
نور بسخريه غاضبه: امم عادتك ولا هتغيرها تغلط وتيجي تعتذر بس انا مش هقبل اعتذارك لا زمان ولا دلوقتي..
كريم وهو يحاول التحكم بغضبه: تمام ي نور متقبليش براحتك، بس تعالي اوصلك..
نور وهي تشير لذلك التاكسي: سيبني ي كريم فحالي ارجوك..
_ صعدت التاكسي وغادر سريعا من امامه..
كريم وهو يتحدث بالهاتف: ايوه ي سمير نور هانم رايحه بيتها دلوقتي تخليك متابعها وتقولي كل تحركاتها زي كل يوم..
الاخر بصوت غليظ: اوامرك ي باشااا..
_ صعد الاخر سيارته وغادر لعمله..
ــــــــــــــــــــــــــــــــــــــــــــــــــــــــــــــــــ
=بعد مرور بعض الاياام...
ـــــــــــــــــــــــــــــــــــ
_كانت نور دالفه خارج قاعة محاضرتها، ليوقفها ذلك الشاب الذي يدعي احمد..
احمد بجمود: نور استني..
نور وهي تنظر حولها للطلاب الذين ينظرون لهم بفضول: نعم ي دكتور احمد..
احمد بجديه: عايز اتكلم معاكي ودلوقتي..
نور بصوت هامس: انت واخد بالك احنا فين ي احمد..
احمد بحده: ايوه واخد بالي ولو ي نور مجتيش معايا دلوقتي نتكلم زي اتنين مرتبطين هقول قدام الكل دلوقتي اني بحبك واللي يحصل يحصل..
نور بخوف وهي تنظر حولها: طيب انت اطلع وانا هاجي وراك..
احمد بصوت عالي: مع بعض ي نور...
نور بسرعه وخوف: حاضر حاضر يلااا..
_ دلف الاثنان خارج الجامعه..
نور بخوف: احمد انا هاجي وراك بعربيتي..
احمد بحده: لا هتركبي معايا ي نور..
جذبها من يدها تحت انظار الجميع والخوف منها وهي تنظر حولها بقلق من ان يراها كريم...
ولكنها لم تنتبه لذلك الرجل الذي التقط لها الصور وهي تسير مع احمد وتصعد معه السياره..
_ فماذا سيحدث..
ـــــــــــــــــــــــــــــــــــــــــــــــــــــــــــــــــــــــ
هايدي بمرح: طيب ي اكرم انت تعرفها شكلها يعني وكده..
كريم: لا اكرم بقاله اكتر من 10 سنين مرحش الصعيد..
اكرم: اخر مره شوفتها فيها كان عندها 6او7 سنين اللي فاكره ان كانت عنيها زرقه بس..
كريم بخبث: امم لسه فاكر لون عنيها ي هايدي..
هايدي بفضول : طيب ي كريم انت بتروح الصعيد كتير اوصفلنا شكلها او لو معاك صوره وريهالنا..
كريم بعبوس: انا مش معايا صور ممكن مع سمااء تلاقو..
هايدي بفضول: طيب اوصف شكلها..
كريم بحمااس: اسمعوو هي طويله جدا تقريبا اطول من اكرم ورفيعه اوووووي..
اكرم بصدمه: استني بس استني اطول مني ازاي ده انا 180 سنتي هي كام ع كده..
هايدي وهي تكتم ضحكاتها: استني بس ي اكرم كمل ي كريم..
كريم: نحيفه بشكل فظيع شفايفها كبيره كده وليها ضب بس للحق مش كبير ومناخيرها كبيره مش طويله بس واكله نص وشها هي بيضه مننكرش بس بياض يغم ع النفس كده حتي عنيها الزرقه واسعه بشكل كبير شبه البرص كده، بس سيبك من كل ده المهم الروح..
اكرم وهو يبتلع ما بجوفه بغيظ: اممم هستفاد بروحها اي اناا..
كريم بحزن: انا مكنتش عايز اقولك بس مش هغشك حتي روحها تجيبلك اكتئاب مسهتنه كده ومبتتكلمش تحسها فعالم تاني لوحدها..
هايدي وهي تنظر لاكرم: لا متصدقوش باين اووي انه بيكذب..
كريم ببرود: وانا هكذب لي انتو قولتولي اوصفها وانا وصفت واهو يومين وهتروح بنفسك وهيتأكدلك كلامي..
اكرم بغضب: انت بعد اللي قولته سديت نفسي اني اروح اصلا..
هايدي بهمس لاكرم: اخوك بيكذب والله..
كريم وهو يمسك هاتفه الذي اعلن عن وصول رساله: سمعتك ي هايدي..
هايدي بمرح: تؤ تؤ مش عليك انت ع حد تاني..
تحولت ملامح كريم من الابتسامه للغضب بشكل مخيف وهو يري صور نور مع احمد..
اكرم بقلق: في اي ي كريم..
كريم وهو يذهب للخارج ببركان غضب: مفيش انا ماشي..
هايدي بقلق: ماله ده..
اكرم بهدوء: سيبك. تلاقي نور خرجت من غير متقوله، وقوليلي فاضيه النهارده...
هايدي وهي تهم بالنهوض: تؤ مش فاضيه خلاص بقيت عايشه عند بابا وراح زمان وليالي زمان..
اكرم بغيظ: امم طيب انا رايح الصعيد كمان يومين مش هنعمل حفلة وداع ع الاقل..
هايدي وهي تذهب للخارج بهدوء مستفز: هشوف مزاجي واقولك..
ـــــــــــــــــــ
كريم وهو يصعد سيارته ويتحدث بالهاتف بغضب: اي ي سمير راحو فين..
سمير: لسه فالعربيه ي باشا بس اهم وقفو عند كافي اسمه ***..
كريم بغضب شديد: طيب خليك عندك انا جااي..
اغلق معه وهو يقود سيارته بسرعه كبير ويتوعد لها ولذلك الذي تجرأ واقترب من معشوقته بالكثير من العذااب..
ـــــــــــــــــــــــــــــــــــــــــــــــــــــــــــــــ
شريف بملل: ي هدير فالطريق اهوو والله مش هتاخر..
هدير: اوكي مستنياك ي بيبي..
اغلق شريف معها وهو يقود سيارته ذهباً الي تلك هدير كي يتناولون الغداء سوياً..
قطع شروده بالطريق رنين هاتفه برقم غريب..
اجاب بجمود: الو..
اتاه صوت رجل غليظ: ازيك ي حضرة الظابط...
شريف بقلق: مين..
الرجل: الكبير اللي تاعب نفسك عشان تعرف هو مين..
اوقف شريف سيارته واردف بحده: وقريب اووي هوصلك وهخليك تاخد جزاءك انت واللي زيك..
الكبير بضحك شديد: طيب بالراحه ع نفسك ي حلو وبعدين انت بصراحه عجبتني لما علمت ع الرجاله بتاعتي وحبيت اردلك الجون عشان نبقي متعادلين..
شريف بقلق: قصدك اي..
الكبير بخبث: مكدبش عليك لما شوفت تسجيل الكاميرات بتاعت المكان اللي كنت فيه عجبتني ودخلت دماغي الكتكوته اللي كانت معاك اللي هي اسمها نجوم لا قمر تؤتؤ سمااء، سمااء طارق القاضي صح..
شريف بغضب كبير: اسمع ي راجل انت والله لو قربت من اي حد يخصني ه...
الكبير بسخريه: هتعمل اي هاا هتعمل اي؟..
صمت شريف بغضب فهو حتي للان لا يعرف شكله...
الكبير بخبث: هي صغيره كده بس شرسه ودخلت دماغي، هي مدرستها هتطلع امتي كمان ساعه صح..
شريف بخوف: اسمع انت لو لمست شعره منها ه..
اغلق الاخر بوجهه، ليحول مسار طريقه للجهه الاخري الي مدرسة تلك الصغيره..
_ فماذا سيحدث...
- يتبع الفصل التالي اضغط على (رواية خطايا عاشق مجنون) اسم الرواية