رواية ندم البعد بقلم رحمة محمد
رواية ندم البعد الفصل الرابع 4
بعد ما فريده روحت وقعدت مع مامت عاصم ومي
عاصم: انا طالع شقتي
فريده: عاصم استني هاجي معاك ارتاح شويه
مامت عاصم ومي بصو لبعض مكنوش عارفين يقولو اي
عاصم بصلها : بس...
قاطع كلامه مامته الي هزت دماغها بالرفض بسرعه بمعني يسكت
عاصم اتنهد: تمام يلا
وخدها وطلعو الشقه وهو دخل الحمام خد شاور ولما طلع وقف مكانو من الصدمه
فريده كانت قعده علي كنبه ولابسه قميص ابيض بتاع عاصم طويل عليها ومبين رجليها وشعرها مفرود وشكلها جميل
عاصم بلع ريقه بصعوبه ومكنش عارف يشيل عينه من عليها
فريده اتكسفت من نظرته: احمم اسفه لبسته اصل فتحت دولابي ملقتش هدومي هي راحت فين
عاصم قرب منها ورد بعدم تركيز : ها
فريده رجعت لورا: انت مضايق عشان لابسته
عاصم قرب منها اكتر: انتي ازاي جميله كدا
فريده اتكسفت وابتسمت : وانت كمان جميل
عاصم سحبها من خصرها وقرب منها ودفن راسه في رقبتها
فريده بكسوف: عاصم انت بتعمل اي ابعد
عاصم رفع راسه وبقا باصص في عيونها الخضرا ازاي جميله كدا وازاي مكنش شايف الجمال دا معقول كان اعمي ومكنش شايف حبها ولسه بيحب واحده اول ما سبتو راحت اتجوزت وعايشه حياتها عادي
فريده خدودها احمرت من الكسوف : احمم عاصم
عاصم بص لخدها وطبع بوسه رقيقه عليه وبص لشفايفها ولسه هيقرب منها افتكر انه طلقها ومبقاش لي اي حق يقرب منها كدا
بعد عنها بسرعه ودخل الاوضه بتاعته من غير ما يتكلم
وهي فضلت بصه ليه مش فهمه حاجه
بعد فتره طويله صحي عاصم علي صوت خبط ودوشه في المطبخ
عاصم بصوت عالي: فريدههه
مردتش عليه نفخ بضيق وقام راح المطبخ لقاها واقفه قدام التلاجه
عاصم بصوت عالي : فريدهههه
فريده اتخضت وبصت ليه: في اي
عاصم: اي صوت التخبيط دا
فريده ابتسمت: كنت جعانه في قومت اعمل اي حاجه اكلها
عاصم اتنهد: ماشي
ولسه هيمشي فريده وقفتو: استني انا خلصت اهو تعالي ناكل سوا
وبدات تجهز الاكل وعاصم بيساعدها وقعدو كلو مع بعض وفريده بتتكلم وبتضحك وهو باصص ليها وسرحان في ضحكتها وكلامها وعيونها الي بتلمع من الفرحه وحركتها
فريده بستغراب: عاصمممممم
عاصم انتبه: في اي
فريده ببتسامه: روحت فين عماله انادي عليك
عاصم: مختش بالي (وقام وقف) هقوم اجهز عندي شغل
فريده ببتسامه: ماشي ي حبيبي
وبدات تشيل الاطباق مكان الاكل ودخلها المطبخ وعاصم واقف مصدوم من كلمة حبيبي
رجعت تاني لقتو لسه واقف: انت لسه واقف روح اجهز عشان متتاخرش
عاصم انتبه: ا.. ايوا هروح اهو
ومشي دخل الاوضه وفريده واقفه بتضحك عليه
وبعد فتره خرج لقاها قعده بتتفرج علي التلفزيون افتكر اليوم الي طلقها فيه وحس بندم كبير انه طلقها قرب منها
عاصم: انا نازل
فريده بصتله ببتسامه زي الاطفال : هاتلي حاجه حلوه وانت جاي ماشي
عاصم غصب عنه ضحك: حاضر ي طفله
ولسه هيمشي فريده: استني
وقامت ووقفت علي طراطيف صوبعها علشان تطوله وطبعت بوسه علي خده: خد بالك من نفسك
عاصم ابتسم وباسها من جبينها: حاضر
وخرج من الشقه
فريده ابتسمت ورجعت تاني تتفرج علي التلفزيون
عاصم وهو خارج من الشقه ولسه هيركب الاسانسير
....: عاصم
- يتبع الفصل التالي اضغط على ( رواية ندم البعد) اسم الرواية